السبت، ديسمبر 01، 2007

نهارك سعيد:)

ما للخطا في بعض الأحيان تفسير
!!أحيان نزعل ناس نشري رضاهم
.
.
.
اكبر تعذيب للضمير هو احساسي بأني اغضبت من بعينه سعاده دنيتي كلها
يتجاهل هو النظر في عيني
واتجاهل انا المرور من أمامه
مرسول المحبه بينا ...أمي
يومين كانت النومه غير النومه
والدنيا غير الدنيا
اشعر بأن الامور تتعسر بشكل فظيع
وكيف لها ان تتيسر وابوي علي زعلان؟
دخل البيت عاقد النونه
توجه لغرفته واغلق الباب من بعده
تناظرني امي وتتنهد
ارمي بكل اعذاري وكبريائي الكاذب تحت رجلي واذهب له
يتشاغل بتقليب الاوراق وفتح الكبتات
وافكر شقوله:
يبه اذا بنتكم مينونه تقطونها بالشارع؟
اشعر به يكتم ضحكته
يعني اهي مينونه وعويه بس بنتكم
ما تحبونها يعني؟
يتصدد عني ولا يرد
اشعر بعبرتي تقترب...تخنقني
اتألم
اكتمها
.
.
ضحكة اطفال
وكلام صادق
وتبهلل من استكانه
يعقبه دمعه شعرت بها تتسلل من قلبي بألم
أنا آسفه...وبعدين لو شنو اسوي
انا بنتك،وصديقتك....مو تقول انا سلوتك بهالدنيا؟
مو تقول انا شيخة البنات؟
وين الحجي هذا هااا؟
وبعدين انا احبكم ...وهذا يشفع لي كل شي
شعرت بأن دموعي تسيل بحزن
انا لا استطيع ان اتعايش مع احساسي بالذنب
ولا استطيع ان اكابر ولا اعترف بأخطائي
انا لا اقوى على جرح من احب...فكيف بجرح من هم كل الحب
!! يا قسا قلبي
اشلون خليته ينام ليلتين زعلان؟
وهو أصدق واقرب واطيب قلب بالدنيا
كيف يا قلبي تبدي عليه نفسك؟
وهو القلب اللي عشان عيني سهر
ولسعادتي تعب....ربى ومن قلبه عطى
.
.
عندما شعر بألمي..التفت
احتضن طفلته ،واحاطني بحنان ابوته
حنان اطفأ احساسي بالذنب اتجاهه،وخفف من احساسي بتأنيب ضميري
.
.
.
برضاه تشرق دنيتي،وبزعله تظلم هالدنيا
ووتعسر كل خطوة بدنيتي
ان كانت اموركم تتعسر
وعند كل خطوة تتعثر
فراجع علاقتك بأمك وأبيك
رضاهم سر التوفيق بكل شي
.
.
.
لست ملاك
لي اخطائي وهفواتي
اسعى لضبط ميزاني بشكل ثابت
ميزان...ازن به كل امر امر فيه
هل يرضي ربي؟
هل يرضي والديني؟
وهل يرضي بالنهايه ضميري وعقلي؟
الكلام سهل
التطبيق صعب...يحتاج جهاد
وصبر
وثبات
الخطوات محسوبه
والطريق طويل
الدنيا امام عيني تكبر
ولابد من تثبيت
ولابد من عدة تساعدني على المرور بهذا الطريق
.
.
.
اليوم ....سهرت انا ونفسي
هناك امور تحتاج بتر،رغم ألم البتر الا انه الحل الوحيد لارتاح
لاتصالح مع نفسي
ولاحبها اكثر
!!
وهناك أمور تحتاج مني رعايه اكثر
واهتمام اصدق
امور لابد ان تستمر لارتاح
.
.
.
!!انا سعيده
في هذه اللحظة سعيده
لما انا سعيده؟
لأن ابنه خالتي وهي تتكلم قالت لي حكمه في عرض الكلام
لاتربطين سعادتك بأمر
ان تخرجت سأكون سعيده
ان توظفت ساكون سعيده
ان تزوجت ساكون سعيده
وبعد اول طفل ساكون سعيده
هي اكملت سالفتها بعده امور اخرى
وظلت كلماتها العرضيه تلك تصدح في بالي
.
.
لن تكون سعادتي فعل الشرط لا يتحقق الا اذا تحقق الشرط
قررت ان اكون سعيده منذ هذه اللحظة
بابسط الامور
بذات اللحظة
بكل المعطيات التي أمامي
بكل شئ
سأكون باذن الرحمن سعيده
.
.
.
هل تعلم متى تملك الدنيا؟
حين تضع راسك على وسادتك
تحتضن احساسك بالرضا
وتتصدق بعرضك للناس
تسامح كل من قد اغتابك
كل من قد جرحك
كل من اساء تقديرك وتقدير احساسك
وتبدأ صفحة جديده بكل شئ
من هذه اللحظة
الدنيا بتكون أحلى
!!
تصبحون وتمسون على سعاده
:)

هناك 41 تعليقًا:

Zabo0o6a يقول...

o nharej as3ad ya estekana ;)
tadreen dam3eti nzalat lama garait ur post 7asait chenii 9ij ga3da akalem omey ! l2ana bs abey
astasme7 menha la sh3o0ryan dam3eti tanzel ..
o it's true what u said about being happy it's not being happy actually but feeling satisfied is far more better than happiness ;)
that's the fact that i finally confined with , waaaai ya estekana 9ij jenej tfakreen eb afkarey o
3sa allah la ya7remna menej o men swalfej el7lwa ;)

Selezya يقول...

كلالالام عجيييب
عشت قصص وايد على هالكلام الحلوو
عسا الله يجعل السعاده ابوابها مفتوحه دايم بحياتنا كلنا :*
ويخليلج الغاليين كلهم

mtfa2el يقول...

الله يديم المحبة و السعادة

very.q8ya يقول...

allah ykhaleellich ahalech o yekhaaleellihum estekana ;*

mara7 a3aliq, shra7 agool? ra7 yekon shwayyya =/


tesbe7een 3ala kheir

bin3li يقول...

نهارج أسعد :)

Najmah يقول...

اييي والله يااستكانة صدقتي
حسيت بكل كلمة وكل شعور
من فترة قصيرة مريت بنفس الموقف بالضبط
وكنت بالفترة اللي كابرت فيها اتعس انسانة بالدنيا
لكن بعد مااعتذرت
حسيت اني ملكت الدنيا كلها

من لنا اغلى من اهلنا
الله يخليهم لنا ويخلينا لهم


عساج دوم فرحانة يا استكانة

lawyer يقول...

فعلا ان تتصدق بعرضك

هذا احسن شي

ببببببببعد قلبي ادمعت عيوني و انتي توصفين احساسج و انتي مظايقه وزعلانه



فعلانه كلامج عين الصواب هناك امور و صفات تحتاج البتر

و لازم مانعلق سعادتنا على شرط

ماقلتيلي شرط واقف و الا فاسخ؟؟

واقف صح :)

New Bride يقول...

7abeebte alaah ykhalee lich omich o oboch

waay e7naa el3yaal marrat nswee swalef

o yarab doom enshalah ra7 tkoonen sa3eeda

o 7ekmat bnt khaltich waayed ray7tnee b ashya`a

charisma يقول...

وناااسه وناااسه
انا مثل ابوووج
طلعت مثله لما قلت لج شيخه البنات
:))))))))))))

:**

خنقتنى العبره
ذبحتينى

الله لا يخليكم منه وعساه ذخر لكم امييين

ستكانه
بوستج يا بوقته
تونى الحيين قاعده افضفض حق صديقتى عن ناس ضايقونى
وقتلها اذا قعد معاهم استاانس وانسى ان ضايقونى

ويردوون يضايقونى واحتر وانقث

بس اذا ييت احط راسى على المخده اقول الله يسامحهم

شنسوى ستكاانه تعبنااا من الناااس تعبنااا
والا عااد لى صاروا قراب منج وفييج
:(

يحدج الزمن
لو غرب تصدين عنهم
بس القراب مشكله

بوستج بلسم كان يا استكانه

:**

الله يحفظج يالغاليه

ezain_kilah يقول...

عسى ربي يجعل ايامج كلها سعيدة بدنيتج وآخرتج ويحليها بطعم الرضا دوم

عــــاشــــه يقول...

الله يديم عليج السعادة

وفعلا كلام بنت خالتج حكمة

السعاده موجوده في كل مكان بس علينا نحن نفتح قلوبنا ولنستنشق اليعاده ونملاء بها أنفسنا

دمتي لنا بخير وسعاده

ZoZOta يقول...

حبيبتى استكانه

الله لا يخليج من الوالد

ويطول لج بعمره

ويديمه فوق راسج يارب

وانا مع بنت خالتج

عمرج لا تربطين سعادتج بامر قد يحصل ويتحقق وقد لا يتحقق

اللحظه اللي تعدي ما ترجع

عيشيها حسيها واستمتعى فيها

في مليوم سبب وسبب عشان نحس بالسعاده

نعمة الصحه وحده من هالنعم

وجودج بين امج وابوج في بيت مستقر

راحة البال

قدرتج على استمتاعج بكل ما هو حميل في هذه الدنيا

من جو واكل ولبس واصحاب

والكثير الكثير

دمت بصحة وعافيه وحب عزيزتى

ManalQ8 يقول...

اسعد الله ايامك اخية

والله يديم المحبة ويجمعك مع احبابك دوم مو يوم

اغلى ما في الدنيا الرضى

رضى الوالدين
ورضى الاحباب




تحياتي

Eng_Q8 يقول...

الله يتمم عليج السعاده

حمودي يقول...

الله لا يفرقكم انشاله

5roofa يقول...

تدرين يمكن بوست صحا فيني اشياء واايد

امبي استكانه في اشياء قلتيها بالبوست خلتني احس اني صج غبيه لووول
انه يبيلي تعديل بكل شي

مشكوره يالغاليه على الكلمات و ربي يخلي ابوج و امج لج و يطول بعمرهم ياارب

salamz sweetee...

طائر بلا وطن يقول...

إلا الوالدين

حبهم لنا صافي و من القلب
و عطاؤهم لنا دون مصلحة
أو إنتظار لشيء أو مقابل
:)

عسى الله يخليهم لك
تبرينهم و يفرحون فيك

:

إستكانة

قناعتي تقول - الحالية الله يستر من بكرة
ههههه - لحقي عليها عاد

لا جد

الشعور بالسلام و القناعة
و الإحساس بالرضى و التفاهم مع
النفس يفترض أن يكون هو الغاية
و الضرورة الأهم

و المسامحة كلمة سر

يا بخت من عرفها و آمن فيها
و قدر يحسها و يطبقها في حياته


تصبحين على خير
:)

7osen يقول...

الله يخليلج الوالد ان شاءالله

وثاني مرة لا تزعلينه

انتي استكانه الطيبه تزعلين ابوج
معقول ؟

الله يخليكم لبعض

***

صرحة عجبني واايد كلامج كالعادة طبعاً

يمكن صحيح في أشياء علشان ما تضعف جدامها
وعلشان ما تغريك في بريقها الجاذب يمكن
لازم تبترها

الله على هالكلمة
بالصميم

البتر اهو الحل

والله أنا رايي
انه الحل الأنسب علشان نظل اقويا

أي شي عقلنا يقول لنا انه غلط لازم نبتره

ومالنا شغل في نفسنا او مشاعرنا وتعلقها فيه


كلامج جميلة جداً

اتمنى انج تسعين للتطبيق
جميل انج تعرفين طريق السعادة

والأجمل إنج تسعين له وتبادرين للوصول لهذه السعادة



شي اخر

:
:
:
خلاص هونت ماني قايل الشي الأخر
حسيت اني ماراح اعبر عدل

***

تحياتي لج اختي العزيزة
حبيت هالبوست واايد

Salah يقول...

أبوج محظوظ

الله يديم المحبة

Cr8ivia يقول...

الله يخليه لج يارب راضي طول العمر

صحيح المفروض سعادتنا ما توقف على شي .. ليش نضيع اليوم عشان شي نبيه يصير باجر؟
بالله ما صار؟
ضاع علينا امس بانتظار اليوم
و ضاع علينا اليوم بانتظار حدث باجر
و باجر يا يضيع بترقب و تاجيل الفرحه لحدث عقب باجر
او ببساطة لا ياتي باجر

live life today for yesterday is gone and tomorrow may never come

SHAHAD يقول...

بوستج هذا من ذهب
.
.
فعلا مرات ياخذنا الخطأ
ونستغرب من أنفسنا
انا كيف قدرت أصبر يومين وأبوي زعلان ؟
انا شلون قدرت أعيش دقيقة وهو زعلان ؟
نرجع له بتدلل طفلة وخجل امرأه
يحاول أن يتحاشى النظر إلينا
ولكن ماذا اقول عن قلب الأب
بمجرد أن تسقط عينه علينا
يضمنا بذراعيه كأدفأ ما يكون
ويسقط حينها العتب .. وتبقى الدموع مع أجمل ابتسامة .. معلنة بذلك الراحة :)

الله يخليلج أبوج ياارب
ويخليج له آمبن

أحب علاقة الأب مع بنته إن كانت مبنيه على أساس متين وحب دفين


.
.

أما السعادة
ففعلا يبتيها
ما عندي أي كلمة ممكن أزيدها
غير قواج الله
والله يجعلج من السعداء في الدنيا والآخرة :)

فتى الجبل يقول...

الله يخليكم حق بعض

Kuw_Son يقول...

نهارج أسعد ..

الله يحفظلج والديج و يخليهم لج :)

كلام ربط السعادة بعمل معين أعجبني ..

الله يعطيج العافية .. و عسى الله يجمع لنا سعادة الدارين :)

محـــــارة يقول...

كلامج حلو يالغاليه مفعم بالإحساس الراقي

يحفظلج الوالد ويطول بعمره وعساج دوم مسعدته ومشبعج حنان

السعادة مقياس نسبي سعادتي تختلف عن سعادتك .. والسعادة الحقيقية نابعه من داخلنا ليست مانفتش عنها .. سعادتنا باستمتاعنا بأبسط ماوهبنا الرب .. سعادتنا بتمعن بفضل المولى عز وجل من نعم

السعادة موجوده متى ما أردنا أن نستشعرنا .. وعلى النقيض الإحباط والزعل يضغط بزر الظروف ونحركه ونقوية إذا أردنا أن نضل محبطين متباكين على ظروفنا

shakshaka يقول...

masaa2ich fol ya estekanty:P mako a7ad ma39oooom mn elghala6 elwa7id lazem yaghle6 3shan e3aref e3adel hashay ele feeh wo kelshay wala za3al el om wil obo way ma3aber lazem at7arash feehum wo 9aja la7ad egoooli roo7i bosay ras omich aw ras obooch ledmooo3 tasbegneee hehehe at7arash wanagez wa9eer habla maikhalif bes aro7 wabos magdar aslan dmoooo3 LOL ..allah ekhaleeelich eyahum enshalla wikhaleech lehum (K)

Expatriate يقول...

ماشاء الله عليج

انا اخاف ادش بلوقج لا انظلج مع اني كل مرة اقول ماشاءالله

esTeKaNa يقول...

zabooo6a
~~~~~~~~~~~~
يا هلا ويا مرحبا
اي كل شي ولا الميمه والله
زعلها يعور القلب
الله يرضيهم عنا يارب
:)
يارب ما تنزل دمعتج الا من فرح
ويسعد قلبج دوووم

دايما اقول التعليق الاول له اثر بقلبي
وتعليقج يفرحني
واحساسج بالكلمات طيرني فوق
:)
الله لا يحرمنا من تواصلكم الحلو يارب

esTeKaNa يقول...

Selezya
~~~~~~~~~~
اللهم امين واجمعين يا العجيبه انتي
:)




متفائل
~~~~~~~~~
على الجميع يارب
قول امين
:)








very.q8ya
~~~~~~~~~~~
امين يزاج الله خير
ويحفظ لج اهلج وحبايب قلبج

قولي اللي تبين
كل شي منج حلو
:)
وانتي من اهل الخير

esTeKaNa يقول...

bin3Li
~~~~~~~~
:))
حياك الله









najmah
~~~~~~~~~
نجمه...انتي فعلا نجمه
اختصرتي الاحساس
من اتعس انسانه بالدنيا
لي انسانه تملك الدنيا
بالضبط هذا احساسي
:)
اجمعين يارب











Lawyer
~~~~~~~~~
صح
:)
منت رايق
فيك شي ومتضايق
منت في طبعك ولا هذا مزاجك

اشفيج هاليومين يا جميله؟
!!

esTeKaNa يقول...

new bride
~~~~~~~~~~~
امين يا الغاليه ويخلي لج كل حبايب قلبج يارب
:)
اي والله نسوي سوالف تفشل
واهم يسامحونا ما يقصرون
الله يحفظج ويبلغج بكل شي حلو
:**

























charissma
~~~~~~~~~~~~
هلا بحبيه قلبي هلا
ياربي يوم قريت اسمج ياني صوت عايشه المرطة منسيه منسيه ولا لي عندهم طااااااااااري
:))
شفتي اشلون ابوي منحني اللقب وانتي اكدتي عليه؟
ياربي احبج في الله انا
:**
ولا يخليج من كل حبايب قلبج يا الغاليه
وسعي صدرج
شي يحر
وخصوصا اذا كانو ناس قراب
ملزومه فيهم
الحل انه انتي تتغيرين وتقوين قلبج
ولا اهم ما راح يتغيرون
!!
واي احلى كلمه
بوستج بلسم
احلى تعليق والله
:**

عالية يقول...

ابدااع

يعطيج الف عافية

esTeKaNa يقول...

ezain-kilah
~~~~~~~~~~~~
اجمععين ياربي ويحفظج ياربي دوم
:*













عاشة
~~~~~~~
اجمعين يا ام العوش
:)
عجبتني كلمه استنشق السعاده
ساحاول ذلك بقدر المستطاع
!!










zozota
~~~~~~~~~
يا بعد قلبي يا الزين
امين يارب ولا يحرمج من حبايب قلبج
:)
اي والله صدقتي
وايد امور نعيشها بشكل روتيني
لو تفكرنا فيها لاحسسنا فعلا بقيمتها
الله يديم السعاده على الجميع يارب


















manalq8
~~~~~~~~~
اي والله يا منال
ولا في اغلى ولا اهم من رضاهم

امين واجمعين يارب
:)

esTeKaNa يقول...

eng-q8
~~~~~~~~
اجمعين يارب
:)










حمودي
~~~~~~
آمييين يارب
:)









5roofa
~~~~~~~~~~
وي اسم الهل عليج محشومه
لا تقولين جذي على نفسج
مرات بس نحتاج احد ينبهنا على اشيا يمكن نسيناها او مو منتبهين لها عدل
وبس
:)

esTeKaNa يقول...

طائر بلا وطن
~~~~~~~~~~~~
ايييه يا طائر
بالضبط هذا اهو..الحب الصافي
دون مقابل
الله لا يحرمنا يارب ويرزقنا برهم
:)
طائر واي يبتها بالصميم
الله يستر من قناعاتها
قابله للتغير عسى ربي يثبتنا
hehehehehehe
كلامك مثل الماي البارد بعز الصيف
دايما...احب اختم يومي بتعليقك
والبارحة ختمت ليلتي بقرايه تعليقك
وانته من اهل الخير دائما
:)

esTeKaNa يقول...

7osen
~~~~~~~~
ياهلا يا هلا
يا مسا الرشاقه كلها
:)
شفت اشلون شفت
ازعل ابوي
انا طيبه
بس فيني شخصيه ثانيه مو خوش بنت تطلع في اوقات معينه بالسنه
قاعده احاول اقمتها البنت المو زينه فيني
:))
ويحفظ لك حبايب قلبك كلهم
قول امين
بالضبط هذا اللي قصدته بالبتر
ايي يعور القلب والاحساس وكل شي
ولكن حل لامور كثيرة اذا طالت يمكن تميت كل شي زين فينا
!!
انا اسعى للتطبيق
الله يعينا يارب

لا حسين انا احب كلامك
اتمنى تقرا هالرد وتغير رايك وتعبر عن اللي كان في خاطرك عشان خاطر استكانه
:)

esTeKaNa يقول...

saleh
~~~~~~~~
فعلا...اتمنى ان يكون كذلك
:)









Cr8ivia
~~~~~~~~~~
صدق ولا كذب شوفتج؟
وااااي عاش من شااافج
فقدنا حسج ووجودج الحلو بينا
عاش من شافج يا الغاليه
:*
شخبارج؟
وشلون امورج كلها عسى تمام؟
تعليقج قمة الحكمة
ودعم قوي حق افكاري
يا زينج ويا زين مرورج الحكيم دائما
:)

esTeKaNa يقول...

Shahad
~~~~~~~~~~
وتعليقج من ذهب
:*
عجبني تعبير تدلل طفله وخجل امرأه
انتي مبدعه حتى في تليقاتك الجميله الي تنثرين جمالها في مدوناتنا
يا حظنا فيج يا الشهد
:)
البنت حبيبه ابوها
الله لا يخلينا ابد

اللهم امين يارب ويحفظج يا الغاليه

esTeKaNa يقول...

فتى الجبل
~~~~~~~~~
امين
:)










kuw-son
~~~~~~~~~~
اللهم امين واجمعين يا ولد الكويت
اعجابك بالبوست يسعدني
:)











محاره
~~~~~~~
هذا شي مما عندكم والله
:)
يا بعد قلبي انتي...امين وعسى ربي ما يحرمج من حبايب قلبج وروحج

كلماتك اليوم درر
لا ازيد عليها ولا انقص
لا يحرمني منك ومن صدق ورقي التواصل معك يارب
:**

esTeKaNa يقول...

shakshka
~~~~~~~~~~
يا مسا باسكن روبنز
يا مسا المباركية والله
لوووووووووووول
:))
وي يا بعد قلبي انتي يام الدموع
لا انتي بس تعرفين تراضين الوالد عدل ادري فيج
:Pp~
امين يارب واجمعيين











EXPAT.
~~~~~~~~~
لك مكان بقلب هالبلوق
وبتنضلني على شنو بس؟
:))
حياك الله
وجودك يسعدني

esTeKaNa يقول...

عاليه
~~~~~~~
اله يعافيج يارب
:)

عتيج الصوف يقول...

كلمات رقيقه من انسانة مفعمه بالمشاعر هذي البوستات اللي تشرح الصدر ولا بلاش :)