الثلاثاء، أكتوبر 16، 2007

!!الملافظ سعد

هل تذوقت يوما طعم الكلمات؟
انا استلذ بالكلمات وان كنت أحيانا لا اجيد اعدادها
أحيانا،استلذ بحلاوة الكلمات،وأحيانا تجرحني مراراتها
.
.
.
أحيانا...قد يتفنن شخص بانتقاء الفاظة وقد يسهب في شرح احساسه
!!ولكن،شي في القلب يصد من كلامه
وآخرببساطة كلماته قد يحل قلبك دون ادني تخطيط ودون انتظار لاي استضافه
هل هو الصدق الذي يميز هذا عن ذاك؟
ممممم مو هذا موضوعي
!!
ادخل في المووضوع بغض النظر عن مشاعري التي كانت توطئه ومقدمه لفكره في بالي
.
.
.
.
استنكر بعض الكلمات أحيانا ان كان مصدرها رجل
رجل يقول واااااااااااااااااااااااااااااي؟
ما يرهم
!!
قبل كم يوم قريت مقال لغنيمه الفهد بجريده الوطن عجبني
هذا رابط المقال
هناك بعض الكلمات من العار والعيب ان يقولها الرجل:
~~~~~~~~~~~~~~~~~~~~~~~~~~
خنت حيلي،هو..هو..هو،
لا يقول مع السلامة ويقول فمان الله،
اذا سئل اشلونك يقول تمام ولا يقول الحمدلله بخير،
يا حافظ يا عقايل الله
ولا يقول ودفنة امي وابوي،،ولا يقول بصلاة أمي وابوي:
على فكرة ما احب هالحلوف
والنعمه،وراس امي وابوي،كل هالحلوف ترا شركيات ما يجوز:)
ولا يقول يا قادر يا كريم،ولا يقول يعلني الماحي
لا يقول سفرة دايمه،يقول اكرمكم الله سفره دايمة حق الحريم
الرجل عند انصرافه لا يقول ما اطول عليكم،هذي كلمه حريم،يقول من رخصتكم
الرجل لا يمكن يقول لا مالت ولا عدلت،لانها كلمات نسائيه بحته
.
.
.
ومن اتيكيت اللهجه الكويتيه بعض الكلمات التي توصل رسائل معينه جون ان تجرح الآخرين
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
يا فلانة ترا خشمك في عود:
هذا اذا انحسر ثوب المرأة في مجلس حريم،وارادت صديقتها ان تلفت انتباهها لذلك مع دخول أحد الغرباء فحتى لا تحرجها تقول لها ذلك لتنتبه وتغطي نفسها،يا سلااااااااااام مجلس حريم وانحسر ثوبها
عيل اللي بالسوق وتهايل من ممكان لي مكان ورجال وحريم والثوب اللهم يا كافي شنو نقولها بللله؟
يا فلانة ترا طاح مرزوق:
اذا عزيمه بالبيت واراد الرجل ان يطلب من حريم البيت (نجب الغدا)،يقول هذه الكلمه،
طبعا هذا ايام ما كان للحريم دور فعال بالبيت
مو الحين!! يطيح مرزوق،ينقلب مرزوق،يتكوكس مرزوق ماكو فايده
كايت رزقه:
رزقه شخصيه وهميه ،كثيرة الحش والنميمه،تقال هالكلمه عندما تدخل مجلس النساء امرأه معروفه بهذه الصفات من حش ونميمه
يا ترى كم رزقه بينا ؟
:)
.
.
.
من الكلمات اللي ضحكتني ويازت لي صراحه
~~~~~~~~~~~~~~~~~~~~~~~~~~
زغطه بنقطه:اي في غاية الجمال والأناقه
ونقدر نحطها في جمله مفيده:
مشالله على استكانه ،زغطة بنقطه
hehehehe:ترا بخاطري اقولها طوفو
يحولص ويمولص:اي يلف ويدور
خوفك من اللي يحولص ويمولص
كاف عاف:اي دمث الأخلاق
ونقدر نستخدمها بذات الجمله اللي فوق مالت زغطة بنقطه
:)
الضحك والكركره يخربن المره
!!حكيييييييييييييييمه
ايا المنقوزة ايا المقروده:
تقال للمرأة الشقيه لسلوكياتها غيير الطبيعيه
شكرا غنيمه ماقصرتي على هالمقال الظريف
:)
.
.
.
نشأت كحفيده اولى في بيت ما يخلى من زواره،الطفل الذي يتربى في بيت كبير يختلف عن طفل يتربى في اسرة صغيره في حضن خادمه
ربما نشأتي تلك جعلتني اكون عيوزةسمول شقحت مراحل عمرها بسرعه كبيره
بخزة من جدتي ،وقرصه من عمتي وزفه من أمي ،تعلمت ما يقال وما لا يقال
ربما ألمتني في وقتها ولكني تعلمت،لا ادعي الكمال ولكن اشعر بأني بهذا الجو تأثرت وتأثرت اكثر كلماتي
!!
انا بحالة صدمه من بعض الشباب المفتقد لادب الكلام وانتقائيه الالفاظ والسنع بصورة عامه
يا جماعه قعدو اطفالكم في الدواوين،علموهم كلام الرجال والاختلاف مع الحريم
لابد من تربية اطفالنا ،كيف يتكلم كرجل وكيف تتكلم كامرأه ولو بعمر صغير
فذلك اجدى ان يكبر اطفالنا دون ان يعرف كيف يتكلم ودون رد بدل مثل الاوادم السنعين
!!
وما اطول عليكم
دمتم بحب...فمان الله
لا لا
انا بنت
مع السلامة
:)

هناك 55 تعليقًا:

5roofa يقول...

يعطييج العافيه على هالموطوع الحلوو

تصدقين في بعض المرات كلمات تنقال للرجل تحسينها مادري شلون و هم تره في كلمات لي قالوها البنات او الحريم تقولين شفيها هذي دفشه لوول

حبيت كلمه

طاح مرزووق
لوووول يعني شمعنه مرزووق تونس

و امبي عجبتنيي كلمة
يحولص و يمولص

لووول

ان بعد حفيده اولى لووول

الله يخليج لاهلج و يخليهم لج ياارب

salamz sweetee,,,

esTeKaNa يقول...

5roofa
~~~~~~~~~
الله يعافيج يا خروفتنا الغاليه
وصاجة واللله
في بنت برقتها ببساطتها تحسينها تقطر دلع وانوثه وفي بنات مساكين يعصرون روحهم بس ماكو فايده لا كلامها يدش القلب ولا فيها رقه ولا شي
:)
لوووول
انا مثلج سئلت شكو طاح مرزوق يا حافظ؟
امين يا الغاليه ما قصرتي
:**

bin3li يقول...

أنا كاف عاف، ميم نون هاء واو ياء
:P

خوش موضوع :)

حسام بن ضرار يقول...

ياليت الناس ترد على كلمات اهل الديره

عقب ما دش الانجليزي على الفرنسي على اللبناني على الهندي على الايراني على العراقي و طلعوا بعض شباب هالجيل بلهجه هي عباره عن مسخ لغوي مهجن

Mamloo7a Q8ia يقول...

ههههههه
اي والله يا استكانه انتي زغطه بنقطه
خوش موضوع مع اللي نسمعه هالايام من الجيل القرقيعاني المخلط
لو تشوفين مصطلحاتهم يشيب راسج
مشكوره حبيبتي على هالموضوع الحلو

LAVENDER.Q8 يقول...

موضوعج وايد حلو

وخاصة الفقرة الخاصة بكلمات الرياييل

والمفروض حتى الحريم يكونون نعومين ومايقولون فمان الله

:P

مشكووورة

Q8DOLL يقول...

واي استكانه تهبلين
"يصير أقول وااي"
والله استمتعت بس سالفت يكوكس مرزوق ههههه موتيني والله صاجه شعرفنا بهالوسالف ياحظي
واشدعوه يعني لو عرفت بنجب آنا ؟؟
اللوك اليديد حلوووو

بس قوليلي بصراحه هالمعلومات القيمه انتي تعرفينها من قبل والا احد مغششج ؟؟
والله انج زغطه بنقطه
تحياتي يا عسل

Zabo0o6a يقول...

خوش موضوع يا استكانة ، احس لما تسولفين عن بيتكم وعن اهلج جنج تسولفين عن بيتنا بس سوالف يدتج الله يطول بعمرها جنها سوالف الوالدة من كثر ما اقعد معاها كلامي جني مرة ام خمسين سنة مو عشرين :P ,
وفاهمتج لما تقولين شقحت سنين عمري :)

loyalty يقول...

إبداااااااااع!!

تخيلي إني قريت الجريدة و لا لاحظت هالصفحة .. بس انتي غير ماشاء الله نقطة بزغطة فراكب الموضوع و ماشي معاج :)

اه يا استكانة يا عزيزة .. روحي الله يوفقج يارب ، فرجتي كربة مسلم كان محتاج يبتسم في وقت من الأوقات :P

نرد لموضوعنا
الحين البنت أو المره مايصير تقول تمام !
اول مرة أدري .. ليش ياحافظ!؟
ماافرقت تمام بخير الحمدلله زينه كلهم نفس المعنى!


أنا كنت حتى زمن قريب تراثية لأبعد درجة و كنت أحفظ من الكلمات القديمة الكثير و من الأمثال الشعبية الكم الوفير لكن وانا أختج كلماتنا تضحك :P
و إلا مرزوق شعلاقته بالغدا الحين؟
فقررت إني أحافظ على لهجتي من الامتهان اللغوي و ما أصبغها بلهجات أجنبية ثانيه إلا للحاجة .. و بنفس الوقت مااستعمل المفردات اللي الناس نستها إلا فيما ندر..

يلا .. فمان الكريم :P

بعد فمان الكريم عادي غير عن فمان الله .. صح؟

b9mah يقول...

البوست عجيب استكانه

انا شفت المقال وشدتني حيل

ماتوقعت انه فيه كلمات كويتيه اول مره اسمعها

صج نحتاج نتعلم هالحجي ..

اعجبتني كلمه طاح مرزوق
معلقة عليها مادري ليش

استكانه اهم شي لما يكوكس مرزوق لووول


واول مرة ادري انه الحريم موحلوه يقولون تمام
ترا صح احسها خشنه

استكانه نبي دروس في اللهجة منج
(جد ترا )

الرجاء التأييد

: )

اجار الدين كشمش يقول...

الاخت العزيزه

لأ..لأ..لأ
نسيت

انت يا زقطه بالقطه

ما تقولين لي من يعرف يحجي

عربي عدل حتى يتكلم كويتي

عتيييج.. هالايام اليهال

ما يعرفون الكلمات القديمه
والعاديه .. الا من المسرحيات
القديمه نسبيا

وييون يسالون عن معناة
الكلمات

تعالي شوفيهم بالبيت .. اذا يوا

للزواره .. الكلام كله بالانجليزي

عيزنا واحنا نهاوشهم ؟؟

ماكوا فايده

بعدين .. كل بلوغاتهم واصدقائهم
بالانجليزي وهم كويتيتات وكويتين

الاخت غنيمه الفهد وايد تاخرت

بمطالبها ..والزمن مايرجع

ورا

لو تصرخين بالبيت طاااح مرزوق

تراكضوا .. بالحوش علابالهم

تعرجب وطاح ؟؟؟

الحين ربعنا بالشغل يقطون
بدليات .. عيزت وانا اصلح لهم

قمت انحرج .. لاني احرجهم

بعدين لا تحفظين كلمات غنيمه

بقولون عنج مو كلاسسسسسسسسس

باي باي

زقطه

اسف فمالله
استكانه

نسيت وايد حلو النيو لوك

Q8i_Blogger يقول...

صراحه موضوع ولا اجمل

مشكله هل ايام وايد ناس ماتعرف معاني كثير من الكلمات الي يستخدمونها

مثال على ذلك
مره مارين واحد من الشباب بشقه فاستقبلنا والابتسامه تارسه ويهه وبالترحيب الشديد
بس قال جمله واهو يرحب فينا حدها قويه ولكن احنا قلنا اكيد مو فاهم معناتها
اول ماقال حياكم واشر على الصاله قال:
حيا الله من زار وخفف !!!!
ههههه

احنا انصدمنا ... اشهل طرده ؟

لكن اكتشفنا انه الشخص ماكان فاهم شنو تعني هذي الكلمه !!

كثير من المواقف الاخرى دايم تصير

والمشكله هي عدم اختلاط الابناء بآبائهم من اهما صغار

وهم بعض العوايل وايد متأثره بالاجانب وداشين معاهم ومدارس خاصه ومادري شنو .. الي خلاهم ينسون حتى حجي ديرتهم

موضوع جميل وقريته كله الي بالوطن وخوش تنبيهات
عشان مانقول هو هو هو بس نقول فامان الله :P

تحياتي

ReLaaaX يقول...

تصدقين عاد شفت مقابله معاها بأول يوم عيد حتى كنا ببيت يدي بس ماسمعتها كلها وعجبني كلامها وحبها لأهل الكويت وحرصها إن نرجع مثل اول وتصفى قلوبنا وكانت حريصة على صلة الرحم حبيتها والله
وفيه كتاب لها كانو حاطين صورته بالجريدة جنه اسمه / كلمات اندثرت مادري انمسحت ماادري انقرضت مع الايام ;p
المهم هالكتاب عند نسكافيه وقبل لا اشوفها كنت مستانسه على الكتاب وعقب ماشفتها حبيتها وحبيت الكتاب


والمقابله اللي بالجريده قريت منها مقتطفات بس مامداني اقراها

:)))

وصج من زمان انعرف ان كلمات الحريم مايقولونها الرياييل ... مادري تربينا على هالشي .. وننقد على ريال يقول هاو والا غبراه ؟ ليش عسى ماشر فيه شي ؟

ميخالف الموضوع عجبني من جذي استهليت

a7La eNG يقول...

وااااااااااي
ذكرتيني بناس من كثر ما كنت اقول لهم
ترى الملافظ سعد
:)

anyway ..
يالله تزقطنا و تنقطناااا
و نلاقي يا رب المزقوطين المنقوطين
:Pp
و افتكر دلينا الطريج
hehehe ..

بس انتي شدي حيلج معاي

بنت عمي مستانسة على لقاااءها بالتلفزيوووون

هذا اللي نبهني على الحوار الصحفي
و فعلاااااا
نحتاج اعتزاز على الاقل باللهجة الحلوة
لو انها جلحة ملحة

بس توووووونس ودي ابالغ و اقول
جنها سنفونية خاصة لي طلعت مني
;D

The Voice Within يقول...

حدي حدي حدي حبيت البوست


يعطييج العافية


انا ليش رابية مع صبيان ووايد محتكة فيهم فوايد كنت اقط قطات صبيان

اذكر لما كنت بالمتوسط ساعات انسى واقول ربعي بدال رفيجاتي :s

تخيلي يزل لساني واقولها باستقبالولا يمعة حريم :S !! يالهوتي يا خراشي !!!

Kuw_Son يقول...

أهم شي الأمثلة رازة فيها اسمج
:P

والله بوست رائع .. الله يعطيج العافية :)

OutOfReach يقول...

اي والله صاجه الملافظ سعد !!! اتصدقين انا جذي احاسب نفسي عالكلمه اللي اقولها و استغرب من نوعيه من الناس اللي يقطون الحجي و لا يثمنونه
المشكله اللحين في الجيل اليديد يعني شلون نوصله هالكلمات بيني و بينج انا استانس على الحجي الكويتي القديم بس هم الانجليزي ضروري فا تلقين ولدي يتكلم انجليزي و ما يعرف المصطلحات الكويتيه القديمه اهني السؤال ايييج هذا تقصير مني معنه والله مو تفلسف انه يتكلم انجليزي
عالعموم مشكوره على هالبوست الحلو :)
حافظج ربي
عادي انقولها وله بعد كلمه ريايييل
:P

Selezya يقول...

لوول ياحلوج

موضوعج نااااايس

وعدل كلامج والله .. لغة التخاطب والحديث وايد مهمه بحياة الشخص
الاسلوب اللي يتخذه الانسان واختياره لكلاماته سواء بسيطه ولا معقده حسب الموقف .. يتأثر وايد فيه وحتى يحبب الاشخاص اللي يمه فيه
بس الحين والله كلام الرياييل والحريم صار عليه مخامط مو مهم شنو جنسك ولا يناسبك او لا المهم تكلم وخلاص

--
يعطيج العافية بالعيووز لوول
سوري اتغشمر
بس وناسه اول حفيده
انا وييييين مقطووطه تحت للأسف في قبلي مليون شخص ماشالله عليهم لوول

يلا تسلمييين

Najmah يقول...

صدقتي والله بكل كلمة
ربي يكملج بحكمتج

حلاة البنت بالكلمات اللي تناسب انوثتها
والولد بالكلمات اللي تليق برجولته

يعطيج العافيه استكانة

esTeKaNa يقول...

bin3Li
~~~~~~~~~~~
hehehehehehe:))
أنا أشهد انك كاف عاف يا شيخ شباب الامارات
:)








حسام بن ضرار
~~~~~~~~~~~~~~
اي والله يا ليت
لغتنا صايرة الله بالخير
خلط من كل اللغات
:(











mamloo7a_q8ia
~~~~~~~~~~~~~~~
شفتي شفتي
اشوة انج شاهده اني زغطة بنقطه
ربنا يجبر بخااطرج
:Pp~
وصاجة جيل قرقيعاني مخلط
كل واحد حسب خدمه،يهال جنهم فلبن ويهال يحجون سيلاني
!!

esTeKaNa يقول...

Lavendr.q8
~~~~~~~~~~~~
حلت دنياااج يا اللافندر يا ام ريحة خنيييييييييييييييينه
:))
اي والله صاجة ،المفروض يكونون نعومين
بس المفروض مرات يصير غير الواقع
:)















q8doLL
~~~~~~~~~
وااااااااااااي يا حبي لج
:))
اي اي يصير تقولين افا عليج
واي،ويي،هو ..كلهم حقنا معشر البني
:pP~
اي والله صاجة،انا بعد اول مرة اسمع طاح مرزوق،تدرين لو يقولون لي طاح مرزوق؟
يمكن ابقق عيوني واقعد
وينه مرزوق اللي طاح:))
والله تبين الصج؟
بعضهم اعرفهم والبعض ما اعرفه
انا بس عندي اساسايات اللغه الله يسلمج
:))









zabOoo6a
~~~~~~~~~~~
حيالله زبوووطه
:)
اثاريج سيم سيم؟
نفس نومنتي هاا
ترا لاتتحسرين على عمرج احنا الحين شي نادر،في جيل حليمة بولند وين تلقين مثلنا
شي نااادر
:))

esTeKaNa يقول...

LoyaLty
~~~~~~~~
كل واحد واهتماماته
!!
في حين ادري انه عيونج راحت على صفحة السياسه ،انا عيوني تشوف هالسوالف
:))
اميييييين واجمعييين يا الغاليه
عسى ماشر ليش ما تبتسمين؟
ابتسمي وانا اخيتج الدنيا ما تسوا زعل!!
صراحة،عجبني قرارج،وعلى خطج سائرون
شوفي في كلمات حلوة ولها معنى
بس في كلمات من وحي واقعهم وافكارهم وخيالهم انذاك ،هذه الكلمات ما تلبق ويانا الحين
عرفتي؟
وحياااج الله،سواء قلتي فمان الله او فمان الكريم
:))












ba9mah
~~~~~~~~
حيالله زميلتي الرمضانيه
ياهلا ومرحبا ببصمة
:)
شفتي اشلون لغتنا غنيه ولهجتنا فيها كلمات وايد؟
اي واله انا بعد استغربت من طاح مرزوق
!!
وترا انا من قريت المقال وانا ما اقول تمام،قمت اقول زينه الحمدلله
:))
أنا اعطي دروس
ممممممم
لا لا تحسسيني اني دكتورة فرنسي ولا ايطالي
تخيلت روحي وانا اعطي دروس ومشتطه
بس افا عليج...ما رادج انا بشري بالخير من اعرف شي بكتبه لكم هني

ray يقول...

:D

على طاري الألفاظ

في وحدة كانت رايحة مع أمها عزا

سألت أمها شنو يقولون لمى يطلعون

قالت لها الأم : أحسن الله عزاكم

البنت فرت عالأوادم و اهيا طالعة تقول لهم أحسن عزا عزاكم

لي الحين نعايرها على هالسالفة :P

esTeKaNa يقول...

أجار الدين كشمش
~~~~~~~~~~~~~~~~
واااااي واااااي
ما شفت كشرتي وانا اقرا يا زقطة بلقطة على قولتك
فرحتني ربنا يفرحك
:)
والله عدل كلامك خليتكلمون عربي عدل عشان يعرفون حجي عتيييج
بس انته خذها مني وانا اخيتك
انته تكلم الحجي الكويتي الحلو
السلس
المفهوم
العتيج المناسب لهوقت ،وشوف اشلون بيحبونا وراح يتعلمونا منك جانك خالهم ولا عمهم ولا ابوهم
:))
وعلى طاري مرزوق
هههههههههههههه
واي موتني من الضحك
صاج صاج،بس انا اقولك في كلمات مناسبه ومفهومه وفي كلمات لا غريبه علينا لانها تناسب وقتهم تلقاها علوقه ولا موقف وصارت عليه كلمه فاحنا طبيعي ما نعرفها
!!
تهقه يقوولون عني مو كلاس؟
عاد انا ناطرة منهم راي؟
انا كلاس عند روحي وعند الناس اللي يحبوني والباجي حافظهم الرحمن
:))
عسى يازت لك الاستكانه اليديده؟
هذا طقم العيد طلعناه
وحياااااك الله

ray يقول...

estekana

لازم أعرفك على يدتي :P

esTeKaNa يقول...

q8ibLogger
~~~~~~~~~~~~
حياالله من زار وخفف
!!
لااا لااا مو من صجه
hahahahahahahahahah
واااااي كسر خاطري :)
تدري اهو عنده كلمات وايد بس ما يعرف الاستعمالات الصحيحه حقهم فتخربط وعليه مو قصده مو قصده
صدقني مو قصده من ذيج الضحكة والترحيب مو قصده
:)))
وانا وياك بوجهه نظرك،انا مو ضد المدارس الاجنبيه واللغه الثانيه بس لازم ما نهمل تعليم عيالنا ونجبرهم يقعدون بهالدواوين والزواير ويتعلمون حجي اهلهم ولا راح تندثر لغتنا حسافه عليها
!!
وحياك الله ،بلوقك ومكانك
:)












reLaaax
~~~~~~~~~~
اي انا شفتها اول يوم العيد
ونيسه حجيها يوسع الصدر،وويمكن لاني سمعتها حرصت اقرا المقال
ويالله اقرو الكتاب وعطونا منه مقتطفات
!!
وصاجة ننقد على الريال لللي يقول جذي بالفطره
عيل ريال يقول ويي غبره؟
هذا رباه حريم
:)
ويا علج دوم مستهله
وجدام الناس كلهم بتشكر منج يا الغاليه الكل يمدح بالنيو لوك عسى عمرج طويل ما قصرتي
:**

esTeKaNa يقول...

a7La_eNg
~~~~~~~~~~~
سيري ونحن من ورائك
ناويه اشد حيلي بمباركتج ومجهودج وياي
:))
واااااي لا تقولين جلحة ملحة
كسرت خاطري
بس تصدقين انا حسيت كلمات الريايل فيها هالصفه...جلحة ملحة
!!
بس هذاك اول ايام ريايل الدروازه
:)












the voice within
~~~~~~~~~~~~~~~~~~~
وي حبتج العااااااافيه قولي آمييين
لا يمة لا كل شي ولا ربعج
ربعج ساسرينا مو استقبال ومحافل رسميه وتقولين ربعج بصوت عالي
ما يصحش يا بت
:))








kuw_son
~~~~~~~~~~~
حيالله الكاف العاف
شفت اشلون لما نحط اسم بجمله تصير مفهومه؟
الاروع مرورك طال عمرك
:)

esTeKaNa يقول...

out of reach
~~~~~~~~~~~~~~
والله انج سنعه،هذا الصح ان الواحد يفكر بكل كلمه قبل لا يقولها
واللي يقطون بالحجي من غير لا يثمنونا يا كرهي لهم،صج ماعرف اعيش مع امثالهم
خبرج انا حساسه واخاف من هالنوعيه
:)
وترا انا مع تعليم عيالنا لغه ثانيه ونخليها قويه بس الاهم من كل هذا انه ما ينسى لغته
عسى ربي يحفظ لج وليدج ويبلغج فيه معرس قولي آميين
!!










selezya
~~~~~~~~~
حلت دنياج قولي آمييين
اي والله مخامط،وصاجة انا لغة التخاطب شي مهم جدااا
مرات ناس يدخلون قلبج من اول كلمه
من رقي اسلوبهم وسنعهم
:)
الله يعافيج ،وافا عليج افا
انا ما ازعل وانتو الغالين

وترا صدقيني مو بالترتيب ،اهو الموضوع اشلون تثبتين روحج وتحببينهم فيج
:)










najmah
~~~~~~~~
هلا بالنجمه والله
الله يعافيج يا الغاليه
:)

جنون إحساس يقول...

هالبوست أشم ريحة يدتي منه
دايماً لها كلمات غريبة

آنا مايعجبني سالفة إن هالكلمات تقولها المره وهالكلمات يقولها الريال
أحس جنه خلصت السوالف ومابقى إلا التدقيق ع الكلام

أما الكلمات القديمة صراحة ضروري نتعلمها
خصوصاً زغطه بنقطه
لول
اعجبتني ترى

كلمة يحولص ويمولص
إحنا نقولها يحوس ويلوص

وويعطيج العافية

esTeKaNa يقول...

ray
~~~~~
عزا عزاكم؟
hahahahahahahaha:)))
ياااا بعد قلبي قلبها
مجتهده يا حلوها
وانتو زاهبين حق الشماته ها
:)

|:| DUBAI |:| يقول...

Zain Lg6na Kam Kelma 7elwa TngaL Mn Famkm : )

e9ra7ah ely Gelteeh a5r Shia 9a7 il9a7,, !

RamSt ilYhaaL MStwya Wayed Ma95a 7ta ilShbaab,, n7n B7aaja Le Tethkeer o Le t3deel o Le Tnbeeh : ) !

Tslmeen 3L Post il5feef 3la Galb !

عــــاشــــه يقول...

موضوع شيق عن التغيرات الإجتماعية الي تطرئ على المجتمع

ياحظ الي يتربى وفي بيته حرمه عوده - جده أو جد
على الأقل بيعرف كيف الرمسه العدله
وكيف المذهب والأخلاقيات والسنع

نحن نقول المذهب ذهب

بس هالزمان محد مصخ العيال - بنات وأولاد - غير الأمهات

واعليه بعدهم صغار خلهم يعيشون حياتهم

ويتربون العيال في معزل عن أهلهم مابين الافلام والمسلسلات والإنترنت ولا يعرفون كيف الرمسه العدله

الله يهديهم

في الإمارات هذا الصيف كان في برنامج إسمه السنع

حريم كبار ورياييل كبار يدربون العيال من الجنسين على مذاهب اول
كيف يصبون القهوه
كيف يقربون ويرحبون بالضيوف
كيف يتصرفون في المواقف

اتمنى يتم تبني هالفكره كمنهج في المدارس يدرس ويمتحنون عليه الطلبه

ومحلاها رمستكم ومازينها

Purplecious يقول...

السلام عليييييييكم << -يعني سنعه
ههههههههههه

أول شي مبروووووك على اللوك اليديد
بس مادري ليش تخيلت الصحن اللي على اليسار فيه روووووب و فوقه نعناعه
لوووووووووول

سوري هلقت باللوك أدري
ههههههههه

اييييي انا بعد شفت المقاله و استانست عليها و بروح أشتري الكتاب ان شاءالله
:))

وااااايد حبيت الأمثله وودي أشارك ممكن؟
لاحظت انج ما حطيتي المنقوزه بجمله
تقدرين تقولين

مثال:طالع بربلووووش المنقوزه اش سوت!!!؟؟؟

لوووووووووووووووووول


و انتي بعد ما قرتي يا استكانه على تعليقاتج الطريفه و الممتعه
:)))))))

مساعد يقول...

أنا أخالفج بهالشي ..

كنت أول أقرى بكتب الكلمات و كتب الإتكيت و أنتبه لها و أنبه الناس يا فلان ما يصيرتلبس دلاق أسود مع دشداشة بيضة و لازم الكلام يكون مصفف .. بس بعدين لقيت إن الحرية بالتعبير هي أفضل شيء ممكن يسويه الشخص و إنه يقول اللي بقلبه و اللي على سجيته و لو بنتبع طاح مرزوق جان راح تلقين الناس اللي مو عارفة قصة مرزوق هذا يواعة لي باجر أو الأحسن اليوم إنج تدزين مسج.
عموما مقال لطيف و إنشالله لي تعليق عليه مستقبلا بس بمقال خاص

magnoonah يقول...

الزغطه بنقطه ستكونه


تدرين ما اعرف كل هالسوالف يمكن لاني كنت انطوائيه وانا صغيره

يعني كلماتي عاديه
اذكر اني اقول تمام الحمدلله
يعني مع بعض

بس ما توقعت يقولونها الرياييل بس

انا اقول يبيله تستغلين وقتج وتعطينا دروس خصوصيه ولا نظام جم معلومه هذا ما ينفع
:)


ووايد استانست على كاف عاف ويحولص ويمولص

عاد انا اخواني مو يحولصون ويمولصون لو يبون شي

:)

tweety يقول...

1لوووووووول

يا أنتي يا زغطة بنقطة
:)
والله عاد تستاهيلن وماعنده سالفة اللي يقول غير هالحجي

أنا معاج أن كلامنا حلو وفيه خصوصية وللأسف قاعد يندثر أشكره ويتشوه بفضل عمليات الدلع المصطنع والميوعة والسخافة لين صار كلام البعض جنه وحدة أجنبية عايشة بالكويت من شهرين بس !

tweety يقول...

ذكرتيني بجملة سهير البابلي في مسرحية ريا وسكينة :
دي الملافز سعد يا عب عال وأنت عليك لفز يهد جبال
:))))

DiLLi O MiLLi يقول...

اللـه يعطيج ألف عافية على هالبوست الممتع

شوفي حبيبتي .. أنا معروفة بكلامي القديم .. صديقاتي يسموني العيوز .. لأني وايد قريبة من يداتي وعماتي وخالاتي اللي كلامهم أنقوص .. أنقوص
:)
فوق هذا كلة أمط الحجي لا ييت أتكلم .. ولد عمتي كلة يتطنز علي ويقول : الكلمة عندج طولها أسبوع !! ههههههههههههه

بعطيج مثل قديم أحنا على طول نستخدمة .. المثل يقول
كاسر على راسها العنقيش .. وحرف القاف ينلفظ
G
el3in-gaysh
يالله أذا تعرفين معنى المثل .. قوليلي .. وأذا ماعرفتيه بروحج .. سألي الله يحفظها يدتج .. بــس هاااا .. لالالالا تحاوليين أتدورينها بالنت

:)

Shaima'a Alkandari يقول...

عجبنى البوست وايد وايد
للاسف هذي الاخطاء اللفظيه تقال
في كلمات ماعرفهم
بس صج هالمصطلحات حلوه ولازم مانخليها تنمحي من ذاكرتنا ولازم تكون على لسانا ونرددها لانها حلوه


البيت اللى فيه العايله العوده ومره كبيره بالسن لي قعدتي وياهم تستمتعين صج والسوالف تحلى اكثر

Sn3a يقول...

وايد حبيت مقاله غنيمه الفهد
ووواايد حبيت بوستج

يعطيج العافيه

انا طفارتي
ريال يقول

امبيه


نفسيا اتعب!

الوجد يقول...

كثير حلو الموضوع



وياليت نقدر


نحيي هاللهجه الحلوة



كثير احلى من الانجليزي المعرب


حقا الملافظ سعد

Fahad Al Askr يقول...

يعني إذا واحد دخل على حريم وسمعهم يقول يا فلانة ترى خشمك فيه عود ما راح يفهم، على الأقل يطالع صج خشمها فيه عود وإلا لأ، وبعدين شلون وحدة ترضى ينقال لها خشمج فيه عود، اعتقد تغطي أحسن، هذه أكيد تخوره

esTeKaNa يقول...

ray
~~~~~
وي جان بخت اتعرف على يدتج
انا صاير موديلي امهات ويدات
:Pp~







جنون احساس
~~~~~~~~~~~~~
واي يا حلو ريحة اليده عاد
طيب وعود وبخور
:)
انا مااحس انها سالفه تدقيق كثر ماهو استنكار،يعني ترا صج انا ما اتقبل ريال يقول وااااي
ولا امبييييييييه
!!
مادري احسها ما تلوق!!
وزقطه بنقطه تيننن صح؟
انا حابتها وهابه فيها صايرة كلمة الشهر هذي:)
الله يعافيج حياج الله

esTeKaNa يقول...

Dubai
~~~~~~~
ياهلا ويا مرحبا بشيخة بنات دبي
:)
والله احنا بعد محتاجين نسمع كم كلمة حلوة من رمستكم،انا صراحة احب الكلمات الاماراتيه العتيجة
وناطرين بوست منج حلو
وعلى فكرة...احس تداخل الانجليزي بكل شي والانترنت والانجليزي المعرب كل هذا اثر على لغه الجيل الجديد في الخليج
وحيااااج الله
:)












عاشه
~~~~~~
اي والله صدقتي يا عاشه...اهم في معزل
واكبر تأثير عليهم يكون من الانترنت والمسلسلات اللي اغلب ممثلينها الله اعلم من وين ياين فشي طبيعي يكون هذا كلامهم ولا نتوقع افضل
:(
والله حلو هالبرنامج وايد،حسافه ما شفته يبيله والله برنامج سنع
:)

esTeKaNa يقول...

purplecious
~~~~~~~~~~~~~~
ياهلا ويا مرحبا بالسنعه والله
روب ها رووووب؟
ليش نحب روب بالبلوق ليييييييش؟
لو سمحتي اللوك متعوب عليه لا تخليني كل ما شفته اشوف روب بروحي ما حب روب ذاك الزود
:)
والحين انتي يا الكافه يا العافه تبيني اقولج يا المنقوزه
وي وي قص يقص لساني لاااا ما اقول ماااااقول،مع انج حطيتي روب بالبلوق بس هم ما اقول ،شيخة البنات انتي:))








مساعد
~~~~~~~~
ياهلاااااااااا
يا مرحباااااااا
مساعد شخبارك؟
عيدك مبارك وتقبل الله طاعتك
:)
انا من انصار ترك الامور على سجيتها وحرية التعبير في كل شي،بس ترا في كلمات بالفطرة تستنكرها من رجل او بنت ،مثلا فطريا تسنكر ريال يقول امبيه وواي وهو هو
:))
ناطرة مقالك بهالموضوع
وحياك الله نورت المكان

esTeKaNa يقول...
أزال المؤلف هذا التعليق.
esTeKaNa يقول...

magnoonah
~~~~~~~~~~
سمي سمي
عيون ستكونه انتي
شوفي دامج اعترفتي اني زقطة بنقطه بشري عاد بالتدلل اللي بيييج
:)
انا بعد وايد اقول تمام،بس الحين هابه ما اقول الا زينه
الحمدلله بخير
يعني عايشه الدور عدل ومستفيده من المعلومات:)
اخاوانج يحلوصون ويمولصون؟
صراحة ما ينلامون لاقين اخت تسوي حلو وتجابل وكافه عافه
:)
الله لا يخليهم













tweety
~~~~~~~~
دي الملافز سعد يا عب عال وأنت عليك لفز يهد جبال
:)
لوووووووووووووووووووووووول
واي مت مت من الضحك لوم ذكرتيني بهالجمله،هذي مسرحيه العيد لازم ثالث العيد يحطونها بس ما شفتها هالسنه
!!
صراحة...يوم انه تويتي الناقده المشهورة اشهدت اني زغطة بنقطة بس بس مابي شي بعد ،حدي تشققت
:)
وصاجة..عاد كل شي ولا الدلع المصطنع،يختي اي حلاه البنت اللي عفويتها دلع،وكلامها عسل من رب العالمين من غير لا تتبهلل على الناس
وحياااج الله

esTeKaNa يقول...

dilli o milli
~~~~~~~~~~~~~~~
الله يعافيج يا الغاليه يا هلا ويا مرحبا...
واي يا زين العيوزة والله

سمعي على طاري التمغط
هالسنه بالمسيد انا منشوله،وبعد كل ركعتين اخمط لج قوطي الكلنكس كله
ولا عيوز يمي تخوزر فيني بنص عين تالي مقطت ذيج المقطة من اليرموك لي الخفجي:
اقول بنيتي لا تعااااادينااااااااااااااا
قالت اللي يمها:
اشفيهاااااااااااااااااااااا؟
ردت اللي يمي:
مزكوووووووووووووووووووومه
والله يا دلي قال الامام الله واكبر واهم للحين بهالحوار الممغوط يتني الضحكة
:))
كاسر على راسها العنقيش يعني شايفه روحها؟
اجتهاد شخصي ولا عيزت ادق على يدتي يا نايمة يا ما ترد
غششيني وانا اخيتج غششيني حق مستقبلي
ترا الكلمة يايزه لي بس ابي المعنى الصحيح
:))

esTeKaNa يقول...

shaima
~~~~~~~~
هلا يا زينه بنات الكندري
:)
يا بختنا انه هالبوست عجبج
وصاجة..البيت اللي فيه شياب غير
كافي وجودهم بركه والله









sn3a
~~~~~~
حيالله السنعه،في زمن ندر فيه السنعين
:)
حبتج العافيه والله
لا لا ولا ريال يقول امبيييييييييييييه
ويييييييييييع وييييع
ما خله حق الرجوله شي
:)

esTeKaNa يقول...

الوجد
~~~~~
حلت دنياك قولي آمين
وحياج الله يا الوجد
:)















fahad
~~~~~~~
اي يمكن ما ارح يفهم وتكون هذي حجوة حريم بس،الا اذا عاد هالواحد قاط اذنه عند الحريم ويعرف سوالف الحريم هذا شي ثاني
:)
اختلف معاك بالشق الاول بس اتفق تماما معاك بالشق الثاني
تغطي ويا خزة
ولا في خشمج عود واخزياه
:)

DiLLi O MiLLi يقول...

هههههههههههههههههههه ... هذا انا جذيه
أمغـــــــــــــــــــــــــــــــــــــــــــــــط الكلمـــــــــــــــــــــــــــــة

:)

هههههههههههههههههههههههه
ياللــــه ياااااا حيل اللـــه ... أغششج وأمري للـــه
غلــــــــــــــــــــط جوابـج

العنقيش .. هي طعامة الخوخ
ولما يقولون : وعللليه فلانه ريلها كاسر على راسها العنقيش .. يعني موريها الويل
:)

كلـــــش ماااا تصلح حق مستقبلج .. ههههههههههههههههههههه
ألا أذا ... قدرتي تعكسيين المثل هههههههههههههه
فهمتي قصدي ؟

:)

esTeKaNa يقول...

diili o milli
~~~~~~~~~~~~~~~~
هههههههههههههههههههههه
اصلا جوابي ماله شغل
مير يابه العكس مرة واحده
موريها الويل هااااا
وما لقيتي كلمه احسن حق مستقبلي
:pP~
ههههههههههه
فاهمه قصدج فاهمه
ولا ما هقوتي من روحي الا ينكسر على راسي العنقيش والله
!!
الله يستر
ولا خلاااا ولا عدم
الله لا يخلينني
انا بس اقول دوري لي جم حجوة لذيذه استخدمها استخدام جميل
بلا عنقيش وان اخيتج
:)))

خسرتني للأبد يقول...

الســ عليكم ــلام
استكانه
اول شي البانر وايد حلو و الي مسويه فنان
و ثاني شي
بصراحة انا اول مره اسمع هالكلمات
بصراحة وايد حلوه و عجيبة
بس اعرف طاح مرزوق
بس الحين قمنا انقول طاحت ميري
الله يخليج كثري من هالكلمات
لازم ما ننساها
لا تبخلين علينا اذا عندج المزيد

charisma يقول...

صبحج الله بالخير يا ويه الخير

صح كلامج بالنسبه للكلمه
انا من متذوقين الكلام واقراه باحساس
لى درجه من كثر احساسى بالكلمه اعيشها

وفعلا مرات تصعدج فوق ومرات اتقطج قاع

والاسلوب وصاحب الكلمه له اثر عليها اكيد


بالنسبه لموضوع حجى الرياييل
ما ادرى استكانه انا عندى الريال بافعاله اهو صج مرات تستنكرين بعض كلام الرياييل لى صار مقارب من الحريم
بس ترى البيئه الى تربينا فيها تلعب دور كبير
ومو هذا الى يعيب الرجل


نخش على الكلمات


فى خشمه عود

وهم احنه نقول فلالاح
لووول مسكين الى اسمه فلاح
:)))

لوول
زقطه بلقطه انا اقولها
:))

وسعتى صدرى
تسلم ايدج
:**

Mishari يقول...

ما يضحكن الا الحريم اللى هابيلى الحين يدلعون المجمعات

والا افنيوز صار
افي
:)))

خلص بس
والملافظ سعد الياهل اذا يقط كلمة اذا ما ايله طراق على الحلج والا ما يتذكر
او مرة الواحد يدعسها تحت لسانه ويخلي يلبط