الجمعة، ديسمبر 28، 2007

!!يحدث كل يوم

يوما هادئا من أيام نوفمبر
على أعتاب الشتاء وفي وداع صيف طويل حار
ربكة غير عاديه في المنزل
يجول أبو خالد بلا سبب في أنحاء المنزل،وكأنه يبحث عن شئ ما دون سبب
وأم خالد في حالة من التوتر ،ترتب استكانات الشاي
تنتظر وصول الموالح
تعيد على الخادمه للمرة المليون التعليمات:
اول ما يوصلون عصير
وبعدين يبي جاي
ونطري لما اقولج دخلي الموالح
!!
.
.
.
.
.
فوضويه الغرفه تعكس نفسيتها
وتلك الملابس المتمدده على السرير دون ترتيب هي نتيجة حيرتها
كحل وبضع مواد تجميل انتثرت فوق تلك الملابس
ماذا ترتدي له؟
!!
لا تعرف عنه سوى اسم،وبضع معلومات من أمها
موظف في شركة النفط وعمره 28 سنة
هو الإبن الأكبر بين اخوته
ابن عائله محترمه جدا كما وصفه اباه
وذو اخلاق جيده كمااخبرها اخوها خالد
اي معلومات أخرى؟
مجرد معلومات بسيطة،فالشاب سيأتي ليراها
قد تعجبه وقد لا تعجبه
ان اعجبته،انتقل الخيار لها لتفكر وليستمر السؤال من اهلها
وان لم تعجبه،رحل دون اي تقدير لمشاعرها
!!
لا تأخذي الأمور بحساسيه ،هذا حال الكثيرات
مابين الحين والآخر يأتيها اتصال من عائله قد ذكرت لهن
وتأتي معاينتها من لجنة التحكيم
!!
قد تتكون لجنة التحكم من الأم والأخوات دون الشاب
وقد تتكون لجنة التحكيم من الشاب بشكل أساسي
رفضت فكرة االعرض والتقيم تلك أملا في يوم يأتيها شاب أرادها
أقصى ما تمنته ان يطلب ودها شخص أرادها
لا..لم تكن تريد قصه حب اسطوريه ،ولم تعش اي احلام ورديه
كانت واقعيه حتى في حلمها
كل ما ارادته ،شاب رآاها
أحب شئ فيها
أعجب بشئ في شخصها
جائها راغبا هو فيها
وليس شاب جاء بقياده ام قد عاينتها في احد المناسبات فأعجبت بتسريحتها
واناقه لبسها
دون حتى ان تسأل عنها وعن أخلاقها
!!
سترضخ للواقع
ستتجمل
وستقابله
قد يكون...وقد لا يكون
نصيب
!!
.
.
.
.
مسج من شيخة:
كشخي دلول وطمنيني بس يطلعون
تقرأ مسج شيخة وهي تكحل عينيها
ترتجف يديها وكأنها للمرة الأولى تكحلها
لن تزيد من معيار المكياج،فعادة الشاب لا يحب المكياج الزايد
ولكن....قالت لها خوله صديقتها ان زوجها انبهر بمكياجها اول مرة
!!
تنظر لنفسها في المرآاه،هي تميل للامتلاء
وقد سمعت من خالتها يوما انا مشاري ابن خالتها يبحث عن زوجة رشيقه جدا جسمها غير قابل للسمنه
!!
وكيف سيعرف قابلية جسمها للسمنه؟
قال لها انظري لأمها وخالاتها..ان كن سمينات فذاك يعني انها ستكون سمينه يوما ما
لو كانت افضل بنت في الكويت،دون رشاقه لا اريدها
!!
لما تتذكر زوج خوله،وشروط مشاري،وكل المواضيع التي سمعتها الآان
لولا تعدد الأذواق لبارت السلع...وهي اليوم سلعة
بكل مشاعرها وأخلاقها ورقي تفكيرها وتميز شخصيتها
!سلعة
.
.
.
.
صوت الجرس يقطع تفكيرها،تتجاهل وصولوهم وتظل تدور في حلقه مفرغه حول نفسها
تنظر لمرآه للمرة المليونتعش
وتحاول الانصات لاي صوت قادم من الاستقبال
تطرق الباب أختها:
واي دلال طويييييييييييييييييييييييييييييل
شفته من فوق واقف بره
!!
طويل؟
غيرت حذائها باحثة عن كعب اطول
وظلت تتنتظر صوت أمها يناديها
.
.
.
.
تنزل الدرج بخطوات بطئية متثاقله
احساس الإنسان انه محط للتقيم بناء على معايير ظالمه احساس مخيف
تمسكها أمها من يدها تدخلها الصالة
تبتسم وتهمس بصوت خجول:
السلام عليكم ...لم يسمع من ذاك السلام الا حرف السين
.
.
.
.
بعد السلام تجلس على اول مقعد بجانب الباب
ويتوسط هو تلك الأريكة مابن أمه وأخته
يسود نوع من السكوت والتوتر،وتنقذ الموقف خالته لتفتح حوار مع أمها وعمتها
يدور الحوار حول مواضيع شتى
من مطبق السمج وكيفية اعداده
الى مشاكل الخدم
مواضيع كثيرة ليس لها معنى ولا سبب
!!تركز هي النظر في سجادة غرفه الاستقبال،اول مرة تكتشف النقشه المميزة على سجادتهم
ينتقل نظرها من السجادة الى حذائه،حذاء لامع بني،ونظيف جدا
تحاول اختلاس النظر له
تشعر بوجود (بلد)في جفن عينيها،،ثقل يجعلها غير قادره على رفع عينيها لتراه
!!
اشلونج دلال؟
تسألها ام فهد محاولة امتصاص قليل من ذاك التوتر
تجاوب برقي مع ابتسامة جميله
وينتقل الحوار ما بين أخته وبينها
!!وظل هو صامت
وهي متوترة
تشعر بثقل طينتها
تتمنى لو تكون اكثر تلقائيه وعفويه..ولكنها غير قادره على ذلك
.
.
.
.
.
تنتقل معه لزواية في طرف غرفه الاستقبال
رغم خجلها شعرت بأن نظراته تأكلها
يبدأ بالحديث عن نفسه
عن ما يحلم فيه بفتاة مستقبله:
هو لا يحب الفتاة كثيرة الخروج
يحب البنت الأنيقه الرشيقه الجميله دائما
هو عصبي،لا يحب البنت العنيده اللي ترادده
ويحب ولا يحب
وهي صامته
!!
تتسائل بينها وبين نفسها عن سبب تلك النبذه التعريفيه غير الموفقه منه
ورغم ذلك تحاول ان تبتسم ..صريح وهناك قله من الشباب يتمتعون بالصراحة
كان ثرثار ،واثق من نفسه لدرجة الغرور،ولكنه وسيم
هي لم تكن هي..كانت انسانه متوتره لأقصى درجة خجله ولم يحاول هو بأي طريقه التقليل من هذا القلق
انتهت فقرة المقابله الشخصيه
قبلتها أم فهد وودعتها بحراره
.
.
.
.
.
تجلس أم دلال على حافة سريردلال:
يا يمة يا دلي خوش حموله
الأم سنعه والولد حليو
وخوش حموله من مواخيذنا
ابوه كل من يمدحه،والام سنعه يازت لي
!!
تتكلم الأم وتمسح دلال الرسائل من علبة الوارد
تبذل الأم جهد في شرح كل مزايا الولد
وتتجاهل دلال حقيقة في ذهنها
مع حنة الأم ينفذ صبرها:
يمة اهم دقو قالو انا عجبته ولا لا؟
نطري
!!
تنسحب الأم بصمت من غرفه دلال
تترقب اتصال أم فهد
يمر اليوم....يومين....ابو خالد يسأل
وأم خالد تتحرى
وودلال تتصنع عدم الاهتمام
بعد ثلاثة أيام تتصل أم فهد:
والنعم فيكم وببنيكم بس نصيب
الولد يبيها طويله وضعيفه،وشوي بنتيكم متروسه الله يحفظها
ويوفقها وتفرحون فيها يارب
!!
.
.
.
.
.
.
بعد شهر :
مسج من غنيمه:
تمت خطبة خلود الفلاني على فهد الفلاني امه فلانه الفلانيه
تقرأ دلال المسج وتبتسم
فهد هو ذاته من زارها ذات يوم
وخلود هي زميلتهافي العمل
اقصر منها واكثر إمتلاء
ولكنه يحبها من 3 سنين ولم تكن امه موافقه لاختلاف المستوى الاجتماعي مابين خلود وفهد
ولم تكن دلال تعلم بتلك القصه الا من غنيمه وقبل ايام من خبر الخطبة
رضخت الأم للواقع....وتمت خطبة فهد وخلود
نصيب
!!
تتصل فيها أمها للمرة الثانيه في ذات اليوم
تسألها عن العمل وعن أخبار فلانه وعلانه
تعرف هي هذا الحوار ،وتعرف اسلوب امها ان كانت تحمل خبرا:
يمة اشفيج؟منتي خاليه
تخفض الأم صوتها لتعلن خبرا جديد متجدد كل يوم:
داقة علي ام عبدالرحمن،،ولدها الصغير يدورون له
وودها تيي تشوفج،وما تدرين كل شي نصيب
ويتكرر الحوار
وتتكرر الأحداث
ويبقى النصيب نصيب
!!
.
.
.
.
تخيل :
ّ~~~~~~~~
لو انتهت الأمور لزواج دلال وفهد
!!
ينهي فهد اتصاله بخلود ويدخل بصحبة أمه لبيت دلال
تأتي هي بأحلامها الورديه بكل انطلاقها لتكتشف بعد زواجها ان قلب الفهد معلق بأخرى
!!
تخيل لو ان فهد شاب مميز ذو أخلاق عاليه ..وكانت دلال صاحبة تجارب وماضي معتم
ولكنه لا يعلم،اعجب بشكلها وبخطة الكحل في عينيها
ولم ينظر لما هو أعمق من كل ذلك
لم يدقق في روحها،في شخصيتها وفي دينها
قبل ان تنزل لتقابله...كانت للتو ارسلت مسج لآخر
!!
تخيل احساس دلال المميزة بأخلاقها وبرقي روحها
البسيطة في جمالها
وهي تعرض كل يوم على شخص
يراها احدهم ضعيفه اكثر من اللازم
ويراها الأخر سمينه
وماذا لو....سعى اي خاطب لرؤيتها في مكان ما دون ان يجرح احساسها
وثقتها في نفسها وافكارها؟
.
.
.
الطيبون للطيبات
!
حقيقه نسعى لتأكيدها في أراوحنا لنبقى طيبين ونستحق الطيب

‏هناك 116 تعليقًا:

Selezya يقول...

اول شي بوسه على راسج على هالبوست :)

طلعتي اللي بقلوب البنات :)

ومثل ما قلتي يحدث كل يوم :))


وعلى كلامج الاخير تخيلوا لو فهد تزوج دلال وقلبه متعلق بخلود .. فمالاداعي نتخيل هالشي لانه اساسا موجود وصار وخلص بعد مع كثير من الاشخاص :)


يعطييج العافيه يالغاليه وعسا الله يرزقنا بالزوج الصالح :)

حلم جميل بوطن أفضل يقول...

أفكار صحيحة .. لكنها أحادية

بودي أن تقفزوا الى الضفة الأخرى و أن تروا الأمور من هناك

تكلمتي عن دلال .. و لكن لم تتكلمي عن خلود

في النهاية إحداهن نالت نصيبها .. ما يصير نشق الريال بالنص


أستطيع أن أكتب مئات القصص التي تناقض فكرتك من الموضوع .. لكن ماذا سيغير هذا من الأمور ؟

يبقى النصيب نصيب

بوحمود يقول...

لوشاف بدون علمها بيعرف اخلاقها ودينها وشخصيتها؟ بديرتنا الزواج للي مايبون علاقات غير مشروعه مثل البطيخة

ZoZOta يقول...

واقع محزن

بس واقع

عشناه

بنعيشه

بالنهاية احنا البنات ستاند باي

ننتظر موافقته اهو علينا

واذا كنا مستوفين الشروط اللي في باله

الشكل اول

وبعدين ايي الجوهر

يعرفها بأيام الخطبه

ويمكن لين اوصلوا للملجه يكتشف او تكتشف انهم ما يصلحون لبعض

متى بتتغير طريقتنا بالزواج

بوست حلو استكانه كالعاده

وقهوتج تنتظرج عندي في مدونتى

زياراتج قلت

ماعاد كلام الزين ايوز لج

:$

غير معرف يقول...

LOOL mshare '6a7akne e9ara7a..

ma t3jbnee 6reqat el zawaj el taqlidiyah.. wayid mn el nas ra7w '6a7iyat'ha swa2 kanat bnaya aw 9bay,

lil2asaf 9art el bint sil3a..7alha 7al qi63at gmash, ymkin ta3jib nas oo ma ta3jib nas thanyeen .... tra hatha el waqi3 oo mo tqleel mn sha2n el banat..

wle yzeed e6een ballah maqolat ena rayal shayil 3eebaa... a'7le lich el takmila ;)

oo y36eech el 3afya 3al maw'6o3 el 7lw

7osen يقول...

طريقة شرح الموضوع واايد حلوه

شرحتي الفكرة بطريقة واضحة

لكن هذا الموضوع صعب يتغير
يعني نقدر نختصرة بكلمة

مثل ماقال الأخ حلم جميل

نصيب

لكن المشكلة في رايي هي بالتجارب السابقة
إللى تكون قبل الزواج
وهذا الشي ما نقدر ننكره

خصوصاً بالنسبة للبنت

يعني صعب على الريال إنه يكتشف بعد الزواج إن زوجته كانت على علاقة مع شخص ثاني

ثانياً
إنتي صورتي دلال كأنها سلعة
معروضة

لكن هذا الشي اهو يتم بهالطريقة
ولو كانت أهي إللى تروح وتخطب الريال جان سوت بعد نفس الشي وقالتله
أبي ريال جذي وجذي

أعتقد إن الموضوع معقد شوي ويعتمد على عادات كل مجتمع

وبالنهاية تبقى مسألة الزواج قسمة ونصيب

:)

عــــاشــــه يقول...

عزيزتي إستكانه

هذا واقع
صعب نغير أعراف المجتمع
الحمدالله عندنا ماأيي الشاب
بعد هالي قاصرإي ويدخل ويشوف ويقول ماعيبتني
من هو عشان يقول هالرمسه

ههههههههههههه

شكلي إشتطيت

Eng_Q8 يقول...

الزواج قسمه ونصيب

بس انا الريال الي يخلي اهله يدوروله ويعرضون له البنات وحالتهم حاله ويروح يخطب واهو يبي وحده ثانيه

سوري هذا مو ريال ليش يلعب بمشاعر بنات خلق الله ؟؟؟

خلصوا الرياييل وما بقى منهم الا القليل

Purgatory يقول...

بوست محزن، كله عن الزواج، ناطر بوست عفوي عن مغامراتج الشقلوبية

و شكرا

البرغ السكري

esTeKaNa يقول...

selezya
~~~~~~~~~~
يسلم راسج يا الغاليه
:*
هذا واقع مكرر كل يوم
بغض النظرعن نظرة كل بنت لهالموضوع يبقى انه واقع ويتكرر
!!
وفعلا هالشي صارمرات كثيرة
تنفصل قلوب بلا سبب
ويتحمل ذنب فراقهم قلب آخر
ايضا بدون سبب


الله يعافيج يارب
ويرزقج ياربي بالزوج الصالح ويفرحنا فيج
:*

الخيلاء يقول...

الزمن تغير .. و الناس تغير .. و معاير الزواج تغيره .. اول المهم الاخلاق و الدين و الاهل ..

الحين الشكل وثم الشكل ثم الشكل و بعدين اي دور الاخلاق و الدين و المواخيذ ..

يعني لو كانت البنت مستوفيه كل شروط الدين و الادب و الاخلاق .. ايصيرون هذيل كلهم بكفه .. و معيار الشكل بكفه .. يا يرجح كفتها يا يرضخ فيها بالارض ..

بس بالنهايه كل شي قسمه و نصيب .. ومثل ماقالوا الاولين " نصيبك يصيبك"

ومشكوره على هالبوست الواقعي .. و سوري عالاطاله :)

esTeKaNa يقول...

حلم جميل بوطن أفضل
~~~~~~~~~~~~~~~~~~
عجبتني ما يصير نشق الريال بالنص
hehehehe
:)
اخي العزيز
سقط سهوا احساس خلود من البوست
خلود لو ان فهد رضخ للواقع وتزوج دلال ستكون ضحية شبيه رجل وليس رجل

لست مع او ضد دلال او خلود
انا كتبت واقع
!!

اخي العزيز...انا لست فكرة الزواج التقليدي بالكليه ولست اشكك بالنصيب
ولكن انا ضد السطحية التي يفكر فيها البعض
ضد تعريض الفتاة لكم هذه المشاعر السلبيه
ضد السؤال عن شكل الفتاة واسمها قبل شخصها وأخلاقها
!!
اردت ايصال اكثر من فكرة مابين السطور
وانته اسم اله عليك فطين


الله يحفظك ويحفظ لك اسرتك ويبلغك ببنتك عروس قول آمين
:)

esTeKaNa يقول...

بوحمود
~~~~~~~
ياهلا ويا مرحبا اخوي بو حمود

الفكرة اللي قصدتها بدل لا يشوف البنت في بيتها ويعرضها لموقف محرج جدا ،ممكن يشوفها من غير علمها في مكان دراستها او عملها عشان نعدي نقطة الشكل
!!
بالنسبه للأخلاق والشخصيه
ممكن يسأل عنها من معارفها
عملها
الناس اللي حولها
حتى لو يسوي لها مليون اختبار
في دلائل في اشيا توضح وتبين
ومن ثم في استخارة تخليه بعدها يتوكل على الله

انته شرايك ؟
هل تعتقد ان العلاقات غير المشروعه كما سميتها اهو الحل؟

esTeKaNa يقول...

zozota
~~~~~~~~
هلا بالزين
سامحيني على القصور
الشحن مال لاب توبي خربان وعايشه عالة على الأخرين
:(
بس يايتج بكل شوق صدقيني




كلامج يعور االقلب
بس واقع
!!
مؤمنين ما راح تتغير الطريقه
بس نطالب بشئ اكثر عدلا
تقدير البنت اكثر وتقدير مشاعرها
وانتي ادرا اشلون
:)
حياج الله
يا حبي للقهوة
وكاني ياتج بس زهبي لي قهوتج
:*

strawberry يقول...

whallah mao`9o3ch waid 7elooo
elnas ma ya3jbhom el3ajb mara 6owela o0 mara `93efa o0 mara mtena o0 mara mowa`9fa o0 mara bent 3ayla kelna 3yal 3owayel o0 mtraben ma yfaker halbent mtrabya t9la7 tkoon zoja tt7aml elms2oolya or not yfakroon b2ashya2 thany...
o0 3ala fekra tara 7eta elbnat now 6al3en 6al3a yaboon wa7ed kash5a 3enda motr 3ajeb o0 3alehoom shroo6 tna7esh elryayel men 3ethra wald dertna ya5eth men bara o0 6ab3n ana ma agool kel elbnat elba3`9 menhom bas waid mashkoora l2nch tkalmty 3an 7a8e8a bdertna

esTeKaNa يقول...

anon.
~~~~~~~
ماهو هين مشاري ها؟
ترا صج انا سامعه هالموضوع
وبالضبط ..كانت فكرته يجيك على الام والخالات والعمات
يعني ماهو خالص الصبي
:))
تشبيها بقطعه خام تعور القلب
ولو انها واقع
شنو تعتقد الحل؟
ندري الواقع ما راح يتغير
ولكن نطمح للمزيد من الاهتمام بمشاعر البنت والتدقيق في اختيار البنت اكثر
هالبنت بتكون ام عيالك
وبتربي رجال بيحلمون اسمك
مو مجرد عارضه ازياء يكشخون فيها
!!
الله يعافيك وحلت دنياك يارب

esTeKaNa يقول...

7osen
~~~~~~~
اخوي العزيز
حلت دنياك قول آمين
شكرا على ملاحظتك الجميله
والحمدلله ان الأفكار كانت واضحة
:)
أولا:
انا اشاركك الراي ان المشكله بالتجارب السابقه والمقارنه اللي تتم بصمت في قلب كل شريك
!!
في علاقات في حياه البنت او الشاب يمكن تخطيها لانه واقع نادر من تجده خالي
وفي علاقات للاسف تكون ابعد ما تكون عن وصف العلاقه النظيفه
تبقي اثرا
ويستمر لها اثار كثيرة في حياة اي من الشريكين
الموضوع نسبي
!!
ياما ناس نسو تجاربهم بعد الزواج وكانت فاتحة خير لهم
وياما ناس تجددت جروحهم بعد الزواج وفشل الشريك بمساعدتهم على تعدي تلك المرحله
ثانيا:
انا صورت دلال بأنها سلعه لإيصال فكره
حسين ...من حق الرجل حين يرتبط بانسانه ان يرتبط بفتاة أحلامه وان يجد وجه جميل بجانبه كل يوم
ولكن ..هل من المنطق والعقل ان يتزوج بفتاة لمجرد انها جميله دون الاهتمام بالسؤال عن اخلاقها
دون الجلوس والحديث معها
دون تقبل شخصيتها؟
يتحلى عليها يوم يومين
ومن ثم يمل المظهر ان يم يكن هناك جوهر جميل في مستقر ذاك الجمال

أتمنى اني أجدت بإيصال الفكرة
وشكرا لمرورك الجميل
وفعلا كل شي نصيب
:)

esTeKaNa يقول...

عاشة
~~~~~
هلا بأم مرايم هلا
اي والله من اهو عشان يقول هالرمسه؟
ههههههههه
عجبتني
بس بضيفها حق قاموسي
:))
عيل اشلون تكون طريقة الزواج عندكم؟
عطينا فكرة
مع العلم ان الزواج يختلف من عائله لعائله
كل الناس وسلكهم وطريقتهم
!!
يبلغج ربي بمرايم عروسه
وتسوين لها أحلى عرس
وتعزميني
وترا راح احضر من الحين مستعده
قولي آمييييين
:))

esTeKaNa يقول...

eng_q8
~~~~~~~~
ينصر دينك
:)
بالضبط...الريال اذا حب بنت وشاريها
يقدر يقنع العالم كله فيها
مو يتلاعب بمشاعر الناس من غير سبب


للاسف..راحو ريايل الدروازة
ويونا ريايل العازة
ما ننفي وجود رجال ينحطون على الجرح يبرا
ولكن انتشار اشباه الرجال يخوف
:(
مع احترامي للجميع



ربي يحفظك ويبلغك بعروس أحلامك عاجلا غيرآجلا يارب
:)

esTeKaNa يقول...

purg.
~~~~~~~
محزن عاد؟
لا ما عاش منو يضيق صدرك

ويايتك مغامراتي الشقلوبية العفويه
ابشر بالخير
بس لابدمن التنويع

توني من جم بوست قايله لكم انجرحت وكمو علي
جنك استانست على سالفه يمشون ويكمون علي
:Pp~

esTeKaNa يقول...

الخيلاء
~~~~~~~
يا هلا بالخيلاء
مساج الله بالخير
:)
كلامج عدل
انا مو ضد الاهتمام بالشكل
ياربي البنيه بتصير ام عياله وحبيبه العمر كله
معقوله ياخذ جيكرة؟
!!
لا والله ماحد يرضى
بس مو معقوله تصير الأخلاق والدين آخر ما يمكن الإهتمام فيه


نصيبك يصيبك
صاجة والله يا الغالية

ما طولتي ولا شي
رايج ومرورج يسعدني

حياج الله
:)

esTeKaNa يقول...

strawbery
~~~~~~~~~~
واي بكتب لج هالرد
وبروح ادوري لي فراوله
:)
مسا لفراوله اللذيذه كلها
والله كلامج عدل
بهالمهالموضوع تكلمت عن فكرة ان اللي يدوم الأخلاق اللي تقدر فيها البنت تربي العيال وتحتوي الريال
وهذا ما يمنع الاهتمام بالشكل
!!
الاهتمام بالاسم والعايله
والشكل
والكشخة بس
اهو سبب رئيسي حق الكثير من علاقات الزواج الناجحة ظاهريا الفاشله فشل ذريع وراء الكواليس
وشوفي معدلات الخيانه الكثيرة بين المتزوجين
!!
الله يستر على الجميع
ويوفق الجميع قولي آمين

bin3li يقول...

يا بويه احمدوا ربكم أنكم في هالقرن
و أن ماري منيب توفت
لو هي حية و ناويه تخطب جان يتكم و قعدت تفحص فيكم و تطيح فيكم تقرص
و تاكلكم فتسق و حصا عشان تشوف ضروسكم ضروس خيل و لا فالصو
:)

بصراحة استكانه البنات ما يدققون على الشكليات؟
ما يدققون على شكل الخاطب و نظافته و طوله و عرضه ومساحته و محيطه؟

المسألة هذه مرغوبة من الطرفين خصوصاً لو كانت الخطبة من النوع التقليدي
أما إذا كان الطرفين على معرفة سابقة في بعض و متقبلين شخصيات بعض ممكن مسألة الشكل يتجاوز عنها

الأشخاص إللي يتخذون قرار الزواج أو عدمه بشكل سطحي، من الأفضل عدم الارتباط بهم لأنه بعدها قرارات مصيرية في الحياة الزوجية بيتم اتخاذها على اساس سطحي

strawberry يقول...

fdeeeeeeetch wallaf afa tdaoren el faraola o0 e5tch maojoda??? o0 ana shno mhnti ?? 3yoony lech

wallah law elryayeel yfakroon 3adel hatha zaowaj elshakel y5da3 marat wallah ana wallah men elly ashoofa o0 kathrat el6lag bl-kuwait welmshakel at5aowaf men ashya2 waid :( allah la yablena o0 yowafg eljme3

esTeKaNa يقول...

bin3Li
~~~~~~~~~~
وما زالت حفيدات ماري منيب يعيشون بيننا
يتفحصون بشكل مضحك ااكثر من ما تتصور
:))
اتفق معاك فيما طرحته
الشكل مهم لكلا الطرفين
ولكن نحن ضد التشديد بالاهتمام بالشكل وبالامور الماديه وتجاوز ماهو أهم وهو الأخلاق والدين

بالكويت
نسمع كلمه جميله جدا اذا ما اب سئل عن ولد وعن أخلاقه وكان شخص مميز جدا أخلاقيا ودينيا
فإانه يعبر عن قبوله بكلمه جميله:
نحن نشتري ريال
!!
بمعنى ان الرجوله هي اهم ما يريده الأب لبنته ويفترض ان هذا اقصى ما تطلبه البنت
بالمقابل...نحن نطالب بوجود من يشتري البنت لأخلاقها
لدينها
للعديد من الأمور الأكثر عمقا من مجرد شكل


هالمرة يا بن علي اتفق معاك بالفكرة تمام...لو كان بينهم علاقة حب سابقه
سيتم التجاوز تلقائيا عن العديد من الأمور عند الطرفي برضا
:))

ربنا يوفقك يا بن علي ونفرح فيك معرس
واعزموني...انا ابي اشوف عرس بالإمارات
:p~

q8-diver يقول...

اتوقع موضوع الخطبه
فيه شوية تعقيد
خاصه مع التغيرات الحاصله في المجتمع
و الانفتاح الكبير اللي حاصل

برأيي لابد ننفتح زيادة في الخطبه بطريقه محترمة

esTeKaNa يقول...

strawberry
~~~~~~~~~~~~
وي تسلم عيونج والله
واي ترا استاااااانست
انا قلت لج اني احب الدلال والحجي الحلو؟
ديرو بالكم علي
اطلع دلعي هني ولا بره
:pP~
فعلا الطلاق منتشر بشكل رهيب
نروح عرسها اليوم ونفرح فيها
وعقب فتره بسيطة ننصدم بخبر طلاقها للاسف
!!
لا تتكدرين ولا تتشائمين
الطيبون للطيبات
ورب العالمين اعلم بالخيرة لكل شخص


حياج الله يا اجمل الفراولات
:Pp~

esTeKaNa يقول...

q8-diver
~~~~~~~~~
ياهلا ويا مرحبا
:)
الواقع اليوم يختلف عن الأمس
أوافقك الرأي تماما
واشدد على كلمة محترمه
:)

|:| DUBAI |:| يقول...

a7eb Hay Swaalf o ilStories

: D

Gelti Shia Ga3d Ystwee ef Kel Mojtm3

!

Thanks Estkana

الخيلاء يقول...

استكانه.. مساج الله بنور و الكرامه

انه الله جميل يحب الجمال .. ماننكر الاهتمام بهالشي .. بس ننكرعلى شبابنا اهتمامهم في انه يكون اهو المقياس الاساسي للاختيار .. بدون النظر للعوامل الاخرى التي اتساهم ببناء اسره سعيده

والله يحيج ويبجيج :)

محـــــارة يقول...

هلا وغلى بأخيتي ومرآتي .. ياني مشتاقتلج فوق ماتتصورين وربي يشهد يالغاليه

ابتسامة علقيتها بعد قرائتي لهلبوست لصدق وشفافية الكلمات الي فيه

رضى من رضى واحتج من أحتج .. قلنا نصيب قلنا قسمه مادري ضرب .. يبقى العملية فيها ظلم وتهميش لعمقها

بثواني وبنظرات مبيوقة وبكلمات عايمة نبني علاقة ونكون من بعدها عائلة

مع كل احترامي للريايل المعايير صارت سطحية جداً والدليل طريقة الاختيار والمواضيع الي تنطرح بوقت اللقاء تبين وين وصلوا ولي وين يبون يروحون

على العموم بواقعنا خلوا البنات سلعه رضينا أو مارضينا صاروا الشباب يستحقون هالمنزلة وهالفرصة أم لااا

مابيدنا غير نقول أن قسمة ونصيب حتى لو كانت المعايير فيها ظلم كبير بالطريقة على البنت وعدم احترام لا لثقافتها ولا لمشاعرها بغض النظر عن النتيجة

ومرسي يالغاليه على هالبوست .. مشتاقتلج موت

shakshaka يقول...

estekana bethab6 tharabtayyyy 3al watar ... sheno ya3ni eye wa7id weya omma wo ydish eshof el bnt wo ye6la3 wo b3dein egol ma3jebatnee 9a7 ana ma3ach lawla ekhtelaf el athwaq labarat elsela3 wo mn 7aggah yetshara6 wo yegool ele yabee bes mo 3la 7sab nafseyat el bnt teye tshofha wehya tadre enek yay laha wetridha tara walllla it hurts! ehya mo fatrena kelmin e6il feha wo yamshee! hal mawthoo3 wayed ye7ernee bes hashay laze eye mn el ahal enhum yarfethooon bint;hoom mo fatrena etha yabi yshoofha fe malyooon mukan yegdar eshofha feh wo mn ghair latadree ! wetha a7ad dag 3al ahal awal sual lazem tes2ela el omm ohwa shayefha mn gabel wetha galaw la khalha tgoolihom we're sorry!

فريج سعود يقول...

قلبي معاكم يا البنات
المفروض انتوا بعد لكم الحق في التفحص عدل مدل حتى ريحت حلج الصبي من حقكم تشمونها
سوري على التعبير بس احب اكون صريح بهالسوالف
بوست اجمل من الجميل

a7La eNG يقول...

و انا ابي اروح عرس بن علي بعد
:P

---

شرايج باللي يقول
ابي وحدة ما عندها حوض
@@

لي اليوم اضحك كلش مو دارس احياء
:D

anyway ..

موضوع يحتاج ثورة صراحة
و الأهل اهما الاساس فيه

هم من يعرض بناته لهذه المواقف
ليس تحاملا او تجاهلا للواقع

لكن دخلة المتقدم للبيت المفروض ما تكون سهلة

لازم يستوفي و يستوفي و يستوفي
شروط دشة بيوت الناس


لما قلتي سلعة
كنت قاعدة اكل ذرة
زعلت على الذرة
زين جذي يعني انام من غير عشا
:D



البنت نفسها و من غير فلسفة
لازم تحدد قيمة نفسها
البس لبس انا عاجبني
و احط ميك انا احبه

لانه اليقين الاكبر
نصيب

شايفها عند الخباز ببلوزة اكبر منها مالت اخوها خذتها و لبستها مستعيلة عشان تطلع


والا بمؤتمر عالمي لابسة اللي يطير العقل
و قمة في كل شي


يعني الخلل الحين .. اللي انا اشوفه
من البيت نفسه شلون اي احد يدق دخل البيت

من البنت و حساسيتها المفرطة

و الشاب .. اللي ما يدور نوعية
ههههههههههههههه

اضحك على نوعية

ما يشوف شر بمعنى الكلمة

عوووع
ريال شكو بكحل و الا غيره

هذا اصلا مو فاهم شنو يعني
حـــيـــــــــــاة مشتركة ياية بالطريج


اساس رؤية الخاطب للفتاة
( عسى ان يوأدم بينها )

يكون في ود و ألفة و قبول
أولـــــــــــــي


شلون بيعرف رقيها و فكرها و شخصيتها
و امه معطينها الاسم من طرف يرانهم مثلا
!!

كل منج ليش تقولين سلعة سلعة
عصبت
:P


الموضوع جدا بسيط
واقعي
و ما قلتيه يحدث كل يوم
بسبب من يقوم به


شخصيا
ممكن اقبل هالموقف اذا كان في اراء مشجعة و صادقة من ناس حوله

و هالشرط سهل يتحقق
بحث و سؤال حثيث عن سعيد الحظ

و الشوفة بره البيت الله يعافيج
عقب عاد يبي يشوف الشخصية و الاسلوب و لمنطق يالله من فضلك

حياه الله عند المحول يم البيت

يالا عاد لا تقولين سلعة لا اصير راهبة عناد فيج و بو قطاااار اللي خبرج
:************

5roofa يقول...

ياااا عمريي يا استاكاه تعالي المج

تدرين شنو بوستج ياي في وقته

اكره اني اكون سلعه و امي تقول البنت جذي تزوج

و عماتي يقولون البنت مثل طاقه الخام الكل اي يشوف تناسب مواصفاته ولا لا

ياا سلاااام ليش مو انا الي اشوف شنو يناسبنيي

لووول بس تبين الصج شعور مو حلو لمه تنزلين مخترعه

و الاخرع انه و انتي مخترعه تكرفسين على السلم و يضحك عليج
:P

ماني قايهل تجربه شخصيه لووووووووول
تصدقين استكانه تكرفست و عجبته خفت دمي
:/
شكو الكرفسه بخفه الدم الاله يهدي مادري و انا مسويه نفسي رشيقه لووووول

لا بس صج خوش موضوع يبيله اقول حق امي تقراه عشان توقف الحنه شوي
:p

لمه ثااااااااانيه قبل ما اروح

و على قولتج النصيب نصيب
تي عرات كل شي يكون متوافر فيج و في و مع هذا مايصير نصيب
ومرات ما يتواجد ولا شي و يصير النصيب

مشكوره يالغالي

salamz sweetee...

سدرة العشـــاق يقول...

واااااااي سكتي لا تذكريني
انا بس حفظت زوليتنا لوووول إلا شوي و أعد جم وردة فيها لووول

و مادري جم طاولة دعمت لمل قعدنا برحنا لووول و نفس الطاولة اللي طقتني طقت فتى الجبل لووول

-------

صج الموقف اللي يصير حق البنت صعب و على قولتج جنها سلعة بس شتسوين ؟ اي طريقة ثانية راح يكوم مسماها غير شرعي، عيب، خارج الأعراف و التقاليد تصير سمعة على الفاضي
و عسى الله يوفق كل بنت بالريال الصالح و اللي يخاف الله فيها و أولهم انتي إن شاء الله

:)

Q8i_Blogger يقول...

هذي الطريقة الوحيدة

يعني الي مايصادف بالشارع .. والدوام بمدرسة مثلا
شسوي ؟؟؟

طريقة مناسبة ومافيها مخالفة لا لدين ولا لعادات

والزواج مثل ماقلتي قسمه ونصيب :)

يعطيج العافيه على البوست الجمييييل

joy يقول...

ابدعتي استكانة
ماشالله عليج

اشبعلق على شنو واللا شنو كل كلمة جنها من لساني

واقع واقع مرير نعيشه احنا البنات ويعيشه الشباب
اننه الزواج مو على كيفنا


بس نسأل الله التوفيق
ويعطيج العافية
بس اشوةانه فهد خذا خلوود واللا جان هوليلة

bin3li يقول...

و الله يبغون يحضرون يساهمون في التكاليف
:P

أنا بتمرد على التقاليد
بدال ما أوزع دعوات
ببيع تذاكر حضور الحفل
و بالمرة بسوي حملة تبرعات حقي بسميها
بلوقر العطاء

بـابـل يقول...

صباح الخير


القسمة والنصيب همه الحكم وبس

وكل أنسان الله كاتبله أنسان

وسالفة السمنه والطول والعرض والجمال هذى أسباب مو أكثر


والله يرزق كل بنات الناس



تسلمين عزيزتي عالموضوع الحلو


وبس


بابل

mtfa2el يقول...

يعطيج العافية
البوست قوي و مهم و نحتاجه بقوة هاليومين !!
بس من بعد كلمة تخيل صارت لي كوابيس
.
.
شالحل ؟؟؟؟؟

بنت الشامية يقول...

انا الحين امر بدور ام فهد
ووصيتى حق عيالى قبل ما ندق على اهلها لازم تشوفونها.....واذا حصلت لكم فرصه تقابلها فبل مانروح لاهلها يكون احسن لك ولها....على الاقل لكسر الحاجز النفسي بينكم
وكل شيئ اذا كان مرتب بطريقه واضحه وصحيحه لا اهلها يمانعون ولا اهله يمانعون...من حصول هالمقابله...وفى ارض محايده
واعتقد ان هالطريقه ما فيها اى مخالفه للشرع
اعتقد ان هذا الحل الامثل لتجاوز الحراج بين الشباب بهذه الايام...والعمليه تتم بسريه وبسكات
واذا تم التوفيق خير وبركه
واذا ما تم النصيب صلوح ملوح وكل من يدل بيته يروح
هذا الموضوع يعتمد على الشاب... ومدى دردحته
---------
ترى صج الموضوع صعب وخصوصا بالكويت
الله يعين شبابنا
خوووووووووووش موضوع
-------
وبعدين هذا فهد ما يستخى على ويهه بنات الناس مو لعب....لازم يصير ريال
ما دام عند وحده ويبى يتزوجها
ليش يخطب بنات الناس...يتفاهم ويه امه اول فبل ما يروحون بيوت الاوادم
ويخطب بناتهم
ليش مسكينه دلال تدفع ثمن ضعف فهد
شلون يدفع فهد ثمن هالايذاء النفسي
لها وهو ياي ورافضها مسبقا
لو انا من ابو دلال لاناديه واعطيه درس بالاخلاق عمره ما ينساه
بنات الناس مو لعب

bin3li يقول...

أنا عجبني كلام بنت الشامية

و المفروض دلال ترفع قضية على فهود و أمه
و تاخذ تعويض مادي بدل إيذاء مشاعر
أنا أقول لو تفتحين مكتب محاماة متخصص في هالسوالف، كل وحدة انجرحت مشاعرها ترفعين قضية على المتسبب
و بالمرة ترفعين قضية على إللي كموا عليج
:P
منها تساهمين في رفع أخلاقيات الشارع
و اخلاقيات الخطوبة
و منها القضاء على البطالة إللي عندج و خردة للزمن
و منها تسلفين أخوج عشان أقدر أعزمكم
;)
و بجذي حلينا كل المشاكل
and we live happily ever after

darkness يقول...

ستكانه؟؟!!؟؟

مممممممممممممممم

اول شي ذكرتيني بوايد احداث الله يهداج

طبعا البوست رووووعه

و مضمونه اروع

و فهد هذا وايد منه

شكثرهووووووووووم


تبين اكمل لج باجي القصه؟؟

و الا بلاش

عموما هذا الوضع السائد و صحيح انها طريقه فاشله بس شنو الحل يعني؟؟

حتى لما اكلم امي بهالشي تقول لي يعني شلون ياخذج على الوصف؟؟

بس ترى البنت بهالوقت ما تكون اهي اهي

تكون مرتبكه حيل و مو عارفه شقاعده تسوي

يلا ربج كريم

و الله يرزقج بولد الحلال اللي يصونج و يقدر قيمتج

و يا رب يكون صالح و حنون و يخاف ربه فيج

:)

someone_q8 يقول...

السلام عليكم
اهنيك اختي على هالموضوع الجميل
واسلوبك الراقي في كيفية سياقته الطبيعية للأحداث العامة والدقيقة
ولي نصيحة للجميع ارجوا انها تكون خفيفة للكل وهيه صلاة الاستخارة
الاحظ على الجميع التوتر والقلق من شريك المستقبل في جميع الامور وللتخلص من هذا القلق يمكنكم ان تصلوا صلاة الاستخارة وهي الفاااااصل بين الرغبة بالزواج او عدم القبول
لان صلاة الاستخار تكون بين العبد وربه وان النصيحة الصحيحة سوف تكون بين الرب الى عبده فا تخيل ان ربك يلهمك ويقول وينصحك هل شريك الحياة ان تستاهله ام لأ , هل هو مناسب لك ام لأ
اتمنى للكل حياة سعيدة وليعلم الازواج ان الحياة الزوجية لازم فيها بهارات الحياة وهي المشاكل العادية
ولكم مني كل تحية واحترام

ReLaaaX يقول...

تهقين يعني لو لابسه كعب جان اضبطت وياي ;p

لا بس قايلة ماني فاصله


--

ياحلو دلال والله وياااابخت اللي بياخذها .. وعلى قولتج .. لو ان هالفهد خذاها جان صارت مجرد انتيك بالبيت او مزهرية وقلبه مع وحده ثانيه


ماقول الا حسبي الله على هالثانيه اللي موعاتقته حتى يوم راح خطب .. والشرهه عليه بعد اهوا ليش ماقال حق امه الا عقب مادشو وشافو البنيه مقروده

ليش اهيا بضاعه يدشون يشوفونها اعجبتهم والا مااعجبتهم ؟

ماشاف ويهه قبل لا يروح ؟ المنه عليه اذا بترضى فيه اصلا !!!!!


لا لا تكفين انفعلت وايد مع الموضوع
:)


وعلى قولتج


الطيبات للطيبين والطيبون للطيبات :))))


ولو ما ربي كاتب لها اللي احسن جان ماصرف هالاجلح الاملح عنها --> اللي يقول الحين شايفه سحنته :p


مشكورة استكانه بس وايد انفعلت الله يهديج بس الحمدلله مابجيت

Najmah يقول...

انا معاج

وفعلا يبقى نصيب

والخيرة بللي ربي يختاره

:)

اندمجت بالقصة ^_^

حياتي هدف مو عبث يقول...

وتكرر الأحداث كل يوم في بيت من البيوت
تدرين شنو المشكله إن دايماً التفكير إن الرجل إهو اللي يوافق أو يرفض
وما يدرون إن في بنات إهم مقررين من قبل لا يشوفون ويه سعيد الحظ ;p

Expatriate يقول...

هممممم

الفكرة انه لازم يشوفها
ممكن يرتب يشوفها في مكان عام بدون ما اهي تدري .. وهذي اهي افضل طريقة في رأيي

وبعدين يشوفها وتشوفه في بيتها بالترتيب مع اهلها طبعا بوجود المحارم
لان من حقها تشوفه بعد اهي وتقدر ترفضه اذا ما ارتاحت من شكله او طريقته

ما اظن السالفة سالفة سلعة تنشاف وتنعرض كثر ما اهي النظرة الشرعية مهمة من الطرفين .. يعني اذا تبين تقدرين تقولين اثنينهم سلع .. اذا مصرة على سالفة السلع
:)
لا مؤاخزة اتغشمر بس

عموما
الشباب والبنات من الطرفين معطين الشكل اهمية كبيرة جدا للأسف وهذي في نظري رؤية سطحية لمفهوم الزواج والى ارتباط المفروض يستمر مدى الحياة

شسالفة عمر 28 سنة ؟
قبل الزواج المبكر كان 18 الى 20 سنة ويقولون مو زين
الحين حتى 25 سنة خلوه زواج مبكر بعد

باجر 30 سنة يقولون زواج مبكر

يعقووبوو يقول...

الزواج التقليدي مايعجبني (:

غير معرف يقول...

صبااح الحب الى بالدنيا كله
صباح الى موتتنى وضحك وخلتنى انام وانا ميته ضحك
لوووووووووول
واى استكانه اذكر السالف واتكركر بفراشى
هههههههههههههههههه
يحلوها والله

وانا اقرى البوست مراو على نماذج من واقع حياتى
وااايد مروا على نفس هالحاله
يا من بنت يا من الريال
كل واحد بقلبه حب واهله مو راضين ويخطبون له بنات الناس وتتشربك المسائل
واذا تم يا تنفل الخطبه يا طلاق
://

مأساة

وهذى الطرييقه اكرهها
خل يشوف شكلها بره بعدين ايى البيت
واالله حرام كسره حق البنت هالطريقه
://

وبالنهايه كل شى قسمه ونصيب

:***

كريزماا

Peace يقول...

نشكرج
esTeKaNa
على هالموضوع

الاعتراض مو على المبدأ ، و لكن الاعتراض على الطريقه
ليش ما يفكرون بحالة البنت في مثل هالمواقف و شلون تأثر عليها و تحس كانها سلعه معروضه
وانا أأيدج انه يشوفها بأي مكان من غير لا تدري يكون أحسن على الاقل تكون طبيعيه و ما تكون خاضعه للشروط التافهه!! أو ضغط الأهل

تسلمين

Ra-1 يقول...

واهيه ليش ترضى الولد يشوفها بالبيت وأهو مو شايفها من قبل!
قوية إيي يشوفها ويقول ما اعجبتني
:/
المفروض يكون شايفها بمكان واهي ما تدري أو صورتها وعاجبته بعدين إيي البيت

اجار الدين كشمش يقول...

تبين الصراحه

الخمال منكم انتوا يا البنات

اكوا وحده في هالوقت ترضى

تصير سلعه..من رادها انها تنقي

الشباب عاى افا من يشيل

ولا تقولين لي يا استكانه

ان ماكوا فرصه

كل البنات ينطرون بس

يصلون المغرب ..كل وحده ومفتاح

سيارتها ..لا ام تسأل ولا ابو يتدخل اصلا

وحتى لو اسألوا الاهل..

بس مجرد رفع العتب

اي خربوطه تقولها البنت

حق امها ..بساع ترد
الام ..عيل لا تأخرين

هذا اقصى ردة فعل

الخمااال منكم

انتوا نقووووا ..انا اشزيني

والله يا استكانه محد يلتفت

علي
هههههه
فمالله

فتى الجبل يقول...

أحيانا ننسى
ان الناس مخابر
مو مناظر

`~MnO YeNSa! ~` يقول...

مشالله

بوست حلو استكانه كالعاده
و الله احس اني عشت معاهم ...

و كلماتج يايه بوقتها الصراحـــــة ابي كل الناس تقراه

ray يقول...

شنو هذا

لا هالسالفة لا تتكرر ولا هم يحزنزن

مو كل واحد يطق الباب يفتحون له اياه

البنات مو سلعة و غلط أكبر غلط لمى الأهل يثبتون هالمفهوم بعقول بناتهم

بيوت الناس مو محلات

Glass Fabric يقول...

mawtho3ech wayed 7elo e9ara7a o allah ya36ech el 3afya ana batkalam 3an na7ya wa7da l2anna ma wedi a6awel bel kalam ok ;p bel zawaj el taqleedi me3yar el zawaj el mohem enha tkon 7elwa o ok bent zaina bas ohwa shlon be3aref akhlaqha ! betgolen mn el ahal ..mo shar6 yama banat ahalhom zainen bas t6la3 el bent mo zaina fa el shakel ohwa el shay elwa7eed el mathmoon fa t6la3 el bnya 7elwa o mo zaina ahwan mn enha jaikara o ham mo zaina :P

ZoZOta يقول...

استكانه

شفيها احلى انجنير؟؟؟؟!!!!!!

ليش مسكره بلوقها

شصاير؟؟؟

ليش؟؟؟

والله قلبي عورنى

ما تبينا

عافنا الخاطر خلاص

:(

esTeKaNa يقول...

dubai
~~~~~~~~
حياج الله يا دبي
ما كتبت الا واقع متكرر في كل مجتمع
بس هل الوضع عندكم في الامارات نفس اللي عندنا؟

esTeKaNa يقول...

الخيلاء
~~~~~~~
ياهلا ومرحبا بالخيلاء
بالضبط هذا اللي ابي اوصله
عدل والله كلامج يا الخيلاء
:)

esTeKaNa يقول...

محارة
~~~~~~~
يا هلا يا هلا
هلا بالحجة محارة والله
القلوب شواهد يا الغاليه
أنا
وبلوقي
وكل كلمة انكتبت
اشتقنا لج
لوجودج ولفهمج البوست ومابين سطورة
سعيده جدا بتواجدج
وسعيده اكثر...لأنك كالعاده تفهمين كلماتي اكثر مني
:))
وفعلا انا اوافقج الراي
موضوع الخطبه يحتاج بعض التعديلات وتعميق النظرة وتغير الطريقه بشكل محترم يرضي الطرفين ويساعد على اتخاذ قرار الزواج وهو اهم قرار
:)
نورتي البوست يا الغاليه
:*

esTeKaNa يقول...

shakshaka
~~~~~~~~~~~
يا هلا بالشكشكة يا هلا
:)
بالضبط هذا اللي ابي اوصله
من حق اي شخص يتشرط عند اختيار انسان راح يشاركة حياته كلها بس مو من حقه يتلاعب بنفسيه البنات

انا مع العوايل اللي تحترم نفسية بناتهم ويطلبون من اي خاطب اذا يبي يشوف البنت يشوفها من بره من غير اي جرح لمشاعرها
يازت له البنت توكل على الله ما يازت له،خلاص يصرف نظر بسكات


انا قلت لج انه انتي غير؟
ترا انتي غير وتستاهلين كل خير
الله يوفقج ويفرحني فيج عروس قولي آميييييييييييييييييين
:))

esTeKaNa يقول...

فريج سعود
~~~~~~~~~~~
حيالله فريج سعود كله
هذي الساعه المباركة نورت المكان يا نصير المرأة
يا من عطيتها حق ...صراحة ما تخيلته
:))

esTeKaNa يقول...

a7La_eNg
~~~~~~~~~~~
هلاا بشريكة الكفاح وصديقه العمر وقياديه الثورة
:p~
عليج الله ما يبي حوض؟
لوووووووووووول
منو هذا ما قلتي لي عنه؟
واي عيزت وانا اكركر
ذكريني اقولج شطرا ببالي يوم قريت



انا معاج الاهل اهم الاساس
اهم اللي يغالون بننتهم واهم اللي يرخصون فيها
مو اي شخص يدش البيت
ولا سهله نعرض مشاعر البنت لهذا الموقف مليون مرة
!!
ولا يمة اكلي ذره الله يعافيج
كل شي ولا عشا تالي الليل
:pP~
صاجة والله
جم واحده وواحده نصيبها ياها بمكان ما توقعته ومن غير حتى لا تستعد له


ايواااا انا ابي هالكلمة
النوووعيه
منو يا النوري يفكر بالنوعيه؟


واذا يه يشوفج بره ترا بروح وياج
hehehehehe
اهم شي خليت البوست وطار قلبي على هاالسالفه
اهم بس يحددون المكان
ونعطي المكان طله
ويفضى من اي مخلوق
لوووووووووووووووووول


اسم الله عليج من ذاك القطار الشاخط
بلا رهبانيه بلا قطار
الله يفرحني فيج والوفح لج قولي آمين
:***

esTeKaNa يقول...

5roofa
~~~~~~~~
هلا بالخروفه هلا
تعالي المج حبيبتي انتي
ولا تحرين قلبج ولاشي
ترا الأمهات مع احترامي لابد يخورونها بهالسالفه أحيانا
:))
لوووول
يا خف طينتج والله ما جذب
بس واي موقف محرج صراحة
!!
اي والله ...اصلا مرات اذا قلت شي او انتقدته يسكتوني يقولون لي سكتي ما تردين شنو ربج يكتب لج
غالبا الشي اللي تنتقدينه يصير بزوج المستقبل
تخوفني هالفكرة
:)

esTeKaNa يقول...

سدرة العشاق
~~~~~~~~~~~~~~
وي يا زين الحيا والله
عيل نفس الطاوله اللي طقتج طقت فتى الجبل؟
اي اي هذا النصيب مشاللله
يا حافظ جان وخرتيها عن طريجة
لووووول
اصلا في بنات يا سدره من الجرأة اللي فيهم يخلون الصبي يعد ورود الزوليه مو اهم
زمن يخرع انقلبت الآيه
:)
انا مع الطريقه الشرعيه
وعلى فكرة انا مريت قريت انه شرعا يجوز يشوفها من غير لا تدري حفاظا على مشاعرها ومشاعر أهلها
الفكرة اللي نبي نوصل لها يشوفها من غير لا يدري وثانيا يتعمق بالتفكير ويظفر بذات الدين والأخلاق
والله يا سدرة شوف عيني ناس اعرفهم خطبو بنات حتى ما يدرون عن اخلاقهم ولا سئلو عنهم مجرد اعجاب بالشكل
واسم
وسلامتج وتعيشين
ويبقى التوافيج من رب العالمين
:)
يا بعد قلبي مشكورة
وعسى ربي يتمم عليج انتي وفتى الجبل ويحفظكم قولي آمين

esTeKaNa يقول...

q8i-blogger
~~~~~~~~~~~~~~
حيالله الحاج والله
:)
انا كتبت البوست
والبنات علقو
اخذ لك قره على تعليقات البنات وشوف
!!
اانا مو ضد المبدأ
احنا بنات حمايل وندري انه هذا الشرع والتقاليد
بس احنا نبي نوصل فكرة
انه الواحد يراعي مشاعر البنت يشوفها بره
حتى المدرسه تقدر تشوفها
مالها اهل تطلع وياهم
رفيجات
بنات خاله
انا شخصيا رتبت موضوع خطبة ولد خالتي بهالطريقه،طلعت معاي البنت وشافها ووتوكل على الله
:)
والشي الثاني يا اخوي
الشباب بعضهم محنا معممين اذا قلت له شنو شروطك للزواج؟
قالك بيضه
ورضيقه
وجميله
و
و
و
من حقه
بس الشي اللي مو طبيعي انه اخر ما ممكن يهتم فيه طبع البنت وشخصيتها واخلاقها
تلقاه يطير فيها وبعدين شكتف انه مو قادر يعيش معاها لانه ما دقق بالاختيار

ويبقى النصيب نصيب والطيبون للطيبات
عسى ربي يبلغنا فيك
:)

esTeKaNa يقول...

joy
~~~~~~
الابداع جانه ابداع من شي نشوفه كل يوم ونسمعه
:)
اي والله هوليله
!!
اشوه انه بالنهايه صار شجاع وانقذ حبه من الضياع


حياج الله

esTeKaNa يقول...

بن علي
ّ~~~~~~~~~~
انته بس ادعي لنا نلقى مصدر للدخل
ونساهم نساهم ما قلنا شي
بس اهم شي تعزمنا
:)
ها بن علي تذاكر؟
صاير تفكيرك مادي
هذا وانته موظف
عيل انا واحلى انجنير شنو نقول
:pP~

esTeKaNa يقول...

بابل
~~~~~~~
صبحك الله ومساك بالخير

كل انسان ربي كاتب له نصيب
مهما شرط
مهما مر بأمور
نصيبه بيكون له
:)
شكرا للمرور

esTeKaNa يقول...

mtfa2eL
~~~~~~~~~
افا يا متفائل
كوابيس؟
!!
لا ما بغيناها تصير كوابيس
لكل انسان من اسمه نصيب
وانته متفائل :
تفائلو بالخير تجدوه
:)
الفكرة اللي ابي اوصلها وابيك تفكر فيها عشان تطلع من هالكوابيس انه الشباب لازم يقدرون نفسية البنت ويحاول بشرط الشكل انه يشوفها من غير لا تدري بأي مكان
!!
الشي الثاني اللي يفترض ان الشاب يفكر فيه شخصيه البنت
أخلاقها
أهلها
طبعها وتعاملها
الزواج سكن...اهو ما يحتاج وجه جميل فقط،يحتاج مرأة تحتويه تكون له صديقه وأم وحبيبه وبنت
لازم الشباب يفكرون اكثر بهالموضوع

ثالثا...متفائل الطيبون للطيبات
هالمبدأ يخليك مرتاج ومطمئن
دامك طيب خايف ربك وحافظ نفسك ربي بيكتب لك الخير وبيجبر خاطرك بشيخة كل البنات صدقني
الطيبون للطيبات..احنا نقولها كل يوم لنفسنا عشان نحافظ على نفسنا اكثر
ونكون طيبين ونستحق الطيب
:)

رابعا..مرات نقتنع بالشي
ونتحمس له
ونندفع له
بس هذا ما يعني انه نستغني عن الاستخاره
ربك اعلم بالغيب والخير بكل انسان
لا تتردد بكل خطوة تستخير
وربي بيسهل لك الخير كله

وبعد كل هالكلام
طمني الله يخليك وقولي مامن كوابيس عشان ما يأنبني ضميري
:)

esTeKaNa يقول...

بنت الشامية
~~~~~~~~~~~~~
حيالله شيخة الشامية كلها
في منج وايد؟
:)
الله يحفظج ويبلغج بعيالج ويرزقهم احسن البنات قولي آمين
ما تتخيلين شكثر استانست وانا اقرا ردج على الموضوع
فعلا كنا محتاجين نشوف وجهه نظر أم
ورايها بالموضوع
نشري هالفكرة لو سمحتي
عشان خاطر كل بنت عبرت عن مشاعرها بهالبوست وردت علي
:)


تهقين مافي من فهد؟
واله يا بنت الشامية في
وبنات بعمر الورد كانو ضحية شخص متردد اضاف لها لقب مطلقه ورد لحبه القديم
:(
وتهقين من ابو دلال يرد يكلمه؟
احس وضع محرج له وهو ابو البنت
وكل شي على ما نقول نصيب



حياج الله
فعلا
ومن القلب
اضفتي لهالبوست ونورتيه
:*

esTeKaNa يقول...

بن علي
~~~~~~~~
هااا بن علي
جنك قمت تتضحك علي هاا
@@
يالله الله كريم
ناس تككم
وناس تضحك
اييييييييييييييه دنيا دنيا
:pP~
على فكرة انا مفكرة افتح مكتب:
استكانه للخكبة واصلاح ذات البين
:))
هذا اللي قاعده اسويه هاليومين صراحة
والحمدلله اشعر بنجحاتي والناس تتزوج وتتسامح يالله من فضلك
:pP~
وانا بعد وايد عجبني كلام بنت الشامية
يا ليت هالتفكير الراقي وهالنوعيه من الأمهات يزيدون
:)

esTeKaNa يقول...

darkness
~~~~~~~~~~
أنا آسفه اذا ذكرتج بشي مو حلو
ما قصدت
:)
وشكرا على وصفج للبوست بالروعه
وفعلا امثال فهد للاسف كثيرين
ترددهم يترك العديد من الضحايا في طريقهم
!!
االله يعين أمي
وأمج
وكل الأمهات
بس لازم يتعاونون كلهم بايجاد طريقه يشوف فيها الريال البنت من غير لا تدري
على الاقل تكون طبيعه
ويشوفها من غير لا تدري عن نيته
وتالي يقرر اللي يبي من غير جرح لمشاعرها


الله يوفق الجميع يارب
:)

esTeKaNa يقول...

some-oneq8
~~~~~~~~~~~~
ياهلا ويا مرحبا
والله اني فرحت بشوفه تعليقك
وكالعاده
حكمة ورقي في الطرح والفكرة
الله يحفظك
:)
نصيحتك والله هي اجمل واظمن حل لكل أمر وليس مجرد الزواج
توكيل الانسان لربه
ويقينه بالخير اللي ربي يكتبه له هو الافضل دائما

شكرا للمرور الجميل الحكيم
وحياك الله
:)

esTeKaNa يقول...

reLaaax
~~~~~~~~~
والله عاد كعب ولا حافيه
لا ياج النصيب ياج
hehehehe
خلي الفصله بسكات بالمسنجر مو هني جدام الجماهير عشان برستيجنا بس
:Pp~
يا حلو دلال
بس ليش تظلمين خلود؟
خلود حبت
ووثقت
وظنت انه فهد ريال يستحق
اهو تردد
واخطا خطا كبير يوم راح بيخطب
وكان راح يرتكب جريمه بحق نفسه
وحق دلال وخلود لو انه فعلا تزوج
بس ربج ستر
!!
هههههههه
علامها الريلاكس عصبت
يمة اسم الله عليج الرحمن الرحيم
يبيلج قلاص ماي بارد
ما بغيت والله اخليج تعصبين
ريلاكس ريلاكس يا ريلاكستنا الحلوة
:))
ويا زينج ويا زين هالكومنت والله

esTeKaNa يقول...

NAJMAH
~~~~~~~~
هلا برقيقه الفكر والاحساس
هلا برقي الكلمه
هلا بالنجمه
:)
يسعدني مرورج
واندماجج بالقصه

esTeKaNa يقول...

حياتي هدف مو عبث
~~~~~~~~~~~~~~~~~
استانس وانا اكتب:
حياتي هدف مو عبث
:)
وصاجة
في بنات مقررين وخالصين
وينزلون ويشوفون الريال وهم حاطين ببالهم شي وخالصين

ما ننكر..مرات الولد تظلمه البنت
:(

esTeKaNa يقول...

Expat.
~~~~~~~~~
ياهلا ويا مرحبا باخوي
تبي الصج؟
كنت اتحرا اقرا ردك
تعطيني امل بالقله القليله المتبقيه من اصحاب الفكر الراقي اللي بيدققون على امور اهم من الشكل
واشوة ما خاب ظني
:)
بالضبط هذا اللي ابي اوصله
النظرة الشرعيه لابد منها
مع مراعاه مشاعر الطرفين
وهذا اهو ..ارتباط يفترض يكون طوال الحياه فلازم الطرفين يكون نظرتهم اعمق


hehehe
صاج كل مالهم ويأخرون الزواج والأعذار كثيرة
الله يوفق الجميع
والله يرزقك شيخة الأخلاق والدين والسنع كله قول آمين
عاجلا غير آجلا
:)

esTeKaNa يقول...

يعقوبو
~~~~~~~~~
عاد والله في ناس يمدحونه
:Pp~

esTeKaNa يقول...

Charissma
~~~~~~~~~~
ياهلا ويا مرحبا
قولي لي أمانه
اشلون النومه عقب التكركر؟
مو وناسه
:pP~
ياكثر ما استانس لما اسولف وياج والله
الله أعلم
:*


وبالنسبه لكلامج صاجة مأساه
وواقع مكرر كل يوم نشوفه
قسمة ونصيب عدل هالكلام
بس هذا ما يمنه نراعي مشاعر البنت
ونعطي شخصيتها وفكرها اعتبار اكثر
:)
حياج الله

esTeKaNa يقول...

peace
~~~~~~~
لا تشكريني على كلماتي
اهي مشاعري من قلبي لكم
:)
يسلم راسج
هذا اللي ابيه
ما نعترض على المبدأ
بس نبي طريقه ارقى
واحسن
وناس تعرف تفكر وتختار احسن
مو عشانا بس
عشانا وعشان اخوانا اللي نبي نفرح فيهم ونبي لهم احسن البنات

حياج الله

esTeKaNa يقول...

ra_1
~~~~~~~~
اي والله قويه
!!
بس لا تتوقعين ان كل البنات مثل تفكيرج ولا كل العوايل تفكيرهم مثل تفكير اهلج الله يحفظهم
:)
وبعدين روان مرات الصور غير الوواقع
الله يعافي فوتوكينا وآرت ستوديو
:pP~

esTeKaNa يقول...

أجار الدين كشمش
~~~~~~~~~~~~~~~~
@@
تبي البنت اهي تطلع بالشوارع عقب المغرب وتنقي؟
خزيااااااااااه
خزيااااااااااااه


أٍستاذه استكانه حاضرة عن جموع بنات الحمايل السنعين غير الخاملات
:pP~
عليك الله كل البني يطلعون لا حسيب ولا رقيب؟
انا واحده عندي حكومه منزليه
لي الحين تسأل عن طلعاتي
ومع منوومتى
وليش
وترفض وتقبل بعد مو على كيفي
!!
رقم اثنين:
تهقه في ريال بيرضى ببنت اهي نقته وبمكان عام؟
رقم ثلاثه:
تقول الريايل على افا من يشيل
وانا اقول البنات على افا من يشيل
بس كل من مو لاقي شريك عمره
شرايك نسوي تعاون مشترك؟

رابعا:
تقول:
أنتو نقو انا شزيني
والله يا استكانه ماحد يتلفت علي
!!
ايييييه
هني الغمنده
مالك شغل ما عوزهم
اهم لو درو بس انه اسمك اجار الدين كشمش جان صفو بالدور صدقني
:p~

esTeKaNa يقول...

فتى الجبل
~~~~~~~~
يقال انه الطاوله طقتك
خطاك السو
عميه الطاوله
:pP~
عدل كلامك والله
:)









mno Ynsa
~~~~~~~~~~~~
حلت دنياج
ويارب تعيشين شي احلى منهم قولي آمين
:)
والحمدلله
أعتقد انه الكثير قرو هالبوست
سواء علقو او لم يعلقو

حياج الله

esTeKaNa يقول...

ray
~~~~~
انا معاج غلط
بس يكرر في بيوت كثيرة
ما راح نقول الكل
بس واقع وموجود
في ناس تغالي ببناتها وما تسمح انها تعرض بنتها حق هالضغط النفسي وناس لا

انزين انتي لاتعصبين علي
:Pp~






Glass fabric
~~~~~~~~~~~~~~~
ياهلا ويا مرحبا
حلت دنياج والله يعافيج
:)
وجهه نظر صحيحة
وايد اسمع هالكلمه:
حلوة مو خلوقه
اهون من جيكرة ومو خلوقه
تصير المصيبه مصيبتين
:pP~
فعلا وايد بنات اهلهم زينين واهم الله بالخير والعكس صحيح بس الإنسان على الأقل يبذل سبب
يتحرى
يقعد
يسولف
ويشوف شخصيه البنت وتفكيرها
ويستخير
في شي يقدر اهو يعرفه
وفي غيب رب العالمين ادرا فيه
!!
شكرا للمرور حياج الله

Sn3a يقول...

وااي كلامج صح اميه بالاميه
اني وي
انا تقليديه
لكن ضد هالطريقه مهما كانت قديمه ومتكرره

اصبتي بنقل مشهد نقشه السجاده

وتبين الصج
حلاته تاخذين واحد تبينه ويبيج مو شرط حب وهالسوالف
لا المهم ان في اعجاب وقبول من الطرفين مو من مجرد نص ساعه



نايس بوست
واسلوب رائع

esTeKaNa يقول...

zozota
~~~~~~~~
خرعتيني
!!
انا مكلمتها ما فيها شي
بس خليني ادق عليها الحين مرة ثانيه
اطمن عليها
واخليها اطمنكم
:)

mtfa2el يقول...

موزموزيل استكانة
لااا ان شا الله ماكو كوابيس
بس سالفة دزة المسج قبل لا تنزل عورت بطني شوي ..كلش مو حلوة و قمة اللامبالاة و الإستهتار بالريال اللي يايب اليهدة و قاعد تحت يبولع ريجه
اذا على سالفة يشوفها بمكان ثاني و اهي ما تدري ...مواافق مليون مرة
الشخصية ..الأخلاق ..البيت ..كلها اشياء اهم من الشكل ماكو اعتراض ابدا
بس همن مع مراعاة نفسية الآنسة اللي بتنخطب ما ينجرح شعورها
ليش ما نراعي شعور الريال النظيف اللي على باب الله ياي باخطب و يستر على روحه و الخبلة قبل لا تنزل تدز مسج حق صاحبها !!
انزين اذا ببالج واحد ليش ترضين باللي ما تبينه و تقلبين حياته نكد !!
ترى كل هالكلام من اللي دزت مسج قبل لا تنزل الصالة
.
.
باااااطة جبدي !!!

حياتي هدف مو عبث يقول...

شكراً شكراً
:p

Someday يقول...

Yes marriage is ne9yeb! And we were born in this society and had to follow their customs and traditions in marriage!

Ana my view could be extreme but I had my share of these stories!!!
And to me traditional marriage is a game of luck!

It worked in the past!
But things now changed!! And with all double standers, ma agdar atgabbal ena el shaaab el la6yef! Yroo7 o yel3ab o y7eb o ykalim, o b3deyn wants to come and marry to someone who is sticking to tradition!!?!?!?!!?

For your particular case the one to really be blamed is the boys family ely ma’7alooh marry whom he wants!!!

And for their 3naaad ehya "dalal" o allah a3lam how many ‘3yerha had to go in to that situation!!!

ana aginst traditional marriage.
O ely y7erny 9ij when I see banat who are sticking to tradition o mashallah 3lyhom kil wa7dah etgool el zien 3endy, thahab walla, and they are educated and smart,
when they go through this and get rejected, they yez3loon 3la 3omrhom o eyyhom el feeling of rejection and start to question their selves
hal mawagef tedfa3_hom b3deyn to accept any other idiot just cause he want her, t_hoon 3lyha nafsah!!!!
Walla 7aram!!!!

Time is different!! Guys!! Tabon traditional be mo’7le9yen!!! O 3la goltich! May fakroon!?!? Allah gal el6ayboon le 6ayebat!!!
Taby traditional be good o mithel ma tabyha ma t3ref wa7ed abdan o kilish!! Enta do the same!!! 3ashan at least ma tkoon the whole thing masra7yah!!!! Tel3ab ba39abha!!! o tkoon a fair chance!

الخيلاء يقول...

estekana
---------

الله يعينج علي كل ماطرى شي ابالي بيج لول ..

ترى حتى الاهل لهم دور .. يعني تتصل الوحده بام البنت و تكون واضحه معاها .. ترى ولدي يبي بيضه و يبي طويله و يبي و يبي .. تلقين الام تقولها اي بنتي بيضه و طويله و فيها و فيها ..

لي يه الولد يتفاجا انه البنت مادلها البياض و لا طويله ولا شي .. فا هني الاهل يساهمون بتحطيم بناتهم
و يسونهم سلعه و علج بحلوج الناس ..

كلش ماتسوى السالفه .. على ابو عادي خل يشوفها يمكن ايصير قبول .. وين ايصير قبول و الولد ياي و امه مصورتله شي و يتفاجأه بشي :)

ezain_kilah يقول...

مادري متى يفهمون إن إحنا بشر مو فاترينات!


تدرين متى؟

لما إحنا نقول لهم... لو كل بنت رفضت هالوضع وكل شاب ما إستسلم لضغوط أهله جان الدنيا بخير

وجان ما لقينا شي نتحلطم عليه وفوزية الدريع تستقيل من الراي وتروح تشتغل بقناة فتافيت!

بوسة على راسج يالغالية

5roofa يقول...

كل سنه وانتي بالف خير خيتوو

happy new year yal '3alyaa

salamz sis...

tasty_as_berry يقول...

صراحة بوستج قوي وعجيب وقدرتي توصلينه بالشكل المطلوب يعطيج العافية ..

كل اللي قلتي مريت فيه .. وخاصة بعض الحوارات واعتقد يصادف الكثير من البنات ..

اتفق معاج بكل اللي قلتيه ..

الموضوع شامل حق أفكار كثيره ومتشعبة ومنها ميزة ومنها عيب بخصوص الزواج وخطوبة على هذة الشكل ..

- ممكن فهد فعلا ما يوافق دلال والعكس صحيح !!
- وممكن خلود تستاهله وتحبه حيل والله وفقهم..!!
- لكن هل فعلا فهد كان يبي يتزوج لرغبة ام ارضاء لأهله ؟
- هل فهد لو تزوج دلال راح يخلص لها ام سيظل على علاقة بخلود ؟
- وهل صحيح ان يذكر الأهل صفات وهمية وأعذار واهية لرفضهم البنت؟
- وليش فهد دخل بيت الناس من الأساس ؟

والله اعلم بالنيات
لكن جميع تساؤلاتج في الموضوع كانت في محلها

أبدعتي ومشكووووره :*

عثماني يقول...

رائعة كالعادة اخيتي استكانة على هالبوست الراقي

كل كلمه ذكرتيها صحيحة

بس وين الناس اللي تفهم !!؟

على العموم

كل عام و انتي بخير اخيتي العزيزة

و عساها سنة سعيدة عليج

:)

darkness يقول...

كل عام و انتي بخير

happy new year

bin3li يقول...

نبغي بوست يديد
صرنا 99 رد
:)

رقم ردي مميز
ما أبيعه

Selezya يقول...

كل عام وانتي بخير
:)
سنة سعيده انشالله
:)
بن علي انا رقم ردي 100 ابيعه عليك :p

bin3li يقول...

101
أحلى ينقرا من الصوبين
:P

Selezya يقول...

101
انا صاحبه التعليق الاول والتعليق المئه استاهل رقمك هذا
:p
منج السموحه استكانه فتحنا بلوقج شريطية ارقام لوول

esTeKaNa يقول...

متفائل
~~~~~~~~
اسم الله على بطنك
:)
متفائل انا ما انكر في بنات وايد يظلمون الريايل بهالسالفه
تلقاها بقلبها شي ونازله ارضاء حق اهلها والضحية ولد الناس
!!
والحل؟
اتفقنا على الاستخاره
وتفائل بالخير يا ولد الناس
والله واللله
انا بعد باطة جبدي
صدقني
:pP~
قول آمييين
عسى دور هالشهر تبشرنا بخبر عرسك
عطيتك شهر
عشان يمديك
:))

esTeKaNa يقول...

حياتي هدف مو عبث
~~~~~~~~~~~~~~~~~
عفوا عفوا
:))







someday
~~~~~~~~~~
ياهلا ويا مرحبا
!!
ما تتخيلين شكثر عجبني رددج وتعليقج
فعلا ...اللي تطلبه من بنت الناس
لازم يكون من باب أولى انته مطبقه على نفسك
تدرين؟
مرات نروح عس ولا مناسبه ندري المعرس لاعب بيده وريوله
ويقولون عادي
الريال شايل عيبه
مو حرام؟
مثل ما من حقه ياخذ بنت نظيفه من حق البنت تاخذ ريال محترم لا قالو اسمه قالو ونعم
!!
صدقيني..البنت لازم تحس بقيمه نفسها
ولازم الاهل يهتمون بمشاعر البنت
وما يدفعها الخوف من العمر والرغبه بالزواج انها تخسر نفسها وتندفع بهاهم قرار بحياتها

والله مادري شنو اعقب؟
كلامج عين العقل والصواب
الله يحفظج
ويوفقج
ويطيب خاطرج بشيخ الشباب كلهم
نورتي المكان
:))

esTeKaNa يقول...

الخيلاء
~~~~~~
يا هلا وأميه هلا
لا تقولين جذي
كل ما طرا لج شي وقلتيه
عطيتيني بعد ثاني للموضوع افكر من خلاله وتضيفين لي ولكل من يقرا
:)
انتي ملاحظة كلهم يبن بيضه وطويله؟
انزين والباجي؟
نروح ننتحر يعني
:Pp~
أوافقج الراي
في أمهات يعرضون بناتهم عرض ويرززونهم بكل مكان شوف والله
لي توصل مرحله حتى البنت تموت احساسها
عندها غايه الزواج تبرر كل وسيله
!!
الله يحفظ لنا امهاتنا يارب
وحياج الله

esTeKaNa يقول...

AL_ZAIN KLH
~~~~~~~~~~~~
LOOOOOOOOOOOOOOOOOOOL!!
الغمنده كلها بفوزيه دريع؟
تهقين شنو تطبخ لنا عاد بفتافيت؟


صاجة والله عدل كلامج
ويسلم راسج يا الغاليه ما قصرتي
:*

esTeKaNa يقول...

5ROOFA
~~~~~~~~
شكرا حبيبتي
وانتي بخير وصحة وسلامة
:)

esTeKaNa يقول...

Tasty-as-berry
~~~~~~~~~~~~~~~~~
ياهلا ويا مرحبا
حيالله من يانا
وين هالغيبه؟
فاقدتج من غير شر
!!
حلت دنياج والله يعافيج

شكرا من القلب انج فهمتي البوست مثل ما ابي اوصله
بكل تساؤلاته
بكل حيرته
بكل شي فيه
واقع...مافي نهايه محسومه
وربج اعلم بالنيات
الله يوفقج ويوفق الجميع يارب
:)
حياج الله

esTeKaNa يقول...

عثماني
~~~~~~~~
الأروع تواجدك اخونا عثماني
:)
وين الناس اللي تفهم؟
اي والله وينهم؟
لازم ننشر هالفكر الصح
وان شاء الله يزيدون
:)
وانته بخير وصحة وسلامة ما قصرت

esTeKaNa يقول...

darkness
~~~~~~~~~~~
أنتي بخير وصحة وسلامة
:)











bin3Li
~~~~~~~~~
خوش رقم
:)
طول بالك علي شوي
مشغوله هاليومين
وعشان ما تملون مني
لاحظ كل كومنت هني
انا راده ببوست
لوووول





selezya
~~~~~~~~~
وانتي بخير وصحة وسلامة
تبين الصج؟
والله انتي وبن علي ونسوتوني
ملح التعليقات كلها
:))
ههههههه

qesat_5ayal يقول...

الردود 109
وأنا 110
:)
رقم حلو بسنة حلوة

كل عام وأنتِ بخير


تعلمين أنكِ ما بين الفقرات تلقين بحكمة
ترضخ الواقع لعقول بمثل تفكيرنا

نحن لسنا سلعة
يوجد من يرفض هذه الفكرة
ويوجد من يتحداها
ويوجد من يتقبلها راضخا بها



ويوجد من يثرثر
ويتحرطم
ويكرر


لأنه يظن أن الآخرين لن يفهموه

وفعلا لن ييفهمه إلا من هن في مثل سنه


أنا أفهمك
أعايش ذاك الواقع
من خلالي
ومن خلال صحبتي
وربما احداهما دون الآخر





شكرا لأنك قلت كثيرا مما لم نستطع البوح به




سنه سعيدة
لكِ
سلام

qesat_5ayal يقول...

استكانة خربتي علي
:@






بس 111
أحلى
:P

°l||l°ρίnķ gιяℓ °l||l° يقول...

يعطيج العافية الغالية على هالبوست الحلو
بس مش هذا اللي يستوي دايما
يعني مثلا نحن عندنا الريال بعد يتريا موافقة البنت عليه بعد النظرة الشرعية
مب بس البنت
وكل سنة وانتي بخير الغالية

Kuw_Son يقول...

حقيقة .. جسدتي واقع البنات في سطور ..

ما كنت أعلم بهذا الحمل الثقيل الذي تكابده الفتاة !!

الله يعينكم علينا
:P

Fahad Al Askr يقول...

قلت أمر آخذ استكانة شاي، بس بروحي وأمي وأختي مو معاي

بوستك حلو، بس الله يهداه الوليد حليو ورايح يخطب بجوتي عنابي، شلون ولد حمولة يلبس جوتي عنابي، أنا خابر عيال الحمايل يا أسود يا بني، زين اللي ما صار نصيب

وبعيدين هالبنية على كل الحس والأدب صايرة جنها نفنوف بالمباركية كل شوي وحدة ياية تقيسه، هذه تشوفه طويل وذيج قصير، وهذه مو عاجبتها النقشة، أنا لو راعي المحل جان أول ما أسمع تعليق أقضب الزبونة الباب

وبعيدن الله يهداه يوم إنه يدور بنية بمواصفات معينة خل يدور بفيس بوك وإلا بهاي فايف بدال ما يأذي نفسه وشقل بأمه وأخته من بيت لي بيت

ومشكورة مرة ثانية على التفاعل خاشينك ذخر، تزوجتني وإلا لين الحين ناطرة نصيبك

وعلى فكرة فهد اللي كان بيخطب دلال عسى مو بلوغر؟

الحب منورة المكان فوق

esTeKaNa يقول...

kuw-son pink gairl
~~~~~~~~~~~~~~~
ياهلا ويا مرحبا
وانتي بخير وصحة وسلامة
وفعلا ما حتى الريال ينتظر رد البنت بس اعتقد ان قبل لا ينتظر رد بنت معينه أحيانا يكون قد جرحت مشاعر اكثر من بنت قبلها
:)
شكرل لمرور







kuw-son
~~~~~~~~~~
hehehehe:)
دامك دريت
انا كلي أمل ان تكون أنته من انصار المرأة في هذا الموضوع ومن قيادين الشباب الباحثين عن المظهر والمخبر وليس فقط المظهر
حيااااك الله










فهد العسكر
~~~~~~~~~~~~~~~
ياهلا ويا مرحبا
مطول الغيبات جلاب الغنايم
خطاك السو يا بو عسكر
فقدناك من غير شر
والله لك فريه
:)
من غير امك وخواتك؟
لا ما نستقبل من غير محارم
:P~
أنته كنت موجود يوم انه راح؟
جان قلت له..عنابي يوقف النصيب
البس اسود ولا بني
!!
شفت اشلون ما صار نصيب من هالعنابي
:)
وبالضبط يا بو عسكر...جنها نفنوف المباركية،وبعدين ليش تنطر لي يوصل لها العتعليق وتقضبهم الباب؟
وليش اصلا الناس تتنقص الحجوة الغثيثه؟
بعد ما صار نصيب صحو حلوجكم وسكتو
!!
وتهقه يدور بالفيس بكس؟
لوووووووووووووول
لوووووووووووووول
صج والله؟
خووووووش طريقه ولا هالحاله كل يو مشوار وبيت يديد
!!
انا تزوجت ولا بعد؟
انا الله يسلمك المجهول ياي بالطريج
بس مضيع
وزحمه شوارع
ومرات يشبه علي
يقول هذي ..مو هذي
واطلع مو انا
فانا معطيته وقته على ما يلقاني
:pP~
@@
الله يا فهد
الحين الحب اهي اللي منوره فوق؟
يا سلاام يا سلاااام
الله لا يخليك
احترم انا الغزل العلني
:pP~
بس صج وين الحب؟
وترا على فكرة
فهد بلوغر
وحتى مرة باقو بلوقه وغط
بس اشوة رد
:Pp~