الأحد، أكتوبر 28، 2007

a7La_eNg....اليها

عندما استرجع شريط ذكرياتي
وارجع باحساسي لسالف ايامي
ارى لها في كل احساس ذكرى
وفي كل حدث موقف
وفي كل زمن وجود
.
.
.
رفيقة دربي
شريكة جنوني وعقلي
مستودع اسراري وبوحي
القلب الحنون لي عند ضيقي
والعقل المستوعب لي عند تفكيري
سندي وأخت دنيتي وشئ من روحي
.
.
.
اليها اكتب شئ من احساسي
وفيض خاطري وروحي
اليها في يومها كلمة من اعمق نقطة في روحي:
كل العمر وأنتي يا الغلا بخير
كل العمر ونورة في عيني تكبر
وغلاها عندي يزيد
كل العمر وانتي أنا
مرآه لتفكيري
واصدق وأقرب من لي
.
.
.
اليوم...من الربيع تقطفين ثلاث وعشرين سنه
هو يوم في حياتك،ولحظة يختلف فيه رقم يكتب فيهافيه عمرك
كل العمر وانتي بخير وسعاده ورضا نفسي وروحي
.
.
.
أصدق اخوة هي تلك التي تكون في الله
وأرقى محبه تتجلى في ركعات اللليل التي لا يشهد عليها الا الله
عندما تدعو في ظلمه الليل لنفسك ولا تتذكر الا القلوب التي تحبك
أشهدك بأني اذكرك بقلبي في كل دعاء وليله:
أدعو للرحمن ان يغفر لك ،ويهديك وييسر لك الهدى
وان يشرح صدرك ويرفعك وبسعدك بالدنيا والآخره
وأن يجمعنا اخوات متحابين متقابلين على منابر من النور
تدرين؟
انا ربي بلغني بفرحتي لك ببلوغك منالك ونيل شهادتك الجامعيه
واحلم بيوم وادعو الرحمن ان يبلغني بيوم آخر اراك فيه عروس تنيرين الأرض نورا
وأرى أطفالا ببرائتك يحملون طيبتك وجمال عينيك ورقتك
اطفالا ينادوني بخالتي...أحبهم وادللهم من حبي لأمهم
.
.
.
بدايه عمر جديد،أسأل الرحمن ان يكون بدايه عمر جديد
ترتقين فيها بروحك وقلبك
وتسعدين فيها بقربي :) وبقرب كل من يحبك
.
.
.
.
كل العمر وأنتي بخير

هناك 33 تعليقًا:

bin3li يقول...

أبغي كيك
:P

هابي بيرز داي :)

محـــــارة يقول...

كل عام وهي بخير .. والله لايفرقكم عن بعض

مو غريبه عليج هالقلب الكبير أستكانه الله يسعدح ويسعدها بالدنيا والأخرى

bin3li يقول...

قاعدة تردين على البوست الأولي

:P

يالله برجع أنام، تصبحين على الخير
حلمان الفجر يأذن الساعة 2
الحمدلله و الشكر

esTeKaNa يقول...
أزال المؤلف هذا التعليق.
esTeKaNa يقول...

bin3Li
~~~~~~~~~
افا عليك بس
تامر امر انته
تبي كاكو ولا فراوله ولا كيك انجليزي مع شاي كرك؟
:))
وههههههه
لاحظت اني قاعده ارد على البوست الاولي؟
اي ابي اصيد الوقت عشان نورة
وابي ارد على الناس اللي للحين تعلق بالبوست السابق

شنو هالحلم مشالله
حتى بالحلم ساعتك خرابانه
:pP~
وانته من اهل الخير يارب

esTeKaNa يقول...

محاره
~~~~~~~
هلا بمحارتي هلا
عاد تصدقين وانا اكتب البوست طريتي في بالي وسبحان اله بس خلصت الردود في البوست السابق شفتج راده هني
انا اشهد ان القلوب شواهد
:)
وانتي بخير وصحة وسلامه
وامين يارب وعسى الرحمن ما يحرمنا منج ولا يحرمج من كل القلوب الطيبه اللي تحبج،ويسعدج دنيا وأخرة
:)

Q8i_Blogger يقول...

مشاعر جميله لرفيق العمر

كل عام وانتم بخير ويخليكم لبعض ان شاء الله

بس السؤال المحير .. ليش الشباب ماعندهم جذي .. يعني رفيجي من الابتدائي مادري متى عيد ميلاده ولا اقوله كل هل حجي الصراحه هههههه

احنا غلط ولا انتو تبالغون؟

ادري سؤال غبي بس سهران شسوي

esTeKaNa يقول...

q8i_blogger
~~~~~~~~~~~~~~
ياهلا ويا مرحبا
هلا بالسهران والله
:)
شوف الرجل بطبعه ما يعبر عن مشاعره
والبنت اكثر تقدير للمشاعر والكلمات طبعا...هذي حقيقه مفروغ منها
!
بس خنكون صادقين مع بعض
لما تلقى انسان مهتم فيك وبالاشيا اللي انته تحبها بصورة معقوله ما تحبه اكثر؟
انا ترا ضد المشاعر المبالغ فيها
ماحب اللي تدقدق طول النهار على رفيجتها حياتي وقلبي وتصبحين على خير وصباح الخير وتدبل جبدها
لاااااااااااااااااا
من صجي ماحب هالموديل
حق ريلها كيفها
بس حق رفيجتها ماحب

!!
تهادو تحابو
وانا اهدي كلماتي لكل القلوب اللي احبها
وعلى فكرة..مرات نهتم بامور مو لانه اهنا فعلا نحبها بس حبا للاشخاص اللي يحبونها،مثلا ابوي عنده اهتمام كبير بموضوع معين،عشان احسسه باهتمامي اخذ لي جم معلومه بالموضوع واتابع وياه ويحس اني مهتمه
صديقتي تقدر الاحساس والكلمه والمناسبات
اهتم عشان ابين لها اني مهتمه
اخوي متعصب للقادسيه
ابارك له واطفره واهتم ..لنفس الفكرة
:)
ما اظن في سؤالك اي غباء محشوم
الغباء يكمن في الجواب المبهر اللي كتبته وماله شغل بسسؤالك بس طوف لي سهرانه ويوعانه
:))))

mtfa2el يقول...

كل عام
و
a7La_eNg
بخير
و الله يتمم عليكم هالصداقة
Q8i_Blogger
سولي مصقعة همبورغر و مشخول من اللي تسويه و انا اكتب فيك معلقة كاملة
و كل يوم اقولك كل عام و انت بخير

عبدالرحمن يقول...

الله يديم المحبه طول العمر تعيشون باقي اجمل عمركم مع بعض

الله لا يفرقكم انشالله

يابختكم في بعض :) اللهم لا حسد

كل عام وانتي بخير ياباشمهندسه وعقبال مية سنه يارب

ولولا الحيا وبمى اني في القاهره الحين جان غنيت لج يلا حالن بالن حيو ابو الفصاد :)

Q8i_Blogger يقول...

esTeKaNa

لا من قال غبي الرد قوي :)

واذا على مشاعر الرجل فصحيح كلامج

يمكن تعبير الرجل يختلف عنكم كنساء
يعني لو واحد من ربعي قعد يمدح فيني ويعطيني من الكلام الحلو .. اقول انا اشفي هذا.. اشيبي بالضبط ههههه



mtfa2el

حياك يبه ... تستاهل المصقعه :)

بس اشهد انك خوش واحد

لأني طبختها حق 6 من قبلك وكلهم اشتغلو علي ضغاظ

الله وكيلك قالولي كل عام وانت سيلانيه ... هذا وانا طابخلهم وكارمهم هههههههههه

مامنهم فايده الشباب الصراحه

يعني تكفه ما استاهل كلام حلو انا ؟

violinist_q8 يقول...

كل عام واهي بخير
والله يخليكم لبعض

فعلا اجمل محبه واطولها لما تكون صادقه لوجه الله

ZoZOta يقول...

كل عام وانتى وياها بخير

ومجتكعين على الفرح

حظيظة نوره لأنها عندها صاحبة مثلج يا استكانه

الله لا يغير عليكم

الدائرة الخامسة يقول...

وفـــاء جميل
وأحســـاس حلو

قبل أن أهني
a7La_eNg
على تفتح زهرتها الثالثة ولعشرين
أهنيها على أنها تملك قلب أنسانه مثلك

ودمتي برقي

7osen يقول...

إستكانة ماشاءالله عليج

أنا كل ما اقرا كلامج عن أي شي أتأثر فيه

أحساسج صادق جداً

والأكيد الأكيد إن صديقتج تستاهل هالكلام

صراحة ونعم الصديقة

ونقول طبعاً لمهندسة الكلام أحلى إنج كل عام وانتي بألف ألف خير
وإن شاءالله العمر كله يارب


والله يخليكم حق بعض ولا يفرقكم ابداً

وثاني مرة

كل عام وإنتي بالف خير ياحظرة المهندسة

:))

shakshaka يقول...

chene bedait angharrrr ma7ad galeeeey chethe eb 3eed meladi!!! 7asafaa 3ad tawa kan mn sbo3aaaain:P heheheheh kil3am wintay eb alf khaaaaaair ya a7la eng el3mer kila inshalla allah ekhaleekum lba3ath ameeeen;*******

rwatan يقول...

الله يديم المحبه :)

lawyer يقول...

كل عام انتي وياها بخير

الى احلى انجنير

كل عام و انتي بخير
ويارب يزوجج و يونسج رفيجتج فيييييييييج

عشان يفكنا من لبحتها

ههههههههههههههههه


هذا ما يغني اني ابي اذوق كيكه امج الي اذبحتنا فيها يوم انتي مسافرة

هههههههه

:**********

كل عام و انتي باحسن صحه

a7La eNG يقول...

:"""""""""***

احلى و اروع هدية
ماني قادرة اعلق مو لاني صرت عيووزة
لاااااااااا

بس عورني قلبي
و متأثرة جدا جدا جدا

خلااااص يبي ولدج الدعلة عندي رضيت
و لج مني اجابل عيالج ادرسهم علوم و رياضيات و انجليزي

انزين

وووو
عادي سافري صيف و انا الصيف اللي وراه
شفتات يعني هم رضيت

و اهم شي بعرسج
واااااااااااااافقت
اسنع نفنوووفج

اي و صج صج
مشوار 23 سنة
و تأكدي انج فيه كله غالية
و اني افتخر حييييييييييييل
لما اقول منيرة ريجتي

الله يجمعنا بالدنيا على طاعته
و بالاخرة في جنته

انتي مو اختي لاااا
ما ادري شنو بس اكثر من الاخت

انا قاعدة ابجي
:")

و ما ادري شنو قلت بس شي من قلبي اكيد
!


TO U ALL ..
مشكورين مشكورين
و انتوا بخير و صحة وعافية و سعادة و كل شي حلوووووووو بالدنيا يا رب



*عبدالرحمن
الله يسلمك و يخلي لك كل غاليينك
انا حابة اسمع الواد ألبووو بيوجعوا داام فيها طرب السالفة
:P





*7osen
من طيبك و ذوقك والله






*lawyer
يا بعد قلبي والله
اي كيكة و توصلج برسم الخدمة افا عليج كلش و لا خاطرج
;*

لاحظي ما قالت انا اسويها كلش ما تعرف تضبط يا ربي هالبنت
;pP

Fahad Al Askr يقول...

بالمبارك، ماكو عشا؟

Q8DOLL يقول...

الله يديمها من محبه
صح
الحب في الله من اروع مايكون
حب بدون مصلحه

كل عام وهي بخير
وعسى تحتفلون بأعيادكم اعوام عديده مديده
الله لا يفرقكم
يابختها فيج :)

خسرتني للأبد يقول...

الســ عليكم ــلام
كل عام و انتو بالف حير
و الله لا يفرقكم ان شاء الله
و اتدوم المحبة بينكم

ReLaaaX يقول...

يابعد قلبي والله يا نورة والله اكبرو البناااااااااااات وختي وزييييييينهم


--> شفيها اللي مكبره روحها غصب ;p




يالله ياكريم تبلغني فيهم عرايس ياحبيبي يااااا آدر ياحأ

SolaimaN يقول...

يا حلاتهم والله ثنتينهم هالبنات

سلم قلبهم والله المحتفلين في بعضهم

كل سنه انشالله وانتوا طيبين

وكل سنه انشالله اشوفكم مع بعض

والله انكم تستاهلون بعض ،،الله لا يفرقكم انشالله

esTeKaNa يقول...

metfa2eL
~~~~~~~~~~~
وانته بخير
وآمين ما قصرت
:)
هههههه لهدرجه مصقعته منعوته ولذيذه؟
عيل كلنا نبي
:Pp~

















عبدالرحمن
~~~~~~~~~~~
اللهم آمين يارب ما قصرت
وعسى ربي ما يحرمك من كل حبايبك ان شاء الله
:)










q8iblogger
~~~~~~~~~~~~~
hehehehehe:))
اهم شي اشيبي بالضبط
ترا والله على الطبع
في ريايل مشالله عليهم حجّايين يحبون هالسوالف
ولو اني ماحب هالموديل
:)
بس ما قلت لنا اشلون نسوي مصقعه؟

esTeKaNa يقول...

violinist_q8
~~~~~~~~~~~~~~
وانته بخير وصحة وسلامه
يا هلا ويا مرحبا
شكرا على هذا المرور والتعقيب الجميل
:)













zozota
~~~~~~~~
آمين ...وانتي معانا بالفرح دوم يارب
يابعد قلبي يا الزين
مرورج وكلامتح لها أثر دايما طيب في قلبي
:**







الدائرة الخامسه
~~~~~~~~~~~~~~~~~~
الرقي شئ مما عندكم
احرجتني والله
شكرا من القلب
وكل عام وأنته ومن تحب بخير

esTeKaNa يقول...

7osen
~~~~~~~~
صاحب القلب الرقيق
والكلمات الجميله الطيبه
تعليقك دائما ما يكون رد فعل لكلماتي يؤكد او ينفي وصول احساسي
وانته دايما تبشرني بالخير بأنه احساسي وصل
:)
عسى حياتك كلها خير وافراح












shkshka
~~~~~~~~~~
كل العمر وزينه البنات بخير
بهالمناسبه المنصرمه اللي راحت قبل اسبوعين،اهديج أغنيه:
عذبة أنتي
كالطفوله
كالأحلام
كالورد
كابتسام الوليد
:***
hehehehehe
انتي بس لو قايله جان احتفلنا فيج وكتينا عليج نون،بس وينج وينه لاهيه في لورنزو الصالحيه
:Pp~
امين يارب،ياربي كل تعليق منج لازم ابتسم واستانس...حرصي علي وعلى ابتسامتي لو سمحتي
:)))















Rawtan
~~~~~~~~~
امين...هذي الساعه المباركة
نورت البلوق والله
:)

esTeKaNa يقول...

Lawyer
~~~~~~~~
وأنتي بخير وصحة وسلامه يا صديقتي العزيزه
من زماااااااااان ما سولفت وياج
وينج غاطة من غير شر؟
:(
هههههههههه
واي لهدرجه انا حنانه
:Pp~
















a7La_eNg
~~~~~~~~~~~~~
صباح الورد يا الغاليه
ها اشلون العمر اليديد؟
عسى حلو.
اهو يبيله جم يوم تجربه وتالي تاخذين عليه
:))
حبيبتي...هذا يومج
وهالبوست اهداء خاص لج
وهذا اقل شي بحقج
وبس
!!
طبعا انا ما نمت عدل وشكلي بغط شويه بالدورة اليوم،فانتي ستري على ما وايهتي وغطي علي يا صديقتي
وزميلتي اللي قاعده يمي بالصف
:)))

esTeKaNa يقول...

فهد العسكر
~~~~~~~~~~~~
ليش تعليقك حسسني بخيمه
وعرس
وعشا قاعد على جنب؟
:))
الله يبارك بحياتك
امبله في عشا...اقلط اقلط
بيتك ومكانك يا بوعسكر
:pP~












q8doll
~~~~~~~~~~
يا بعد قلبي قلبج
يا بختي انا فيج وبمرورج اللي احبه وانتظرة
:)
اللهم امين
وعسى ربي ما يحرمج من كل حبايب قلبج قولي امين
:*

esTeKaNa يقول...

خسرتني للأبد
~~~~~~~~~~~~~
وعليكم السلام ورحمه الله وبركاته
وانته بخير وصحة وسلامه
وما قصرت والله
:)













relaaax
~~~~~~~~~~~~
هلا هلا باأبلتنا الحبيبه
هلا بالطش والرش وماي الورد بالقرش
:)
باب الحاره لاعب لعب
hehehehehe
اللهم امين وانتي اولنا ان شاء الله
:)













سليمان
~~~~~~~~~
هلا بالطيب الغالي
:)
واي تعليقك حسسني اني انا ونوير لابسين نفنوف كشكش وشباصات
:pP~
ما قصرت والله من طيبك يا سليمان
ونستني بهالمرور الحلو
حياك الله دوم

ZoZOta يقول...

استكانه

اسمحى لي اهنى احلا انجنير من خلال مدونتج بما انها شايله التعليق

واقول لها احلا بوست قريته وصج اثر فينى

الإنتقال من مرحلة عمريه الى اخري

عجبنى تحليها لشخصيتها

عجبنتنى سالفة سنة المسطره وسنة المشخاله

وسن الثلاثين

يعل ربي يجلعهم سنين خير عليها

ويبارك لها بعمرها

وكل عام واهى بألف خير

:**

Kuw_Son يقول...

Happy Birthday to her :)

a7La eNG يقول...

*فهد العسكر
العشا بجانب المحول
:D

"حديقة سابقة حسبي الله على البلدية
اللي ما قدرت الا عليها "





*zozota
اخجلتيني والله
و قبلهم كلهم سنة النكسة ترى
;p

عسى عمرج عامر بالفرح و الاحساس






*kuw-son
thanks :)