الأربعاء، ديسمبر 19، 2007

GRGR:pP~

...قبل إسبوع تقريبا
.
.
.
انتهيت من الدورة في الساعه الثامنة مساء
!!وقت سخيف،تو الناس على البيت،ومتأخر على البدء بطلعه جديده
كنت متعسره...يوع وملل
اتصلت على أبي وأمي،وبعد محاولات وحنة مستمره
اتفقنا على ان نلتقي في سوق شرق
.
.
.
.
في طريقي من حولي لي سوق شرق طلعت على البحر
امشي في الحارة الوسطي
اليسار زحمه مو طبيعيه
ويميني سياره تمشي بنفس مستوى سرعتي
وأمامي جيب أسود بطيئ اكثر من اللازم
!!
الوقت يمر
والأخ يبطء اكثر وأكثر
لي وصلنا الإشاره،ومن البطئ اللي يمشي فيه صارت الإشارة حمرا
:(
اشفيه؟
اذا عرف السبب بطل العجب
على يسار الجيب الأسود جيب أحمر لبنات الله بالخير
ذيج القذله الشقره اللي تهفهف
ذيج التراجي اللي كبر جف ايدي
وذاك الملفع المرتهش
الملفع بروحة حفله
غير موديل حجاب بو بقشه فوق الراس
وذاك التكركر اللي واصل لي سيارتي
وأأنا مستحيه مادري شكو
!!
تخليو...الأخ اللي بالسيارة جبالي يطق رقبه
وحسينه الوصايف تصفق له
اهو يقط حجي
واهي فاجة الدريشه ترادده
تالي ارسل قبلاته وتحياته عبر الهواء
والأخت السنعه ردت عليه بحفاوة وكرم
@@
أنا طلعت عيني
حسيت شي فيني يغلي
خزيااااه ..خزياه
!!
الإشاره الأولى،تعوذت من ابليس وسكت
بس يوم طفت الإشاره الثانيه حسيت لااا خلاص طفح الكيل
اتلفت...يسار...يمين ،ابي احد من هاللي يمي يطق هرن
يستنكر
احد يسوي شي يا جماعه
ما في:(
.
.
.
.
شبت الإشاره والأخ ناسي نفسه
شبيت العالي
!!ماكو فايدة
جان أعلن حفله هرنات
الشارع كله التفت علييه
ليما داااااس ومشى
توني بنطلق ولا تييين حسينة الوصااااايف طااااااااااااااااااااااااااااااااااااااااااايره
وهرن
هرن
التفتت انا يا بعد قلب قلبي أنا
بكل برائه
لفيت ويهي
جااااااااان
جاااااااااااااان
آاه يا قلبي والله يعز علي يا استكانه أقول شنو سوت لج
:(
صارخت صارخت صارخت
ومن ثم بعثت لي شي عبر الأثير
ومن ثم ...سوت لي مممممممم
اشلون اقول؟
سوت لي بيدهارقم خمسه
بالكويتي (كمت علي)مو اي كمه كمه محترمه
!!
طبعا معلومه عابره عن استكانه
انا عمري حياتي ما تهاوشت ويا أحد
قد أمر بمواقف تحرني واتضايق،بس ما عندي سرعه البديهه والمرادد
اسكت سكته واحده
او ان ربي نطقني ...كلمة وكلمتين واسكت
أو اتصرف اي تصرف ماله داعي مثل اللي سويته ذاك اليوم
وتالي أقول ليتني قايله وليتني مسويه خلف الله علي
!!
الشقراء تسب وتصارخ
واللي يمها داخله بدويتو قله الأدب معاها
واحده تسب
والثانيه تكم
وانا اطالعهم
انزين لفي ويهج استكانه
مادري ليش قاعده اطالعهم جني ياهل طاقته البوهه
قلبي قام يطق
ويهي قام يقط ألوان
واحس انه ايدي قامت ترجف
شنو سويت؟
ابتسمت لها
ومن ثم طلعت الدفتر مال الدورة اللي كبر الدريشه
وقلم
واكتب رقم سيارتها
وسياره روميو اللي وصل بيتهم
واسكر الدفتر واحطة يمي وامشي
ليش؟
مادري
hahahahahaha
لسان طويل والحيل قاصر
.
.
.
.
.
وصلت سوق شرق وتوجهت مباشره الى لامرينا
أمي وأبوي قاعدين
الجو عجيب
والهدؤ طاغي
واستكانه يايه منخطف الويه
ياربي جروحه
اول مرة أحد يكم علي و .......!!
بس سئلني أبوي انطلقت مشتطة اشرح شنو صار
أمي وجهه نظرها الهيلق ماحد يكلمهم
ما تخافين؟
لو ساحبينج ومكفخينج بنص الشارع
!!
يعني شنو نسوي؟
نخليهم يسون اللي يبونه؟
وأنا أتكلم الويه كله يتعبر
واليد ترجف
فجأة أبوي:
انتي جبانه بغض النظر اهم هيلق دامج انج مو قد الحركة ليش تسوينها؟
.
.
.
رغم انهم ضحكو علي لي قالو بس
ورغم ان الشارع كله شهد على اللي صار
الا اني فخورة بنفسي
:)
لازم ننكر المنكر
وما نتجاهل العيب
اللي قاعد يصير شي مو طبيعي
ماحد يستحي؟
ولا في احترام حق احد؟
والي اعظم وأجل....الولد نزل راسه ومشى
البنت تكم علي ومعصبه؟
!!
يعني هل انا اعتديت على حقها الطبيعي بالحياه
هل حرمتها من شي؟
.
.
.
.
.
.
.
.
.
الله يساااااامخج
:(
.
.
.
.
.
ترا أنا من اليوم ورايح راح انبذ السلبيه
اي شي عيب قاعد يصير جدام عيني ما راح أسكت
واذا شفتوني غطيت سئلو عني يا جماعه
أخيتكم أنا
:pP~
.
.
.
.
.
شي طرا لي:
عيد الفطر ...يأتي بعد اجتهاد شهر من صيام وقيام
وأول يوم نتريق فيه من بعد الصيام
وعيادي عيادي وماكو لحم
فنحس فيه بشكل أكبر
:)
عيد الأضحى...سبحان الله من كنت صغيره ما احس فيه كثر الفطر
!!
ويبقى كلا من العيدين عيد أحاول بقدر الاستطاعه التلذذ بكل لحظاته
.
.
.
.
شعندي باجر؟
باجر زواره في بيتنا كالعاده
بدايه الزواره...يا زين استكانه
ايدها بيد امها،جاي كيك وسوالف وتطرش يطرشوني ما اقول شي
وتالي لا تناصف النهار...اصير اسمع اللي ابي واخلي الي ما ابيه
ولي صار آخر الليل واستهبلو زوارنا يا جاي اخضر
يا جاي من غير شكر
يا ماي بارد
ماي دافي الله يعافيج
حبيبتي ماي ولقاح ما عليج أمر
اييني احساس اني ودي احذفهم بالاستكانات اللي جدامي
!!
شنو المشكله؟
عماتي
أمي
وجدتي
وحتى حريم عمامي
اذا بينادون اي بنت اول كلمه على لسانهم اسمي
حب....بس في الزواره ،يكون حب متعب غير مفيد
:pP~
.
.
.
.
.
استمتعو بحياتكم بكل لحظاتها

هناك 63 تعليقًا:

Brilliant يقول...

كل عام و أنتم بخير
و تقبل الله منا و منكم
:)

حياتي هدف مو عبث يقول...

عيدج مبارك أخيتي :)
تدرين جم مره أشوف هالوضع الخايس جدامي والمشكله الشارع كله يوقف عشان قطعة لحم رخيص للأسف
الحل عندي :p
روحي جدامهم ودوسي بريك جنج ما تدرين وبعدين إمشي 40
والضغط يوصل 200 وهذا المطلووب
وإذا يو يمج طالعي جدام وتخيلي لو إنج بالشاررع بروحج
يا سلااام ;>

Purgatory يقول...

شكله هل الدفتر راح ينترس أرقام سياير

;p

حلم جميل بوطن أفضل يقول...

لو إنهم بشر و يفتهمون لقلت لك حسناً فعلتي

مرة كنت أنزل بنتي عند بيت عمتها. بيتهم عند المسيد و لا ذاك الوانيت الأمريكي اللي مادري شلون صاير .. طشر اليهال و الخدم و المصلين اللي كانوا بيدشون المسيد

أشرتله بصير مثلك .. و قلت له .. الله يحفظك .. حرام عليك .. إذا مو خايف على عيال الأوادم خاف على نفسك

نزل .. و لا المارد مال المصباح السحري .. أقرع و قفل و موشم وشم بو عنتر على زنوده

هوه بس بطل حلجه .. ماكو و لا جمله إعرابها صحيح .. بدليات للستار .. قلته يبه آنا آسف .. حقك علي اللي جرحت شعورك

أرجع و أقول .. لو هالناس تفتهم .. كان الواحد ممكن يضحي بوقته معاهم .. المشكلة ما تفتهم

ناس أهلها ما ربتها 30 و 40 سنة .. بأيي آنا بلحظة و أصير المصلح الإجتماعي و مارتن لوثر كنغ على رووسهم؟

خليها على الله

حمودي يقول...

عيدج مبارك
ولاتظيقين خلقج على هالاشكال

bin3li يقول...

سلامات سلامات ما تشوفين شر
الله يهداج سوت لج خمسة سويلها ستة

بس مساكين من القهر
ضعيتي عليهم صيدة تطق رقبه
وين يلقونها هذه مرة ثانية؟
و أنتي تزيدينها و تبتسمين لهم
لازم بيموتون

يلا هاردلك لهم
:)

يعقووبوو يقول...

جان صورتيهم...
عشان يوثق بالتاريخ (((:

وعيد مجيد

ray يقول...

استكانة

انتي أهون مني

انا لي اخترعت ضحكت ... مت من الضحك و ما أقدر أوقف ضحك

و على طاري اللي بالشارع , شتسوين فيهم ؟ قلة حيا و هالبنات يعني مادري ما يخافون ؟

و عيدك مبارك :)

magnoonah يقول...

كل عام وانتي بخير يا قلبي انتي

وعساج من عواده

:)
الوست الي طاف لقيت روح ستكونه الي فقدتها
:)

ستكون استنكري قولي الي بخاطرج لا تستكتين على الغلط حتى لو خفتي على الاقل لج شخصج ورايج لا تخلين احد يلغيهم
ولو اني اشك ان شخصيتج ضعيفه لانه ايمانج قوي

اما اشكل الغلط الي تارسه الشارع لا حيا ولا مستحى ابدا لا تحطينهم في بالج ولا تنزلين مستواج لهم
صدقيني ما يستاهلون نظره لانهم امعه وجودهم لا يغني ولا يسمن

وهذا العيد منو فينا الي يظل قاعد
قومي ماي
صبي شاي
حطي كلينكس
ييبي صحن الحلوو
نادي اليهال
بخري مره ثانيه
منو فينا خالص من لويت العيد

تقبل الله منج
:)

DanDash يقول...

اوه زميلتي في مكافحة القوارض

انا نفس اطق هرن لين احسه بنفجرون منه و بس ولاهمني خل يكمون مني لي باجر اهم شي ريحت ضميري و ماخليتهم يكملون الي كانوا ناوين عليهم خلهم يعرفون انه قلة ادبهم هذي ما تمشي على الكل وهل النوعية من القوارض ودي مو بس اطق هرن و دي انزل و كوفنها و عطيها
ذاك الراشدي الي يفر راسها فر
و صج انهم هيلق و المفروض انه ما نزل روحنا لهل المستوى بس شسوي ما اقدر
الله الحافظ مرة ثانية قفلي على روحج السيارة و دقي هرن على راحتج :)

عيدج مبارك وعساج من عايد العيد

Eng_Q8 يقول...

عيدج مبارك

وهالاشكال وايد بالشارع الله يبعدنا عنهم

darkness يقول...

يقولج المثل

لحيةٍ احشمها و لحيةٍ احشم نفسك عنها

:)

عندي كلمه دايم اقولها لنفسي

ترفعي عن الناس الواطيه

:)

Kuw_Son يقول...

بارك الله فيج :) !!

والله أفتخر بوجود أمثالج !!

الله يحفظج من ردة الأفعال الغير محسوبة ..

و الله يعطيج العافية و عيدج مبارك :)

Q8DOLL يقول...

ياااابعد جبدي والله استكانووووه
والله مافي منج
كفووووو والله كفوووو
ولو اني ماراح اسوي مثلج لان ادري هالاشكاااااال لسانها وصصصصخ وانا بنت
بس آآآآآخ لو انا رياااال آآآخ
ذكرتيني بالضبط موقف صارلي من جم يوم قبل العيد بذكره ببوست لاني تقريبا بجيت وانقهرت
بس ربج عليهم
هالهيلق هذيل لقوا ناس تسكت عنهم وتتجاهل
لكن يظل ناس مثلي ومثلج يستغربون ومايسكتون

حبيبتي نفس الشعور عيد الفطر شي ثاني
وعسى ايامج كلها اعياد وفرح
:*

Zabo0o6a يقول...

شتسوين وشتحجين ، مو البنات هالايام كلما تفصعوا لقوا من يضجعهم اهوا الشرهه على اهاليهم وعلى هالخرفان اللي ملقينهم ويه :Pp
وما اوصيج قعديلهم قعدة

الحب يقول...

حلاتها والله اللي راح تنبذ السلبية :)

كل عام و انتي بخير و عساج من العايدين :)

al5ayla يقول...
أزال المؤلف هذا التعليق.
الخيلاء يقول...

الحياء شعبه من شعب الايمان .. و الاسف هذيل لا البنات عندهم حيا و لا الشاب فيه رجوله و غاريه .. و المشكله ايجاهرون بالمعصيه ويتكلمون جنه انتي الغلطانه .. بس ماعليج منهم انتي سيري و احنا البنات من وراج .. من يوم ورايح اي هلاقه بالاشارات بنحاربها بالهرنات :)

و عساج من عواده و الله يعطيج العافيه

الخيلاء يقول...

الحياء شعبه من شعب الايمان .. و الاسف هذيل لا البنات عندهم حيا و لا الشاب فيه رجوله و غاريه .. و المشكله ايجاهرون بالمعصيه ويتكلمون جنه انتي الغلطانه .. بس ماعليج منهم انتي سيري و احنا البنات من وراج .. من يوم ورايح اي هلاقه بالاشارات بنحاربها بالهرنات :)

و عساج من عواده و الله يعطيج العافيه

عــــاشــــه يقول...

وأنا معاج ياإستكانه
نحن بسلبيتنا عطينها هالهيلق فرصه إنهم يتكنون ويطلعون على السطح

أنا معاج في نبذ السلبيه وردع المنكر

الله يشد من أزرنا

وكل عام وإنتي بخير وسهاله يالغاليه

Expatriate يقول...

:D

New Bride يقول...

حياتي استكانة

و الله كلام الوالده صح الهيلق ما نكلمهم
بس شسوي انا مثلج و الظاهر موضة الكمه راده هاليومين هيهيه بس على الأقل انتي ياتج من وحده هيليقيه انا شقول اللي كمت علي ام عمرها بالثلاثينات و عيالها قاموا يكون علي بعد على شنو تهقين ؟؟؟ بس عشان كلمتها لما قطت جيس الماكدونالدز بالشارع و تنثر البيبسي و الكل

الله كريم و الله يعطيج على نيتج

و عيدج مبارك يا حلوه

Sara يقول...

استكانة بقولج سر

.
.
.
.
.

بوستاتج فيها سحر مو طبيعي وأسلوبج حدة يشوق :)

تدرين لو هالشي صاير فيني جان فضحتهم هرنااااات وجان تركت لهم ومثل ما تكم علي أكم عليها لوول أفا عليج أعجبج بهالمواقف ماخليهم يتعدون حدودهم معاي

غلطانين وهم يكمون علي . . حلايا قذلتها الحمدلله والشكر

هيهي شفيني انفعلت :)

الله يخليلج اهلج وصح كلامج عيد الاضحى ما ينحس فيه

..

عسى الله يخليلج أهلج ويخليج لهم :) حنتهم أحسن من لما تطلعين بالشارع ويرتفع ضغطج على ناس ما يسوون ..

عيدج مبارك

Shaima'a Alkandari يقول...

يقولج اللى اختشوا ماتو

صار الشي هذا طبيعي نوفه بشوارعنا

للاشف محد يحترم نفسه لو مايعطون بعض ويه جان صرنا بخير

الله يستر علينا ويحفظنا

بس ديري بالج


:::



عيدج مبارك يالغاليه

Vipyah يقول...

ياحلاتج... جان زين تيين عندنا اسبوع
الله يهديهم
يصير نيي الزوارة؟؟


:(
لا ما يصير :(

Mishari يقول...

خطاج السو من هالغزو الغاشم :))

وعادي هذا صار الحين من الامور الغير مستهجنة

ezain_kilah يقول...

اسم الله عليج! وي فديتج!

أحس يبيلج من ينفخ ببطنج عقب اللي صار

أنا شخصياً احييج وأصفق لج بعد, بس بكل أسف ما أعرف أصفر

مو مشكلة... أنادي لج فطوم تصفر لج... هيهيهي

العيد عليج مبارك حلوة

esTeKaNa يقول...

brilliant
~~~~~~~~~~~~~
وأنته بخي وصحة وسلامة
ومنا ومنكم صالح الأعمال يارب






حياتي هدف مو عبث
~~~~~~~~~~~~~~~~~~~
أيامج سعيده أختي العزيزه
شعرت بفخر وانا اكتب اسمج
هنيا لج في هالاختيار الجميل
:)
بالضبط يا اختي
وصفتيها وصف قاسي ولكن حقيقي
قطعة لحم رخيصه
!!
مممم خوش خطة خطتج
بس تضمنين ما اتعرض حق اي عنف بعدها؟
ترا اختج خوافه
انا بجربها
بس ترا ها ان صار فيني شي على ضمانتج
:))
نورتي البلوق حياج الله

esTeKaNa يقول...

purg.
~~~~~~~
إي والله إي والله
وخاصه مع موسم الأعياد وراس السنه
يطفحون هالنماين على السطح
:Pp~







حلم جميل بوطن أفضل
~~~~~~~~~~~~~~~~~~~~
يا هلا ويا مرحبا باخوي العزيز
يحفظ لك ربي بنيك ويبلغك فيها عروس قول آمين
:)
انا لو طالع لي هالمارد يمكن جان حبيت راسه من الخرعه
وركبت سيارتي شفطت وياه
:pP~
يعني تهقه هل يكفي الحلم المجرد بالوطن الأفضل؟
تروالي ليكون الوطن أفضل
لابد من التصدق لهوؤلاء الهيلق بأي طريقه ولا شرايك؟
:))

esTeKaNa يقول...

حمودي
~~~~~~
أيامك سعيده يا بو جاسم
توقعت القى لك تعليق في البوست السابق
يمكن لاسمك بعنوان البوست
:)
لا إان شاء الله ماني مضيقه خلقي
بس بيني وبينج انجرحت
كامه علي خوووش كمه
:(












بن علي
~~~~~~~~~
تصدق طافتني
!!
ليتني بدل الخمسه مسويه بيدي عشره
:)
بس يا بن علي انته ما شفتني وانا حاطة ايدي على السكان واطالعهم بقمة الانبهار ما فكرت بشي


مممم صح صح
وين يحصلون واحد يطق هالرقبه
خوش رقصه مشالله عليه روميو
:)














يعقوبو
~~~~~~~~~
انا ما صورت وانسبيت وكمو علي
!!
تهقه لو مصورة جان شصار فيني؟
:)
يبوني اهلي يا يعقوب
خفت على روحي

esTeKaNa يقول...

ray
~~~~
ياهلا يا هلا
عيدج مبارك يا الغاليه
:*
انا تدرين متى اضحك؟
اذا استحيت
لوووول
اييني ضحك مو طبيعي
من تشوفيني اتكركر واتبوسم عرفي اني متوهقه ومستحيه
:)












magnoonah
~~~~~~~~~~~~
هلا بالغاليه هلا
يا زين ستكون منج والله
:)
اياج سعيده وتقبل الله طاعتج حبيبتي
عساج ما تفقدين غالي قولي آمين
انا موجوده بس لابد من هالمزاج المتقلب والمتفاعل مع كل الظروف اللي تمر فينا
!!
اهتمامج دائما يسعدني يفرحني



انا معاج ومتفقه مع نفسي اني استنكر،الحمدلله ماني ص احبه شخصيه ضعيفه بس يا مجنونه ما تعودنا نرادد ونصارخ بالسكة
مو ضعف شخصيه بالعكس
هذا قوة شخصيه لان نقدر نتحكم بأعصابنا وتصرفاتنا
:)
وصاجة والله
يا زين العيد ويا زين لويته
عسانا وياج من عواده
:**

esTeKaNa يقول...

DanDash
~~~~~~~~~
جمعيه استكانه ودندش لمكافحة القوارض
نرحب بأي متطوعين جدد
شعارنا..نحو مجتمع خالي من الهيلق
:Pp~
راشدي ها؟
لووووول
لا عجبتني صراحة
لازم نسوي تعاون مشترك
انا اعترف أني جبانه
انا بطق هرن
والراشدي عليج؟
صار؟
وصاجة زين فطنتيني افل السياره
ههههه
حياج الله وايامج سعيده يارب












EnG-Q8
~~~~~~~~~~
أيامك سعيده
وصاج وايد ويطلعون شكثرهم بالعيد
:)

esTeKaNa يقول...

Darkness
~~~~~~~~~
حكيمه والله حكيمه
:)
صاجة والله
بس ياربي مو مني
من حرتي على هالجرأه اللي اهم فيها
:(












kuw-son
~~~~~~~~~~
وااااي الله يجبر بخاطرك ويسعدك مثل ما كلمه (أفتخر)اسعدتني
!!
آمين وأجمعين ما قصرت
ايامك سعيده
ودامك فخور فيني
اذا شفت واحده طقت هرن ولاحقينها بيطقونها ولا شي
افزع لي ما وصيك
ترا هذي انا استكانه
:Pp~

esTeKaNa يقول...

Q8DoLL
~~~~~~~~
واي بعد قلبي انتي
وي لا يغرج عبالج انا شجاعه
ترا خربوطة انا
قمت اريف يو انهم استنو علي
:(
بس ولو
احس اني على الاقل سويت شي
!!
وي اسم الله عليج من القهر والبجي
مو بشاره
ناطرة البوست استعجلي فيه :(

وهل معنى الترفع عن الهيلق انه نعطيهم مجال يسون اللي يبونه؟
والله مادري
:(
واجمعين يارب













Zaboo6a
~~~~~~~~~~
قعد لهم قعده افا عليج
بس عاد ترا اهلي تعبانين علي ويبوني
اخاف يقتالوني شي
ديرو بالكم علي
:)))
تصدقين احس هالبنات زايدين للاسف
وصار كل شي زين لهم
:(
عيدج مبارك

esTeKaNa يقول...

الحب
~~~~
أيامج سعيده ماقصرتي
افا عليج بس
اذا احنا ما نبذناها منو ينبذها؟
:))







الخيلاء
~~~~~~~
اسم جديد في رحاب مدونتي
حيالله الخيلاء وتعليقها
:)
كلنا مبتلى بالذنوب
بس مشكله هالنوعيه من الناس انها تجاهر بكل وقاحة وجرأه وهذا اللي يحر


عاشو بناتنا عاشوو
هرنات هرنات
مسيره ضد اي تصرف غير مؤدب بالشارع
احترام الذوق العام والأدب واجب وطني
:))
ايامج سعيده
نورتي

esTeKaNa يقول...

عاشه
~~~~~~
حيالله شيخة بنات الامارات كلهم
:)
اللهم امين يشد من أزر الجميع
وانتي بخير وصحة وسلامه









expat.
~~~~~~~~~
يكمون علي وانته مستانس تتتبوسم؟
:Pp~

esTeKaNa يقول...

NEW BRIDE
~~~~~~~~~~~
وي يا بعد قلبي قلبج
عيل العايله كلها كمت عليج؟
اشفيهم ؟
من صجج
!!
الظاهر رادين على الكمه صايره موضه
امشي وكم
لوووووووووول
اشهالحاله
يا بعد قلبي
ميخالف ميخالف مسحيها بويهي
اصلا انا فخورة فيج والله
لو ديرة ثانيه جان ما قطو شي بالارض واحترمو نظافتها بس في ناس حمدلله والشكر ما يحسون بقيمة ديرتنا ولا يحافظون عليها
جنه مأجرينها
ما جنها ديرتهم طول العمر ولازم يحافظون عليها بكل الاشكال
:(
اجمعييين يارب
وأيامج كلها اعياد وفرح يا جميله
:*










Sara
~~~~~~
وي يا بعد قلبي قلبج
شنو هالسر الخطير؟
استحيت
:)
وايد ونستيني سارونه
ما قصرتي



اي انفعلي انفعلي
ترا كاسره خاطر روحي انا
تهقين اكم؟
وي يا حسرتي باجر وين استكانه
والله لاحقه بنات تكم عليهم
لووووووووول
الله يستر
!!
ايامج سعيده
وصاجة
يا حلو اهلنا وعيدنا ويمعتنا
الله لا يغير علينا ولا عليكم قولي آمين

esTeKaNa يقول...

شيما
~~~~~~
هلا بشيما هلا
:)
اي والله اللي اختشو ماتو
راحت موضه الحيا اصلا
!!
ايامج سعيده يا الغاليه
وعسى عمرج كله فرح وأعياد













vipyah
~~~~~~~~~
افاع عليج
اليوم اللي انتي بتيينا
اسوي لج زواره واستقبال رسمي
ونفرش لك السجاد الأحمر
وسلام وطني بعد
:))
حياج الله

esTeKaNa يقول...

مشاري
~~~~~~~~
خطاك اللاش
والله بدعو فيني
:(
وصاج والله
المشكله انه صار من الأمور الغير مستهجنه للاسف

عيدك مبارك
:)












الزين كله
~~~~~~~~~~~~
وااااي بعد روحي انتي
اي نفخي ببطني
اخاف عقب هالخرعه على قوله يدتي ما منج عيال
:Pp~
واي مو الا تصفرين مو الا
بس تقدرين تيببني لي؟
احب اليباب انا
:)))
لا خلا ولا عدم يا شيخة السنع انتي
:*

5roofa يقول...

لووووووووووووول

امبي انتي مبدعه

واااي موتيني من الضحك
تدرين انا لي صارلي هالموقف و احد قبالي جذي تشوفيني ساكته و امشي ورا
حتى ما اتحرك
:/

مادري ليش

بس صج انا اخاف اسوي الي انتي سويتي لانه صج ماتدرين شيسون هالناس

لووول يالقويه هديي لا يصير فيج شي سمله عليج


و على اليعه عندي و عندج خييير

علبو اول حفيده بالعايله شقيني شق
قهوة
جاي
ماي
حلو
كيك

واااااي تخلص اليمعه انا خالصه

لووول بس على قولتج اهل شنسوي

salamz swetee...

Sn3a يقول...

بالنسبه للموقف الاول
زين سويتي
شنو باجر توصلين على ما طلاب الغرام يخلصون يعني
ختولي جليله الحيا ولاتكدرين عمرج

اما بالنسبه للتطريش
فانا اشوه اقعد مكاني مثل الملكه بالزوارات .. ساعه ان كثرت وامشي
محد يحاجيني :P

乂♥Not.ViRGo♥乂 يقول...

بيئــــــــــه
على قولت المصريين

هذا مرض والله اللهم لا ابتلااء
تلاقينها ضايق خلقها و إلا بيئتها جذي و إلا شخصيتها في الطفوله غلط ..

يلوعوون الجبد
الله يهديهم


و عيدج مبارك :)

charisma يقول...

وى وى وى وى ويييييييييييي
ياااماااااااال ايدهااا الكسر حتى يا مال ايدها الكسر
هيلقيه الحمدالله والشكر

يا حبيبتى يا استكاانه يا يمه يالغاليه لا اتعرضييين لهم بالشيطاان طار فيهم
حشمى نفسج عن هالاشكااال
الى اتسوى هالحركات بالشارع شتنطرين منها يعنى بالله
:/

استغفر الله وااى احترييت وارتفع ضغطى
والله ما تستاهلييين يا حبيبت قلبى انتى

وااى اتخيل ويهج ووانت مخترعه

الا تقولين بتردين المنكر وبتستنكرين للفعل
ههههههههه
ذكرتينى بسالفه قلب
نفسج خوافه بس اجاهد اذا طفح الكيل لمنكر ما
لووول
والله لا يواريج ردة الفعل
ههههههههههههه

حطى بالج يت سليمه هالمره
لا يسفطونج ويطقونج ترى يسويها البخت
ههههه

سلامات يالغاليه
:**

Selezya يقول...

لووووووووول
قمت اخاف عليج من الحين

والله السكوت بهالمواقف احسن وايد .. يعني ناس ماعندهم شغل ماله داعي يضيع وقتج عليهم
يقولج التافهه (السفيه) دايم يغلب الشاطر والذكي والفاهم
فانتي لا تدشين وياهم خلي هالناس على مستواها
وكلللل عام وانتي بخير ياحلوه :)
ولا تقطعين ترا صايره ماتمرينا :)

Najmah يقول...

عيدج مباارك يااستكاانة

وكل عام وانتي بألف خير

دايما اقول
الشجرة المثمرة ترمى بالحجارة :)

مايشوفون شر

وماعاش من يجرحج يالغالية:*

ZoZOta يقول...

يا ربي شسوي

احبج من قلب

ولو منت معاج جان صفطته ودست بمردامهم عشان عيونج الحلوة

بس تدرين الهيلق اللي مثلهم تترفعين عنهم

:*****

سالفة العيد ومواجيب العيد وزوار العيد

آآآآآآآآآآآي

ترى آخر الليل ينزل علي عناد واصير مو طايقه حالي

وكل شي يتغير

حتى الشعر ينربط

والحمرة تنمسح

وتصير النفسية خلاص يعنى بس عاد من الصبح

قومي روحي بيوتكم

ابي احد يمسد رويلاتي

:)))))

اخ عيج يا ام السنع انتى

ومره ثانيه احبج يا منعنعه

DiLLi O MiLLi يقول...

وووووويه ووووويه يا أستكانة
عيل لو أعدلج تاريخي الحافل في شوارع الكويت
ألعــن من تاريخي الدراسي المأساوي

آآآآآآيه .. شقووول شحجي لمويمتي !!؟؟

البنت بـس كمّت عليييج ..!!؟؟
حمدي ربج وشكريه .. هذا بس طشااار
أهي حركااات حصّلت عليها من هالأشكال
راااح أكتب فيها كتاب .. وكل صفحة راح أحط صورة للحركة
وأكتب تحتها شرح للحادثة باليوم والتاريخ
ولااااا ... ماااا تحوشني ألا من البنات !!؟؟


مشكلتي أني أبي أصلح الكون

:)

esTeKaNa يقول...

5ROOFA
~~~~~~~~~
ها خروفتنا؟
اشلونج عقب العيد
عسى بس ماحد خطفج ولا هددج
:pP~
تضحكين علي ها
انا مبدعه ولا ام قذله شقرا
لووووووول
انا جذي مثلج كنت اسكت
اول مرة تييني القوة وما سوت علي
يتني ذيج الكمه المعتبره
:))
وحياالله زميلتي اول حفيده
الله لا يخلينا منهم قولي آمين

نورتي يا ابله خروفه

esTeKaNa يقول...

سنعه
~~~~~~
يا مسا السنع كله
:)
الله يا انتي بردتي قلبي يوم قلتي جليلة حيا
بالضبط بالضبط هذي اهي
!!
اووووه موديلج الملكه؟
والله احسن لج مرات تكونين ملكة
على الاقل تحافظين على كشختج
:))

esTeKaNa يقول...

乂♥Not.ViRGo♥乂
~~~~~~~~~~~~~~~
اي والله صاجة
اهم شي قلتيه الله يهديهم
آمين يارب
وحياج الله
نورتي البلوق وهذي الساعه المباركة
:)

esTeKaNa يقول...

كريزما
~~~~~~~~
واي لميني لميني
ماش فتي ويهي
انا كسرت خاطر روحي والله
:(
بس ميخالف
لن ولن نستسلم
يختج غزو غزو من هاليهلق لا حيا ولا حشيمه حق احد
:(
وي يا زين سالفه قلب
سلمي عليها
قولي لها تقراالبوست
يمكن نسوي مشروع مشترك
:)
اي والله لا يسفطوني
اسم الله علي
بدق عليكم ترا حزتها
وابي الفزعه


:**

esTeKaNa يقول...

selezya
~~~~~~~~~
ياهلا ويا مرحبا
والله مقصره
سامحيني
:(
بس يت فتره غطيت عن كل شي
وكاني راده بقوة
:)
اي اي
خافوو علي
كم اخمر سئلو عني
ما تدرون احد يكم علي
يحذفني
ما تدرين
لووول
:)
وانتي بخير وصحة وسلامه

esTeKaNa يقول...

najmah
~~~~~~~~
أيامج سعيده يا النجمه العاليه
وانتي بخير وصحة وسلامة
:)
ربنا يجبر بخاطرج قولي آمين
:*

esTeKaNa يقول...

zozota
~~~~~~~~~
يمة يمة
ليش بتسوين شي؟
مو تحبيني من قلب؟
انا بعدوالله
سسسسسسسسيم سسسسسسسسسيم
أحبك الذي أحببتني فيه
انتي اصلا بسرداب القلب خلاص
:**
واي يا بعد قلبي قلبج
تعرفين شنو كلمه مردانه معبره جدا؟
بردتي قلبي بالإيحاء
عبر الكلمات
:))
وي يا زميله السنع
عندي وعندج خير
اهم شي بالزواره المشهد الاول
شافو كشختج؟
بس خلاص
الكعب ينفصخ
يا زين الحفاي
والشعر مرفوع
بس ما امسح الحمرة انا
عياره احب الحمرة
لووووول
:))
تنورين كل بوست يا الزين
الله لا يخليني
:**

esTeKaNa يقول...

دلي ومللي
~~~~~~~~~~~
يا صاحبة الماضي التليد
فخورة انا فيج
:))
ماضي دراسي
وماضي في شوارع الكويت
متى بتنزلين مذكراتج متى؟
خليني استفيد من تجاربج
كيف توزع العبي بعد الزواره؟
كيف تدرس؟
كيف تتنقل في شوارع الكويت؟
علميني وانا اخيتج
:Pp~
ومشكلتي انا بعد



ابي اصلح باجي الكون
:))

`~MnO YeNSa! ~` يقول...

كل عام وانت بخير وصحة وسلامة :)
..... ابى الدفتر لو سمحتي ؟!!؟ :P
اشكــــــــــــال استغفرالله !! الله يستر عليهم للاسف انه بالكويت فيه جذيه !! لو انا.. جان صرت ابنفس الحاله انا من النوع اللي يسكت

فتى الجبل يقول...

انتي أكبر من هالأشكال
ولا يهزونج

esTeKaNa يقول...

mno ynsa
~~~~~~~~~
وأنتي بخير وصحة وسلامة
انا مثلج ترا كنت اسكت
بس الموضوع زايد زايد
وما زادهم الا سكوتنا

تبين الدفتر؟
افا علييييييج
تامرين امر
عاد اكتب في حق الاي سي دي ال دورة الكومبيتر اللي ماخذتها اذا تبينه نطري اسبوع بس اخلص الدورة واخذيه
في معلومات مفيده
وعلى ظهره رقم السيارتين
:))








فتى الجبل
~~~~~~~~~
الله يطيب خاطرك قول آمين
:)

5roofa يقول...

لا هالمره سليمه اشوه
و راعو مشاعري الاهل ولا يابو عيد ذبحو لووول يابو مذبوح خالص

لا تشوفين عفسه الويه اليوم مدرسه تسولف تقول مسوين عزيه و يايبين خمس خرفان لعبو معاهم اليهال و عقب ذبحوهم

يعني الاجرام ليش مادري ولا تاخذنهم على قد عقلهم تونسونهم قبل ما تذبحونهم لوووول كسرو خاطري مسيااجيين
:P

امين ياارب

salamz sweetee...

Very.Q8ya يقول...

يماااااااااااااااااااااااا!

اللي يحرررر انهم غلطانين!!! والغلط راكبهم ومع هذا جريئين!!!

وااي ترى النموونة هذي موجودة وبكثرة


المهم عيدج مبارك;*

غير معرف يقول...

العزيزة استكانة
انا احب اقري مدونتج ولكن يا اخيتي

تكتبين جرايد تقول تكتبين على الطوفة رحمينا شوي ودنا نقرالج ولكن تخلين الواحد يمل وهو ينزل بالبوست معقولة كل هذي سوالف فيج مو قادرة تطلعينها؟

نحبج ونعزج والله بس لما تكتبين اختصري الله يعافيج
:*

new one يقول...

تسلمين على الموضوع اللي متأذين منه ونعيشه وودنا نغيره ولكن ما باليد حيله....

ذكرتيني بموقف شفته من وحده من البنات اهي كانت رفيجتي بس بعد هالموقف ابتعدت عنها وخليتها زميله...
تدرين بالثانوي كانو يودونا رحلات للجامعه..المهم البنت بالمدرسه محترمه و الرحله جت فجأه يعني ما قالولنا قبلها بيوم... اهي لما درت والله شوي وتنجن افترت ع البنات صف صف تدور لهاكحل وجلوس>>مرطب ودسوس..
الدسوس هذي لزوم الكشخه لأن البنات كانو هابين بالدسوس البيضا..
وبالجامعه بس قاعده وتكركر والصوت صار ناااااااااااعم..صج طاحت من عيني


مشكوره ع الموضوع وزين سويتي لما قطعتي عليهم حبل الرومانسيه اللي مالها داعي..

تقبلي مروري وآآآسفه ع الاطاله

new one يقول...

تسلمين على الموضوع اللي متأذين منه ونعيشه وودنا نغيره ولكن ما باليد حيله....

ذكرتيني بموقف شفته من وحده من البنات اهي كانت رفيجتي بس بعد هالموقف ابتعدت عنها وخليتها زميله...
تدرين بالثانوي كانو يودونا رحلات للجامعه..المهم البنت بالمدرسه محترمه و الرحله جت فجأه يعني ما قالولنا قبلها بيوم... اهي لما درت والله شوي وتنجن افترت ع البنات صف صف تدور لهاكحل وجلوس>>مرطب ودسوس..
الدسوس هذي لزوم الكشخه لأن البنات كانو هابين بالدسوس البيضا..
وبالجامعه بس قاعده وتكركر والصوت صار ناااااااااااعم..صج طاحت من عيني


مشكوره ع الموضوع وزين سويتي لما قطعتي عليهم حبل الرومانسيه اللي مالها داعي..

تقبلي مروري وآآآسفه ع الاطاله