الاثنين، يناير 21، 2008

أمي .......وأمي الكويت

أتلذذ بالدلال

وأستفرد بعشق أبوين

وحيدة أنا...ما بين ولدين

آخذ من كل شئ أوله

ومن كل اهتمام أجمله

بعد عشر سنين من عمري

،تشرف ست الحسن والزين

أخت جميله في الوقت الضايع

يفصلني عنها عمر وسنين

!!

رغم أننا ولدنا من رحم واحد

نحمل ذات الإسم ونتربى في ذات الظروف إلا اننا مختلفتان

في نظرتنا للأمور

في عمق احساسنا ببعض

بتعاملنا مع مشاكلنا

في طموحنا واهدافنا

وفي الكثير من رغباتنا

اختلفنا نحن في شخصياتنا

واتفقنا على حقيقة واحده في أعماقنا

!!حبنا

أحبها رغم صغر سنها وافترض دائمافيها حسن النية

أحبها وأحب البيت الذي تربيت فيه معها

أحبها وأطمح أنا وهي لرضا أم رضاها جنة سعادتنا

أم...سعادتها ان ترانا دائما على قلب واحد

.

.

.

هي:

تتكأ على عكازة الزمن

تناظرنا بألم

تلمع في عينيها دمعة أسى

تتحرى منا بر..يرضيها

يجبر كسرها

يقويها

أرضعتنا حب

واحتضنتنا بعشق

هل قصرت هي في تربيتنا؟

أم قصرت في ترسيخ حقيقة امومتها علينا؟

نعم...نحن نختلف

ولو لم نختلف ما كنا بشر

لما لا نحترم اختلافنا

ولما لا نستذكر حين يفرقنا اختلافنا أمنا؟

أمنا الكويت

!!

~~~~~~~~~~~~~~~~~~~~~~~~~~~~~~~~~

الكلمات القادمه كتبت بتاريخ

29-5-2005

كتبتها بعنوان حلوة يا كويت في بلوقي القديم

تتمنى إستكانه أن تقرونها

~~~~~~

(:

هناك 49 تعليقًا:

Q8i_Blogger يقول...

كلااام جميييل
الكوويييييت

قريت البوست القديم
صج عجبني

وايد عرفت ناس من هل طقه .. مايعرفون يمدحون الكويت بشي .. حتى جدام غير الكويتيين .. بس يعرف يذم
ويمدحلي قطر ودبي !!!
على شنو مادري

بس الشي الغالي .. الواحد مايعرف سعره إلا لما يفقده

وكلنا عرفنا غلاة ديرتنا ايام الأزمه .. والحمدلله طلع حبنا لها

يعطيج العافيه على الكلمات الحلوه

غير معرف يقول...

مرحبا عادي لا يضيق خلقج يسلم راسج البوست كان : كل شي مثل ماكان و 8 ، بس عادي بكتفي بكلماتج العذبة .
مع الشكر

vancouver يقول...

تسلميييييييييييييين استكانة على الوصف


قلبي رجف لما عيني طاحت على
كلمة الكويت
حسيت اني بارجع اقرى البوست من اول ويديد

صاااااااااجة
جان زين نجتمع على حب ديرتنه
مهما اختلفنا

بروح اقرى البوست القديم

:****

سدرة العشـــاق يقول...

تسلم ايديج وتسلمين كلج بعد

ما أقدر أزيد على كلامج بس اللي صدقيني اللي بالقلب أكبر
و عسى الله يحفظ ديرتنا و أهلها الطيبين اللي مثلج و شرواج

لو عنا سافرنا الشوق يرجعنا حب الوطن غالي و العيش فيه جنة
حب الوطن يعلا و يرفعنا ما ننسى أفضاله لو عنا باعدنا

جني خربطت بالاغنية بس من أروع الاغاني في حب الوطن

:)

حياتي هدف مو عبث يقول...

حبيبتي الكويت :*

كلام جميل

وقواج الله أخيتي على هالكلمات

:)

ZoZOta يقول...

يازين سردج للقصه

ابحرتي فينى بسلاسه حتى وصلتينى لبحر الأمان

بحر الكويت امنا كلنا
وكنت اتمشى معاج انتي وصاحبتج على البحر وشفت المارينا وشفت الكويت كلها بعيونج

وبغيت احذف صاحبتج بالبحر عقب

سمحي لي

بس بطت جبدي

البوست رائع رائع رائع

احلى من أي نشيد وطني

:)))

Najmah يقول...

ياااحبيبتي ياتاج راسي يالكويت

روعة استكانة
تدرين شنو حسيت

حسيت انج مثل الكويت
مثل مالكويت أمنا الحنونة اللي تعطي الكل بدون تفرقه وبدون مقابل
انتي أمنا الحنونة اللي قلبها يوسع الكل ويعطي الكل :)

وايد حلو الكلام وااايد حلو
تدرين شنو تمنيت
تمنيت لو كلامج ينحط بالجريدة عشان لما نقراها الصبح تنفتح نفسنا ونتفائل بدال المقالات اللي تظلم الدنيا بعيوننا :)

مشكووورة استكانة
حيل حبيت كلامج :*

غير معرف يقول...

يا مسا الاشواق والحب كله
ما ادرى ليش ولهاانه علييج
:**

الله على سردج يا استكانه
اتعبريين صححح اطلعيين الى بقلبى الى ما اقدر اعبر عنه

الله يحفظ ديرتنا
غله الكويت طلع بالغزو
عصر قلوبنا عصار
الله لا يعيد الشر

:**


كريزما
من الدوااااااااااام
://

`~MnO YeNSa! ~` يقول...

مشـــــــالله مشــــــالله

يا حلاة الكويت :* و يحلاتج انتي بعـــــــد

Kuw_Son يقول...

أبدعت فعلا في رسم الصورة النموذجية اللي المفروض يكون عليها المختلفين و شلون لازم يدورون الشي المشترك اللي يردهم لاتحادهم ..

مميزة :)

Eng_Q8 يقول...

رائعه كالعاده

والله يخلي لنا منا الكويت

New Bride يقول...

تصدقين نفس الصوره بخيالي كبرت وايد و فجأ و خاصه بعد الغزو و احس انها تبينا نرجع لها واااااي احب الكويت

استكانه احساسج موطبيعي ماشاء الله

bin3li يقول...

ما شاء الله
اليوم مقامة استكانية
خلاص من اليوم و رايح بناديج الاستكانة الهمذانية

البوست القديم أكثر شي كان يعجبني فيه بحة نوال
;)

الخيلاء يقول...

ماتعرف قديري لما اتجرب غيري .. و لي يتغنى بغير الكويت و انجازاتهم .. ماعنده سالفه ..

و الاهم انه حب الكويت افعال مو اقوال

و الله انه الكويت شيخه هالزمان و كل زمان .. بلاد الخير و بلاد الامان :)

Mamloo7a Q8ia يقول...

يا سلاااام على الطريقه اللي بتوصلين لنا فيها فكرتج

اولا الله يخلي لج اميمتج واختج
واهلج كلهم ولا يخليهم منج


ثانيا الله يحفظ كويتنا ولا يغير علينا فيها ويآمننا فيها
واحنا بدون الكويت ولا شي
عساها ديرة عز وخير وامان يا رب
وعسى كل الكويتيين يجتمعون على حبها
ويبعد عنا الفتن

مشكوووورة على هالبوست الحلو
تسلم الايادي
:**

5roofa يقول...

واااي استكانه بجيتنيي

كلماات روووووووووعه

صج صج صج حسيت بكل كلمه ما بغيته تخلص

ياربي تصدقين لي فجاه اشتطيت و قتلهم امبي تره احب الكويت
يضحكون علي
حسيته حسيتي فيني و مادقرتيني لوول

مشكوره يالغاليه على احلى كلمات من احلى ايد لاحلى بنت

salamz dear...

بنت الشامية يقول...

كلام رائع وحب غالى للامين

دايم اقول اللى يحب الكويت يحبها كلها بمميزاته وعيوبها
والله لايحرمنا منها....وعرفنا غلاها يوم ضاعت من بين ايدينا...بس الكريم الاكرم ردها لنا والا اللى يروح عمره ما يرد
بس منو اللى يفهم ومنو اللى يعقل
======
شنو نوع الشاي اللى باستكانتج
يمكن اذا شربت منه اعرف اكتب مثلج
يهبل اسلوبج ....وايد حلو
والاحلى حب الكويت

AseeL يقول...

من سلة كلماتك سـأختار... الأخت

أسيل... وحيدة بين أخوين... متفرّدة.. مميزة ومدللة.. ولكن...استكانة..انعمي بمحبتها وان كانت صغيرة... فغدا تكبر وتكون لك صديقة.. ليست ككل الصديقات

دمتِ بدفء

new one يقول...

كل ما بديت اكتب رد .. غيرت كلامي ومسحت

والله حب الكويت ما يوصف

وعرفت متعة اني احب بحبي للكويت مو للناس

بصراحة عبرتي وابدعتي

تسلم اناملج

Glass Fabric يقول...

قواج الله :)

فتى الجبل يقول...

أكيد الكويت حلوة

esTeKaNa يقول...

q8i_blogger
~~~~~~~~~~~~~
ياهلا ويا مرحبا باخوي


والله كلامك عدل
تخيل في ناس اعرفهم من غير ذكر جناسيهم ماكلين ظيم وظلايم ويتحلون على ديرتهم ولا ممكن يقولون فيها شي جدامنا
!!
واحنا ناشرين كل تحلطمنا حق العالم كله لما قام الكل يتجرأ علينا للاسف
الله يحفظ ديرتنا يارب
والله يعافيك ويحفظك
:)









anon.
~~~~~
اناما راح يضيق خلقي اذا تأكدت مافي بخاطرج شي
:)
خليني ارد اجيك على البوست
دقايق ودشي شوفيه
:)





vancouver
~~~~~~~~~~~~
هلا وغلا بشيخة السامري هلا
بلوقج ومكانج روحي البوست القديم
اليديد
البلوق كله تحت امرج
:)
الله يحفظ ديرتنا
والله انها تستاهل من يحبها ويبرها









سدرة العشاق
~~~~~~~~~~~~~
هلا وغلا سديرة
:)
الله يسلمج ويحفظج من الشر
ما عليج زود

مممم
جنه الاغنيه صارت فوق تحت
بس عادي
المهم اللحن عندج تمام
:Pp~







حياتي هدف مو عبث
~~~~~~~~~~~~~~~~~~~
اي والله حبيبتنا
الله يحفظها يارب
:)






ZOZOta
~~~~~~~~
هلا بالزين كله
:*
تصدقين؟
اتذكر احساسي بذاك البوست
كانت تتكلم وانا اشوف البحر
وبالضبط كان بخاطري احذفها عقب هالسالفه
بس ما هانت علي العشره
:)
لما تقول الزين رائع رائع
استكانه تطير لسابع سما
شكرا للمرور اللي كله زين
ناطرتج تقولين لي شنو تغديتي
:Pp~







NAJMAH
~~~~~~~~
هلا بنجمة البلوقات كلها
:)
يا بعد روحي والله
عاد انا هاليومين يايني حنان وأمومه مادري وين اطلعها تهقين اطلعها هني؟
الله يستر
!!
والله كلامج يرد الروح يا نجمه
الفرح
التفاؤل
وكل شي حلو بقلوبنا
خليها تنعكس على الدنيا حولج
يا عسى دنيتج كلها نور وحب يا النجمه
:*
احلى تعليق تعليقج اليوم
:)

esTeKaNa يقول...

charissma
~~~~~~~~~~~
ولهت عليح العافيه
من غير شر
من بعد مشهد جسر المحبة ما عاد شفناج
:Pp~
الله يحفظ ديرتنا ولا يغير علينا
قولي آمين
:*









mno Ynsa
~~~~~~~~~~
حلت دنياج انتي
قولي أمين
:))







kuw-son
~~~~~~~~~~
فعلا هذا بالضبط ما أردت توصيله
شكرا لانك بشرتني بوصول الفكره

الله يحفظنا ويحفظك اخ عزيز وغالي
:)








eng-q8
~~~~~~~~~
شكرا
:)
اللهم آمين










new bride
~~~~~~~~~~~~~
فعلا احس الغزو مثل الشي اللي كسر ظهرنا كلنا
!!
الله يحفظ ديرتنا
ومشكورة على هالمرور الحلو
:)







bin3Li
~~~~~~~~
LOL!!
ما تنحب بحة نوال؟
:)
وبعدين شكرا شكرا يا الداعم الرسمي للبوق والبوست كله
اصلا والله يوم اني قريت البوست القديم
دعيت لك بالغيب
على تعبك في تجميع هالبوستات القديمه
:)
شكرا من القلب

esTeKaNa يقول...

الخيلاء
~~~~~~~~
عدل كلامج
انا اشد انها شيخة كل زمان ومكان
الله يحفظ ديرتنا
:)








Mmloo7a q8ia
~~~~~~~~~~~~~~
هلا بالملح كله
هلا بالغاليه والله
:)
تصدقين الفكرة هذي دايما في بالي
بس كنت متردده اشلون اكتبها
الحمدلله انها وصلت مثل ما ابي

اللهم امين وعسى ربي لا يخليج من كل غالي يغليج قولي آمين
:*









5roofa
~~~~~~~
هلا بالخروفه هلا
:)
ما يصير يا يمه
ما يصير كله بتبجين
ترا انا بالايحاء على طريف اللي يبجي يمي ابجي معاه
:))
اي نحبها
ونتغزل فيها
ونعشقها بعد
مالج شغل باحد اذا حسيتي بتعبرين عن مشاعرج تعالي قولي لي انا

وتسلمين ما قصرتي
:*








بنت الشامية
~~~~~~~~~~~~~
ليش وجودج له احساس ثاني؟
!!
ياربي لا خلا ولا عدم يا بنت الشاميه
تعطيني دافع اكتب
وادقق بكل فكرة
واحساس
:)
الله لا يخلينا منها
وفعلا الحب لابد يكون حب بكل عيوب ووميزات من نحب
الله يحفظ ديرتنا
ويحفظ اميمتنا بعد
:)

تقول امي شاي ربيع صاير لذيذ
جربيه
:Pp~







aseel
~~~~~~~
اخترتي ارق احساس
:)
لا توصين قلبي عليها
كل ما كبرت كل ما راد غلاها بقلبي
الله لا يحرمنا
:)










new -one
~~~~~~~~~~
تبين نصيحة استكانه؟
دايما كتبي اول احساس يطري في بالج
الاول دايما اجمل
:)
اللهم امين يارب
وشكرا لمرورك







glass fabric
~~~~~~~~~~~~~~~
حياج الله
:)









فتى الجبل
~~~~~~~~~~~
اكيد اكيد
:)

darkness يقول...

مساج ربي بحب الطاعه

:)

اول شي الله يخلي لج اهلج و يرزقج رضى والدينج و يوفقج

و الاخت نعمه عسى ربي ما يحرمج منها و يا رب يخليها لج و يوفقكم انتو الثنتين

:)


و الكويت

آآآه يالكويت

احبها حب

و احب اللي يحبها

و اغلي من يعزها

و ربي يحفظها من كل شر

ما ظنتي في احد تربى على ترابها ما يحس انه يبي يحطها بوسط العين

يا ربي احفظ الكويت و اهلها من كل مكروه و انصرها و ارفع من شانها

اللهم امين

صقر قريش يقول...

كلمات رائعة بحق امنا الحنون الرؤوم الكويت لن نفي هذه الأرض حقها رغم المشاكل التي فيها رغم ان مستقبلي الدراسي سيكون خارجها الآن واتأخر بدراستي والحمدلله على كل حال رغم كل المشاكل تبقى الكويت هي الحبيبة وحبها يسري في دمي حتى الممات كم احبك ايتها البلد الطيب اعانني الله على فراقك واعان غيري كذلك الكويت امنا والأبن البار لايترك امه مهما فعلت كلمات رائعة منكِ ايتها الشاعرة الأديبة وانا اتشرف بزيارة مدونتك لاول مرة مسجلا فيها ابها آيات الأعجاب وأُلبس مدونتك طيلسان التميز من شخص متواضع مثلي فتقبيلها مني بورك قلمكِ

qesat_5ayal يقول...

رغم كل لاختلافات نبقى أخوات

عدل
هذه الكويت بشكل كبير

هذا نحن بشكل صغير

حتى مابين بعضنا كأفراد،، تقبلنا للطرف الآخر لا يجب أن يكون بالضرورة نسخة عنّا

نتقبل بعض باختلافاتنا
وتجمعنا كلنا الكويت


المقال الثاني
راجعة له
:)

Selezya يقول...

جنة ياكويت مو بس حلووه :))

الله يخلي الكويت لنا ويخليج للكويت :))

someone_q8 يقول...

السلام عليكم

مهما اختلفنا , مهما تجافينا , عند الشدائد نكون ايد وحده اللي يجمعنا ارض وحده و مصير واحد
هذا احنا يالكويتيين

عثماني يقول...

جميييييييييييييييله جدا كلماتك

رائعا كالعادة .. استكانة

Fahad Al Askr يقول...

بعد ما قريت البوست اللي طاف، قلت الله يعين استكانة، شنو تبي تكتب أحلى من هذا

اليوم قريت اللي كتبتيه، وبقول نفس اللي قلته بيني وبين نفسي المرة اللي طافت

الله يعينك على اللي تبين تكتبينه

خوش بس معاها كلام وايد

فراوله يقول...

مساالورد والجوري
غاليتي الحبيبه
الكلام كله بصوب ولمن يكون عن الكويت
بصوب ثاني
اكيد يبيلها وقفه مع النفس
لانها باختصار شديد
الكويت
الام..والاب...وكل شي لنا بالدنيا
صج احاسيسج بهالموضوع وايد غير
الله لا يحرمنا من هالديره
ولا يغير علينا فيها
آمين
:*

فريج سعود يقول...

نسيتي تقولين عن اختج احبها واحب كلمن يحبها
وانا اشاركج حبها بعد










طبعا الكويت
لا يروح بالج بعيد

bin3li يقول...

بالعكس أحب البحة
;)
ما يكفي تدعين لي يوم تقرين البوست
أبغيج كل يوم تدعين لي صبح و مساو بعد العشا
:)

غريب يقول...

أستكانه

عسي الله لايحرمكم من بعض
ويايد عجبني الكلام

عــــاشــــه يقول...

إستكانتنا الحبوبه

إسلوبك الهاديء جدا يعجبني

ونحن نقول الإختلاف في الرأي لا يفسد من الود قضية

ومثل مانحب أمنا وأهلنا ،بلادنا جزء منا ،ومش معناته نختلف في الرأي مع جهات معينه يعني نهد الدنيا على روسنا كلنا

والكويت بلادنا مثل ماهي بلادكم

ومانلقط الدورة لا عنها ولا عنكم

bin3li يقول...

بعد إذن عاشة
لغير الناطقين بالإماراتية
ما نلقى الدووره: ما نستغني
;)

乂♥Not.ViRGo♥乂 يقول...

الله يحفظ لنا هالأم و عيالها

بس الخوف من تداخلات التجنيس في الوقت الحاضر !!

هذيان يقول...

رائعة أنت فالكويت جميلة والكويت الوجود ومن يعشق الوجود رائع


حبيبتي كلماتك جميلة جدآ وصادقة من قلب ينبض بحب الوطن

حمودي يقول...

ياعيني

esTeKaNa يقول...

darkness
~~~~~~~~~~
ياهلا ويا مرحبا
صبحج ربي ومساج بالخير
:)
آمين وأجمعين يارب
واي كلامج وتغزلج بالكويت يعور القلب
الله لا يحرمنا منها
ويحفظها لنا الكويت ديرتنا
فعلا...مافي احد تربى بهالأرض وما حبها










صقر قريش
~~~~~~~~~~~
اخي العزيز والمحترم صقر قريش
الله يحفظك ويشرح صدرك ويوفقك بكل خطوة يارب
!!
ايقن ان التغرب عن الوطن والبحث عن مسقلبك بالخارج صعب،لكن لعلها خيره
الله يحفظك يارب ويفرحك ببلوغ طموحك وتفرح قلب أهلك وديرتك فيك
هذي الساعه المباركة يا صقر
خجلتني كلماتك
وشكرا لمرورك
:)

esTeKaNa يقول...

qesat_5aYal
~~~~~~~~~~~~~
بالضبط هذا ما قصدته
فطينه يا قصة خيال
حيالله قصة الخيال والله
:)





seLezya
~~~~~~~~
اي والله جنة
آمييين
:)









someone-q8
~~~~~~~~~~~~
وعليكم السلام ورحمة الله وبركاته
فعلا...هذا احنا
الله يحفظنا يارب
:)







عثماني
~~~~~~~~
الأجمل وجودك يا عثماني
فاقدين بوستاتك الجميله
من غير شر
!!

esTeKaNa يقول...

fahad al-askr
~~~~~~~~~~~~~~
ما اصدق
!!
@@
فهد كاتب كل هالكلام؟
يالله من فضلك يا بختي والله
تدري فهد؟
انا ما افكر وايد قبل لا اكتب البوست
اللي احسه
اللي يطري في بالي
اللي اعيشه
اكتبه
بس ردك راح يخليني افكر وايد قبل لا اكتب اي شي
:)
مشكور من قلبي
لانك صج فرحتني






فراوله
~~~~~~~~
صباح الفراوله اللذيذه
ومسا الدنيا الجميله
:)
فعلا الكويت عن الكويت والاحساس فيها لابد يكون غير
اللهم آمين








فريج سعود
~~~~~~~~~~~
ما نسيت
بس مخليتها لك عشان انته تقولها
:p~
ما يقدر يروح بعيد
اختي بيني وبينها عشر سنين
يعني جم بينك وبينها
so
ارضى تحبها حب ابوي
:pP~

esTeKaNa يقول...

bin3Li
~~~~~~~~
حبتك العافيه
تستاهل والله
عبالك اللي انته سويته شويه؟
انا اشهد انه مو شويه
:)







غريب
~~~~~
ياهلااااااااا
تو ما نور المكان
وين هالغيبه؟
اللهم آمين
فرحني وجودك
:)







عاشه
~~~~~~
هلا بأخيتي
هلا بالجميله
هلا بأم مرايم
تدرين انج الملهم بهذا البوست؟
:)
عدل كلامج
ويا بعد قلبي
احنا اهل لا انتو تسغنون عن الكويت ولا احنا في غنا عنكم
عسانا دوم على قلب واحد يارب
:**








بن علي
~~~~~~~
LOL
!!
من قلب من قلب
شكرا للترجمه
:)
هاليومين اسولف مع دبي وعاشه
ومع الوقت راح اخذ توفل إماراتي
:pP~

esTeKaNa يقول...

not.vigro
~~~~~~~~~~~
اللهم آمين
فعلا شي يخوف
بس ربج بيحفظ هالديرة بصدق احساسنا فيها ونتأمل فيهم خير
هم ما تدرين وين الخير
!!









هذيان
~~~~~~~
شكرا لرقه ردك وجماله
فعلا...الكويت وجود
:)






حمودي
~~~~~~~
ليش تحسسني قاعد تسمع أغنيه
يا عيني ها؟
:Pp~
الله يحفظ لك عويناتك

bo rashed يقول...

اتصدقين يا اختي استكانه اول مادخلت المدونه انشرح صدري لا وشفت استكانة جاي مع نعاع قلت يا سلام هذي المدونات الحلوه
مو مدونتي تقول جنك داخل فيلم رعب
:)
هنيئا للكويت بامثالك يا اختي الفاضله ومهما قلت فلن ازيد على ما تفضلتي به من طيب الكلام
تحياتي

صقر قريش يقول...

اختي الكريمة استكانة جزاكِ الله خيرا على دعائك وبالتوفيق لي ولكِ ولجميع المسلمين ان شاء الله

بوراشد:
انته دشيت مدونتي تقول جنها طالعة من القبر تخيل ان كل الي تكلمت عنهم ماتوا !!لا اله الا الله ماشاء الله لما دشيت هالمدونة أول مرة وشفت الإستكانة مع النعناع على طول شلت نفسي ورحت القهوة الشعبية وخذيتلي استكانتين شاي وانت الي ماشي بس حسافة مافيهم نعناع:(

اختي استكانة سامحيني على اللقافة واني خذيتها سوالف مع ابوي (عفوا اخوي) بوراشد بس كلامه ذكرني بالإحساس الي صارلي بسبة المدونة :)

esTeKaNa يقول...

bo rashed
~~~~~~~~~~~
ياهلا ويا مرحبا أخوي بو راشد
والله هذي الساعه المباركة انا اللي انشرح صدري بزيارتك والله
والجاي مخدر
ويقدم مخصوص لكل قارئ للمدونه
وتدري مع هالبرد الجاي صاير لذيذ
:)
ما قصرت والله ما عليك زود
الله يحفظك وعساك دوم بصدر منشرح وفرحان
ومودنتك ما شافت الرعب
توسع الصدر خاصه الصبع المرتز بكل فخر ببوستك الأخير واي حبيته
:)









صقر قريش
~~~~~~~~~~~
ياهلا ويا مرحبا بالصقر
افا عليك يا الصقر
هذي الساعه المباركة وانته اخوي والبلوق تحت امرك انته والعزيز بو راشد
وان بغيتو انا مدونتي بكبرها اسويها قهوة شعبيه ونقدم فيها رهيشه
وخبيزة
وجاي مخدر
وقهوة
واللي تبون
:)

صقر قريش يقول...

بوراشد لحق ماتلحق اختنا استكانة حولت مدونتها قهوة شعبية رهش وجاي منعنع بعد لحق قبل لا أخلصه عليك

تسلمين اختي العزيزة استكانه وانا بصراحة استانست على مدونتج وايد وانا للعلم مو بسهولة يعجبني شي
العقاد وطه حسين ماعجبوني يعني خلج فوق النخل على قولة ناظم الغزالي :)