الثلاثاء، يوليو 17، 2007

صباح الفضفضه

.........اليك

يا ساحر البسمة

عنك الصبر كذبه

!!

كذبه امارسها

اكذبها...اصدقها
لاكتشف بالنهايه اني ضحيه صدقها
.
.
.
.
صباحك سكر
صباح الشاي بالحليب الذي تحبه
صباح الجباتي اللي احبه
وصباح الجرائد التي ترتمي في أحضانها كل صباح
صباح حبك القاسي
وشوقك المجنون
صباحك أجمل من صباحي
صباحي انا .....بلا لون
!!
.
.
.
مع كل صبح يجددني لشمسك حنين
حنين يئن في وسط روح عشقتك بصبر
حنين يرتجف مع دمعه صمت في عيني
حنيني اليك شوق...وشوقي لك وحده
وحده تشتد كلما زاد من حولي الناس
كلما انشغلت
كلما كابرت
وعاندت
وقهرت احساسي الذي
اخنقه بيدي
واجده في داخلي
.
.
.
يسألوني الناس وينك واحبس الدمعه
ليه مبعد عنك والاحباب مجتمعه؟
اذبحوووني بالسؤااااااااااااااااااااااااال
!!هزو ثبوتي
صوتها هد الجباال...صرخة سكوتي
ابتسم كان أهون علي موتي
.
.
.
.
اتذكر:
ذاك الضجر الذي استوطن احساسك
وهاله الحزن المرتسمه كسواد حول عينيك
نبره حزنك
ألمكAlign Center
ويأسك
وسخطك على واقع لم تملكه:
لما تعاندنا الظروف؟
لما اجدقربك سراب،كلما اقتربت منه ابتعد؟
عطشان لقربك
حلمي: اقتران اسمي باسمك
وأطفال يحملون برائتك وقلبك
تجاوزت في هالدنيا الثلاثين
وخطفتي لي قلبي بعد هذه السنين
جاوبييني:
هو بقى بالعمر كثر اللي راح؟
.
.
تنهيده صباحيه يتبعها اعترافك القاسي الرقيق:
أنا يا اصدق احساس
ويا ارق الناس
انسان عشق طيبك
ادمن حنانك
وجد في قلبك وطن
وفي حبك ضالة يبحث عنها منذ زمن
أنا يا امي
،يا دنيتي واهلي...
عاشق
عاشق صادق
لا يجيد فن الحكي
ولا له في صف العباارات والشعر
انا عاشق من عيوني
من فزة قلبي وجنوني
بافعاالي
بوجودي
باهتمامي فيك يا كوني
اما من عاند حبه
تصبر وصابر لعينيك
سعى ويسعى لتحقيق حلم
حلم قربك بحياته
حلم ان تكوني انتي دون غيرج،ام عياله
جاوبيني:
لما يكسر قلب محب صادق؟
لما تقترب قلوبنا وخطاوينا تتباعد؟
لما لاأفقد املي بقربك بل يتزايد؟
.
.
.
أصد عن عينيك وترتجف روحي
وتفييض من روحي دمعه تتعلق مابين رمشي
ابحث عن جواب يشفي غليل قلبي وروحي
كلمه واحده تصدح في وسع هالكون واسمع صداها فيني"
!!لعلها خيرة.
.
يوم آخر وحلم جديد
قلوب تجتمع وأنته بعيد
صباح يتجدد معه حنين Align Center
وقلب يتحرى جيتك ..كيوم عيد
أعترف لك هالصباح:
الصبر مني تألم
ودمع عيني فاض وتكلم
ديرتي من غيرك غربه
واحساسي مل من صبره
!!بس تطمن
الأمل فيني يتجدد
والوفا مني يتعلم
...هذا انا
ابتسم في كل يوم
واعشقك في كل صباح
واحلم بيوم قريب
فيه قلبي يرتاح



استكانه والأطفال:Pp~

تسبقني خطواته لسيارتي
اتجاهله
فيتبهلل لافتا انتباهي
ابتسم فيبادلني ابتسامة طفوليه لذيذه
ويقف عند باب السياره معلنا عن رغبته:
الله يخليج بروح وياج الله يخليج
!!
بهدؤ اشرح له:
وهابي ما اقدر اخذك بروح حولي شوي وبرد
حولي زحمه
يجاوب سرعه:
بس انا ولا مرة شفت حولي الله يخليج الله يخليج
والله اصير خوش صبي
يضحكني:
حولي مو حلوة ،مافيها شي!!
يتعبّر ويعفس لي ويهه :
ما تبيني صح؟
قولي مابيك مابيك مو تقولين حولي زحمه
!!
.
.
.
يالله ما اقدر اضيق خلقه
ارضخ لرغبته وتحقيقا للمساواه لازم ناخذ مع وهابي عزيز وجنا
بعد حرب بسوس منو يقعد جدام قررناما يلي:
وهابي بالروحه،وعزيز بالرده،وجنا لانها خوش بنت بتقعد ورا
يالله يا شباب دعاء الركوب
مادري ليش الدعاء بحماس وصراخ يصك الراس من اقصى قلوبهم
.
.
.
استمتع بكل الحوارات الطفوليه،استشف منها حكم واتلذذ بظرافتها
عندما يتكلم وهابي،كل شئ يتكلم فيه
يديه
عينيه
خشمه
!!
كل شئ له مؤثرات صوتيه وتفاصيل غريبه:
استكانه عندنا واحد بالمدرسه يطير
يطير؟
اي والله يطير بس الحين ليش شمس وحر ماقام يطير
!!
ابتسم
صوت من الكرسي الخلفي وصوت عزيز شمات:
وهابي ترا بو شلاخ يدش النار ها
يعصب اللي كاشخ جدام:
منو بو شلاخ؟
يرد عزيز:
مادري يمكن رفيجك اللي يطير
ههههه
يستأنف كلامه:
مرة واحد بالمدرسه طقني،اهو طقني انا شنو سويت؟
ولانه كنت ابحث في وقتها عن موقف لسيارتي ما جاوبت
سكت ...ثم انتبهت انه ساكت:
اي كمل حبيبي
ماني مكمل لما اكلمج طالعيني
مو تطالعين الشارع
ولما اقولج شسويت،تردين علي تقولين لي شسويت؟
اكلم روحي انا؟
!!!!
حمقي ولدنا حمقي
.
.Align Center
.
.
.
يدخل عزيز بالموضوع:
وهابي شرايك نلعب سله
خزه ناريه بالمنظره من استكانه لعزيز:
لااااااااااااااااااااااااااااااااااااااااااااااااااااا عزيز لا
حولي وزحمه وسله وكره بالسياره
.
.
.
.
ولانه جنا موجوده ولازم تبدع:
استكانه قصري صوت المسجله قاعده اتكلم بالتيفون
!!
طبعا التليفون لعبه...بس بنت عمي خيالها واسع
تكركر
تضحك
تمد ايدها وتكفخ عزيز بالطريج:
استكانه تكلمي تكلمي تبي تسلم عليج حماتي
حماااااااااااااااتج
!!!!!!!!!!!!!!بريك قوي عفس اللي معاي
@@
منو حماتج؟
مادري امي تكلم حماتها انا بعد اكلم حماتي
يالله يالله قاعده تنطرج على الخط
امسك اتليفون الوردي وأمثل:
الوووو هلايا حماه جنا،مشغوله اكلمج بعد شوي
تخزني:
ليش ما تكلمين حماتي عدل؟
استعد لاجابتها ليباغتنا عزيز بضربه قويه على بطن جنا :
الضربه القاااااااااااااااااااااااضيه
وتصرخ جنا صرخة قاسيه
!!
.
.
.
.
اقف بالسياره ،جنا تبجي وتتحلف بعزيز ،وهو يطالع الشارع:
عزيز مرة ثانيه ما راح اخذك وياي ليش تطقها؟
يحقرني
يتأفف:
مو انا اللي طقيتها ..ايدي
اخزه : عزييييييييز شنو يعني ايدك ؟ايدك مو مالتك؟
يبرر:
اهي تسوي اشيا تخليني اطقها،مابي اطقها تخليني اطقها شسوي
اقول حق ايدي لا تطقينها لا تطقينها ما قدرت
شسوي؟
يضحك وهابي:
لا تسوي شي طقها
!!
ويضحكون ضحك مو طبيعي
.
.
.
وهابي:استكانه تحبيني؟
اي احبك !!
:شكثر تحبيني؟
مممممممممم كثر ماكو بعد
يكركر يكركر بيموت من الضحك:
استكانه انتي كبيرة بس ماتعرفين تتحجين
بس قولي الصج :
تحبيني اكثر من عزيز صح؟
لا انته وياه نفس الشي
صمت طويل:
ترا عزيز ما يفهم بس كيفج
حتى جنا ياهل بس كيفج
تدرين انا حافظ خطبه الوداع والمعوذات اهم ما يعرفون حمدلله والشكر
كيفج
!!!
.
.
.
عزيز بنص الشارع يوقف يساسرني:
انا امس حلمت بالشيطان
!!
شيطان؟
اي قالي كسر سياره استكانه بنت خالك!!
اقوله استكانه هذي،احبها
يقولي الا كسر سيارتها
ويتنهد
شسوي؟
ويتعبّر ويمثل عياااااااااااااااااااااااار :
شتسوي؟نام وانته متيدد وعلى جنبك اليمين مرة ثانيه
.
.
.
عزيز ووهابي بيروحون ثانيه روضه،وجنا بتروح اولى ابتدائي
كل ماا شتطت تشرح لي انها بتروح الابتدائي رد وهابي:
مصدقه بتروحين الابتدائي؟ما تروحين والله ما تروحين
احنا لما نروح نشوف اذا وناسه نقولج تعالي
يا حممممممممممممممممممممش
Hehehehehehe
~~~~~~~~~~~~~~~~~~~~~~~~~~~~~~~~
وصنا البيت وكل واحد معاه المقسوم من الجمعيه
ما تسوا فرحتهم بالجيس
ماتسوا حبتهم لي اول ما وصلنا
شكرا عزيز وهابي وجنا
صج بغينا ندعم مليون مرة
ووصج انه مليون مرة كفختني الكره واحنا نسوق
بس احبكم
وادللكم
حبي لكم من حبي لعمي وعمتي
دللوني وانا اليوم ادلل عيالهم
وغصبن عليكم باجر تدللون عيالي
.
.
يا ليت كلنا لنا قلوب اليهال
نقيه
حلوة
تزعل وترضا
تحب وما تكره
اذا حبت حبت بصدق
واذا تضايقت تعبر عن مشاعرها
:)