الثلاثاء، فبراير 12، 2008

(6)

(1)
تشتاقني...يدفعها الحنين لي
تتصل...فيجذبنني صوتها من عمق كسلي
تتطمن على أحوالي
وكيف تسير حياتي
تعاتب بطالتي برقة احساس تخجلني:
إستكانه ولي متى البطاله؟
متى بتردين للكويت حقها؟
باحسن مدارسها درستي
وبحضنها ربيتي
متى بتردين لها حقها؟
!!
اضحك وأرد:
موكلتج عني،ردي لها حقها بدل مني
فكرة الوطنية المنغرسه بهذه البنت تعجبني
انقطع اتصالنا وظل سؤالها عالقا في ذهني:
ومتى بتردين للكويت حقها؟
(2)
اسابيع طويله وأنا مابين استخارة وفرض
حيرتي كانت سبب يمنعني من اي خطوة في حياتي العمليه
اضع يدي على خدي انتظر مكان واحد قدمت عليه ويطول انتظاري
!!
يشجعني الأهل للعمل بمكان مؤقت
ليس لشئ الا لشغل فراغي بشئ مفيد
اتوكل على الله واذهب وأنا خائفه
مترددة
،التفت حولي انتظر اي اشاره تردني
يتأخر الاصنصير في المبنى،فاسرع مبتعده واجد عذرا لأبي:
خيرة يبه خيرة حتى الاصنصير تأخر
!!
يسحبني من طرف ملابسي ويضحك:
يا جبانه
اليوم استلمت العمل في مكان جديد
اشعر بأني طفل يحبو أول خطوة في حياته العمليه
قد يكون عمل مؤقت ولكن...يبقى في حياتي شئ جديد
ادعو لي بالتوفيق
:)
(3)
هما قلبين لم يسعيا للحب ولكن وجداه بين قلبيهما
النسب جمع مابين قريبين لهما والحب جمع قلبيهما هما وهم بعمر صغير
كان هو على أعتاب الجامعة وهي تصغره بسنتين
تفتحت أزهارقلبيهما بحب نقي وطاهر
وجد ساحات من أمل خضراء تقول لهم بأن القادم أجمل
!!
يكبران..تتحسن الظروف..وقبيل بلوغهما الحلم
يحدث ماهو غيرمتوقع
مشكله كبيرة:
انفصال قريبه من قريبتها
تعقد المشاكل بصورة كبيرة بين الاسرتين
حرب كبيرة ..و.ضحاياها قلبين
!!
فعندما حان الوقت المناسب ليخطب ودها تقف بوجهه اسرته
وتعاندها هي اسرتها
:(
لأنه رجل صادق في زمن قل به الصدق والرجوله...لم يتنازل عنها
ولأنها أحبته بعمق تقف بجانبه رغم تعقد كل الظروف
يستمدان القوة من وجودهما الصادق
من حبهما الوفي
أحيان...يحبط فيبتعد
وأحيانا أخرى..تبكي وتنهار
ورغم كل تلك الأحيان ما زالا يسعيان في كل شكل من الأشكال لبلوغ غاية ذاك الحلم المحال
!!
هو يشكي لي همه
أمله المتأرجح
حبه المتمكن من ذاته
يشفق عليها ،من قسوة دنياها
يتمنى ويتمنى....ولكن الواقع عليه قاسي
عينيه تنبض بحب
وقلبه ليس لغيرها فيه مكان
اشد على يديه ،أمنحه من قلبي دفعة أمل:
لا تمل ولا تكل،هي وحدها تستحق منك الحب
رجل انته بأفعالك بحبك واحساسك
تطرق كل باب،تقنع هذا وذاك
تسعى لرضا أهلك ،وتقف شامخا بجانب حبك
لم تقصر انته في حق هذه العلاقه
ولكن لابد من تحرك من جانب آخر،من جانبها هي
!!
تطل من عينيه الحيرة:
اخاف عليها
لا لا تسوي اهي شي
او صح لازم تسوي شي
لا...انا مادري تعبت تعبت
كوني معاي انتي مثل أختي
وكوني معاها..أهي مالها أحد
هل تشعر بقيمة اسعاد قلبين بشئ بسيط؟
احتضن حيرتها بحب
واسمعه بانصات
ليس بيدي شئ سوى الدعاء لهما
واعطائهما دفعات أمل للأمام
ابتسم محاولة اضحاكهما:
عسى فالكم مثل فال ساركوزي
كاهو تزوج...مع انه الشعب ناقد عليه
:)
أتمنى يا قريبي ان يجبر رب العالمين بخاطرك
وان يسعدك ويسعد قلب تحبه
انا سعيدة بكما
بثقتكما بللله وبمشاعركما
وعندي احساس بأن الله سيسعدكما يارب
(4)
يا بياله من حليب مهيّل
يصلني عبقها عبر الأثير
أعلم انك قد تكونين...بصمت لي تقرأين
وجودك يسعد قلبي
وكلماتك الجميلة وصلتني عبر قلب منك قريب
كوني بخير
كوني سعيدة
ومن استكانه دائما قريبة
:*
(5)
يسألني باحترام:
تشربين شي؟
وبخجل ارد:
لا شكرا
يتجاهل ردي وينادي :
استكاااااااااااااااااااااااانه
استكااااااااااااااااااااااااااانه
وجدت نفسي بلا شعور أرد:
نعم؟
ناظرني باستغراب:
لا أختي انا أقول للفراش يحضر لنا استكانة جاي
!!
(6)
هي حبيبة،يخجل منها الذوق
وينحني امامها الاحترام بحب
عاشة...تبعث لي من دبي هدية جميله جدااا تحرجني فيه وتجعلها باسم استكانه
مندوب الدي اجل ال يسأل أمي:
استكانه موجوده؟
تغلق أمي بوجهه الهاتف:
ناس فاضيه،في بنت اسمها استكانه؟
ابتسم وبسكات اعاود الاتصال به:
لو سمحتي نبي بطاقتج المدنيه
عشان بس نتأكد من الاسم
!!
يقرأ ابي مقال الجريده لاستاذ مرزوق ويسئلني:
الحين منو استكانه؟
اخفض صوتي باستحياء:
أنا
!!
اللله يا بنيتي كل هالتعب اللي تعبته عليج وأخرتها صرتي استكانه؟
رغم كل ما سبق
يعز علي اسمج....يا استكانه
:Pp~

هناك 61 تعليقًا:

Shaima'a Alkandari يقول...

شعور عميق مؤلم

مادرى شقول او اكتب لأن صج حاسه بشي غريب صار فيني

موحلو لمن نحب شخص والاهل وبسبب المشاكل يخلونا نباعد عن احبابنا


ومادرى شقول بعد بس
ويبقى الحب

حنين الشوق يقول...

مساء الخير حبوبة

أول شي أبارك لج على المقال
ولو أني جيت متأخرة فيه
بس تظلين أخت عزيزة وغالية :$
وتستاهلين كل خير حبوبة
وبالتوفيق ان شاء الله في وظيفتج
وتعطين الكويت وتعطيج
:)
يذكرني الحب بين القلبين
بحب نمى بين دولتين
والصراع الدامي بين الدولتين وقف في طريق مستقبل هذا الحب
ولكن
هذا الحب مصيره يعيد الترابط بين الدولتين
و يفتح للأمة تاريخ مجد جديد
أنا متفائلة
وعسى الله يجمع هالقلبين
وكل قلبين محبين

عزيزتي
تقبلي تحياتي

Mesba7 يقول...

مدونه ظللت أراقبها على مر الأشهر الأخيره.. انتظر كل (بوست) جديد بفارغ الصبر، إعجابي يزداد بما ينشر فيها مع كل جديد يطرح.. أديبة بحس راقي.. أسأل الله لك التوفيق في وظيفتك و أمور دنياك
و أسأل الله أن يجمع قلبي قريبيك

لك مني التحيه و تقبلي مروري

غير معرف يقول...

بيالة الحليب هيلها كلامج الطيب وروحج الاطيب
واذا كنتي تظنين ان قرائتي لج صامته
فانتي غلطانه لانها حجوة القلب للقلب

وانشاءالله تظلين دايما استكانتنا اللي تعدل الراس وتطيب الخاطر

big hug

حق يدتج

الخيلاء يقول...

مبروووك استكانه انضمامج لستاف الموظفين .. و الله يبارك لج بوظيفتج و يونسج فيها :).. و ترى الوظيفه الاولى دايما احلى و قعها على القلب غيييير


و قولي حق قريبج .. قد يجمع الله الشتيتين بعد ان يضنان كل الضن ان لا تلاقيا .. و الله يسر امورهم و يجمه بينهم بالخير ..

الموقف الخامس .. لووول .. بيقول كل هالصراخ و اتقول نعم ..

و ان شاء الله بدال المقاله باجر جريده .. انسميها استكانه :)

Najmah يقول...

لوووووووول

احلى شي انج قلتي نعم :P

مبروك يالغاليه تستاهلين كل خير
وعسسى ربي يكتب لج التوفيق بكل خطوة :)


واحنا بعد يعز علينا اسم استكانة غالي والله غالي :**

تستاهلين كل غالي يالقلب الطيب :)

DiLLi O MiLLi يقول...

المشكلة يا أستكانة يا حبيبتي
صحيح الكويت ما قصرت بتعليمنا
بس وصلت ليه نص الطريج وقضبتنا الباب
يعني .. ماااكو وظيفة
وأذا أكو أشتغلت الواسطات
تلقين اللي تخرج عقبج توظف قبلج


هههههههههههه
وبس أنتي متطرفة
شنوو يعني تأخر الأسانسير !؟
عيل لو شدخ باللي فية !؟
تعتصمين في البيت مدى الحياة !!؟؟
وأنا لوو بمكان والدج الله يحفظه
جان موو أسحبج من طرف ملابسج
لااااا .. جان "ماعطتج" من جتفج
ومدخلتج الأسانسير
;)
بـــــــس
جـداً مستانسة أنج توظفتي
شوفي من اليوم وطالع نووم مبجر
وحطي مخده تحت راسج ورفعي أيدج اليمين
ويفضل عين مسكرة وعين مفتحه
ولاااا قعدتي .. ريوقج يكون .. قلاص حليب وقطيعة رهشة
تعطيج طاقة بحيث أذا تأخر عليج الأسانسير
تركبين الدري بكل راحه
:)

يااادي الحب
واللي يحب
مشــكلة
وخاصة أذا صار بين الأقارب
عشان جذية عندنا المثل الدارج اللي يقول
روح بعيد تجي سالم
بس الحب لما أييي ما يعرف القريب من البعيد
هَـمَ مشــكلة
وأنتي يا حبيبتي ما قصرتي معاهم
أنتي طمنيهم وأدعيلهم
واللي الله كاتبة .. بصير
وياااارب الله يوفقهم ويسعدهم


ههههههههههههه
صااااج الوالد
آخرة تعبه أستكانة !؟
لوو غوري ولا مطاره ولا سِفرطاس



سألي الوالدة عن السفرطاص
أذا ما عرفتيه





:)

Selezya يقول...

entay it'hableen
:)
mabrook 3la new job 7ta lo mo2aqata :)

Sara يقول...

مبرووووووووك الوظيفة يا استكانة .. قزريها انا ياما قزرتها وانشالله قريب ألقى الوظيفة المناسبة :)

bin3li يقول...

سلامي عالاستكانة إللي شايلة السامسونايت و رايحة المحكمة
بعد يلبسونكم البشت و الباروكة البيضا؟

ما أوصيج حطي الرقم السري مال السامسونايت 000
لا تقعدين تتفلسفين بالرقم و عقب تتوهقين جدام القاضي ما تعرفين تفتحينها
:P

`~MnO YeNSa! ~` يقول...

احلى استكــــــانة بعد :*

على البركة على الدوام اليديد welcome , welcome :P


كلمــــــاتج رائعة رائعة كالعادة سلسة للغاية

Q80 Blogger يقول...

بالتوفيق بدوامج اليديد

عاد لايكون الدوام باحد هل ادارات الي ماعندهم شغل غير شرب الجاي
لأنه راح تتعلقين وايد .. رايحه استكانه وراده استكانه :)

darkness يقول...

مبروووووك الوظيفه

ولكم تو ذا كلب


الحين بتبدي حياة الالتزام و صداقات الصراع

حلوه صداقات الدوام بس فيها جانب صراع دائم

اتمنى لج كل التوفيق

و بنفقدج لانه اكيد بتنشغلين

:)

هذيان يقول...

جميل أن تصنع لحظة لأسعاد قلب
ولكن الأجمل أن نحافظ على تلك اللحظة

فهل هناك معطي يا استكانه
وهل المعطي سيحافظ على عطائه


رائعة

New Bride يقول...

واااي استكانه تهبلين هيهيه اهم شي البطاقه المدنيه لووول

يا رب يجمعهم حق بعض اذا كانوا خير حق بعض

و الله يوفقج حبيبتي

Sn3a يقول...

عالبركه عالوظيفه
حتى لو مؤقته المهم احساس جديد

اهم شي يبي يتأكد من البطاقه المدنيه

عثماني يقول...

استكانة

مبروك على كل شي

انتي من الناس اللي الله عطاهم حب الناس بدون سبب

لج قراء يعتبرونج اخت و صديقة قريبة منهم

عسى الله يحفظج بحفظه

و يوفقج وين ما تكونين

5roofa يقول...

القصه عورت قلبيييي

اكره شي الفراق الي ما يكون بيدهم و العذاب الي ناس تسبب

الله يمسح على قلبهم وويصبرهم و يعطيهم الي يبيونه يارب
صج رضا الاهل صعب بس امبي رضا القلب

واااااااي بروحه عذاب

مبروك على الوظيفه معنه مادري ليش مستعيله لول خليييييييييج شلج باالكراف

انا جد جد قاعده افكر فاتحلي حضانه و ايمع بناتي فيها و اهج من المدارس

عاد انتي استكانة و الاجر على الله لوول

تدرين للحين شايخه فيج ودي اقولهم يعني حق الكل اني اعرفج بس اخاف بعدين يدرون اني اكتب بالبلوق و انفضح لول
:P

خليني شايخه فيج بقلبي خيتوو

salamz sweetee...

esTeKaNa يقول...

shaima
~~~~~~~~~
انا ايقن انه احساس مؤلم ولكن
هناك نقطة ايجابيه بالموضوع..ربما تلك المشاكل والظروف التي يمر بها اي شخصين خيرة تبين لكل طرف منها مدى صحة اختيار احدهما للآخر وعمق الاحساس الذي يجمعهم
!!
أتمنى ان تكوني بخير
وشكرا...لأانك زينتي هذا البوست في بدايته
:)














حنين الشوق
~~~~~~~~~~~~~
مسا الحنين والأشواق

الله يبارك بحياتج وما قصرتي
يكفيني مباركتج واحساسج بلحظتها او لو بعد سنه
شكرا اختي الغاليه
:)
اعجبني تشبيهك اكثر من ما تتخيلين
انا ايضا متفائله
رغم تعقد الظروف
لا انكر اني متفائله
!!

دمتى بتفائل دائم

esTeKaNa يقول...

mesba7
~~~~~~~~~
ياهلا ويا مرحبا بالمسباح
هذي الساعه المباركة اخي العزيز
كلماتك بعثت احساس جميل في قلبي
شكرا لرقة تعليقك
وشكرا ..لدعائك الصادق
اللهم آمين واجمعين يارب
واهلا وسهلا بك بيننا اخ عزيز وغالي نعتز بوجوده
:)










anon.
~~~~~~~~
big hug>>>بس حق يدتي؟
:))
هلا بلي لها كلام فرحني
ومع الغالية سالفة قلب وصلني
حجوة القلب للقلب غير
تكون اصدق
اجمل
واروع
أختي العزيزة..كوني مني قريبه
اعتبريني أختج عبر الأثير
اذا خاني التعبير انتقديني
واذا اجدت التعبير افرحي لي
:)
هذا البوست تبارك
بكلماتج المهيلة
:*

esTeKaNa يقول...

الخيلاء
~~~~~~~
والخيلاء دانة أنوارها تلالي
تبهر العين من زود الحلا فيها
ليش كلامتج مثل السكر؟
اي شجعيني
قولي ان الوظيفه الأولى غير
الله يبارك بحياتج ما قصرتي
:)
الله على هالبيتين
يعطون امل واحساس ثاني
اما موقف الاستكانه
فانا بروحي ضحكت لي قلت بس على روحي
!!
جريدة اسها استكانة؟
ليش حسيتها حق طبخ؟
LoOOOOOoL:D~










najmah
~~~~~~~~
شرايج فيني وانا اقول نعم؟
فطينه اسم الله علي
لوووول
:))
يبارك بحياتج يا الغالية
ويااااابعد قلب استكانة أنتي
:**

سدرة العشـــاق يقول...

مبرووووك الوظيفة اليديدة و عسى ربي يوفقج و يسعدج و يجعلها فاتحة خير إن شاء الله

الله يكون بعون الحبيبن و يجمعهم بالخير و الحب و يهدي النفوس ... الدنيا ما تسوى والله

:***

charisma يقول...

هههههههههههههه
واى مت من الضحك على رده فعل امج
ناس فاضيه
لوووووووووول
اى والله مسكينه اهى شدراها ان بنتها استكانه
:)))

اول شى صبااح الورد

وبعديين مبروووووووووووك على الوضيفه المؤقته
انا قايلتلج ماكو احسن من سستر
بالمستشفى هههههههه
:**

حبيبتى انتى الله يوقفج يا رب وان شاءالله تكون وضيفه ترتاحين فيها
وفعلا الكويت ما قصرت بس ترى العطل مو منج
انت تسعين وتقدمين والباجى عليهم
يعنى كلش لا تحسين بالذنب
:*

وموضوع الحبايب

بعد عمرى الله يكتب الخير والصالخ لهم ويجمعهم ولين قلب اهلهم
اخخ من هالحب
يعفس حتى القرارات الصعبه
://

مس يوو :*

7osen يقول...

عـالبركه الشغلة اليديده

الله يوفقج فيها إن شاءالله

البوست واايد حلو وممتع

طريقتج بالكتابة مذهلة فعلاً

:)

أجمل تحية

esTeKaNa يقول...

dilli o milli
~~~~~~~~~~~~~~~
ولالالالالالالالاااااااا
هذا صوت ربابه باك رواند على قضبتنا الباب....وااللله يا دلي اني احبها
واعشق كل شي فيها
بس شكلها الله يسامحها مرات ترقع الباب مو بس تقضبنا اياه
:(
اي والله متطرفه
هههههههههههههههههه
تمعطيني؟
انا مو قايله لج هالكلمة فيها عنف ولا فيها ذرة احساس ولا انوثه
شنو يعني امعط؟
ترا صعبه الكلمه صعبه
هههههههههههههه
مستانسة لي؟
وي يا عل ربي يونسج بالعافية قولي امين
بس السؤال اللي يطرح نفسه
اشماله اتبهلل بالنومه؟
ليش اسكر عين وارفع ايد ليش؟
اذا في حكمة قولي لي
انا ترا ما استغنى عن حكمج يا حكيمة
:Pp~
اييييييييييييه يا الحب
ما يمدحونه هاليومين يقولج يعل القلب اسم الله على قلبي وقلبج
:p~
السفرطاس؟
امممممممم
ما سئلت احد
اجتهاد شخصي
مو جنه اهو القوري اللي تحته شي
ماعرف اكتبه قاعده ارسمه بالهوا تشوفيني؟
هههههههههههههههههههه
شي حق الجاي صح؟
مادري ليش تعطيني اسئله تحسسني اني بامتحان قبول
عسى بس تقبليني يارب يارب
بروح ادور لي واسطة اخاف ما انجح بامتحانج
:pP~

esTeKaNa يقول...

selezeya
~~~~~~~~~~
شكراااا
أنتي بعد تهبلين
:)
الله يبارك بحياتج ما قصرتي








sara
~~~~~~~
الله يبارك بحياتج
اي والله وظيفه تقزورة
:)
الله يوفقج يارب






بن علي
~~~~~~~~
LOOOOOOOOOOOOOOOL:D~
موتني من الضحك
:)

esTeKaNa يقول...

mno Yensa
~~~~~~~~~~~
يبارك بحياتج
ماقصرتي يا صديقتي الرائعه دائما
:**





q8i-blogger
~~~~~~~~~~~~~
شكرا..الفال لك يارب تتخرج ونفرح فيك
ههههههه
لا تخاف صرت انتبه
مو كل استكانه يعني انا
:Pp~





Darkness
~~~~~~~~~~
يبارك بحياتج يارب
والله يستر
للحين كل شي تمام
بس صج احس اني انشغلت وايد
احتاج فترة على ما يترتب يومي
:)

esTeKaNa يقول...

هذيان
~~~~~~
!!ما أرق كلماتك

فعلا ما اجملها من لحظة
وما اروع العطاء الذي نتمنى ان يدوم
:)















new bride
~~~~~~~~~~~
لاحظتي انه يبي بطاقتي؟
تخيلي اسمي بالبطاقه استكانه
لوووووول
اي والله آمين
كنت افكر بهالموضوع امس
اقول يمكن كل شي يصير خيرة لهم ما يحسون فيه الحين بس يحسون فيه بعدين

اللهم امين
:)







sa3a
~~~~~~~~
اي والله يا سنعه
احساااااس جديد جدا
:)
اي والله يبي البطاقه
انالما قالي صج ضحكت
:)

DiLLi O MiLLi يقول...

لااااااااااااااااااااااا
شـــنوووو قوري تحته شي !!!!؟؟؟؟

أهوووووووو قــوووووومي
رووووحي للوالدة وســـــــأليــــهااااا
يالله زتــــاااااات
يــــــه !!!؟؟

بنــااااات آخـــر زمـــن
مااااا يعرفوون الحجي الكويتي الأصلي
بعض الناس أسألوا أمهم من اليوم الصبح
وطرشولي الجواب مسج
يااااا حلاااااتها والله
تسمع الكلام
هههههههههه



:)

esTeKaNa يقول...

عثماني
ّ~~~~~~~~
تدري ان كلماتك بهالتعليق عورت قلبي بس فرحتني؟
يشهد علي اني كلمة اكتبها احس اني اكتبهامن قلبي لكم
انتو اخواني واهلي
عسى ربي لا يحرمني منكم
ويزاك الله خير على كل كلمة
واجمعيييين يارب

:)








خروفة
~~~~~~~~
اي والله يعورون القلب
!!
بس لما تشوفين قناعتهم ببعض
وحبهم لبعض تفرحين
الله يحفظهم ويجمعهم بالخير يارب

الله يبارك بحياتج يارب
ويالله خوش مشروع ادمعج انا نفسيا ومعنويا ومستعده ايي اسولف مع اليهال اقولهم قصص
ههههههههههه
:)
وي يا زين اللي شاخت فيني بقلبها
يا عسى ربي يجبر بخاطرج ويا عسى عمرج طويل
:**

esTeKaNa يقول...

سدرة العشاق
~~~~~~~~~~~~~
حيالله سديرة
:)
يختج شنو هالسنع اللي ينقط؟
كل بوست لما اقرا تعليقج اقول واي يا زين سدرة السنعه
اميييييييين يارب








charissma
~~~~~~~~~~~~
لا انتي ما شفتي الحاجب لي رفعته
والبوز اللي لاويته
مو يايز لها الحجي
فشلت انا من روحي
صاجة خبرها مسميتني اسم يوايه الناس مو استكانه
:P~
والسستر عليها طلب
فقلت اتنازل حق اللي محتاجينها اكثر مني
لوووووول
حبيبتي امييييين وماقصرتي
والله انه لج فرية
صج ولهانه عليج
:**








7osen
~~~~~~~~
آمين واجمعين يارب
مذهله؟
يا سلااام يا سلااام
تدري اني احب قصيدة مذهله؟
اللي غناها عبدو
قلت لا لا تغنيها
لا تغنيها
لا تخلي كل الناس تحبها
ولا تخلي كل الناس يدرون انه الشاعر كتبها فيني
بس صممم
شسوي يا حسين
قلت انشر بعد شسوي








إستكانه عايشه الدور
:Pp~

esTeKaNa يقول...

Dilli o milli
~~~~~~~~~~~~~~~
لا لا
انا اليوم بروح الزواره وسئل يدتي
امي مالها بالسفرطاس وهالسوالف
:)
وبعدين يصير نغش من ناس؟

DiLLi O MiLLi يقول...

هههههههههههههه
لاااااااااااااا
مــايصير تغشين من ناس



وبعديـــن الوالدة راح أتعرفة
مووو ليه هالدرجة عتيجة الحجوه

ســـلمي على يدتج الله يحفظها
وقوليلها دللي تسلم عليج




:)

SHAHAD يقول...

أولا : مبرووك الوظيفة .. ومن نجاح إلى نجاح أكبر يارب .. بالتوفيق الغالية
ثانيا : أتألم لما اشوف قلبين موقادرين يوصلون لبعض بسبب أخطاء غيرهم !
يعني شذنبهم هم ؟ حرام هالحب يموت بأول طريجه : (
يارب يوفقهم وينالون مرادهم ويعيشون طول عمرهم بحب متوج بأسعد زواج ياااارب :))
ثالثا :وشفيه اسم استكانه ؟
يا حلاته عليج :) كافي إنتي صاحبته :))

Peace يقول...

عزيزتي
الف مبروك على الوظيفه

نصيحة اخت اذا ارتحتي بوظيفتج
ان شاء الله ترتاحين
لا تغيرينها و تنتطرين المكان اللي تبينه
لانه اكيد خيره لج

نصيحة مجرب
!


بس احلى شي لما ينادي استكانه
و تردين عليه

:)

ديري بالج و فصلي ما بين الدوام
و المدونه

بس مو تشوفين نفسج علينا
و تبطلين كتابه
:)

بالتوفيق

esTeKaNa يقول...

dilli o miili
ّ~~~~~~~~~~~~~~~~~
الجواب:
طاسة فوق طاسه
ههههههههههههههههه
:)))
كلهم يسلمون عليج
ويقولون لج عسى بس نجحت استكانه بامتحانات القبول ودشت قلبج؟










shahad
~~~~~~~~~
ياهلا بالشهد كله
أولا:يبارك بحياتج يا الغاليه ما قصرتي
ثانيا:اي والله شذنبهم؟
هذي كلمتهم
!!
شذنبنا نتفارق عشان غيرنا
الله يهدي النفوس ويجمعهم على خير
ثالثا:يا بعد قلبي قلبج انتي
:**
كل كلامج شهد يا الشهد









peace
~~~~~~~
ياهلا ويا مرحبا بالغالية

الله يبارك بحياتج يارب
وشكرا على النصحية
صج فكرت فيها
:)
وانا اقدر اشوف روحي عليكم؟
ما عاش من يشوف نفسه على اهله
وانتو اهلي
الله لا يحرمني منكم
:)

magnoonah يقول...

ستكون
عفوا قصدي مدام حلتيت
مبروك الوظيفه ومنها للاعلي يالغاليه
ولو انه كاسره خاطري يعني معقوله بدل لا يقول جااااااااااااي
يقول استكاااااااااانه


بالله الله يرضاها
:)))


اما المساكين الي عندج فكثري بدعائج لهم وقوليلهمانه الله ما يهمل


وحبيت اقولج بعد شي يا ليت تقولينه للوالد

استكانه تعز علينا ومعزة الاسم من معزة راعيته الي معزتها ما تقدر بثمن


وخليه يفتخر ويرفع راسه من حقه دام استكانه بنيته

:**

بعثرة مشاعر يقول...

ضحكت على آخر مقطع

:)

DiLLi O MiLLi يقول...

براااااااافوووووو
عفيه على الشيخه

أنتي من أصل داشه قلبي حتى لو أنتي ساقطه سقووط كلي
:)

|:| DUBAI |:| يقول...

: (

5roofa يقول...

سلااام استكانة الغالية

مشكووووورة حببيبتي على الي كتبتيه و قلتي

صج صج صج فرحتيني و كلماتج شايلتهم بقلبي خيتوو

مشكورة ما انحرم منها يارب

salamz sweet sis...

محـــــارة يقول...

حبي ألف مبروووك الوظيفه وعساها بداية الخير على حياتج

ومت ضحك على سالفة المدير صج من كثر ماتشربنا بلانترنت وبعالمه صرنا نشيله معانا وين مارحنا وياحلاته من عالم دامه عرفنه الطيبين منه وأنتي على راسهم

اااخ على الحب ولوعته .. مابي اتكلم عن هالموضوع تعبنا وأقول عسى إذا اهما يستاهلون بعض ويحبون بعض مايفرقهم غير الموت .. وعسى أيامهم سعاده ويقدرون يتحدون عناد العائله لأجل سعادتهم وحقهم الشرعي بالحياة

someone_q8 يقول...

السلام عليكم
مبروك الوظيفة اختي
ومنها للأعلى ان شاء الله
شدي حيلك بالشغل ولا تيأسين من المكلام اللي راح تسمعينه من الزملاء والزميلات وانا اقصد الكلام اللي يهبط العزيمة
################################

الحب شيء جميل , و ما اقول الا قول الشاعر: ليس كل ما يتمناه المرء يدركه

يمكن اتحب شخص وحبك له طاهر لكن الله سبحانه ما يقسم لهذا الحب ان يستمر , لان اكيد ان لله سبحانه هدف اسمى وخيرة على هالشخصين انه مايستمر هالحب

لكي مني كل تحية واحترام

صقر قريش يقول...

أولا :الأخت الكريمة استكانة انا زعلان ليش مقاطعة مدونتي ؟؟:(ترى اعلنها حرب ضروس واشرب فنيان قهوة واهد الجاي المنعنع.

ثانيا :مبروك على الوظيفة والله يوفقج ان شاء الله

ثالثا:

الله يعين قريبج وقولي له خل يدعو بصلاته ان يجمع الله بينه وبينها ويوفقهم بحياتهم
اما موقفج مع الريال الي صارخ استكانة اعتقد انج مدمنة مدونات فتوعدتي انا مع اني مو اسمي صقر لكن واحد صارخ مرة وقال صقر قتله انا نعم:) يعني عادي والله يطول بعمر ابوج اي والله تعب المسكين عليج وآخر شي استكانه (اقول شكلي من الحين بانطرد من المدونة) عموما موضوع متميز بصراحة

بنت الشامية يقول...

هذا احسن خبر قريته اليوم

مبروووووووووووووك الوظيفه

والله يعينج على قعدة الصبح...هههههه

وقولى حق قريبج احسن حالة انك تعيش حالة الحب....اطول مده ممكنه....لان شعور بالحب هو امتع شيئ بالدنيا

والله يهنيهم ويجمع روسهم بالحلال

واكو احلى ن استكانه...اصلا ا اكو شيئ احلى من استكانة الشاى....؟؟؟؟
لانى من مدمنين الشاى....لووووول
الله يهنيج بوالدينج ويخليج لهم
هم الخير البركه

عــــاشــــه يقول...

شو نسوي من حبنا لج أدمنا شي إسمه إستكانه

وكل ماأِوف إستكانه ذكرتج وإلا صورتها وقلت في خاطري هاي لإسكانه

وعاد أمس في برنامج الميدان على قناة سما دبي المتسابق الكويتي عبدالله الظفيري كان إييول
وأنا أقول أوه ماخبرت إستكانه عنه

ههههههههههه

صرتي تشاركيني أحداثي اليوميه حتة عن بعد

الله لا يحرمنا من صدق تواصلنا

فراوله يقول...

مساالورد والجوري
غاليتي الحبيبه
الف مبروك علي الوظيفه اليديده
والله يعينج علي تحمل كل شي
فيها
:))
وشوفي حبوبه الحب شي راقي
وبدونه مانقدر نعيش
بس الالم لمن يكونون في اثنين يحبون بعض
وتواجهم صعوبات حتي يتم ويكتمل هذا الحب
اهنييه نوقف حائرين
امام كل شي
بس اذا بيدنا شي نقدر نسويه
لاسعاد تلك القلوب
فالنقم بتلك المحولات
حتي نسعد تلك القلوب
:)
دمت كما انت يااحلا
استكانه
:*

فراوله يقول...
أزال المؤلف هذا التعليق.
فراوله يقول...
أزال المؤلف هذا التعليق.
qesat_5ayal يقول...

أخدع نفسي إن قلت أحس بألمهم
لكن أعلم يقينا مدى قساوة هذا الألم

صبرهم ربي
ومن مثلهم

ومن ابتعد رغم الظروف

والله يجمعهم
ويهون عليهم وعلى اللي في بالي

:)


كدتِ أن تفضحي نفسك بسبب إستكانة شاي
:P



عمل بنصف دوام
ممتع وسيكسر الروتين
والأهم سيكسر الإحساس بالذنب لأجل ذلك الخمول








ما توقعتج خوافة
:P

a7La eNG يقول...

انا قمت انتبه حق الاستكانات
و السبة انتي
:P

و كل ما اقول استكانة
اضحك
:D

اهيا شي مدلقم انتي لاااا
ههههههه


كنت بقول شي
!!!

ايــــــــــي

سلم قلبه اللي رايح راد
و عنده بريكات بعد يمر عالسريع يشتري له قهوة وااااي كبروا يا ربي

بحضر يوم بس اخاف اقرص خدود
و يطردني القاضي كشا بالمطرقة
!

لاني راح ايي جبالج و ظهري له
و فلااااشاات فلاااشاااااات
جك جك جك

ابيه انتي مو متخيلة احساسي
ام هير باند اللي كانت اطول وحدة بأولى متوسط فقط لا غير
و تحضر اجتماعيات ما ادري ليش
و اغني لها لانها قاصة علي هههه
انتي مو متخيلة
و لا راح تحسيــن
الا لي صرتي

أم
:D

كأني كاتبة معلقة
!
كل منج ليش داقة علي من هناك
;**

حياتي هدف مو عبث يقول...

على البررركه الوظيفة والله يكتب لج الخير فيها ان شاء الله


وموفقه أخيتي الحبيبه :)

esTeKaNa يقول...

magnoonah
~~~~~~~~~~~
شفتي اله يرضاها؟
لو قايل مدام حلتيت اسامحة
بس استكانه..لا لا ما ارضى عليها
:Pp~
هلا بالطيب الغالي
هلا بأعقل المجانين والله
اي والله اللي عندي مساكين
صج مرات يكون الحب مذله الله لا يبلينا
:))
واااااااااااااااااااااي
يا بعد قلبي انتي
تشققت انا من الحجي
نطري بس يدش ابوي من الدوانيه بقوله
والله يستر شنو بيقولي
:*
الله لا يحرمني منج
:)







بعثرة مشاعر
~~~~~~~~~~~~~~
عساااج دوم تضحكين
:)

esTeKaNa يقول...

Dilli o Milli
~~~~~~~~~~~~~~~
جكجكجكجكك
حطي لي نجمة على يدي
:)
وي يا بخت عيني والله
الله لا يخليني يارب
:*







Dubai
~~~~~~
ليييييييييييييييييييش؟








5roofa
~~~~~~~~~
هلا بالغاليه
لا تشكريني على شي انتي اختي وحبيبة قلبي المهم تكونين بخير
:*

esTeKaNa يقول...

محارة
~~~~~
هلا وغلا بالمحارة
الله يبارك بحياتج وما قصرتي
:)
اي والله تشربنا من النت
انا مرات اقول سالفه واقول عسى ما قلتها في بوست ويعرفوني تخيلي
ههههههه
:)
والله يا محارة يستاهلون الخير
يشهد الله على قلبي اني ادعي لهم
عسى الرحمن يجمعهم ويسعد كل القلوب يارب









some one-q8
~~~~~~~~~~~~~
وعليكم السلام ورحمة الله وبركاته
الله يبارك بحياتك وما قصرت على نصائحك الثمينه والحكيمه دائما
:)
وفعلا..صح كلامك كل شي بهالدنيا خيرة
الله اعلم بالخير لهم

esTeKaNa يقول...

صقر قريش
~~~~~~~~~~
صقرنا زعلان؟
يمة يا حسرة قلبي
لا لا
كاني عباتي على راسي ويايتكم اركض
:))
يبارك بحياتك وما قصرت
والله كريم يجمعهم على خير
وهههههههههههههههههههه
صقر حلو
عيل استكانه شتقول
لازم ادور لي حل
:))
تنطرد؟
وي حشا انته الداش واحنا الطالعين











بنت الشامية
~~~~~~~~~~~~~~
هلا بشيخة الشامية هلا
:*
يبارك بحياتج يارب
واي قومه الصبح تحسسني اني ابي ابجي كل يوم..كنت انام ست الصبح
وفجأة صرت اقوم ست الصبح
!!
شعور الحب حلو
بس الاحلى اجتماع القلبين

يا بعد قلبي ما تقصرين
:))

esTeKaNa يقول...

عاشه
~~~~~~
هلا بالعووووش هلا
هههههههه
يا بعد روحي انتي
يا زين الاستكانات اللي مصورتها
حببتني بالاستكانه اكثر
:))
ياااااااااااااي ما قلتي لي؟
لازم تسولفين لي اليوم
وصدقتي يا الغاليه
صدق التواصل اهو اهم نقطة
:*
الله لا يحرمنا







فراولة
~~~~~~~~
يا مسا الفراوله اللذيذه
يقال ان الحين احسن مواسم الفراوله
شرايج
:)
الله يبارك بحياتج يارب
وكل شي يهون فيها..الا قومه الصبح
عوار قلب والله
:(
والله عدل كلامج
ويمكن كل اللي يصير خيرة وفرصه تكشف لهم صدق المشاعر اللي يحملونها لبعض
:*
دمتي جميله
لذيذه
يا أحلى فراولة










qesat-5aYaL
~~~~~~~~~~~~~
اهلا وسهلا يا صديقتي
:)
اللهم آمييين
مجرد قصوة الاحساس تجبرنا على التفاعل معهم وان كنا لم نمر بما مرو به
!!
تدرين انه ماحد فاضح نفسه الا انا؟
لازم اكون حريصه اكثر
:))
ما توقعتيني خوافه؟
خليني اقولج سر
اذا انا مو خوافه
منو الخواف
ههههههههه

esTeKaNa يقول...

a7La_eNg
~~~~~~~~~~
واااااااااااي
موتيني من الضحك
حبيت شهادتج انتي شي مو مدلقم
احم احم
:Pp~
هههههههههه
هههههههههه
واي حبيبة قلبي والله
صج صج موتيني من الضحك
لا خلا ولا عدم يا قليبي انتي
والله يا النوري ان كل شي يصير بحياتي اول من ابشره انتي
احب احساسج فيني
فزة قلبج علي
ومشاركتج لي لاهم احدث حياتي
:**
الله لا يفرقنا ويبلغني فيج يارب
:))










حياتي هدف مو عبث
~~~~~~~~~~~~~~~~
الله يبارك بحياتج ما قصرتي
:)

vancouver يقول...

مبررووووووووووووووك

الوظيفة

استكانه


بس نصيحة

استمري حدثي السي في مالج
بالمكان اللي بالي بالج
:)



الله يوفقج

new one يقول...

مساء الورد يا الغاليه

الفتره اللي طافت ما فضيت لأي شي حتى الجرايد

توني شفت المقاله وبصراحه تستاهلين كل خير يا الغاليه

kazmawy يقول...

قوة الستكانة شلونج مبروك الدوام والله يوفقج ..:)
ترى حلو اسم استكانة والله ناعم ونازك..بس لا تكون ام نقيطة