الجمعة، يناير 18، 2008

msgs

الساعه الرابعه فجرا
~~~~~~~~~~
البرد في أشد حالاته
والليل في ساعاته الأخيرة قبل الرحيل
هدؤ يعانق ظلام هذه الغرفه
وسكون لا يقطعه سوا أنفاسها غارقه في نوم عميق
تفتح عينيها بكسل..يجذبها الدفا لحضن ذاك السرير
تصارع نفسها وتعاند الكسل
تتوضأ..يرتجف البرد فيها وتصبر
تتساقط من اطرافها قطرات الماء..
فتسرع خطوتها نحو مدفأتها
تدفأ يديها
تفرش سجادتها في محراب نور غرفتها
وترتدي ثوب قد أعدته لأجمل لقا
الله أكبر...أكبر من الدنيا
أكبر من كل هم
من كل احساس وألم
اليسرى على قلبها..واليمنى ترتاح فوقها وتقرأ
ترتل
تناجي
وتتلذذ
ميقنه باالإجابه،متوكله بصدق،محبة برقي
تطوي سجادتها وتنام. قريره العين مستقرة الروح
نعمة من الله ان تعلم،حين تضيق بك الوسيعه اين تذهب



الخامسة والربع فجرا
~~~~~~~~~~~~
الصلاة خير من النووووم

!!
يفتح عينيه بصعوبه،
البارحة سرا من دوانيته متأخر
ينام؟
يظن ان لو كان ذاك موعد دوام ما نام
بس بموعده مع ربه بينام؟
غريب...كيف يضبط حياته على موعد عمله
ولا يضبطها على موعد صلاة
!!

ليس هو فقط كثيرين حوله
لم يكن لوقت الصلاة قدسيه لديهم
ولا لتفويت صلاة الجماعه أثر في قلوبهم
قد عاهد نفسه منذ رجوعه من الحج ان يبدأ من جديد مع ربه ونفسه
يعاند نفس ألفت الراحة ويردد مع الأذان
يرتدي دشداشته،وجرميبه سريعه فوق راسه
يتدثر بفروة تدفيه
وينطلق في ذاك الظلام سعيا لنور الدنيا والآخرة



الساعه السابعة الا ربع
~~~~~~~~~~~~~
تناظر مرآتها للمرة المليون
تخطو ذهابا وإيابا..تتأكد من لبسها
ورقي اختيارها
في عمل تختلط به بالرجال في كل لحظة
هي حريصة على ارتداء شئ يحفظها عن كل عين
ويحفظها من حمل ذنب كل عين تناظرها
!!
أحيان..تنازعها رغبة الأنثى فيها تحثها على ارتداء ما يميزها عند الجميع
ولكن..شيئا في داخلها يرفض ان يكون ذاك الزين معروض لكل عين
نوع من الرقابة الذاتيه تمارسها باقتدار على نفسها


الساعة 11 صباحا
~~~~~~~~~~~~~~~
ينتهي من دورته ويرجع للمكتب
يشعر بجوع يقرص معدته
صايم كعادته أُثنين وخميس
يتصل على سعود
يتفقان على الفطور في الافنيوز:
خوش نصلي المغرب بمسيدنا واحنا اللي رايحين
يا اخي يوعان من الحين قمت افكر بالفطور

!!

كونه شاب ملتزم بصلاته وصيامه لا يعني

يان ينفصل عن الدنيا وعن التمتع فيها

يطمح هو ان يكون ممن يظلهم الله بظله يوم لا ظل الا ظله

وما اجمله من طموح

الساعة 12 ونص ظهرا
~~~~~~~~~~~~~~~
هي غاااااضبه
!!
أحيان..نحن مجبرين على التعايش مع ناس لم نخترهم
ولم يكن لنا إراده في وجودهم حولنا
قد يكونون أقارب...وأحيانا قد يكونو زملاء عمل
من منا لم يتعرض لذلك؟
تشعر بالغليان والظلم من زميله مجاورة لها بالمكتب هوايتها نقل الحجي والفتنه
هي قادره على الرد وتهشيم راسها تلك الساذجة
ولكنها تحاول تدارك الموقف بصمت
بحكمة
تستغفر
تستغفر
تشعر بماء بارد يطفأ غضبها
وتتذكر:
(وعباد الرحمن الذين يمشون على الأرض هونا وإذا خاطبهم الجاهلون قالو سلاما )



الساعة الرابعه والنصف عصرا
~~~~~~~~~~~~~~~~~~
البنت داخله قلبه من أوسع ابوابه
لها اشراق يتسلل للقلب دون استئذان
هو...لا يملك ان يقيد مشاعره وقلبه
ولكن
يملك ان يقيد نفسه من اي تصرف قد يخدش اخلاقه
كونه رجل لا يشفع له أي غلطة
هو في مرحلة تحري واستخاره
الزواج مشروع حياة
وهو لا يرى ابعد من رمش عينه واحساسه
الغيب بعلم علام الغيوب...وهاهو يستخير في كل يوم
تارة على فكرة الزواج من هذه البنت
وتارة على فكرة انتقاله لعمل آخر
الاستخارة أهم خطوة لاتخاذ اي قرار ناجح






الساعة السابعه والنصف مساء
~~~~~~~~~~~~~~~
تخرج من الجمعية حاملة بيدها أكياسها
تشعر بوقع خطوات تتبعها
احساس خوف وتوجس يساورها وهي تتحرك بعيدا عن مدخل الجمعيه متجهه لموقف سيارتها
شجاعه مباغته تجعلها تلف وجهها وتسمع:
السلام عليكم ماما

الهندي يتبهلل بوجهه ممثلا دور المسكين

قد لا يكون مسكين..قد يكون عامل تنظيف كاذب

أيا كانت نيته فالأهم نيتها

تضع بيده المقسوم وتمشي سريعا

ستنسى هذا الموقف ولن ينساها لها رب العالمين

هناك 69 تعليقًا:

bin3li يقول...

ما شاء الله!!
شهالترتيب! فقرة على اليمين و فقرة على اليسار
:P
لأ لأ ما أقدر

كل الفقرات حلوة لكن ما أتفق معاج في آخر وحدة
الشحاتين ما يستهالون فلس حمر
و لو كل من طلب عطيناه باجر حقوقنا ما بناخذها إلا بدهان سير
أنا ضد فكرة الصدقة إللي من هالنوع و البقشيش

new one يقول...

صباح الخير

والله البوست يريح الواحد وينسيه الهموم ويخليه ما يفكر غير بأعماله

حلو إننا نبدي يومنا أو نختمه بقراية مواضيع مثل هالموضوع

تسلم أناملج على البوست

صباح الخير مجددا

حياتي هدف مو عبث يقول...

بوست يفتح النفس :)

يا ليت لو يصير في نسخ من هالبنات والشباب

نعيش بخير وراحه

وفعلاً الإنسان مع ربه غير

ويكفي رب العباد رب السموات والأرض

ربنا جميعاً يرضى عنه

الحمدلله يارب

vancouver يقول...

لااااااااا اله الا الله
استكاااااااانه
والله اخاف
انظلج
مع انه عيني مو حاره
لوووول
بس والله كلامج
ووقفاتج
وساعاتج اللي وقفتي الزمن عندها
ثمييييينه

ما شاءالله عليج
حلو
حلوووووووو
كل اللي كتبتيه

يسعد صباحج ومساج
وكل دنياج
يارب

غير معرف يقول...

احساس صعب اني للمرة الثانية اعلق على بوست و ما الاقي اي رد ... عموما انا بكتفي اني اكون بس قارئة لان تظل كتاباتج تعجبني

شكرا

7osen يقول...

اجمل أحساس وأأمن أحساس

هو الأحساس بإنك قريب من الله

بوست يشرح النفس

وسالفة القومه حق صلاة الصبح الصراحه واايد مهمه
بس والله فيها أجر كبير خصوصاً الحين
مع الجو البارد

الله يجزاج الخير على هالبوست الخيّر

****
تحياتي لج
:)

lawyer يقول...

بووووست مريح

يوووووم هادي

كل شي يازلي
الا اخر سطرين

او اخر ساعه

حق هالطراااااار

يمكن احصاه الله و نسوووه
بس ياربي هذااااا استغفرالله نصاااب

مو المفروض تعطيه

انا عندي تعطين الي في المسيد ينظفون
الي في حمام عام
بس موووو الي في المصاااافط

DiLLi O MiLLi يقول...

مااااا فقدتيني ؟
:)



الله الله على السرد القصصي المريح
ماااا شبهته ألا بالأكل اللذيذ
والأكل اللذيذ هالأيام عندي مع هالبرد
ممّـــوش
:)
قصتج مثل أكلة عيش الممـوش
تبتدين تاكلين من طرف الصحن شويه وعقب أتعمقين ليين توصلين للطرف الآخر
وأنتي تتلذذيين بكل لقمة
ولا تقدرين تشيلين أيدج منه

هــذي قصتــج
أستمتعـــت بكل ســـطر
وتــلذذت بكـل كلمــــة
ولا أقدر أشيـل عيني عنـــها
:)
أنتي طباخه قصصية مسكته
وعندج نفـس بالكتابـه
لازم تطلعين من مطبخج المتواضع
وتطبخين في مطبخ مركــزي
عشان الناس كلها تذوق طبخج العجيب




فقرة أعجبتني تدل على عقلج النّير

كونه شاب ملتزم بصلاته وصيامه
لا يعني يان ينفصل عن الدنيا وعن التمتع فيها
يطمح هو ان يكون ممن يظلهم الله بظله يوم لا ظل الا ظله



ربي يديم عليج هالعقل
ويثبت إيمانج
ويّسر أمورج
ويسعدج دنيا وآخرة

يا إستــكانة
يا بنت نعنــاعه


:)

سدرة العشـــاق يقول...

اللهم لك الحمد على نعمة الاسلام

ياليت لو نطبق ربع الكلام او الوقفات اللي قلتيها جان احنا بألف خير

و الله يكثر من أمثالج و يسعدج دنيا و آخرة

:)

5roofa يقول...

مشااااااالله

بالعافيه عليج هالمسجات يارب
تستاهلين كل خير


والله اشتقتلج استكانه

طمنيني عليج يا حلوه

salamz dear...

ManalQ8 يقول...

السلام عليكم

يا روائية

:-)

انت روائية المدونات

ما شاء الله عليك

اخية

على السرد الجميل

المواضيع الرائعة

وفقك الله لكل خير

العالم المثالي هذا في قصتك
لو يطبق من قبل الغالبية
لكانت الدنيا بخير


بوركت اناملك الذهبية


وبانتظار البوست القادم

esTeKaNa يقول...

Bin3Li
~~~~~~~~
ما تدري الغياب والوقت اللي طاف كله اضبط حركة يمين يسار
hehehehe
:Pp~
انا معاك احيانا افكر انهم يستغلونا
بس فكر فيها من ناحية النية
انته شنو نيتك؟
والنية مطية
:)

esTeKaNa يقول...

new one
~~~~~~~~
صبحج الله ومساج بالخير
:)
اليوم البلوق متبارك بوجودج الحلو
والله يسلمج من كل شر

esTeKaNa يقول...

حياتي هدف مو عبث
~~~~~~~~~~~~~~~~~
ربي يرضا علي وعليج قولي آمين
:)
وجودج يشرح النفس
وهالنسخ موجوده
بس نحتاج نبرزها اكثر
ونأكد على نقطة ان اهم عايشين ومرتاحين
بينا وحوالينا
الله يزيد ويبارك فيهم

esTeKaNa يقول...

vancouver
~~~~~~~~~~
ياهلا ويا مرحبا
انتي بس عطيني مليون
ونظليني مثل ما تبين
لووووووول
يا حلاتج ويا زين وجودج الحلو هني
اجمعين يارب ما قصرتي
:)

bin3li يقول...

لا نية و مطية لقطاع الطرق
إنتي لو ياج واحد من هذيل راح تعطينه كم فلس عشان تحمين نفسج منه
صح و لا غلط؟

لو هذيل كل ما حدوا الطريج على حد و حصلوا فلوس
باجر لو ما حصلوا ممكن يغصبون الواحد بالقوة يعطيهم

من كم يوم قريت خبر أن ملقين القبض على هنود في دبي محتلين باركنات بالوضع اليد
ما في حد يقدر يبركن إلا يدفع لهم فلوس بالأول!!

عمر الصدقة ما تطلع لشخص تبغين يكف أذاه عنج
هذا له تعريف آخر و هو الاستغلال و قطع الطريق

esTeKaNa يقول...

anon.
~~~~~~~
معقوله ما رديت عليج؟
خليتني ارد على كل البوستات القديمه
واقرا رد رد
من صجي ما قصدت ولا كان بودي تاخذين بخاطرج
!!
انتي بس قولي اي بوست ولا تزعلين علي
ترا والله العظيم تكدرت
احسني ظنج فيني اكيد اكيد ما قصدت
:(
ويا ليت اقرا منج رد بس تسامحيني
أنا آسفه
مرات فعلا ما انتبه
بس اكيد ما اكون قاصده
وشوفيني ارد على رد رد
اكيد ما اقصد اتجاهل ردج بالذات
!!

esTeKaNa يقول...

7osen
~~~~~~
ياهلا ويا مرحبا باخوي العزيز حسين
فعلا
صلاه الفجر بهالأيام تعتبر بروحجها جهاد
برد
والماي بارد
والنوم بالدفا شي مو طبيعي
بس الجنه يبيلها تعب
:))
ويجزيك كل خير حياك الله

esTeKaNa يقول...

Lawyer
~~~~~~~~~
يقدم مع هذا البوست لمة قوية خاصه لج
:**
يا عساج دوم مرتاحة يارب
وايامنا كلها تكون مع الله

هذا العامل مسوي مشكله
ماحد يبي يعطيه
لوووول
انتي وبن علي نفس النظرة
انا يبته لانه واقع مكرر
وقريب جدا
نقدر نعطيه وربج اعلم بالنيه
:)

esTeKaNa يقول...

dilli o milli
~~~~~~~~~~~~~~~~
ما فقدتج؟
يعلم الله بللي في القلب
فقدتج
واسولف عنج
واسولف فيج
ويشهد علي الله شكثر اعزج
!!
جنه صار غزل؟
:Pp~
وينج من غير شر؟
انا قلت لمكن البوست اللي طاف ما ياز لج،قلت اتحراح هالبوست
مو هذا بلوقج اي وقت تسيرين علينا
مممممممممممم
اللله
شميت ريحة مموش لذيذ
وحسيته ناااااااااطع
جذي احساسي بتعليقج الللذيذ
:))

وهذا السطر اللي عجبج انا قصدته بالذات،وايد ناس عبالهم ان التزام الشخص بصلاته ودينه يخليه يبتعد عن حياته،وما يقدر يستمتع بشي
وهو على العكس
يقر يتمتع بكل شي بس بعقل
:)
واي فرحني تعليقج
ليش كل مرة تعليقج احلى من البوست اللي اكتبه؟
:))
امييين واجمعين يارب

esTeKaNa يقول...

سدرة العشاق
~~~~~~~~~~~~~
اي والله ليتنا نطبقه
وليتنا فعلا نعيشه
الدين يسر
والالتزام نعمه
ياربي يرزقنا اياها
ويارب ينفك الارتباط بين فكرة الالتزام والحياة العسره والويه المكشر
:))
امييين واجمعين يارب

esTeKaNa يقول...

5ROOFA
~~~~~~~
والله القلوب شواهد
احنا بعد اشتقنا لج
نورتي البوست
:)














MaNal q8
~~~~~~~~~~
روائية المدونات مرة واحده؟
ترا والله خجلتيني
:)
هذا مو عالم مثالي
ولا بعيد عن الواقع
هذا عالم جميل
مريح
نقدر نعيشه ونتعايش معاه بخير

شكرا لوجودج
شكرا لتشجيعج الراقي
دمتي اخت محبه يفرحني وجودها بكل بوست
:)

esTeKaNa يقول...

BIn 3Li
~~~~~~~~~~
بس احنا غير
بس يقولون السلام عليكم
:)
مرة واحد قالي السلام عليكم وما عندي خرده
قلت له عليكم السلام شلونك؟
زين ماما
شخبارك؟
زين ماما
بيبي كله زين؟
قالي زين ماما
جان ارجع قري واطلع
لووووووووول
شسوي يعني ما عندي
!!
انا قلت لك على النيه
اهوما ضرني ولا يقدر يضرني
بس اهي محاولة وباب صدقه اذا لقيت احسن منها باي وقت اكيد ما راح اتردد ولا نتردد
!!
بس والله هذيله اللي بوضع اليد مشكله
اشلون جذي
ماكو قانون يعني ولا شنو؟

الخيلاء يقول...

استكانه صاجه والله بكل مسج

المسج الاولى .. كل يوم احنا و بليس بصراع التخلي عن دفا الفراش .. بس لي تذكره اني لازم بطلع عشان اضبط المنبه حق الدوام .. اقول ربي اولى .. عسى الله يثبتنا و يتقبل منا :)

اما مسج الدوام .. فا انا اتبع معاهم " و الكاظمين الغيض و العافين عن الناس " الانه عندي ناس ايطلعون الواحد من طوره لو بلقيهم ويه جان كل يوم متذابحين لول

بوست روعه بروعه كلامج

عــــاشــــه يقول...

حيالله بإستكانة الشاي الي تنزل على فوادي مثل العسل

التدوينة اليوةم أكثر من رائعة

فيها روحانيه وشفافية بشكل غير معقول

صح قريتها متأخر لكن بعد خلتني أعيش كل موقف وأحس بعذوبته

وعن الطراروه والله الواحد مايقدر يقول هذا زين وهذا مش زين

عن عمري الصراحه على المزاج إذا كنت رايقه بعطي كل حد أشوفه إن طلب أو ماطلب
يعني حتى لو أشوف عامل بلديه ينظف على طرف الشارع أزقره وأعطيه المقسوم
ومرات يركض وراي الهندي ماما ماما ماما
بس أكون مستعيله وماعندي وقت له

بس نعم هيه النيه في النهايه


أشكرج عزيزتي

|:| DUBAI |:| يقول...

كل سطر أحلى عن الثاني يا بنت الكويت


ما أحوجنا لهاي البوستات اللي ادل على صحوة الشباب

: )


و ياما الرسول كرر..ان في هالسن لازم قد ما نقدر نعطي .. و نعطي


بارك الله فيج

و اسمحيلنا

!!

bin3li يقول...

أنا مرة ياني مندوب مبيعات هندي قعد على راسي يحن يبغيني أشتري شغلة
عشان يعتقني لوجه الله رضيت أشتري و طلع ب99 درهم
عطيته 100 و بعد ما خش النوط في جيبه قالي أنا ما عندي خرده
أنا بإمكاني إني أقوله خلاص روح، بس ما خليته
قلته يا الدرهم و لا المية
يوم شاف الموضوع صج طلعه

إذا الحبيب مار على 25 مثلي بيطلع منهم 25 درهم صافي
غير ربحه من البياعة
و نفس الموضوع مع الحبايب إذا لقطوا 100 درهم من 100 سيارة في اليوم
في 30 يوم صاروا 3000
في 12 صاروا 36000 درهم
في سنتين 72000 درهم
يعني بعد سنتين الحبيب هذا مطلع سيارة آخر موديل من الصدقات

احسبي لو 3000 هندي يجمع معدل 36000 درهم في السنة من الصدقات
معناتها حصيلة شحاتهم تصير
108000000
مية و ثمانية مليون درهم في السنة الواحدة!!!
تعرفين هذا المبلغ شو نقدر نسوي فيه في بلادنا إذا صرفنا الصدقة في مكانها الصحيح
نقدر نبني 108 فيلا طابق أرضي للأسر المتعففة
هذا المبلغ في يد الآسيويين راح يروح لبلدانهم ما راح نستفيد منه غير رواتبهم إللي تتحول

Peace يقول...

ما شاء الله عليج

كل موضوع في فكره احلى من الثانيه

عاد تصدقين توقعت انهم يتلاقون بالجمعيه
:)

موفقه عزيزتي

Mamloo7a Q8ia يقول...

الله يا سلاااام
الله يحفظج يا رب
عجييييب البوست وتوزيعات اوقاته
سرد رااااائع

غير معرف يقول...

مساء الورد..

مساء البرد..

مساء استكانة الشاي بالنعناع..

مريت متأخره على غير عادتي..

تذكرينا دايماً بفعل الخير..

ربي يزرقج الخير كله ويحفظج..

أختج المحبة.. هنـد

DiLLi O MiLLi يقول...

يااااا حبيبتي أنتي

أي والله أنشغلت بولادة سالفة قلبي
يتها بنت زوووغه مثلها
الله يحفظها من كل شر

:)

وعقبال ما نشوف عيالج
مشكورة قلبي على السؤال

:*

اجار الدين كشمش يقول...

شربت الغوري كله

وويهي صار حمر..من الدوه
وانا انطر يتلاقون ..يتداعمون

بعرباين الجمعيه..خو ما يصير

بعد الحين ..يلحقها بالسياره

للبيت ..ماراح يستفيد شئ اذا هو ادمي

بعدين اثنينهم منشغلين وايد بالديانه

هي ..ما تبي تبيًن حتى بعض مفاتنها

وهو طايح له صيام .. ومو برمضان

بعد!!!!!ة

وين يصيد هذا ؟

هذا احسن له ..يقول حق امه
والا خواته خطبولي
قلبه يقرقع وهو صايم ؟
عصر المعجزات انتهى ..لا يحلم

بالمعاكس ..وهو عامل نفسه
بتاع ربنا

دني غوريج
يم الضو ..بس
ولي يعافيني
خل اسكر راسي

فمالله

qesat_5ayal يقول...

الشخص لا يقم على خطوة الزواج إلا انه راغب وراغب جدا بالطرف الثاني صح؟


بروح أنام
ماقدر أفكر بتعليق أد المآم
:)

someone_q8 يقول...

السلام عليكم

مبدعة و متميزة دائما وليس ابدا
التغيير في سرد القصة جميل , والهدف ايضا اتى بطريقة اجمل
الى الأمام دائما

حمودي يقول...

اعجبتني الفكره مالت البوست
مبدعه
:)

حياتي هدف مو عبث يقول...

أميين يارب

:*

غير معرف يقول...

يا صبااح الورد
:**

روووعه
الله يهنييج ويحفظج يا اغلى استكانه

شرحتى صدرى من الصبح
:**

كريزما
من الدوااممممممم
:///

`~MnO YeNSa! ~` يقول...

مشاللـــــــــــــه مشاللــــــــــه طول ما انا اقرى اذكر الله تسلسل الافكار خيالي و الكلمات معبرة .. مشالله عليج :*

هذيان يقول...

الله كريم

بس البرد يضيق الخلق



روائية رائعة حبيبتي كملي

تستحقين الأحترام فأنتي تتعاملين مع الكلمة بفن راقي

Najmah يقول...
أزال المؤلف هذا التعليق.
Kuw_Son يقول...

استفدت جدا من روح كل موقف و مغزاه .. بارك الله فيك ..

Sn3a يقول...

البوست حده مريييح
شعور جدا حلو حسيته لما قريت بوستج

ماعرف اعلق اكثر من جذيه

فريج سعود يقول...

شي مرتب وحلو هالبوست

Najmah يقول...

استكانة

شرحتي قلبي الله يشرح قلبج دنيا وآخرة

بوست مريح حيل

سبحان الله الواحد مايرتاح بيومه ويتبارك فيه
الا اذا ابتدى فيه صح بطاعة ربه

اليوم اللي مااقعد فيه الفير
أحس بضيقة طول اليوم

مشكوورة استكاانة
والمسج وصل :)



** مادري شفيني صايره أرد بعدين اكتشف ان وايد بدليات وامسح واكتب رد ثاني :p

darkness يقول...

استكانه قولي امين

يا رب يرزقج على قد نيتج و يوفقج و يهديج للصلاح و الخير

بوست عذب

Eng_Q8 يقول...

nice post

bu saad يقول...

استكانه



جك جك جك جك جك جك
احسنت احسنت بوست رائع و تصوير جميل لحياة الملتزميين



دعوه رائعه و بميزان اعمالك

ReLaaaX يقول...

ياااااااااااااااربي والله ماننلام يااستكانه يوم حبيناج ;**


روووعه والله روووعه ومااااعندي اي اضافه على كلامج الا ان تأثرت فيه وايد :))

esTeKaNa يقول...

bin3Li
~~~~~~~~
افتر راسي وأنا أٌقرا الأرقام
!!
بن علي اللي سواه المندوب يسمونه استغفال،وانا مثلك ماحب احد يستغفلني
تدري؟
مرات اقعد أنطر يرجع لي الباقي واعطيه
ولا يستغفلني وياخذ من كيفه في فرق
بالنسبه للموقف اللي تقوله
انا اوافقك الراي
بصرف الصدقات في مكانها الصحيح
:)

esTeKaNa يقول...

peace
~~~~~~
يا هلا وغلا
البطالة قامت تطلع لي أفكار مادري من وين
:))
يتلاقون بالجمعيه؟
مممممم
لازم نسوي قصه يديده شرايج؟
:))
أجمعين يارب







mmloo7a-q8ia
~~~~~~~~~~~~~~~~
هلا بالملح كله
:)
ياعسى الرحمن يحفظج ولا يخليني منج ومن تعليقاتج الحلوة دوم
:*

esTeKaNa يقول...

هند
~~~~~
هلا بالخير كله
هلا بقارئتني الرقيقه
فقدتج
!!
لج عاده تزينين كل بوست في بدايته
وسواء كنتي في البدايه
او انتصفت التعليقات
فأنتي على الرحب والسعة في قلبي وبلوقي دوم
:)








dilli o milli
~~~~~~~~~~~~~~~~
اسم الله عليها الرحمن الرحيم
!!
الله يحفظها يارب ويجعلها من الذريه الصالحة
:)
سلمي عليها وبوسي لي الجميله الصغيره
نبيها شاعره مثل امها
:*

جنون يقول...

جميل ما قرأت

:) في انتظار يديدج

esTeKaNa يقول...

أجار الدين كشمش
~~~~~~~~~~~~~~~
عصير فرش
بارد
مع مكعبات ثلج
من بلوقنا الى حضرتكم
فقد للتبريد على قلبكم
:)
سم بالرحمن وانا اخيتك
كنت تبيهم يتلاقون؟
ممممم
انا ما فكرت بجذي
وقد ما يكون البنت هذي في باله
يمكن بنت ثانيه
والبنات أكثر من الهم على القلب
:pP~
وبعدين حلاتك في كل بوست عند استكانه تتوقع غيرالمتوقع
:)
ممممم
تقول منشغلين بالديانه؟
ومن قالك الديانه تشغل عن كل شي؟
تبيها تبين مفاتنها بالدوام
@@؟
تبين زينها بالوقت المناسب للشخص المناسب فقط
ماهي فترينه ولا شرايك؟
وليش ما يصوم؟
صيام يوم تطوع يبعدك عن النار سبعين خريف تخيل
احد يعافه؟
والله ما ينعاف يوم مقابل سبعين سنه ابتعد عن النار
!!
يصيييد؟
مممم
ما حبيت الكلمه
حداق اهو؟
بنات أوادم هذيله يا أجار
مو تصيّد لعب
وليش عبالك مسوي روحه بتاع ربنا؟
تعال قولي
انته تعرفه؟
:D~
اذا تعرفه قولي الصج
:))
أدن الغوري يم الضو؟
انا عقب هالكومنت قلت حذفت القوري علي بس

ممممممممم
الحين هالحجي كله ما يعتقك من وعدك
وين الثوب؟
:))

esTeKaNa يقول...

qesat-5aYaL
~~~~~~~~~~~~~
صديقتي اللي فيها النوم
:)
نعم
الشخصلا يقدم الا اذا كان راغب جدا
لانه زواج
مو تسيورة يجامل فيها شوية ويرد
بس هل هذا يمنع الاستخارة؟













some-oneq8
~~~~~~~~~~~~~
وعليكم السلام ورحمة الله وبركاته

شكرا من القلب
دائما وليس أبدا؟
ليش؟
:)
يارب يكون أبدا
:pP~
شكرا لملاحظاتك الجميله

esTeKaNa يقول...

حمودي
~~~~~~
تدري ان تعليقك فرحني اكثر من ما تتصور
!!
مااصدق انك كاتب اكثر من كلمه نايس
وخوش حجي
:pP~









حياتي هدف مو عبث
~~~~~~~~~~~~~~~~~~~
:))











charissma
~~~~~~~~~~~~
يا صباح الورد
يا مسا الفل
يا هلا بالطيب كله
:*
عسى قلبج دوم منشرح
بالدوام
في البيت
وفي أي موقع من كويتنا الحبيبه
:Pp~

esTeKaNa يقول...

mno yensa!!
~~~~~~~~~~~
يااااابعد روحي انتي
ما قصرتي
:*
فرحت ان الكلمات والتعبير وصلج
تتخيلين ان هذا من البوستات القليله اللي كتبت فيها مسوده امسح واكتب مليون مرة؟
مادري ليش كنت متردده فيه وايد
!!






هذيان
~~~~~~~
اي والله البرد يضيق الخلق
والماي بااااااارد
بس الجنه يبيلها تعب شوي
:)

التعامل مع الكلمة برقي طموح
يا ليتني اصل لو قليل منه
شكرا يا هذيان
:)

esTeKaNa يقول...

kuw-son
~~~~~~~~~~
وفيك يارب
:)
هذا احد اهدافي
ويزاك الله خير بشرتني اني حققته
:)








sn3ah
~~~~~~~
تدرين شنو اهم من التعليق؟
الاحساس
!!
الاحساس المريح الي وصلج
يسوا عندي كتابة كومنت طويييل
من غير احساس
:)

esTeKaNa يقول...

فريج سعود
~~~~~~~~~~~
ملاحظ الترتيب؟
يسار يمين يسار يمين
ترا تعبانه على الحركة
:Pp~
حلت دنياج قول آمين















NAJMAH
~~~~~~~~~
هلا بنجمة كل البلوقرز والله
:)
آميييين وأجمعييين يارب
فعلا ...البداية لها أثر في اليوم كله
وبورك لأمتي في بكورها
صلاة الفجر في وقتها لها أثر في اليوم كله
!!
اشوة المسج وصل
ويا صديقتي بالبلديات ماحد ينافسني
فعادي كتبي وخليه
راح افهم صدقيني
:)

esTeKaNa يقول...

Darkness
~~~~~~~~~~
الأعذب دعائج والله
خنقتني العبره مادري ليش
!!
آميييين وأجمعين يارب
:)









eNg-q8
~~~~~~~
شكرا
:)







bu-saad
~~~~~~~~~~
ياهلا ويا مرحبا بأخوي
هذي الساعه المباركة اللي تنور البلوق والبوست
شكرا لمرورك الحلو
شكرا للتصفيق
خليتني ابتسم من قلب
:))










reLaaax
~~~~~~~~~
يااااااااااابعد قلبي أنتي
أحبك الذي أحببتني فيه
:*
تو ما نور البلوق
وينج عن البلوق ولهت عليج والله
:)
الاروع وجودج
وكافي احساسج بكلامه
:*

esTeKaNa يقول...

جنون
~~~~~~~
جميلة يزارتك في آخر اليل
حياج الله
:)

بـابـل يقول...

والله حيرة هالبوست

كل فقرة احلى من اللي وراها

والصدق يقطّر من السطور

وروحانية عجيبة

شكرا لك إستكانة


وبس


بابل

Selezya يقول...

انا ويني عن هالبوست :))

احساس براحة مو طبيعية :)

انتي عالم بروحج عالم راقي وعجيب :)

دخلني وياج حق هالعالم ولا بس حقج بروحج؟
عفيه عفيه
:P

AseeL يقول...

:الساعة السابعة الا ربع صباحا
لها أن ترسم من نفسها لوحة تخطف الابصار بلا تعري...
التعري والمثير مو شرط انه يكون الاكثر ابهارا

الهندي البهلول وربعه.. انا حالفة من سنتين اني ما اعطيهم لان هذول اغنى منا...الصدقة نعطيها حق اللي نحسه فعلا محتاج

esTeKaNa يقول...

بابل
~~~~~~
صبحك الله بالخير
صباح الصدق
وقمة الروحانيه
شكرا لوجودك الجميل
هذا قليل مما عندكم
:)














selezeya
~~~~~~~~~~
عفية عفيه؟
من صجج
!!
افا عليج يا الغاليه
عالمي مفتوح للكل والجميع
ويارب يكون بهالجمال اللي قلتيه
:))
اهم شي تكونين مرتاحة
هاليومين مودج متعسر مادري اشفيج
!!
صباااحج ورد






aseeL
~~~~~~~
أوافقك الراي
!!
أحيان..يكون قمة الإغراء غموض أنثى
:)
hehehehe
اهم شي الهندي البهلول
مسبب مشكله هالهندي
!!
نرجع ونقول الفكرة من المسج هذا النية والصدقه
وبس
:)
شكرا يا مسك ختام هالبوست

bin3li يقول...

اي ، لازم تكونين شاطرة في الحساب
و لا كيف بتكونين مدام حلتيت
:P
كل ما أقرأ عنوانين الفقرات أذكر خالتي قماشة يوم بنتها توصلها أخبار زوجها النفيسي بالساعة

esTeKaNa يقول...

bin3Li
~~~~~~~~
loooooooooooool:))
بن علي
@@
اذا ماحبيت البوست لا تضحك عليه
وتضحكني
على خلاصه من خلاصات فكري
:Pp~
صبااح الورد والبرد

Glass Fabric يقول...

مسجات مؤثرة يعطيج العافية :)

Lala* يقول...

.. أسرتيني

.. وأثّرتِ فيني



رضي الله عنكِ وأرضاك

***

Um eL5aiR يقول...

تبيين الصج ..

موضوعج أكثر من راائع ..

عسى الله يفتح عليج في كل حرف إذا كان هدفج نشر الخير من خلال هذه المدونة..

مواقف حياتية متكررة نعايشهافي حياتنا..
و قلم رائع في نقل رسائل هادفة..

مميزة !