الأحد، أكتوبر 14، 2007

back!!

(1)
تضج الصالة بالفرح
ويزهو العيد في عين كل طفل
مابين متحدث ومبتسم
!!وآخر ما بين هذا وذاك يتثاوب مقاوما زحف النوم في صباح عيد لم ينم ليلته
طاوله تتوسط صالة بيت الفرح
تحمل مطاطير شاي وقهوة،وانواع مختلف من الكعك تفتتح فيه صباح يوم مختلف
لذيذ نهار اول يوم عيد،احاول ان استلذ به لآخر رمق
في العيد....اجد في روحي رغبه كبيرة في محاربة اي هاجس حزين قد يعكر مزاجي
اتمنى،ان تكون حياتي وحياتكم دائما في عيد
:)
.
.
.
(2)
أقبل راس الغاليه واجاورها،ابحث في تقاسيم وجهها عن الفرح،اسئلها عن حالها فتتتنهد بألم:
انا بخير ،مير ما نمت البارحة من حرة قلبي والله
تفز روحي على كلمتها:
حرة قلبج؟ليش يمه اشفيج؟
تسكت لوهله تستذكر ماحر قلبها وتجاوبني:
وعليه مات ابوهم من حرة حروه عياله عسى الله يحر قلوبهم اهم وعيالهم
استعدل في جلستي واناظرها:
لا حول ولا قوة الا بلله،منو هذا؟
ترد:
بو محمد!! وهاللي تزوج على مرته ياعلها ما تربح،اهي زينه لوما امها النسره
أنا:نسره؟منو النسره اللهم يا كافي؟
جدتي:أم لطفيه يا عل ماكو لطفيه
ابتسمت وعرفت ان جدتي قد قضت رمضان في متابعة باب الحاره على الخراز على جم مسلسل مأساوي اختلطت احداثهم في بالها وتداخلت حتى عاشت معهم كل لحظة لدرجة ان مع الحلقات الأخيره كان ضغطها مرتفع والله عداها الشر
زين جذي بلله؟
.
.
.
.
(3)
رحل ولم ارتوي بعد منه،بعد ثلاثة أيام من فراقه،اشعر بشوق لسالف أيامه
من علامات قبول العمل الصالح ،عدم الرجوع للذنب بعد الطاعه
تلك العلامه تجعلني اعيش في وجل،واشعر بانكسار وألم كلما اعترفت بضعف اني عدت لذنب
!!اللهم اهدنا ويسر لنا الهدى،واغفر لنا ما اعلنا وما اسررنا،وتقبل صالح أعمالنا
.
.
.
.
(4)
علاقة حب وغرام تجمعني بها،تجعلني اعشق حضنها
واكره فراقها مده طويله
من هي؟
تلك غنفه مريحة،تجلس في موقع استراتيجي ممتاز في صالة بيتنا
في مواجهه التلفزيون،على يمين التليفون،ووعلى يسار بلاك استخدمه احيانا لللاب توب
اقضي عليها اوقات طويله،لا ارحل عنها الا لاخذ جوله نوم في غرفتي
الكسل يشعرني بثقل!!
لا اشعر برغبه وشوق للخروج لاي مكان
جنتي في قلبي
:)

هناك 43 تعليقًا:

ReLaaaX يقول...

حبيبتي والله يدتج .. ماسوت عليها هالمسلسل يعل ماكو مسلسل


يابعد قلبي والله ماتنلام آنه إذا شفت لقطات مؤثرة أقول حق روحي مسلسل والا فلم يعني ترى مو صج مايسوى ابجي والا احتر ;p


--
اما عاد قنفتج فعندنا وعندج خير بس القنفات الاستراتيجية للوالد والوالده الله يحفظهم ;)


--
welcome back

New Bride يقول...

واااااي حياتي يدتج هيهيهي و الله معورين قلوبهم انا ادخل على يدتي و دموعها على عينها بسبة هالمسلسلات

هيههييه بعد قلبي

اااه و سالفة القنفة لازم اكو بكل بيت قنفة تكون نازلة اللي عليها الدوس

اصلا انا و ريلي من نوصل الباب اقول : اولى قنفة - يعني انا حاجزة القنفة اول شي

عيدج مبارك و حياج الله ولهنا عليج

esTeKaNa يقول...

reLaaax
~~~~~~~~~
اي والله ما سوت عليها
!!
انا حالتي من حالتج كل ما حسيت انه خانقتني العبره ومتأثرة اذكر روحي انه تمثيل وجبالهم كاميرات وترا يا استكانه مو صج
:)
اي مشالله غنفتكم محجوزة؟
احنا عليها سباق بس انا الحين محتلتها بوضع اليد راح اتملكها
:))







new bride
~~~~~~~~~~
!!أولى غنفه؟
هههههههه:))
واي موتيني من الضحك على هالكلمه
انزين يا تسون قرعه يا تسونها بالدور ما يصير جذي
:))
وياااا بعد قلبي يدتج حالها من حال يدتي،مو زين يقعدون ويا بعض ترا
:)
ايامج سعيده وولهت عليج العافيه يا الغاليه:**

Q8DOLL يقول...

أجمل شعور وانا في شكبة النترنت أحوس
أن أقرأ بوست وابتسم
هذا ما حصل لي وانا أقرأبوستك

ياحلو يدتج وعسى عمرها طويل

ومفارق رمضان للحين آثاره ما اختفت
والله اني متضايقه واحس باكتئاب
عسى الله يبلغنا رمضان الياي


القنفات لها قصه
فكل قنفه في البيت محتله من شخص معين
انا احب اللي تكون في أبعد نقطه من التلفزيون عشان ماأأذي عويناتي

الله يديم هاللمه الحلوه
ويديم الفرح والأعياد
:)

bin3li يقول...

عيدج مبارك :)
و ملبوس العافية:)


يدتج زعلانه على باب الحارة
عيل أمي مسكينه بجت على فهد إللي مات
و سعد الفرج و ولده فيصل إللي ماتوا، و غانم الصالح إللي مات
شو أحكيلك لأحكيلك
مناحة

المسلسلات هذه مب مسوية خير في امهاتنا
ما يرتاحون إلا يموتون حد
ضميرهم ما يهدى إلا و هم دافنين كم ممثل على آخر الشهر

7osen يقول...

والله العيد أحلى شي فيه أول يوم الصبح
صج ونااسه
فرحة اليهال واليمعه مع الأهل واللمة الحلوة

بس بعدين يرد الملل

مايصر ما يخلص شهر رمضان ؟
:))

:

علاقتج مع القنفة علاقة مميزة جداً
صحيح أحيانا نشعر ونحب حتى الجماد بطريقة قوية جداً
ونحسه يصير جزء منا


عجبتني الجملة الأخيرة بشكل صعب

أبي جنتي تكون بقلبي

شلون ؟؟

|:| DUBAI |:| يقول...

Awal Shia Kel 3aM o Enty eb5air ya eStkana,,

o inShalla Kant EjaaZah S3eeda 3laiCh o 3la AhleCh !

o MabrooK 3la New Look : ) !

o allaH y7f'9 YaDootch mn Kel Shar !

Q8i_Blogger يقول...

آخر جزء من البوست اقوى شي

صراحه عجبني المكان حيل

مكان استراتيجي

انا عندي مكان مشابه صراحه

محد عافس حياتي غيره اصلا! :)

وعساج من عواده ونشوفج تكتبين عن عيد الفطر الياي بعد ماتكون يدتج خلصت مشاهدة باب الحارة 3

magnoonah يقول...

واي ستكونه نفس اللويه بس عندنا متاخره شوي
وخصوصا اليهال روعه بهالعيد من كثر ما فقدت عبودي لميته وبقيت افقصه والكل يضحك علي

:)
يحليل يدتج عاد والله انا والوالد ما تابعنا الا الخراز وباب الحاره وفريج
تدرين سميت الخراز مسلسل القهر ابوي يسب وانا ابجيواختي تستغفر الله علينا

واي صج يحروون ويحليل يدتج عسى ربي يطول بعمرها معاها حق تزعل

ستكونه حبيبتي سلمي عليها طلعت من ربعنا
:)


اما انتي والقنفه اعتقد ان حب مبيني على مصلحه خصوصا موقعها الاستراتيجي بالصاله انا لومنج اسميها بعد

:)

عسى ربي يعود رمضان والعيد على الكل ولا يغير علينا الفرحه

اللهم امين

esTeKaNa يقول...

q8doLL
~~~~~~~~
وي يا زين اللي تتبوسم والله
حيالله هالبسمة والله
:)
اي والله انا مثل حالتج مرات من غير شعور اتفقد ليل رمضان وفطور رمضان
بس الحل انج تصومين الست هاليومين
وتحاولين تداومين على الوتر
وجم طاعه تستمرين عليها وراح تحسين انه رمضان ما راح من غير اثر
الله يعينا واياج ان شاء الله

وعلى طاري القنفه..بيني وبينج انا مو من عشاق التلفزيون ،بس عشان ابي حس وانا شابكة ولا وانا اقرا ما يصير صخة
:)

esTeKaNa يقول...

Bin3Li
~~~~~~~~
أيامك سعيده والله يعافيك
ما زال البلوق تحت التعديل
:)
وي اسم الله عليها الرحمن الرحيم
هذي حاله؟
اي يا بن علي ما يقرب العيد الا اهم موتين جم واحد ومعفسين الاحداث ويخلونا نتعسر ونبجي وورانا عيد
!!
اتمنى الوالده الحين احسن وتحسنت نفسيتها بعد كم يوم
:)

esTeKaNa يقول...

7osen
~~~~~~~
ياهلا ويا مرحبا باخوي العزيز
فعلا...حلاة العيد في صبح العيد
مادري اشلون السنين اليايه بيكون العيد في الصيف ،متى ننام ومتى نقعد
:)
وعلى فكره...انا مجنونه في ارتباطي بالجمادات،غرفتي فيها اشيا مالها داعي بس تكسر خاطري ويعز علي فرقاها ،احس اني اخونها اذا تخلصت منها
شفت جنون جذي؟
:)
وجنة القلب توصل لها لما تراضي نفسك،وترتب مشاعرك،وتعرف شلي تبيه واللي ما تبيه،وتدلع روحك اخر دلع
جنة القلب تكون لما تحس براحة ضميرك
وقوة نفسك
لا مو خوش سؤال راح اكتب بوست اجابه السؤال:))

esTeKaNa يقول...

Dubai
~~~~~~~
هلا بدبي هلا
وانتي بخير
والحمدلله كانت من اروع الاجازات كافي كانت برمضان
والله يسلمج من كل شر يا الغاليه
:)

esTeKaNa يقول...

q8i_blogger
~~~~~~~~~~~~~~
hehehehe:))
صاااج...ماحد عافس حياتي الا هالمكان
تدري البطاله ما بعد الجامعه وما تسوي
الله يبلغك وتتخرج وترجع وراح تعرف معنى البطاله وقعدة الغنفه
:))
ولا يدتي خطر تشوف هالمسلسلات
انا السنه اليايه بضبط لها برامج دينيه وبس
:)

esTeKaNa يقول...

magnoonah
~~~~~~~~~~~
هلا وغلا
هلا باعقل المجانين والله
اييييييييييه يا زين اليهال
مشتطين يا بعد روحي،الشعر وشرايط وشبابيص جنه صج،والصبيان يا بعد روحي متصنمين ويا هالغتره ما يقدرون يلفون ويوههم
!!
الله يخلي لكم عبودي وتفرحون فيه معرس وتلمينه ذيلج اللمه العجيه وهو كاشخ ومرتز على الكوشه
قولي آميين
:)
وصاجة الخراز فرت قلوبنا،حياه الفهد وغانم الصالح تمثيلهم مو طبيعي
انا قمت اتصدد عنها من حرة قلبي
وبس ادقدق على اخواني وزف فيهم
وهم اسم الله عليهم شباب لا متزوجين ولا شي بس خفت من الزمن والله
!!
حيااااج الله يا الغاليه
وآميين
:**

MANAF يقول...

شكل الاستكانه يشوّق

:)

صار فيني ابي شاي

______________

عيدج مبارك

charisma يقول...

ولكم بالك
يا شيخة البنات انتى
:**

استغفر الله قزرناها بجى من هالمسلسلالات ماكو مسلسل يفرح
اقمتو قلوبنا
وكل ارمضاان اقول مانى متابعه واتابع اردا شى

تابعت الخراز
وحيااااتج كل يووم ابجى
عاد هذى حاله
!

جان ما خليتوها اتابع هههههه
الله يحفظها

اصدقين استكانه احنا لى الحين نستشعر ارمضان وعايشين اجواءه
اول شى عطله وبعدين الكل قاعد يصوم الست فجنه ارمضان ونااسه
لى الحين انتيمع
ونفطر مع بعض بيت يدى

الله يعودنا عليه اجمعين بالصحه والعافيه

:**

ray يقول...

:D

استكانة ولهت على مواضيعك

تشرح القلب :D

و على سالفة المسلسلات ,. يدتي نفس الشي, يوم العيد الصبح قاعدة اتقص لي شنو صار :) يحليلهم

أما القنفة ... أخييه بس , أحبها أحبها وايد واايد وايد, مكاني معروف مايصير أحد يقعد فيه, و لي يا زاير و قعد مكاني أحس جنة بايقيني :P
الحالة كسيفة
lol

shakshaka يقول...

estekanaaaaaaa! allah ya ana walhana 3laikom kilkooooooom waaaaaaay shakhbarich? la elah ela allah rmuthan marrr bser3aa wo lahainaa mako wagt mooleya....

3eeedich embarak wo taqabal allah 6a3teech(K) et3odeeena enshalla kel sena bel97a wil3afia ..

wayd tekalamt w nesait ur post la7tha barid agraaaaaaah bas tethakart salfat malech khelg te6le3een el 7al mn b3thaa ermuthan kela ma6ala3t ghair 6al3at ebyooot wela starbucks amur takeaway wana ele mashya .. heheh wo lail7een sh3oor le3tekaf mo rathy eroo7:p

sb7aan alllah kel wa7id feeena 3indahhhh zawya bel9ala e7ibhaa ana ma ashfee ela 3la mukan oboiyyyyyy amooot 3laihhh bes kela menzafffa lashafnee ga3da yalla gamay gamay LOL ashwa ene 7laiwa wo ma az3al wela chan ana al7een met3aqda mn hal zafff:P

ZoZOta يقول...

جنتى في قلبي

والله يبتيها

وجان زين امي تسمعج

لما تستغرب منى ليش ما ابي اطلع مثل البنات

واقول لها انا مرتاحه جذيه

المره اليايه بقول لها جنتى في قلبي يايمه

من اقوال استكانه الحكيمه

:*

ولهت عليج

Mamloo7a Q8ia يقول...

الله الله على هالستايل الجديد خوش صورة
:))
وعسى ايامج والمسلمين كلها اعياد

ههههههه
ياحلوها يدتج الله يحفظها ويخليها لكم
صاجه هالمسلسلات ترفع الضغط وتييب الكآبه والاكتآب

اللهم آمين يارب

انا مثلج عندي غنفه في المدخل مال البيت محتلتها واقعد اتريق فيها واقرا الجرايد كل صباح والظهر اشرب قهوتي عليها اعشقها واااايد

محـــــارة يقول...

عسى أيامج كلها أعيادي خيتو استكانه .. ومبارك عليج الوك اليديد مع العيد :)

والله يخلي لج الغاليه ويطول بعمرها ويغث الي غثوها بهالمسلسلات السخيفة .. أنا من زمان وأنا قاطعه عن خرابيطهم برمضان خاصه وياليت حتى عقب ارمضان ادوم اللوعه منهم كلهم

وبسالفة القنفه والطلعه طبعي ماعرف امدد ولا انسدح إلا بداري بغرفة المعيشه لي أماكن محدده أحب أقعد عليها بس عادي لأن بطبعي مثل ماقتلج مو لإنسداح كثر قعده والأهم يكون على حسب الي قاعدين موقعي استراتيجي

بسالفة الطلعه من البيت أنا جذي ما أحب اطلع واايد ويني تكاك وغلقه مع كثرت الطلعات والسلام على البشر أحب الهدوء والتركلس حيل .. ولما أبي اطلع أماكن تونسني أدور وأدور بلأخر أضيع استنتجت الكويتيين يا بمطاعم يا سوق .. انزين إذا مو مشتهيه أكل ومالي خلق أتسوق شسوي بعمري ؟؟

يمكن أقعد بالبيت أبرك

Expatriate يقول...

First, Welcome Back
Second, تركي عنج الكسل
Third, تقبل الله طاعتج

حسام بن ضرار يقول...

،مير ما نمت البارحة من حرة قلبي والله

---------------------------

ما ادري شاللي ذكرني بقصة العيوز اللي دقوا عليها تلفون يسألونها عن حفيدها جان تقول:
بوه مير نيم


الترجمه: توّه نايم

:)


و الله يطول بعمر العوده

و عيدكم مبارك

حمودي يقول...

انا ماعندي قنفه خاصه مثلج

a7La eNG يقول...

yaaaay me like ur new look ;)

.
.
.

wwwwwwwwwwwwww
it's a cosy GANAFA dont blame urself wallaah :D

wwwwwwwwwwwwww

3ayaraaa ma ga3adtay 3la ur 7aail ela ams ;pP galbe haa ..

galbee galbee aaaah ya galbee
;****

adri online entay hehe .. a7bich ana tara :D

Shather يقول...

يا زين العيد بدون منغصات ..

و المشكله في رمضان تابعنا مسلسلات نهاياتها تضيق الخلق ما تسوى هالمتابعه ..

و الله يخليلج يدتج :}
و يخليج لها يالغاليه

Barrak يقول...

الله يطول بعمرها
ويسلم لك جنتك اقصد قلبك

esTeKaNa يقول...

manaf
~~~~~~~
شكرا شكرا
هذا طقم العيد
:)
ايامك سعيده
اشتقنا لك
:)









charissma
~~~~~~~~~~~~
هلا بالغاليه
واي من قلب من اعمق نقطة فيني ولهت عليح:**
انا المسلسلات كالعاده اتابع بس الحلقات الاخيره ،بس يدتي لا مجابله وبعد روحي صج صج كانت تعبانه ليله العيد الله عداها الشر
!!
والله يحفكم ويتقبل منكم ويعود عليكم
من رحمه رب العالمين صار صيام الست بعد رمضلن عشان نكون متعودين واراوحنا الفت الصيام والطاعه

ترا نطالبج ببوستات وايد تتعويض عن الغياب
:)

esTeKaNa يقول...

ray
~~~~~
وي يا زين اللي منشرح قلبها عسى دوم
:**
ولهت عليج العافيه
عاد ما غطيت وايد كنت بالاجواء:)

واي حتى انتي عندج قنفه؟
شوفي من رقه مشاعرنا وحس الوفا فينا نعشق حتى الجماد ووتغارين عليه بعد
Hehehehehehe:))







shakshaka
~~~~~~~~~~~
هلا هلا
هلا بالطيب الغالي
شخبااارج انتي؟
خبري فيج يوم اشوف ذيج الدراريع جهاز رمضان وتالي مادري وين اختفيني من غير شر
!!
ايامج سعيده ومنا ومنج صالح الأعمال يارب،مممممم عيل ما تطلعين ها
بس ستاربكس؟
اكيد تيك اواي
اشوة انه تيك اواي بعد لو مو تي اواي جان مواليد 1993
:pP~
اسم الله عليج من التعقد
لا اشوة احسن ما فينا انا ما نزعل
وهذا اللي يخليهم يستغلونا تصدقين
:))

esTeKaNa يقول...

ZOZOta
~~~~~~~~
تدرين عاد؟
هالجنه يبيلها اهتمام
وعطاء
ودلال
عشان تقدر تعيش وتستمر
:)
ولهت عليج العافيه
وسلمي لي على الوالده الغاليه
:*








mamloo7a_q8ia
~~~~~~~~~~~~~~~~
هلا وغلا بالملح كله هلا
شخبارج ؟بشرينا عنج اشلون صحتج؟
ايامج سعيده وتقبل الله طاعتج
تدرين شنو مشكله يدتي؟
لا تسولف لج عن شخصيات بالمسلسل،اييج احساس جنهم توهم طالعين منها مسيرين عليها
:)
يا سلاااام خوش غنفه مالتج
شي عدل..بمدخل البيت بعد
:)

esTeKaNa يقول...

محارة
~~~~~~
ها اشرايج باللوك اليديد عسى حلو؟
اي واله الله يغث اللي غثوها
وصج انج سنعه على سالفة التمدد
انا افشل ابوي كل يوم يقولي انتي نفسه؟
والده؟
اشحقه متممده هني؟
مادري الكسل مسوي سواته فيني
!!
اي والله الكويت يا سوق يا مطاعم
انا احب اطلع بس عاد مو كل يوم ولا مع اي احد،واذا بخاطري طلعه ماحب احد يعاسرني عاد:))
خلينابهالبيت على الغنفات ومجابلين البلوقات
:)









Expat.
~~~~~~~
شكرا:)
عطني اقتراحات عشان اخلي الكسل؟
:)

esTeKaNa يقول...

حسام بن ضرار
~~~~~~~~~~~~~~
hahahahahahaha:)))
اهم شي القصه
اول مرة اسمعها
:)
ايامك سعيده وما قصرت









حمودي
~~~~~~~~~
وعليه
!!
يارك الله الله كريم
:))









a7La_eNg
~~~~~~~~~~~~
hahahahahaha:))
ياربي شنو هالرفيجة
انا اونلاين
وتليفوني مفتوح
وتعلق بالبوست
اشوة اني صدتج
حسابنا بعدين
:)

esTeKaNa يقول...

shather
~~~~~~~~~
عجبتني كلمه منغصات
:)
عسى حياتج تخلى من اي منغصات
وامين ما قصرتي


















barrak
~~~~~~~~
امين ما قصرت
:)

الدائرة الخامسة يقول...

تقبل الله طاعتك
وكل عام وانت بخير وعافيه

التجديد في البلوق عطى رونق وجمال
أضافــة رائعه ... لروائعك

Kuw_Son يقول...

1

آمين .. ينعاد عليج بصحة و عافية :)

2

هههههههههههههههههه .. الله يحفظها و يطول عمرها

3

آمييييييييين

4

الله يهنيج بجنتج :)

Mishari يقول...

عيدج مبارك وانشاء الله كل سنة بفرحة وفرحة زود
:)

Mishari يقول...

عيدج مبارك وانشاء الله كل سنة بفرحة وفرحة زود
:)

`~MnO YeNSa! ~` يقول...

عيدج مبارك مع انها متأخرة !! ة الله اخليلج اياها و على المسلسلات يمالنا من الخير قصدي الغم اما مسلسل الخراز بجي اببجي عوروا قلوبنا و النهاية صدمة!!!!
و عسى الله اهنيج و كل ايامج اعياد

DiLLi O MiLLi يقول...

~: عيــدك مبــارك :~

تعودينة كل سنة وأنت بألف صحة وسلامة



اللــه يحفظ يدتج ولا يحرمكم منها ياااارب


ويسلم قلبج

:)

esTeKaNa يقول...

الدائرة الخامسة
~~~~~~~~~~~~~~~~
منا ومنك صالح الأعمال
وكل العمر وانته بخير ان شااء الله

يسعدني ان التجديد عجبك
هذا ستايل العيد ،استكانه جديده
:))







kuw_son
~~~~~~~~~~
عشره على عشره
:)
احترم التعليقات المرتبه انا
الله يهنيك بالايمان وطاعة الرحمن يارب

esTeKaNa يقول...

mishari
~~~~~~~~~~
ايامك سعيده واجمعين يا مشاري
عسى ربي يحفظك ويسعدك دوم
:)






mno _ynsa
~~~~~~~~~~~~
ايامج سعيده وعسى الفرح دايم بحياتج قولي آمين
اي والله يا اخيتي ما سوت علينا خراز وربعه
بجينا لي قلنا بس
هو ليش؟
هوا احنا ناقصين؟
:))













dilli o milli
~~~~~~~~~~~~~~~~
هلاااا بالطش والرش هلا
:)
وانتي بخير وصحة وسلامة
ماقصرتي يا الغاليه
:**

عــــاشــــه يقول...

عساج من عوادة العيد

ويعلها كل أيامج فرح وسرور

وفديت روحها يدوه...

ماتنلام
إذا أنا راسي دار من المسلسلات
أشوف الممثل اليوم في مسلسل
أرجع بالباجر أشوفه بس الأحداث غير أقول لخواتي وأمي ليش شو صار يقولولي لا هذا مسلسل ثاني لنفس الممثل

ههههههههههه

الله يعطيج العافيه وعلى فكرة عجبتني الصوره الي في البانر أعلى المدونه

ومع اني ماأشرب شاي الا في ماندر إلا إنها تشهي الواحد ياخذله استكانة شاي بالنعناع

تسلمين يالغاليه