الأحد، أبريل 27، 2008

سوالف انتخابية

(1)
~~~~~~~~~~
لفتتت نظري بقذلتها الطاله بدلع هيلقيي من حجابها
وبأظافر يديها المطليه بطلاء احمر ملفت للنظر
مرشحة في احد الدوائر الثلاث الأولى
يسئلها المذيع عن رأيها في نوريه الصبيح
فتشتط في الدفاع عن تلك المرأه الحديدية

وعن قدرتها في اداره وزاره التربيه اداره صحيحه

ثم تعرج بها الأحاديث الى الهاجس الذي يشغلها كمرشحة لمجلس الأمة
والقضيه الاولى لديها
قضية الرياضة في المدارس
!!
نعم إنها الرياضه في المدارس
تنظر للكاميرا بحركة تمثيليه
وتؤشر لنا بسبابة يدها

تم تخفض صوتها قليلا:

صالات الرياضه في المدارس تقفل
وأبنائنا يلعبون خارج الصالات في الساحات تحت الشمس
يرجعون محتقنين الوجه منهكين
لاوقت للرياضه ولا مكان
فقط حشو وتحفيظ وتلقين
اطفالنا يلعبون خارج صالات الرياضه
هل يعقل ان يحدث هذا في الكويت؟
يعلو صوتها قليلا،تلف فجأة
ثم تصرخ بوجه الكاميرا بتحدي:
نعم ...عندي اثباتات على هذا الكلام
نعم اطفالنا يلعبون خارج صالات الالعاب المغلقه في المدارس
!!!!!
تنتهي من الكلام عن قضيتها الكبرى
ثم تعاتب الحكومه بطريقه حريمية :
وليش يا حكومه ما تدعمين الحريم؟
اشدعوا يا حافظ؟
وعند كلمة اشدعوا يا حافظ..انتهى كلام المرشحة صاحبة القضية الاكبر والاهم في هذه الانتخابات
(2)
~~~~~~~~~~~~~
صحى من نومه على حلم جميل...رأى فيه نفسه على مقعد في مجلس الأمه
فقرر بين ليله وضحاها ان يكون مرشح في احد اقوى الدوائر تنافسا
وبدأ بالمرور على الدواوين واحده تلو الأخرى
يسئله احد الشباب الجالسين في الدوانيه عن رأيه في إزاله الدواوين
فيبهر الجميع باجابته العظيمه:
سوالف سياسه الحكومة أدرا فيها
ومااحب اتكلم عنها
!!

عيل منو ومتى بيتكلم عنها؟

قال إيه؟

الحكومة ابخص

:Pp~

(3)

~~~~~~

كبير بالسن ...شايب
وحيد في منزله بعد مرض زوجته وسفرها مع احد الابناء
من يحط راسه على المخده القايله تتسلط عليه عضوة لجنة لاحد المرشحين:
ألو السلام عليكم
!
معاك اللجنة الاعلامية للمرشح فلان الفلاني
يوم..يومين...ثلاث ايام
الرابع يستعسر الشايب ويزفها:
يااابوج استحي الناس نايمة وانتي تدقدقين
نامي هيعو لا إاله الا الله عليكم
!!
وآخر جالس بأمان الله
يرد على رقم غريب يرن بهاتفه
ليأتيه صوت ناعم يسئله ان كان فلان؟
معك الللجنة الاعلامية للمرشح الفلاني
أعتقد عيب،!!
ولا خبرنا من قبل حريم يدقدقون على ريايل بهالطريقه
شئ لا نرضاه لا ذوقيا
لا اخلاقيا
ولا دينيا
(4)
~~~~~~~
صاحبة فكر ونظرة ووعي
تقتنع باحد الاشخاص لذاته دون اي علاقه قربى او نسب
فتقرر العمل ضمن حملته الانتخابيه بنشاط ومثابره
فتسئل من الاخريات:
فلان يعطيكم شي؟
تبتسم:
لا طبعا
!!
تتحسر على حال صاحبتها ففلان المرشح يعطي ذاك السعر بالاسبوع
غير الهدايا والمكافآات الموعودين فيها
معقوله وصلت بشبابنا وبناتنا التفكير بهذا المستوى المادي البحت؟
وآخرى تستذبح لعلها تجد واسطة للعمل مع مرشح ذو اسم رنان
هل لانه صاحب فكر وانجاز؟
هل لانه مرشح في دائرتها؟
هل لانها تشعر برغبه بعمل شئ للكويت؟
كل تلك الاسئله نكتفي باجابتها المبهره :
لا والله
!!
بس نبي نرتز بالمقر
جود الله يرزقنا مني مناك
(5)
~~~~~
كل يوم انهي يومي بمشاهدة المرشحين في القنوات التلفزيونية المتخصصه
امس كان هناك فلم عاطفي لمرشح جهراوي
دموعه تصب بشكل هستيري
وصراخة يعلو على كل صوت:
فزعووو لي
الله يخليكم فزعوو لي
لا تخلوووووني يا ااهلي لااااااا تخلوني
والله الكرسي ماهو تحتي
والله الكرسي بيكون فوق راسي بس صوتو لي
!!
تستقبل المذيعه الاتصالات من المشاهدين
احد المؤيدين لهذا المرشح يبشره:
روح يا فلان وكلنا وراك
!!
يفترض يبتسم ويشكره ولكنه صرخ:
لااااااااااااااااااااااااااااااا
منتو وراي والله
أنا ابيكم جدااااامي
......
تسئله المذيعه عن خططه وبرامجه
فيجاوبها جواب عرضي:
واللله اني اليوم في مقبره الجهرا اصييييييح
وابكييييييييييييييييييييييي
على كل الاموات
والله ان عجيّز من عجاير الجهرا تسوي الدنيا بعيني
ثم يرجع للبكاء
........
دمعتك يا ابو فلان عزيزه على أهلك وأهل ديرتك
ولكن..ما هكذا يتم التعامل والتعاطي مع الأمور
نحتاج لرجال اكثر اتزان نفسيا وعاطفيا ممن يبكي طوال اللقاء
ويرتجي الفزعة والاصوات
الكويت تحتاج شخصيه ونظره ونضوج
!
(6)
~~~~~~
مرشح يسئل عن سبب اعلانه ترشيحه لنفسه
فيجاوب جواب مبهر قوي:
ابي ارد فضل الكويت على ابوي وجدي
ابوي فلان اللي سوا وسوا
وجدي فلان اللي سوا وسوا
!
ولهذا المرشح نقول:
خيرك سابج ماقصرت
واصل واصل
بس انته شنو سويت؟
:pP~
(7)
~~~~~~~
كل يدعي وصلا بليلى
وليلى اليوم ...هي الكويت
الكويت التي تنظر لنا بألم
ترتجي منا احترام ماضيها
وتخطي عثرات حاضرها
والانطلاق نحو مستقبل جميل لها
!!
اللهم احفظ الكويت وشعبها
اللهم ولي امورنا خيارنا
ولا تولي أمورنا شرارنا
اللهم أصلح من تولى ..
ووللي من يصلح
اللهم هييء للمسلمين أمر رشد ،
يعز فيه أهل طاعتك ..
ويذل فيه أهل معصيتك
اللهم أرنا الحق حقا وارزقنا اتباعه
وأرنا الباطل باطلا وارزقنا اجتنابه
اللهم آمين

هناك 50 تعليقًا:

هنوفي يقول...

مساء الخير
من طول الغيبة يابلنا هالسوالف الحلوة :))
بس حسافة جان زين قايلتلنا اساميهم صج شوقتيني اعرف منو ؟؟ ترى عادي اهما طالعين بالتلفزيون يعني عادي عندهم اللي سووه .. الله يعينا هالاشكال ويحفظ ديرتنا منهم بس صج صج ودي اعرف الي ام قذلة منو ؟؟؟!!

الزين يقول...

اخييييييييييه يا استكانه

تهقين بيي اليوم واشوفج مرشحه

منى عيني

اول وحده تشتغل لج

واول وحده توقف وياج

واول صوت بيكون صوتي لج

ولا تحاتين اليهال

انا وياج بينا اتفاق مسبق

:***


وعلى دعوتج الزينه لكويتنا

اللهم آآآآآآآآآآآآآآآآآآمييييييييييييييييييين

bin3li يقول...

أمين :)

SolaimaN يقول...

امين

عبدالرحمن يقول...

الموضوع المفروض يكون عنوانه نكت الانتخابات

المضحك المبكي

الله يوفق الصالح ويبعد الطالح

ويحفظ هل ديره

Najmah يقول...

آميييييين يارب العالمين

استكاانة
حتى انتي سياسة وانتخابات
الله يخليج لا يعادونج
:Pp


وانا مع الزين ;)

The Voice Within يقول...

ظيييييم و ظلااااايم

لوووول! يالله إخذي! بالله هذيل كفو يدشون المجلس!

بس و الله عجبني الريال العوود ' استحوا و هيعوا'
والله كفو قلعتها زين يسوي فيها!


حدي حبيت البوست

تسلم ايدج

ولد الديرة يقول...

يبي يرد فضل الكويت يا ناس

خلوه :)

Q8i Blogger يقول...

لو تكتبين لي باجر ماتخلصين من هل ميانين .. يزيدون وايد هل فتره

يعطيج العافيه

الخيلاء يقول...

اللهم امين

استكانه كل الي كابتيه شفته لول
شكلج قاعده معانا ..

تدرين من كثر ما شفت اخبار للانتخابات انام و احلم فيهم .. مع انه مالي شغل :)


من زمان ما مريتيني :)
ترى شريت مكينه يديده للميلك شيك
حياج جربيها

:Pp

حلم جميل بوطن أفضل يقول...

الله يطيل و يديم الأحلام الجميلة

شوفوا يا ناس ترا هي اللي تنغز. و أنا البرئ أحاول الصد

Zabo0o6a يقول...

رحموووني ياناس البيت مايسكت من سوالف الانتخابات والوالدة مشتطة معاهم أحس صدعيت !
حتى أحلامي صارت كلها انتخابات ومرشحين وانا للحين مو مقيدة :Pp

5roofa يقول...

لووول امبي محد ضحكني غير الي ذبح روحه من البجي

الله يخلي الكويت و اهلهااا

يااااااااااااااااارب

salamz sis...

esTeKaNa يقول...

هنوفي
~~~~~~~
مساؤك ورد
:)
طولت الغيبه؟
سامحيني والله بس هاليومين لاهيه بجم شغله واذا لهيت وبالي اشنغل ماعرف اكتب
!!
مممممم
يمكن اهم عادي عندهم
بس انا خفت اكتب اسامي ويتجه البوست والتعليقات نحو لاشخاص دون تصرفاتهم وافعالهم ونقلبها حش وقراظ
وتالي ضميري يأنبني
:))
امييين
ويزاج الله خير يا صاحبة اول تعليق

esTeKaNa يقول...
أزال المؤلف هذا التعليق.
esTeKaNa يقول...

bin3Li
~~~~~~~~
لابد تيي الكويت تحضر عرسنا الدمقرااطي
:)
ويحفظ ديرتكم يارب







سليمان
~~~~~~~~
يزاك الله خير
:)

esTeKaNa يقول...

عبدالرحمن
~~~~~~~~~~
ياهلا يا بو بدر
!
اللهم آمين
جزاك الله خير










najmah
~~~~~~~~~
:)
هلا بالنجمة هلا
انا السياسه عندي غير
سوالف غير ممله
لا تحاتين
اعادي بس ما يعادوني
:Pp~
ويا حبي لج انتي والزين
:*

esTeKaNa يقول...

The voice with thin
~~~~~~~~~~~~~~~~~~~~~~
ياهلا ويا مرحبا
:)
أخييييه والله
يبتيها يب
ظيم وظلايم
وهالشايب ما قصر
ليته يصارخ كل منقوزه بكل لجنه اعلاميه ما تعرف السنع وتدقدق على ناس باوقات غير مناسبه
!!
حبتج العافيه
وحياااااج اللله

esTeKaNa يقول...

ولد الديرة
~~~~~~~~~~~~
مشكله اللي بيوجبون على حسابنا
!!
قلنا له استريح
خيرك سابج
مو الا ترد لها الفضل
بس مصمم
يالله شنسوي بعد
:pP~

esTeKaNa يقول...

q8i-blogger
~~~~~~~~~~~~~~
انا اول يصكون راسي
بس هاليومين صايره استانس لي انتهى يومي يبت لي قهوى وجابلتهم عدل
الله يعافي هالقنوات فايدينا
نشوف فيها نماين
إنما أيييه
:Pp~

esTeKaNa يقول...

الخيلاء
~~~~~~~
ياهلا ويا مرحب بالخيلاء
:)
انا يعجبوني المتابعين
الله يعافي هالقنوات
انا مجابلتهم
عسى بس ما يوم اتصل واقول معاكم استكانة واعبر عن رايي
:pP~
واي سامحيني على القصور
صج احب اتنطع بببلوقج
بس هاليومين ما القى وقت فاضي وايد مثل اول
:(
بس زهبي الملك شيك
يايه يايه
:)

esTeKaNa يقول...

حلم جميل بوطن أفضل
~~~~~~~~~~~~~~~~~~~
آمين
:)
لو سمحت حلم
ممكن تدني شوي
ادور على شخص برئ
ما اشوفه صراحة
Pp~

esTeKaNa يقول...

حلم جميل بوطن أفضل
~~~~~~~~~~~~~~~~~~~
آمين
:)
لو سمحت حلم
ممكن تدني شوي
ادور على شخص برئ
ما اشوفه صراحة
Pp~

esTeKaNa يقول...

ZabOoO6a
~~~~~~~~~~~
عشان تكونين مستعده على ما تتقيدين
:)









خروفة
~~~~~~~
الحين المرشح الببجاي ياز لج؟
heheheheheh
:)

charisma يقول...

صباح الورد

هههههه
من ويين يبتى دلع هيلقى
:)))
موتينى ضحك

اقدر اتخيل واتصور الدلع الهيلقى شلون صاير
ههههههههههه

مأساااة


بوست يضحك ويبجى بنفس الوقت
والله خلصته وقلت الله يعيينج يالكويت على هالنماين

مشكله والله اغلب الناس ادور الماده حتى على حساب الكويت

:(

امييين يا رب

عورنى قلبى والله

ARTFUL يقول...

الله يحفظ لنا الكويت
ويكتب الفوز لخيرة المرشحين
اللي يحافظون على الديره
اسلامي ليبرالي شعبي انشالله يهودي بس المهم يدير باله على الديره

هنوفي
ترا استكانه ما غابت أبد اسم الله عليها ،، كل يومين تحط لنا بوست أحلى من الثاني

انا السعيد طافني عمتي تقولي طافك نص عمرك

يسلموا خيتو

=)

qesat_5ayal يقول...

اللهم أمين


استكانة ازيك
:)


الحياء الحين تدورين وراه
وكثير ممن يتغلون عشان مدخول جيد لشغلة بسيطة

اما الريال العود زين يسوي


والانتخابات طماشة
معتزلة الذهاب للندوات
والتفرج على التلفاز

مو بكيفي
بس ماكو وقت


الله كريم

الله يجعل منهم الخير اللي يطلع يمثلنا

Shaima'a Alkandari يقول...

:)


وياما حنسمع كتير كتيييييير


الله كريم عندنا وعندج خير ياوخيتي

5roofa يقول...

لوووووووول تدرين بينا قاسم مشترك
;p

البجي و الدموع

salamz sweetee...

esTeKaNa يقول...

zozota
~~~~~~~~
زينة القلب
صديقتي الصدوقه
أختي الجميلة
حبيبة قلب استكانة

نظرا لخطأ مطبعي فادح مسحت ردي على كلامج وها أنا أعود انتقي لك اجمل الكلمات عل وعسى ترضين وما تزعلين علينا
!!
عاد كل شي ولا الزين
:*
تسئليني ايي اليوم اللي نشوفج مرشحة؟
اقولج وايد في افكار وامور قابله للتغير مع الزمن،بس في ثوابت وقناعات ماعتقد الزمن قادر لتغيرها
لذا
ما عتقد انج بتشوفيني مرشحة الا في بيتنا
:)
الا اذا كنتي انتي بتمسكين الحمله
فممكن اغير رايي
:))

esTeKaNa يقول...

charissma
~~~~~~~~~~~~~
ياهلا بهالضحكة
يا هلا بجسر المحبة
:*
اي والله شي مضحك
مبكي
بس لا يعورج قلبج
ربي حافظ هالديرة بدعائنا
وصدقنا في حبها
الله يحفظ ديرتتنا يارب
:)
عيل ياز لج الدلع الهيلقي؟
الله لا يبلشج فيه
ولا بلي يمارسونه بشكل يومي
:Pp~

MnO YeNSa يقول...

الله الله
تناول راقي للموضوع

و
بسيط ..و يوصل :**

اميــــــــــــــن
يارب و الله الكويت تستاهل
كل الخير

:**

اذا ينزلين قولي
من الحين و ترى انا مع الزين و نجمة
نعين ونعاون عند ويهج :)
و بفتحلج قناة خاصة بعد
:P

شنو شعار حملتج

قلب طفله يقول...

لوووووووول

عجيبه ام الدلع الهيلقي

و اللي يتبجبج حده مرهف

الاحساس و نسيتي بعد اللي يقط

عقاله و يطلب الفزعه و يتقطع

من البجي عشان يمثل اهله

بالمجلس لوووول

الله يوفق اللي فيه خير

للكويت و اهلها

اللهم امييييييييييييين

تسلمين خيتوو بوستج روعه

دمتي بحب

ShLaLaT يقول...

لوووووووووول مسكين اللي بجى
حسافه ما شفته

استكانه ليش مهتمه بالانتخابات
كلها عوار راس


الله يوفق اللي يستاهلون
واللهم آمين على دعائج

باغي الشهادة يقول...

مُجيدة في تسلسل الفقرات

DanDash يقول...

بردتي جبدي

أما ام قذلة هذي نكتة نسيتي مشروعها الأهم عن الخدم

الناس صايرة تستخف بالإنتخابات و بمجلس الامة و دورنا اننا نوعي اي حوالينا و نسمتمر نتكلم عن المرشحين الي يستحقون فـــقــــط

احنا بدائرتنا فيه مرشح شاب نازل بكل قوته و يسألونه عن رأيه في تعديل المادة الثانية من الدستور يقول لهم شنو المادة الثانية من الدستور... هذي أولها ينعاف تاليها

دائرتي ياأخيتي شابه ناار و الله يستر

حفظك الله و رعاك

esTeKaNa يقول...

artfull
~~~~~~~~~~
ياهلا ويا مرحبا باخوي العزيز دائما
:)
تصدق قمت اعرف متى تدش البلوق وتعلق
من ايني ايميل على كومنت
اقول هذا ارتفل هذي حروته
:)
والله عدل كلامك
وعسى ربي يوفق الاصلح يارب
واهم شي اني مابي اقول الاسم وانته قلته
:Pp~
الله يسامحة بدع بنفسه جدام الله وخلقه
يقول هالكرسي ماهو تحتي
هالكرسي بحطة فوووووق
فووووووق
فوووق راسي
هاو!
شهالاستهبال؟
:)

esTeKaNa يقول...

qesat-5aYaL
~~~~~~~~~~~~~
اي والله
الحيا الحين صار العمله النادره جدا
!!
حسافة ان ما عندج وقت
صراحة...طماشه بعض هالمرشحين وندواتهم
شاغلج الدراسه؟
عسى ربي يوفقج ويرزقج اجمل من كل ما تتمنين
قولي آمين يا الغاليه

esTeKaNa يقول...

shaima aLknDry
~~~~~~~~~~~~~~~~
ايييي والله حنسمع كتير
!!
تو الناس الله يستر من الياي
:)












5Roofa
~~~~~~~~
looooool
:)

esTeKaNa يقول...

Mno YeNsa
~~~~~~~~~~~
يا هلا ويا مرحبا
وي يا بختي
حمله انتخابيه بايدي امينه حتى قبل لا اقرر ارشح نفسي
:pP~
اخيييه يا اخيتي والله عورني قلبي
صج صج
الكويت تستاهل كل خير
:)

esTeKaNa يقول...

قلب طفلة
~~~~~~~~~~
ياهلا ويا مرحبا بقلب الطفلة والله
:)
وييي اصلا بعض المرشحين افلام
بنشوف اخرتها وياهم
عسى ربي يحفظ ديرتنا ويرزقها الاصلح يارب
وحياللله هالقلب والله

esTeKaNa يقول...

shaLaLat
~~~~~~~~~~~~
هلا بالشلالات والله
:)
هذا مو اهتماام بمعنى اهتمام
هذا تفاعل مع المستجدات المحلية ومع حياتنا هاليومين اللي كلها انتخابات بانتخابات
!!
امييين
وحياج الله
:)

esTeKaNa يقول...

باغي الشهادة
~~~~~~~~~~~~~~~
شكرا
:)








Dandash
~~~~~~~~~~
وي يا عل ربي يبرد قلبج بعد قولي آمين
:)
وعدل والله كلامج
عسى ربي يوفقج ويعطيج العافية
شنو هالمرشح اللي ما يعرف حتى بالدستور؟
!!
انتي بالثالثه؟
:Pp~

someone_q8 يقول...

السلام عليكم
المثل يقول : فاقد الشيء لا يعطيه والمثل الثاني يقول عش رجب ترى عجبا
واهني انقول عيش بالانتخابات ترى بهلوانات
:)

هنوفي يقول...

مساء الخير
تعالي استكانة صج اليوم عيدميلادج ؟؟ 30/4
اذا صج كل عاااام وانتي بالف خير واذا موصج كل سنة وانتي طيبة :))
اذا عرفت الاجابة راح اقولج السالفة اللي خلتني اسالج !!!

هنوفي يقول...

خلاااااص مااابي الاجابه
عرفتها :)))
ياريت اكون اول وحدة تقولج كل عام وانتي بالف الف خير وانشالله تكون سنة خير عليج يارب:))

U-Turn يقول...

آآآآآآآآآآآآآآآآآآه يــــــا قلبـــي
ةإحنــا شــنو مخسبقنــا غيــر هالإنتخــابات وهالمرشحيــن ..,,!!
البعـض مو الكـــل

شـــــــي يشيــب الراس !!

يالله لا تبـــلينــا @@ وتــرزقــهم نعمــة العقـــل


إستكـــانه ..,, تســـلم إييدج :)

esTeKaNa يقول...

هنوفي
~~~~~~~
وانتي بخير وصحة وسلامة
صج
صج
صج
فاجئتيني
:)
كنت قاعده اكتب البوست الجديد
ووصلني اول رد منج
وكلي حيرة ابي اعرف
اشلون عرفتي؟
لا تتأخرين علي بالرد
ترا قاعده اتحرااااج
هنوفي
يلي زينتي اول البوست وآخره
شكرا من قلب
صج صج صج صج
فرحتيني
:)

esTeKaNa يقول...

U-TAIRN
~~~~~~~~~
آمييين
واسم الله على قلبج من الآه
:)

ARTFUL يقول...

جكتنيييييييييي

;$