الجمعة، يناير 04، 2008

(8)

(1)
~~~
عندما تغضب من شئ ما
وتجعله سببا في بعدك عنهم
فلا تلوم الا نفسك على جفائهم
هم...لا يعلمون مافي نفسك
ولا يعلم الغيب الا الله
تكلم
عبر عن مشاعرك
عن ضيقك
عن ما جرح فؤادك بالصميم
دعهم يعلمون مافي روحك حتى لا يكرروا اخطائهم معك
وحتى لا تفقد نفسك وتفقد أحبائك بصمتك
!!
(2)
~~~~~
...تفتح عينيك
فترىالحقائق واضحة وضووح الشمس
وتيقين ان واحد مع الواحد يساوي اثنين
وأن هناك فرق شاسع مابين الأبيض والأسود
وان هناك أمور لا تقبل التأويل او التوضيح
.
.
.
تغمض عينيك
وتدفن رأسك تحت الوساده
لا تريد ان تعلم
!!
(3)
~~~~~
..الزعفران
عشق جديد يضيف نكهه الى حياتي
اتلذذ بنكهته في الحليب
واستمتع برائحته في قرص العقيلي
الزعفران..شئ تخفيه امي عني
وأجد مكانه بذكاء كل ما اخفته عني
:pP~
متى اكبر؟
ما زلت اعشق تبربس البقصم مع الحليب
استمتع بتغميسه في حليب حار
فيستسلم اما هذا التعذيب
يذوب على يدي
وتزيد اللويه
!!
متعه...ان تضع بيدك مقادير أحلامك
تخلطها بيدك
ترا تغير ملامحها امام عينيك
وتشم رائحة خبزها تتسلل لقلبك
وترى بالنهاية نتيجة تعبك بمافنز يسلب القلوب والألباب
أمس..كل ما اخرجت دفعه من تلك الكعكات الصغيرات الشهيه
يببت عليها
وصورت معها
:pP~
(4)
~~~~~
طيور نحلق في أجواء المدونات
نحط رحالنا عند الكلمات التي تلمس شيئا فينا
عند الكلمات التي تجد لها منفذ لأرواحنا ونشعر بأن هناك شيئا نريد ان نضيفه عليها
نحلق بعيدا عن عالم التشره والزعل
ونكسر قواعد مبدأ المعامله بالمثل:
اللي يعلق عندنا نعلق عنده
واللي ما يعلق عندنا ما نعلق عنده
!!
الفكرة أجمل وأوسع
دعونا نتحرر عن قيود اهلكتنا في الواقع
محلل...كل شخص لا يريد ان يعلق عندي
سأجد لهم بدل العذر مليون
ولن اجد ذاك سببا للاانقطاع عن التدوين ولا عن يزاره مدوناتهم
(5)
~~~~~
مدوناتنا هي دفاترنا الصغيره التي كانت تدس بسريه تحت وسادئنا
هي مساحاتنا الشخصيه التي نمارس فيها جنونا
نكتب ما نريد،بقدر ما نريد وكيفما نريد
!!
(6)
~~~~~~~
أعشق الاحساس بالإنجاز ايا كان بسيطا
انجازتي البسيطة للأشهر السابقه:
حصولي على التوفل وتقديم طلب للماجستير
ICDLحصولي على دورة
تقديم امتحان التجويد الأول باقي امتحان وبانتظار النتيجة
الانتهاء من دورة فقه
ودورة الحفظ
!!
عدت لفراغي
ماذا بعد؟
(7)
~~~~~~~
!!لا يوجد شئ أرغب به بشده
غريب هذا الإحساس
لا يوجد شخص
ولا حدث
ولا فعل
تعلقت به روحي وأريده بشده
!!
(8)
~~~~~
ما يجرح الصادق الا غدر من يامنه
لا جت من احباب قلبك لا تلوم السنين
مليت من هالاماني دام مهي ممكنه
لاهي تحقق ولا ياسي بوجهي يبين
لوين انا وانت مثل الشمس والازمنه
مع كل صبحٍ يجددني لشمسك حنين

هناك 68 تعليقًا:

|:| DUBAI |:| يقول...

أووه أنا أول وحدة أرد

كان استانس

: D

بوست شهي بمذاقه و حروفه

البخصم و الزعفران أكلة لابد أن نتلذذ بها في الصباح الباكر

: )

الله يخلي الوالدة لك

!

esTeKaNa يقول...

dubai
~~~~~~~
تبارك البوست يا شيخة دبي
:)
الصباحات الباكرة تفتح الشهيه
خصوصا مع هذا البرد اللذيذ

الله يخلي لك الام الحبيبه
ويخلي لي الوالده ولا تخبي الزعفران عني
:)

bin3li يقول...

1
و أنا هذا الشي إللي أطبقه و أحب الناس تتعامل معاي على أساسه

2

ليس كل ما تعلمناه حقيقة مطلقة
هنا مئات الوجوه للحدث الواحد
و التأمل يريك العجائب

3

أهم شي التيبيب
عندج الكعك بنكهة الحلتيت ؟
:P

4

حتى لو تحللين الزايرين
أنا لو ما أطق كرت في بلوقج أحس ينحسب علي غياب و يصير علي خصم

5

و اسمعي يا جارة
;)
في ناس الطيب ما يي معاها
يبغليها كلمة في العظم تعرفها نفسها و الخط إللي لازم توقف عنده
الابتسامه مع هالصنف ما تنفع، الأنياب أفضل تعبير لهم


و أحيانا التفله و لو إني أعرف ما راح تسخدمين هالسلاح

حمقي صاير حمقي و أقشر بعد
:<

لكن فعلاً البلوق مثل البيت
و المعلق مثل الضيف
كيف يسمح الضيف لنفسه أن سيئ لصاحب المكان؟


6

أبدأي مشروع الحلم
أبدأي بالتأليف و تأسيس ثقافة تاريخية عن الكويت تساعدج في إثراء خيالج الروائي

و مبروك النجاح و منها للشهادات و الجوائز الأكبر :)

7

عكسج تماماً
طال الزمن و لا قصر إللي أبيغه أوصله
و أعترف إني في كثير من الأحيان أتكاسل عن الحصول عليه على الرغم من أنه على بعد إنشات مني!!

8
بعيد عن الخاطرة
الأماني ممكنه جداً لكن تبغي التزام و التحرك باتجاهها

:)
و نهاية أسبوع سعيدة

Najmah يقول...

بوست يسلي المزاج كالعاادة :)

1-
صح صح كلامج
لما أكتم بقلبي ضيقتي من انسان ماقدر اتصرف على طبيعتي .. ما ارتاح الا لما اقول له
أحب الصراحة واحب الانسان الصريح
ارتاح اذا وحدة قالتلي ترى انتي ماعجبتيني بهالموقف او ضايقتيني بهالتصرف
:)


2-
:")


3-
الله خاصة بهالجو
تخيلت نفسي بيت يدي
ماحب الحليب والبقصم الا هناك
احس طعهمهم غير :)


4-
صح لسانج وتفكيرج وقلبج :)
ومابننا هالامور ان شاء الله
:)


5-
أكثر شي عجبني
:)


6-
مبروووك
ربي يسهل كل اموورج :)


7-
مشاعرنا هالايام مرتبكة
احس طالعه نازلة
:)


8-
حلوووة حلوووة


تسلمين يا احلى استكانه

هذيان يقول...

مرحبا أستكانا


أول مرة اليوم أتشرف في زيارة مدونتك

كلماتك رائعة ومواضيعك شيقة
أتمنى لك التوفيق وبالتأكيد راح أكون من زوارك دائما

darkness يقول...

مساج الله بالخير استكانه يعطيج العافيه

:)

=1=

هذا الشي انا مفكره اكتب فيه

لكن لو صار العكس

لو احد وخر عنج بدون لا يقول ليش؟

هل بتروحين تسالينه او لأ.؟؟؟


=2=

مو شرط 1+1 يكون 2

مرات يكون و لا شي

و مرات في ناس تبي الرمادي

ترفض الواقع فتحوله الى اللون الرمادي

اي انصاف الحقائق

=3=

ههههههههههههههه

لا انا بربستي شكل ثاني

و هم طفوليه

:)

اشوه مو بس انا

ههههههههههههههههه

و الاحلام حتى لو خلطتيها تبقى احلام

لازم تنقلينها من فكر الى واقع

عشان تعيشينها صح

=4=

حلو الكلام

حلو واااايد

جد لابد من الترفع عن هالامور

نعلق اذا حسينا الكلمه

و على فكره انا ما اعلق الا باحساسي بالوزن للكلام المطروح

:)

=5=
هي زاوتي انا التي اتخلص و انا بها عن كل القيود

=6=

الله يوفقج يا رب

الفراغ مرات يكون مفيد

:)

=7=

كل شي بوقته حلو

=8=

صدقتي


امبيه غير بوستج هذا اسلوب غير

:)


استمتعت فيه

يعطيج العافيه

عــــاشــــه يقول...

روح الطفولة الي تتمتعين فيها تمتعنا نحن بهالتدوينات الي تجنن وتجعلنا نطرب لذكريات الطفولة

الله عليج ياإستكانه الله عليج

وكله ولا الزعفران مايحلى الشاي ولا الحليب إلا بالزعفران

a7La eNG يقول...

ايــــي الزعفران شي(ن) عجيب
يبيله خيمة و دوة
بس هم
عليج بالعافية
لو بنص الصالة
:P

قد لا يكون غضبا يا استكانة
قد يكون هما كبيرا يلجم ألسنتهم
و يحتاجون لوقت حتى يجدوا لغة مناسبة للتعبير عنه
!

ذكريني اذوقج ال بيبي درابيل
يوم انج تحبين التغمص مثلي
;*


بس معقولة احد يترك التدوين لانعدام التعليقات ؟؟

احتمال مواضيعه مطروحة للنقاش
فا يحتاج يسمع للآراء
انصحه يشارك بمنتدى محترم اذا ما فهم فكرة التدوين الحقيقة

و على فكرة انا ملاحظة كل ستة اشهر
تكتبن انج محللة الناس اللي تقرا و ما تعلق و انه السالفة مو مواجيب

من هاللي يتشره عليج علميني بس انا اتفاهم معاااااه
:D


وااي ابي اسافر
:/

Shaima'a Alkandari يقول...

جميل البوست

ومحتواه رائع

ليس شرط ان اواصل من يواصلني فالاجمل ان اقرأ حرفا يعجبني

الانسان بطبعه ومع معرفته بالواقع الا انه لايريد ان يرى الحقيقه ويختفى وراء خداع نفسه حتى يعيش بالخيال

البقصم يمي يمي ليس مظهرا يدل على الكبر او الصغر بالسن


رائع ان نجد عالما يتسع لنا ولحروفنا

وجميل ان تعبر عن مشاعرك حتى لاتنفجر او تموت حسره على فهمك و فهم الناس غلط

7osen يقول...

جميل

بس ابي اقول أنا مررت من هنا



المود مو مال تعليق


بس وااايد استمتعت بكلامج

حياتي هدف مو عبث يقول...

إنجازات رائعه بالرغم من بساطتها
وأتمنى لكِ كل التوفيق أخيتي ومنها للأعلى إن شاء الله ياارب

5roofa يقول...

سلاااا يا حلوه

حبيت المواضيع كلها يعطيج العافيه

1
تدرين كلماتك كلها حكم عمري ما فكرت فيها بهالطريقه

كل الي افكر في اهم ما دقو اهم ما سؤلوو عيل اكيد انا سويت شي غلط
:/

لووول خو حمدالله و الشكر انا كله شاكه بعمري لوول

2

هذاااا صجججج

حتى لو الشي قبالج مدام انتي ما تبين تشوفينه و تسمينه مستحييل يدش مخج و تقتنعين فييي

3

عاد ماحب الزعفارن مره حطيت منه على الحليب بغه يغمى علي لوووول
البقصم و الحليب هذا سحوور رمضان
تصدقين مما نسوي و ناكله الا برمضان
مادري ليش معنه الجو مو برد بس نستمر بهالعادات و التقاليد الحلوه

4

عاد هذا مو صج اجنا نزورج لانه نبي و لانه نحب كلماتج خفيفه على على الروح و قريبه من القلب استكانه الحلوه

5

امبي اذكر النوت بوك الي كنت اكتب فيو و اختي تي اطل تقره اسراري لوول اخر شي تصدقين حرقته

احس البلوق اقرب و أمن محد يدري انا منو ولا شنو و اقدر اكتب عن شي و اي شي ابي بدون حكم

6

اي والله الملل قاتل تين بقدم على نص دوام اسلي نفسي في وره الدوام الاساسي ؟
لوول

7

صج؟؟؟ وااي عيل لو تشوفيني كل شي ابي بشده
ماعندي شي ابي شوي ولا عادي ما احصله لوول طماعه حدي

8

صح لسانج يالغالي

و اخيراااااااا سووري قرقت عليج وايد بس شسوي ياربي كلماتج تخلي الواحد غصب يقراراه و يعلق على كل فتفوته فيها

salamz sweet sis...

someone_q8 يقول...

السلام عليكم
تسلم هالايد اللي تكتب هالكلام
ماعندي تعليق لان العين والعقل امتلأ بالشيء الجميل
لكي مني كل تحية واحترام عساج عالقوة

Selezya يقول...

والله امتعتينا على هالبوست الحلو :)

انجازاتج ماشالله اعتبرها قمة بالنجاح عساهم يدومون يارب:)

Kuw_Son يقول...

1

اللي يكتم مشاعره الله يعينه .. لازم يقول اللي في قلبه علشان يرتاح و يريح اللي حواليه

2

دائما علينا مواجهة الحقائق ..
أنا عن نفسي وايد كنت أعتمد على الآخرين في مساعدتي ..

لكن تعلمت اني لازم أواجهها بروحي .. لأن بيي يوم من الأيام محد راح يحل مشاكلك غيرك ..
فلا غمضة عين و دفن رأس و تهرب من مواجهة المشكلة ..

3

لوووووووووووووووووووول !!

بالعافية .. تشوفينهم عرايس و تيببين عليهم لين تطيح بلاعيمج
:P

4

ترى اللي صاير الحين .. علق عندي .. و أعلق عندك :)
هو قيد .. أتمنى أنفك عنه :)

5

ودي أكتب .. بس مخي يعورني و مافيه موضوع على بعضه ..

6

بالتوفييييج :)

7

إحساس غريب !

8

الله عليج .. كلمات جميلة :)

الخيلاء يقول...

ستكانه .. مبدعه دائما :)

1-
لا اؤيد الصمت في حاله الزعل فهو يزيد الامور سوء و القلوب بعد

2-
في بعض الامور يكون من الافضل ان لا نعلم

3-
يم يم القرص العقيلي و تبربس البقصم و الحليب .. يدل على فصل الشتاء .. كم احبه :)

4-
مدوناتنا نوافذ الافكارنا.. لا نرجو تعليقات .. فنحن نكتب للامل و الحريه و الحق و المساواه ..

في مدوناتنا .. ازعل مرفوض و العتب مرفوع :)

5-
كنت ارفض مشاركه افكاري مع الاخرين لسبب اجهله .. حتى اغراني عالم المدونات .. و كسر حاجز الرفض ..

فشكرا لكل مدون ساهم في تشجيعي دون ان يعلم :)

6-
احساس الانجاز = احساس الحياه

كل يأس يطرده فيني طموح
و كل عزم خافقي ينحاز له

7-
احساس بلأكتفاء .. يبتابنا بين الفتره و الاخرى ... شعور طبيعي :)

8-

ياصاحبي مافادنا كثر الاحلام
ولي بخاطرنا عجزنا نطوله

ماتت امانينا على كف الايام
وحكم القدر فارض علينا ميوله

******

Ra7aLaH يقول...

لا يوجد شئ أرغب به بشده
غريب هذا الإحساس
لا يوجد شخص
ولا حدث
ولا فعل
تعلقت به روحي وأريده بشده

do u consider that a good or a bad thing?

حمودي يقول...

nice

Fahad Al Askr يقول...

البوست أعطى طعما مختلفا للشتاء بعقيليه وحليبه ومقاديره

خلصنا، سؤالي الحين ، قولي لي صايرة حرم منو هاليومين

أبي الصج وبدون لف ودوران

منتي الأولية عقب البوست قبل اللي طاف

DiLLi O MiLLi يقول...
أزال المؤلف هذا التعليق.
DiLLi O MiLLi يقول...

شنووو هذا !!؟ قند يطلع من الأستكانة
أنتكست الأية !!! هههههههه


القنده 1

أيييييي .. موو كل مرة أقول اللي حاز بنفسي
وأبتعد شوي .. ومردي أرجع لهم



القندة 2

لالالا .. في هذي أنا شاطرة
أدري 1 +1 = 2
بس لا يكبر العدد .. ولا أتدوده
وعيوني مفنقله على قولة أخوانا المصريين

:)



القندة 3

الزعفران
هههههههههه
ذكرتيني بسالفه من يومين صارتلي مع سالفة قلب
مااا أشرب حليب
بس ريحته بقرص العقيلي ... الله الله
وييييييه ... طايحه على المخبأ السري مال الوالدة
بالعوون مجبوس الدياي عقب جم يوم بصير على عيش مشخول ابيض وأبلق
والعقيلي بتصك فيه زفرة البيض

:)

خلصتي حليب شركة الألبان الكويتية و
KDD !!!
شفطتي حليب الديرة كله بالعقيلي والبقصم
هههههههههه
مااااااشاااااء الله

:)



القنده 4

ايييييي والله صاجه
ما يبيله تشره ولا زعل
نفقد أي ... بس نشره ونزعل لأ

والحلو بالموضوع ان نسير على بعض
بدون لا ... "وييييه شلبس !؟"ء
ولا
ء(مالي خلق اسشور شعري)ء
ولا
ء(يممممه عندج تراجي ألبسهم اليوم؟)ء
ولا
ء(ويييييه جواريبي كلها منسله !!)ء
ههههههههههه

:)



القنده 5

صح ألسانج



القنده 6

مااااااااا شااااااء الله
ماااااااا شاااااااء الله

عفيه على وخيتي
:)

أثااااريج صمااااامه !!؟؟
آآآآآآفــــااااااا
موو من ربعي عيل !!؟؟
هههههههههههههههه
المادة الوحيدة اللي أحبها وفالحه فيها
اللغة الأنجليزية
فدرست أدب أنجليزي بالجامعة

بس مااااااا احب أصم
المادة اللي فيها صم كان بيني وبينها دم للركب
ألا وهي مادة التااااريخ
لا وللي يضحك .. أني لما سجلت بجامعة الكويت الدايخه
عطوني ورقة أكتب فيها رغباتي من الأفضل ونازل
فصطرت أول رغبة أنجليزي عقب تجارة و..و..و..و..و..و
وآخر اللستة كتبت تاااااريخ
أنا عبالي أن أدارة القبول أوادم !!!!؟؟؟
ييتهم عشان أشوووف قبولي
ألاااااااا الأخوان ووووووين حااااطيني !!!؟؟؟
تـــــــــااااااااااريــــخ !!!ء
:(
دخلت عليهم وأنا في قمة حرررررتي
وقلت : شنوووو هذااااا !!؟؟؟
أنتوووووا قريتووووا اللستـــه بالمقلوووووب !!!؟؟؟
بقيييت أنتحر هذاك اليوم ... بس خفت من ربي
خلوني اول سنة قسم تاريخ .. وعقب حولت أنجليزي
أييييييي ... ما قلتلج أني كنت ساقطه بالتاريخ وأنا في ثالثه ثانوي
ههههههههههههه



القنده 7

أنا أرغب أنقص جم كيلو وبشده
:(



القنده 8


لا تخاف من الزمان الزمن ماله أمان
خاف من يلي كل أمانك في إيدنه وتأمنه
لو حبيبك ما وفالك لو حبيبك فيك خان
ايش ترجي من زمانك النتيجة باينة


نكتشف مر الحقيقة بعد مايفوت الأوان
قلتلك لا تندفع له قلت حبي صاينه
وينه يلي صان حبك ما أشوفه يوم بان
قلبك يلي هو قلبك لا تحسبك ضامنه




وسلامتج يااااا حبيبتي

:*

Q8DOLL يقول...

حسيت بلذه وطعم البقصم واحليب والزعفران
عندج اسلوب فظيع يخلياللي مايحب شغله يحبها غصب من كلماتج

اسمحيلي اعلق على جئية المدونات والتعليق
بالضبط هذا اللي كنت ابي اكتب عنه مره
موشرط اللي يعلق عندي اعلق عنده
من الممكن تكون كتاباته فوق مستواي او بشيء لا أفهمه ولا افقهه
لكن ما يمنع الاحترام والفرحه بشوفت التعليقات
فلا تحاتين خصوصا انتي
لا مجال للمجامله معاج
لأني احب امرج
لو ما تمرين عندي :)

Peace يقول...

1
يحتار الانسان باختيار الكلمات فيختار الصمت

2
كثيرا ما نرفض الواقع و نريد أن نعيش بأحلامنا

4
المجامله
كثيرا ما نعيّش روحنا بضغوط نفسيه ما لها داعي بسسب المجامله

6
أتمنى لج التوفيق

7
عدم وجود شيء أفضل من وجود شيء مزعج

Broke يقول...
أزال المؤلف هذا التعليق.
Broke يقول...

( تعليقي بعد التعديل )


أحببت التنقل بين محطاتك

(1)

أنا من اشد المؤيدين لجلسات المصارحة

أرى أنه لا بد منها من وقت إلى آخر لتطهير النفوس

(4)

أتفق معاك و هذا اللي المفروض يصير

بس ليش في ناس مو راضين يفهمون هالشي ؟

الواحد يالله ولبه يجامل بحياته اليومية على أرض الواقع ، بعد يبونا نجامل بالبلوقات ؟

(6)

هذي مو بسيطة ..هذي إنجازات عظيمة يا إستكانة ! ألف مبروك

ترى قطعتي شوط ..مو الكل يقدر عليه

الفال لي

:D

(7)

ما أحب هالحالة إذا يتني .. و أخاف منها
:/

غير معرف يقول...

يا صبااح قرص العقليى والحليب المهيل

شوقتينييييييييييي ابى الحيين :))

ومشتهيا بقصم بريده عجيييييييييب استكانه لالازم اتوصين احد ايبلج منه واذا تبين انا اييبلج حااضر من عيونى ذنيي
:))


موضوع الى يزعلنى ما يدرى انا ليش زعلانه ولازم اعبر واتكلم

شوفى فهالنقطه يعتمد على اهميه الشخص
مرات تقولين خيره خله يجفى ويروح ما ابيه ومرات لا والله ابييه بحياتى فاتكلم واعاتب ولا احط بقلبى


وموضوع البلوقات
لووووووووول
تذكرت التوجب
ههههههههههههههه
ههههههههههههههه

والله هالايام ماكو وقت حق شى
وانا مو موضوع توجب بس يهمنى امر واقرى للى اقدر عليه من بلوقات
احس جنى اسير عليها واطمن على حالها
ويا ليت الوقت يسمح لنا ان نوصل الجميع
الكل عزيز وغالى

ويا زينج ويا زين انجازاتج
منها لعلى يالغاليه
الله يوفقج يا اغلى استكانه
:**

كريزما

سدرة العشـــاق يقول...

صبحج الله بالخير

ياحلو كلامج جنج تحازينا
الله يخليلج أميمتج و أُبيج يارب و يخليج لهم

:)

Eng_Q8 يقول...

رائعه كالعاده

esTeKaNa يقول...

bin3Li
~~~~~~~~
1
الله يهنيك يا بن علي
الانسان اللي يتعامل على هذا الاساس يرتاح ويريح احبابه
2
حكمه
!!
أحتاج التأمل ...وربما تأمل برفقة الصمت
3
ياااي كنت سعيده بكل كيكه
لا تضحك علي كنت احس اني طفله وقاعده تلعب بكلا يدينها
الحلتيت ينزل بالمناسبات الرسميه فقط
:P~
4
اي نعم ينحسب عليك غياب
وخصم كبير بعد
انته الراعي الرسمي للبلوق اشلون تغيب؟
:)
5
اصبت بفهم فكرتي
ضيف وصاحب بيت
الضيف يحترم صاحب البيت ويحترم احساسه حتى يصل لمرحله يكن هو صاحب البيت
لكن ان يأتي دون سابق انذار ويسئ لصاح البيت فهذا غير مقبول
يعني تهقه اصير حمقيه؟
ماعرف
:p~
6
يبارك بحياتك يا بن علي
وعجبني مسمى مشروع الحلم
الله كريم
7
الله يهنيك بالاصرار والعزيمه
هذا شئ رايع صدقني
:)
8
ليست خاطرة إنما شعر لطلال الرشيد الله يرحمه وأحبه جدا


شكرا بن علي
تعليقك عشره على عشره

esTeKaNa يقول...

najmah
~~~~~~~~
1
أنا اشبهك بذلك
لا اتصرف على طبيعتي ان كنت متضايقه من عزيز،واصل لمرحله ربما اقل تصرف يبكيني ان كان هناك شيئا اساسا متراكم في قلبي


شكرا على تعقيبك
وفعلا ...مشاعرنا صاعده ونازله مع تغيرات الجو
شكرا لمرورك يانجمة النجوووم
:))

esTeKaNa يقول...

هذيان
~~~~~~~
يا مرحبا هذيان
زيارتك الأولى محل ترحيب من قلبي ومدونتي
هذي الساعه المبارك
وشكرا لك من القلب
:)

الأستاذ بلاليط يقول...

مسا الخير

ماشاء الله عليج
كفيتي ووفيتي
مابقى الا نزروج الكويت و نشرب جاي الضحى عندكم

الله يخلي لج الوالدة ويحفظها

esTeKaNa يقول...

darkness
~~~~~~~~~~
يمسيج ربي ويصبحج بالخير يا الغاليه
:)
-1-
وايد يذبحني هالموقف
وللأسف قاعده اعيشه
:(
لو كان هالشخص غالي راح اسئل وراح اتأثر،ولكن لو كان انسان وجوده وعدمه واحد ما راح يأثر
تصدقين؟
اكتشفت ان ما عندي شخص وجوده وعدمه واحد
!!
-2-
اخيييه يا انصاف الحلول
تكونين بحاله تعلق مابين السماء والارض
!!
-3-
اذا بربستج من نوع آخر
نقدر نسوي تعاون مشرك
يختج اموت بالتبربس
ههههههههههه
-4-
الترفع كلمه راقيه
اتمنى ان تصل الفكرة للجميع
كلمه من صادق الاحساس
تسوى مليون مرة عن كلمة أداء واجب
-5-
ذاك اجمل ما فيها
:)
-6-
اجمعين
ليس دائما الفراغ مفيد
مرات يكون سبب لأمور اخرى
الله يستر منها
:)
-7-
فعلا:)
-8-
صدق طلال الرشيد
وصدق احساسي فيها
واحساسج اللي حب هالبوست
:)

استمتاعج وكلمه امبيه
ونستني
:))
شكرا من روح روحي

esTeKaNa يقول...

عاشه
~~~~~~
ياهلا يا ام العوش
هلا بأم مريومه
ياااا حبي لج والله
!!
خجلتيني
وخجلتني رقة اسلوبج واحساسج
شكرا لوجودج ومرورج اللذيذ
بلذه الكرك
:)

esTeKaNa يقول...

a7La-eNg
~~~~~~~~~~
يا هلا بروح روحي
:*
صباحج ومساج ورد
الله يعافيج با بعد قلبي انتي
تهقين هم يلجم السنتهم؟
خوفي يا النوري من هالهم
!!
ايا كان السبب
لابد من مصارحة الطرف الآخر
.
.
اي ضروري تذوقيني اثق بذوقج
وخذيني معااااج اخذيني
ذايب قلبي على السفر
:)

esTeKaNa يقول...

Shaima'a al-kandari
~~~~~~~~~~~~~~~~~~~~~
ياهلا بشيما هلا
فقدناج من غير شر
!!
تعليقك يقطر حكمه
حياج الله
:)

esTeKaNa يقول...

7osen
~~~~~~~
عسى ماشر يا حسين؟
المود اهم من مجرد المرور
!!

فتى الجبل يقول...

صاج من قال
لا بغيت حبيبك دوم
حاسبه كل يوم

esTeKaNa يقول...

حياتي هدف مو عبث
~~~~~~~~~~~~~~~~~
أجمعين يارب
وشكرا من القلب على المرور والدعاء الجميل
:)

esTeKaNa يقول...

5roofa
~~~~~~~~~
ياهلا بخروفتنا الرومانسيه
كتبت عندج تعليق مادري وين راح
:(
1
لا تشكين بنفسج وايد
هالطريقه اتعبج انتي قبل كل الناس
!!
2
بالضبط..انتي ما تبين تشوفين
فخلاص ما راح تقدرين حتى تستوعبينه
3
اغمي عليج؟
وي يا حسرة قلبي بلاها زعفران جان يغمى عليج وراها
:)
4
يا بعد قلبي انتي
شكرا من قلب قلبي:*
5
هههههه
نفسي انتي
كانت قمة اللويه عندي احد يطل بنوتي
المخشوش تحت المخده
:(
6
لووووول
مشالله عليج
7
ترا اذا رغبتي بوايد اشيا بشده
تتعبين
!!
لانه ببساطة مو كل شي بيدج
:(
8
لسان طلال الرشيد
وحياج الله تعليقج عشره على عشره
)

esTeKaNa يقول...

someone-q8
~~~~~~~~~~~~
وعليكم السلام ورحمة الله وبركاته
!!
الله يسلمك من كل شر
وعسى الجمال دايما حولك بكل شي ما يفارقك بحياتك
:)






selezya
~~~~~~~~~~~
يسعدني استمتاعج
حياج الله
والله يوفقج يارب
:)

esTeKaNa يقول...

kuw-son
~~~~~~~~~~
1
اي والله وأنا اشهد
يرتاح ويريح
:)
2
ربما نكون حاليا غير مهيئين لمواجهة المشكله
ويوما ما يأتي قد اكون مهيئه لرفع راسي
!!
3
لوووووووووووووول
صورت وياهم
بس الصور غير قابله للنشر
نسيت اصور صورة قابله للنشر
:))
4
يالله نكون نحن قواد الثورة للتخلص من هذا القيد الممل
:)
5
مخك يعورك؟
حاله مو زينه
حلتيت اشرب حلتيت زين ترا
:pP~
6
اجمعين
7
جدااا
:(
8
للأمانه الكلمات لطلال الرشيد الله يرحمه


حياك الله
:)

esTeKaNa يقول...

الخيلاء
~~~~~~~
الإبداه شئ مما عندكم يا الخيلاء
:)
1
فعلا...ومشكله اذا تكود الشي بالقلب وتراكم،يوما ما على اتفه الاسباب سينفجر
2
اوافقك الراي
الجهل ببعض الأمور نعمة
3
ويحبك هو ايضا
اكيده انا من ذلك
:)
4
:*
على راسج على تعبيرك عما يجول بخاطري بدقه اكثر مني
:)
5
اربع سنوات واشهر وانا في هذا العالم
ستحبينه
وسيغريك على الاستمرار
ثقي بي وباحساسي
التعبير عن احساسنا وافكارنا نعمه رزقنا الله بها
:)
6
..انتي مبدعه
فعلا
هو احساس الحياه بكل ما فيها
:)
7
شكرا من روحي لأنك اوجدتي لي تعبير جميل ووجه ايجابي لهذا الاحساس
اتمنى فعلا ان يكون اكتفاء
:)
8
صدقتي
:)
ولكن الا تعقدين انه قد يأتي يوم وتصدق الأحلام؟

esTeKaNa يقول...

ra7alah
~~~~~~~~~
سلبي..بحق طموحي
والأشحاص الذين يعيشون حولي
وبحق قلبي ومشاعري
ايجابي من ناحية أخرى
يقتل الانتظار
ويعدم احساس الحاجة لأحد
وينفي احساس الألم بفقدان امر
اتمنى ان يوصلني لراحة
:)






حمودي
~~~~~~~
thank u :)

esTeKaNa يقول...

fahad al-asker
~~~~~~~~~~~~~~~~
انجاز جديد
أن يكون للشتاء طعم أخر تجده في كلماتي
:)
وي يا حسرة قلبي
ليش انا كل يومين اصير حرم احد؟
لا بو عسكر فالك ما قبلناه
:pP~
ماني الأوليه؟
ولالالالالالااااااااااااااا
هذا صوت ربابه باك رواند
:pP~
والله يا بو عسكر متعسره شوي
:(

esTeKaNa يقول...

dilli o milli
~~~~~~~~~~~~~~~~
وي يا زينها هالبنت
انلام انا اذا حبيتج؟
ياربي خف طينه ولسان حلو
في احلى من جذي
:D~


1
انا احس الانسان الي يعبر عن مشاعره يرتاح ويريح الناس اللي معاه
بس تصدقين مرات احس ان فعلا الانسان يحتاج لحظات بعد عن الناس يراجع فيها نفسه وتالي يرد
2
لووووووووووووول
عندي وعندج خير
يختج اي شي فيه ارقام مااااحبه
لغه جامده عسره بالنسبه لي ما افهمها
3
واي يا زين سالفه قلب
اسمع عنها عندج وعند كريزما
شخبارها عساها بخير؟
سلمي عليها سلام جثير
تهقين مجبوسنا بيصير مشخول؟
هههههههههههههه
امي تقولي ريحة زعفران
مو نتعشا زعفران
شويه شويه
وحاطة دوبها دوب هالزعفران
قلت لها يمه الدنيا اكبر من زعفران خليني استانس ما تسوا وناستي تكسرين بخاطري يعني
!!
وعليه سكتت
بعدين غيري تبي تبي
انا خلف الله علي يوم بغيت بغيت زعفران
وتجعموني بعد؟
واااي الله يطوف الشتا على غير
صاير الأكل هوايه مممتعه
:(
4
هههههههههه
صاجة
اصلا انتو ما تشوفوني لي يتو البلوق؟
كله فاله الشوشه وامشي حافيه
عادي عادي
واي دلي قولي لي انتي جواريبج كله منسله؟
انا جواريبي استعمال واحد بس
قلت بروح طبيب نفسي
مو معقوله جذي استعمل الجواريب اكثر من الكلنكس
هههههههههههههه
5
صح بدنج
:)
6
صمامه؟
واي قعدت ساعه ابي استوعب شنو صمامه
لووووووووووووووووول
وي جان بخت اصير صمامه
انا داشه دورة حفظ قرأن الله عسى ربي يفتح علي وعليج ومن صجي ودي اصير فيه صمامه على قولتج
:)
حافظة وجنه صج ويوم امتحان التسميع دشيت اللجنه بسمع قمت اسولف
واهم يسئلوني ونا اسئلهم
تالي قالت الشيخة اللي تسمع لي
اول مرة تدش بنت اسئلها وتسئلني جنج انتي تمتحنينا
لووووووووووووووووووووول
واي ضحكتني على جامعة الكويت
عاد تصدقين ؟
انا اول ما قدت على الجامعه معدلي كان يدخلني اي كليه ابيها وقبول فوري بس انا تشيحطت قلت ادب انجليزي
وتالي ما ارتحت ورحت حقوق
:)
وي عاد لو تاريخ جان شيفكج
من هولاكو وربعه
!!
7
وانا كمااااااااااااااااان
:(
8
أخيييييييييه
احنا لو نسمع ميامي والاخوة مو ابرك لنا
:pP~

esTeKaNa يقول...

q8doll
~~~~~~~~~
ليش الكلمة منج تأثر فيني؟
يمكن لأني احب اسلوبج بالكتابه اكثر من ما تتصورين
:)
يعني تهقين اصلح تسويق؟
:pP~
تعجبني وجهه نظرك بهذا الموضوع
فعلا هذا ما قصدته بالضبط

ويا هلا ومرحبا فيج
ان ما شالج البلوق
ما تشيلج الا عيوني
:)

esTeKaNa يقول...

peace
~~~~~~~
1
وضع متعب جدا لمن ينتظر ذاك الصامت ان ينطق
:(
2
الا تعتقدين احيانا ان الاحلام اجمل؟
4
بالضبط مالها داعي
!!
اتمنى ان لا تتأثرين بها فقد تأثرت بها في فتره معينه في حياتي التدوينيه للاسف
:(
6
شكرا ولك ايضا
:)
7
فعلا
!!
شكرا..أعطيتيني وجة ايجابي لهذا الاحساس
:)

esTeKaNa يقول...

BROKE
~~~~~~
وأنا أحب وجودك في رحاب مدونتي اكثر مما تتصورين
:)
(1)
اتشارك معك بتأيد جلست المصارحة في سبيل هدف سامي هو تطهير النفوس
ولكن ما الحل اذا كان من تريدين منهم الصراحة يتهربون من تلك المصارحة؟
(4)
بالضبط
!!
الا تشعرين احيانا ان فكرة البلوق بدأت تفقد روحها؟
(6)
واي ونستيني
:)
الف الحمدلله
الله يبارك بحياتج
وانطلقي بروك
الحياه تحتاج لانجازات ترد الروح ولو كانت بسيطة
:)
(7)
اول مرة تييني هالحاله بروك
وفعلا..خايفه منها
:(

esTeKaNa يقول...

Charissma
~~~~~~~~~~~
يا صباح الهنا ويا مسا الورد كله
:)
افا عليييج
انتي بس قولي لي وانا اسوي لج توصيل
على الاقل اقول سويت شي بحياتي
:pP~
لذيذ بقصم بريده؟
واي انا كله عبالي بريده ما فيها شي
هههههههه
واي لا تتنقصين لي اكل لا
عشاني وعشان مستقبلي
:P~
وصاجة يا كريزما
في ناس ما يستاهلون تضيعين وقتج وانتي تراكضين وراهم عشان تعبرين عن مشاعرج
مادري متى اوصل هالمرحله واعز احساسي ومشاعري
:(
تذكرتي التوجب ها؟
ههههههههههه
شوفي دلي بس والحكم اللي تقولها
وخلينا نستفيد
:))
يا بعد قلبي انتي مشكورة
وحياج الله
تنورين كل بوست انتي

esTeKaNa يقول...

سدرة العشاق
~~~~~~~~~~~~~
صبحج الله ومساج بالخير
:)
جني احازيكم؟
واي شسوي بروحي عيوزه صايره
:Pp~
الله يسلمج ما قصرتي







ENG-q8
~~~~~~~~
احم احم
استحيت
:)
شكرا اخوي الباش مهندس

esTeKaNa يقول...

الأستاذ بلاليط
~~~~~~~~~~~~~
يا هلا ويا مرحبا
يالله تعال الكويت ونورنا
تشيلك عيونا يا بلاليط
:)

esTeKaNa يقول...

فتى الجبل
~~~~~~~~~
صاج والله
!!
بس لي حاسبته كل يوم
بيقولون عني حنانه وغاويه نكد؟
:)

برنسيس إيكاروس يقول...

ابنتي الغالية
تشرفت اليوم بالمرور السريع على مدونتك اللطيفة الشفافة
وسرحت مع اسلوبك الابداعي الرقيق الصادق
اتمنى لك مستقبلا رائعا في سماء الأدب
أحسست أن كتاباتك ممتعة وشيقة وبها معرفة وفلسفةوصادقة تدخل القلب بسهولة
تستاهلين بوسة
مودتي
منى

الدائرة الخامسة يقول...

كلماتك .. صور اكثر منها كلمات
اعرف من يكتب الكلمات
ولكنك لوحدك ,, ترسمين الكلمات
تلونين
وتشخبطين
وتعبثين بكل ألوان الحياة
ليخرج لنا كل يوم بوست رائع

جزى الله الفراغ خيراً
أن اوجد لنا .. انسانه رائعه القلم
شفافه الكلمات .. تتميز باصاله الحروف
مشروع ادبي رائع
ومبدعة في الطريق للأبداع

وقبل النهاية
اعتذر لك عن غيابي القسري

وان غبت عنكي فانك لم تغيبي عني
كنت دائمة الحضور

ودمتــــي برقي

طائر بلا وطن يقول...

لم أقرأ كل التعليقات و لا أدري إن كان
ما سأدلي به سيكون مكررا أم لا

حلوة أدلي
:p



(1)

عن نفسي .. صحيح

إلا إذا

لم يكن بالأساس ذا أهمية

أو كان في جرحه العميق لي ما يلجم اللسان
كما قالت الباش مهندسة .. أو ما يفقده
تلك الأهمية و يسقطه نهائيا من كل الحسابات

أو إذا انعدمت الجدوى من الكلام



(2)

وااايد تصير .. بإختلاف الظرف و المناسبة
أو القضية المنشودة من كلماتك هنا

ما على الدنيا عتب
:)




(3)

شنو هالدعاية يا استكانة

ترى قمت اتشهوى و أنا مدعوس بقلب الفراش
و تحت البطانية
:)

ذاك اليوم ساعة أبي أقنع واحد من الربع
إن أكو حليب بالزعفران و حلو و مو راضي يقتنع

يا أخي تخيل و فكنا
:p
والله لو مو ذايقه حتى بالخيال حلو

و لا تعفسين الأغراض على أمك
:D




(4)


أتفق معك و أبصم بأصابعي الإحدى عشر
:)

لكن أحيانا ألتمس لهم العذر

من باب

إحساسهم بالألفة تجاهك و الحب

و شعورهم بالراحة متى ما حلت روحك هناك
في مدوناتهم

يعني يا استكانة و بصراحة
وجودك راحة
:p





(5)

أنا و قلم كنّا نكتب على المحولات
هههههه

بس الحين مع الألفية الثانية و العولمة صرنا كول

أو على الأقل أنا

قلم لي الحين يشخبط على طوفة الجمعية
ههههه





(6)

الإيمان .. و القناعة

العمل .. و الإنجاز

يحفز على الشعور أكثر بالذات و الإعتزاز بها
و هذا كفيل للرضى عن النفس و بلوغ حالة
من الإستقرار و الإتزان الداخلي

لا يوقف الطموح يا استكانة .. و انتي قدها
:)






7
&
8


ما أضيق العيش لولا فسحة الأملِ







استكانة .. أدري قرقت وايد
و أدري انك تعطين من قلب بالردود

و الله يعينك
:)


بس عن جد أنا واثق من قراءتك للتعليقات
و مدى بذل إحساسك للشعور فيها

يعني أنا محللك من الرد
:p
أنا واحد فصل تالي الليل ههه

تصبحين على خير


السؤال

كم مرة طلعت لساني ههههههه
؟؟؟


و هم
:p

lawyer يقول...

ياااااحلو بوستج يا استكانه
لامس فيني كثير من الاشيااااء

اوله و اخره بالذات

اناااااا حدي كيفت من المافنززززز


كله بصوت
و عمره الافتراضي للقصدير بصوب

هههههههههه

الدايم الله

امس قلتها لج

و اليوم بقولها

بشري بشري بالفرح

عسلا بس عندج مكااااااان ياسع الفرحه الي بتيييييج؟؟؟

ZoZOta يقول...

1

انا وحده من الناس اللي ما يعجني اقوله على طول

والغلطان اقوله انه غلطان بحزتها ولا اخلي شي بقلبي

وهم ما اشيل شي بقلبي

::::::

2

انتي اهني صدقتي
اكو شغلة معورتنى حيل

ابي أغمض وما أبي اشوفها
اوووف
تهقين اقدر

::::::

3

الزعفران

عيل انتي بتطلعين طباخه معتبره
على قلوة الوالدة
اللي تعرف حق الزعفران عمره ما ايوع ريلها

:)))

ما احب البقصم
بس احب البسكوت مع الحليب
مال المطاحن
تعرفينه؟؟

تدرين
انا اكتشفت ان كل حلم يتحقق
بالمقابل نفقد اماه شيء آخر

مثل الولادة دايما مقابيلها موت
سوري

بس الحياة علمتني بالطريقه الصعبه

:)

::::::

4

همممممممم

!!!!اللي يعلق عندنا نعلق عنده

انا مو معاج بهالنقطه
ولا تعممينها على الكل
واذا في ناس تفقدج عندها
ما اعتقد عشان نسبة التعليق في بلوقاتها

هي تقفد التواصل مع حبيبتها استكانه

واللي يسكر مدونته عشان محد علق عنده
فهو الخسران
فلقد لغى حريته ومساحته بالتعبير بيده

وانا اشوف التعليقات مو مقياس لجودة النص المكتوب

ناس وايد تكتب خرابيط
ومع هذا تلقى اللي يعلق عندها

::::::

5

صح لسانج


::::::

6

ماشاء الله

الله يعطيج القوة والعافية


::::::

7

بيي اليوم اللي تلاقين هذا اللي بشده

ابي اشوفج حزتها شبتسوين

:)

::::::

8

حنين يا استكانه حنين

صح لسانج يالمنعنعه

:**

esTeKaNa يقول...

برنسيس إيكاروس
~~~~~~~~~~~~~~~~
زيارتك موضع ترحيب في قلبي قبل مدونتي
وكلماتك الرقيقه في حق تدويناتي وسام اعلقه على صدري بفرح وسعاده
كنت وما زلت استمتع بقرائتك
وشعرت بأني اكتشفت كنزا ثمينا حين اكتشفت الطريق لمدونتك
:)
حياج الله

esTeKaNa يقول...

الدائرة الخامسة
~~~~~~~~~~~~~~~~
ياهلا ويا مرحبا باخي العزيز المفقود
!!
كنا راح نبلغ عن غيابك
:)
عسى ماشر ؟
وين هالغيبه؟
وعساك بخير انته والاهل وكل من تعز؟


قادر انته على رسم ابتسامة طفولية خجله تخجل من اطرائك الجميل في كل مرة تذيل كلماتي برقي احساسك
شكرا لوجودك
لتشجيعك المستمر
وكلماتك الجميله
دمت بحب ورقي انته وكل من تحب يارب
:)

esTeKaNa يقول...

طائر بلا وطن
~~~~~~~~~~~~~
ياهلا بالطائر في لحظاته الأخيره قبل النوم
ترا تضحكني الحاله الي يصل لها الانسان عندما يكون خارج منطقه التغطيه
ويبدي يدلي بدلوه
:Pp~
(1)
اصعب حالة يصل لها الإنسان حين يشعر بأن لا جدوى حتى من الكلام
فيلجمه صمت عظيم
!!
(2)
وايد تصير
بس خايفه من نتيجة الاختفاء تحت الوساده خوفا من حقيقه
!!
(3)
انفع للدعاية والتسويق؟
هههههههههههه
لا تتخيل
اهو فعلا لذيذ
!!
مشكله الاشخاص الي يعفسون احلامنا احيانا
الحمدلله ربي رزقني بباش مهندسه انا اخوره وهي تزيد
ولا نخلص ابد
:pP~

(4)
وجودي راحة؟
هههههههههههههه
طائر
شي مضحك ظريف
احيانا اسمع كلمه من صديقاتي غريبه عادة اسمعها اذا كانو بمشكله
استكانه انتي ام
!!
وانته تقولي وجودج راحة؟
الظاهر اني راح ابدي امارس امومتي على المجتمع وكيفكم تحملو
:pP~
(5)
محولات يا طائر وقلم؟
ايييييييي مو جدام الناس
انا اعرفكم من عمر واتوقع منكم كل شي
بس البرستيج يا طائر لا لا لا تقول محولات
ههههههههههههههه
(6)
من قلبي شكرا
كلماتك اوضحت لي بصدق لما انا اعشق العمل وانجاز ابسط واقل شي
هاويه شقا على قوله امي
:Pp~
(7)
(8)
اي والله
وآه من القلب
:)
طائر فعلا انا اعطي من قلبي بالردود
لأني ببساطة استمتع بكل رد
ما قلت لي شخبار قلم؟
ما شرف له ولي عهد صغير يشخبط على المحولات؟
سلام خاص له
:)
وتصبح وتمسي دوم على خير
ومجاراة لردك بدعت وانا اطلع اللسان
لووووووول

esTeKaNa يقول...

Lawyer
~~~~~~~~
يا هلا بصديقتي العام وكل عام
عسى بس استانستي وياي بليلة راس السنه
شششششششش
لا تقولين حق احد اخاف ننضل
:pP~
عجتبج العمر الافتراضي للقصدير؟
انا هقت عجبتج اكثر انه ما تتسنع الا لما تدش الفرن وتحوشها الحراره العدله عشان تصير ادميه
لوووووووووووول
انا حكيمه
اشوف مابين السطور
بس ماحد معطيني ويه
تبني مواهبي والله تستفيدون مني
:pP~
يا بشااااااير الفرح أنتي
عسى الفرح ياربي يسكن قلبي ويسكنج
وعسى الياي من عمرنا أحلى وأحلى
:***
ودام قلوبنا وسعت للحزن
اكيد بتكون للفرح اوسع واحلى
:)

esTeKaNa يقول...

zozota
~~~~~~~~
هلا بالزين كله هلا
هلابزين البنات ومرحبا
:*
(1)
~~~~
عندي وعندج خير
هالوضع يريحني ويريح الناس اللي حولي
يا بخت احبابج يا الزين
مجرد ان الانسان يحط راسه على المخده مافي بقلبه شي على احد نعمه
:)
(2)
~~~~~~
ان قدرت قلت لج
!!
مرات وانتي مغمضه تشوفينها
مابين جفنج وعينج
:(
(3)
~~~~~~
الله يبشرج ويبشر اميمتج بالخير
يعني ما راح ايوع سعيد الحظ؟
اشوه
:Pp~
نظريتك وان كانت مؤلمه
ولكن اشاركك الراي اها حقيقه وواقعيه
(4)
~~~~~
يا زينة البنات ما قصدت الكل
قصدت اوصل فكرة حسيتها بعد انقطاع بعض المدونين عنا وايصالهم لاحساسهم بأنهم تعبو من فكرة الالتزام بالزياره ورد الزياره
!!
استغربت هذا التفكير
واستنكرت وجوده كاستنكاري لفكرة من يتخلى عن مدونته لانخفاض عدد زواره مثلا
!!
عدد الردود ابدا لم يكن يوما مقياسا لجودة المكتوب
في لغه القانون قد نقول انه مؤشر ولكنه ليش دليل قاطع
وعساني ما افقدج يا الزين من شر
ولا تفقديني يارب
:**
.
.
.
.
(7)
~~~~~~~~~
تهقين؟
انا اشعر بأني في مرحلة طيبه الخاطر
:(



حنين
وعلى طاري الحنين
من أجمل الأبيات اللي احبها واهداء خاص لعيون الزين:
حنيني غصب يدفعني
وياخني الوله يمك
وأبد ما أظن تمنعني
مسافات الظما عنك
تراك انته الوحيد اللي بقا لي
وهمي...ليتني همك
:**

غير معرف يقول...

سالفة قلب:

اتصدقيني لو قلت لج اني ولهااانه عليج وولهانه على ذكرياتي معاكم
سلااامي للجميييييييع

طبعا كالعاده كلااامج يدش القلب ويحط ايده على الجرح

اكتفي في بيت واحد ردا على اول نقطه ذكرتيها

صحيح الجرح من غيرك على قلبي تراه يهون
....... بس ياشين الجرح من خل عزيز صنته وخانك


تحياتي لقلبك الغالي

esTeKaNa يقول...

سالفة قلب
~~~~~~~~~~~~
تسئليني اصدقج؟
وان ما صدقت سالفة القلب الحنون منو اصدق؟
يعلم الله لج في وسط قلبي مكان
كثرت البلوقات
وكثرو الناس الطيبه
ورغم هذا ما ملا غيرج مكانج والله
:**
مرورج كان مسك الختام ليومي
وأجمل ما زين هالبوست
ترا ردج بين فترة وفترة يشهد الله يرد روحي
وماغير اسمع عنج عند دلي وكريزما
عسى ربي لا يخليكم من بعض وعساكم دوم يا الغالين بخير
:*

باغي الشهادة يقول...

إدراج غريب.. بين تفريغ الأحاسيس ويوميات مرحة
:-)

أظن إني أول مرة أعلق عندك، وإن شاءالله يكتب لك الماجستير والدكتوراه

غير معرف يقول...

1
صباح الخير .. انا قارئة دائمة و لكن هاذي اول مرة اعلق فيها على بوست يمكن لان لي موقف من هالموضوع انا ضد ان يتكلم الانسان او يقول الي في قلبه او الي داخله او الي مضايقه لان الناس تفتقر الى الاحساس بمشاعر غيرها و احترامها لهذه المشاعر فأبسط كلمة ممكن تقال ( انتي وايد حساسة ) عشان جذيه الصمت اهو شعاري و دفن الالم و الزعل في القلب هو تطبيق هذا الشعار، خصوصا ان ما عندي خوات و لا اخوان فما في صدر ارمي عليه حمولي .
مع الشكر

esTeKaNa يقول...

باغي الشهادة
~~~~~~~~~~~~~
آسفة جدا
قرأت هذا الرد متأخر
:(
شكرا لمرورك الجميل
وأتمنى تواصلك الدائم














anon.
~~~~~~~
أختي الغاليه والعزيزه
:)
انا فعلا آسفه من قلبي لأاني ما قرأت هذا الرد إالا متأخر جدا

صديقتي..قد يكون هناك من الناس من يفتقر الاحساس بالآخرين وعندها يكون قمة الحكمة الصمت واحتواء نفسك بنفسك
!!
ولكن ليس هذا الحل الدائم
أكيد هناك من يشاركك احساسك ويهتم بمشاعرك وقلبك دون اي مصلحة
وليس من الاهميه ان يكون من يهتم اخت او قريب،فأحيانا يكون البعيد بطيبته واهتمامه احسن من اقرب قريب
!!
قلبي
وبلوقي
وفي هذا البوست وفي كل بوست اعلن رغبتي بأن أكون أخت قريبه لك
متى ما شعرتي برغبه بأي فضفضه سأكون موجوده والتواصل معاي سهل جدا
:)