الجمعة، أكتوبر 26، 2007

Zwarah!!

أكبر جهاد ممكن تمارسه هو نصيحة امرأه كبيرة بالسن تعتقد انه موروثها عبر السنوات لا يضاهي معلومه صحيحه واحده لديك
!!
كالعاده...تروح زوارتنا على امينووو وطلابه امينووو
امينو خدامه جدتي المنكوبه والمجاهده في سبيل الله
على أدنات الدون وعلى اقل تصرف وكلمه ممكن تقلب مزاج جدتي وتاخذ المقسوم من الزف
!!كاسره خاطري
استجمعت شجاعتي وجابلت ام امي :
يا امي يا حبيبتي،صج خدامتج ثويله شوي بس عاد انتي طولي بالج بعدين اجرج كله يروح لها
يصير يوم القيامه تقول مشالله من وين لي هالاجر كله؟الا هذا كله من دعاويج وعصبيتج عليها
تلوي لي بوزها وتعصب:
حريييييييييييييييييييييمتها تاخذ اجري ما عوووزها
!!
ماهي الطريقه الصحيحه لتغير مفاهيم جده مثل جدتي لامي؟
أحيانا عندما يبدأ الاسترسال في حفلة الحش،وندخل عرض في اي تذكير لنفسي ولها
تقرصني وتبعث لي خزه عبر الاثير:
فكينا يا الشعرواي انتي
مسمين ،مصلين،وحتى تبارك حافظتها
hehehehehehe
بعد ما مدت بوزها،انا سكت وجابلت بنت خالتي اسولف ،بعد ما اكتمل العدد تدش يدتي بسالفه عرض بديعه
فيها عبره وتذكره:
يقولج ذيج السنه حضرو روح مارلين مونرو
الا وعليه طرف ثوووبها بحلجها وتقول :الصلاه الصلاه
ما ذبحني الا الصلاه الصلاه
اي ديرو بالكم كللللللش ولا صلاه ربي
!!
مارلين مونرو ما غيرها؟
@@
يسألها ولد خالتي:
انزين يمه اهي كانت تتكلم انجليزي ولا عربي؟
تلملم ثوبها الاحمراني،وتعطينا ظهرها وتمشي وتتحطلم:
شدراني انا يقولون يقولون ،عبالكم ما افتهم
ما يندرا،جود قالت فاير فاير
!!
ام خماس هذذي مو مارلين مونرو
:D~
ولأنه انا قهقهت من الضحك،واخوي وولد خالتي بدعو في تنشف ريجها اسئله ظريفه جدا
عصبت يدتي وقامت عنا
:Pp~
.
.
.
المفروض ياخذون اذن جدتي قبل اقرار عطله يوم السبت
للحين زوارتنا معفوسه،ولا راضيين يتفقون على يوم
مع انه الموضوع كله ببساطة...ندز برنامج الاسبوع يوم واحد فقط
قريبي عنده وجهه نظر:
احنا متعودين الجمعه نقوم مبجر شوي حق الصلاه عشان بليل ننام مبجر
بس الحين نقعد مبجر وننام متأخر ونفسيتنا تعبانه
معقوله نومه وصلاه يمعه بتعفس عطلتكم؟
شدعوة
!!
.
.
.
منو شاف الاستاذ خالد عبدالجليل البارحة في قناة الوطن؟
@@
صراحة،ضيق خلقي،وما حبيت اسلوب العرض والشرح
شنو هدف البرنامج؟
اثاره؟ولا توعيه؟
ابعد ما يكون عن التوعيه الهادفه
الله يسامحك
.
.
.
المفروض اكتب لكم شي مميز ورومانسي اليوم
بس سالفه مارلين مونرو عفست افكاري صراحة
.
.
.
تمتعو بنسمات الهوا البارد تالي الليل
وبهالقمرة اللي تنور ليل ورا ليل

هناك 53 تعليقًا:

bin3li يقول...

أنا مخيم في بلوقج اليوم

لكن يدتج هذه الصراحة فنانة
عيل مارلين طرف ثوبها بحلجها
هذه متى البست ثوب مثل الأوادم
راس مالها تنورة و كله طايره على فوق

بانتظار البوست الرومانسي
;)

esTeKaNa يقول...

bin3Li
~~~~~~~~~
مشالله مشالله
انا استغربت يوم شفت في تعليق
انا اشك فيك
عندك كاشف احساس ومباحث تقولك قاعده اكتب بوست ولا شنو؟
:))
لووووول
لاحظ انها خلت كل الدنيا وعطتنا موعظه من خلال مارلين مونرو
والبوست الرومانسي يبيله مود ومزاج
ما اوعدك فيه
عشان ما اجامل واكتب شي مو حلو
بس اكيد ياي بالطريج
:)

اجار الدين كشمش يقول...

وسعوا بالكم على يدتكم

ترا أهم البركه في الزواره

ان راحت ما كوا زواره

وادش عليكم القطاعه

بعدين لما قالت

عن الغبر مارلينوا
تبي تعيش جوكم

انتي صبي لها شاي
من استكانتج اليديده
مالت العيد .. اصكها راسها
وتنام

فمالله

على نفسها جنت براقش يقول...

انااظن يدتك شافت هند رستم و هجت انها مارلين

و بعدين ما ظن يدتك اقوى من يدتى
ذبحتنى و اهى اتييب لى كوبونات من الجمعية و تنطر السحب
بالاميات جنها تشترى غصب علشان السيارة
اشوة ان بالكويت ماكو قمار و لا يانصيب
جان يدتى بالسجن و ننطر السنعوسى يطلعها
و تعالى شوفيها شتسوى بسايقها
لووول
له الجنة
كل يوم زف و تحلطم عليه من 12 سنه
ومادرى ليش صابر

Q8DOLL يقول...

ههههههههههههههههههههههههه
واي موتيني ضحك على هاليده الله يطول بعمرها
اتينن
انا لو منج اجابلها واكمل حلقات مسلسل الفريج على الهواء مباشرة
ياحلوها
اهيا وثوبها الاحمر



تعالي عبدالجليل كان ماعنده سالفه
يعني الحين شنو استفدنا من اللي سمعناه؟ غير تطنز على الريال
بعدين مره يقول مطلق ووحيد
ومره يقول زوجته وعياله !! حسيت السالفه فلم هندي
ومصاخه

اي ي استكانه محتاجين هالجووو البارد شحلاته بعد لاهوب الصيف

ودمتي فوق السحاب :)

loyalty يقول...

بالعكس!
مارلين مورنو أكبر دليل على إنه يدتج الله يطول بعمرها , تخلت عن موروثاتها القديمة , و صارت تخاطبكم لغة العصر :)

esTeKaNa يقول...

اجار الدين كشمش
~~~~~~~~~~~~~~~~
افا عليك بس...اكيد موسعين بالنا
جم ماما عايشه عندنا
اي والله اهي الخير والبركه كلها
الغبره مورلو؟
اكيد انته مو زاير ويانا
:)
ممكن سؤال يطرح نفسه خاص لك؟
انا وايد استانس على ردودك
وكلامك
واسلوبك
ليش ما عندك بلوق؟
او على الاصح ليش عندك بلوق مافي ولا بوست:(

esTeKaNa يقول...

على نفسها جنت براقش
~~~~~~~~~~~~~~~~~~~~~~
LoOoOoOooOol:))
واي ضحكتني يدتج
ذكرتني بعمتي،من شفتها وشافتي واهي تكتب بكوبونات ويوم فازت فازت بتوستر يا بعد قلبي قلبها
:)
ومساكين والله هالخدم
خوفج يتوحدون بيداتنا يسون فيهم شي الله يحفظهم
:)

esTeKaNa يقول...

q8doll
~~~~~~~~~~
اي والله يدتي بروحها مسلسل
الله يحفظها ويطول بعمرها
:)
اي ترا كل الموضوع انه عارض شريط وقاعد يعلق،وبيني وبينج انا ضحكت يوم قال الريال انا مو شايب شايب
انا من المحضرمين
@@
مير انا لاعت جبدي من هالبسبوسه
والله صوتها بس يلوع الجبد
بس اللي بوصله انه يوم قالنا كل هذا اهو بس قصد الاثاره؟
اذا نصيحة فنصيحة الناس ما تكون بعرض هالسوالف واذا تكلم من باب انه قانوني فانا ما اشوف الا حزاوي مالها اي علاقه بالقانون
!!

esTeKaNa يقول...

لويالتي
~~~~~~~~
مارلين مونرو من سنين الطواعين ماتت
!!
وعلى فكرة القصه نقلا عن ام يدتي
لووووول
الله يهديها ياربي ويصلح بالها
:)

Sn3a يقول...

احلى شي
معووووزها تاخذ اجري

فديتها يدتج ربي يطولكم بعمرها
موتتني ضحك

loyalty يقول...

هههههه مارلين تونا تعرفنا عليها , الله يهداج أحرجتينا جان حطيتي صورتها و سيرتها من البداية :P

على العموم , ما جعلني أرد عليكِ مرة أخرى هو قرائتي للنظرات للمنفلوطي , في موضوع عنونه بـ : من الشيوخ إلى الشباب

يقول المنفلوطي بعد حديثه عن عنفوان الشباب و قوته : و لكن الذي ننكره عليكم و نعتب عليكم فيه أشد العتب هو زرايتكم علينا , و رميكم إيانا بالجحود مرة , و الخرف مرة أخرى كلما اختلفنا معكم في شأن من الشؤون.

زرايتكم = العتاب

-------------

ما أود قوله , أننا ملزمين بالانسجام مع نظرة كبار السن للامور , و إن وجدنها نظرة ضيّقة في بعض الأحيان فهذا لاختلاف زمني و فكري أيضاً ,, يبقى لكبير السن هيبة و قدر , و حكمة لا تضاهيها حكمة :)

ZoZOta يقول...

لوووووووووول

المسكينه عيل فاير فاير

يا زينها يدتج

تهبل

عسى الله يطول بعمرها ولا يحركمكن منها يارب

من زمان ما ضحكت هالكثر

حبيبتى انتى

:*

سوالفج ما تنمل

اقول استكانه انا لما الحين عند وعدي

والجو هالأيام عجيب

تطلعين معانا

انا اعتقد مع عصابتى وسوالفج العجيبه

الكوكتيل بيصير شي ثانى

:*

78o8eYa يقول...

ولهاان
ولهاان
..
ويحق لي أوله
:*


قبل أمس كنت حولكم وحواليكم ، فكرت أمر وأسلم
تالي شفت الوقت شوي متأخر
جان أهوّن

حدنا مشتاقين
ولعيون الغالي ولهانين
^_^

======

ربي يخليها ويطوّل بعمرها
يا حلو سويلفاتها وعسارتها
خوو لازم عساره ، كل الحريم الكبار جذيه
والشياب بعد
:)

مالكم غير تسايرونها على هواها ، لأن لو شنو بتسوون
بتظل إهي الصح

عيل قالت لكم
فاير فاير
;))

يدتي -الله يرحمها ويغمد روحها الجنه
كانت تقول حق ربعها
بيمر عليكم الدريول بسيارتي
شفر بيج كولور
يعطيكم النقصه
^_*

على طاري دوام الخميس وعفسة الزواره
استكانه حبيبتي انتي
لأنج بإجازة مفتوحة
فـ الوضع عندج سهل
بس ترا صج عفسونا
آنا ترا أداوم ومضيعه الأيام
!
وزوارة الخميس عندنا ما تغيرت ، عاد شوفينا بالزواره رآسنا صاكنا وكلنا يايين متأخر
:/

الله يعين

عالية يقول...

عسى الله يخليها لكم ويطول بعمرها وتيبيلنا كل سويلفاتها لووووووووول

ياحلو العيايز وهذرتهم اتيب العاافية

5roofa يقول...

لوووووووووووووول

ياا حلوهاا واااي تهبل يدتج ربي يخليها لكم و يطول بعمرها تهبل

انمه مارلين منروو سالفتها تموت من الضحك
واااي الله يقطع سوالفج يا استاكنه فطستيني من الضحك لوووول

لا تحاتين عندنا و عندج خير يدتي تخيلي راكبه راسها ماكو مابتغير اليوم

انزين ياطويله العمر الدوله غيرة

تقول الدوله تغير انا اغير خل اهم يسون عطلتهم يوم ثاني بس زوارتي ما تغير لووووول

عاد الجريم الكبار و لي ركبو راسهم شتسوون

تقول يا الدوله يا انا لووول الله يستر جان مو على يوم يسحبونا امن الدوله لووووول

الله يخليها الغاليه و يطول بعمرها جان حبيتهااا

salamz sweetee...

Fahad Al Askr يقول...

المشكلة يا عزيزتي إنك تتكلمين عن ناس صارت حياتهم ثابتة، وكلامهم قناعات غير قابلة للتشكيك، بحكم التجارب والخبرات

عجبتني سالفة مارلين رحمة الله عليها، شوفي لنا يدتج إذا في مجال تحضر لنا إيدث باف وإلا جوزفين بيكر

الله يحفظها، ويحفظك معها مرة وحدة

بنت الشامية يقول...

استكانه نصيحتى لج لصقى بيدتيج اكثر ما تقدرين لان اليده غير عن الام
انا ما تخسفت اكثر شيئ لانى ما شبعت من يدتى لله يرحمها...اليوم اللى تزرونا اعتبره يوم عيد ومميز اطير من الاناسه لانه احسها انها لى بروحى محد يشاركنى فيها من عيالى عمامى....انانيه يهال
بس بعد ما تزوجت احتجتها اكثر واكثر
لحكمتها ونصائحها لى فى امور بيتى الصغير
الله يرحمها....صج فقدتها
اهم الخير والبركه
اما يدتج ومارلين ....وايد اكشخ من يدتى.....يدتى حدها مارى منيب
ههههههههههههههههه
الله يخليها لكم ويعطيها الصحة والعافيه

بـركـــــان يقول...

نعاني بمشكلة كبيرة في التعامل مع الخدم في هذا المجتمع .. قد اكون انا طرف فيها ..

بانتظار مواضيع عاطفية حتى نغير من حدة التأزم الحاصله في الوقت الراهن


الثائر دوما

عــــاشــــه يقول...

وحليلها يدتج

الله يباركلكم فيها

هاي الحريم الكبار سوالفهم بالدنيا
وبعدين مستحيل تغيرين مفاهيمهم

كانت يدتي الله يرحمها تصلي اي كلام ... وإختي تحاول معاها.. بس أرجع وأقول هيه تشوف صلاتها قمة العبادة لربها
والله عالم مابالنفوس

كانت حافظه الإخلاص والناس والفلق
بس ماترضى حد ييلس يشرحلها تقول شو تشوفوني أصغر عيالكم تعلموني

ونفس الكلام ترانا نصلي ونصوم وخايفين ربنا وحاجين البيت ونتصدق ونزكي


وشوسالفه البوست الرومانسي

حتى أنا بتريا... عندي نقص وأريد أقرا شبي حلو يفرح الخاطر
هههههههههههههه

محـــــارة يقول...
أزال المؤلف هذا التعليق.
محـــــارة يقول...
أزال المؤلف هذا التعليق.
محـــــارة يقول...

ياحلاة يدتج تينن الله يخليها لكم ولا تعاسرونها وترفعون ضغطها خلوها على راحتها

بسالفة الزواره أنا وياج الأوادم كلها تخسبقت وكل عيوز طاقه ريلها ماتبي تغير يومها صار لهم دبره وعبره هالعيايز فعفسوا الويك أند كله بس ترى طيبين أخر شيء يمشون بحجي الأغلبيه

والجو حده قمه أنصحج روحي أخذي كل مالذ وطاب والقعده الحلوه وروحي على البحر على اليال على طول الجو مو طبيعي وتأملي البحر وادعيلي هذا الويك اند الثاني واحنا مجابلين هالبحر قمه مع هالجو لا يطوفكم خلو المجمعات والمطاعم والزحمه والويه للي يحبونها

واخذي يدتج وياج وتبينها تدعيلج مري على القهاوي الشعبيه بعد وقعدي معاها ويبلها شاي لومي وهذي تحدد يوم اليمعه بالي أنتي تبينه :)

Shaima'a Alkandari يقول...

يحليلها يدتج الله يحفظها لكم يارب
الحريم الكبار دوم جذي مايبونا نغير فكرهم

سمعوها ترى سوالفها تونس صج

بس سالفة مارلين عجيييييييبه

وماشفت البرنامج للاسف

قوااااج الله يالغاليه والزواره نفسها ترى التغيير اللى صار للعطله تعود البعض عليه

magnoonah يقول...

واااااااااي
ستكون يدتج روووعه
الله يخليها لكم

فديتها هي وسويلفاتها روعه
وترى كلهم جذي يتشكون بس من ورى قلوبهم ساعات اضحك من سوالف امي ومرات اقول بدينا حركات اثبات الوجود على الخدم

خخخخ


بس سالفة فاير فاير
قويــــــــــه
والشباب لا تحاولين ما يرحمون لا كبير ولا صغير من سوالفهم وحركاتهم القرعه


الجو كل ماله ويصير احلى عن جد ناطره المطر متى ينزل
:)


بخصوص دورة الاي سي دي ال جربيها انا اخذتها وايد حلوه وراح تعجبج خصوصا ان معرفتج بالكمبيوتر ممتازه

وانا سمعت انها مفيده للتوظيف في وايد اماكن يمكن تفيدج

تحياتي

nadeyah يقول...

الله يخليها لج اهم الخير والبركه والله

وسوالفهم تظل عالقه ونحتفظ فيها على طول

---- مارلين مونرو

لا تعليق بس حسيت بساطه التفكير والله يطول بعمرها ولا تضايقونها

نيديه

MaNaRa يقول...

و الله الوالدين و الأجداد باب الجنة..

فلحقي عليهم قبل لا يسكر ..

الله يخليهم لج يا رب ..

__

خوش بوست استكانة :)

اجار الدين كشمش يقول...

مشكوره ... احم احم

صارت وجناتي حمر

من الخجل وانا اقرا

والله الصج ما عندي وقت

يدوب اعلق بالليل

متاخر .. واخاف اذا كتبت

ولا احد علق علي

اندكر ..
هههههههههه
انت ترسي استكانتج
بوستات .. واحنا المعلقين

نحوس بقفاشنا

فمالله

Q8i_Blogger يقول...

والله يدتج صج صج قويه
ما اعتقد يدتي الله يخليها اتعرف هذي بنت مونرو !!!

صراحه قريبج هذا رايه قوي
اعفسونا :)

احنا زوارتنا تصير بالشاليه

الحين لازم نصلي اسرع شي اليمعه عشان نلحق على الغدا بالخيران

اول كان الخميس اشحلاته

lawyer يقول...

ههههههههههههههه

ذكرتيني في ماما لولوه الله يرحمها
اموووووووووووووووووت على اليدااااات

خليني اقولج سالفه مرا قلت حق يدتي
جذي

عن الخدامه قالتلي توووووووووووووولي بعد هالكافره
الي مافيها خيرررررررررر

بتوووووووقفلي يوم القيامه

هههههههههه

ezain_kilah يقول...

يا حلوها أميمتج العودة الله يخليها لكم ويخليكم لها يا ربي يالله

qesat_5ayal يقول...

بخلي كل اللي فوق

وأروح على أخر جملتين
آه آه هذه اللي بتغير مزاجي
هي اللي احتاجها

خيالي خيالي
أبيه
;P

أبيه = أريده
مو أمبيه :P


يدتج عسل
الكلمة الحلوة تييب نتيجة
واحتمال كبير ترد عليج سلبي بس بداخلها تفكر في الكلمة
:)
الله يحفظها

Kuw_Son يقول...

مارلين مونرو ماسكا ثوبها و تقول الصلاة الصلاة !!؟

قوية يا يدة استكانة قوية @@

الظاهر قامت عنكم تروح الديوانية اللي عروقها في الماي تستفسر أكثر و ترد لكم
:P

الله يحفظها :)

نبي بوست رومانسي على هالنسمات الباردة و القمرة الشقاقية .. الله يهديها مونرو خربت الخطة
:P

عيون الحب يقول...

هههه أما جدتج عجيبة
الله يحفظها يارب

.
.

في بوستج اللي قبل
ذكرتيني بنفسي اول ما تخرجت
افكار كثيرة في راسي
وتعبت منها
ومازلت لين يومج قاعدة في البيت
خخخخخ

فتى الجبل يقول...

الله يخليها لج

Expatriate يقول...

estekana ?!
esh6ary 3aleech TOEFL ?!

Selezya يقول...

لوووول
عسا الله يخليها لكم ويهدي بالها
والله انا كنت اتمنى اشوف يدتي من ابوي ولا من امي
ولو شنو كانت عصبيه ولا تهبل
بس للاسف الله ما جمعني معاهم

واللي يزيد هالامنيه لما اشوف الكل بس يحبني ومدللني لاني على اسم يدتي .. اسال نفسي شهالحب وهالدلال شسويت انا لوول واخر شي يتضحلي هالحب من حبهم ليدتي وشبهي الكبير لها
والله هالشي يخليني بس ودي اشوفها لو يوم او اعرفها على الاقل :))

وشكلها يدتج عليها قصص عجيبه لوول تونس احب جذي يده سوالفها
الله يخليكم لبعض نشالله :)

ray يقول...

وااي استكانة

ماشاء الله عليها يدتج

أبيها شوي , لازم أعرفها علي يدتي

عشان يجابلون بعض و يتحلطمون

يا سلام :D

esTeKaNa يقول...

sn3ah
~~~~~~~~
اييي احترت يوم درت انها بتاخذ أجرها
:)
يا عسى هالضحكة دوم يارب
حياج الله







loyalty
~~~~~~~~~
هههههه
ما تسوا تتعرفين عليها والله
:)
يزاج الله خير يا الغاليه
ويعطيج العافيه على نقل هذه الفكرة وتوضيحها
وطبعا لكل شيخ كبير وامرأه كبيرة قدرها وهيبتها
:)

esTeKaNa يقول...

zozota
~~~~~~~~
وي يا بختي يوم الزين ضحكت كل هالضحك
وتصدقين؟
انا هالجو يحفزني اضحك
واشعر
واغني
واعيش احلى واروع والذ ايامي
لا يبيله قعده مع الزين والله
:*











78o8eya
~~~~~~~~~~~
هلا بلللي لفاني يا هلا به
عدد دقات قلبي في غيابه
:**
هلا بالطيب والسنع كله
حسافه والله ما مريتينا
قلوبنا بيتج ومكانج والله اعلم
:)
لووول بدعت يدتج
عسى ربي يغفر لها ويسكنها الجنه اللهم امين

اي والله الله يعين على الزواره
لي نتعود ونتأقلم
:)

esTeKaNa يقول...

عاليه
~~~~~~
ياهلا ويا مرحبا يا عاليه
آمين وجزاك الله كل الخير
نورتي المكان
:)









خروفه
~~~~~~~
حيالله خروفتنا الرومانسيه والله
:)
لووووووووووووووول
يا حلو يدتج بدعت صراحة
مو اقولج لازم ياخذون موافقه يداتنا صراحه قبل لا يقرون هالعطله
:)
يا حلو يدتج ويدتي
الله يحفظهم يارب ويطولنا باعمارهم
ويرزقنا برهم يارب

esTeKaNa يقول...

فهد العسكر
~~~~~~~~~~~~
اي والله صاج يا فهد
اهي اكبر تحدي عندها انها تعترف انها قاعده تاخذ معلومه من حفيدتها
هالشي عندها شي عظيم
!!
فاحسن طريقه انك تدربح الافكار والنصايح مع السوالف والقصص من غير لا تحس:)
لووووووووووووووووووووول
لو سمحت لتتوضيح
مو يدتي اللي تحضر ارواح اسم الله علينا
هذي الناس المجهولين اللي قالو لها
:)
ويحفظك يارب














بنت الشاميه
~~~~~~~~~~~~~
هلا بشيخة الشاميه والله
عسى ربي يرحمها ويغفر لها وعساها بجنات النعيم اللهم آمين
ولا توصين حريص
انا وايد لاصقه بيداتي واهم سبحان الله شخصيتين مختلفتين،من ام ابوي صاحبه الدين والقرآان والعلم
الى ام امي صاحبه الدم الخفيف والروح الحلوة والظريفه
:)
وعلى فكرة انا مرة قايله حق يدتي انه ماري منيب تذكرني فيها زعلت
لووووول
صج مرات اخوره الله يهديني
!!

esTeKaNa يقول...

بركان
~~~~~~~
الله يهدينا على خدمنا يارب
:)
المواضيع العاطفيه تأتي كنسمات الهوا البارد ،من دون تخطيط نتفاجئ فيها ونسعد بها
دمت راقيا ...بلا ثأر
:)











عاشه
~~~~~~
هلا بللي لها الخاطر يهلي
هلا بلللي نورت بلوقي
وبوستي
وموبايلي اليوم
:***
الله يرحم جدتج يارب ،وفعلا اهم مشكلتهم احساسهم انه التعليم والصح والغلط يتعلمونه من احفادهم اللي بالامس كانو اطفال يلاعبونهم بين ايدياتهم
:)
وان شاء الله الرومانسيه في الطريق

esTeKaNa يقول...

محارة
~~~~~~
اهي لو ربي يفكها مني ترتاح
ماحد مناشبها الا انا
:)
والله اتمنى نقدر نتفق على الزواره
تدرين انا عقب كل نقاش عشان يتفقون على الزواره اقول وتلومون الامه العربيه والاسلاميه ليش ما تتفق
شوفونا زواره وللحين معتفسين
!!
ليش يا محاره اخذ ما لذ وطاب ليش
هوا احنا ناقصين
خلي هالخمسه كيلو تنزل على خير
:)
بس اعتقد ويا هالهوا البارد والقمرة العجيبه يدتي راح تخرب جوي الرومانسي
يبيله رفقاء رومانسين صراحة
ها شرايج نفرش مدتنا على البحر ونقعد؟
:)










شيما
ّّّّ~~~~~~
حيالله شيخة الكنادره كلهم
:)
الله يسلمج ما قصرتي
وناطرين يتعود عليها الجميع
انا مو فارقه وياي دام اني بعطله مستمره
:)

esTeKaNa يقول...

مجنونه
~~~~~~~~
هلا بالطش والرش
:*
بشري يا اعقل المجانين عسى المزاج احسن اليووم والمود حلو ان شاء الله؟
اهم شي اثبات الوجود على الخدم
يبتيها ييب والله
:)
وانا بعد ناطرة المطر
ادعي ادعي:
اللهم ارزقنا الغيث ولا تجعلنا من القانطين يارب
وشكرا على مرورج اللي احبه بكل بوست
:)













نيديه
~~~~~~~~
حيالله النياده والله
:)
لا توصين حريص
هذي الغاليه بعيونا ان شاء الله

esTeKaNa يقول...

Mnara
~~~~~~~
هلا بالمناره والله
الله يرزقنا برهم وجنه رضاهم يارب
شكرا على المرور نورتي المكان
:)













أجار الدين كشمش
~~~~~~~~~~~~~~~~~~
اهم شي الوجنات الحمر
عساك ما تنضل يا اجارنا العزيز
:)
وي اسم الله عليك ما عاش من يدقرك والله
البلوق تعبيبر وفضفضه عن مافي خاطرك مالك شغل بلللي يعلقون
بس دام ماكو وقت
!!
الله يبارك لك بوقتك ويحفظك
وبلوقي بيتك ومكانك باي وقت حياك الله تقول اللي بخاطرك
:)












q8i-blogger
~~~~~~~~~~~~~~
ههههههههههههه
ي والله قويه قويه
ودي اصدق
بس قوييييييه
:))
وانته ادرا بوجهه نظري لللي يصير لي بحكم انك شاب،واحنا ما علينا صلاه جمعه
بس صج انتو وراكم زواره شاليه مشكله
انا اقول صل اليمعه بمسجد بنيدر
يالله ولبك
:)

ReLaaaX يقول...

امبيه آنه يدتج اموووت عليها والله جذي حبيتها من الله


مع ان الاطباع متقاربه مع يداتنا
بس هم احبها :)))
--

بس ترى نصيحة إنتي وصلي اللي عليج بطريقة حلوة منج

مره غشمرة

مرة نغزة

مرة قصة

مرة بالويه بس بطريقتج الاستكانية


يعني مايحتاي اعلمج :)


والباجي على رب العالمين


الكبار بالذات مايتقبلون النصيحة من اللي اصغر منهم


وعلى قولتها دامها مصليه مسمية عسى الله يغفر لنا ولها زلات اللسان ياربي والله خايفة عليهم والله


وهم احنا مومقصرين صراحه

:)


عموماً عسى الله يطول بعمرها ويخليها لكم ولايحرمكم منها ولا من سوالفها ياربي ياحبيبي

esTeKaNa يقول...

Lawyer
~~~~~~~~
يا رب عسى ماما لولوه بجنات النعيم يارب العالمين
:)
ههههههههههههههههههه
واي الله ياجر هالخدم والله



































ezain_kLh
~~~~~~~~~~~~
اللهم آميين
يزاج الله كل خير
:)












qesat_5ayaL
~~~~~~~~~~~~~~
لا لا تحمليني مسؤليه هالبوست الخيالي
جذي مع كلامكم ما راح اعرف اكتب شي
خلوه ايي بروحه على مزاج ورواقه
:)
ويحفظج يارب
:*

esTeKaNa يقول...

kuw_son
~~~~~~~~~~
لوووووووووووووووول
قويه قويه
انا بعد والله عزيت وانا اقول قويه
بس يتني خزه ناريه خلتني اسكت
بس لا تخاف ما عتقوها عيال خالتي
:)
النسمات بارده
واالقمرة شقاقيه
والرومانسيه تيي على رواقه بروحها
لاني اذا حطيتها في بالي ما راح اعرف اكتب شي حلو
:)













عيون الحب
~~~~~~~~~~
هلا بعيون الحب كله
:)
اي الحال من بعضو
بس الحمدلله انا بديت اتحرك
الفال لج
:)

esTeKaNa يقول...

فتى الجبل
~~~~~~~~~~
آميييين
يزاك الله كل خير
:)










expat.
~~~~~~~~~
التوفل شرط قبول للماجستير
ادعي لي،بعد اربع سنوات دراسه بالعربي وجم ماده فرنسي
ذاكرتني انمحت
:(

esTeKaNa يقول...

selezya
~~~~~~~~~~
هلا بسميه الغاليه هلا
عسى الرحمن يجمعج معاهم بجنات النعيم قولي آمين
وتكونين شبيهه لها بالاسم والفعل الطيب اللي يحبب الناس فيج قولي آمين
:)















ray
~~~~~~
يا سلاااااااااام
هذا راح يصر اجتماع قادة الأمم اذا يدتي ويدتج تجابلو
:)

esTeKaNa يقول...

relaaax
~~~~~~~~~~
أهلا أهلا يا ابله ريلاكس
:)
اي والله احنا بعد كلش مو مقصرين
وحبتج العافيه ما قصرتي
صاجة....لازم ننوع
يوم قصه
يوم سالفه
يوم حبه على الراس ونصيحه
والله يهديها ويهدينا وياها قولي آمين
:)

乂♥Not.ViRGo♥乂 يقول...

أنا اول مره ادش مدونتج
ووايد شدني اسلوبج
خفيف وونيس :)

say Hi 2 ur Gr.mother :P