الثلاثاء، يناير 01، 2008

حلتيت وحمقي:pP~

المكان:ستاربكس النخيل
الأبطال:استكانه
حمقي
مدام حمقي
فلبيني ستاربكس
~~~~~~~~~~~~~
حمقي طلب طلبه وانتهى
ينتظر الفلبيني طلبي
افتح فمي لأتكلم يقفز حمقي ليطلب ماء
انتهى..التفت لي الفلبيني ابدأ بالكلام:
one....
وينقطع كلامي مرة ثانيه لأنه حمقي ما عنده خرده بيستعمل كي نت
يلتفت لي الفلبيني للمرة الثالثه ويعتذر
one white m.......
يتكلم حمقي للمرة الثالثه
!!
سكت ونظرت له بنظرة وبعدين؟
سلئني:
دورج يبه؟
لاعادي عمي
لا صج دورج يبه قولي انا مادري دورج
واذا دوري يعني اهو طلب وخلص قلت له لا عادي مو مشكله
فجأة تليقفت مدام الحمقي ،طلت علي وابتسمت:
اهو كله جذي
ما مداها تقولي ملاحظتها المهمة حتى التفت الحمقي على زوجته:
انا كله جذي اشفيني؟
المدام انحرجت طالعت سيده وبدت بحفله تحطلم
ما تشوف البنت واقفه؟كله جذي تفشلنا؟
الريال التفت عليها وانطلق:
وأنتي ماكو شي عاجبج يعني؟
!!
أهم شي ان استكانه مرتزة بالنص وطاقتني البوهه
لا شعوري وجدت نفسي اهدأ الطرفين المجهولين
وابتلع ضحكه مندهشه في روحي
ليش تتناجرون جدام الناس؟
ما سوت علي وايت موكا


أحلام
~~~~~
اتصلت على البيت تسأل أمي عني
استغربت أمي اتصالها المخصوص لي وهي من أهلنا البعاد نسبيا
قالت بأنها كانت قد رأت في حلم أني ارتدي عقد من اللؤلؤ الناصع البياض لامع
وأنها تعتقد ان لهذا الحلم تفسير جميل واتصلت تستفر
!!
بعد يومين اتصلت علي بنت خالتي مشتطة:
حلمانه فيج يا استكانه باستقبال حامل
قلت لج تزوجتي استكانه؟
متى واشلون ما تقولين لي؟
رديت عليها :
نصيب والحمدلله
خذيت ولد
ولد
لا لا تنصدمون انا قايله العايله بالحلم
:)
خذيت ولد الحلتيت
انصدمت بنت خالتي:
حلتيت يا استكانه حلتيت لييييييش؟
جاوبتها:
صج انه حلتيت بس معيشني بعز وخير
قصر
وفلوس تحت ريلي ومرتاحة
!!
لاحظو نظرتي الماديه للموضوع
hehehehehe
بنت خالتي قامت مستغربه قالت الحلم لزوجها
ومن يومها واهي وزوجها ينادوني مدام حلتيت
والمشكله شنو الحلتيت؟
شي يبيعونه بالحواي الخمطة بربع
يالله سترك
:pP~
صديقه قبل يومين حلمانه حلم غريب:
حلمانه فيج يا اسكانه شاريه جيب يديد زيتي وحلو
وتقولين لي ترا الجيب فل ابشن ومافي منه
وقاعده اتشيحط عليها وركبت وصكيت الحزام

الظاهر شاريه الحلتيت ما يقصر

:pP~

يا جماعه انا اعترف انام وايد....بس ما ادري ليش أسيّر على الناس أنصاف اللليالي
كل جم يوم يتصل بي احد حلمان فيني
ساحرة مو استكانه
:pp~
والمشكله الأحلام ظريفه جداا
ولا أدري شنو تفسيرها
اللهم اجعلو خير
:))
الحلم اللي فعلا بخاطري اعرف تفسيره حلم حلمه أبوي وهو بالحج
وأبي قليل ما يحلم
وغالبا يكن لأحلامه تفسير
حلم بأني وضعت في يده مرة...تعرفون المرة؟
ايضا يبيعونها بالحواي ياكلونها لألم البطن أحيانا
المهم وضعت في يده كميه من المرة اكلها
وهو ياكل اكتشف بين هذي المره دانه كبيرة وقطرة ماء
وضعها في مخباته
وانتهى الحلم
!!
في أحد يعرف بالتفسير؟
.
.
.
.
شكرا لكل من تفاعل مع صدق البوست السابق
فخورة بكم
سعيده بتواجدكم الجميل في حياتي




هناك 67 تعليقًا:

حلم جميل بوطن أفضل يقول...

ثاني موضوع على التوالي عن الزواج .. و بإنتظار الموضوع الثالث

هل للجو علاقة في الأمر؟

esTeKaNa يقول...

حلم جميل
~~~~~~~~~~
حمقي تهاوش ويا مرته
وأحلام مختلفه
وين الزواج بالموضوع؟
عشان الحلتيت؟
ماني مسؤله عن أحلام الناس
:Pp~
الجو معطيني احساس بالانجاز بأمور مختلفه باذن الله راح اكتبها بـأقرب وقت
تحملني شوي
:)

Very.Q8ya يقول...

LOOOOOOOOOOOOOOL! typical kuwaity couples! il-marra tet7al6am wil-rayyal imnaffis 3al-marra lol

7elteet 3ad? LOOOL, thab6eena ib 7eltet sawolena discount :p

madam 7elteeet ana ma3arif afasir a7laam, bs shakla 7elm zein wayed, oo etha tabeen agdar ayeeblich raqam il-sheikh il-nahham

ezain_kilah يقول...

لوووووووووووووووووووول

وي قولي آمين... عسى الله يونسج بالعافية ودوم تضحكين من قلب على هالبوست

واي... واي... دمعت من الضحك

المهم... إذا قلت لج كل عام وانتي بخير أو لأ؟؟؟

soooooooooo...
happy new year o...

u r needed!

الخيلاء يقول...

استكانه
---------

تباشير 2008 هلت .. شكلنا بنفرح فيج قريب :).. بس ان شاء الله مايكون حلتيت لووول موخوش اسم

اما عن الريال و المره .. لو أنا مكانج جان مشيت و خليتهم ماتسوى عليج الموكا لو متطور الموضوع الى اكثر من تحلطم :)

و ان شاء الله حلم الوالد يكون خير :)

Najmah يقول...

لووووووول
:)

عسى ربي يجعلها كلها خير ان شاء الله

لا تنسين تعزمينا :P

بنت الشامية يقول...

استكانه قبل لا تنامين شربى حليب بارد.....وتغطى عدل
وقطعى الارسال....وما كو الا العافيه
======
وبعدين الحلتيته...بنت عم المرة
كلهم حق عوار البطن....وعلى قولت امى الله يحفظها علشان تنظف الباطنه
لوووووووووووول
======
وبعدين هذا ريال حلتيته.....يعنى يخيل
عاد شعلاقة البخل بالحلتيته
مادرى.....سئلى يدتج يمكن تفيدنا
ههههههههه
كل عام وانت بخير

حياتي هدف مو عبث يقول...

أحلااام غريبه
وأصلاً أنا ما أحب لا الأحلام ولا أدوور على التفاسير .. لأنها تخليني أفكر بالحلم واايد
بس إن شاء الله خير أخيتي
والله يوفقج ياارب لكل خير

Selezya يقول...

لوووول حمقي والمدام وانتي لوول ابتلشتي فيهم :))


واضح من الاحلام انها حلوه :) فانشالله خير

Cr8ivia يقول...

LOOOOOL
walla inni fi6ast thi7ik 3ala salfat il7alteeet 3ad

bin3li يقول...

أنا بعد حلمان فيج
:P

لا الجذب خيبة
بس بحاول اليوم أحلم أشوف شو يطلع معاي
:P
بالنسبة للحلتيت أنا ياني فضول أعرف شو هو بالضبط و إليك التعريف الطبي:

الحلتيت صمغ نبات كريه الرائحة والطعم ، مر المذاق ، أحسنه الرائق المائل للاحمـرار الذي إذا حل في الماء ذاب سريعا وجعله كالبن . وقيل أجود ما يكون منه ما كان إلى الحمرة ما هو صافياً شبيهاً بالمر قوي الرائحة ، وإذا ديف كان لونه إلى البياض ، هذا الصمغ عرفه الأباء والأجداد بأنه من العلاجات التي تزعج الجن ، وكانوا يجعلونه في البخور لطرد الشياطين ، وهو ثابت بالتجربة (ركزي على ثابت بالتجربة) أنه يزعج الجان المتلبس بالإنسـان مسلما كان أو كافرا إلا أنه كريه الرائحة ، ويمكن أن يستخدم مع البخور والزيت والشراب ، بل أحيانا يكون سببا بـإذن الله تعالى في خروج السحر المأكول والمشروب.

انتهى قوله

يعني إنتي ماخذه ولد طارد الجن
حشى هولك هوجن مو عم

على طاري البخور أقرا البوست و الوالدة تبخر راسي و تقول رأيتك و سترأيتك، عايش جو شعوذه
:P

انزين يا مدام حلتيت
و الله مسكين إللي بياخذج من قبل لايي مطلعين عليه تعيوره

esTeKaNa يقول...

very-q8ya
~~~~~~~~~~~~
LoOOOL!!
اي والله صاجة
اقولج المرة ضحكتني
قامت تشوف سيده وتتحلطم
وانا اقولها ميخالف ميخالف مو قصده
:pP~
أضبطج بحلتيت؟
اييي ديري بالج ترا قصور وفلوس تحت ريولج مو شي شهل
hehehehe
بعد انتي؟
مسكينه انا والله سمويتوني مو خوش اسم
تصدقين اخاف افسر يطلع صج
:))
خليني انطر ان ما عرفت باخذ الرقم منج
لاخلا ولا عدم ما قصرتي
والله تساهلين اتنقص لج حلتيت صغير
اhahahaha

esTeKaNa يقول...

ezain klah
~~~~~~~~~~~~
آميييييييين وأجمعين يا بعد قلبي انتي على هالدعوة صج هذا اللي نحتاجة
عسى ربي يوسع صدرج ويسعدج دوم
كتبي لي شعر حق الحلتيت
لووووول
وانتي بخير وصحةوسلامة

esTeKaNa يقول...

الخيلاء
~~~~~~~
يا هلا ويا مرحبا
مو خوش تباشر جانه حلتيت
والله خفت
looooool
:)
تدرين وانا واقفه بين حمقي ومرته شنو حسيت؟
حسيت اني بزة الي بنص السوق مرتزه
!!
اي امشي اشحقه واقفه
مادري
يتني الحميه
خفت يطقها ولا شي
الا انا موجوده
:))
يارب يهل علينا الخير كله قولي امين

esTeKaNa يقول...

najmah
~~~~~~~~
امين يارب
خير لي ولج وللجميع
اعزمكم؟
والله على الحلتيت
اذا رضاليش لا
hehehehe
واي حتى الاسم مو حلو
!!

esTeKaNa يقول...

بنت الشامية
~~~~~~~~~~~~~~
loooooooooooooooooooooool:)))
العاده اشرب حليب حار
اثاري الغمنده بالبروده؟
لا اشرب بارد اليوم واشوف شنو يصير

عيل الحلتيت ولد عم المرة؟
لوووووووووووووووووول
واي غشيت من الضحك
اله يستر
الظاهر ماني طالعه من الحواي انا
:pP~
ويي يا حسرتي
لا لا يبيلي روحه بيت امي عايشه
مو اخاف تخوره علي تتخرعني زود
:Pp~
عيل حق الباطنه ها
لووووول
واي عيزت وانا اضحك
باخذ نصيحتج اليوم وبشوف
جود ما يطلع حلتيت يطلع مرقدوش شي
:pP~

esTeKaNa يقول...

حياتي هدف مو عبث
~~~~~~~~~~~~~~~~~
يوفق الجميع يارب
انا ما احب الاحلام خاصه اللي تصير فلم هندي وفيها تفاصيل وايد احسها من انبعاثات العقل الباطن مو رؤيه
بس هالمرة مادري ليش استغربت انه الاحلام متتابعه
الله يستر
وحياج الله
:)

esTeKaNa يقول...

Selezeya
~~~~~~~~~~
اي والله ابتلشت
اول شي انا والفلبيني ساكتين بس طايره بوهتنا
تالي انا ما عبرت قمت اقول ميخالف ميخالف
عادي عادي
جذي اعلق على الكلمة مرتين
hehehehehe

esTeKaNa يقول...

cr8ivia
~~~~~~~~~
ياهلا بالطش والرش
واي كرتفيا ضاق خلقي
الله يكبر حظي
حلتيت عاد؟
بس ديري بالج ترا قصر وفلوس تحت ريولي
loool
لا ضروري اتنقص لج حلتيت
تستاهلين كل خير انتي
:pP~

esTeKaNa يقول...

بن علي
~~~~~~~~~
توني يايبه حليب ونسكافيه بشرب
قريت تعليقك من كثر ما قهقهت من الضحك شرقت


كريه الرائحة
مر المذاق
وطارد الجن
ويا يا حسرة قلبي مو بشاره
وانا مستانسه اتشيحط على بنت خالتي
لووووووووووووووووووول
لا لا
الحين بدق عليها اقرا لها شنو حلتيت
اهي حامل وقامت تخوره ويا الحمل وانا الضحية
عيل ولد طارد الجن؟

لا مو من صجك بن علي
هذا كتبته لأنك بس عايش جو شعوذه
الله يحفظ لك اميمتك
وايد تسوي جذي
ولا اشفيها؟
:)

bin3li يقول...

لا و الله اليوم بس قامت تسترئيني جذه
كانت تبخر الصالة و سوت الحركة هذه على راسي و راحت

الظاهر الحلتيت مأثر على الجو
قولي حق بنت خالتج لا تعيب و لا بتيب حلتيت صغير
:P

محـــــارة يقول...

من حظهم تمرين عليهم بحلمهم .. ليتي منهم

أخيتي تفسير الأحلام له ناسه لا تسمعين تفسيرين من أي أحد لأن الرؤية تصدق بأول تفسير لها

بموضوع الحمقي يحليله كسر خاطري ومرته كسرت خاطري بس تستاهل المفروض تعطي توجهاتها عقب ماله داعي تفشل عمرها مع واحد جبريت

الناس أشكال وارناق عليج تتمشين وتمقلين وتضحكين كل واحد وله جوه .. بس الجو الي دارج هالأيام النفسيه وشوفت الناس من تحت لي فوق

شسالفة الاحترام ماقمنا نشوفه خاصه بالموظفين لما بتخلص ورقة ولا معاملة تشوف العجب العجاب بهالناس اللهم يكافي

عسى ربي يعافيهم ولا يبلانا من مبتلاهم

يعقووبوو يقول...

مستر حمقي. ههههه
وايد تصير (:

فريج سعود يقول...

اول شي كل عام وانتي بخير ودايما ان شاء الله بصحة عافية
الله يسلمج تفسير الحلم ان بييج واحد يخطبج حلتيت اسمه
يشبه الخرتيت في جسمه
وكيل علج البان في الشرق الاوسط
راح تترددين وايد على ما توافقين بس بالنهاية توافقين
بعدها الريال من كثر ما يحبج يروح النادي الصحي ليل نهار لما يرجع جسمه سمبتيك ويصير احلى مني انا بعد ويكتب لج وكالة عامة وراح يقص عليج الشيطان وتبوقين منه وكالة علج البان
وبعدين يسامحج وتعيشون حياة جميلة
والله اعلم

darkness يقول...

ستكانه يا بعد عمري

:(

و انتي بينهم؟؟

كسرتي خاطري

:(

اشوه يت سليمه و ما قلبو عليج

:)

و الاحلام ان شاء الله خير

esTeKaNa يقول...

بن علي
~~~~~~~~
اي والهل الون طافتني اهددها هالتهديد؟
شكرا شكرا
انا اعلمها اهي وهازبند مالها اللي كل يوم يضحكون علي
اهم يحلمون واهم يعلقون على الكلمه؟
شنو هالحاله
الله يحفظ لك الوالده قول آمين

esTeKaNa يقول...

محارة
~~~~~~
هلا بالرقي والطيب والله
لا تحلمين فيني هاليومين
صايره يا حلتيت يا مره
جني الوكيل الحصري لكل حواي بالكويت
:Pp~
وتدرين انا عمري ماحطيت في بالي الأحلام خصوصوا اللي فيها تفاصيل فلم
بس مرات يكون الحلم قصير وتحسين فيه شي
ومرة سمعت انه تفسر الحلم كالفتوى صج؟
وعلى طاري حمقي اي والله اهي غلطانه
يعني سكري حلجج وعاتبيه بعدين
ليش جدامي؟
بلله تعقدت
:Pp~
وصاجة الناس صايرين غريبين
عكس الفطرة السليمه ماحد حتى يبتسم بويهج مع انه الاحترام والابتسامه ما تتعب ببلاش
:)

esTeKaNa يقول...

يعقوبو
~~~~~~~~~
ها يعقوب
جنكحبيت حمقي؟
الله يستر ما تصير مستر يعقوبو الحمقي
:Pp~

esTeKaNa يقول...

فريج سعود
~~~~~~~~~~~
اسمه حلتيت
ويشبه الخرتيت؟
@@
ويوم انه ولد عز وصار عنده وكاله خذا وكاله علج بان؟
اشوة اني ماحب اكل علوج
:(
وبعدين يوم الله فتحها وحبني
يحبني حلتيت؟
واي خنقتني العبره
على بدايه 2008 فالك ما قبلناه
:pP~
بس اشرايك فيني؟
شريرة ها
!!
فوق النظره الماديه ببوق الوكاله
يمة ينخاف مني ماني هينه والله
:P~


الله يحفظك يا اخونا الحاج
وانته بخير وصحة وسلامة
توني اقول مشالله فريج سعود مأيدني بالبوست السابق والحين يه على راسي هالحلم
بقوم ابي يدتي تنفخ ببطني
يتني خرعه من قريت خرتيت
:(

esTeKaNa يقول...

darkness
~~~~~~~~~~~
واي ما اكسر الخاطر؟
انا احس ان كان المفروض يعزموني
ويدفعون حساب الوايت موكا
والسبب:
بدل خرعه
!!
بلله عقدت؟
:Pp~
يارب تكون خير
ويارب الله يحفظج ويكتب لج كل خير
:)

على نفسها جنت براقش يقول...

الحلتيت
لووول

فاتح للشهية ، مسهل قوي ، مسكن للألم ، طارد للديدان ، طارد للغازات، جيد لعلاج القلب ، يستعمل في الأمراض الباطنية والجنون واليرقان ، مفيد لعلاج الهستيريا ، والأمراض التشنجية ، والذبحة الصدرية ، والمغص الانتفاخي

والله اعلم
لوووووول

esTeKaNa يقول...

على نفسها جنت براقش
~~~~~~~~~~~~~~~~~~~~~
تكركرين هاا؟
شوفي باجر لاحتجتي فاتح للشهيه
ولا علاج لقلبج والهستريا
ولا اللي خبرج وخبرج
واحتجتي حلتيت
ترا ما اسلفه
لووووووووووووووووول
وبيغلى بعينكم
وبيصير طق عصي
ولا راح اسلفه
لوووووووووووول
ترا تعبت وانا اكركر من الضحك
غربل الله بليس بنت خالتي
اهي اللي تحلم وانا اتوهق
:Pp~

5roofa يقول...

تفسيره انه انتي و حلتيت بتيوبون خمس توائم
:P
لووووووووووووول

بس والله خوش احلام تصدقين

عيل انا الله وكبر كله حلمانين انه ميته
ولا مقتوله
ولا داعميني
لووووووووووووووول

بس امبي سالفه ستار بوكس مو طبيعيه مت من الضحك و اهم شي انتي بينهم والله ياعمري استكانه كله تنحطين بهالمواقف المحرجه

انشالله يارب كل هالاحلام خير ياارب و فيها تفسير باطني انه النصيب ياي
:P

عاد انا كيفي بزوجج لوووول

salamz dear...

Q8i_Blogger يقول...

سئلي النهام
ولا اقولج انا اعرف جوابه
خييييير خييييير

بس تبين جوابي افضل

شوفي اممم
راح اييلج معرس .. اسمه فنجان
وتييبين طقم بيالات أحلى منهم ماكو
وتصيرين انتي والفنجان اكبر تجار طفايات وبراغي وقحافي
وتعيشين حياه سعيده ان شاء الله

Eng_Q8 يقول...

الحمقي عجييييييييب

يحليلهم مو صاحيين هذيل ولدهم لي انولد شكله بيزف الدكتور خلصنا اقطع الحبل السري بسرعه

وبالنسبه للاحلام يا مدام حلتيت

انا اقولج الحلتيت يعني شعرج راح يحت
فاستخدمي دهن دابر او بو نخلتين عشان لا يحت شعرج :)))

vancouver يقول...

يا حلوج استكانة


هاهاهاهاهاهاهاها


يختي انا كنت اقول الحر من اسباب التنرفز بالكويت
الحين يقولون الجو عندكم حلو
بالله ليش هالحمقي مو حايشة برااااااد من الجو
؟؟




خيييييييييييييير ان شاءالله

حلم العقد واااااااااااااايد خير
وحلم الحلتيت
بعد ما يبيله

يقولوج طاااااااااااارد للغازات والديدان
لوووووووووووووووووووووووووول

يعد ولد حموله
هاهاهاهاها

عساه خيييييير


----

بوستج اللي فات بالصمييييييييييييييييييييم

وايد اعتب على البنات اللي يرضون باسلوب متخلف للزواج
واعتب على الاهل اللي تعلموا ولفوا الدنيا ولما اليوم يعرضون بناتهم بهالشكل
يبا اكو مليون طريقة وطريقة
بس الناس ما تتلحلح

حافظج الله

charisma يقول...

صباح كل شى حلو بالدنيا
:**


اهم شى بالموضوع كله بطوله استكاانه
هههههههههه
زوووغه
:*
واااى حجى ملقوووف هههههههههه
موتينى ضحك اتخيل النجره الى صارت بينه وبين مرته على حجوه قالتها من قلب الفقيره هههههههه ما سوت عليها

والحلووم خير اللهم اجعله خير :))


مدام حلتيت

امممممم لا تركب تلوق
:P

:**

وسعتى صدرى من الصبح

وبسالج عن حلم الوالد

حافظج الله

`~MnO YeNSa! ~` يقول...

الحلتيـــــــــــــــت
له تأثير قوي ب 2008

اخاف يصير حق حمقي و مرته والله يمكـــــــن ولدهم بعد لانج على الاقل لووووووووووول
عشتي معاهم لحظات عائلية :P

lawyer يقول...

استكاااااااانه

كلا بصوووووب وهذي بصوووب


صج انه حلتيت بس معيشني بعز وخير

قصر

وفلوس تحت ريلي ومرتاحة
!!

لاحظو نظرتي الماديه للموضوع

اقتلتني

لووووووووووووووووووووول

Peace يقول...

estekana

يحلمون فيج لأنج دايما على بالهم
و ان شاء الله تكون خير

مع تمنياتي لج بأحلام سعيده
و كل حلم و انتي بخير

:)

سدرة العشـــاق يقول...

ويه يعله فال خير هالأحلام ياربي و نفرح فيج و يرزقج الريل الصالح و الذرية الصالحة ياربي ... تستاهلين كل خير


----

أما سالفة ستاربكس بدعوا يحليلهم انزين تناجروا بسكات لول
يحليلهم و انتي خنت حيلي ضايعة بالطوشة

:)
عادي أمشي بالمقلوب

someone_q8 يقول...

السلام عليكم
كل عام وانتي بحير اختي
بالنسبة للحمقي افضل عدم التدخل فيهم لان هالنوعية ماتثمن الكلام ولو ناطرة اشوية جان ياج كلام مو حلو , لكن الحمدالله عدت على خير :)


بالنسبة للأحلام انا ماني مفسر لكن عندي بعض المعلومات وقبل كل شيء الله اعلم
الاحلام هذه كلها تتكلم عن شيء واحد وهو الزواج مثل ما قالوا الزملاء
اللؤلؤ في الحلم خير وراح ايييلج خير وراح ترزقين ببنت وايد حلوه اما السيارة فهي انتقال للحال يعني من كنتي عازبه راح تكونين متزوجة لكن لون السيارة زيتي يعني يعتبر غامق وهذا معناته ان حياتكم راح يكون فيها مشاكل وهذا طبيعي بين الازواج لكن قطار الزواج راح يستمر بإذن الله
و من خلال البوستات اللي قبل وهذا البوست حسيت ان اللي راح يخطبج اتحبينه وايد واهوه بعد يعني الزواج راح يكون احلى ما يكون والله يهنيكم ويه بعض ويتمم عليكم
وحطي ببالج لا اتخلين صغائر المشاكل والخلافات اتأثر عليكم , يعني معناته مو على كل شيء اتدققين طوفي ترتاحين وبنفس الوقت عارفة شنو قاعد يصير
ولكي مني كل تحية واحترام
واخر الكلام , الله أعلم بيده كل شيء

DiLLi O MiLLi يقول...

كـل عـام وأنت بخـير
يا مـدام حلتيـت
وشلون مسيو حلتيـت ؟
عسى حلتيته بخير
وصليله سلامي وقوليله دللي تقولك
كل حلتيت وأنت محلتت
أييييي عااااد شفكج مني
أنا زاهبه "حق الشماته يا سعد"هههههههههه
:)
حلتيــــت يا أستكانة !!؟؟
قلت الأسامي يااااحــافظ
ما يصير حليم .. مثلاً !؟
حلتيـــــــــــــــــــــت !!!؟؟؟
:)

اللي يبي يعرف شنو الحلتيـت

:p



مشـــكورة على سؤالج يـا حبيبتـي
وعســـاج ماااا تفقديـــن غـــالي

:*

طائر بلا وطن يقول...

ههههههههههههه

مادام جذي عيل لا هنتي دام صرتوا
نسب شوفي لنا وحدة من بنات الحلتيت
تكد علينا بهالزمن الأقشر

ملينا من الكباب
نبي نجرب السوشي

و نبدل التمرة بتشيز كيــــــــــــك
:D


بس عجيب الشايب .. لو منك جان زالغ واير
و ماشي هههههه

جان قايل للمرا
:

لا كلش ما معاج حق
كل هالظرافة و الأدب و الذوق و مو باين
بعينج .. حرام عليج

ههههههههه




المهم

سلمي لنا .. بالأصالة عن نفسي و بالنيابة
عن قلم جاف على الباش مهندسة

و هي أكيد عارفة رايي باللي تكتبه

رحيلها خسارة لنا

مع كل الأحترام لرغبتها


موفقة إنشاءالله

و الجميع أيضا


سلاااااام

esTeKaNa يقول...

5roofa
~~~~~~~~~
يعني خمس حلتيتات صغار
@@
يعني ما بلعت الحلتيت الكبير
ايب خمشه صغار
لووووووووووول
حرام عليج خروفه
لا تضحكين
ترا بعدين الله يلبيج بحلتيت وتشوفين
:pP~
اما حمقي وزوجته يا حليلهم
يعني معصبين اشحقه ياين ستاربكس؟
مادري ليش
!!
واي لا تزوجني اذا الزوج حلتيت مابي مابي
:))

esTeKaNa يقول...

q8iblogger
~~~~~~~~~~~~
واي لا تذكرني بالنهام
مرة قاعده اقرا الأحلام اللي دازينها الناس يبون تفسير
واحد يقوله حلمت اني عطست ما لقيت كلنكس
!!
حلمت شربت ماي وطاح من ايدي
وغير الافلام العربيه بتفاصيلها
والحمدلله لاحظت شي جميل
كل ا حلام البنات معناتها زواج
ما تشوف البنات يحبون يفسر لهم احلامهم
الظاهر يعطيهم امل
:pP~
عيل فنجان يا كويتي بلوقر؟
واي صرت طماشه كلكم تضحكون علي؟
انزين انزين
الأيام بيننا
واحد يقولي باخذ وكاله علج بان
وانته تقولي تجار طفايات وبراغي
انزين دامه حلم قولي شي احسن من هالتجاره
:pP~

esTeKaNa يقول...

eng-q8
~~~~~~~~
hahahahahahhahaha:)))
واي مت من الضحك على ولدهم
انا اعتقد ولدهم ما طلع وياهم يدري انهم جذي
بس السؤال الي يطرح نفسه
اذا انتو متناجرين وقابلين لهواش باي وقت ليش رايحين ستاربكس؟
قعدو عند الدوة بالبيت وتناجرو لي الصبح

!!
يحت شعري؟
وي لا تسمعك امي
لا ومختار لي دابر ولا بو نخلتين؟
هل اختيارك عن تجربه؟
اذا تجربه راح استغل فراغي واستعمله
:Pp~

esTeKaNa يقول...

Vancouver
~~~~~~~~~~~
هلا بالطيب الغالي
عزييييز وشوفتك منوة
ترا والله ما جا على بالي
اشوف عيونك الحلوة
:**
ولهانه عليج وايد وايييد
عساج بخير انتي والاهل جميعا
:)
امممممم انا مثلج كان عبالي الحر من اسباب النرزفه
بس اللي ما قدرت افسره ليش بالبرد
والمسا الحلو
وبستاربكس
وجدام البنت المغوله على امرها انا
نتناجر
:pP
وي ماني ضاحكة
امي تقولي اللي تضحكين عليه يصير فيج
وشكله الحلتيت بيسوي فيني اكثر من جذي
لووووووول
:)))
العقد قالو لي قرآان او زوج صالح
وبما اني ما شفت الزوج الصالح
فإان شاء اله قرآان
بس خليه سر
:)



وعلى البوست اللي طاف
اسعدني واد انج قريتيه وفتاعلتي معاه
فعلا...محتاجين ناس تتلحلح
والله يوفق الجميع يارب
:)

esTeKaNa يقول...

charissma
~~~~~~~~~~~
يا مسا الورد وصباحه
يا هلا بالطيب كله
:*
اقولج وانا واقفه بالضبط ينطبق علي بزة اللي بنص السوق مرتزه
يختج خفت عليها ينكت الموكا عى راسها
تنحذف بفرابتشينو
ما تدرين
:pP~
اهم شي قريت الحلوم
حلّوم
واااااي مت من الضحك على روحي
يختج احب الحلوم
واقول شطاري عليها تقولي الحلوم خير
:))
يا بعد قلبي انتي عسى دوم مرتاحة ومنشرح صدرج وناطرة تفسير حلم ابوي
:**

esTeKaNa يقول...

mno yensa
~~~~~~~~~~
واااااااي لا تقولين
اي والله جنه اشابيههم حلتيتيه
لوووووووووول
ابيه استغفر الله
استغفر الله
لا مااشحك ما يصير
والله امي تقول اللي تضحكين عليه يصير فيج
اخاف ربي يرزقني بحمقي
يسوي فيني جذي جدام الناس
بس بس مو قصدنا
لووول
:)

esTeKaNa يقول...

Lawyer
~~~~~~~
LOOOOOOOOOOOOOOOOOOOOOOOOOOL:))
والله قلت حق بنت خالتي هذا مو انا
هذي انتي اسقاطات روحج
ولا انا ماني ماديه
لوووول

esTeKaNa يقول...

Peace
~~~~~~
الله حبيت الفكرة
لاني على بالهم يحلمون فيني
:)
شكرا لتمنيك لي بأحلام سعيده
لأنه منقطع الإرسال
انام 12 ساعه من غير اي حلم
:pP~

bin3li يقول...

مع احترامي للموجودين
بس كل من هب و دب قام يفسر!!
أولاً إللي أعرفه أن صاحب الرؤيا هو إللي يذكر الحلم
و ثانياً يقولها لشخص يعرف يفسر
و كلا الشرطين غايبين من الموضوع
ليش ما يكون شفاء مريض قريب
ليش ما يكون وظيفة
ليش ما يكون رزق من حيث لا يحتسب

بس أحلى شي في الموضوع الحلتيت في الكل التفاسير طلع بزبز مان
:P

esTeKaNa يقول...

سدرة العشاق
~~~~~~~~~~~~~
يا بعد قلبي قلبج
عيل تقولين كيلو غرام ها
لوووووول
اي والله تناجرو بسكات
بلله انا تعقدت باجر
يعني هم اخذ حلتيت
وهم انا معقده
ما يصير
:pP~

esTeKaNa يقول...

someone-q8
~~~~~~~~~~~~
وعليكم السلام ورحمة الله وبركاته
وأنته بخير وصحةوسلامة يا اخونا الحاج
:)
شكرا لمعلوماتك القيمة
سمعت ان اللؤلؤ خير وقد يكون حفظ للقرأن او زوج صالح
وقلت بما اني ما شفت الزوج الصالح فاحتمال كبير يكون قرآان ان شاء الله
:)
معلوماتك قيمة
واحساسك له قدر عندي
ولكن الموضوع ليس بهذه الصورة
الحب موجود في قلب كل منا
ولكن لمن؟
الله اعلم
قد يكون لمجهول ما زال يبحث
وما زلت انتظر
الله يكتب للجميع كل الخير
:)

esTeKaNa يقول...

dilli o milli
~~~~~~~~~~~~~~~~
حلللللللم حللللللللم
تتتذكرين عبدالحسين يوم انه حلم بسعاد وانزف شقال؟
حللللللم حللللللم
يعني اهي تحلم وانا تعلقونها علي
ويا يالله ياربي تكبر حظي
على الاقل مرقدوش
بابونج
اي شي بس مو حلتيت
:pP~
لاااااااا ومتنقصه لنا شنو يعني الحلتيت؟
واي صراحة ما قصرتو
جان تنقصتي لي قرص عقيلي
جويهه
قهوة
متنقصه لي شنو الحلتيت؟
لووووووووول
اشوة تطمنت على مستقبلي
:pP~

esTeKaNa يقول...

طائر بلا وطن
~~~~~~~~~~~~~
اي عاد ترا بناتهم مزاين
بياض
وطول
وجمال
بعد ما يبيله حلتيتات
:P~
تخيل ازلق واير وامشي؟
انا يوم خزني وقالي دورج
خمرت قلت لا عادي
صراحة خفت انحذف بالموكا على راسي
ههههههههههه
منت هين يا طائر
طلعت من ربع التزلق بالوايرات
:Pp~
شكرا للكلام الرقيق الجميل بحق أجمل مهندسه
موجوده هي
قريبه
تشكر رقه احساسكم
وكل ما تحتاجة وقت لنفسها تعيد ترتيب احاسيسها ومن يعلم
قد ترجع
:)

esTeKaNa يقول...

بن علي
~~~~~~~~~
وانته ليش صاير حمقي؟
خلهم يفسرون
انا قاعده واكركر
:pP~
اي لاحظت انه بز بز مان
مو طارد للجن وبس
لاااااااا
متعدد الأغراض
لووووول
:))
اليوم زواره
رايحة حق بنت خالتي بحماس
انا اعلمهاااشلون تيب طاري الحلتيت مرة ثانيه وياي
:)

DiLLi O MiLLi يقول...

يالله تنقصتلج

حلللللللم


:p looooool

Salah يقول...

زين اللي ما طلق مرته الريال بسبت الموكه

:)

كل عام وانتي بخير

Eng_Q8 يقول...

اي عن تجربه :))))

الله يعينج ى الريحه

Expatriate يقول...

:D

esTeKaNa يقول...

dilli o milli
~~~~~~~~~~~~~~
وي يا زينج ويا زينها من نقصه
واي اموت على هالمقطع يضحكني
:)










saleh
~~~~~~~~
عاد لا صار ما صار
أنا ترا مالي شغل
:Pp~
وأنته بخير وصحة وسلامة













ENG-Q8
~~~~~~~~
اووه حركات
عيل االشعر ابد ما ييبيله يحجي
:p~






EXPAT.
~~~~~~~~~
:D~

|:| DUBAI |:| يقول...

هذا أخس شيء يا استكانة .. لا صارت العلاقة بين الطرفين شوي "لك عليها جدام الناس

!

esTeKaNa يقول...

Dubai
~~~~~~~
اي والله يا دبي
على الأقل راعو مشاعري بنت بمقبتل الحياه
واذا تعقدت
:pP~

عــــاشــــه يقول...

ماشاءالله عليج ياإستكانه... خليتي حد ماسيرتي عليه

وشو سالفة الحلتيت... نحن نسمي الحلتيت خييل وريحته قويه

وشو السالفه كل مكونات الأحلام من سوق الحلول (أو سوق الواي ماأدري شو تسمونه عندكم)

عاد حتى أنا في الفتره الاخيره البنات ربعي كلهن يحلمن فيه بس كله طبيخ

ههههههههههه

وعساه خير يارب حلم الوالد

esTeKaNa يقول...

عاشه
~~~~~~
هلا بعوش هلا
:)
شفتي؟
انا انام واسير على الناس
الظاهر بربط روي بليل
وانتي بعد يحلمون فيج؟
الله يستر من هالطبيخ والحلتيت
لووول