الأحد، مارس 30، 2008

عربانة الجمعية



(1)
~~~~
وفجأة:
مخلوق يندس بسريري بثقه
يسحب مخدتي
ويحتل الفراغ بجنبي
افتح عيني مستغربه :
انته منو يابك؟
يغمض عينيه يمثل دور النائم ويجاوب:
ريولي يابتني
!!
ابتسم لذاك الطفل العيار الذي افتتح يومي:
يا صبي روح شاليهكم انا نايمة
يغمض عينيه كأنه لم يسمعني
.
.
.
عندما يطول الصمت يتملل بمكانه ويسألني:
ليش الخشم فوق والحلج تحت؟
ابتسم لسؤاله العجيب:
الله
كتب علينا جذي
ينظر للفراغ ثم يعاود سؤال:
ليش الشمس تطلع الصبح والقمر بليل؟
اكرر ذات الاجابه:
لأن الله كتب جذي لما تكبر راح تعرف ليش
ينظر لي ويفكر برهه من الوقت :
ليش ما عندج بيبي؟
اجاوبه مستمسكة بطول البال
لأن ما عندي ابو حق البيبي
يقفز ويتربع ويقابلني:
اي
اشتري واحد،انا عندي ربع دينار تبينه؟
حطي حصاله يمعي واشتري
!!!!!!!
عيونه الجميله
حماسه في طرح الاقتراح
مكانة ذاك العيار في قلبي
تركتني ضاحكة في صباح يوم جميل في ويك اند بالشاليه
مع ليش الأخيرة كنت قد مثلت دور الغاضبه
عقدت النونه وسألته:
ول
يش ما احذفك من الدريشه يللي قعدت بنت عمك من النوم؟
يغيرملامح وجهه الى وجهه مسكين برئ
يرمي براسه في حضني ويسأل:
ليش انتي لما تعصبين تصيرين حلوة؟
يا عيااااار
:Pp~



(2)

~~~~~~
تلك الورقة شتت انتباهي
تحمل في كل سطر طلب من مكان مختلف بالجمعية
!!
كنت قد نصحت امي مرارا بأن ترتب افكارها عندما تكتب اوراق الجمعية
فتكون طلبات الأجبان متجاورة مثلا
وطلبات الخبز والتوست متجاوره
حسب ترتيب الجمعيه التي تحفظة وتعرفه
بدل من ان اذهب لاخذ شئ من زاويه الجمعيه،ثم اذهب لزوايه أخرى
فاكتشف مرة اخرى وجود طلب يردني لاول مكان ذهبت له
ويضيع يومي بين ارفف الجمعية
.
.
كنت قد شارفت على الانتهاء ولكن ...بقى من طلبات أمي مربى
اعلق حقيبتي على العربانة واناظر الرف باحثة عنها
فيقترب ذاك الرجل في خريف العمر حاكته الدنيا مشتط
يرتدي قحفية دون غتره ...يكلم زوجته مشتط
فيسحب عربانتي ويمشي
!!!!!!!!!!!
لوهله لم استوعب انه عربانتي المتعوب عليها
وحقيبتي الحبيبة
قد رحلت بيد بو شطة الذي لم يلتفت الي حتى
مشيت ورائه مسرعه :
لو سمحت
لو سمحت
لو سمحت

!
لم يسمعني
والمشكله ليست في انه لم يسمعني
المشكلة ان استكانة يتها الضحكة
تخيلو اني مشيت ورائه حتى اخر الرف دون امل لا فيه ولا في زوجته اللي عيونها في قمتها
كنت مستعده للتنازل عن العربانة ولكن...حقيبتي ومافيها غير قابل للتنازل
عندما توقف فجأة...تسللت بينه وبين زوجته وسحبت عربانتي ومشيت
التفت:
اووووووووه آسف آسف عربانتج بنيتي؟
بابتسامة شقاقية:
اي عربانتي انته ماخذها من اول الرف
ناظرته زوجته ودخلو في نوبة ضحك انتقلت الي بشكل سريع
ليذهب علي مشوار الجمعية وانا اضحك
:D



(3)

~~~~~~~
البعد هو بعد القلوب
لا ما تباعدنا الدروب
!
قد لا تكونين بقربي
وقد لا تشاركيني كل لحظاتي
قد..تبعدنا مشاغل الدنيا
ونتوه بمتاهات الحياة
ولكن
في اللحظة التي تعودين فيها
ينتعش لك في قلبي بساتين من زهر
وتغرد في سما وجودك مشاعري الصادقة
!
صديقتي الجميلة دائما
كوني سعيده
وتذكري..لك في قلبي مساحة من نور
تشهد بحبك ومعزتك دائما

هناك 65 تعليقًا:

صقر قريش يقول...

كالعادة موضوع رائع اما عن ابن عمك فهو بصراحة مرعب !! لكن ياوليتنا من الجيل القادم اذا كانوا عيارين مثل ابن عمك:) حفظه الله لأهله وجعله قرة عين لهم وهذا مايسمونه براءة الأطفال :)

اما عن موضوع الجمعية فأنا حالتي اسوأ من حالتك أنا عندما يغروني بالذهاب يعطوني لائحة قليلة الطلبات فأذهب وأقول سأنتهي بسرعة لكن ما أن أصل الجمعية حتى تنهال علي سيول من الإتصالات فتزيد الطلبات وتزيد المهمات وبالكويتي انت يابوعبدالله ابتلش :) المهم بعد ذلك أخذت بنفسي واصبحت غالب اوقاتي خارج المنزل (وياحظ العزوبية احرار:) ) الله يعين اذا يتني ست الحسن شكلها بتخليني بالبيت منحكر وبتصك علي (خو متزوجة الفيس بريسلي وانا مادري :) )

hend يقول...

أسعدتني كلماتج..

ربي يسعدج..

أختج ~هند~

>>اممممم

اشتركـت بس ما اظن أبدأ بالكتابه حتى اشعار آخر بإذن الله..

فريج سعود يقول...

ولد عمج مشروع زير نساء كبير
حسب خبرتي المحدودةجدا بهالمجال
مشكلتج بالجمعية
هي مشكلتي الازلية
بوستج ينعنش مثل قهوة الصباح

ولد الديرة يقول...

ليش لما تكتبين نقرأ لك؟

:P

bin3li يقول...

ها هاهاها
ضحكت من قلبي على الصبح :)

أنا لو منج بخلي الريال يحاسب و بعدها آخذ العربانه
:P

Purgatory يقول...

مرة ثانية لا تحطين الجنطة في العربانة
:p

Q8i Blogger يقول...

هذا ولد عمج له مستقبل خطير
هذا كلام مغازلجي درجه أولى
خصوصا آخر جمله
وهم شغله الربع دينار
لألأ .. مستقبل باهر
لازم نتعرف عليه هل ولد


بوست جميل

مادري ليش كل مره اقول جميل؟
يعني اكيد جميل
ماله داعي اقول !!!

آخر مره :)

يعطيج العافيه

بنت الشاميه يقول...

الاطفال احباب الله
دعسته بالفراش متعه ما بعدها متعه
وبعد الحوار الشيق...؟؟؟؟
جان زين نشتري الزوج من الجمعيه..؟؟؟؟
لوووووووووووول ..جان محد غلب
البراءة والعفويه جمال الطفوله

اما عاد الجمعيه واغراضها مااااوطنها بعيشة الله ما روح الا وانا معصبه وما ارد الا اعصابى محترقه....ماااحبها
هذا بروحه شقى على القلب

والبعد يعصر القلب وخصوصا لما يكون اليعده ويروح ديره بعيده وايد
واول مرة يفج عنج.....قلبتى المواجع

دمتى بحب وامان

الزين يقول...

واااي يا حلوه ويازين عيارته

يختج بهالسن اخذون العقل اليهال
من يكبرون شوي تبلش الملاقه

++++++
موقف الجمعية موتني ضحك

مسكين هالمشتط
الله يعينه

+++++++

ولكن
في اللحظة التي تعودين فيها
ينتعش لك في قلبي بساتين من زهر
وتغرد في سما وجودك مشاعري الصادقة


:)

حسيته امس
كل هذا حسيته امس لما شفتج

:**

New Bride يقول...

اسم الله عليه الله يحفظه و يخليه و انشالله

واااي لوية الجمعية لا تذكريني ادخل الجمعية و اشتط حدي

S i m p l e يقول...

يسعد صباحج استكانه ويسعد مساج
:D
والله جيت من ذيك اللواهيب وعلى طول اول ماشبكت النت وين وين وين ؟
مايبيلها كلام بلوق استكانه :P
يازينه ولد عمج الله يحفظه عاد
عسى اسمه جاسم؟ علشان يطلع نفس ولد خالي :p
فديته والله بريءءءء الله يبلغكم فيه خير يارب :D
واااااااي سالفة الجمعيه @@
صارت مره امي مشتطه شوي
وبسرعه تبي تدفع وسحبت جاري الناس
وتمشي ولا الحقها يمه الله يهداج خفي الشطه هاج جارييج وردي جاري الناس :P
أموت فـ المطيوريين انا :P
اللي ساعات تصير عيونهم في قمتهم
وااااااو استكانه زيدي البوستات تكفين !!!!!! ولا اكتبي بوست
يبيله نقرا نص ساعه !!!
عندج قصص بالارشيف :p
حطيهم الله لايهينج

يعقووبوو يقول...

ماحب ملاقة اليهال
(:
--
المشتط إلي خذا العربانه علبالي حرامي

5roofa يقول...

لووول يااختيييييييييييي

وااي حبيته هالولد ياقلبي والله اسمالله علي الرحمن الرحيم ربي يخلي و تشوفونه معرررس ياارب

و اسالة اليهال صج ما تخلص تخيلي عندي بنت عمتي دايما الليش بحلجها

خروفه ليش البرتقال دائري
خروفة ليش البحر لونه ازرق
خروفه ليش البحر يصير اسود بليل
خروفه ليش ما تزوجتي
لووووول

مرات والله تي اساله محرجه اضيع الصقله و اقولك شرايج نروح الجمعية لوول
:P

امبي واي انتي دمج عسل موتيني من الضحك على الجمعية انا لو مكانج اخترع و ابجي
لووووووول

تخيلي ابجي بلجمعية والله سيده الطب النفسي
;p

يا بختها هالصديقه الي لها صديقه مثلج
ربي يخليكم لبعض قولي امييين

salamz 7elwaa....

someone_q8 يقول...

السلام عليكم

بالنسبة لولد عمك الله يحفظه من كل شر , ديروا بالكم عليه لا اتجعمونه لما يسأل , وجاوبوه جواب عدل مو خرابيط عشان تفتكون , حتى لو كان الجواب اكبر من سنه لكن قولو الجواب بشكل مبسط , لان هالولد انسان مفكر ومحلل و له ما شاء الله سرعة البديهه , الله يحفظه من كل شر

اما بالنسبة لعربانه الجمعية فا تعودت على الورقة واللي فيها برنامج الرجيم , طبعا اقول رجيم من كثر ما افتر داخل الجمعية بين الارفف

لكي مني كل تحية

جارة القمر يقول...

مساج الله بالخير و كل فال زين يا رب

استكانه تدرين ان عندي ولد عم نفس تقريبا ولد عمج؟

ههههههههه

اذا جابلني قالي انتي وايد حلوه اكيد تستعملين لوشن؟

بس انا ولد عمي ما يسالني ليش ما عندج ريل

انا يقول لي لي كبرت بتزوجج

هههههههههه

ما ادري شسالفته الظاهر عنده بنت العم لازم لولد عمها و انا ما ادري

و اذا تشيطن و عصبت عليه قال لي اموت بالعيون الذباحه

لاحظي شي انه هالكلام و اهو عمره 4 سنين


و للحين و اهو 6 سنين جذي

اهو اللي رافع معنوياتي


:p

الجمعيه و ما ادراك ما الجمعيه

انا الحمد لله مو دايما اروح الجمعيه لطقوس بابا الغريبه يعني عنده بنته تروح الجمعيه؟؟

يا ال الهول
!!

بس اذا رحت اعاني الامرين لانه كل شويه امي داقه و قايله تبي شي و اذا وصلت قالت مو هذا و لا هذا و انتي ليش ما تعرفين

انزين انا شعرفني؟؟؟


اما بالنسبه للصدقات ففي ناس يمكن ما شفتهم قرابة ال 6 سنين و في ناس اكثر بس و الله اعزهم حيل و اهم يعزوني و نتواصل بالمناسبات بس كل وحده لهت

امثل اني لاهيه

يمكن انا الوحيد اللي فيهم فاضيه بس هم استحي

فيني طبع غريب من تتزوج وحده من رفيجاتي ابعد عنها يعني اكون لها مستمعه دايمه بس ادري انها لاهيه فما ادق وايد

يمكن انا غلط بس انا اشوف هذا الصح بيتها و ريلها اولى فيها


استكانه عقبال ما اوخر عنج

:p

esTeKaNa يقول...

صقر قريش
~~~~~~~~~~~
الرائع وجودك في اول التعليقات
:)
مرعب؟
حرام عليك
هذا حبيب قلب استكانة
اللهم امين يزاك الله خير
.
.
hehehehe
لا خلا ولا عدم يا بو عبدالله
الله لا يحرمهم منك
جم بو عبدالله عندهم؟
وبعدين لو سمحت
ترا صقر قريش يسوا الفيس بورسلي واهله
:)

esTeKaNa يقول...

heND
~~~~~~
تباركت البلوقات بوجودج
عسى ربي يحفظج ويسعدج
خلي البلوق موجود
ومتى ما كان بخاطرج اي فضفضه اكتبي
:)

esTeKaNa يقول...

فريج بو سعود
~~~~~~~~~~~~~~
عليك الله ما ينحب؟
ماخذ قلبي هالصبي
:pP~
زير نساء عاد؟
اسم الله عليه الرحمن فالك ما قبلناه
!!
مو خوش تنبؤ
عسى بس ما ذكرك بطفولة احد ولا شي
:p~
لابد من ايجاد حل لمشاكلنا الأزلية
في الجمعيه
:))
يا مسا القهوة المنعشه
يا صباح النشاط كله

esTeKaNa يقول...

ولد الديرة
~~~~~~~~~~~~~
سؤال يطرح نفسة
ينتظر من ولد الديرة جوابه
معقوله؟
ما لقيت سبب واحد يقولك ليش تقرا لها
:))

esTeKaNa يقول...

بن علي
~~~~~~~~~
يا عسى الضحكة دوم
:)
مممم خوش فكرة ما طرت لي والله
:pP~







purg.
~~~~~~~~
ان شاء الله يا استاذي
:)

esTeKaNa يقول...

q8i-blogger
~~~~~~~~~~~~~
الكلام الجميل يوسع الصدر ويرد الروح
ليش تتحسف على جميل يا حافظ؟
كل مرة قولي جميل وعطني دافع
:))
خل الحجي كله على صوب
انته لو تشوف عياره الوية وتعبيرات العين وهو يسولف
مالك خيار
يا تحبة يا تحبه
عموما
احاول اشوف جدول اعماله وارتب لك موعد
:Pp~

esTeKaNa يقول...

بنت الشامية
~~~~~~~~~~~~~~
يا زين برائتهم ويا زين عفوية احساسهم
!!
مرات الطفل يعبر عن اشيا بخاطرنا احنا
بس تمنعنا اشيا وايد انه تقولها بكل اريحية
وتصدقين عندي قناعة:
كل القلوب اطفال
:)
بس انتي قولي لي اشرايج بالاقتراح؟
والاهم من الاقتراح انه متبرع بربع دينار وعليه كاسره خاطره
Hahahahahahahahahaha:)))

تصدقين انا احب الجمعيه
!
يتني فتره اذا متعسره
اروح اخم الجمعيه وارد حمدلله والشكر
:(
بنت الشامية
مهما يروح ويبعد
قلبج بيته ومكانه
عسى ربي لا يحرمج منهم ولا يطول غيابه
ويرد رافع راسج ومبرد قلبج
غمضي وفتحي والايام تركض
:)

esTeKaNa يقول...

الزين
~~~~~~~
يا مسا الزين
:**
يختج ما ينحب؟
ماخذ قلبي هالنزقه
وصاجة في عمر ملاقه انا ما استحمله
:)
وطافج يا الزين ويا بو شطة
لابس قحفية بس
LoL
.
.
.
احساس مشترك
يؤكد لج في كل لحظة
القلوب شواهد
:**

esTeKaNa يقول...

New bride
~~~~~~~~~~
عاش من شافج
!
عقبال ما نفرح فيج وتيبين لنا بيبي حلو ان شاء الله يارب
والجمعيه خليها على كتر
:)

esTeKaNa يقول...

SimPle
~~~~~~~~~
يسعد لي كل لحظاتج يارب
:D~
ويعطيج العااااافية يارب
عسى الرحمن يبرد عليج دنيا وآخرة
ويرزقج احلى من كل ما تتمنين قولي آمييين
:**
يا حلاة الوالده ضحكتيني والله
هههههههههه
تصير تصير
بس انا الي مضحكني اني معلقه جنطتي
يعني معقوله ما شافها؟
.
.
.
بشري بالخير يا الغاليه
دامي موجوده كل ما تميت في بوست جديد
:)

esTeKaNa يقول...

يعقوبو
~~~~~~~~
ملاقه عن ملاقه تفرق
!!
اهو ملاقته عسل على قلبي
:)
تخيل لو حرامي
جان الحين انا فيني انهيار عصبي من الخرعة
looool

الخيلاء يقول...

مساء الزووغه :)

سم الله عليه
الله يخليه لكم و اتشوفينه معرس :)
اتصدقين انا صديقه العيايره .. ايهبلون

و انا الحين تخيلي مو مصدقين اني كنت بيبي .. يقولي طاع انتي شكبرج .. اشلون يعني كنتي بيبي

بيعقدوني عيالنا
مره ماعندي مدرسه
و الحين ماكنت بيبي

عندي بوست عن مزرعه البق بس مادري متى بكتبه



اما الجمعيه
اذا كانت الظهر ابيخ مشوار :(
و اذا كان الطلب غير معروف لي يالهوي
يمه يعني وين القاه
يعني شلون صاير شكله

بعد عمري اتحسف انها قالت لي :)
بس بالاخير ابرد قلبها بعد عمري

esTeKaNa يقول...

5roofa
~~~~~~~~~
ياهلا ويا مرحبا بأبه خروفه
يختج ما ينحب هالعيار؟
looool
:)
ترا اللي يسئل وايد ذكي
لا تجعمونها
انا ترا اجاوبه
واطول بالي لي اخر حد
اسم الله عليهم الرحمن الرحيم
.
.
.
واي خروفه متى تصيرين شجاعه؟
اللي يسحب عربانتج لحقية مثلي
hehehehehehe
والله انتي اللي عسل
نورتي البوست
:*

esTeKaNa يقول...

someone-q8
~~~~~~~~~~~
يا هلا ويا مرحبا اخوي العزيز
!
تصدق انا احس هالولد تبارك الرحمن ذكي
عشان جذي استمتع وانا اسولف وياه واحب اجاوبه قد ما اقدر
:)
وضحكتني على طلبات الرجيم
على قوله ابوي صكو حلوجكم
بعد ليش كل هالطلبات
من كل شوي اكلو شوي وفكونا
:Pp~

esTeKaNa يقول...

جارة القمر
~~~~~~~~~~~~
يا مسا خفة الطينة
يا مسا السنع والذرابه كلها
:)
يختج ماخذين قلوبنا
انا بغيت احط صورته بس خفت عليكم من الفتنه صراحة
:pP~
هههههههههههههه
ولد عمج زوقه
وي عسى ربي يجبر بخاطرهم قولي آمين
مالج شغل
!
ترا الياهل ما يجذب
لما يقول حلوة وعيون ذباحة
معناته
فعلا انتي جميلة وعيونج ذباحة
:))
فلسنا من الاكبر سنا
قلنا نسمع هاليهالو
هههههههههههه
.
.
.
وي يا زين الوالد
خليه على جذي احسن
لانه من يتعودون يطرشونج بس عاد يبدعون وتنافسين السايق بالتطرش
!
تدرين انا امي اذا دقت تبي شي اعرف نبره صوتها
تصير غير
ههههههههههههه
:))
وعلى الصداقات
تدرين شنو المهم؟
المهم القلوب صافيه
والمعزة موجودة
وترا عندي وعندج خير
رفيجاتي يقولون لي يا حافظ استكانة ليش بس واحده تنخطب تحاربينها؟
ههههههههههههه
بس حاليا قاعده اتغير
اكتشفت ان البنت بعد فتره من زواجها تصير زعول يهمها رفيجاتها يسئلون عنها وعن صحتها
وماكو اسهل من المسجات
!
عقبال ما نوخر ثنتينا عن بعض
ونقطع هالعلاقه من عرجها
ههههههههههههههه
طبعا نقطعها لانه بنكون لاهين
من غير شر
:****

mtfa2el يقول...

مرة وحيدة اللي شديت حيلي و شريت ماجلة من الجمعية
بيني و بينج قمت اتهاوش مع الذبان من كثر ما مليت
.
بعدين ولد العم هذا ..ماني قايل مشروع زير نساء ..مشروع جمبازي كبير
!!

esTeKaNa يقول...

mtfa2eL
~~~~~~~~~~
يا مسا التفاؤل كله
:)
ممممممم
لا انته بالك طويل
وما تمل وانته تتسوق
وتحب الجمعيه
ومو عصبي تتهاوش مع الذبان
منو يقول؟
:pP~
بندور لك عروس
معلومات نتهاوش يا الذبان مو مفيده حاليا ابدا
اخذها نصيحة مني
:)))
ولد عمي هذا حبيب قلبي
والبنت لولد عمها
لذا
لا تقولي زير نساء
ترا يعورني قلبي بعدين
:)

esTeKaNa يقول...

الخيلاء
~~~~~~~
يا مسا الورد كله
:)
يختج العيايره ياخذون القلب
في كل مراحل اعمارهم
تدرين يخورونه عليج ويجذبون احيانا
بس عسل عسل على القلب
!
واي انتي اللي عندج زوقه
مت مت من الضحك على سالفه المدرسه
بس صج
انا اول عبالي ابوي من طلع من بطن امه عنده لحية
loooooooooooooooool:))
وامي من كانت ياهل تعرف ابوي
اشلون يعني مر على امي وقت ما تعرف ابوي
!!
مادري اليهال اشلون يفكرون
.
.
مشوار الجمعيه الظهر عقب الدوام يبجي
ويبجي اكثر اذا توج ماخذه راحة ومنسدحه قالو لج قومي روحي الجمعيه على قوطي ولا على توست
واذا قلتي ها
يت لج محاضره
فلازم تروحين
:(
الله لا يحرمنا من امهاتنا
وعليه
قايمين فينا وطايرين فينا
ما يردون لنا طلب
واحنا يا كرهنا مرات لا تميلحنا وقلنا مالنا خلق
:)
حياج الله
وسوري قلبت الترتيب بين وبين المتفائل

Q8DOLL يقول...

عيارة اليهال من ذكائهم
الله يخلي لكم

وياحليله اللي اخذ العربانه وانتي لاحقته لووووول انا أتخيل على طووول ترى

الله يديم المحبه بينج وينها
آآخ على الصداقه محظوظ من يحصل على صديق وفي بهالزمن
موفقه يالحبيبه

`~MnO YeNSa! ~` يقول...

صبــــــــاح الخير
و النوير

(1)
يا حلاته
هالزووقة
عيــــــار
رقم
واحد

لا لا تقولون زير نساء
لا
(2)

اما الجمعية قصة قصة
ثانية

مسكيـــــن الريال لاهي
مع مرته
و
ما درى

و انتي لا تحطين
your bag
والله
العربان اتعوض بس الجنطة !!!!؟
شلون

بس الموقف ترى يضحك حيــــــل
:)

....

البعد ترى
ما ينوصف
..
الصمت فيه
حكى (ن) ينعرف

يمكن عبرت بكلماتي البسيطة
:*

يخليكم لبعض قولي
آمين

فقدتج ترى

vancouver يقول...

يااااااااااازنه هالعيااااااااار

الله يحفظه
هالجمبازي
هههههههه


انا والله اسويها دايماوعمري ما فكرت
الا لما قريت بوستج
ليش لمااكتب الطلبات ما ارتبها
الحمدلله والشكر
؟؟

قاعدة ااتخيل انه الواحد يلف الجمعيه اكثر من مره والسبه فوضى اللسته

بس المشكله
محد اشتكى عندي
:)))

Selezya يقول...

:) v.nice

miss u :)

ARTFUL يقول...

سردج للسوالف مع استكانة جاي دوّه مخدر ((وأفضل جاي الربيع الذهبي)) وانت قاعد على اليال أول شهر 2 وذيج القمره ونسناس يرد الروح ولا وراك دوام ولا وراك شغل .. ولا مثله اسم الله عليج

ARTFUL

charisma يقول...

يا مساا الانوار كلهااا
:**

واااى زوووغه زووغه
ليش لما تعصبيين تصيريين حلوه
واااااااااااااو ذبحنييييي
اسم الله علييه خشووه نبييه محجوز فى بالى كتكوته ابى لها
هههههههههههه


(3)


قد لا تكونين بقربي
وقد لا تشاركيني كل لحظاتي
قد..تبعدنا مشاغل الدنيا
ونتوه بمتاهات الحياة
ولكن
في اللحظة التي تعودين فيها
ينتعش لك في قلبي بساتين من زهر
وتغرد في سما وجودك مشاعري الصادقة

حسيت فيها من قلبى
فعلا
يامه قراب ما يحسون فيج
ويامه بعاد قريبين حيل من القلب

سبحان الله

:**

الله يحفظج يا احلى والذ استكانه
:)

Sn3a يقول...

على فكره تساؤلات ولد عمج لها جواب
خصوصا ترتيب الحلج والخشم
سالفه حلوة لما تعصبين من الصغر يحفظونها لول


اما على سالفه الجمعيه
كسرتي خاطره وانتي ورا بوقحفيه خنت حيلي استكانه


يعطيج العافيه خيتي

صقر قريش يقول...

اختي استكانه لوتسمعج اختي العودة كله تقول لي الله يعين هاللي بتاخذها اقولها المنة عليها اني اخذتها :) تقولي شدعوه الفيس بريسلي بس شهادتج تكفي الحين اقزها بعيونها :)
وانا مع مدون كويتي لازم نتعرف على الولد :)بأقرب وقت :)تقبلي مني خالص التحية ناطرين تشريفج لمدونتنا
الي مقاطعتها ادري اني بالكتابة دون المستوى بس هم نبي راي الادباء :)

a7La eNG يقول...

الله ياني احتريت
و طلعت عيوني

صج طلعت عيوني
@@

و ماني قايلة ليش
;)

عشان ما اصير ياهل اكثر
:P

بس هم احتريت
:D

وردة حب يقول...

لووووووووووووووووول

حمدلله على سلامة عرباااانتج

فتى الجبل يقول...

لو آنا منج جان من اول ماحط ريوله بالفراش رفسته:p

Najmah يقول...

استكااااااانة
ولد عمج خطيير
لما تشوفينه تلمينه وتحبينه وتقولين له النجمة تسلم عليك سلام خاااص
:))

الله يحفظه من كل شر ويخليه لكم يارب

.
.


لووووووووووووووووووووول
امبيه تعرفين لما تكونين رادة من الدوام تعبانة ومصدع راسج من شوارع الكويت خاصة عقب ماضيعتي ومابقى شارع ماوصلتي له
\
واتيين تقرين بوست يسرسرحج وتضحكين من قلب قلبج :)
مو قادرة اسكت من الضحك شسوي :P

.
.


ذكرتيني بشعر كنت كاتبته قبل سنتين تقريبا
كان فيه:
ماتهم أطول مسافة ..دام الوفا باقي ساهر
ومايهم طول البعاد .. المهم تبقى المشاعر
:)

chatterbox يقول...

السلام عليكم
لو انا منج واحس شي يتحرك بفراشي جان صراخي شايل لي اخر الدنيا
عاد انا اذا خفت ابكي ومااعرف اسكت لوووووول

esTeKaNa يقول...

q8doLL
~~~~~~~~~
ياهلا ويا مرحبا بالغالية
:)
فعلا احس العياره من الذكاء
ويا زين هالذكاء والله
!
اي دول لازم وياي تتخيلين
عشان تحسين باي شي اكتبه
اطلقي لخيالك العنان

حياج الله نورتي البلوق
:*

esTeKaNa يقول...

Mno Yensa
~~~~~~~~~~~~
ياهلا ويا مرحبا بالطيبه الغاليه
:)
ايييي انا بعد مو راضيه يقولون زير نساء
!!
وعساج ما تفقدين عزيز وغالي
جابلت بلوقج وتنطعت فيه
لا تحرمينا من ابداعج اللذيذ

esTeKaNa يقول...

vancouver
~~~~~~~~~~~~~
ياهلا ويا مرحبا
!!
اشوة البوست صار له هدف
الهدف افطنج ترحمين حال اللي يروح الجمعيه ما يفتر اهو واللسته على كبر الجمعية
:D~

esTeKaNa يقول...

seLezYa
~~~~~~~~~
من غيييييييير شر
!!
فااااقدتج وايد
:)














Artful
~~~~~~~~~
ما شاء الله تبارك الرحمن
!
شنو هالوصف الحلو
تدري انك وسعت صدري؟
حياك الله نورت البلوق يا اخي العزيز

esTeKaNa يقول...

charissma
~~~~~~~~~~~
يا مسا الورد كله
يا هلا بجسر المحبة
:**
انتي ما شفتيه عويناته وهو يقص علي؟
ياخذ القلب
!
عسى بنيتكم لذيذه وخفيفة طينة؟
اسئلج وانا ما اشك بالاجابه
:)
شفتي هالكلمات الأخيرة اللي أُثرت فيج؟
تدرين انتي اللي اوحيتي لي بهالكلام؟
تذكري حوارنا وراح تعرفين انج مصد الهام هالكلمتين
:***
الله يحفظج ياربي ويسعدج

esTeKaNa يقول...

سنعة
~~~~~
يا مساء السنع كله
:*
يالله غششيني بالأجوبه عشان اقوله
وصج صج كنت كاسهر خاطر روحي
بس فيني ضحكة
:)

esTeKaNa يقول...

صقر قريش
~~~~~~~~~~
ياهلا ويا مرحبا صقر
:)
ترا عادي كل اخت لازم تقول جذي حق اخوها
:Pp~
وترا والله موقطاعه
بس وايد منشغله اكثر من اول
ووساعات امر من غير تعليق
سامحني على القصور
:(

esTeKaNa يقول...

a7La-eNg
~~~~~~~~~~~
اسكن بعيوني وشوف
اشكبرها دنياك
:**

esTeKaNa يقول...

وردة حب
~~~~~~~~
الله يسلمج من الشر
:))
ههههههههه










فتى الجبل
~~~~~~~~~
وي مو خوش بشاره
بروح افتن عند سديرة
:Pp~

esTeKaNa يقول...

NAJMAH
~~~~~~~~~
يا هلا ويا مرحبا بالنجمة
:*
يا زين الضحكة والله
عساج دوم فرحانه وسعيدة
ولا توصين حريص انا طول النهار المه
ماخذ قلبي وماخذه حقة بالدلال
:*
يا زين هالشعر عجيب
كمليه كتبيه لنا
وامتعينا

esTeKaNa يقول...

Chatterbox
~~~~~~~~~~~~~~
يا هلا يا هلا
!!
عاش من شافج
:)
واي رد فعلج يضحك
لووووول

ARTFUL يقول...

صج؟؟
الله يحييج ويبجيج
الحمدالله .. الله يوسع مكانا بالجنه يا رب

البارحه الجو وااااااااايد حلو

عسى الله يتمم ويرزقنا جو حلو بالويك اند ونشرب جويهتنا بالشاليه على اليال بس حسافه ما من قمره

بس اذا الوالده يمك اهي نور القمر كله

عسى الله يحفظها ويحفظ امهاتكم

حسافتج يا كويت يقول...

قد لا تكونين بقربي
وقد لا تشاركيني كل لحظاتي
قد..تبعدنا مشاغل الدنيا
ونتوه بمتاهات الحياة
ولكن
في اللحظة التي تعودين فيها
ينتعش لك في قلبي بساتين من زهر
وتغرد في سما وجودك مشاعري الصادقة





هذي هي المشكلة اللي ما تفهمها 99.99 بالمية من نساء العالم







أشكرك يا استكانة

feelingstalk يقول...

صراحه .. الله يخلي لكم ولد عمج حده دمه خفيف ويخلي
الواحد يضحك وينسى همه .. انا دايما احس ان البيت اللي فيه يهال فيه فرحه فيه وناسه .. كفايه اذا كنت معصبه وشفتي ويه ياهل يضحك تضحكين معاه
اما الريال اللي في الجمعيه فلم .. بس الله يعافيه سوالج فاصل كوميدي بعد حوستج مع اغراض الجمعيه

feelingstalk يقول...

صراحه .. الله يخلي لكم ولد عمج حده دمه خفيف ويخلي
الواحد يضحك وينسى همه .. انا دايما احس ان البيت اللي فيه يهال فيه فرحه فيه وناسه .. كفايه اذا كنت معصبه وشفتي ويه ياهل يضحك تضحكين معاه
اما الريال اللي في الجمعيه فلم .. بس الله يعافيه سوالج فاصل كوميدي بعد حوستج مع اغراض الجمعيه

|:| DUBAI |:| يقول...

LOOOOOOOOOL

Zain Ma Shlch Enty !!

E9raa7ah Met mn il'67ek 3la ilMwqef !!

esTeKaNa يقول...

artfull
~~~~~~~~~
الللهم آمين
وحياكم اللله
:)















حسافتج يا كويت
~~~~~~~~~~~~~~~~
ياهلا ويا مرحبا اخوي العزيز دائما
!!
اللله كل هالنسبه ما تعرف هالحقيقه؟
اشوة طلعت انا من الواحد بالأمية
:)












feelingstalk
~~~~~~~~~~~~~~~~
hehehehe
:)
شفتي اشلون دمه خفيف؟
طالع على بنت عمه طبعا
:Pp~
وصج ذاك اليوم ضحكت
أحلى ما في هالدنيا اليهال
:)













دبي
~~~~~~
LOOOOOOOOOL
اي والله زين ما شالني ويا العربانه
!!

HeMaM يقول...

السلام عليكم
استكانه شلونج ؟ شخبارج ؟؟

ضحكت على سالفة العربانه ههههههه

و وااااي زووووقه حبيت ولد عمج

:D:D

عــــاشــــه يقول...

إٍستكانة

ياحلات تدويناتج

إشتقت لحروفج وحكاياتج