الأحد، أبريل 06، 2008

....ياعين

(1)
~~~~~
كان يوم الأثنين الأول من ابريل مساء
كنت منشغله بترتيب فوضى غرفتي عندما وصلني مسج من صديقتي:
لا تطوفج ام العوش بسكوب بدعت
!!
فتحت على قناة سكوب لأجدالناشطة عايشه الرشيد تتكلم
وتتوعد
حواجبها تعلى وتنزل
ويديها تكاد تخرج من الشاشة لتصل للمشاهدين المسكين أمثالي
تريد تطبيق نظام الكوتا رضيتو ولا انرضيتو
تتحطلم على الطبطبائي لمتى ماسك بهالكرسي؟
يا بنت الحلال فاز بالانتخابات شنسوي؟
لا ليش يفوز ..اصلا الناس ما يفهمون
المرشحين لا يتعاونون
والحكومه ايضا لا تفهم
!
الى هنا وانا اتبوسم واقول الله يخلف علينا يا عايشه يعني ماحد يفهم الا انتي؟
كنت ابحث عن الجهاز لتغير القناة حين صدمتني بآخر معلومه دربحتها على الهواء مباشره:
معقوله الفيفا راح تيب رياضين من بره عشان يدربون الرياضين الكويتين وتدريبهم لتحقيق للنهضة الرياضة مقابل امية وخمسين الف دينار معاش لكل مدرب ندفعها كتبرعات من الشعب الكويت هل هذا الكلام معقول؟
هل هذة حكومه؟
استرسلت هي بالحديث وانا مصدومه
هذا الخبر كان عباره عن كذبة ابريل المكتوبه في بداية الصفحات في جريده الأنباءوفي نهاية الجريده تكذيب الخبر ،فالموضوع لم يتعدى ان يكون كذبة ابريل البايخة المكررة في كل وقت من هذه السنة!!
فهل تعتقدون ان عايشه تجمع الجرائد كل يوم لتقرأ اول اربع صفحات فقط؟
وانها لا تملك الوقت لتصل الى آخر صفحة بالجريدة؟ا
أيا كان الموضوع فقدوضعت نفسها في موقف محرج جدا والشماته ما قصرو بالمسجات

(2)
~~~~~~
أحيان...من زود السنع ،قبيل وصولي للبيت او للزواره او اي مكان يجمع من احب اتصل:
تبون شي ايبه وانا يايه؟
احيان
أكون اقصد هذا السؤال فعليا
واحيان أخرى تكون مجرد كلمه تنقال...يعني مو صج توصوني!!
كان احد تلك الأايام التي مالي خلق
اتصلت على بيت جدتي وصتني عمتي على فطاير وسندويشات واتصل اخي قالي بطريجج اشتري عشا للدوانية واذا وصلتي دقي علي وقفت عند المطعم طلبت
طلبت
طلبت
طلبت
وظللت عشر دقائق الى ربع ساعة انتظر
حين وصل الأخ معاه طلبي الكبيرسئلته عن الحساب:
لا لا ماعليش المرة دي عليا
لا ما يصحش حضرتك!!
تجاوزت كلامه ورديت:
لا لا هالمرة قولي والمرة اليايه عليكم
بتسسسسسسم ويتبهلل:
لا لا ما تقوليش كده دي خطوة عزيزه واللهي ما قدرش ما قدرش اخذ ولا مية فلس
ده انتي نورتينا يا أميرة
ياأهلا سهلا
!
مليت وانا اتكلم معاه،كررت سؤالي:
يالله ميخالف اخوي جم الحساب؟
ليبهرني باجابته:ا
للي عايزاه حضرتك
!!
بزرت عيني عليه لانه نفذ صبري فيجاوب بثقه:
خلي الحساب علينا خلااااص خلااااص

فجأة تملكتني استكانة الشريرة
تشكرت منه
وتأكدت ان طلبي بو ثلاث اأكياس في السيارة
أغلقت النافذة
ومشيت وعيني على المنظرة
اناظر ملامح وجهه المتوهقه
!!
وصلت الى الدوار ولفيت مرتين بالشارع وانا اناظر ملامح وجهه من بعيد
تركته برهه من الوقت ليراجع نفسه
ويقيم كلماته ولا يقول الكلمه الا وهو يعنيها
ثم صحى ضميري ليرجعني الى عنده :
جم حسابك اخوي؟
أعطيته ومشيت
pP~
تأخرت على عليهم في سبيل تلقين أحدهم درسا ما بقيمة الكلمات
وهذه المرة المليون اكرر ذات الموقف
وبعدين؟
(3)
~~~~~~~
مزاج إستكانة العيوزه :
~~~~~~~~~~~~~~~~
يا عـــــــــــــــــين هلّي صافي الدمع هلّيه
واذا انتهى صــــــــــــافيه ..هاتي سريبه
يا عيــــــــــن شوفي زرع خلك وراعيه
شوفي معاويده....وشوفي قليبـــــــــــــبه
إن مرني بالدرب مــــــا أقدر أحاكيه
مصيبة يا هي واللــــــــــــــــــــه مصيبه
الللي يبينا عيت النفس تبـــــــــــغيه
واللي نبيه ...عجــــــــــز البخت لا يجيبه
!!

هناك 49 تعليقًا:

vancouver يقول...

زيييييييييين سويتي فيه
يبطون جبدي ياختج لما يقولون خلي الحساب المره دي علي
شكووووووووووو

ههههههه
مسكين اتوقع يتوب
-----

عايشه رشيد الظاهر خرفت مبجر
مسكييييينه
حلاة المره تكااااانه
تدرين عاد انها مدرستني بالمتوسط لغة عربيه
واشكره كانت تحرضني على البنات اللي مو كويتيات بالصف
:\
وانا بذاك الوقت اعتبر ياهل اشعرفني بهالسوالف العنصريه
كاااااااانت ايام
ههههههه

والختام مسك
طبعا
:)))

S i m p l e يقول...

ياعييييييييييني !!
فرش فرش حلاته كل شي فرش
:D
تبين الصج استكانه اول شي
مسالخير سوري :P
اشتطيت معا البلوست
اول شي الله يعينكم بهالانتخابات والحوسه
احنا مجلس شورى وخلاص لامجلس امه ولاشي
وكل شي تمام الله يوفقكم صراحه تعجبني
الكويت :D
الله يحفظها للأهلها ويحفظ أهلها لها
<3
في ناس مسووويين نفسهم سياسيين محنكين والخبره مقطعه عندهم والشخصيه
الفذذذذذذه وهم مجوفيين من الداخل :S
(2)
هههههههههههههههههههههههههههه
خليتيني ازعق بالصاله من الضحك
والله حرام وهقتي المصري يستاهل
ياشينهم لوتيين واكثر ماعندهم
الحجي مايشبعون أبدددددددن !!
:S
وعليه لما يكون بخاطري اجيب شي حق هلي أجيبه وأوديه لهم .. ولما ما أجيب لهم يتشرهون علي دامج مريتي
ليش ماجبتي ؟
" كل مره يقولون لي لاتجيبين
ولما ماجيب يصير بخاطرهم"
ماعرفنا حق هالأهل :pP
"اللي نبيه عيا البخت لايجيبه"
:"(
أنا أشهد ياوخيتي !
حااااااان وقت النوم
:P
خوش بوست والله احلى شي قبل النومه
يااااااسلام

Q8i Blogger يقول...

مسكينه هل عايشه
وين ماتطقها عويه
بس والله توني ادري عن السالفه هذي
صراحه شي غبي
حتى جذبه ابريل بتحاسب الحكومه والشعب وكل رياييل الديره عليها !!!!

لو انا منج جان مالفيت الدوار لا مرتين ولا ثلاث
امشي وخلاص

ضميرج مشكله :)

mtfa2el يقول...

انا لو يقولي جذي مو اشفط عليه
اقوله بعد
سو لوووونق سكرز
لا و اضحك عليه و انا بالدوار
.
.
فاهمني الحاج بلوقر

الخيلاء يقول...

هههه

استكانه عايشه رشيد كانت حديث المجتمع ذاك اليوم

الله يهديها و عندها شي زين
اسلوبها يخرب عليها




مايصير مصري بمطعم ما يسوي هالحركه
لي صرت مع اخوي يقولي والله ان قالي الحساب علينا بمشي و اخليه
:)

جم مره اتصير فيني .. ياربي و بعدين يعني .. يستخف دمه .. ساعات اتقبلين و ساعات ودج اتصكين الدريشه على راسه لوووووول

بس المره الثانيه .. ان شاء الله .. بمشي و اخليه يبولع بريجه
عشان يصير درس له :p



الله استكانه
رووووعه الاختيار

اي والله يا عين هلي و هلي و هلي
و شتسوين اذا صار الي نبيه مو من نصيبنا ولاهو مكتوب بلوحنا

بس الاكيد انه ربي كاتب لنا السعاده مع الي يبينا و مانبيه .. و ربي ما ياخذ منا الا عشان يعطينا

:)


و ترى من زمان ما سيرتي علينا
الميلك شيك ينطرج مع الحر :)

Q8DOLL يقول...

اخخخخخخخخخخخخخخخخخخخخخ حسبي الله على ابليسج
ما اتخيل ويهه
اكيد دعااا على روحه
تصدقين تغثني هالكلمه خلي الحساب عينا !! تكفا ناطرتك تصرف علي
وبعدين اصلا مبين قايلها تحصيل حاصل يعني ليش بالله؟

عايشه الرشيد ياحلات شامتها
تذكرني بدقمة أون وأوف
بس للأسف عندها شغاله كله أون
مابي احش اكثر الله يعافينا بس

تبين شي قبل لا امشي ؟؟
:)
ياحلو سويلفاتج

violinist_q8 يقول...

عايشه الرشيد موقفها محرج بوقت حساس
عاد ان شاءالله محد ينجح الا اذا كان صج تهمه مصلحة الكويت بالفعل مو الكلام الي ملينا منه
=
المصري هذا يبيله الي يطلع بدعاية ميلودي افلام :p
بونظاره

حلم جميل بوطن أفضل يقول...

دعم المنتج المحلي واجب وطني

إدعموا عواشة كي دي كاو

ARTFUL يقول...

زين ما سويتي

يطري علي لما رحنا القاهرة ، والله يا استكانه ما يمدي يقول خليها علينا يا باشة الا ردينا عليه يالله مع السلامه مشكور

تعرفين اللي يقعد بمحلّه صافن!!! لووووول أيام

وعلى الجاي الويك اند اللي فات قعدت بالشاليه عقب طلعت الحداق وعقب ما تسبحت من الملوحه والزفره وتهندمت وتنظفت.. ويهف علينا ذاك النسناس وبيدي ذيج الاستكانه

الللللله والله ذكرتج

ومدام حطيتي شعر بحط شعر حق فهد بورسلي

شقول ياأهـل الهـوى شـقـول ... هـــذا نصـيـبـي مـــن الـخــلان
وش في يديني على المجمول ... يـرضى الضحـى والعصـر زعـلان
لاحـول ياأهـل الـهـوى لاحــول ... تـبــاتـــل الــصــد والـهـجــران
والـخـد مـثـل الفـنـر مـشـعـول ... يوضي على الحوش والجيـران
ومـضـمـر والـشـعــر منــســول ... لا جيـت احـب النـحـر غطـانـي
عيـن الظبـي والهـدب مكحـول ... مــوت حـمـر نهـضـة الـحـجـان
فـي ذمتـك يــا زريــف الـطـول ... عيـد النظـر وادحــر الشيـطـان
وانافـهـد مــن هـــل الـعـاقـول ... والقـلـب سـاكـن فـريــج ثـــان


ARTFUL

Najmah يقول...

لوووووووووووووووووووووووووول
استكانة والله طلعتي مو هينة :P
بس صج زين سويتي فيه
:))

.
.

استكاااااانة
مساكين الحريم بكل الاحوال
يكسرون خاطري صج هالايام :))
بدعوااا بمعنى الكلمة
.
.

ياعسى بختج كله حلوو وتفرحين بكل لحظة :**

someone_q8 يقول...

السلام عليكم

زين اتسوين فيه عشان مره ثانية يحرم يتكلم بشيء اهوه مو قده وهذا خوش درس :)

بالنسبة للأخت عايشة الرشيد , من قبل اشوف اسلوبها في الكلام جدا سيء بصراحه مو مال اتكون نائبة عكس الاخت رولا دشتي تماما
ما اقول الا الله يهداها ويهدي الجميع

قواج الله اختي استكانه , وتره عليج غياب شهرين عسى المانع خيرا ؟ :)
لكي مني كل تحية واحترام

الزين يقول...

واي استكانه وقفتي قلبه مسجين

يتراوالي يخرم يقولها حق احد ثاني بعد

حصلتي الأغنية لو ما حصلتيها
اا عيزت وانا ادورها ما حصلتها

:(

وعلى طاري عايشه رشيد
ياحسرتنا لين فازت
بالله هذا منطق ووي وشكل يمثلنا احنا الحريم بالمجلس

:**

خوووووووش بوست كالعاده
وتصدقين استكانه الشريرة يازت لي

حنين يقول...

احببت دعوتك إلى هنا

http://www.e7twa.com

5roofa يقول...

لللي يبينا عيت النفس تبـــــــــــغيه
واللي نبيه ...عجــــــــــز البخت لا يجيبه

اييييييييييييييي يا وخيتيي بعد شنقووول

ارد اقول ايييييييييييي

لووول بعد ما طلعت ما بجبتدتي لوول

بدعتيي على المصريي لووووووول

تصدقين ما اب هالحركه و في منهم يعني علبو يسولف بس قله ادب يصير

اتنرفز منهم بس تشوفيني بس متبوسمه و متوهقه لوول

مره لل يحليله واحد يعني متوصي فيني بمطعم نوارة حطلي صمونه فلافل ببلاش لوول


حركاات حديي
:P

tslmeen yaaa 7elwaa...

salamz...

جارة القمر يقول...

مساج الله بالخير يا الشاي النعنع اللي يهبل

:)

اللي بفهمه وين اهلها عنها؟

شلون هادينها جذي

؟؟؟؟؟؟؟؟؟؟؟؟؟؟؟؟؟؟؟؟؟؟

و بالنسبه له مرات ودي اسوي نفسج بس ما اعرف

:(

و المزاااااج يمه يا المزااااج روووعه تسلمين

بـابـل يقول...

مسااء الورد أستكانة شلونك؟


اول شي هالكلمة
*دربحتها*

حيييل عجبتني

حلوة
حلوة ومن زمان مو سامعها


وزين سوّت إستكانة الشريرة ههههه

لأن هذا الموقف صارلي قبل 4 سنين

بمحل وضل مصر على إن متخلي يابيه

خليها علينا المرة دي

وآخر شي صحى فيني بابل الشرير ههههه

بس هم رجعت وعطيته حسابه


ياحلات الشعر صج شعر معتق


تسلمين عزيزتي



وبس




بابل

|:| DUBAI |:| يقول...

هي خلي الحساب علي

ما غير ايي المعزب و يرفسه في يبهته

خخخخخخ

عايشة اللي من طينة نوال السعداوي؟

نورونا ترانا هالايام منقطعين عن العالم

و ما نعرف وين وصلتوا

: )

يعقووبوو يقول...

هههه خوش درس

انا سويتها مره ولكن نزلت للكاشير وحاسبته وعطيته كلمتين بالعظم ومشيت d-;

Sn3a يقول...

استكانه
فصلت على سالفه المطعم
حلفي سويتيها
لووول

احسه فكر باجار شقته
وبمصر
وبالنيل
وبالكفيل\

صقر قريش يقول...

أولا عايشه الرشيد الله يخلف عليها بصراحة انا اسميها فؤادة الهاشم رقم 2 (يعني كله تقط صواريخ(

الموقف الثاني:

أنا لومنج أقوله يزاك الله خير واشوف الطلب وامشي ولا أرد له أصلا موعازمني وتكفل بالحساب كيفه الريال يتحمل ثمن كلمته.

في ايام الأندلس كان سعيد اليحصبي المعروف بالمطري سكرانا وأعلن انه سيثور على عبدالرحمن الداخل وهو سكران لايعي مايقول أفاق في الصباح من سكرته وجد العلم مرفوع والناس متأهبين للثورة فسأل لماذا هذا العلم موجود قالوا له :انك اعلنت الثورة أمس في مجلس السكر فقال :اوقد فعلت!! قالوا :نعم انت قلت ذلك فقال لهم أذا هي الثورة فأرادوا ان يثنوه وقالوا لكنك كنت في سكرة قال:في سكرة اوفي غير سكرة لسان الرجل حصانه ولايتراجع عن امر قطع به فثار وقُتل فأنظري كيف انه وافق فعله كلامه وان كان في سكرة

فهذا الرجل بدل ان يقول كلاما لايعنيه يجب عليه ان يكون عبى قدر كلامه وللأسف تمرس بعض الناس التملق والتزلف حسنا فعلتِ به.

رقم 3:

أقول صح لسانج ويا كثر ما أسمع هالقصيده من الربع (الظاهر صاروا شياب لازم اراجع نفسي لا أكون شايب وآنا ما أدري ) شكرا على الموضوع الجميل

esTeKaNa يقول...

vancouver
~~~~~~~~~~~~~
تهقين يتوب؟
اتمنى
:Pp~
عايشه كانت مدرستج؟
وي اشوة ما انفتنتي فيها وخليتيها قدوة
!!
ياكره المتوسط احسه عمر الملاقه
بس اشوة يختج فطرتج سليمة ما تأثرتي فيها الله يحفظج
:)

esTeKaNa يقول...

Simple
~~~~~~~`
مسا الورد والجوري
:)
هلا بللي وصلها البوست فرش
حار
من الفرن الى موائدكم
:pP~
يا زينج والله
ويا زين تعليقاتج
عساج دوم تضحكين ومستانسه
وعسى ربي لا يحرمنا هالتواصل الحلو
ونوم العوافي يا صديقتي
:**

esTeKaNa يقول...

q8i-blogger
~~~~~~~~~~~~~
عايشه بدعت
!!
الله يهدي العوش قول آمين
أما سالفه ضميري
فانا اشهد انها مشكله
ما قلت لي
ما القى عندك حل حق ضميري المشتط دائما؟
:Pp~

esTeKaNa يقول...

متفائل
~~~~~~~~~~~~
HEHEHEHEHE
:)
الظاهر عشان جذي ما ينقال لكم جذي
اثاريكم بتروحون وتخلون الريال؟
مو هينين والله
لا انته ولا حجي بلوقر

esTeKaNa يقول...

الخيلاء
~~~~~~~~
يا مساء الخيلاء والله
يا مسا الميلك شيك
:))
مسكينه ما سوت عليها ذيج اليله
واحنا الله خير كلش شعبنا مو شمات
:pP~
اي والله ودج تصكينه بالدريشه
يبتيها يييب
ههههههههههههههههه


اييييييييييييييي
تقولين شنسوي اذا ما يابه؟
نصحك حلوجنا ونقعد
بعد شنسوي اذا الحظ تشرقد
:Pp~
ترا عندي مشكله
كل ما اسير على بلوق يطلع لي البوستات العتيجة
:(
بس يايتج يايتج
لبقو المكان كاني يايه
:)

esTeKaNa يقول...

Q8doll
~~~~~~~~~
أخييية ليتني مصورة ويهه
تعرفين عيونه قامت تفتر؟
استاثمت فيه ذاك اليوم
:)))


وبدعتي بالوصف حق عايشه
ههههههه
اي والله ما نبي نحش
الله يهديها يارب


شنو ابي؟
شنو ابي؟
مممممم
واحد حلوم
واخد كوكتيل
يختج سنعه سنعه هالدول
ويلوموني بحبها
:***

esTeKaNa يقول...

violinist-q8
~~~~~~~~~~~~~~~~~
الله يسمع منك يارب
ويرزقنا نواب نظاف
قلوبهم على الكويت
قول آمين
:)
هههههههههههههههههه
تذكرت بو نظاره
صج صج صج
بدعت
!!
شطرا عليك؟

esTeKaNa يقول...

حلم جميل بوطن أفضل
~~~~~~~~~~~~~~~~~~~
الحمله الوطنية بقياده حلم
:Pp~
وعاش الجاي المغربي
:)

esTeKaNa يقول...

Artfull
~~~~~~~~~~
LOOOOOOOOOL!!
عاشو عيالنا
بدعتو فيهم ها؟
ولا هونو والله
مادري اهو زود كرم
مادري اهو زود عياره
الله اعلم
:pP~
اللـــــــــــــــــــــه
!!
تخيلت ذيج القعده الللي توسع الصدر
عسى ربي يحفظك ويسعدك
بس ما قلت لي
ماكو نقصه سمج حق اخيتك يا حافظ؟
:))
يا سلام على شعر بورسلي
ويا سلام على هالذوق الراقي
تسلم على المرور والتعليق السنع
ما قصرت

esTeKaNa يقول...

najmah
~~~~~~~~~
من يقول استكانة هينه؟
أنا اصير شريرة أحيانا
ديرو بالكم مني
:pP~
ويا عساج يا الغاليه دوم بفرح وسعاده
قولي آمين
:**

esTeKaNa يقول...

some-oneq8
~~~~~~~~~~~~~
وعليكم السلام ورحمة الله وبركاته
ياهلا ويا مرحبا اخوي العزيز
غيابي شهرين
هي بالضبط المده التي قضيتها في عملي الجديد
:)
آسفه جدااا
نعتذر عن التقصر
ونعدكم بالتواصل ان شاء الله
بالنسبه لي التعليق
اجد رولا بها نوعا ما طرح قوي
لكن مشكلتها في لغتها اللبنانيه
التي تجعلنا لا نتقبل منها صراحة
!

esTeKaNa يقول...

الزين
~~~~~~
يا مسا الزين كله
يا مسا شهرزاد والله
:)
اشرايج بس انتي باستكانة الشريرة؟
تعمدت اطلعها بهالتوقيت
عشان تنسين استكانة ويا مدر سلبرايز
:Pp~
بس حبيت ابشرج عايشه ما راج تنزل
بس تحب تسوي لوية الله يهديها
:)





حنين
~~~~~
شكرا
تم قبول الدعوة
:)

esTeKaNa يقول...

5Roofa
~~~~~~~~
looooooooooooool
ما قصر والله
لا لا
هذا كريم
باجر يصير حب من اول صمونه
:Pp~

esTeKaNa يقول...

جارة القمر
~~~~~~~~~~~~
LOL!
مت من الضحك على وين اهلها
حسيت جنه ياهل تفتر بالسكيك
وين اهلها عنها
:pP~
ترا انا ما كنت اعرف ومستحيل اسوي جذي
بس شوي شوي
الدنيا تعلمج تصيرين شريرة
:))
يا حيالله جارة القمر والله

esTeKaNa يقول...

بابل
~~~~~~
يا مساء التدربح والله
:))
hehehehe
دام يازت لك الكلمة
برزها بكل مكان

حتى انته طلعت شرير؟
اشوة
يعني وضعي طبيعي
هههههه
في داخل كل منا طفل شرير
:pP~

esTeKaNa يقول...

Dubai
~~~~~~~
ياهلا ويا مرحبا بدبي
:)
هههههههههههه
اي عايشه رشيد مثل نوال تقريبا
:Pp~
ناشطة سياسيه في الكويت عشتو









يعقوبو
~~~~~~~~~~
الحمدلله انفجت العقده وطلع التعليق
:pP~
اشوة طلع عندك ضمير
انا بعد اخاف شي يصير بذمتي فرديت
:))













سنعة
~~~~~~~
heheheheh
اشلون ما اسويها؟
قلت لج انا اصير شريرة
وصج صج صج
شكله طرا باله كل هذا واكثر يوم خليته ومشيت
:)

vancouver يقول...

امبلا انفتنت فيها واااااااايد
استكانه

وصارت نيجاتيف القدوة الي احلم فيها
والله فادتني بحياتي
:))))


تدرين من الحمقى نتعلم شلون نصير افضل
لووووووووووووووول

ARTFUL يقول...

أقول وانا اخوج ترا عقب باجر يبلش الويك اند!!

اذا ما كليتيه وهو طري والا ما ينفع

فااااااااا خلّص ;$

السموحه

بس بحيل الله الويك اند الياي اذا الجو حلو والله رزقنا بصيد طيب راح اتنقصلج الشي اللي يسر الخاطر

بس لا تعطين فانكوفر لان تقول عندها سمج ما تبي سميجاتنا

;p

selezya يقول...

eshlonech yalga63a :)

esTeKaNa يقول...

vancouver
~~~~~~~~~~~
looooool:)
حكيمة حكيمة هالبنت
من الحمقى تتعلم كيف تكون افضل
يالله من فضلك
:Pp~













ARTFULL
~~~~~~~~~~
اي يزاك الله خير انا ماحب الشي البايت
ولا تحط بنيتك تتنقص لي شي
اخاف اقبس عليكم وما تصيدون شي
:pP~
خيرك سابج ماقصرت
الله ياأنا ضحكتي من هني لي هني
جنه كلش
شايفه نقصتك زبيديه جدامي
:Pp~










SeLezya
~~~~~~~~~
انا بخير يا الغاليه
وسامحيني على القصور
ترا انا مضيعه هاليومين شوي
:)

a7La eNG يقول...

ليش كله ما يطلع لي البوست بوقته

بلوقج ما يحبني ترررررررررى
:""(

انزين الحين الريال شنذبه
صح من قال له يتميلح انتي صح

بس حراااااااااااااام
اهوا يدفعه من معاشه
اللي تلاقينه اقل من 100


:"(

شريــــــــــــــرة
لا لا لا لا تسوين جذي
الله يخليج ياني مغص

!

الحين لو مثلا قررتي تردين المطعم
تعرفين ويه شين الحلايا ؟؟


تكفين لقني ناس مقتدرة هالدرس
خلي الطبقة الكادحة تكدح


:*

فتى الجبل يقول...

يا حليلها عايشة الرشيد
عبالها الديمقراطية لعب
بس تدرين اهيا تنفع حق الطبطبائي

bin3li يقول...

ليش حسيت يوم قريت مزاجج أنج قاعدة بخيمة و ينب الجربة تخظين اللبن؟
:P

و بما إنج حطيتي شعر أنا بعد بحط
بيتين للشاعر ألفيس بورسلي يقول فيها
يا زارع الريحان فوق السطوحي
لا تزرعها يا زين عذبت روحي

MnO YeNSa يقول...

عائشة
الرشيد
احسها
مسكينة
فلم
:ppP
الله
ياخذ
بليسج
حسيتج مجرمة
كره الساعة
اللي اشتغل
فيها
:P

الله يخليج
لهم
و تشترين
الماجله
بعد

:p

SORYY 3ALA
التأخير


....

انتي
ذوووووووووووووووق ترى :**
استانس عليها

عجــــــــــز البخت لا يجيبه

صقر قريش يقول...

افا استكانه شفيج نسيتيني لهدرجة مابين :)

esTeKaNa يقول...

صقر قريش
~~~~~~~~~~~
والله اخوي نسيان غير متعمد ابد
والله كاتبه لك الرد
بس فصل وعبالي اني رديت
انا فعلا منحرجة منك
وآٍسفه وايد وايد
:(
صراحة على ان البوست كان خفيف
الا ان ردك اثرى المووضوع بشكل كبير
ومنكم نستفيد والله
وايد عجبتني القصه
!!
وهالبيت على قولتك وايد يتكرر
بس لا تخاف اكيد اكيد ما صرت شايب
تو الناس
:)

esTeKaNa يقول...

a7La-enG
~~~~~~~~~~~
بلوقي ما يحبج؟
عبالج على كيفه بلله
لا يا يمة لا
غصبن عليه يحبج
:***
انتي اللي ببطنج السالفه وتدرين بالضبط ليش سويت جذي
ولا تخافين
رديت عطيته
HEHEHEHE
:)





فتى الجبل
~~~~~~~~~~
اي والله عبالها لعب
انا اقول تستريح احسن
:)










بن علي
~~~~~~~~
LOOOOOOOOOOOOOOOOOOOOOOL
:))
يا حبك حق الشماته
ما نسيتها؟
الحين عاد اشلون تنسى بورسلي؟
:pP~






mno Yansa
~~~~~~~~~~~
وجودج ينور البلوق كله
سواء مبجر ولا متأخر
تنورين بلوقي وقلبي
:)
ديري بالج مني
مرات فعلا اصير مجرمة
hehehehehe

ولد الديرة يقول...

كلش ولا عواشة

ترى ازعل

عــــاشــــه يقول...

هههههههههههه

ضحكتيني على المصري...

نفس الموقف صار معاي
ورحت عنه وطرشت السايق عقب يدفعله
وإتصلت بالمدير وقلتله بلاش حركات المصريين هاي

قال ماتواخديناش هذا يديد


وعاد قتلتيني بآخر بيت
الللي يبينا عيت النفس تبـــــــــــغيه
واللي نبيه ...عجــــــــــز البخت لا يجيبه

طول ماأنا في لندن وأنا أسمع هالبيت