السبت، نوفمبر 17، 2007

شنو يعني مستقبل؟

لم أعتد أخذ أختي من مدرستها،ولكن لظرف ما كنت بانتظارها ذاك اليوم
وصولي المبكر لمبنى المدرسه جعلني استريح في الاستقبال في مبنى المدرسه
وبينما انا انتظر كان بجواري طفلين في الصف الأول الابتدائي
الاول اسمه عبدالله والثاني لم اسمع اسمه ولنفترض انه عزيز
عبدالله يتهجأ الأحرف على اللوحه الكبيرة:
أل ....مووو....ساا...ت
يرد عليه عزيز:المستقبل قريتها قبلك،عبود شنو يعني مستقبل؟
عبدالله:ممممم مادري بس اكيد اهو شي حق البنات
عزيز:اوفففف كل شي بهالمدرسه حق البنات اوففف
عبدالله:لانه العالم كله بنات
بوجه خائف منصدم يرد عزيز:صج عبود؟
عبدالله :اي شوف بالمدرسه،بالزواره ،في بيتنا،بالشارع كله كله بنات بنات احنا شويه خلصنا
عزيز:شنو نسوي؟
يتنهد عبدالله بألم وتعبر:مادري مادري نذبحهم؟
مع هزة راس عزيز وتنهيده عبدالله شعرت بأني غير قادره على كتم ضحكتي
يا حسرتنا من الجيل الياي،عنده نظره مستقبليه
:Pp~
.
.
.
.
بالي مشغول،تأخرت في التدريب على امتحان الأحد لدورة الكمبيوتر
المكان بدأ يخلو من رواده
استعجل خطواتي خارجة من مبنى الدورة،انزل الدرج وتركبه هي
تبتسم لي ،ثم تستوقفني واضعه يدها على كتفي:
أنا عارفاك واللهي،انتي مش فاكراني؟
حاولت التذكر،قلبت في ملفات ذاكرتي التعبانه،دققت النظر في ملامح وجه محدثتي
نعم رأيتها يوما ما ولكن أين؟لا أعلم
شعرت بضياعي فجاوبت من نفسها:
انتي كنتي بمدرسة....الابتدائيه؟ وبعدين رحتي مدرسة...المتوسطه؟
ابتسمت ابتسامه عريضه:اي صح
سحبتني من يدي وضمتني بأمومه وضحكت:
أنا أبله سحر ابله الالعاب، كنت أبلتك في الابتدائي,,مش فاكرة ودرستك في تالته ولا رابعه ابتدائي
اللهم صلي عليك يا نبي
مممم...آه درستك في تالته ابتدائي
وبعدين درستك في المتوسطه
مشالله كبرتي كبرتي،ايه الجمال ده
!!
شعرت بأن آاله الزمن ارجعتني طفله صغيره
بثوب مبكر ،وضفيره طويله
شعرت وهي تكلمني بأني طفله:ترتبك من مدرستها ،وترتجف خجلا من مديح لها
كلماتها ومن ثم تقرصها لخدي وانا بنت اطول منها اضحكني
ولكن لا شعوري سألتها:
مشالله ذاكرتج قويه اشلون عرفتيني؟
خاصه اني ما كنت احب الالعاب يعني؟:)
خطت خطوتين صاعده للدرج لانها تأخرت وجاوبتني:
هوا انا عجوزة يعني؟عرفتك من عينك
وبعدين انتي كنتي مؤدبه،ما بحبش حتى اشخط فيكي
اتجهت بطريقها واكملت انا طريقي
صدفه جميله...وذكرى أجمل
كلمة مؤدبه وبصمتها في قلب مدرسه درستني طفله قبل 13 سنه تقريبا أثرت فيني أكثر من ما أتخيل
الم تصادف موقف مماثل...صدفه مع من كان يوما ما يمثل لك شئ كبير لمجرد انه كان مدرس لك؟
.
.
.
.
في قلبك زحمه مشاعر
وفي بالك أكثر من فكره وفكرة
تكتمها في نفسك وتضيع في زحمه كل طريق
تغمض عينك ويبقى..في داخلك صراع لا يهدى
مع الناس أنت...ولست معهم
كثيرون هم حولك،ولكنك في عالم أخر وحدك
تستمع لأحاديثهم عبثا،علك تنسى شئ ما فيك
ومابين الكلام... صدفه،تجد كلمة كأنها موجهه لك
وكأن قائلها يعلم ما فيك
ويعلم ما اشغل بالك عنهم
تبتسم..تشكره في قلبك
فقد أتت تلك الكلمه في وقتها
:)

هناك 57 تعليقًا:

Q8i_Blogger يقول...

صراحه هل يهال عندهم نظره نستقبليه غير طبيعيه
ملاحظات جميله وتحليلات ولا اجمل
المفروض تمسكين عزوز هذا وتسوينله لقاء كامل بروحه .. عن نظره لحال الديره .. خصوصا بعد دخول المرأه حتى في الساحه السياسيه :)
شباب:
مادري نذبحهم؟
:)


اي اي
شاطره وايه الجمال ده
علبالج ماندري .. كل المدرسين نفس الحجي اذا الواحد شافهم الحين .. حتى لو كنتي مطلعه عيونها
وشكلج اصلا مطلعه عيونها
ولا اشلون صادتج بسرعه
المدرسين مايذكرون غير الي مطفرينهم ومو مخلينهم بحالهم :)

وبالتوفيق بالامتحان
الاولى ان شاء الله
بس مشكلتج انج ماتعرفين شنو يعني بلوق
درسي البلوق .. يمكن اييه عنه شي بالامتحان

Purgatory72 يقول...

والله عندهم نظرة مستقبلية

مساكين، شمسوين فيهم البنات
:)

Fahad Al Askr يقول...

ممتعة ذاكرتك للأحداث

ملونة بفرح

bin3li يقول...

عيل طلعوا البنات أزمة
:D
أنا أكثر شي يقهرني مدرس يهزأ فيني في المدرسة و تطوف السنون و السنين و السنوات و بعدها ألتقي وياه صدفة و يقعد يمدح فيني
و لا كأن هو سبب كل عقد الطفولة

يصيرون ملائكة يوم نتصادف وياهم
و قبل كانوا هم و عزرائيل واحد

بس ماشاء الله عليها أبلة سحر صادتج

و ايه قلبي مزحوم مشاعر
بين كل زحمة و زحمة زحمة
و راسي مفتر
بس محد قط علي كلمة ليما ألحين
:(
بعدني ضايع

DUBAI يقول...

استكانة الغالية

خخخخخ فطست على حوار الولدين

الصراحة أحلى شيء يوم تسمعين سوالفهم

صدق بريئة و تضحك

من حقهم .. كل مكان بنات

بس نبقى رحمة : )

عاد مب كلنا .. نصفنا !

TReSTeN يقول...

تشكره في قلبك كان الكلمة موجهة اليك

اللللللللللله

الصراحة حسيت فييها تصمت طويلا

بين الناس تستمع الى احاديثهم

وانت في عالم اخر

فيفتح احدهم الكلمات تلامس تفكيرك

ولكن النهايو هي مجرد كلمات عابرة

لاتساعد في حل ازماتك

qesat_5ayal يقول...

عجيب حوارهم
حبيت الطفولة وضحكوني بس
وكسروا خاطري بعد
:P


الكلمات الأخيرة
عشت جزء
ولم أعش جزء

وذقت جزء
:)
حاسة فيها

QiYaDiYa يقول...

hehehehehe ;p

يحليلهم..
والله الموقف عجيب ;p

و ابلة سحر يحليلها بعد ..
هذي خوش ابلة لانها تقرا العيون ;p

و البارت الاخير ..
الصراحة لا تعليق ..
بس غورقت عيوني و انا اقراه ..

يعقووبوو يقول...

رحتوا فيها يالبنات (:

Mishari يقول...

الصراحة فعلا قاعدين ننقرض :)


ماكو اغلب المواليد بنااااات

دخنا يا استكانة وعلى قولة عبدالحسين باجر نصفي على ظفر صبع الريل الصغير
:)

DiLLi O MiLLi يقول...

ههههههههه
ويييجلم قلبهم هالزعاطيط مووو هينيين
وأنتي علامج ما دافعتي عن بني جنسك !؟
:)
اليوم تضحكين .. باجر الدم ليه للركب .. الله يهداج !! ههههههه


شوفي .. المدرسين ما يذكرون الطالب او الطالبه عقب هالأسنين الطويله .. ألا أذا كان ميننهم ومطلع عينهم .. عشان جذيه يذكرونه
:)
أعترفي .. شمسويه فيها هالمسكينة ؟؟

أنا .. مثلاً .. كل المدرسين يعرفوني من أول يوم بالروضه (اللي عضيت فيه خلفية الناظرة)ههههههه
أمي كله تذكرني بهالموقف .. مابي أدخل فأمي تدزني والناظرة تتلني لما ياها شيٍ ما توقعته !!ههههههه
لــــــــــــيه الجامعة
أي شطانتي حتى في الجامعة

ولدي صار طولي .. والمدرسين للحين يذكروني .. مااا أدري ليش !!؟؟
هههههههههههه

جني أسهبت بالكتابه!؟

:)

violinist_q8 يقول...

كتبت رد شطوله بس ماوصل لول
كنت ناسي شغله حبيت اقولها
بالنسبة للمستقبل
بالمتوسط
كان عندنا مدرس يالنا بوقت كان استاذنا غايب فيه ماكان في درس احتياط يعني فسألنا تخافون من المستقبل؟ المفروض ان يسأل واحد واحد سأل اول اثنين وقالوا لا
حسيته تحبط وغير الموضوع
جان اقول انا اخاف من المستقبل ! حسيته استانس حس في احد متجاوب معاه قالي من شنو تخاف بالضبط انحرجت وانا اللي غيرت الموضوع ههه ماحبيت اقوله اعتبرها خصوصيه

ZoZOta يقول...

ههههههه

يا زينهم ياربي

ناوين علينا

مساكين حاسين انهم عايشين بعالم كله حريم

يمكن عشان حتى المدرسات بالإبتدائي الحين بعد صاروا حريم

بس نظرتهم المستقبلة خطيرة

ينخاف منها

سالفتج مع المدرسه مشابهه مع سالفتى

بس انا عرفت نفسي

كانت تدربنا بفريق السله

ولما شفتها تمشى مع عكازة خنقتنى العبره

قلت بقلبي الله يالزمن

كانت كلها قوة وعنفوان وصحة

والحين على عكازة

ولما سلمت عليها ما تصدقين شلون حضنتنى

ترى كلمة طيبه بحق هالناس اللي تعبوا معانا في يوم من الأيام تطيب خاطرهم

وتحسسهم انهم بالفعل زرعوا في ارض مو ارضهم ومع هذا

ممكن يحصدون

على الأقل الأحساس بالعرفان والتقدير


وكالعاده يا استكانه

بوست يشرح القلب مع قهوة الصبح

:*

Barrak يقول...

عبود وعزوز

جيل برئ لعبت فيه خططنا الخمسيه
ونظرتنا المستقبليه الدنيئه


اه يالعبد

New Bride يقول...

99524790
الاولاد الصغار ماشالله عليهم يابوها عدل

و المدرسات انا اطير من الفرحة لما اشوف مدرساتي و دايما اسلم عليهم

بس مرة دقرتني وحده و من يومها ما اسلم هيهيه

امي كانت مدرسة و تفرح لما تشوف طالباتها انا شفت ابلتي و اهي عرفتني و لما قلتلها اني تخرجت من الجامعة من 5 سنين و تزوجت جان تعصب و تقولي لا تنادني ابله قولي ام فلان لأن الحين انا وياج زميلات !!!!!

بنت الشامية يقول...

استكانه عبود وعزوز عبروا ما يدور بقلبى بصدق واخلاص

امس بعد ما شفت برامج بوسف عبد الحميد
عن الكوته...وانتخاب المراة
وسمعت تعليق الشباب الجامعى عن نظرتهم للمراة وعملها السياسي....ضييييييييييييم
الحين انا اوفق عبود وعزوز خل يذبحون البنات.....علشان يرتاحون
الذبح افضل من القهر والذل الف مرة
حسافه عليهم ما ادرى شسوه عقول الشباب جذى
&&&
اما مدرستج هذى عجيبه ذاكرتها حديد
ما شاء الله عليها
ويمكن كنت مميزه عندها وايد......!!!!ء

lawyer يقول...

اييييييييييييييييييي الجماااااااااال ده يابت

يه يه يه يه


استكانه
انا اشوف ادبج الحين اقوووول اي ميخالف اكيد كانت شيطانه


بس مؤدبه من الابتدائي لي الحين

ممكن سؤااااال

متى راح تتشيطينين ويااااااااا عيالج؟؟

Kuw_Son يقول...

looooooooooooooooooool

والله اني قلعد أضحك .. مساكين .. تحليلهم على قد عقولهم :)

-------------------------

من أحلى الصدف ..
الله يوفقج :)

فتى الجبل يقول...

أووووووووووووووه
عاد المستقبل جدا باهر مع الجيل القادم وبدينا نشوفه من الحين
الله يستر

Najmah يقول...

لووووووووول

اهم شي العالم كله بنات
والله ضحكت من القلب :)

الفقرة الأخيرة
كلمات في الصميم

كالعادة يااستكانة تبردين القلب :)

طائر بلا وطن يقول...



هههههههههههه

حلوة هذي راح نخلص

هذا بيذبح و خايف على نفسه لا يخلص
هههههههه

اليهال يونسون و يطلعون بسوالف كلش ما
تخطر على بال .. صفحات بيضا و خيالاتهم
تشبه كثير كراسة رسوماتهم

أذكر مرة ريم بنت أخوي مناشبة أمها برمضان
بالسيارة و هم رادين من المدرسة

و فجأة انفجرت الأم

/

سكتي يا بنت خلاص

إحنا صايمين

تعبانين

دايخيــن

/

ردت ريم بكل برود و تساؤل

/

صايمين و دايخين و تعبانين

هذولا اخوان يما؟
!!!
/
زينا ما يتها السكتة
:)


:
المدرس

حصل أكثر من موقف مع أكثر من مدرس
بس في مدرس يطلع لنا بكل مكان ما نترقع
فيه
يطلع لي أنا و صاحبي

شكلي بسويه بوست هههههه

لا بس سمعي السالفة

أذكر أيام الجامعة .. اولى جامع او ثانية
طلعت أنا و صديق للمدينة الترفيهية

أدري مافيها شي .. بس يعني على أساس كبرنا
:p

و كانت هذي من الطلعات الأخيرة
الطفولة كانت تحتضر هههههه

و كنا نلعب بسيارات التصادم

و اللي معانا اندر 13 او 14 ههههه
مادري اشهاللقافة

شوي ولا صاحبي يقول لي شوف هناك

يا الفشلة

ولا منو

مدرس الدين أيام الثانوية يطل علينا و على
عياله بو ست سبع سنوات
يلعبون ويانا

يا قصة الويه .. تمنيت الأرض تنشق و تبلعني
ههههه

/

هالصيفية سافرت مع صاحبي بعد

ولا منو معانا بالطيارة .. مدرس الدين
نفسه مع اسرته

ولين
!!

و يوم وصلنا قعدنا بمنطقة فترة بعدين
انتقلنا لمدينة ثانية

نزلنا الفندق .. ثاني يوم رحت حمام السباحة
ولا هذا المدرس قاعد بالجاكوزي

ههههههههههههههههههههه

طالع لنا بالتايد

بالسحب

و يوم ردينا .. أكيد كان معانا بالطيارة

ما يصير بعد لازم يكمل جميله

:

أدري حست البوست و قطيت سوالفي و مشيت
:)

منكم السموحة .. بس من زمان ما علقت هني


الله يوفقك و يشرح لك صدرك
:)

charisma يقول...

ياا ربى على الى بذبحونه
لوووووووووول
يا حسرتنا يا استكانه

ولالا ملاحظيين بعد ان البنات وايد واهم هالطول زبابيط

ههههههههههه

اييه الجماال ده
عندها نظر هههههههههه
:**

بس ماشاءالله ذاكرتها قويه

استمتعت بذكرياتج يالغاليه

بحفظ الله

shakshaka يقول...

afa ya tha el3ilm ya 3azooz wo 3abood byethbe7oooona akher shay ya estekana?:P 3la golat;hooom ohma khalesaw mabegoolina ela mowaleed el ghazoo 1990 wo mwaleed 7arb el iraq 2003:P LOOOOOOOOOOOOOL


ana 9aarat feene salfat el modaresa bes kanat tshkhe6 fenee LOOOL 3la golat;haa tathkereen yom alga 3endech note kent 7aasha feeeeeeeha LOOOOOOOOOOOOOOOOOOOOOOOOOOOOOOOOOOOOOL ambaaaih fashlaa:P

someone_q8 يقول...

السلام عليكم

دائما تعجبني طريقة كتابتك للموضوع , عساك عالقوة ومنها للأعلى في عالم المدونات

البنات مافيه احلى منهم حنونين صايرين في هالوقت يشتغلون شغل الريايل وللأسف الشباب نايمين مالهم خلق
طبعا كلامي هذا مو للكل لكن للبعض

الحمدالله عندي بنتين والثالثة يايه بالطريج و هم مستانس كفاية لما اييي من الدوام تعبان وادش البيت اييوني بسرعة ويحبوني مو مثل الولد اتيي من الدوام بس يطلب حق نفسه ويأمر

طبعا كلامي عن الولد من خلال كلام اغلب الربع :))))
ولك مني كل تحية واحترام

حمودي يقول...

:)

Sn3a يقول...

المستقبل
شي حق البنات!

جد ضحكت من هالجمله واااايد

وانا صادف كذا مره صادفت ابلاتي لكن اذكرهم عدل لأني ظليت بنفس المدرسه جميع المراحل لمده 12 سنه!


يسلمو عالبوست الحلو

ezain_kilah يقول...

فعلاً...في كلمات وأحداث تيي بوقتها, وكلها تدابير من رب العالمين ينورلنا من خلالها طريقنا

أما عبود وعزوز...لووووووووووووووووول

شنو قلبهم متروس!

ezain_kilah يقول...

آسفة نسيت... كل التوفيق لج********

وما أوصيج... من الحين زهبي الماكنتوش حلاوة النجاح ;D

esTeKaNa يقول...

q8i-blogger
~~~~~~~~~~~~~~
واي انته ما شفتهم وهم يتكلمون
تعرف اللي الويه تتعبر ومشتطين جنه صج؟
وعزيز مشالله ماكو ملامح
ماشوف الا خدود وبطين صغير
زين ما قرصته
:))
هااا اشوف تنادي الشباب؟
هذا شنو يسمونه؟تحريض علني؟
:Pp~
شقصدك؟
@@
تهقه انا شيطانه مثلا
فششششششششر
دة انا غلبانه يا بيه امشي جنب الحيط واللهي
:pP~
وشكرا على الدعاء
الحمدلله نجحت
:D~
عقبال ما اخلص من الدورة كلها
لانها ماخذه يومي :(
لوووووول
اهم شي البلوق
انا قايله اخر يوم بالدورة بحط بلوقي على كل الشاشات وبعطيه حق المحاضر واختفي
:Pp~

esTeKaNa يقول...

purg.
~~~~~~~~
يه يه
من وين طالعة الشمس؟
:)
شخبارك؟انته موجود بالأجواء؟
:))
شمسوين فيهم البنات وعليه؟
مو مسوين شي..البنات البنات ألطف الكائنات
مالك شغل ما ردهم عليهم باجر
:Pp~

esTeKaNa يقول...

فهد العسكر
~~~~~~~~~~~~
أتمنى فعلا انا تكون كذلك
:)
شكرا يا استاذنا







Bin3Li
~~~~~~~~
hehehehe:))
معقوله البنات أزمه؟
انته تخيل بيت من غير بنت
!!
مو حلو صراحة
:Pp~
مممممم
شنو تفسيرك لهذا يا بن علي؟
يمكن كنا صغار ويهال ونتعقد انهم اشرار
ويوم كبرنا شوي اكتشفنا انه كنا مكبرين الموضوع؟
:))
بعدك ضايع؟
ماهي بشاره
عسى ماشر؟
:(

esTeKaNa يقول...

DuBai
~~~~~~~
هلا بدبي هلا
اي والله احب حوارات اليهال انا
بس تصدقين فعلا...البنات يزيدون
والشباب يقلون
شصاير؟
:))












tresten
~~~~~~~~~
قد لا تحل لك أزماتك
ولكن قد تكون ومضه
اضاءة
او مفتاح لطريق
انته من تختاره ليحل أزماتك
هي كلمات عابره..ولكنها احيانا تلامس القلب وتفتح له الف طريق للتفكير
:)
هذي الساعه المباركة
مرورك اليوم افرحني فرحة كبيره
شكرا من القلب

esTeKaNa يقول...

qesat-5ayal
~~~~~~~~~~~~
برائتهم وحوارهم ضحكني
بس انا بعد كسرو خاطري
حسيت وراهم دنيا
وصدمات
وواقع
يا حلو طفولتهم
:)
اما الجزء الأخير فأمنيتي ان تعيشي الجزء الجميل فيها....دمتي بخير








قياديه
~~~~~~~~~~~
حيالله القياديه والله
ياهلا ويا مرحبا
شخبارج؟
لا كل شي ولا عيونج الحلوة تغورق
ما نرضا
!!
تبين نشيل البارت كله؟
افا عليج بس
:)

esTeKaNa يقول...

يعقوبو
~~~~~~~~~
يالله سترك
:Pp~






mishari
~~~~~~~~~~
وي وي يا حسرتنا
عيل هذا اخر الزمان يا مشاري

لازم تسون حمله ضد الانقراض اللي قاعد يصير،وين راحو؟
:Pp~

esTeKaNa يقول...

dilli o milli
~~~~~~~~~~~~~~~~
هههههههههههه
ههههههههههههه
وااااااااي
واااااااااااي
يمة قلبي
غشيت غشيت من الضحك
واي دلي وفخورة بانجازج يايه تقولين لي؟
هذا ان دل فيدل على انج انسانه مقدامه ما تهابين شي،يعني ياهل بالروضه ما عظت الحارس
ولا الفراشه
ولا الابله
لا لا
عظت ياهل وياها
لا لا لا
عاااظة الناظرة
لوووووووووووووووول
واي دلي اقرا كومنتج ومرت امي تدرين شتقولي؟
الله يخلف عليج ان شاء الله
مجابله هالصنم وتكركرين؟
حسافتي عليج
زين جذي؟
لوووووووووووول
وما تدرين ليش يذكرونج؟
اذا بالروضه مسويه جذي تالي شسويتي؟
الله يحفظ لج وليدج
عسى بس ماحد منهم خذا مواهبج وشجاعتج؟
يا زين اسهابج ويا خف طينتج
وسعي صدري
وخلي امي تدعي لي بالثبات
:))

esTeKaNa يقول...

violinist_q8
ّ~~~~~~~~~~~~~~
وي حسافتي على الرد وين راح؟
يالله ميخالف اهم شي انك رديت تكتبه
:)
ههههههههههههه
خوش مدرس هذا معطيكم حجم وثقل اجتماعي ومجابلكم يسألكم بحصه احتياط
تدري احنا البنات حصى الاحتياط انزين ما نتهاوش على السوالف
صراخنا يوصل لي السكة
الكل يتكلم بوقت واحد
شنو عبالك شويه الاحتياط
هذي نعمه من رب العالمين
ولا اذا صارت عقب ويك اند والسوالف متكوده
:))
بس ما قلت لي
ليش تخاف من المستقبل؟
:Pp~

esTeKaNa يقول...

ZOZOta
~~~~~~~~
تفسير منطقي والله
يمكن لأنه حتى المدرسات حريم حسو بهالشي؟
:))
الله يستر من الجيل الياي بقوه
!!
واي عورت قلبي سالفتج
صاجة يا الزينه...كلمه تجبر الخاطر وتفرحهم اكثر من ما نتصور
ومنج السنع نتعلمه
:)
عسى الرحمن يشرح صدرج دوم
وصباحج سكر
:*

esTeKaNa يقول...

barrak
~~~~~~~~~~
وي اسم الله عليك من الآه
:)
الله يحفظ العبد وعزوز
ويطلعون احسن منا
من يدري
:)











newbride
~~~~~~~~~~
اي والله يابوها صح
:)
واكره شي واحده تدقرني
بعد انسي اسلم على احد مرة ثانيه
وصاجة انا ملاحظة...عقب ما نكبر ونصير طولهم يخافون نقول كانو يدرسونا
وصراحة ما ينلامون
المرة تخاف من العمر
:)

esTeKaNa يقول...

بنت الشامية
~~~~~~~~~~~~~~
وترضين على بنات جنسيج يطلع جيل قاتل يفكر اشلون يتخلص منهم؟
:)
اسم الله عليج من الحره
واي واي لا تذكريني
انا كان المفروض اشوف الحلقه كل من قايلي عنها مسوينها كليتي سابقا
بس ما شفتها
:(
كنت ابي اشوف النماين اللي يتحجون وشنو صار
:(
ومدرستي....امممم ذاكرتها حديد ما شاء الله،وبيني وبينج في علامه بويهي الظاهر ما نستها
:)

esTeKaNa يقول...

Lawyer
~~~~~~~~~
متى راح اتشيطن؟
مممممممممممممم
سكتي عني
انا خايفه
شكله قريبا قريبا
ديري بالج علي
:pP~














kuw-son
~~~~~~~~~
تضحك ها؟
جنه يايزة لك السالفه بتذبحونا
ترا دير بالك مو حلوة الدنيا من غير بنات
:Pp~
ويوفقك يارب ويفتح عليك بكل شي

esTeKaNa يقول...

فتى الجبل
~~~~~~~~~
من شاف خدود عزيز
وويه عبدالله اللي يتعبر
يصدق انه باهر جداا
يالله سترك
:)












نجمة
~~~~~~
عساج دوم تضحكين وفرحانه قولي آمين
:)
والله انج انتي اللي تبردين القلب
ما قصرتي
:*

esTeKaNa يقول...

طائر بلا وطن
~~~~~~~~~~~~~
ياهلا يا مرحبا
معقوله؟
@@
طائر اليوم عندنا؟
لو كنت ادري فرشت لك البلوق حرير
وبخرنا لك المكان
عسى ماشر؟شنو هالغيبه؟
عسى بس ما زعلتك ولا مليت من هالمكان؟
:(







اي طائر يبتها بالصميم
خيالاتهم تشبه كراساتهم
وي يا زين الريم
لووووووووووووووول
بدعت بدعت
اسم اله عليها الرحمن الرحيم
يعني كلهم على نفس الوزن
صاجة اكيد ا خوان
:pP~


طائر اولى مادري ثانيه جامعه رايحين الترفيهيه وتلعبون؟
ههههههههه
هذي احتضار الطفوله واعتاب المراهقه
مرحله صعبه اعرفها صدقني
:Pp~
لا هذا المدرس قصته قصه
هههههههههههههههه
وتسلمون عليه ولا تمشون ولا كأنه؟
طائر ضروري بوست على مدرس الدين
عسى رفيجك مو قلم بس
ههههههههه
وسعت صدري
الله يوسع صدرك دنيا وآخره
:))

esTeKaNa يقول...

كريزما
~~~~~~~~~
واي كريزما انتي بس لو شايفها ويوهم
انا لو اختي متأخره شوي جان قرصتهم
عظظيتهم
خديدات وماكو ملامح ومشتطين
والكروش تبشر بمستقبل باهر
ههههههههه
:))
واي حلت دنياج
خجلتيني
تدرين صايره استحي يالله من فضلك
عسى الحيا فالي
:)
استمتاعج بكل بوست
يفرح قلبي
:*











شكشكه
ّّ~~~~~~~~~~
loooooooooooooooooooooooooool
كل من بقلبه شقا لي له
وشكشكه بقلبها شقا الغالي
ههههههههههههههههههههههههه
واي ماني قادره ارد عليج
!!
بس اشفيها مواليد الغزو ؟
انا ركزت بويوهم عدل لا تخافين
بعد سبحان الله تدور الدنيا واشوف عزوز واعجب فيه لا سمح الله وعبالي شي
ويطلع اهو اللي كاتبه في بوست ذات يوم
:Pp~
واي نوت حاشه فيها
لووووووووول
يعني جريمتج موثقه
ماكو نحشه منها
:))

esTeKaNa يقول...

someone-q8
~~~~~~~~~~~~~
شهادتك انته بالذات اعتز فيها
وكلماتك خجلتني
شكرا من القلب
:))
مااااا شاء الله
الله يحفظ لك بنياتك ويبلغك بالثالثه
تدري قاعده اقرا تعليقك والابتسامه من هني لي هني؟
والله ترا البنات غير
احن قلب
واكثر ارتباط باهلهم
واكيد تدري ان من يحسن تربيه بناته يدخل الجنه؟
هذا انا كل ما تحطلم ابوي علي
قلت يبه كلنا ثنتين
واحسنت تربيتنا ما قصرت
بندششك الجنه يا بختك
:Pp~
طبعا عياره البات انته ادرا فيها
:))
الله يحفظ لك المزايين بناتك ويبارك لك فيهم ويبلغك فيهم عرايس يارب
:)

esTeKaNa يقول...

حمودي
~~~~~~
يمه منك انته يا الساكت
عسى ما تذبحنا بعد
:pP~












SN3ah
~~~~~~~~
حلت دنياك قولي أمين
مشالله نفس المدرسه؟
جنه ملل
:)
بس بعذرج تتذكرينهم واكيد يذكرونج
وترا ديري بالج
المستقبل شي حق البنات
:)
















eL_ZAIN KLH
~~~~~~~~~~~~~~
اي والله تنور طريقنا
الله يزيد من هالحوارات
:)
اي والله قلبهم متروس
وطلع في وايد مثلهم
:)
يا بعد قلبي ما قصرتي
نجت بالامتحان بس عقبال ما اخلص الدورة كلها وانجح بكل الامتحانات وافتك
وتاليتها بكت نون بالبلوق
:)

DiLLi O MiLLi يقول...

ههههههههههههه
ههههههههههههه

صاااجة والدتج الله يحفظها
مجابلة علبة مفتوحة وتضحكيييين !!؟
ههههههههههههه

الناظرة كانت مصرية وسميييينه
وأنتي خابره الشاصي مالهم
فهذا سهل مهمتي
:)

لالالالا .. أنا لو بعدلج عن اللي سويته
في كل مراحل الدراسة
راح يشيب شعرج !! ههههههه
وكلة طارديني من الصف
يعني قزرتها واقفه برة يم باب الصف
أكثر من داخل الصف !! ههههههه
قاعدة أحضر موسوعه بشطانتي
وأعتقد موسوعه وحده ما تكفي
بسويها من خمس أجزاء

ماعندي ألا ولد .. ومفهمتة أن أمه
كانت ملاك بالصف
ونابغه فى الدراسة
:)
تدرين أن أمي كانت ناذره
تصوم شهر أذا نجحت بالثانوية !؟
وأنا قلت ألا أصومها هالشهر
ليش ماكو ثقه فيني !!ء
عااااد وجاان أصومها الشهر
نجحت ويبت مجموع .. يفشل !! بس يدخلني الجامعة
ودخلت أدب أنجليزي
المادة الوحيدة اللي كنت شاطرة فيها
:)


عسااااج دوووم مستانسة
والبسمة ما تفارق ويهج
:)



وييييييي .. جني أسهبت مرة ثانية

:)

esTeKaNa يقول...

Dilli o Milli
~~~~~~~~~~~~~~~~
يا مسا الورد والاسهاب الحلو كله
:)
ياربي يعني الا تبين يقرون علي من هالتكركر اللي اكركره؟
لا والناس ليل فتخيلي قاعده بالصاله واضحك سايلنت
قامتيني قامتيني ولا ودي اقهقه
ههههههههههههههههههههه
:)
اثاريها سمينه و...و
يعني قاعده تبررين لي مثلا؟
ماكو شي يبرر لوشنو
لوووووول
انتي عبالج ما يعور ها
قلتي سمينه و و و
واخزياه بس...واي فيني حجي بس
فشله جدام المجتمع مابي اقول شي
انتي مرة ام عيال قولي اللي تبين
انا آنسه كلماتي مهمه عشان مستقبلي
لوووووووووووووووووووول

وي عسى الله يحفظ لج وليدج
والله ترا كل الامهات جذي
انا امي عيزت تسولف لنا عن ماضيها التليد المشرق،وذاك اليوم بالزواره خالي مطلع الشهايد
يا بعد قلبي قلبها
ويها صار هالكبر
تقول اي انا من اواني من احب الرياضيات وكيكه على قولتها
مااااشللله طلعتي ما تحبينه
وانا عبالي تحبين كل شي
:))
عيل صومتي الوالده شهر ها
هههههههههههههه

ذكرتيني..اخوي صار له ثلاث سنين بثانويه عامه يقول ابي استفيد احتمال اقدم فيها ماستر
وابوي وعليه اهو وامي بس يتحلمون اذا نجح شنسوي
نون
عرضه
صيام
مادري للحين ما استقرينا على شي
بس جنه الصيام احسن
:PpP~
وااااي انا عندي واجب تجويد
ما عبرت اشوف تعليقج واسكت
الله يحفظ لج وليدج ويبلغج فيه معرس قولي آمين
وطالبتج ابي بوست بمغامراتج
يعني شكثر قعدتي بره الصف؟
وشنو استفدتي من هالطردات
يا بعد روحي والله
:***
مساج فل وورد

SolaimaN يقول...

يحليله عبدالله بدع والله

بس الاقتراح فانتاستيك ودي اشاركه بالجريمه

،،

مشالله كبرتي كبرتي،ايه الجمال ده

;)


استكانه ،،يعني شنو بلوق ؟؟

:P

Selezya يقول...

لول :)

ياحليلهم والله يستر يمعوده خوفتينا

والصدف دايم حلوة واكيد شعور حلو حسيتي فيه

عجبتني كلماتج
ويت بوقتها :)
ماراح اقولج شكرا بقلبي
بكتبها لج
شكراً

Glass Fabric يقول...

mashallah 3alaihom el yahal t7seen 9ij 3aysheen bel mojtama3 ,,wetha el shabab kela eta7al6moon 3ayal el yahal ma 3alaihom sharha :) ayaam el derasaa the7ek lama et`thakrenhaa bas el mo zain feha ennech et7seen enech kobartay :p bas ma3alaih allah ewafgech bel yaay enshalla :)

SMile يقول...

قواكم الله يالطيبيين
...
ماقدرت هالمرة آمر بسكات
صار لي جريب سنة كلة أدش بلوقج أقراه بس عشان ترد بسمتي وأطلع =)

حشة مب مجاملة هاذي

وكاااني تووني رادة من الجامعة ووراي درااسة من قلب

أول شي فكرت فيه عشان أرد نفسيتي بلوووووق استكااااانة "الحل الوحيد

يزاااج ربي الجنة يالطيبة
وعسى ربي يرزقج السعادة دنيج وآخرة

تعرفيـن لما نحب ناس لطيبتهم وروعة قلووبهم
لاتحرمينا من خيرج .. تراج مسوية شغل بهالبلوق ;)

أحبج في الله
خويتج عويشة من البحرين
=)

DUBAI يقول...

الحوامل يتوحمون على هيفاء وهبي و بنت عجرم

ما ودهم بتماسيح

LOOL

Talal يقول...

عجييييب عبوووود

مسوي نفسه الفهيييم

والمسكين الثاني حده مصدق

ههههههه


----------

المدرسة ما شاء الله عليها ذاكرتها قوية

انا مدرس اجتماعيات ادش على الصف مرتين بالاسبوع

وعندي ست صفوف

لحد الحين مو حافظ ولا واحد كلش

ولما اشوف واحد داش متاخر اتوقع عني شايفة اقوله انت اي صف يقولي برابعة-2

اقوله متاكد :)

انا مادرسك ؟؟؟

لا يقول تدرسني

----

لا اله الا الله ما شاء الله عليها

---

طائر بلا وطن يقول...

مشكورة وايد يا استكانة
دون البخور و حرير
المكان زاين و طيّب بأهله

هذي الظاهر أعراض الضمور التدويني
:p

ما مانكم قصور و لا عليكم زعل
أبد أبد أبد
:)

و ترى دايم أمر و أقرا
حتى لو متأخر أو بأثر رجعي

سلام

Purgatory يقول...

انشالله باجر لما يعرفون حق البنات يفكرون بس في بقاء التشبي ويمنز، و الباجي الي الانقراض نفس الديناصور بو جناح

;p

DiLLi O MiLLi يقول...

أسوي بووست بمغامراتي في مراحلي الدراسية !!!؟؟؟

حـــق الشمـــاتة يــاااا ســعد !! .. هااا !؟
:)

بس عشانج .. غاااالي والطلب رخيييص

:)

esTeKaNa يقول...

solaiman
~~~~~~~~~~
حيالله سليمان والله
ايييييييه جنه بقلبك الجريمه من زمان والشباب الصغار شجعوك؟
اعترف
:)
احم احم
البلوق محل يديد فاتحينه بالافنيوز قولة لوير
:Pp~















SezeLya
~~~~~~~~~
ياهلا ويا مرحبا
اي والله صدفه حلوة
انعشت مشاعر طفولتي
:)
وعفوا من قلبي
وحياج الله
















GLass fabric
~~~~~~~~~~~~~~
هلا وغلا
:)
اي والله صدقتي ما عليهم شرهه
يفتحون عيونهم يشوفون الكل يتحلطم ويناقش قالو وياهم
:)
اي والله ...قبل ما كنت احس اني كبرت ولا يمثل الموضوع اي شي بالنسبه لي بس هاليومين مادري اشفيني باديه اصير حساسه من هالموضوع
مع انه تو الناس على هالاحساس بس مادري اشفييني
حياج الله








smile
~~~~~~~
يا بعد قلبي انتي والله
يا زين البحرين واهلها
عساج يا الغاليه دوم بفرح ومبتسمه
تدرين؟
تعليقج رفع معنوياتي وفرحني حيل
يعني انتي ادخلتي السرور في قلب اخيتج
ودمعتي لها عينها
:)
أحبك الله الذي أحببتني فيه وآمين واجمعين ان شاء الله
:**
ويعطيج العافيه يارب،واستمتعي بالجامعه وبالدراسه وعيشي المرحله بكل حب وفرح...الله يفتح عليج ويوفقج يارب
:**
















دبي
~~~~~
hahahahahahah:))
اي والله صدقتي












taLaL
~~~~~~~~
يا هلا ويا مرحبا
هذي الساعه المباركة يا أستاذ طلال

هههههه اي والله مسوي نفسه فهيم
جنك شايفه
:)
مشالله كل هالصفوف؟
الله يعينك يارب احس يبيلك طواله بال
وصاج انا بعد استغربت من ذاكرتها تبارك الرحمن،عسى ما ننضلها بس
:)

















طائر بلا وطن
~~~~~~~~~~~~~~
حياك الله يا طائر باي وقت
هذا بلوقك ومكانك وانا اختك وانته تدري
:)











Purg.
~~~~~~
looooooooooooooooooooooool:))
انته ادرا
:Pp~















Dilli o MiLLi
~~~~~~~~~~~~~~~~
ههههههههههه
لا مو شماته
ومنكم نستفيد حق الاجيال القادمه
:)
يابعد روحي واله عز الله شانج