الاثنين، ديسمبر 24، 2007

واعزتالي


.....صباح الخير
صباح الورد والنوير
صباح مشرق باشراق روحي هذا الصباح
صباح لذيذ..بلذه احساسي المرتاح
.
.
أغرق في دفئ سريري
وأحاول بقدر المستطاع ان اجذب نفسي من ذاك القاع
افتح عيني بكسل..فيعاندني جفني ويثقل
اغمض عيني
فارجع من حيث أتيت
نوم يسحب النوم
ومغناطيس في عمق هذا السرير
.
.
مناوبه ما بين أبي وأمي
تفتح أمي الباب فتتحطلم:
قومي يا بنيه ،ما صارت هالنوم
وتعطيني سالفه على الماشي
ابتسم واغمض عيني مرة أخرى
أتذكر صباحاتي المتعبه،من أولى روضه الى اخر سنين الجامعه
سحبتي من الفراش
الركضة والهيله ،واحساسي بالحرمان من الراحة
اتذكر فزعه الفير والدراسه والمحاتاه
اتذكر كل هذا....فاندس بسريري مرة أخرى
واحمد الله على نعمة البطاله
.
.
.
يرجع أبي بمناوبه أخرى:
للحين نايمه؟انا قلت بنيتي السنعه بالمطبخ
وما زال أبي يحلم بيوم يجد فيه مجبوس لحم من شغل ايدي
ابتسم وأغمض عيني
وكأن مرورهم فاصل اعلاني،يقطع هذا الاسترخاء
مشكله..ان تكون غرفتي مكتب استعلامات
وغرفه اجتماعات
كل ما دخل احد البيت مر علي
قال ما في خاطره وراح
!!
ينتهي فاصل أمي وأبوي
وأستأنف حفله النوم بكسل أكبر
.
.
.
قررت بيني وبين نفسي انها ستكون آخر غفوة
لن اطيلها اكثر من ساعه
ولكن...هل كل ما يتمناه المرء يدركه؟
اشعر أني غرقت في بحر اخذني لعمقه ساعات طوال
صحيت على شهقه أمي:
منتي صاحيه؟
نفسا انتي نفسا؟
يزيد أبوي جيله التحطلم:
قومي شهالكسل...
انظر لعينيهما المتحلطمه...ياحبي لهم
وابتسم لرؤيه عيني أختي الصغيره تتشمت فيني
اراقبهما بصمت
أريد أن اتكلم
ولكن صوتي ما زال يتثاوب
وما زال النوم يسكن اطرافي
قبيل أن ينفذ صبر أمي
وقبل ان يزئر أبي
ابتسم
ويصدح في روحي سؤال لذيذ
أشاغل فيه أبي عن تحلطمه
شنو أحلى شي بالدنيا؟
أول وأحلى شي يخطر في البال؟
!!
~~~~~~~~~~~~~~~~~~~~~~
ألا ياهل الهوى واعزتالي....عديل الروح مكن بي صوابه
عشير بالمحبة سم حالي....وأنا يا حسرتي قلبي غدا به
هني للي ينامون الليالي....وقلبي ما طرقهم مثل ما به
أغبط اللي من الحب صار خالي....وأنا قلبي شقا واعذابه
أمير السمر ما أدري وش نوى لي....ألا ياالله تعتق لي شبابه
أخذ روحي ولاني عنه سالي....وأنا وإان راح عمري واأسفاه به
حشا ما غاب عن ذهني وبالي....ولا ساعه وما حسب حسابه
أنا لي بحرف النون حبيب غالي.....وأخذت منه خطابه والتوا به
.
.
.
.
برد يتسلل للعظم
وفحم ملتهب يتوسط المكان
حليب مهيل
درابيل وبقصم
قرص عقيلي
شهيه مفتوحة
ومشاعر حب لذيذه
له
لها
ولكل شئ حولها
عيوزة سمول؟
ربما
طفلة ينتابها جنون
ربما
!!
شابة كلها طموح ربما
ولكن الأكيد...هي خليط من كل شئ
.
.
.
ليه قلبي ما لقا لبرد دفا إالا دفاك؟
لية انا عيني تشوف وما تشوف الا بهاك؟

هناك 57 تعليقًا:

Zabo0o6a يقول...

ahaaaam shay elfa9el ele3laaney:Pp kelaha 3 monthes o an6'am ley nadey elba6ala :Pp

bin3li يقول...

موسم البيات الشتوي
:P

violinist_q8 يقول...

كل عام وانتوا بخير و قرت عينكم

bin3li يقول...

نسيت أقول

ذكرتيني بالمدعو

و قرت عينكم برجوع الوالد
:)

5roofa يقول...

حمدالله على سلامة الوالد استكانه
قرت عينج حبيبتيي

وااااااااااي حاسه بمعاناتج
تخيلي انا امي لي كنت نايمه و عاد انا يعني ايام الاجازه ادور النوم دواره

تي فجاه الله يطول بعمرها
و طااااااااااااخ

يالله قومي يابنيه الساعه 1 بنروح بتي يدتج يالله خلصي بسرعه

اتصرقع من مكاني اقوم بكشتي و اركض تكرمين الحمام اطلع اعفس الكبت على اي شي البسه بسرعه

اطل بالساعه ولا توها 12 و نص
لوووووووووول

اتازم اقولها يما ليش جذي
تضحك تقولي عشان اذا ماسويت جذي ما تقومين

و مع هذا في كل مره ينقص علي لووول
مشكله والله العظيم

الله يخليهم لج يارب و يفرحون فيج عروسه قولي اميين
:D

salamz sweetee...

الخيلاء يقول...

قرت عينكم ..

و نصيحه اخت استمتعي بساعات العطله باشياء اتحبينها مع النوم .. لي اشتغلتي بتفقدين هالتمغط و الدلع لول .. بس بعد الشغل وناسه و حياه غير :)

محـــــارة يقول...

حبيبتي وأخيتي بهالجو أحسد البطالين أتذكر أيام البطالة بغصة .. هالجو اروع وأجمل مافيه النوم والتلحف والقومه على المزاااج

الله يونسج بالعافيه استانسي بهالفترة نصيحة أخت مجربة الكسل وجربة لذت هالأيام تمتعي أكثر ماتقدرين ماراح تحسين فيهم إلا عقب التقاعد عاد عليج تقارنين الفرق بين لذت اللحظات بهالعمر واهتمامات هذك العمر عسى ربي يعطينا طولت العمر يالغاليه

وعليج بصحة وعافيه

عــــاشــــه يقول...

هذا موسم التجمع العائلي حوالين الضو والكرك وأبوفروة

إني أغبطكي فالله

الشغل مش مخلنا نحس بهالأمور...

أهلي كلهم في المزرعه من يوم الجمعه والجو هناك شي عجيب...
بعد العشا برع مورين الضو وحواليها الي حاط الدله والي يشوي البطاط والذرة وبوفروة

وأنا لحالي متدثره في سريري أنتظر الغد لأذهب للعمل

والله مالي نفس في الشغل بس هذا قدرنا

`~MnO YeNSa! ~` يقول...

الله يسمحج انا بالدوام و قاعدة اقرى البوست جان اتثاوب .. قرت عيـــــــــنج حبيبتي ..

Q8i_Blogger يقول...

جنج قاعد تروين قصتي هل جم يوم
بالضبط نفس الاسلوب ونفس الاشخاص

غير معرف يقول...

ههههههههه
ذكرتينى بالى مضى
استمتعى بالنوووم خزنييه خزنيييه
لووووول اااخ بس يا ليته يتخرن
لو بس حق الشتا وقومت الصبح هذى الشلعه من الفراش
وااااااااااااااااى جنى ياهل بالروضه
غصببببببب ولا اتغورق عيونى وانا افارق الفراش غصببب

ههههههه

والله يا حلوها من محطات
تدلعاى منتى مطوله ترى على هالحال
وراج وراج الشقا وفزعة الصبح
بعدين تعالى فتحى هالبوست وتذكراى هالايام
واقرى كومنتى
ههههههههههههه

:**

الله لا يخليج منهم

ليه قلبي ما لقا لبرد دفا إالا دفاك؟
لية انا عيني تشوف وما تشوف الا بهاك؟


ااااه يا قلبى
ابى احس هالاحساس
ابيي استكاانه ابيييي
:/

كريزما

سدرة العشـــاق يقول...

حمدلله على سلامة أُبيّج و قرة عينكم و تقبل الله طاعته ياربي

أمير السمر ما أدري وش نوى لي....ألا ياالله تعتق لي شبابه


صح إلسان اللي قايلها و تسلم إيد اللي نقلها

مادري فتى الجبل شناوي عليه

بعد قلبي هذي معاناتج أنا ألوع جبد أمي و بوي سابقا نومي ثقيل لو تحطين قنبلة فوق راسي مادري شسالفة و ألحين انتقلت المعاناة إلى فتى الجبل لووول يعيز و هو يقعد فيني و انا بو لباس شخري و كل خصم تأخير بالدوام ياربي ما أعبر النوم سلطان و تبين الصج أنا ساعتي البيولوجية ما ترن إلا حروة الـ 11 شسوي ؟
راضية أداوم 11 و أرد البيت 8 بالليل " مطبقة قانون عمل المرأة لول" بسيخلوني انام متهنية

صكيت راسج بقرقتي هيهيهي .... صج انا وحدة هوايتي النوم

و نوم العوافي يالشيخة
:)

7osen يقول...

الله يخليلج والدينج ولا يحرمكم من هاللمه الحلوة

هذا أولاً

ثانياً

إستكانة شنو قاعدة تحرينا ؟

ترى صج صج القعدة هالأيام صايرة عذاب
بررررد والفراش دافي
مافي شي يسوى القومه

هههههه

بس شنسوي حكم القوي لازم نقوم

الله يديم عليج هالراحة
وهالأحساس الحلو

أتمنالج كل السعادة

TReSTeN يقول...

هاليوميين

نووم رااائع ولا اورع


تخيلي صارلي اسبوعين وباجي اسبووعين

دواام عصر الساعة خمس

تخيلي من الليل للساعة اربع العصر احط منبه

مو قاادر اقووم برووحي

غفوة تسحب غفوة

قمة الرااحة والكسل

darkness يقول...

اي يا ستكانه

ذكرتيني باجمل سنين عمري لما قعدت بالبيت بعد التخرج

كنت انام لما اهلي يروحون الدوام

و انام لين اشبع نوم

كنت اقعد لصلاة الظهر جنه الفجر الحين

ما كان اكو كابوس

زحمة شوارع

و تكاسي تلعب معاج على الطريج

لازم ما تدعمين و لا تكسي عشان تنتقلين للمرحلة الثانيه


و هذا كله بصوب

و ضغط الاعصاب ساسبنس

البـــــــــــــصمه

بصووووب ثاني

هني تنحسب عليج الثانيه


الصراع مع البصمه

يا انتي تنتصرين يا اهي اللي تفوز


ههههههههههههههههه


يبه عليج بالعافيه

ترى ان توظفتي هاليومين يكون من عيني

:)

استمتعي عدل باجر تتمنين هالشي

bo9ali7 يقول...

ما أواطن البرد
خاصة اول ما ابطل عيوني
صج احس بالظلم
يا زين الدفا

بردان انا بدفى
ابحترق بدفى

Najmah يقول...

قرت عينج يا احلى استكانه
ربي يخليج لأحبابج ويخليهم لج




البرد يكسررر

بس كلماتج اتدفي :*

joy يقول...

اي والله ياوخيتي من يعافي الدفا
والاهل ايتسلطوون
حزت الراحة لانهم ودهم ابمكانج

بيا استانسي اخذيها مني كلمة باجر بيي اليوم الي تفتحين عينج غصب ولا تقدرين تردين اتنامين


حموت وانام 12 ساعة متواصل وين ايام زمان
ايييييييييييييييه


الي يخس ابليسج قاعد اسوي سيرج عالاغنية طربتيني فيني رقصة على تالي الليل

:*

قرت عينج بالوالد

Selezya يقول...

لوول وااي وصفتي حالي بالضبط امي وابوي على نومتي

وحمدلله على سلامة الوالد تقبل الله منه يارب

وياسلالالام على هالاغنيه والله كنت احبهااا حييييييييل

والبرد اهم شي اني ثلجانه الحين وزين قاعده اكتب ايدي متجمده عدل


ونوووووم العوافي نامي كثر ماتبين :p

esTeKaNa يقول...

zaboOo6a
~~~~~~~~~~~
hehehe:)
اي فاصل إعلاني ونعود للنومه بكل حماس
يالله الله يوفق يارب وتطير هالثلاثة اشهر
اهم شي استمتعي بكل لحظة
سواء ايام لدراسه او البطاله
عشان تحسين بمتعة الدنيا
:)






bin3Li
~~~~~~~~~
بالضبط بيات شتوي
وانا داشته بكل قوة
::p~
بوجة نبيك ما قصرت
بن علي ما سويت فيني خير على اليوتيوب
كل شوي داشه اضحك
اشلون ذكرتك فيه؟

esTeKaNa يقول...

Violinist-q8
~~~~~~~~~~~~~~
وأنته بخير وصحة وسلامة
وبوجة نبيك ما قصرت
:))








خروفه
~~~~~~~~
لوووووووووووووووووووول
:))
واي امج شنو تصير حق امي؟
انا امي كانت تسوي فيني هالحركة ايام المدرسه،تقولي الساعه سبع
وافز جني مينونه
وركضه ركضه
اخلص
الا الساعه ما صارت ست ونص
تدرين شنو يصير فيني؟
تخنقني العبره والله
:))
حبيبتي شكرا على هالدعوة
اجمعييين
انتي قبلي
مو انتي الابله
:)

esTeKaNa يقول...

الخيلاء
~~~~~~
يا هلا بالخيلاء يا هلا
بوجة بيج ما قصرتي
:)
شكرا من القلب على هالنصيحة
ولا توصين حريص
مستتمتعه بكل لحظاتي
الحمدلله
يالله ياربي على هالصبح
ربي يرد لج الاكاونت على خير
ونشوف بوست حلو ويديد قولي آمين
:)

esTeKaNa يقول...

محارة
~~~~~~
حبيييييييبتي
واي طار قلبي يوم شفت اسمج وتعليقج
حيالله الحاجة والله
لا احس بلمج واله
فدقتج من غير شر
:)
تقبل الله طاعتج وحج مبرور وذنب مغفور يارب...اهم شي عسى كانت حجة خفيفه ما تعبتو؟
والاهم انتي اشلونج؟
لا يبيلج قعده قريبا قريبا
:))
اي والله كسل لذيذ
وانا كل ما تذكرت جم سنه بقعد على ما اتقاعد وحزتها بكون بنفسيه غير
وتفكير غير
وكل شي غير
فاقول خليني استمتع اكثر
الله يطول بعمري وعمرج قولي آمين
:**

esTeKaNa يقول...

عاشة
~~~~~~
ياهلا بأم مرايم
:)
اي الشغل القدر المحتوم
يا بعد قلبي قلبج
والله كسرتي خاطري
احب التزامج بالعمل وانضباطج الله يتمم عليج بس صدقيني
كسرة الروتين
وضرب الالتزام بعرض الحائط مرات يكون مفيد
!!
ديري بالج مني
هاليومين نصائحي تخوف شوي
:))

esTeKaNa يقول...

mno ynsa
~~~~~~~~~~
هني الفن
!!
اني اخليج تدوخين بالإيحاء
:Pp~
بويه نبيج حبيبتي








q8i-blogger
~~~~~~~~~~~~~~
سبحان الله
!!
تصدق لازم نسوي تعتيم اعلامي
طلع ناس وايد يتغبطونا على هالراحة
:))
يالله عقبال ما تتخرج ونفرح فيك
وتفتك نهائي من الدراسه
قول آمين

esTeKaNa يقول...

كريزما
~~~~~~~~
يا صباح الدفا
يا صباح الهنا
:)
يا حافظ علامج من غير نك ؟
واي زاغ قلبي وانتي تقولين لي تغورق عيوني جني ياهل بالروضه
واااااااااااااي
عوار قلب
والله حاسه فيج
تدرين انا يتني فتره العام من ينادوني
تخيلي
افز واقفه
حمدلله والشكر
زين ما صار فيني شي
كله احاتي ومخترعه
:(
ولا توصيني اتدلع
ماخذه من حقي وزياده
واااااي
تهقين بفج هالبوست واقراه؟
واقول اي والله جني ياهل بالروضه؟
:)))





لية قلبي ما لقا لبرده دفا الا دفاك
ليه انا عيني تشوف...وما تشوف الا بهاك؟

احساس لذيذ
ممتع
دافئ
حسي فيه
تلذذي فيه
لو كان كل شي حولج بارد
انتي اوجديه
وقولي لي
عليج الله..منو ما يبي؟
لا تنطرين احد يحسسج فيه
انتي اوجديه واستمتعي
:**

esTeKaNa يقول...

سدرة العشاق
~~~~~~~~~~~~~
الله يسلمج من كل شر يارب
ومنا ومنج صالح الأعمال يارب
:)
ما تدرين أمير السمر شنوا به؟
الله يستر
يبيله ينوي لج على نية كبيرة
يسوي شي مبتكر
عشان بس يقعدج من صباح اله خير
لووووووووووول
والله زين تسوين ..نامي ياعله نوم العوافي
عيل تدرين انا امي وابوي شنو مدودهم؟
اذا دايخة كلش
اخربط
!!
وفيني طبع بس تقولين لي قومي
اقولج منو؟
وابوي يستعسر
منوووووووووو يعني منوووووو
هو ليش معصب
قولي انا ابوج وبس
ليش معصب
لووووووووووووووووول
!!
ولا بس افج عيوني واخوزر ساكته
عبالج انا قاعده
وانا لا
بمرحله مابين النوم القعده
بس جذي فاجة عيوني
:))
واي سدره انا كان عندي امل اتغير اذا ربي كتب لي نصيب
اثاري ماكو فايده؟
لا نبي فتى الجبل يشرح لنا معاناته
:P~
عسى ربي يحفظكم ويتمم عليكم يارب
وجودج وسع صدري
حياج الله

esTeKaNa يقول...

7osen
~~~~~~~~~~
ياهلا ويا مرحبا باخوي العزيز
المكافح
القوي
المجاهد
شرايك وانا اشجعكم؟
:)))
امين وما قصرت
الشغل ترا قدر محتوم
لا تهقه البطاله حلوة وايد
بس انا احاول احلي كل شي اعيشه
:))
ترا هذا امتحان حقك
عشان تشوف اشلون انته انسان قوي تقدر تقاوم نفسك واحساسك وتعاند وتقوم
كل يوم لما تقوم من الراحة
قول يا سلااااام علي
اشلون جذي قدرت اقاوم نفسي واقوم
عيل اكيد انا انسان قوي اقدر احقق اشيا كثيرة بحياتي
:p~

esTeKaNa يقول...

Tresten
~~~~~~~~
غفوة تسحب غفوة
!!
بالضبط هذي اهيا
عيل تخيل انا الاسبوع اللي طاف نمت الساعه خمس الفجر
واليوم اللي عقبه نمت الساعه 12 بليل
وقمت نفس الوقت
!!
قلت دامي بقوم نفس الوقت ما تسوا اسنع نومتي
hehehehehe
الله يوفقك يارب
هذا الدوام الزين
جنه تسيورة
:)

esTeKaNa يقول...

darkness
~~~~~~~~~~
أجمل سنين عمري؟
واي الكلمة تونس
يعني الحين اا باجمل سنين عمري
يا سلاااااااام
يا جماعه حببتوني ببطالتي اكثر
مع اني بين الحين والآخر اتحطلم عليها
اثاريها اجمل سنين عمري؟


وكله صوب والبصمة والزحمه
واي واي
برد انام
لوووووووووووول


اذا عينج بتوظفني بالمكان اللي ابيه وقاعده انطره من شهور
يالله على ايدج
:))

الله يوفقج يارب ويفتح عليج
ويوخر عنج كل تكسي
وتنصرين دوم على البصمه
قولي آمين

esTeKaNa يقول...

bo9ale7
~~~~~~~~~
بردان انا بدفى
ابحترق بدفى
!!

ياسلام
ترا لوما انه بردان
ما حس بالدفا
:)

احب البرد
على الأقل اذا استبردت في حل
بس اذا صار حر ولاهوب شنو الحل؟

esTeKaNa يقول...

نجمة
~~~~~~~
ياربي كل ما اكتب اسمج
اتذكر وانا ياهل
يغنون لي:
كل البناااات نجوم
واستكانه قمرهم
لووووول
يقصون علي
بس كنت افرح تصدقين؟



الله يسلمج ما قصرتي
الدفا في روحنا
لا تخلين البرد يكسرج
خليه مللهم تكتبين من خلاه كلماتج الحلوة دايما
:)

esTeKaNa يقول...

joy
~~~~~
مممممم
تهقين يتسلطون لانه ودهم بمكاني؟
والله عطيتني بعد ثاني للموضوع
لازم انتبه
:P~
يا زين النوم
ويا زين اللي نطربت تالي الليل
يبيله
ثوب تور
ورقصه سامريه
يختج احب اشوف اللي يرقصون السامري
واحب هالاغنيه بالذات
:)

esTeKaNa يقول...

selezya
~~~~~~~~~
ثلجانه؟
لوووووول
لا سيلزيه ما يقولون ثلجانه
مثلجة ممكن
بس ثلجانه لا لا
لووول
يمكن من زود البرد يا بعد قلبي قلبج
:))
ومادري اشفيهم اهلنا
مسوين غرفنا رسبشن مو غرف نوم
:)
الله لا يخلينا قولي آمين

Najmah يقول...

ياسلااام
حلوة اغنيتج :)
بس انا شنو يغنون لي الحين؟
:d

الحب يقول...

حبيبتي انتي استمتعي بكل لحظة نوم

عليج بالعافية :)

قطيتي نغزات عن الكاكاو على اخوج ولا بعد؟ :P

حلم جميل بوطن أفضل يقول...

الكسل لذيذ و البطالة زينة أحياناً

بس مو وايد

bin3li يقول...

هذا المدعو مقرون عندي في الذاكرة بالبيات الشتوي

تعلمي منه عشان تطبقين الدرس في البيت
:P

الخيلاء يقول...

شكرا على هالدعوه الحلوه .. و دعوتج استجابه و الاكاونت رجع اليوم :)

Eng_Q8 يقول...

خوش اغنيه
الا يا اهل الهوى
نفس الشعور بس مايصير اروح المطبخ :)))

Sn3a يقول...

النوم لذيذ
واعترفلج اني حسدتج عالبطاله
اخييه احلى شعور انج تنامين لاتحاتين امتحان ولا تسليم بروجكت ولا اوفيس اورز دكتور ولا حضور ولا غياب ولا شي
ودفا
يمي يمي

Barrak يقول...

حشا ما غاب عن ذهني وبالي....ولا ساعه وما حسب حسابه

اي والله

فتى الجبل يقول...

يا كثر ما يحبون البنات النوم
ترى الحركة بركة واهيا اللي توخر البرد

乂♥Not.ViRGo♥乂 يقول...

كل شي بصوووب و العيووزة سموول بصوووب

بدعتي
:)))

DanDash يقول...

الله لما يكون الجو بـــــــــــــارد و انتي نايمة أحلى نومة و يدق الألارم و يزعجج بصوته الروبورتي و غصب نص عين افتحها و اصبع واحد غصب يطلع من الفراش و اسكر الألارم و ارد عيني النص تنتة تحاجي العين المسكره يالله ارضي بالواقع


اذا مزاجي رايئ اقوم وانا مستانسة للدوام اذا مزاجي متعكر حوار يومي اقوم ولا ما اقوم اداوم و استاذن ولا اخذ عرضي ولا استاذن وادام وووو
واخيرا استسلم واقوم

قعدة الصبح للمدرسة كانت كريهة و للجامعة كانت حلوة لاني مو مقيده بوقت معين كل يوم

الحين اقوم و فنجان قهوة في يدي و النظارة السودا و اقعد بالنظارة لين ما اصحح


نصيحة استفيدي من كل فتفوتة من كل ثانية في اليوم

و صج صار لي 3 سنين اشتغل بس تبين الصج الدراسة اونس صج في اوقات تكون غثى بس حلوة

و كل برد و انتو بخيييييييير

حمودي يقول...

صباح النور ولو ان الحين بالليل
:)

Selezya يقول...

لوووووووووول
انتي الحين يايه تعلقين على ثلجانه ؟؟ واي عيل ماعرفتيني عدل لووول نطري نطري تلقين بلالالاوي
اقل شي ممكن اقوله اني اقلب المؤنث مذكر والمذكر مؤنث بأغلب الاوقات لوول شتبين بعد اكثر من جذي عشان تقولين لي ثلجاانه
:p
يمعووده طاااف

ray يقول...

استكانة تدرين ان انتي غير :) ... صح ؟

هالكورس انا بطالية مثلك ما أداوم الا يومين بالاسبوع, وناسة وايد بس بعدين صار ملل قمت أدور شغل أشغل فيه نفسي

ألفت طبخات, قمت أحيك ... رياضة و يمعات و قمت أشتغل و أرسم

و هم مو كافي , مادري شلون بتخرج ... شلون ماكو دراسة ما أعرف

esTeKaNa يقول...

najmah
~~~~~~~~~
مممممم
كل البلوقر كواكب
ونجمه نجمتتتتهم
:))
ترا في لحن معين قاعده اغني لج واوانا اكتب الكومنت
hehehehehehe







الحب
~~~~~
يعافيج الرحمن الي عينه ماتنام
ويي يا الحب عيزت
من صبحت وانا ابي جوكلت بار
شفتي اشلون تطورت الفكرة؟
قلت الحين جوكلت بار ومناسبه سعيده بدز مسج ق اخوي يقرا بلوقج
يمكن يحس من نفسة
ويسوي لي مفاجأة
واعيش الدور

:pP~

esTeKaNa يقول...

حلم جميل بوطن أفضل
~~~~~~~~~~~~~~~~~~
كلمة الحلم تعطني أملكل ما كتبتها
:)
فعلا...مو وايد
بس الله كريم
!!










بن علي
~~~~~~~~~
لوووووووووووووووووووول
اتعلم منه؟
شكرا ما قصرت يا بن علي

esTeKaNa يقول...

الخيلاء
~~~~~~~~
حلت دنياج يا الخيلاء
وحمدلله على سلامة الأكاونت
:)









eng_q8
~~~~~~~~
حيالله المهندس
واي صج احب هالأغنيه
:)
نفس الشعور؟
يا سلام
الظاهر الكسل ظاهره هاليومين

esTeKaNa يقول...

sn3a
~~~~~~
ياهلا بالسنع كله
:)
غبطيني،ولا تحسديني لو سمحت
:P~
اي والله احلى شي
جربت هالقلق كله
ولما ارتحت حيت بالفرق
اللهم لك الحمد











barrak
~~~~~~~~
الله يعافي هالسامريه والله اللي خلت البلوق ينور بوجودك
:)

esTeKaNa يقول...

فتى الجبل
~~~~~~~~~
يا هلا ويا مرحبا
شعليك
سدرة العشاق تغني عليك تقول يا أمير السمر شنوا به؟
:))
اي والله الحركه بركة
بس تنكر لذه النوم والراحة ويا هالبرد؟













not.vigro
~~~~~~~~~~~~
لاحظتي؟
hehehehehe

esTeKaNa يقول...

dandash
~~~~~~~~~~
واي ذكرتيني
ابوي قالي خلي الألارم على الطاوله البعيده عشان لما تقومين تسكرينه تطير النومه
!!
تخيلي انا اطمر وامشي ما عندي مشكله ارقع الألارم على راسه وارد
لووووول
:)))
وصاجة يانتي يام مزاج
الراحة النفسيه والمزاج اهو اهم شي يهليج يوم تحسين بنشاط ويوم تسحين بقمة الكسل
!!
شكرا على هالنصيحة الحلوة
والدراسه لها حلاتها،بس كل مرحله لها جمالها


وانتي بخير
:)

esTeKaNa يقول...

حمودي
~~~~~~~~
يسعد لي صباحك ومساك كله
:))







Selezya
~~~~~~~~~
وي وي يا حسرتنا
مو بشاره
اشوف كتابتج شحلوها
اول مرة اكتشف مواهب قلبه المؤنث مذكر وبالعكس
!!
لا لا يا بنيه
ما يصحش كده يا جميل
:))

esTeKaNa يقول...

ray
~~~~
مادري اني غير
!!
بس ادري انج انتي غير يا ام الاناناس
:))
بس تداومين يومين؟
وناسه هذا مو دوام تسيورة
!!
والله جنج تتكلمين عني
اول الصيف استانست بعدين تمللت من القعده
اشتركت بنادي
ودورى قرأن
ودورة كبيوتر
امي تقولي كل يوم اني ماني صاحية
هاويه شقا على قولتها
:(
بس انتي احسن مني
سويتي بروفه حق بطاله ما بعد التخرج
انا اخر سنه ما كان عندي وقت حتى حق النوم من اول السنه لي اخر السنه وانا بلويه فلما خلصت تميت مده ماني قادره استوعب هالفراغ جني طايخة من جبل
!!
بتتخرجين ان شاء الله وبنفرح فيج ان شاء الله قريبا
:))

Kuw_Son يقول...

الله يحفظ أهلج .. و يبعد عنج الكسل و البطالة :P