الأحد، يناير 27، 2008

الى اللقاء

الساعة الخامسه وخمسين دقيقة صباحا
استلقي على ظهري باستسلام
أناظر غرفتي بشفقة
خزانات الملاببس مفتوحة
وملابس مبعثرة
وحقيبه سفر متربعة في الأرض تناظرني واناظرها
!!
مسكينة حقيبة سفري
تعاني من تخمة ملابس
غريبة..هالليلة مرت سريعا
قضيتها في عرض أزياء لكل ملابسي
وتدعس بهالحقيبه المسكينة
أرق طول الليل...البس للمطار تنورة ولا جينز؟
!!يا سخافته من أرق
اعشق البساطة في السفر
ارتداءشئ مريح وجميل
رغم ذاك العشق الجميل لبساطة السفر إلا إني أعاني من عقده بدله المطار
ليش نكشخ حق المطار والطيارة؟
وانا أدري احتمال كبير بعد سهرة اليوم أنام نومة الربيانه في مقعد الطيارة
:)
ليش سهرت اليوم؟
كنت انوي النوم بساعه مبكرة هذه الليله
ولكن نومتي صاحبة المزاج عاندتني كالعادة
تذكرت طفولتي..حين كانت نومتي تعاندني
واخاف من خيال كل شئ معلق في غرفتي
فاتسلل لغرفة اخواني واشكي لاخوي من عناد النومة
الكبير كان يحذفني بمخدته ويكمل نومته الشرير
والصغيريا بعد قلب أخته كان يعمل لي غسيل دماغ:
غمضي عينج
وشوفي النومه تيي لج
كاهي وصلت
واخذي نفسج
وتخيلي روحج تشخرين
اوخ اوخ
دشيتي بالنومه
اووووو...خلاص غرقتي بالنومه غرقتي
لا خلاص بدت الأحلام
!!
كان يغمض واغمض
ونخلص من فقرة غسيل الدماغ
اهو نايم وانا مبققه عيوني
!!
انا قلت لكم إني بسافرسفرة وفجأة؟
سفرة وفجأةهذي سفرة من غير تخطيط
الوالد الحبيب كان مقترح ماليزيا
واختي تبي لبنان
وامي بخاطرها عمره
وانا بو سميح ،راضية باي مكان المهم تختمون على جوازي عن خاطري
:Pp~
نمت البارحة متفقين على العمرة
صحيت من النوم ابوي حاجز اسكندريه
القاهره
الكويت
heheheheheh
الطيارة الساعه تسع وربع
والساعة الحين ست وربع وأنا قاعدة
وشكلي باجر بطق طوف
!!
هالاسبوغ بيكون من غير لاب توب ولا موبايل
بشوف..اشلون بتكون حياتي من غيرهم؟
كل اللي معاي رواية
ودفتر صغير وقلم
جود ارجع كاتبة بوست بالمصري
:)
اسبوع وراجعه
ديرو بالكم على البلوق
لاحد يكسر استكانه
ولا تصبون جاي ...الا وفي قفشه داخل
مابي استكانه تنبط من الحرارة
الزرع واللي يعافيكم اسقوه
والدرايش فتحوها...ابي تيار هوى على طول بهالمكان
:Pp~
يراودني الأمل في ليلة ألقاكم
وأطرز بالفرح أحزان فرقاكم
مع السلامة
استودعتكم الله الذي لا تضيع ودائعه

هناك 64 تعليقًا:

صقر قريش يقول...

اول شي تروحين وترجعين بالسلامة ثانيا ابي صوغتي وهي جاي كشري (حدج حقدتي علي)عاد نوع اصلي عاد ولا اعلن المقاطعة (معني بتحسف على الجاي بالنعناع:) )

Q8i_Blogger يقول...

سافري وانتي مطمنه
انا كل ايوم ادش اجيك على كل شي .. خصوصا سالفه البايبات
لا انكسر بايب وانتي مسافره .. راح تتبهذل كل البوستات
بس مالج شغل انا بتابع الموضوع

وتروحين وتردين بالسلامة
ورحله موفقه

`~MnO YeNSa! ~` يقول...

حبيــــــــــبتي راح نفقدج وايد :* تروحين واترديــــــن بالسلامة
:* سلمي على اهـــــــل النيل كلهم

shakshaka يقول...

7abeeebti etro7eeen witrideen lina saalma inshallla;*** estansay wo the7kay kether mategdereeen ana mn oosal ma9r emshar3a el7alj zahba 7ag ethe7kaa loool tezahebay al7een 7ag a bo 3enaaaaain tiger wo ya celeopatra:P

سدرة العشـــاق يقول...

من غير شر إن شاء الله

حفظج الرحمن اللي عينه ما تنام
ديري بالج على بالج نفسج و على اميمتج و ابيجو اخيتج

الله يحفظكم و ترجعون بالسلامة إن شاء الله

:)

فتى الجبل يقول...

بالسلامة ان شاء الله

new one يقول...

تروحين وتردين بالسلامه ان شاء الله

عاد انا ما اتحمل اعيش بدون الجاي

بس نصبر شوي ونخليج تغيرين جو


تروحون وتردون بالسلامه ان شاء الله

bin3li يقول...

عشان جذه أنتي مطيحة بأم كلثوم
تهيئة
يالله ترحون و ترجعون بالسلامة
و ديروا بالكم من السلمة التحتانية
:P

هذيان يقول...

بألف سلامه
وأشتاق أشتاق أسأل عنكم الأشواق
الفراق ما غير علي الفراق

بنت الشامية يقول...

بالسلامه يحفظج الكريم

بس ميخالف اشرب شاى كل يوم والله والله اغسل استكانتى واردها مكانها واخلى المكان نظيف....!!!!ء

عطلة سعيده

5roofa يقول...

واااي يالغاليه راح نشتاقلج

تروحين وتردين بالسلامه ياارب

تصدقين سالفت البدله حق المطار لوول طلعت عند الكل لانه انا هم لويه علما اخطط شلبس وعفسه تصير معاي

حافظج الله حطي بالج و صوريليناا و سولفيلنا شبيصير معاج

بنفقدج يالغاليه

salamz sweetee...

الخيلاء يقول...

الله يونسج بالعفو و العافيه .. و ترجعين باحلى البوستات :)


اما عن عناد النوم ليله السفر .. اثاري مو بس انا الي اعاني منه :) ودي الزق عيوني بلزاق ساعتها ..

و صج ليش نكشخ للمطار؟ مادري شالحكمه من كشخه المطار .. مع انه بتنقص ظهورنا من القعده و الهدوم بتعفس مع هذا لازم نكشخ للمطار ..


و احلى شي ترى سفر الفجاه .. مره الوالد سواها فينا كانت 10 ايام لبنان .. دخل و قال لنا زهبوا اغراضكم ترى باجر العصر طيارتنا حق لبنان .. ساعتها لا تشوفويني .. انبش الكبت و انزل الجنطه و اشوف النواقص .. بس حلو التغير :)

لاتحاتين الاستكانات بالحفظ و الصون .. كل يوم بغسلهم و انشفهم و اردهم الكبت .. و محد يصب الا بامري .. كلش ولا الاستكانات تراهم غالين من غلى راعيتهم :)


و اذا على الاب توب و الموبايل .. ماراح يصير عندج وقت لهم .. يادوب اتردين و تنامين استعدادا للغد .. :P

بنفقدج هالاسبوع .. هاف فن :)

qesat_5ayal يقول...

تروحين وترجعين بالسلامة

:)

bo rashed يقول...

اذا ما عليج امر يا اخيتي الاستكانات باخذ جم وحده منهم وبحطهم بالقهوه
تدرين تعودت على جويهتج المنعنعه
:)
والله يسمح دروبكم انشالله ويحفظكم رايحين وراجعين
:)

غير معرف يقول...

لا اتحااتيين بيتج انا شخصيا بحوفه حووف
والزرع بسقييييه بتردين بتلاقينه طلع ورد
هههههههههههههههه
تروحين وترجعين بالسلامه
انتى استاانسى ووسعى صدرج
وزيين سويتى سافرتى بدون موبايل ولا لابتوب يا حللو الصده اتينن
بالج مرتااااااااااااح يصير


حطى بالج على نفسج ما اوصيج
:**

ناطرين ردتج بالسلامه وسوالف مصر
:)


كريزما من الدوااااااااام

ezain_kilah يقول...

حافظج الله يالغالية

كشري وسمج بلطي ما عليج امر

Eng_Q8 يقول...

اتروحين واتردين بالسلامه

حلم جميل بوطن أفضل يقول...

بالسلامة إن شاء الله

بس تساؤل في محله و فعلاً يراودني ، ليش البنات يكشون حق السفر و خصوصاً بالمطار؟

أنا إنسان يقول...

لا حول ولا قوة الا بالله
ربنا ادانا فرصة لا يمكن تتعوض تاني
ادي بتوع غزة جولنا لاجئين....فارين بدينهم ودماءهم
زي المهاجرين أيام الرسول صلى الله عليه وسلم بالضبط
واحنا قدامنا الفرصة ان احنا نبقى الانصار...لو عملنا زيهم...
هل هانفوتها ؟؟؟؟؟؟؟؟؟؟؟؟؟؟
............
لا تنسوا
ـ التبرع
ـ التبرع
ـ التبرع
ـ المقاطعة
ـ الدعاء
.........................
وياريت تشاركونا في حملة أخلاقنا...إسلامنا
http://groups.yahoo.com/group/akhlakona/
أو مدونة...أنا إنسان
http://ana-insan.blogspot.com/

magnoonah يقول...

تروحين وتردين بالسلامه

وديري بالج على نفسج

ولا توصين بقعدلهم قعده بالمدونه واي شي يصير بفتن عليهم هذا اذا ما وريتهم شغل الله

ايي بعد انتي موصيتني ما يصير ما اقوم بالوصيه



انتي بس روحي استانسي ووخري عن النيل لا يحوشج بالهارسيا ولا بكتيريا عنقوديه ولا فيروس خليج صوب الاماكن المعقوله وديري بالج من البق ولا تتيبين شي لاحد ترى عيالنا بطونهم خفيفه من اي شي يتاثرون




وسلميلي على ابو الهول
:)

هـــدب يقول...

الله يحفظكم ان شاء الله ويردكم بالسلامه من غير شر

DanDash يقول...

آيوووه يا جدعااان

خودي بالك ياياختي و انتي في اسكندرية من النّوة و البرد

عاد أحلى شي الشتا البرد

تروحين وتردينا لنا بالسلامة و ديري بالج على عمرج

و استااااااانسي بمصر

وشربي شاي بخان خليلي بقهوة الفيشاوي

عــــاشــــه يقول...

وأنا أقول ليش ماأشوفج على الماسنجر صارلي يومين
ومفتقدتنج وايد

ترجعون بالسلامه

وعاد نريد تجربتج وإنتي بعيد عن وسائل التواصل

أنا ساعه ماأقدر أعيش أحس إني في مقطعه عايشة

فراوله يقول...

مساالورد والجوري
غاليتي الحبيبه
والله لك بالقلب وحشه
ياحبيبي وانت غايب
:)
تروحين وتردين بالسلامه
وديري بالج علي نفسج
من ناحيه الجاي
فانا مدمنة جاي
وراح اخلص الجاي الموجود
@@@@
حبيبتي انتي
اجازة سعيده
يارب
:*

اجار الدين كشمش يقول...

استكانه

ترا اهل مصر يشربون جاي ب كلاصات

لااااااااااا تزعلين عليهم

ومري على الكييبل النت يقول عاجل
في مدونته
ان عاضه قبقب من الاسكندريه
شوفيه وعطينا الاخبار
ومري عل مرينا الي خابينا فيها المصرين ..شوفي مستواها

ونصيييحه لج زوري هوتيل فلسطين
الي كان قصر الملك فاروق
بس حطي بالج من القطاوه بالحديقه كل قطو امتن من الملك فاروق
بعدين لا تنسين تمرين شارع محمد علي في القاهره ..تشترين
ثوب مصري مطرز حق خيمة دولي

ماكوا داعي اوضح اكثر لان مو كل الناس تدري عن الخيمه

واشتري لي عصاة بلدي... حقي منو اطق
المتطفلين عل الخيمه ومنو اتعلم رقصة شعبان عبدالرحيم
على اغنيته الجديده حاطه عاجل
انا بكره القبقب وبحب الكييبلات
وبعد تلفتي مني ولا مني
شوفي اشناقص الخيمه
ومري قهوة الفيشاوي شوفي جايهم
حاجم ولا مخدر
والله يحفظكم من الوصخ

فمالله

°l||l°ρίnķ gιяℓ °l||l° يقول...

تروحين وتردين بالسلامة الغالية

ولا تنسين أتيبين لنا صوغة وياج وانتي رادة

Fahad Al Askr يقول...

استكانة، لا تنسين الحمام والعسل اللي وصيتج عليه

乂♥Not.ViRGo♥乂 يقول...

تروحين وتردين بالسلامة

هالله هالله بالصووغة :))

DiLLi O MiLLi يقول...

يه !! للحيين ماااا ييتي !!؟؟
شنووو هذاااا !؟ يالله مشتاااقين



:**







اجار الدين كشمش


ههههههههههه
يووووز




:)

vancouver يقول...

مكانج خالي ويقولون الكويت ظلمة
:))))


بحفظ الرحمن
وياسلام على الاسكندريه بالشتا
لا تطوفج مكتبه الاسكندرية زوريها
والجمبري المشوييييي
ههههههه


حافظكم الله

بولمعه يقول...

بولمعه محتاج تشجيع كونه مدون يديد
شجعه خلا يتحدى
:P

الدائرة الخامسة يقول...

تروحين وترجعين بالسلامة
أشعليك قام حظك
صايروا يكتبون عنك بالجرايـــــد يا استكانـة
بصراحة انتي نموذج مثالي ومشرف للمدونين الكويتيين
وبالتوفيق
×× رابط مقالة استكانة××

http://www.alwatan.com.kw/Default.aspx?MgDid=593961&pageId=163

Shaima'a Alkandari يقول...

تروحين وتردين بالسلامه

واهم شي عرض الازياء وماوصيج بالصوايغ




استانسي وريحي بالج وشيلي كل شي مو حلو وقطيه ورا ظهرج


وبنشوف بوستج اليديد

|:| DUBAI |:| يقول...

Neba "Gum" Me9ry :$ Plz !

EjaaZa S3eeDa inShalla !

o Trdeen Lena Bel SlaaMa Sis !

bin3li يقول...

مبروك مبروك

و هذه وصلة المقال
كلك هير


في فقرة يقصدوني فيها لا محالة
:P

لديها قراء خاصون بها يتواصلون معها من جميع الوطن العربي ولديهم تعليقات مستمرة على مدونتها.

بس اشدعوة قاعد أتواصل معاج من جميع الوطن العربي ، منتشح في كل ناحية

حشى اللهو الخفي مب بن علي
:P

ما دام بعدج في مصر ما أوصيج تدورين على الصعيدي إللي لما فهم مات

someone_q8 يقول...

السلام عليكم

اتروحين واتردين بالسلامة , وعسى الله يسهل دربكم جميعا
ديربالج على الوالد والوالدة
والله يهنيكم في هالسفرة
وناطرين روايتج اللي بالمصري نبي انشوف اشلون تكتبينها :)))

الخيلاء يقول...

مبروووك استكانه على المقاله .. تستاهلين و منها للاعلى ان شاء الله ..

من قلب فرحت لج .. صج انج خير مثال للبنت الكويتيه :)

Sara يقول...

تروووووووووحيييييييين وتردييين بالسلااااامة استكانة

i will miss u wayed wayed :>

have fun oo take care o salmeeely 3al ahramaaaaaaaaaat :D

Sara يقول...

والف مبروووووووك استكانة على المقالة الحلوة الصراحة دمعت وانا اقراها :) وحدي استانست لج واستانست أكثر لما عرفت إن البلوقز شي مشرف ومو عيب ولازم نرفع راسنا واحنا نقول عندنا مدونات نكتب فيها ونعبر فيها عن اللي بداخلنا :)

بعد عمري ألف مبروووك :)

محـــــارة يقول...

حبيبتي وأخيتي ومرآتي تضايقت ليش ماودعتج .. ياكرهي كل يوم أدش مدونتج وأقرأ بس الكسل والمود ماكان ضارب أرد بس ما أقدر ما أطل

اليوم كنت ولهانه على لمتنا على سوالفنا وحواراتنا بس ربج مو كاتب أنا أوله وأنت تسافرين

حافظج الرحمن وتردين لنا بأحسن من مارحتي .. وعسى الله يحميج من شر الأنس والجن حبي .. وتيك كير خيتو وحبيبتو

محـــــارة يقول...

واااو مستانسه واايد توني أقرأ المقال المكتوب عنج

صج أنه الأخ الحربي شقردي وربي تستاهلين وخير من اختار .. فعلا أنت نبراس للبنت الكويتية ولأي مجتهد بعالم التدوين

مثال نفتخر فيه .. عسى ربي يحفظج وتحققين كل ماتتمنين بحياتج وبإضافة تفيد كتاب الانترنت بشكل عام

عبدالرحمن يقول...

يمكن انا اول من قرا المقاله بالكويت :)
لاني قريت الجريده حيل مبجر

اشكر الاستاذ الحربي على اهتمامه بالمدونين

خصوصا مبدعتنا استكانه

ولو كنت كاتب في جريده كنت كتبت عن بلوق استكانه تقرير كامل تستاهل اكثر من مقالة والله

للخوات البلوقر اللي يعرفون استكانه معرفه شخصيه اتمنى يخشون نسخه من الجريده ويعطونها استكانه لما ترد من السفر
وطبعا لما تعطونها الجريده قولوا لها اني اللي طلبت منكم تعطونها الجريده

لحفظ حقوقي بالفكره مو اكثر يمكن ينولنا شي من فرغلي القاهره ولا سمج اسكندريه
:)
لان شي حلو ينكتب عنك مدح في وسائل الاعلام خصوصا ان المدح كان في محله ولو انه قصر في وصف هل بلوق المشرف واللي الواحد يفتخر فيه وفي افكار بنت كويتيه اتمنى ان الله يكثر من امثالها بديرتنا

تستاهلين ياستاذتنا الكبيره :)

DiLLi O MiLLi يقول...

مبـــرووووووووووووووووك
ياااااااا أســـــــــــــتكانة
الله ياااااا فرحـــتي بالمـــقااال
جــــنه كـاتبـــيين عنــي

تســــتاهلييـن أكثــــر حبيبـــتي
:**





عاااااد الله يصبرنا على الموقه ألحين
هههههههه
:)




مـوفقـــــه
حبيبــــــتي

:*

ZoZOta يقول...

بس
بس بس

رجعي خلاص

تعبت وانا انطر

ولهت عليج وايد

:**

mtfa2el يقول...

تروحين و تردين بالسلامة
ادري متأخرة و يمكن كاتبها و انتي بالكويت بس همن بالسلامة ..
و مبروك المفالة منها للأعلى
ما تدرين باجر ال
bbc و لا cnn

حياتي هدف مو عبث يقول...

أستوعك الله أخيتي :)

تروحين وترجعين بالسلاامه إن شاء الله

5roofa يقول...

استكااانه كاتبين عنج مقاله

كشخهههههههههههههههههه

موجوده في بلوقي

و فقدناج خيتووو رديلنا سالمه ياارب

salamz sweetee...

very.q8ya يقول...

IMNAWRA JAREEDAT IL-WA6AN!!! ;*** wallah testahlain kil-khair! lamma garait il-maqaal bil internet 7addi kayyaft! lool

o tro7een o treddeen bil-salama inshallah :*

New Bride يقول...

tro7een o trj3een blsalama yalgalyaa

Barrak يقول...

تروحين وتردين بالسلامه


فيه بياله تكسرت شنسوي

ولد الديرة يقول...

اول شيء اسمها خاشوقة مو قفشة :P

ثاني شيء تردين بالسلامة بإذن الله تعالى

نبي قند :)

bin3li يقول...

يلا وينج ؟ ورا باجر مباراة بينا و بينكم

;)

OutOfReach يقول...

tro07een o trj3een be el salama enshallah :)
enjoy ;)

Selezya يقول...

حبييييييبتييي واللللله والله تستاااهلييييين امبييه استااااانست حددددددددددي لا تشوفين فررحتي خذيت المقال اصلا وخليت الوالد يقرااه واهو يقرالج ترا حزات استاانس يقول كفو واختياره مووفق تخيلييي ..
فديييتج يااحلوها استكانتنا :**

ترووحين وتررديين بالسلامه يالغااليه عساج ما تشوفين الشر
لا تطولين علينا عفيه بس اهم شي استانسي
:))))

3ezzow يقول...

bel salama enshalla :)

vancouver يقول...

كفووووووووووووو استكانه

الله يالمفاجاه اللي بتصيرلج اول ما ترجعين
هههههه
اذا ما بلغوج وانتي هناك اصلا

تستااااااااااااااااااااهلييين استكانه


شفتي دعاء الجدات وين يودي
:))))))

مع انه الحربي
ترى قصر في وصف مدونتج
شرفتي كل المدونين بتميزج
ومنها للاعلى ان شاءالله
المهم
المكان اللي حاطه عينج عليه
ولما الحين ماوظفوج
وانا ادري وين
هههههه

روحي رزي المقاله بعيونهم
هههههههههههههه
قوليلهم هذا وانا بطاليه
وكتبوا عني بالجرايد عيل
اشلون لما توظفوني عندكم
المنه عليكم اصلا
وقظبي الباب وطلعي
ههههههه
10
دقايق
وتلقينهم داقين عليج يبشرونج
هههههههه



ترجعين بالسلامه

ترى العشا علي ليله الخميس بمخيم دللي
علي شرفج وبمناسبه
المقاله الحلوه


عاد مو ترفعين الخشم علينا
وتقولين
مااااااالي خلق توني يايه من السفر
ههههههه

Sn3a يقول...

اول شي
جني بتحرش
شلون هلتون قرين بلازا
:P
اني وي
انا نفس رحلتج بس الرده من الاسكندريه اليوم واصله

مبروك عالمقاله تستاهلين احسن واحسن
صج الجريده شبهه
بس المقاله احلى مافيها

انشالله تكونين استمتعتي بام الدنياا
ولهنا عليج

فتك بعافيه يختي

عيون الحب يقول...

تروحين وتردين بالسلامة
كالعادة اسلوبج يسحر الواحد يخليه يقرا الموضوع لين النهاية
هذا لو مانزل تحت وقرا المواضيع اللي طافته

بس الله يهداج انا في خاطري اسافر وقريت الموضوع عزمت بس محد بيسويلي سالفة خخخخخخ
الله يسامحج :)

مبرووووووووووك ألف ألف مبروك عالمقال
صدق صدق تستاهلين
حدي استانست عليج لما قريته

esTeKaNa يقول...

صقر قريش
~~~~~~~~~~
الله يسلمك من كل شر
احقد عليك على جاي كشري؟
افا يا ذا العلم
:))
تامر امر يا صقرنا







q8i_blogger
~~~~~~~~~~~~~~
لا خلا ولا عدم يا اخيي
اييي اهم شي البايبات
اخر مرة سافرت اعتفست الدنيا غرقنا
!!
الله يسلمك من كل شر






mno yensa
~~~~~~~~~~~~~~
ما تفقدين عزيز ولا غالي يا الغاليه
الله يسلمج من كل شر
:*










shakshaka
~~~~~~~~~~~~
يا هلا يا نفرتيتي
وحشتيني يا قمييل
:)
وعندي وعندج خير عيزت وانا اكركر
يايتج بالسوالف
:**





سدرة العشاق
~~~~~~~~~~~~~
يا بعد قلبي انتي
الله يسلمج من كل شر
:*







فتى الجبل
~~~~~~~~~~
الله يسلمك من كل شر
:)










new one
~~~~~~~~~~
الله يسلممج من كل شر
والجاي تحت امرج بكل وقت
:)






بن علي
~~~~~~~~~
لوووول
:)
شرايك فيني وانا تهيأ لمصر؟
اظن اني استعديت لها خوش استعداد
واستمتعت قمة الاستمتاع








هذيان
~~~~~~~~~
الله الله
شنو هالصوت الحلو؟
شنو هالكلام المعبر؟
الله يسلمج من كل شر يا اجمل هذيان
:)









بنت الشامية
~~~~~~~~~~~~~
يسلمج انتي يا شيخة الكل والله
افا افا
انتي تستأذنين؟
لا عاد
انتي تشربين بالاستكانه
تكسرينهم
تعفسينهم
تامرين امر
كل شي هني تحت امرج
:*

esTeKaNa يقول...

5roofa
~~~~~~~~
يا الغاليه انتي يا الخروفه الطيبه
ما تفقدين عزيز ولا غالي
وبشري بالخير السوالف وايد
:*








الخيلاء
~~~~~~~
الله يسلمج من كل شر
بدعت ذاك اليوم
وصلت ادعم الطوف من النوم اللي فيني ما سوت علي سهرتني
:(
وصااااااجة
انا بغيت احذف الكعب على كبر المطار وانتي بكرامه
وي لا خلا ولا عدم يا شيخة البنات انتي
ما قصرتي الاستكانات تتلامع يالله من فضلك
:*
نخدمج بالافراح قولي آميين
قولي عادي عادي
آميييييييييين بضمير قولي
:)











qesat 5aYal
~~~~~~~~~~~~~
الله يسلمج من كل شر
:)








بو راشد
~~~~~~~~~~~~
اللله يسلمك من الشر
وتامر على الاستكانات امر
بس ترا ها
انا عيوزه
كل يوم اعدهم
فاذا قظيت ردهم عاد
:pP~






كريزما
~~~~~~~~
يا زين الكريزما من الدوام والله
يه يه يه
البلوق يتلاااااامع يالله من فضلك
وي الله لا يخليني من خواتي
حايفينه حوف
واي بلمج ولهت عليج:**








ezain kelah
~~~~~~~~~~~~~~
الله يسلمج من الشر
ولا توصين حريص
بدعت بهالسوالف:**








eng_q8
~~~~~~~~
الله يسلمك من الشر
:)










حلم جميل بوطن أفضل
~~~~~~~~~~~~~~~~~~
اللله يسلمك من الشر
موضوع يستحق الدراسه
انا مو لاقيه له جواب ولا داعي
:)







أنا إنسان
~~~~~~~~~~~
جزاك الله خير








magnoonah
~~~~~~~~~~~
يا بعد قلبي قلبج انتي وينج؟
يعني لازم اسافر عشان اسمع حسج بهالبلوق
ولهانه عليييييييج
:**
شكرا على النصايح الذهبيه
بو الهول يسلم عليج
يقول فادقج من غير ش
:p~

esTeKaNa يقول...

هدب
~~~
الله يسلمج
وهذي الساعة المباركة
:)








Dandash
~~~~~~~~~~
ياهلا يا هلا
والله جنج تدرين
راده منتشله
وذبحني البرد
ويني وين الفيشاوي
اخاف من القطاوة انا فضحتهم
:))











عاشه
~~~~~~
حبييييييبتي
لا لا
انا بقولج شي بس ناطرتج على المسنجر
:**
وراح اقولج عن تجربتي
كانت مريرة صراحة
بس مفيده جدا
:)












فراولة
~~~~~~~~
هلا وغلا بالفراوله والله
ما يوحشج غالي
فداج الف غالي
كاني ردييييييييت
والجاي كله تحت امركم والله
:**








اجار الدين كشمش
~~~~~~~~~~~~~~~~~
ياهلا ويا مرحبا
ويي خبرك عتيج
يشربون بقلاصات
بس يبيعون ستكانات ويقدرونها
خبرك اهل مصر كل شي يعرفون
:)
شكرا شكرا على الجوله السياحية اللي مسويها لي بالكومننت
واي لا تذكرني بالقطاوة
راح اكتب بوست كامل عن فوبيا القطط
واستهبال قطاوة مصر
قطوة تخز وتكاسر
اشذا
!!








pink gairl
~~~~~~~~~~~~
الله يسلممج
وانا بكبري بصير لكم صوغه
شرايج
:)








فهد العسكر
~~~~~~~~~~~~
حاضر يا باشا
:)










not virgo
~~~~~~~~~~~~~
الله يسلمج من الشر
وتدللون انتو
:)










dilli o milli
~~~~~~~~~~~~~~
ولهاااااااان ولهان
ويحق لي أوله
:**
انا كاني ييت
وقولي له ايوز قولي له
:))












vancouver
~~~~~~~~~~~
يا بعد روحي انتي والله
اشلون ظلمة والحبايب هني؟
لا انشالله دوم منورة باهلها
:)
يختج ذبحني االجمبري المشوي
لازم اوريج صورته
عيوته مبققه بس لذيذ
:)))











بو لمعة
~~~~~~~~
ايوا يا بو لمعة
حيو بو لمعة
وعاش بو لمعة
:Pp~









الدائرة الخامسة
~~~~~~~~~~~~~~~
الله يسلمك من كل شر
انا قايم حظي من زمان
من يوم ما حطيت بلوق وعرفت الناس الطيبه شرواك
ترا الكلمة كبيرة وايد
اللهم اجعلني خير مما يظنون
واغفر لي ما يعلمون وما لا يعلمون
:)
شكرا للرابط









شيما الكندري
~~~~~~~~~~~~~~
يا هلا بشيخة الكندري كلهم
اي والله عملت بنصحيتج
وكل شي مو حلو قطيته بالنيل وييتكم
:))









DUBAI
~~~~~~~
Hahahaha
غالية والطل رخيص
:)
الله يسلمج من الشر
وعاشت البطاله








بن علي
~~~~~~~
hhhhhhhhhhhhhhhhhhhh
لقيت منه وايد يا بن علي
اكثر من ما تتصور
:)
الله يبارك بحياتك
والله ثم والله
انك سبب رئيسي في وجود استكانه اليوم
دمت لي اخ عزيز غالي دوم قول آمين
:)

esTeKaNa يقول...

some oneq8
~~~~~~~~~~~~~
يا الف وستمية مرحبا
ازايك؟
لسة واللهي واصله
والبوستات قايه
:Pp~








الخيلاء
~~~~~~~
واي يا بعد قلبي انتي
تعالي احبج على راسج
:**
الله يديم الود بينا
ترا الخوات نعمه ولا شرايج؟
:)







SARA
~~~~~~
ساااااااااااااااااارونه
تعالي لميني
انا بعد دمعت عيني
وفرحت بالمقال
وفرحت اكثر فيكم
ترا لو تلقين قلب واحد صادق يفرح لج نعمة فمابالج اني لاقيتكم يمي فرحانين بصدق لي؟
الله لا يحرمني منكم
والانسان اذا له رقابة ذاتيه دايما بقلبه وووياه اكيد ما راح تمر عليه لحظة يقول ان البلوق شي عيب
شي مشرف
محترم
طالما احنا عارفين اشلون نفرض احترامنا
:***









محارة
~~~~~~~
يا بعد قلبي انتي
يا الغاليه عسى ربي ما يحرمني منج والله
وانتي ماني كاتبه لج رد هني
ناطرتج ..السوالف بينا وايده
:**

esTeKaNa يقول...

عبدالرحمن
~~~~~~~~~~
اخجلتم تواضعنا يا اخي
انا يايه مستحيه لابسه بوشية وداشه البلوق
!!
البشاره لك افا عليك
تدلل بس
بس فرغي وسمج؟
ما طلبت شي يا بو بدر
ابشر بعزك
ما طلبت الا سعدك
:)
واشوة رجعت لقيت كل الجرايد موجوده
والمقال قاعد يمي وانا اكتب لكم هالكومنتس
شكر شكرا من قلبي على هالكومنت
نورت البلوق
:)










Dilli o milli
~~~~~~~~~~~~~~~~
احم ااحم
تبين توقيع؟
صورة فوري معاي؟؟
تدللي بس
:Pp~






ويي وي اموق عليكم؟
ما عوووزي جاني بموق على حبايب قلبي والله
:**
يبارك بحياتج يا الغاليه انتي
واي تعالي بحب راسج
:*
الله لا يخليني يارب
والله فرحتيني اكثر من ما تتصورين
:)













zOZOTA
~~~~~~~~~
انا مو ولهان انا
انا دنيا من الوله
:**
اسم الله عليج من التعب
انا كااااااااااااااني
الله يعينج فيني قرقه اسبوع
:*








Mtfa2el
~~~~~~~~~~
تهقه بوصل لي هناك؟
بحلم...واتفائل يا متفائل
:)
الله يسلمك من الشر
كافي مرورك الحلو سواء كنت هني ولا مسافره









حياتي هدف مو عبث
~~~~~~~~~~~~~~~~~
الله يسلمج من الشر
:*







5roofa
~~~~~~~~~~
حبيييييييبتي انتي
يا خروفه يا طيبه يا جميله
:**
ما تفقدين عزيز ولا غالي يارب
:)








very q8ya
~~~~~~~~~~~~
ياااااااااااااااااااابعد قلبي
والله انا اللي كيفت على ردودكم وتفاعلكم الحلو
عسى ربي لا يخليني قولي آمييين
وعساج دووووووووم مكيفه
:))

esTeKaNa يقول...

new bride
~~~~~~~~~~~
الله يسلمج من كل شر يا الغاليه
:*









barrak
~~~~~~~~~
على حسب منو كسرها؟
اذا خشيم الفار فداه البيالات كلهم
واذا ابوه
ممممممم
يالله نسامحه واسطته خشيم الفار
وهالواسطة كبيرة جدا
:)

الله يسلم من كل شر








ولد الديرة
~~~~~~~~~~~~~
حيالله ولد ديرتي والله
شكرا للمعلومات والمفردات القيمة
عيل طلعت خاشوقه ها
خوش خوش
:))
تبي قند؟
تامر امر









بن علي
~~~~~~~~~~~
كاني كاني
اي مباراه؟
ترا انا الحين اشجع مصر
:Pp~











OUT OF REACH
~~~~~~~~~~~~~~~
اللله يسلمج من كل شر
:)








selezeya
~~~~~~~~~~~~
يا بعد قلبي قلبج
انا بعد افتريت بالجريده ببيتنا
وابوي يقول علامج صرتي استكانه
تعبان عليج انا واخرتها استكانه
لوووووووووول
سلمي لي على الوالد
وحبي لي راسه
عسى ربي لا يخليني منج ويحفظ لج الوالد يا الغاليه
:*







3ezzow
~~~~~~~~
@@
الله يسلمك من الشر







فانكوفر
~~~~~~~~~
تتخيلي اني مادري
!!
رجعت شبكت الا ايميلات وايد
وكل من داز لي اللنك
والله العظيييييييم تفاجئت وايد
وفرحت اكثر من ما تتصورين

واي فيني بجوة؟
شكو بجوة مادري
!!
اييييه يا يداتي ما قصرتو
واااااااااااي انا قمت اصارخ وانا اقرا المقال
ابوي يقولي افا افا
كل هالتعب عليج واخرتها استكانه
جان سميتي اسم عليه القيمه
ههههههههههههههههه

تهقين ارزها؟
ودي والله ودي
بس الاسم شوي لج عليه
مرة طول بعرض وشي وشيات
واستكانه
ياليتني بس منقيه اسم من هالاسامي
اللي خبري وخبرج
:)))
واااااااااااااي عسى ربي لا يخلين قولي امين
يصير المج عبر الاثير؟
انا الحين راده من مصر
وكان فيني وبخاطري بهالعشا رقصه
مو سامري مو سامري
........
بس ما اقدر اقول
الحين الشهره قيدتني
لازم اصير سنعه وثقيله
اساسرج بسكات بالعشا يوم الخميس اقولج
:Pp~
انا اقول مالي خلق؟
انا اليوم اللي رديت فيه كنت مستعده بروح ملجة ولد خالتي جان تتأخر الطيارة وما مداني اروح
وللحين محتره
فخليني على الاقل اككشخ لكم
:)))









Sn3a
~~~~~~~
اهليييييييييييييين وسهلييييين
هلتون عجيب
وايد حلو
وتدرين انه انا كان حجزي باسكندريه اليوم بس اخر لحظة لقينا بالقاهره جان نرد من هناك؟
حسافه ولا جان كنا مع بعض بالطيارة
مادري اشلون بعرفج
بس اتوقع السنع ملفت للنظر ولا شرايج
:)
مشكورة الله يبارك بحياتج











عيون الحب
~~~~~~~~~~
ياهلا بعيون الحب والحب كله والله
كلمة اسلوبج ساحر سحرتني
!!
البلوق وكل بوست تحت امرج
اقريني ليييييييي تملين مني
:))
الله لا يحرمني من صدق احساسج ووناستج يارب دوم فرحانه ومستانسه قولي آمين
:*