الثلاثاء، ديسمبر 04، 2007

واحد من الناس...ونساي

نسّاي
نسّاي .. وانته الهوى بالنسبه لي والماي
اسمع انا صوتك .. ولا تسمع نداي
اشهق أنا باسمك .. واشتاق لك وانته معاي
اكتب على سمعي اغاني .. اكتب واغنيك
حيّرتني .. واحترت انا فيك
تزعل بلا أسباب .. وتعاند واراضيك
بكل زلاتك ابيك .. بكل حالاتك أبيك
حبيبي انت .. وإلا العذاب انت
وإلا العذاب انت .. مدري وش اسميك
نسّاي
تغيب .. والدنيا معاك تغيب
تقطع خيوط الشمس عنّي .. ويصبح العالم كئيب
وأصبحت أنا لوحدي .. على ارضك غريب
ما تكتفي من غربتي .. ما تكتفي من حيرتي
لله كم انته عجيب.....الصمت دايم لعبتك
الصمت أحياناٌ رهيب
.
.
.
الله عليك يا شاعر الاحساس
يا شاعر البساطة وروعه الكلمه
كلمات فائق عبدالجليل دائما تبهرني
ببساطتها صعوبه
وفي احساسها شئ رهيب
!!
ابداع فائق تكمن في بساطته
في انبعاث كلماته من واقع
اسمع كلماته أحيانا بصوتي،تعبر عن احساسي في لحظة
واحيانا اشعر بها تهمس في اذني..تعبر لي عن فكرة
.
.
.
.
اشهق انا باسمك واشتاق لك وانته معاي
لما اشعر بأن كلمه اشهق في هالبيت مؤلمه
صادقه
قريبه لحد الآه؟
رغم انه يشهق باسمة
يشتاق له وهو معه
رغم انه الهوى والماي
رغم كل هذايظل هو
!!نساااي
.
.
تغيب والدنيا معاك تغيب
غريب...كيف لقلب ان يحتل كل مساحات حياتك
حتى اذا غاب،غابت الدنيا في عينك؟
وتسللت غربه هذا الكون كله الى روحك
.
.
.
الصمت دايم لعبتك
الصمت أحيانا...رهيب
رهيب الصمت حين تكون في امس الحاجة لكلمه
لنبضة صدق
لحروف تحتضن خوفك وتشعرك بأمان
تستجدي منه الكلمات
وترتجي منه كلمه
ولكنه صامت
ونساي
!!
.
.
.
.
ومن نساي الى احساس آخر
يفتتح فيه قلوبنا برقه عاشق مفارق
احترم كل ماضي العشق
وكل ذكريات الحب الراقي
فقرر بلحظة صدق التسليم باصعب قرار
ان يفارق ...ويعترف لنفسه بانه سيكون
واحد من الناس
!!
.
.
بكل طيبة العشاق اطلب ننتهي
سافر وغيب وننتهي
بتشوف ناس .. وتحب ناس
وتنسى وأكون بدنيتك .. واحد من الناس
كنت أتصور إني لك .. وانته عارف منزلك
جدّت ظروف .. وعينك تشوف
صرت بصعوبه أقابلك .. صرت بألم اشتاق لك
سلمت .. انا مالي غير الصبر
!!مالي انا غير الصبر
آه لو تدري .... لو تدري بعد هذا العمر
إسمك إذا مرني .. يعطرني عطر
آه يا كل العمر
آه يا كل العمر
كون بمكاني وشوف عانيت شكثر
بتشوف ناس.. وتحب ناس
وتنسى .. واكون بدنيتك
واحد من الناس
*****
تعيش معاهم سنين
تخطط لابسط تفاصيل حياتك
تظن انهم المستقبل القادم
والحلم القريب والاعذب
لا تعلم انته ما الذي قد كتب لك في الغيب
ولا يعلم هو الى اين ستأخذكم الظروف
تجد ظروف...وعينك انته وعينه تشوف
ظروف دنيا
واقع حياه
جرح منه
او قد تكون جروح الحياه
تترك اثارها ندبات على صفحة احساسكم
وتسلمون بواقع جديد
ان تكون يا العاشق القريب
ويا اقرب قريب
تكون في لحظة....واحد من الناس
!!
ولكن هل معنى هذا ستنتهي حياتك؟
لا
بتشوف ناس
وتحب ناس
وبتنسى واكون بدنيتك...واحد من الناس
!!
فراق ولكن من نوع آخر
فراق تطلبه بكل طيبه العشاق
بكل رقي احساسهم
وبحق كل الذكريات الجميله التي جمعتهم
فراق في قمة الاحساس
!!
هل هناك حب سرمدي؟
خالد لا يتغير ولا يحل محله بديل؟
نحن نقول ذلك في لحظات البوح
وفي خدر احساسنا بالحب
بأن له مساحة في ارواحنا لا يحتلها غيره
ولا ينسينا اياها الزمن
كلماتنا تلك تنبعث احيانا من احساسنا
واملنا بأن نبقى نحن كذلك في قلوبهم
حب لا يبدل ولا يعوض
!!
ولكن الواقع اخر
واقع ارحم بنا من امنياتنا
الواقع بأن قلوبنا تنبض في كل لحظة
بنشوف ناس..ونحب ناس
وبننسى...ومن كان كل شئ
!!سيكون يوما ما،واحد من الناس
.
.
.
وبالنهايه ....يهدينا من احساسه المشاغب حكم
نصل لها نحن أحيانا في لحظات التعب
.
.
كانت اللحظه تعب
كانت الهمسة غضب
وكان احساسي مشاغب
تعبت من نزف الكلام
كيف حالك والسلام
وكل نتايجها مصاعب
من وين اعدلها تميل
لاصحوة لاغفوة بليل
ضمير صاحي للمتاعب
حكمة آلهيه نتألم
يجوز في يوم نتعلم
ومن الالم تبقى تجارب
.
.
.
ومن الألم تبقى تجارب

هناك 42 تعليقًا:

عبدالرحمن يقول...

صح لسانهم

وصح احساسج

charisma يقول...

يا مساء الحب بلياا حدوووود
:**

انا منسيه وانتى نساى
لووووووووووول
كملنا والكامل الله

هههههه

عجيبه الكلمات لفايق عبدالجليل الله يرحمه

واختيارج لكلمات الاغانى قريبه منى واايد ذوق يا ذوق

جنج حاسه فينى انا امس سامعه بكل طيبت العشاق حق اصيل
واصدقين قعدت افكر سبحان الله شلون اقرب الناس لقلبج وروحك يصير واحد من الناس

سرحت واايد

وترى فعلا استكانه يصير غريب
فعلا الزمن كفيل انى يغير ويداوى وينسى

سبحان الله

وتسلمون بواقع جديد
ان تكون يا العاشق القريب
ويا اقرب قريب
تكون في لحظة....واحد من الناس


صدقتى
وصفتى الى يدور فى بالى بالضبط

روعه بالبوست
:**

نومت العافيه يالغاليه

charisma يقول...

استكانه
الشكوه لله ليش كله كومنتاتى
متروسه بدليات
:/

غير معرف يقول...

:(

joy يقول...

ليش هالعذاب
يختي مافي نفس هالاحاسيس الحين


كله كلام فاضي وينعاد كورال عشان يطوول


يسلملي احساسج المرهف الراقي

shakshaka يقول...

fe3lan marat el wa7id eb qemat e7sas el7ub mosta7eel bethen fe yom mn el ayaam ena hal ensan eb yeneseee bes la9ar ele 9aar betgoleen 9ej 9ar wa7d mn enas allah rezagna eb ne3mat elnesyaaaan bes eb wagt;ha wentay eb qemat shu3oooor el7ob mosta7eel kentay betfakreen ena hashakh9 bekoon wa7id mn enas .. wel7ayat mashya;)

a7La eNG يقول...

خالد لا يتغير ولا يحل محله بديل
؟

منوو خااااااالد هذاا
هاااااا
@@


ما ادري ليش حسيت ابي اقول

انا واصلت الرسايل لين مل من البريد
و الا مو له هالاغنية
؟
والله ما ادري ليش بس احساس اقوى مني

;****





اغنية اصيل
وااااااااااقعية لدرجة مؤلمة مرررة
and life goes on
غصبن على ويهي

Barrak يقول...

اغنية نساي


اغنيتي المفضله

الله يرحمك يابو فارس

نون النساء يقول...
أزال المؤلف هذا التعليق.
نون النساء يقول...

احساسي مشاغب
وبوست مشاغب
يا استكااااانه



اليوم صدفتي مع فايق عبد الجليل صدفتين
الثانية عندج


:*

Kuw_Son يقول...

من التجارب نتعلم !!

حكمة خالدة ..

بساطة في الكلمات و سهولة في الفهم ..

خوش قصيدة و تحليلي :)

DanDash يقول...

تقطع خيوط الشمس عنّي .. ويصبح العالم كئيب
وأصبحت أنا لوحدي .. على ارضك غريب
ما تكتفي من غربتي .. ما تكتفي من حيرتي
لله كم انته عجيب.....الصمت دايم لعبتك


اخترت أجمل من أجمل ما خطت يد فائق عبداللجليل الله يرحمه

قصائده تعطي أحساس للي يقرأها أو أي أغنية يسمعها إنها مكتوبة عشانه و يتألم معاها ويفرح بعد و مافي مانع دمعة دمعتين من غير محد يدري

واحد من الناس هذي قصة لحالها كل كلمة فيها في مكانها الصح لا يمكن تخلين أي كلمة غير
هل القصيدة جد مؤلمة في كل الحالات و صوت أصيل الدافي جد مناسب لها

شكرا لك لأختياراتك و تحليلك لها

|:| DUBAI |:| يقول...

فايق كان مبدع بحروفه .. و بو خالد كان يحلي الحروف أكثر و أكثر بصوته

اختيار موفق يا استكانة

7osen يقول...

فايق

اكثر من رائع
وأكثر من مبدع
واكثر من قريب

كلماته قريبه من الروح

واختيارج موفق

انا احب كلمات واحد من الناس واايد

واايد حلوة

مشكورة على الاختيار الحلو

Q8DOLL يقول...

الله عليج يا استكانه
كلماتج زادت الشعر عذوبه
شنو هالاضافه اللي تعور القلب

تلم ايدج على هالنقل

nena يقول...

ماقدرت امر مرور الكرام وماعلق
ذووووق رفيييع
وانسانه راقية في اختيارج للاغاني

اغنية نساي من اروع اغاني عبادي الجوهر ... ذكرتني بايام وليالي الزمن كان كفيل ان يداويها
:((
الله عليج يا استكانه تعليقج كان اروع من كلمات الاغاني

هيجتي فيني المشاعر والحنين الى الماضي
بس ماقول الا ان حياتي صارت
حبر وورق ..صارت حياتي كلها حبر وورق قلبي احترق..من بعد فرقاك وغياب قلبي احترق..

اتهقين اكو حب في هالزمن مثل اول
واكو اخلاص مثل اول


جني طولت عليج
تحملي انتي اللي يبتيه حق نفسج
:)

Shaima'a Alkandari يقول...

يبه والله انتى مبدعه ولج حرف جميل

يعطيج العافيه

Eng_Q8 يقول...

الله يرحمه احساس ماكو منه

PearL يقول...

بوستج اينن

وايد دش قلبي

الكلمات تعور القلب
و انتي شرحتي الوضع
ماخليتيلي مجال اعلق


اشكرج وايد على هالبوست الراقي

Fahad Al Askr يقول...

الله يرحمه

`~MnO YeNSa! ~` يقول...

الكلمــــــــات رائعة ..
و تعليقك والشرح اروع ...

لما قريته حسيت انه الكلمات و تعليقاتج وايد قريبه علي ... اتخليج اتعيشج الوضع لو ناسيه و لو تحاولين اتناسين و لو اتحاشين هالمواضيع .. دايما اهيه اللي تستوقفج و تخليج للحظات بدون ولا كلمة .. انا لو اقرى هذي الكلمات مستحيــــل اقدر اعلق مثلج ... مشالله

فتى الجبل يقول...

يا عيني

ZoZOta يقول...

ومن الألم تبقى تجارب

يالله عليج يا استكانه

الأغنية من اغانيي المفضله

:**

Zabo0o6a يقول...

waaaaai la2 estekana , ana galbey y3awerny chethy e'3neety elmofa'6ala o elsharee6 mayanzel men elsayarah ehya " wa7ed men elnas " t3awer elgalb wallah o e7sas a9eel 3aaly eb hal e'3neya .. 9a7 lasnej wallah ;)

Sn3a يقول...

جد عجبني هالبوست
من ابياته
والتعليق

كله
حلو!
وخاصه

الصمت احيانا رهيب

5roofa يقول...

كلمااات روعه بس شفيكم على النسياان لوول انتي و كارزماا

مشكوره على البوست الحلوو

يسلمووو

salamz sweetee...

بـابـل يقول...

صباح الورد

الله عليك والله ذكرتينا بأنسان كتلة مشاعر وحنان وحب

فايق عبدالجليل رحمة الله عليه

وأغنية نساي لها ذكرى وصداها مدوى بروحى ليما الحين من الطفولة


يتعب القلم والورق وماقدر وا يوفون فايق حقه



شكرا لك عزيزتي



وبس



بابل

Mishari يقول...

اختيارات مو طبعية:)

مشكورة يا استكانه

Q8ya يقول...

اشهق انا باسمك واشتاق لك وانته معاي


على كثر ما اهي مؤلمة على كثر ما احساسها عجيييب واينننن وموطبيعي انا جربته وصج صج لو شقولج والله قمت اشهق...اشهق من صججججج :)


يعطيج العافيه اختيار موفق...:)

Q8i_Blogger يقول...

نقل جميل
كثرري من الاختيارات الجميله

esTeKaNa يقول...

عبدالرحمن
ّّ~~~~~~~~~~
صح بدنك
!!
حياك الله








charisma
~~~~~~~~~~~~
يا مسا الطيب كله
:**
ههههههه
يا حسرة قلبي
توني الاحظ
اشهالحاله؟
يارنا الله والله
:))
واي كريزما
انا واحد من الناس تعور قلبي حيل
كل كلمه فيها تقولج واقع مكرر كل يوم
نحسه
ونعيشه
بس صعبه على القلوب الوفيه انها تستوعبه
تهقين الزمن كفيل ينسي ويداوي الجروح؟
اتمنى هالشي حق كل من يحس بجرحة مع هالكلمات


يعافيج ربي يا الغاليه
:)

esTeKaNa يقول...

anon.
~~~~~~~
:(
me 2 wlla









joy
~~~~~
ويسلم لي مرورج الجميل
:)

esTeKaNa يقول...

shakshaka
~~~~~~~~~~~
الحياه ماشيه
!!
هذي اهي
سواء كان واحد من الناس
او ما زال ياخذ كل الاحساس
الحياه بتمشي

فالاحسن ننسى،والنسيان احيانا في هذه الامور تكون نعمه

يا زين وجودج
ينور كل البوست
:*












a7La-eNg
~~~~~~~~~~~
خالد منو بعد
:pP~
hehehehe

اييييه تمشي يا النوري تمشي
غصبن على ويهي انا بعد
:(

esTeKaNa يقول...

barrak
~~~~~~~~
امين يارب
عساه بجنات النعيم
:(







نون النساء
~~~~~~~~~~~~~
يا زين هالصدف
ويا بخت استكانه
:)
فرحت بوجودج اكثر من ما تتصورين
مو بس لج في بلوقي مكان
بل حتى في قلبي والله يشهد على ذلك
:*

esTeKaNa يقول...

kuw-son
~~~~~~~~
البساطة هي السر
والتجارب هي وسيله التعلم احيانا
:)
حياك الله











dandash
~~~~~~~~~~~
صدقتي
السر بكلمات فائق عبدالجليل انك تشعرين بانها لك وحدك
تعبر عن حالتك
او عن حاله قريبه جداا ومشابهه

اله يرحمه كان مبدع
وما شفت للحين من هو في ابداعه

حياج الله

esTeKaNa يقول...

Dudai
~~~~~~~
شكرا يا دبي
:)









7osen
~~~~~~~
حبتك العافيه
وحياك الله يا حسين
انته راقي الاحساس والفكر
فشي طبيعي تأُر فيك كلمات فائق
:)

esTeKaNa يقول...

q8doll
~~~~~~~~
هلا بالغاليه هلا
اضافتي ...اهي احساسي
ليت اضافتي تكون جميله
من غير عوار قلب
:)













nena
~~~~~~~
سعيده بانك وثقتي اليوم مرورج بكلمات جميله من واقع احساسج

كلماتج صادقه
كل الصدق

نعم..نحن للماضي
ونعشق كل تلك الاشيا الجميله
ولكن هل هذا يعني ان نهجر جمال واقعنا؟
لا تجعلي حياتك حبر وورق
دعيها اجمل
ويارب تكون اجمل
:)
اهقه اكو حب واخلاص؟

اييه
رغم كل تلك القلوب المجروحه
رغم الحزن
رغم الالم المتكرر
اهقه ونص في حب واخلاص ورقي وكل شي حلو
ولو كان نادر
:)
ابد ما طولتي علي
استكانتي اليوم كانت معاج غير
فيها صدق وفضفضه
لا تحرميني من اي كلمه بخاطرج تقولينها قوليها لي باي وقت
وباي بوست
:)

esTeKaNa يقول...

shaima
~~~~~~~~~
هلا بشيما هلا
فقدتج وايد من غير شر
ما تتخيلين فرحتي يوم قريت تعليقج ودريت انج رديتي
حمدالله على سلامتج
:**
شكرا على مرورج الجميل
ويا ريت اكون فعلا مبدعه










eng-q8
~~~~~~~~
امين يارب
!!
فعلا...ما مر علينا مثله








pearL
~~~~~~~~
هلا يا اللولو هلا
كلمه راقي لها اثر بقلبي كبير
ولما كتبتي راقي
كان تعليقج تعليق وافي
وجميل
ومعبر
شكرا لج من قلبي
:)

esTeKaNa يقول...

فهد العسكر
~~~~~~~~~~~~~
آمييين







mno ynsa
~~~~~~~~~~~
الاروع هو جودج الذي افتقدته من زمان
:)
كلمات فائق
ببسطاتها
باحساسها
تجبرنا على التلذذ فيها بكل المها
وبكل احساسها
الله يرحمه يارب



حياج الله
:)










فتى الجبل
~~~~~~~~~~
:)
عسى ياز لك الحجي؟

esTeKaNa يقول...

zozota
~~~~~~~~
حيالله الزين
:)
طبيعي تكون من المفضله
الزين ..ما يحب الا الزين
:*













zaboOo6a
~~~~~~~~~~~~
يا حبنا حق عوار القلب
اشفينا؟
:)
انا اقول نزلي الشريط
ليمتى قلوبنا بتعورنا يعني
الله يشرح صدري وصدرج قولي امين
:*

esTeKaNa يقول...

sn3ah
~~~~~~~~
حلت دنياج يا السنع كله

اييييه
رهيب بمعنى رهيب
يقطع القلب ويقتل كل الصبر
مع ان الصمت يفترض احيانا ان يكون حكمه
:)











خروفه
~~~~~~~
لاحظتي؟
لوووووول
الله يثبتنا بس انا وكرييزما
خلاص بدينا ننسى وخيط وخيط
:)

esTeKaNa يقول...

بابل
~~~~~~
صباحك ومساك ورد وخير ونوير
:)
الشكر موصول لك
وجودك
ووجود براك
يذكرني بفايق
ويعطيني امل بوجود قلوب تملك رقه الاحساس وابداع الكلمه بكل فكرة
ما شاء الله تبارك الرحمن











mishari
~~~~~~~~~
حياك الله مشاري
:)









q8tya
~~~~~~~~
حيالله الكويتيه والله
:)
تشهقين من صج؟
ايييه ايييه
الله يهنيج ياربي
وديري بالج مرات اذا شهقتي عقبها تشرقين اسم الله عليج
:))

نورتي البوست
والله يعافيج يارب










q8iblogger
~~~~~~~~~~~~
تامر امر
:)