الأحد، ديسمبر 16، 2007

من أبي الى حمودي مرورا بجدتي

حجاج


~~~~~~~~~~


استيقظت من نومي مرعوبه تذكرت انه رحل دون ان اسلم عليه


!!


ليست المرة الأولى التي يذهب فيها للحج


تلك عادته السنويه منذ ان فتحت عيني على الدنيا


ولكني ما زلت في كل مرة يذهب فيها اشعر بفقدانه


واشعر بالقلق عليه اكثر مما يجب واكثر من المعقول


مابين فتره وفتره اتصل عليه لاطمئن:
ها ابوي وين وصلتو؟
شنو سويتو؟
برد ولا لا؟
شكليتو؟
اشعر بأني كرفت قلبه
ولم يكن ذلك مجرد شعور بل حقيقه صرح بها
ورغم انه يعترف باني حنانه الا انه يفتقدني اذا لم اتصل واتطمئن على كل شئ
تمنيت لو ذهبت للحج معه،ولكن تلك أمنية تعداها ابي منها بسهوله
وله الحق في ذلك
يا سهاله الشباب والرجال بالسفر،ويا عسارتنا
في حجتي قبل كم سنه عمامي وابوي اكتفو بحقائب صغيره
بينما كنت قد حملت الدنيا فوق راسي
!!
اتفقت معاه باني سوف ارسل له كل يوم دعاء يدعوه لي
هو أب،ومسافر،وحاج.....ساكتب كل ما افكر فيه برسائل يوميه
والله يعين قلبه ،ويحفظه
استودعتك الله الذي لا تضيع ودائعه
الله يحفظ كل حجاجنا ويتقبل منهم
.


.


.


.


احساس مؤلم
~~~~~~~~~~~
قويه
مثقفة
أنيقة
مهتمه بأدق تفاصيلها
كانت وما زالت تمثل لي الرمز
والهيبه
والقوه
ومنتهى الحكمة
قليلة الكلام
ثاقبة النظره
!!
لانها هي هي...يعز علي رؤيتها بأي ضعف
ويؤلمني من داخل التسليم بأنها كبرت
وعجزت
!!
هدها الفشل الكلوي
وغلبتها كآابه تلك الحبوب التي تاأكلها
فقدت وزنها،وفقدت قدرتها على شرب الماء في اي وقت
منهكة
باهته
غائرة العنينين خائرة القوى
تنتابها نوبات هبوط سكر،تتشهد بعدها من قوتها
تلك النوبات،واحساسها بالضعف اسكن في روحها رعب
رعب من ان تكون في اي لحظة وحيده
!!
اليوم زرتها الضحى
يلتف حولها عماتي،وتتوسط هي قلوبهن والمكان بصمت
بعد صلاه الظهر كنت استعد لاذهب فاذا بها تمسك بيدي وتسحبني لغرفتها
!!مافي روحه ،خلج عندي اليوم
حاولت التفلت ،النوم غالبني واريد ان ارتاح في بيتي وغرفتي
!!ومع هذا لم استطع ان اردها
في عينيها نظرة ارتجتني ان ابقى
ومن انا لارد قلبها؟
اندسيت بدلع في سريرها،كطفله تستغل لحظات الحب حولها:
يمه ترا ماعرف انام بجنز
عطيني شي منج
!!
ارتديت دراعتها ذات الورود الحمرا
وارتدت هي شبيتها الزرقاء
ابتسمت وانا اشم ريحتها الخنينه في ملابسها:
الللللللللله يمه
ريحتج ريحتج آه يا حبي لها
!!
لا أعلم لما حين احب اشخاص استذكر عطورهم
انا ايقين ان لجدتي رائحة خاصه
بخور مع عطر آخر
ولبيت خالتي رائحة أخرى....اتذكرها كلما مرت علي رائحة حليب وهيل
ولأختي الصغيره رائحة عطر اويللي
ولأخي رائحة عطر مميزة ايضا تذكرني فيه
ومثلهم كثار
!!
هل هناك من يشعر بذلك غيري؟
قطعت تفكيري تبتسم:
ام اليور انتي شنو ريحتي؟
هذي الدراعه توها يايه من الغسيل
!!
هي صامته طول الوقت
الكل حولها ولكن...نادر ما تتكلم
!!
وانا ايقين بأني الحفيده المدلله التي تملك مفاتيح بوحها
مجرد تنبر وطرح اسئله عائمه بالهواء سيفتح لها الف مجال ومجال للكلام
وكبار السن أكثر ما يفتقدون هو البوح والتعبير عن مشاعرهم
تكلمت عن موسم الحج و جدي الله يرحمه
تكلمت عن ذاك الحب المترسخ في روحها له
ثم عادت لطفولتها البعيده...ضحكت
كركرت
وانا مستمتعه معها وبها
اخزن في عيني صوتها وفي روحي صورتها
عندما ضحكت نظرت الى بطنها فابتسمت:
يمة ليش لما تضحكين بطنج يتحرك؟
ههههههههههه
انحرجت ثم ضحكت بشده:
تدرين اني مرة قلت حق امي رقيه الله يرحمها جذي وضحكت عليها؟
ودارت الدنيا وقلتي لي نفس الكلمه
!!
اغمضت عيني بجنبها
مسحت على راسي ثم قالت:
شبعي مني
باجر تولهين علي
وتسولفين حق عيالج
تقولين كانت يدتي
!!
هل شعرت يوما باحساس الاختناق؟
كلمتها ذبحتني
اشعرتني برغبه ان ابقى بجنبها ارتوي منها في كل لحظاتي
دمعت عيني:
يمة الله يطول بعمرج لا تقوليج جذي
وعيالي؟ابيج تشوفينهم
صمتت:
تهقين ربي يطول بعمري واشوفهم؟
العمر يا بنيتي يروح بحلظة،الله يحسن خاتمتنا
لا احب هذه الحواارات،شعرت برغبه بقتل دمعتي قابتسمت:
ليش يمه تهقين اني مطوله يعني
؟

:Pp

غيرت مجرى الحديث بسرعه
ونلت منها دعاء جميل مع اذان العصر
الله يحفظج يا الغاليه ويطول بعمرج ويرزقني جنه رضاج
همسه:
التفت لكل كبير بالسن في عائلتك
ابسط الكلمات والأفعال تفرح قلوبهم
.


.


.


.


.


أمومة
~~~~~~~~~

وضعت صغيرها الذي لم يتجاوز الأربعين يوما في حضني

شعرت بأنه مخلوق رخو،صغيرجدا،ةجميل جدا

!!

كان متضايق..شعرت بذلك من حركات وجهه ،وغضبه الطفولي وبكائه العالي

!جائع والجوع كافر

حول أمه الكثيرات،انشغلت هي بهن واستغليت انا الفرصه،بالطبطبه عليه واعطائه من الحليب المعد له

شرب...ثم دفع طرف الحليب بلسانه،

لم استوعب رسالته الطفوليه الجميله بالبدايه

ادخلت الحليب مرة ثانيه في فمه

فدفعه بحركة اقوى وابتسم

!!ملاك..تزينه غمازة على خده اليسار

شعرت بانفصال عن العالم

وبعشق متبادل بيني وبين حمودي الصغير

يا الله...عينين تشعان نور

وأنف،لنقل انه ما زال مشروع

وفم يخرج أصوات غير مفهومه تعبر عن مشاعر ذاك الصغير

حمودي الصغير...ببجامته الكامله

وبتلك القبعه التي تغطي قرعته الصغيره

وبجواربه التي تحتضن رجليه الناعمه

!!حرك ببرائته كل الحنان في قلبي

.

.

غدا يمر... ويغدو رجل كبير

قد يصبح مدير،نائب او اكبر وزير

وسأظل أحبه..ولن أنسى ذاك الصغير

!!


هناك 41 تعليقًا:

joy يقول...

الله يخليج ويخليلج

joy يقول...

الله يخليج ويخليلج

فتى الجبل يقول...

يروح ويرد بالسلامة
ويتقبل الله طاعته وطاعتج

New Bride يقول...

يروح و يرجع بالسلامه الوالد و الله يخليج له

و يدتج الله يطول بعمرها انا مقصره مع يدتي وايد :(

و الله ترى قريت البوست و على طول دقيت عليها و دعت لي بعد قلبي استكانه يزاج الله خير

ManalQ8 يقول...

تسلمين على البوست الحلو

الله يتقبل اعمال حجاجكم
ويرجعهم بالسلامة
ويكتب لنا الحج معاكم السنة الجاية


المهم
عيشتيني لحظات مضت
ابكيتيني
بعد انا شيسكتني الحين

كنت اعشق جدتي
اشكيلها
انام عندهابالعطل
اشتاق حق زوارة الجمعة واركض عليها بالمطبخ تكون بين الجدور تطبخ ذاك الاكل

وبذاك اليوم لما كنت ادلكها
قالت
انتي وبعدين معاج
ليش ما تروحين تقعدين مع بنات خالج
قلت لها احبج
اموت فيج
قالت يالله قومي
عيل اذا انا مت شنو راح تسوين

ما قدرت ارد عليها
بولالالالالالالالالالا كلمة
قمت ابجي وابجي وابجي

امسحت علي وامي حاولت تسكتني
ورديت عليها وقلت لها لا تقولين جذيه مرة ثانية

كسرت خاطرها
حطتني بحظنها وضمتني بصدرها الحنون الي لما الحين اتذكر ريحتة

اي
اهم شي الريحة
ترا حاسة الشم حاسة مهمة وخاصة للذكريات


جدتي توفت قبل الغزو الله يرحمها
بس الحمد لله عندي جدتي ام ابوي
احبها موت
واشتاق اسمع صوتها بالغربة
وهي بعد
لما اتصل
ويقولون لها اني بالتلفون تستانس
وتسمعني كلام مثل العسل
الله يطول بعمرها


الحمد لله رب العالمين
والله يحفظ الجميع من كل مكروه
وخليلنا حبايبنا باحسن صحة وعافية



موفقين جميعا

Sn3a يقول...

بوست حلوو!
فيه 3 اجيال

الوالد:الله يتقبل طاعته وحجته ويرجعه لكم بالف سلامه

الجده:ربي يشافيها ويعافيها ويطولكم بعمرها ويكسبكم رضاها ان شاء الله

الطفل:مافي احلى من انج تشوفين نعمه ربج تكبر جدامج
انا من اشوف ياهل بهالعمر الصغير عيوني لا اراديا تدمع على هالمعاجز الالهيه اللي تصير كل يوم ونشوف طفل بعد ماكان نقطه دم!

ZoZOta يقول...

استكانه

ولهت على سويلفاتج

اول شي ابوج الله يحفظه ويسمح دربه ويتقبل منه ويرده بالسلامه يارب

ثانى شي يدتج يا حلوها الله يمد بعمرها ويديمها فوق راسج وتشوف عيالج قولي آمين
ذكرتينى بيدتى الله يرحمها ويوسع منازلها
تدرين كنت دايم اشم واتطعم الماي اللي اشربه عندها غير
يوم انى كبرت قالوا لي انه ماي ملقح

عرفت ليش مايها غير
وريحتها غير

وحتى الريوق من صباح الله خير وياها غير

الله يجمعنى وياها بجنان النعيم يارب

وآخر شي حمودي
:)

الأيام تركض ومردج بتشوفينه شي ثانى

البوست حلو

حلو

:**

وحشتينى

DiLLi O MiLLi يقول...

:"(

وبعديييين !!؟؟
أتبجينا بالعيييد لييييششش !!؟

الله يطول بعمر يديده ويحفظها من كل شر يااااارب

وأنا مثلج .. بس أشمشم الأعبي بس وأنا صغيرة
لارحت مع امي بيت خالها .. وخالاتي وبنات خالة امي تخربططت أعبيهم .. نادوني
وأنا أبتدي الشم وأوزع .. كل عباة أعطيها لصاحبتها
هههههههههههههههههه

يااااريت كانت الدراسة جذية
أشم الكتاب وخلاص .. ألا أنا صامته
:)
كل من في قلبة شقى اللي له
هههههههه

والوالد أنشاء الله ما علية ألا العافية
والله يرده بالسلامة ياااارب




وعيـــدج مبـــارك حبيبتي
:**


ألا شلوون الخروف اللي عندكم
شأرتي عليه اليوم
;P


توج معلقة عندي وأنا بلحظتها قاعدة أنزل بووست العيد
تعالي شووفي خرووفي مال العيد
يكســـر الخـاطـــر

:(

Fahad Al Askr يقول...

الله يرد أبيج بالسلامة ويرفع عن يديدتج ويحفظ حمودي

5roofa يقول...

استكااانه عورتي قلبي

هذا حجي يدتي وااي لمه تقوله صج صج اختنق

بعد عمري اليدتات ذهب
الي الحلو الوحيد الي احسه يذكرنا بحلات اول

الله يخليها و يطول بعمرها ياارب و يردلج ابوج بالسلامه

و يخلي الصغيرونه و تفرحون في معرس يااااااارب

salamz sweetee...

charisma يقول...

صبااح الشرااحه كلها
صبااح البوست الى دفانى وانا مندعسه مييته برد
دموعى اربع اربع
عفستينى يا استكااانه
لا حول ولا قوة الا بالله

اول شى
مس يوو سو سو مج

ثانى شى
الله يسهل درب الوالد ويرده بالسلامه
ويرد كل حجاجنه بالسلامه امييين يا رب العالمين

واااخ على يدتج
الله يشافيها ويعافيها ولا يحرمكم منها ويعطيها الصحه والعافيه وتشوف عياالج يا احلى استكانه
:**

ذكرتينى بيدتى الله يرحمها
وفعلا لهم ريحه وانا مثلج
ويوم قريت والله العظيم شميت ريحت يدتى
:(
الله يرحمها

وااى على البيبى الى توا مولوود واااى
هههههههههههههه
يسلم قلبه
والله يبيلنا واحد
خل اشوف منو ممكن اييب لنا بيبى والا على قولت اليهال نشتريلنا واحد من الجمعيه
لووووووول

:**
حبيبتى انتى
صج ولهت على سوالفج واحجياتج

سدرة العشـــاق يقول...

بعد قلبي ... عسى الله يرده بالسلامة و ييسر أمرهم رب العالمين و تقر عينج بشوفته إن شاء الله
و يرجع بالحج المبرور و الذنب المغفور و السعي المشكور إن شاء الله
-------

تصدقين ترى الشياب و العيايز بركة اي والله يا حلوهم كل ما تخطرفتي جدامهم حاشتج دعوة من قلبهم طالعة ... عسى الله يخليج و يخليلج و يطول بعمر يدتج و يعطيها الصحة و العافية و لأمة محمد إن شاء الله
-------

الصغار أحباب الله ... يا حلوهم ياخذون القلب و إن شاء الله سبحانه يرزقج الزوج الصالح اللي يخاف الله فيج و الذرية الصالحة

يعطيج العافية حبيبتي

Eng_Q8 يقول...

يروح ويرد بالسلامه وتقبل الله طاعته

esTeKaNa يقول...

joy
~~~~~~
آميين
يزاج الله خير
:)





فتى الجبل
~~~~~~~~~~~
الله يسلمك من الشر
وعيدك مبارك
:)






nee bride
~~~~~~~~~~~~
الله يسلمج من الشر عروستنا
ويا بعد قلبي انتي
زين تسوين والله
شفتي؟
اقل اتصال واهتمام يفرحهم
عسى ربي يحفظها ياربي ويبارك بعمرها
ويرزقج رضاها
:)
عيدكم مبارك

esTeKaNa يقول...

manaLq8
~~~~~~~
حلت دنياج يا الغاليه
اللهم امين يارب
اي والله يا منال،كاني معلقه عيوني بالتلفزيون اشوف الحجاج بعرفه
عسى ربي يكتب لنا حجة ونكون بهذا المكان السنه اليايه
قولي آمين
:)
أخيييه يا منال
انا ما قصدت والله اذكرج ولا حبيت تنزل دموعج،بس اول مرة بحياتي اسمعها تقولي جذي
فحسيت بشي مو طبيعي
والله حسيت بقلبي اختنق وهي تتكلم
وما لقيت كلام ولا حوار مناسب اقدر اغير فيه الموضوع
تميت طول اليوم معاها يمكن نست كلمتها
بس انا ماني قادره انساها
:(
الله يرحم جدتج وعساها ياربي بجنات النعيم،وعسى الرحمن يجمعج معاها بالفردوس الأعلى اللهم آمين

الله يحفظ لج أم أبوج يارب ويطول بعمرها
ويردج بالسلامة يارب


هالبوست عن يدتي ام ابوي
اما يدتي ام امي فهي لله الحمد بصحتها
قمة خفه الطينه وشخصيه مختلفه جدا عن ام ابوي
:))
الله يحفظهم جميعا يارب
اهم بركة الدنيا

حياج الله يا منال
وعيدج مبارك
:)

esTeKaNa يقول...

sn3a
~~~~~~~
!!ملاحظة جميلة
فعلا ثلاثه أجيال في بوست
:))
اللهم آمين ويزاج الله خير على هالرد المرتب المنسسق سنعه حتى بالرد والله
:)
تصدقين وايد اشيا تدمع عيوني
البيبي الصغير
دخلة عروس
تخرج
حمدلله والشكر انا ام دميعه


عيدج مبارك يا السنع كله
:)

esTeKaNa يقول...

Zozota
~~~~~~~~~
هلا بالزين هلا
ولهت عليج العافيه يا الغالية
:)
اللهم آمين يارب العالمين
ماي ملقح؟
يابعد قلبي قلبها
عسى ربي يرويها من ماي الجنه يارب
ويجمعكم معاها بجنات النعيم يارب


يا حلاه تعليقج ياالزينه
نورتي البوست
وعيدج مبارك
:**

esTeKaNa يقول...

diilio milli
~~~~~~~~~~~~~~
نا اقدر ابجي الحين؟
حتى لو فيني ها ها عبره
راحت ويتني الكركره والضحك

مواهب مواهب
مع كل بوست اييني تعليقج يعلن ويكشف عن موهبه يديده
عيل توزعين العبي حق خالاتج؟
ههههههههههههههههه
هههههههههههههههههههه
يا بعد قلبي مستغلين طفولتج ترا
عيل ينادونج ها؟
لوووووووووووووووووول


واي ذكرتيني ايام الدراسه
يتني أيام افج الكتاب من النص واحطة فوق راسي،جود ياربي ينزل الشي من الكتاب لي مخي
وحمدلله والشكر من اخلص امتحان رحت فركت راسي تفرك جنه المعلومات معلقه فوق
:)))


حبيبتي ...أيامج سعيده يا الغاليه
اي خروفنا بخير
وعليه مستانس
ما يدري باجر شيايه
من غير شر
باجر بيقضي نحبه
:(


والله والله فيج ميزه
اتوقع في تعليقج كل شي غير متوقع
:**

esTeKaNa يقول...

fahad al-asker
~~~~~~~~~~~~~~~~~~
حيالله بو عسكر
امين ما قصرت
وعيدك مبارك
:))







5roofa
~~~~~~~~~~
حيالله الخروفه والله
ديري بالج
هاليومين عليح طلب الله يحفظج
:))
اي والله يا حلاه يداتنا
الله يحفظهم ولا يحرمنا منهم
ويبارك بالصغار جيل المستقبل الحلو



عيدج مبارك
:*

esTeKaNa يقول...

charissma
~~~~~~~~~~~
يا مسا الشراحة
يا مسا الدفا
يا مسا الطيب كله
:*
واي انا الحين ابي دفا
فجأة بردت ولبست الكبت
على قوله اخوي صايره بروحج حفله تنكريه
:))
لا كريزما لا تقولين دموعي اربع اربع
انا اختفنت بحزتها وكتبت البوست
بس الحمدلله
الله يحفظها
ويعينا على برها
ويرزقنا جنة رضاها
ويرحم يدتج عساها بجنات النعيم يارب




واي يا زين اليهال
مو ريحتهم خنينه؟
واي سكتي رديت بيتنا من الباب قلت حق امي ابي عيال
قالت اسم الله عليج انتي القي ابو العيال قبل
heheheheheh
:)
تدرين اني افقدج؟
من غير شر حتى ام اس ان ما اشوفج
:(
الله يحفظج يارب ويسعدج
وعيدج مبارك

esTeKaNa يقول...

سدرة العشاق
~~~~~~~~~~~~~~
يا مسا الورد كله يا سدره العشاق
تدرين ان اسمج حلو؟
:)

يا بعد قلبي انتي
آمين وما قصرتي
الساعه المباركة اللي اشوف تعليقج ينور بلوقي والله

وصاجة هالكبار بركة كل شي عسى ربي يحفظهم ويعينا على برهم


عيدج مبارك وما قصرتي
:**













eng-q8
~~~~~~~~~
الله يسلمك ما قصرت
وعيدك مبارك
:)

غريب يقول...

كلامك يريح وخلي الواحد يقوص بأفكاره
مشكوره وكل عام ونتي بخير
وعيدك مبارك

Najmah يقول...

ياحلاتج يااستكانة
دايمااتحسسيني ان الدنيا بخير
:)
الله يرد الوالد بالسلامة
ويحفظ لج كل احبابج ويخليج لهم
:*

وعيدج مبارك يالغاليه

darkness يقول...

السلام عليكم

مساج الله بالخير

كل عام و انتي بخير

الله يتقبل من الوالد و يرجع لكم سالم مغفور الذنب و يطول بعمره لكم

و الله يخلي لج امج العوده
:)
ما اسميها يدتي اسميها امي و اهي اقرب الاشخاص لي

الله يخليها لج و يخلي امي العوده لنا

و يطول اعمارهم بالطاعه و يرزقهم الصحه و العافيه

و عقبال ما تسولفين لنا عن عيالج

:)

vancouver يقول...

Eidich mbarak 7abibti Estekana
:)))))))))))

Allah yeshafi yadditich o ye6awwel b3omerha yaaaarab
mabroooooooook 3alekom 7ammodi el9e'3eer

Allah yarzegech mithlah o b7ayat yadditich inshalla


Allah yetqabbal 6a3at elwaled o jamee3 el moslemeen yaaaaaaaaarab


:****

Sara يقول...

استكانة كل كلمة كتبتيها حركت فيني مشاعر وأحاسيس كثيرة .. جد استانست ودمعت عيني شوي :)

الصغير الله يخليه لكم ولامه وأهله ويحفظه يارب :)

الله يرجع كل الحجاج بالسلامة منهم أهلج ومنهم امي وخواتي :)

يدتج بعد عمري تشوق الله يخليها لج ويطول بعمرها يارب :) كلماتها عورت قلبي وصج لكل يده ريحة خاصة فيها :)

شكرا على البوست وعيدج مبارك

Mamloo7a Q8ia يقول...

عيدج مبارك حبيبة قلبي
وعساج من العايدين الفايزين

وعسى الله يرجع حجاجج بالسلامه
ويخلي لج يدتج ويطول في عمرها
ويحفظ صغيركم ويخليه لأهله

ولهانيييين
:***

Purplecious يقول...


عيـــدك مبارك
و كل عام و أنتي بخير

Selezya يقول...

ييرد بالسلامه وحج مبرور يارب ويخليلج ياه

وعسا الله يطول بعمرها الغاليه وصدقيني انااا احسس جذي بس دايم ويا امي ولا ابوي
والريحه اكيد تتذكرين اصحابها دايم :)

والكووكوو حمودي الصغيرر :) له طولت العمر ويخليه لاهله يارب

وانتي الحلووه .. كل عام وانتي بخير وعيدج مبارك :)

charisma يقول...

حبيبتى انتى
الله لا يحرمنى من حبج وقلبج يا استكانه
:**

والله انى ولهانه اكثر عييج ومن شفت بوستج الى بتقطيين فيه وانا قلبى عندج واقول بدزلها ايمييل افضفض واسمع منج
والنيه موجوده بس لوووووووووووووويه عساها على خيير
على شنو ما ادرى استغفر الله الوقت يركض وانا بلويه
:/

الله يرحم حالنه بس
:**
والا قلبى عندج
عيدج مبارك وكل عاام وانتى بالف خير يالغاليه
:*

7osen يقول...

كل عام وانتي بخير

وعساج من عوادة

:)

بـابـل يقول...

كل عام وأنتي بخير

والله يرجّع الوالد بالسلامة أنشاء الله

والله إحساسك هذا بكبار السن آنا أحسه نفس الشي

وصج هالبشر همه بهجة الدنيا

والبيت اللي مافيه جد او جده يضل بيت موحش

الله يحفظلك جدتك وأنشاء الله تشوف عيال عيالك


تسلمين عزيزتي على هالبوست الأنساني


وبس



بابل

shakshaka يقول...

3eeeedich embarak wo it3odeena enshalla kil sina bil9a7a wil3afia:*

5roofa يقول...

عيدج مبارك سويتي

لوول ووين انخش و انا كل بلووق ادشه نازين على خرووف

تازمت والله

عيدج مبارك سويتي

salamz love...

darkness يقول...

عيدج مبارك و عساج من عايد العيد

Q8DOLL يقول...

عيدج مبارك يالغاليه
واسفه عل التأخير
عسى ايامج كلها سعاده وفرح وأعياد

Mishari يقول...

عسي الله يتقبل منه
وعيدج مبارك ويرد الوالد بالسلامة :)

esTeKaNa يقول...

غريب
~~~~~~
الراحة حلم اسعى له ليل ونهار
ان تبعث كلماتي الراحة في نفسك
شئ يفرحني ااكثر من ما تتصور
:)
ايامك سعيده










najmah
~~~~~~~~~
تشكين ان الدنيا بخير؟
بإذن الله دنيتنا بخير وبتكون أحلى
طالما في قلوب مثل فلبج يا النجمه
أمين
ومشكورة ما قصرتي
أيامج سعيده
:*












darkness
~~~~~~~~~~~~
يا هلا ويا مرحبا
شنو هالتعليق الحلو؟
شنو هالدعاء اللي يرد الروح؟
يزاج الله خير واللهم امين يارب
ما قصرتي
وفعلا اهم امهتنا الله لا يخلينا يارب

esTeKaNa يقول...

vancouver
~~~~~~~~~~~~
هلا بالغاليه هلا
واي تو ما نور المكان
مشتاقين مشتاقين
:**
شخبارج؟
عساج بأحسن حال يارب انتي والاهل؟
اللهم امين وما قصرتي حبيبتي على هالمرور والله انج تنفقدين صراحة
من غير شر












mamlo7a-q8ia
~~~~~~~~~~~~~~~
هلاااااااا وغلااا بالملح كله
واي ردت روحي يوم قريت تعليقج تدرين؟
شخبارج؟
شهالغيبه يا حافظ؟
ترا والله لج مكان الله اعلم فيه

ايامج سعيده يارب ويزاج الله خير ما قصرتي
:**

esTeKaNa يقول...

Purplecious
ّّّ~~~~~~~~~~~~~~
عساج من العايدين والفايزين يارب
:*









selezya
~~~~~~~~~~~
هلا وغلا
اللهم امين
وماقصرتي على هالمرور الحلو
:**










Charissma
~~~~~~~~~~~~~
حبيبتي أنتي
:*
كافي النية انج بتسألين
وكافي قليبج الطيب عساني ما انحرم منه

أيامج سعيده وعساج من العايدين والفايزين
:)











7osen
~~~~~~~~~
يا هلا ويا مرحبا
أيامك سعيده وعساك من العايدين والفايزين ان شاء الله
:)

esTeKaNa يقول...

بابل
~~~~~~
يا مرحبا بصاحب الاحساس الراقي دائما بابل
:)
بالضبط يبتها ييب
موحش
!!
هذا حالنا بدون بركتهم
الله يحفظهم يارب ويطول بأعمارهم
وكل عام وانته بخير
وبس
:)








شكشكة
~~~~~~~~
بعد قلبي انتي
وانتي بخير وصحة وسلامة يارب
:*










خروفه
~~~~~~~
LOOOOOOL:)
أيامج سعيده









Darkness
q8doll
mishari
~~~~~~~~~~~
ايامكم سعيده وكل العمر وانتم بخير ان شاء الله ومنا ومنكم صالح الأعمال
:)
شكرا لمروركم جميعا
ياربي لا تخلينا من بعض