الثلاثاء، نوفمبر 13، 2007

My DaY

هناك فرق بين استيقاظك من نومك مجبر واتجاهك في عز الزحمه لجهه معينه لتبذل جهد محدد
وبين ان تستيقظ من نومك مختارا تذهب لمكان جميل في الوقت الذي تريده في ايام مختاره من اسبوعك!!
.
.
.
افتتح اسبوعي في احد دور القرآان الكريم،تجاورني بذاك الفصل صديقتين في عمري
واخريات كثيرات متقاعدات بعمر أمي وجدتي ايضا
تختلط مشاعري في تلك الصباحات مابين احساس بالذنب اتجاه هذا القرآان العظيم الذي انشغلت عنه فتره طويله من حياتي ومابين احساس آخر بالراحة استشعره كل ما تذكرت اني بمكان تحفه الملائكة ويذكرني به الرحمن
زميلاتي في الفصل ام أحمد وأم يوسف وأم مادري منو،مابينهم نحن مدللات
لا يمر يوم من غير ان اسمع دعوة صادقه بأن يرزقنا الله كل خير
رغم اننها ما زلنا في بدايه طريق نخطو خطوات بسيطه الا انهم يحيطونا باحساس كبير بأن تواجدنا بينهم انجاز عظيم
!!
لا استطيع كتم ضحكتي حين تشتط المدرسه في شرح حديث ،او تفسير آايه وتدخل عجوز عرض لأنها يفترض أنها تريد ان تسأل ولكنها تسترسل في موضوع لا علاقه له بموضوعنا،وتفتح مواضيع لتبدأ الأحدايث ويضيع وقت الحصه
ولأنهن فارقن مقاعد الدراسه منذ زمن بعيد فاهتمامهن بالكتابه والدراسه مثير للانتباه وجميل ايضا
!!
اليوم سئلتني زميلتي ام يوسف في منتصف الحصه:تعرفين تطبخين؟
وبابتسامه عريضه جاوبت:لا
وما بغيت الا عمري،استرسلت في شرح طريقه المجبوس والمرق وما يبيله شي و و و و و
وبالنهايه قالت ان علي ان استعد ،واكون على اهبه الاستعداد واستغل هذا الوقت في تعلم الطبخ في اسرع وقت ممكن فالبنت لا تعلم في اي وقت يأتي نصيبها!!
هن نساء عجنتهن الدنيا،ولهن فيها من التجارب الكثير،قد قررت بعد هذا العمر ان يتجهن لله
فتجد في قلوبهم صدق ،واهتمام واضح بالتعلم والحفظ
نصائحن الصادقه،دعائهن المستمر،وجوههم السمحة
وبساطتهن تضيف لي وتعلمني الكثير
.
.
.
بعد قضاء صباحي في دار القرآان اتجه الى نادي رياضي
وفي النادي نوعيه أخرى الشخصيات تختلف تماما عن تلك الزميلات الصباحيات
في اول يوم قضيت الوقت امشي على الجهاز وابتسم لكل الوجوه المقبله علي دون أن اجد اي رده فعل لابتساماتي
كسرت خاطري نفسي!!
ليش متحاربين وكل واحده نفسها بخشمها؟
بعد يومين دخلت بحوار مع فتاه في عمري،شعرت بأنها بوادي وانا بوادي آخر جداا
تخيلو انها قضت الوقت تسولف لي عمليات التجميل والفنانات واشهر دكاتره التجميل
وعن زوجها واحساسها الدائم بالتوتر والقلق حول علاقتها فيه،وان اكبر غباء ممكن تمارسه المرأة هي ان تثق برجل ايا كان هذا الرجل لأن الرجل بطبعه خوان ،يعشق التغير في كل يوم لذا فهي تحاول جاهده وبكل الطرق ان تحافظ على زواجها وحياتها
!!ما ياز لي الحجي
مهم جدا ان تهتم المرأة بجمالها ارضاء لزوجها،ولكن هل هذا هو السبيل الوحيد للمحافظه عليه؟
وهل يعقل ان يكون كل رجل خوان بطبعه ؟
لابد ان تكون اذكى وارقى تفكيرا،لم تقتنع هي بكلامي ولم استسيغ طريقه تفكيرها،ويوم انها غرزت في الحجي وبدت تخوره
قررت ان اكتفي بالابتسام دون بذل جهد في محاوله اقناع انسانه شعرت بأنها متوازية التفكير معي ولن نلتقي
ومن بعدها قررت ان اكون منهن،اضع نفسي في بيت زجاجي ولا افتح اي حوار
.
.
.
.
مساءا....تبدأ دورتي الساعه السادسه في احد المعاهد في مجال الحاسوب
دورة ICDlالرخصه الدوليه في قياده الحاسوب
اغلب زميلاتي مدرسات وسكرتيرات
نوعيه أخرى من الناس وتفكير آخر،انصدمت بالجيل الجديد من المدرسات
كنت وما زلت اشعر بأن للمدرسه قدسيه واحترام آخر
مدرسات شبيهات بحليمه ولفات ترتهش من الستراس وبقشه فوق الراس
فهل نلوم اطفالنا ان كن هؤلاء مدرساتهن؟
نرجع للدورة،مستمتعه انا في اكتشاف خبايا الحاسوب وتعلمه مرة أخرى وكأني جديده تماما فيه
ولكني اشعر بالملل من التلقي ساعتين متواصلتين دون اي بريك
اليوم بعد ان انطلق المحاضر لمدة ساعه ونصف،ابتسم واعتذر:آاسف قرقت عليكم وايد اليوم
لا شعوري ابتسمت ابتسامه عريضه وجاوبت:اي والله ما شاء الله عليك
عندما التفت ليراني وانا اعبر عن مشاعري بصوت عالي ارتبكت:يعطيك االعافيه استاذ
اخيييه من مشاعري السبيكر ...دايما تضعني بمواقف محرجه
سئلتني زميله بتحفز:تعرفين شنو يعني بلوق؟
ابتسمت ابتسامه غبيه وجاوبت :لا
استغفر الله ياربي مادري ليش قلت ماعرف يعني شنو بلوق
!!
.
.
.
اشعر بأني أريد ان اضم الدنيا
المها كلها بقلبي
!!
غريب احساسي ولكنه لذيذ

هناك 49 تعليقًا:

Zabo0o6a يقول...

ya 7lwej ya estekana.. 7lo0 lama tlageen nas ashkal o alwan t3arfeen kel bee2a o shlon '3air , chenij shayashteeni 3al gym chena yabeela rou7ah ;)
mwafega sweety o allah usaded 56aj :)

اجار الدين كشمش يقول...

خوش معلومات
لكن ترا احنا نفس الشئ

انا اروح النادي اسلم

يردون من خشوووومهم

ما ادري ليش.. برمضان

عذرتهم .. لكن للحين هذا هم

اما الاماكن التجمعات الاخرى
كالسوق او المقاهي

السؤال الدائم ..وين
تشتغل؟؟
وإلا طلع كرته المعرفي واعطاك اياه

وانا كل احقرهم .. يرد عليك

ما عندك كرت ؟
طبعا الجواب جاهز لا .. والله

ويرد عليك ..

الموبايل ؟

اهني الوهقه

فمالله

محـــــارة يقول...

أستكانه أحبج واايد والله لو تكتبين بأي شيء تلقين ابقق عيوني وحلجي فاجته بانبهار

أحب اسلوبج طريقة تفكيرج ردودج مع الغير ومع نفسج .. كل شيء فيج يشبهني

دعواتي الصادقه لج أنج تضلين مناضلة لتطوير ذاتج ومحافظه على رزانة شخصيتج وعقليتج .. حابه الناس أكثر مالبشر حابين الي فيها

حافظج الرحمن

Q8i_Blogger يقول...

صراحه اختلاط مع طبقات صج صج مختلفه

شي حلو الصراحه

الحين انتي ماتعرفين شنو يعني بلوق؟

اي صج الدوره فيها شي يديد يعني ؟

كنت متصور انه هل رخصه كلها شي سهل جدا
يعني خصوصا مع وحده عندها بلوق وتستخدم الكمبيوتر يوميا صح؟

الله يوفقج يا رب

violinist_q8 يقول...

شي جميل الاختلاط مع انواع واجناس البشر
لكن مااحب اتكلم كثر مااكون متلقي وسامع لهم ،، مثل مايقولون ماتقدر ترضي كل الناس لكن فيها فايده لما تعرف اطباعهم باختلافهم

اما كبار السن اهما بركة الديرة وعفويتهم تطلع الابتسامه صادقه من القلب
الله يحفظهم

=-=-=-=

بالتوفيق

حمودي يقول...

انا طفارتي اذا صدفه اظطريت اني انطر بمكان يكون فيه حريم على طول تقوم المرا وتقولي بدون حتى سلام انت مني امك ؟

عالية يقول...

يعطيج الصحة والعااافية

عيشتينا يومج لحظة بلحظة

shakshaka يقول...

estekanoo ana babdee min ta7at laih foog hehehe ana 3la salfat el blogs tara kela ma3ref sheno y3nee blogs lol wo ma akather 7acheeeee hehehehe allah ya eny a7es 3umre na7eesa bes kaifiiiii hathy
khu9oooiya;p

* ana mo7atharaa sa3a wo robe3 anhaaaaaaaar:P hal door sa3tain wo mako break 6el3aaay temashay chenech matadreeeeen ...ana classaty 3ad bo 5 hrs once a week bes man7es feehum lanna its a studio fa 3la kaifna endish wo ne6la3 netmasha ma7ad ekalmich bes lech akher el class tsalmeen sheghleech ... thats why ana met3awda 3al 7arakaa bel class ma3ref ag3ad chethee fa la9arat 3ndee mo7athara bes garga bo sa3a aw sa3tain anhaaaar:P

* wa3alayaa 3la 3yalnaa bedaaal maytethaqefoooon weyet3alemooooon yeshofooon haley yerhash mn 9baa7 allah khair thaqafat;hoom 9arat ma7alaat el kolaf wel tartar wo 3amat 3ain;p

* ya7ilooo hal 3ayayiz walla hathool ebrekat eldeeera wo mashalla 3laich estemraaay elfal leyyy:S

way ta3abt ana ga3da barra wo 7a6a ma6arat elchay wil7aleeb jbaley wel jaw fatheeeeeeeeeee3 its 7:20 am :*

ZoZOta يقول...

وكالعادة يا استكانه

محطات من السوالف ممتعه جدا

نعيشها معاج بتفاصيل تحسسنا ان احنا وياج بنفس الموقف

انا احساسي لما اقرا لج كأن ثنتينا متجابلين على قهوة

وانتى تسولفين لي وانا اعلق

متعه ما بعدها متعة يا استكانه

عن جد والله وبدون مبالغة

:*

ودج تحضنين الدنيا؟؟

وانا الحين ودي المج لسبب واحد

من امس وانا مودي رايح فيها

واليوم مع بوستج هذا نسيت الهم طول ما انا اقراه

وعشته معاج

استكانه

مشكورة يالغلا ولا خلا ولا عدم

someone_q8 يقول...

السلام عليكم

عساج عالقوة ان شاء الله
مقالج وايد حلو وهالتصنيفات من الناس اتخلي الواحد يحس انه ياخذ خبرات و تجارب وانماط عديدة من اللي حوالينا
المهم ان ناخذ من هالخبرات اللي ينفعنا واللي يضرنا نتركه
لك مني كل تحية واحترام اختي

New Bride يقول...

واااي انا بعد قاعدة اخذ الدورة بس الصراحة صج ملل قعدنا انا و رفيجتي نسولف و قررنا نصير نباتيين جان نذكر الستيك و البرغر و غيرنا راينا هيهيه

و المدرسات صج وضعهم يعور القلب و الله انا يضيق خلقي داشين التدريس عشان المعاش و بس و الله

الأميرة ديانا كانت مدرسة و هذي اللي كان خاطبها الأمير شنو كان لبسها و اهيا رايحة الدوام ؟؟؟ امبيه قمة بالنعومة

و اي انا اللي قرقت وايد سامحيني مشتطة

يعقووبوو يقول...

انا عاد قليل ما اسولف بالاماكن العامه
بس ان سولفت ماسكت
ومحد يسولف معاي لان خلقتي جني معصب
بس ويهي جذي جامد شسوي؟
((:
--
وانا إلي يسالني عن البلوق عادي اعطيه بلوقي وإذا قال ليش وليش واشحقه؟ اقوله مو عاجبك اطلع. بالويهه ماكو غشمره (((:

charisma يقول...

مساا الفل يا فل
:)

اما دوره تفسير الاقرانبتخرجج ست بيت درجه اوله
هههههههههههه
عجيبييين زميلاتج
يوسعون الصدر
ههههههههه
والله يا حلوهم ويا حلو القعده معاهم
بس لبحه شو بس عسل
ههههههههه
كافى الراحه النفسيه

الله يوفقج ويوفقهم
ويهدينييي يا ربيييييييييي
صج احتاج مثل هالدورات
حتى انا احس بتقصير
:/

وسالفة النادى
لووووووووووول
واى اتخيل شكلج استكانه لما ما تعجبج السالفه
هههههههههه
يختى يا حلاتج
:**

والله هذول مبتلين يا حبيبتى
كان الله فى عون كل وحده اتراكض وراء عمليات التجميل لارضااء الزوج
اللهم لا شمااااااااااته
مساكين

انا امس مع الشله ربعى
نفس الحديث انطرح
عن عمليات التجميل
والله لاعت جبدى شوى
والى تبدى بهالمجال ما تخلص

انا مع عمليات التجميل مو ضدها بس المعقول وبالوقت المناسب
مو اتفخ برطم واكسر ضلع واشفط ما ادرى شنو
لا شى شى
:/

الا ستكانه شنو يعنى بلوق
؟

:))

:***
الله لا يحرمنا من هالسوالف وهالحجيات

DiLLi O MiLLi يقول...

اشعر بأني أريد ان اضم الدنيا
المها كلها بقلبي

وتقولين غريب أحساسي .. بس لذيذ !؟

ما تدرين يا حبيبتي أن الأنسان لما يقول أنه وده يلم الدنيا .. أشمعناته هذا ؟

معناته : أنج سعيدة ومستانسة
عشان جذيه أهو أحساس لذيذ
وعسااااااج دوووووم مستانسه
وعسى دووووم كشرتج مااا تفارق ويهج
:)


بس أستكانة !! جدولج وااايد مزحووم
هذا كله بيوم واحد ما شاء الله (بس ترى أنا ما أنضل)ها
:)

Selezya يقول...

ياحلات يومياتج

عساهم دايم حلوين يارب


والبنت اللي بالنادي حرام حدها كسرت خاطري .. معقوله في ناس تفكر بهالطريقة؟؟
الله يعين حياتهم عليهم

وياسلالام عليج .. الحين صرتي ماتعرفين البلوق هاا :)
بس موفقة وهالرخصة وايد حلو انها تكون وياج .. انشالله انا داشتها على بداية شهر 12 :)

بالتوفيج وتعلمي الطباخ وعلمينا ترا مثلج ضاايعين مانعرف شي :p

lawyer يقول...

ههههههههههههههههههه


وحده قالتلي اتعرفين البلووووووق
باستعباط رديت عليها

في الافنيووووو؟؟

ههههههههههههههههههههههه

HeMaM يقول...

يوم حافل و جميل جدا

كافي انج تعلمتي ان الناس اشكال و الوان

نفس احساسي

في بنات معاي بالكلية لهم ستايل خاص سوالفهم غير طريقة حياتهم غير

و في بنات نفسي احس نفهم بعض و نفس التفكير

سبحان الله الاختلاف شي مهم بين الناس

اختلاف بالبيئات بالهموم بالاهداف

استمتعت بالقراءة

ولهت على سوالفج يا استكانه

عسى ربي يحفظج و يوفقج يالغالية

:)

rwatan يقول...

خوش قصه :) خصوصا لما تشوفين الكل متقوقع على شاكلته :D و الغريب إن كل مجموعه تعتقد إنها الطبيعيه و الباقي غير :P

esTeKaNa يقول...

ZaboOo6a
~~~~~~~~~~~
حلت دنياج والله
ياهلا ويا مرحبا
اي يالله شدي حليج ترا النادي يضيع الوقت ويحسسج بالرضا الداخلي على نفسج ودورة القرآان بعد..تحسسج بعلاقه حب اخرى مع القرآان
يالله شجعتج بكل شي
نافسيني عاد
:)
اجمعين يارب
وما قصرتي...حبيت دعوة سدد الله خطاج

esTeKaNa يقول...

اجار الدين كشمش
~~~~~~~~~~~~~~~~~
!!حمدالله والشكر
يردون من خشومهم؟
لا استخفو وقعدو الاوادم
علامهم؟
لا لا مالهم عذر لا برمضان ولا بغير رمضان صراحة،شدعوة يا حافظ،ولد الحلال يايكم يسلم هذا بدل لا يردون باحسن منه؟
مممممممم
بعد هذا موديل الكرت موديل يديد
ما مر على البنات
!!
وشكو الموبايل بسم الله؟
لا صراحة مجتمعنا صاير غريب
يالله الجدوة

esTeKaNa يقول...

محارة
~~~~~~~
يا بعد قلبي انتي وللله
أحبك الذي احببتني فيه يا الغاليه
والله القلوب شواهد
:**
محارة انا ببحي
البارحة داشه بلوقج واكتب ذاك الكومنت اللي شطوله كل شي بخاطري قلته اسوي انتر ما يطلع
عدته ثلاث مرات
اخر شي فصل
وما طلع
جان اعصب واطلع
:(
تدرين ان تعليقج اليوم مثل الماي البارد على القلب؟
الله يحفظج ويشرح صدرك مثل ما تشرحين صدري وتفرحيني دوم
:**

esTeKaNa يقول...

q8i-blogger
~~~~~~~~~~~~~
فعلا مختلفين ،والله اعلم اي هذي الفئات ستكون الأكثر تأثيرا علي حاليا
:)
أنا؟
لا ماعرف يعني شنو بلوق
!!
بلوق مممممم ...يعني شنو بلوق؟
:pP~
انا فعلا وايد استعمل الجهاز بس ماني عبثيه
والدورة الحلو فيها ترتب افكارك وتعلمك تتعامل مع الجهاز بشكل اسهل
بس مو ذاك الشي الجديد فيها
:)
الله يوفقك يارب ويبلغنا بتخرجك يارب

esTeKaNa يقول...

violinist_q8
ّّّّّّّ~~~~~~~~~~~~~~
الاختلاف واقع ونعمه،والانسان بالانصات وبمعايشة هذه الاختلافات يحدد مساره وشخصيته

وفعلا كلامك عين العقل
ومرورك كله حكمه
:)
الله يحفظك

esTeKaNa يقول...

حمودي
~~~~~~
Looooooooooooooooooooooool:))
ميخالف ميخالف
طول بالك عليهم
يمكن مشبهين عليك مثلا
:)

esTeKaNa يقول...

عالية
~~~~~~~
صباحج سكر
:)
الله يعافيج ويحفظج
يشرفني انكم تعيشون كل لحظاتي مو بس يومي
بس اهم شي من غير لا تتمللون مني
:)

esTeKaNa يقول...

shkshaka
~~~~~~~~~~
هلا هلا
يا صباح الجمال كله
يا صباح الشكشكه
يا صباح الجاي حليب والله
:)
شوفي على سالفه البلوق مرات احس زين تسوين،ولا انا كل شي اقوله هني
فكل ما صارت الاجواء آمنه كل ما صار احسن لي
فخلج مثلي
ما نعرف للحين شنو يعني البلوق
:Pp~
واي واي لا تذكريني بمحاضره الساعتين
انا بالجامعه الله يذكرها بالخير ساعه وشي يفتر راسي،هالمرة مو جامعه وساعتين
!!
اقولج ما تعبر استكانه مفتره على اللي يمي واقرق
:))
وصاجة والله بكل شي
يا زين الكومنت اليوم مرتب عشره على عشره شاطرة شاطرة
وهني هني
قريت كومنتج وطرشتهم ايبون لي جاي حليب غرت
:)
يا عسى صباحج حلو بحلا قلبج يارب

esTeKaNa يقول...

ZOZOta
~~~~~~~~~
صباح الزين كله
:*
يابخت عيني جان سوالفي مع نفسي توسع صدرج وتغير مودج يا الغاليه
يبيله يبيله
قهوة
ونسمات هوا بارده
وسوالف لذيذه مع الزين
عاد هني تفاصيل وبس
بس بالصج شيفككم مني؟
كل شي فيني يسولف
:Pp~
الزين...مرورج يفرحني
زيني بوست ورا بوست
:)

esTeKaNa يقول...

some-oneq8
~~~~~~~~~~~~~
وعليكم السلام ورحمة الله وبركاته
يا هلا يا هلا
ومكم نستفيد اخوي العزيز
من مقالاتك الجميله تعلمنا كيف نحدد نوعيات هالبشر وكيفيه فهمها والتعامل معها
:)
الله يحفظك يارب

esTeKaNa يقول...

new-bride
~~~~~~~~~~~~
ياهلا ويا مرحبا
هو ليش نباتين؟
والستيكات وهالسوالف منو ياكلها
لا لا ابد ما عندكم سالفه
لو مسولفين وياي
:pP~
وصااااجة ضربتي خوش مثال
يا حلو ديانا ونعومتها
ويا زينج ويا زين الشطة
افا عليج بس سولفي وسعي صدري وصدرج
:))

esTeKaNa يقول...

يعقوبو
~~~~~~~~~
صج يعقوب؟
عيل ليش انا عندي احساس انك انسان بشوش؟
:))
ممممم
عاد تبي الصج احس جرأه اعطي احد بلوقي
مع اني ما عندي شي اخشه
بس يظل المكان له خصوصيته
:)

esTeKaNa يقول...

charissma
~~~~~~~~~~~
يا صباح الورد
يا صباح العسل
يا صباح اللاتيه
ياهلا ويا مرحبا
:))
دورة القرآان عجيبه بس عانيت من مشكله في البدايه،استحي اقول خالتي
!!
اخاف بعضهم يتحسسون من هالحجوة
وبالمقابل فرق العمر ما يقبل اقول شي عير خالتي
فقمت اتكلم من غير لا انادي
تعرفين الحركة اللي اذا تلفتت عليج تكونين مستعده وتتكلمين
لووووول
:))
يالله شدي حيلج
والله راح تحسين براحة نفسيه عجيبه وشوي شوي راح تشوفين نفسج تتطورين بشكل جميل وراقي حيل


واي جنج شايفتني لما مايعجبني الحجي
جني يدتي...الوي البوز واسكت
ههههههه
الله يحفظنا يارب
والزين زين يا كريزما
والريال اذا حب المرة حب كل تفاصيلها وحلت بعينه
يالله ارزقنا
:**
يا عسى حياتج حلوة دوم
مثل ما انتي تحلين كل شي تكونين فيه
:)

esTeKaNa يقول...

dilli o milli
~~~~~~~~~~~~~~~~
واي دلي
شنو هالتفسير العجيب
ترا الحين بلمج انتي
:**
تدرين؟
انا فيني طبع ...لو ارتب داري
لو امشي ساعه
لو اقرا كتاب
اي شي بسيط ايا كان يحسسني بالانجاز
والانجاز يحسسني برضا داخلي عن نفسي
وهذا اللي يريحني تصدقين
!!
عشان جذي مشتركة بكل هذا
اي مرات احس وايد زحمت روحي
واستحي اقول حق احد لانه انا اللي جبته لنفسي:)
بس عادي لانه النادي على كيفي
والقرأن مو كل يوم
والله يبارك بالوقت
:)
نضليني نضليني يا حلو النضله من الشيخات
بس شوي شوي
:PpP~

esTeKaNa يقول...

Selezya
~~~~~~~~~
صباح الخير
:)
اي والله انا اشهد انها تكسر الخاطر
مشكله...اذا حصر الانسان اهتمامه وافكاره واحساسه بزاويه محدده ضيقه وايد
وافا عليج على سالفه الطباخ
عندي وعندج خير
بس هذا مو تعليم نظري
يبيلنا نغوص بالمطبخ
:)

esTeKaNa يقول...

Lawyer
~~~~~~~~~
LoOoOOoOooOoOooOoOooOol:))
هههههههههههههههههههههههه
واي عيزت وانا اكركر
يمة يمة يا العياره
وانا اقول عيارتي من وين؟
من مرافج بعض الناس
Pp~

esTeKaNa يقول...

HeMaM
~~~~~~~~
وااااااااااااي ما اصدق
لحظة لحظة اقرا التعليق مرة ثانيه
@@
حيالله ام فهد
حيالله الغاليه والله
تدرين اني حدييييييييييي ولهانه عليج؟
شخبارج؟
اشلون حياه الام؟واشلون ولدج؟
:)))
فرحت بتعلقيج اكثر من ما تتصورين
شكرا من قلبي على مرورج اللي طيرني فوووق فووووق
:**

esTeKaNa يقول...

rawtan
~~~~~~~~
زارتنا البركة
يا هلا ويا مرحبا
هذي الساعه المباركة
:)
مممممم
كل من يعتبر نفسه صح
بس مو الكل متقوقع على نفسه
والدليل عندك انا
ابداا ماني متقوقعه على نفسي
:)

7osen يقول...

أحسن شي إن يومج فيه الكثير من الأشياء اللى تسوينها

الله يوفقج بكل خطواتج إن شاءالله

:

إستكانه من صجج ماتعرفين تطبخين ؟؟
ليش

شخصيتج المفروض تعرف تطبخ

:))

ليش هالأيام البنات كلها ماتعرف تطبخ
شكلها صارت عقدة
:)

عجبني وااايد وااايد
تعبير مشاعري السبيكر

:
شعورج الاخير جداً رائع
أتمنالج دوام السعادة والتوفيق

nadeyah يقول...

استمتعت بحديثج عن يومج استكانه ترى

تكسبين خبره بنوعيات مختلفه وحلوه تشوفين مستويات التفكير المختلفه

وعلى سالفه البلوق ههههههههههههههههههه
اتصدقين انا قلت لهم تقرون لهم قالوا مانعرف وريتهم جم بلوق بس طبعا استحاله اقول لهم ان انا عندى بلوق وكافى الحين ارد عليج وما يدرون يحسبون منتدى ولا اطبع شغلى

Kuw_Son يقول...

ماشاء الله ..

انتقلتي بنا للعديد من الأماكن ..

دار القرآن ..

نادي صحي ..

دورة ..

و أشوة انج ما جاوبتيها عن البلوق ..

جان ما طلعتي من قاعة الدورة !!

Have a nice week end

SHAHAD يقول...

تختلف الناس من مكان إلى آخر
.
.
سبحان الله مادري ليش اللي بالنادي نفسهم بخشومهم :s
أما دورة icdl
وايد حلوة ومفيدة .. الحمدلله أخذتها بس بقى الامتحان ومأجلتها إلى أجل غير مسمى
صارلي ألحين سنتين من اجتزت الدورة لول
.
.
ممتع هو يومك
على الأقل يروح اليوم على شي مفيد :)

Najmah يقول...

ياحلاة الجدول تعجبيني والله

عسى ربي يوفج ويسهل كل خطواتج

DUBAI يقول...

eeee 3aFya 3laiCh, Mn'6ma WgteCh 3adel : ) !

qesat_5ayal يقول...

إي ليش نفسم بخشومهم
كأنك بينهم وحيدة

أنا أستاحش



والبلوق ؟
حتى انا ماعرفه
:P

اذكر لما سألوني
نكرت
وتبريت منه
:P

ezain_kilah يقول...

لووووووووووووول يا زينج وزين سوالفج...

أنا وذ يو إمية بالإمية...طبخ ما اعرف

ذاك اليوم شايب وياي بالدوام سالني وإحنا قاعدين ناكل إذا كنت أعرف أطبخ

جاوبته والإبتسامة شاقة ويهي:
no sir. i'm only good in eating. as u can c i'm doing very well in cleaning my plate!

جان يسالني مسيكين شنو راح اسوي بعمري لما أتزوج...رديت بكل ثقة وبإبتسامة شقت ويهي أكثر من اللي قبلها:
i'll marry someone who knows how to cook!! ;D

esTeKaNa يقول...

7OSen
~~~~~~~~
حيالله حسين والله
اي والله الحمدلله ان يومي مزحوم
انا الفراغ يقتلني
:)
الله يوفق الجميع يارب
وعلى الطبخ ...مممممم احس يبيله مزاج ووقت،وانا احب اتعلم
اكيد راح اتعلم ان شاء الله
:)
والسبيكر مو زين وايد
فاضحني وانا اخيتك
:)







نيديه
~~~~~~~~
حيالله النياده والله
عساج دوم مستمتعه قولي آمين
:)
لوووووول
زين تسوين
اصلا مع الوقت راح تلاحظين انج تصيرين قليله الكلامـ،تخافين تقولين سالفه تكونين قايلتها بالبلوق واحد قاريها
وايد صارت فيني
:)











kuw_son
~~~~~~~~~
hehehe
اي والله اشوة اني ما جاوبت
:)
حياك الله








شهد
~~~~~~
واااااي سنتين؟
لا بدعتي
عشان خاطري الله يخليج امتحني
:))
انا امتحان واحد تأجل لي باجر واحاتي
خلصي وافتكي مرة واحده
:)
الامتع هو التواصل معكم
حياج الله



















نجمه
~~~~~~~
اجمعين يارب
:)















دبي
~~~~~
افا عليج بس
انا استكانه والأجر على الله
:Pp~







قصة خيال
~~~~~~~~~~~
Hhahahhahahahaha:))
اثارينا كلنا ما نعرفه
مشكله والله
:))
اي ليش نفوسهم بخشومهم؟
يعيني اشوة شي ملاحظ مو بس انا ملاحظته
:(












الزين كله
~~~~~~~~~~~~
زانت دنيتج كلها قولي امين
حيالله الزين كله
:)
لووووووووووووووووووووول
اذا لقيتي اللي يعرف يطبخ قولي لي
جود انه عنده اخو
رفيج
احد هني هناك
يشاركة هوايه الطبخ عشان تتنقصينه لي
وادري فيج سنعه بتتنقصين حق اخيتج
:))

فنر يقول...

استكانه كنت اقرا وانا ابتسم ابتسامه عريييييييييييييضه جدا .. فقد كنت مدرسه باحد دور القران
لمدة ست سنوات تقريبا .. كل ماتصفينه حقيقه ..
انصحك بالالتزام ولاتناقشين احد مقتنع برايه ماراح يتغير زوجها الا لما تغير (ان الله لايغير ما بقوم حتى يغيرا ما بانفسهم )
بس ليشس حاطينج مع العياييز !!
في فصول تسمى _ مع اني مااحب هذا المسمى _ مطور حق اللي عندهم ثانوي واعلى وفصول التمهيدي لمحو الاميه وشهادة التوسط ..

كنت اجد متعه وانا ادرس التمهيدي اكثر احس فيهم شي ما اعرف اوصوفه طبعا الحصه ساه
عه نصها سوالف وسلامات ..

اتمنى لج الاستمرار واي سؤال انا حاضر خاصه بالفقه والتجويد

سالفة قلب يقول...

فرحااانه وانا اكتب تعليق عندج
:)

اشلوووونج؟؟ لج وحشه والله
وانا اقرى بوووستج واايد اشتطيت على سالفة دور القرآن

اي شي تبين ايميلي عندج
امتحانات..اوراق عمل
ملخصات

استفسااار
انا حاضره

:*

esTeKaNa يقول...

فنر
~~~~~~
ياهلا ويا مرحبا بفنر اضاء سما هذا البوست والبلوق كله
:)
يعني انا الحين اكتب لأبله في دار القرآان؟
يا مرحبا يا مرحبا
فخورة انا بتواجدج هنا
وسعيده بتلك الابتسامة العريضه
:)
ممممممم
انا يا ابله فنر ماحد قالي في لمحو الاميه وفي المطور!!
كل مافي الامر اني بمرحله مابين لجامعه والوظيفه وكنت ابي دورة صباحيه في دار قرآان وقالو لي عن هذه الدورة:
الساعه الأولى تجويد وتصحيح تلاوة
ومن ثم يوم تفسير ويوم فقه
:)
والاخوات معاي منهم عجائزوالاغلبيه متقاعدات وانا مادري اقول خالتي ولا اقول يا ام فلان
بس كلهم متعلمات
وانا مستفيده من تواجدي وياهم صرت عيوزة سمول
:)
شكرا من القلب على تواجدج اللي فرحني يا ابله فنر
:**

esTeKaNa يقول...

سالفة قلب
~~~~~~~~~~~
وااااااااااااااااي
يا فرحة قلبي والله
يا زين مسك الختام بهالبوست
انتي فرحانه بالتعليق؟
انا طرت فووووق فووووق
تدرين شنو ودي؟
والله ودي المج بقلبي اقولج شكثر انا فاقده وجودج وتعليقاتج وبلوقج
شخبارج؟
اشلون الاهل كلهم؟

بعد قلبي ما تقصرين
لسه لسه انا باول خطواتي
اتعلم طريقة الدراسه والاسلوب
بس المشكله اذا توظفت اشلون اداوم اعتقد داومهم بس صباحي
:(
ما تقصرين...وجودج وتعليقج فرحني حييل
لا خلا ولا عدم يا سالفه القلب الحنون
:**