الخميس، سبتمبر 20، 2007

يالله صباح خير:)

!! افتقد الانشغال
شئ غريب ان يكون هذا الوقت من السنه وانا غير مرتبطة باي شئ يشغلني
أنام لاستيقظ،استيقظ لانام مرة أخرى
لذيذة الحياه دون هم وقلق
دون تفكير في محاضره وتسجيل وتأخير
ومع هذا اعترف:
دراستي
حياتي الجامعيه
صديقاتي
وامور كثيرة كانت تشغل حيز كبير من حياتي
افقتدها فعلا
.
.
افتقد الجلوس على ذاك المقعد في الصباح الباكر،
والكتابه على دفتر محاضراتي افكاري واحاسيسي المبعثره كل صباح
~~~~~~~~
!!كل شئ لديها لذيذ
هي من تلك النساء اللاتي لهن نفس مميز
لمسه سحريه
وفن في كل طبخه
!!حتى الحليبه في بيتها غير
حين اسئلها بكل ثقه عن مقادير أكله معينه تبتسم
انا ما عندي مقدار،سنين اطبخ تبيني اقولج قفشه ولا قفشتين؟
الطباخ فن،مع الخبره بتتعلمين بعيونج وحسج كل طبخه شنو ناقصها
رغم عدم شغفي بالطبخ والتفنن بالاكل
الا اني هاليومين متقمصه شخصيتها
خصوصا في جزئية االطبخ دون مقادير
حلمي ان اصل لمرحله ...يا سلام كل شي من ايد استكانه غير
:pP~
مشواري المبطخي بادي في الحلويات
واسعى لتطوير نفسي
بدون مقادير
بالاحساس والفن الله يستر
:)


هل هناك أجمل من افتتاح صباح جديد في حياتك على هذا المنظر؟
هل هناك اروع من لحظات تتأمل فيها حياتك في رحاب حرم يحتضنك؟
يهدأ من رعشه افكارك
ويزيح عن كاهلك تعب سنين وعمر؟
كانت أمنيتي ان يكتب ربي لي عمره في رمضان هالسنه
والف الحمدلله،غدا باذن الله ساتوجه لمكه المكرمه
!!أخاف من الخوف
وفعلا اشعر بخوف من الزحمه بشكل غير طبيعي
مليون مرة اوصي اخي علي:
امسكني،مو تخليني،مو تضيعني
واذا ضعت ترا اعرف وين اروح
وبعدين هذا حرم ومكه شرفها الله ان شاء الله ما من خوف
يبتسم لي دون رد
!!

يفهمني هو حين اوجه الكلام لنفسي من خلاله
وكثير ما افعل ذلك.،أرييد ان اقنع نفسي بشئ فاتكلم دون انتظار لرد
ولا لشئ
انا اقنع نفسي واطمئنها من خلال الكلمات اوجهها لنفسي من خلال شخص ما
!!نادر من يفهم ذلك
مو مهم ان اكون مفهومه في كل وقت
الأهم من كل هذا شئ آخر:
حللوني يا جماعه،سبحان الله كدرت أحد بكلمه
ثقلت على احد من غير قصد

حللوني
~~~~~~~~~

هناك شئ ما

اشعر به ما بين نبضه قلبي واحساسي

شئ ما لا اعرف كيف اصفه

خوف من شئ قادم

وقرار سيكون حاسم

صدمه من شخص قريب

وانتفاضه قلب شعر فجأة بأنه غريب

قلب...يغمض عينيه عن رؤيه كل ما هو قبيح

يتصدد،يكابر،

يبحث عن صدق احساس

ويجمل أفعال كثير من الناس

!!

الخروج من مرحله لأخرى

والتكيف مع كل التغيرات صعب

ولكنه ليس مستحيل

.

.

.




اصبحكم وامسيكم بالخير
واستودعكم الله الذي لا تضيع ودائعه
:)




هناك 40 تعليقًا:

حمودي يقول...

عمرة مقبولة

حمودي يقول...

انشاله
:)

Nescafé يقول...

من الحين كل شي من ايدج غير
عيل شلون مع المقادير السحريه
:P

تروحين وترجعين بالسلامه ان شالله
وتقبل الله طاعتج

bin3li يقول...

تروحين و تردين بالسلامة
و تقبل الله طاعتج :)

Neyoma يقول...

تروحين و تردين بالسلامة :)

الدائرة الخامسة يقول...

تقبل الله طاعتك
وعمرة مقبولة ولا تنسينا من اجمل دعائك
فعندما يجتمع فضل الزمان وفضل المكان
يكون لدعاء طعم خاص ولذيذ
وللمناجاة شعور آخر

أما الزحمة فأنتي - بنت افكارك - عيشي بأفكارك بأنه الامر سهل وبسيط ومرن وراح يكون كذلك

وهو فعلاً كذلك
الأمور على التساهيل
بس عليك بالحضور المبكر للحرم والخروج المتأخر
لأن الزحمة دائما على الابواب في حده حده

وتروحين وترجعين بالسلامة
واستودع الله دينك وأماناتك وخواتيم اعمالك

loyalty يقول...

أول صورة
الله يوفقج بحياتج اليديدة و انشوفج بالمكان اللي تطمحين له بأسرع وقت

أنا معاج .. الفراغ ممل .. بس اعتقد انه بامكانج استغلاله بكل لحظاته.. الوقت حياة يا استكانه:)


الاكل
للعلم بس .. ترى صرت أطبخ :P


الصورة الثانية
مكه !!
ماشاااءالله :) الله يهنيج بالايمان و الطاعة و لا تنسينا من دعائج .. ادعيلي وااايد ;D

و أستودع الله أمانتك و خواتيم عملك.

الشي الاخير

ان شاءالله تكون نهاية هذه الانتفاضة طيبة .. بس هذا اللي اقدر اقوله!!

بالسلامه

2 u ALL يقول...

المقطع الأول : تعلم فن الطبخ وليس الطبخ شئ "صعب" ..!! ولكنه ليس مستحيل ..!! والطباخ يبيله "نفس" وانسان يحب الأكل ..!! ولكن لا يمنع ان نتذوق الحلويات من صباخ "أستكانه".. متى العزيمه ..؟؟ بعد العمره ...!!؟

المقطع الثاني : الله على هذا المنظر ..!! ويا بخت عيونك في هذا المنظر ..!! الله يسهل لك عمرتك ويتقبل منا ومنك صالح الأعمال ..!! بس لا تنسينا من الدعاء لأني لن أنساك منه..!! وتردين لنا بصحه وسلامه ..!!؟

mtfa2el يقول...

تقبل الله
و لاتنسينا بدعائج

جنون إحساس يقول...

عسى الله يهنيج يا استكانه
استمتعي بكل لحظة هناك والله بمكة كل شي غيييير

الله يردج بالسلامة ان شالله
ولا تنسين توافينا بالصور والمواقف لا رديتي بالسلامه

:)

وعمرة مقبولة يارب

عــــاشــــه يقول...

عمرة مقبوله

والله يسركنا في دعاءكم الصالح يارب

q8-diver يقول...

مبارك عليج الشهر

و تقبل الله طاعتج

:)

محـــــارة يقول...

الله يتقبل منكم تروحون وتردون بالسلامه إن شاء الله

......

بالنسبه لطباخ فعلا فن وعند ناس معينه حتى البيض نفس ما شاء الله .. يحتاج صبر شويه وكل شيء تمام مع النفس

.....

بالنسبه للإرتباط بالجامعه ما ألومج جربت نفس الأحساس قمة المتعه أحساسج وكأنج طير بدون قيود بدون روتين أنتي تصنعين يومج بمزاجج لكن مع الوقت كل شيء نستشعر لذته بما فيها حبست المحاضرات ومسكت الكتب للامتحانات

والله يوفقج بأمور دينج ودنياج يالغاليه عن نفسي محلله مليون وماسويت فيني إلا كل خير .. والله يحفظج من كل شر

ونسيت أوصيج ادعي لأخيتج بالصلاح والفلاح

ray يقول...

استكانة حاليا بس حلو ؟

عندي لج اطباق سهلة وايد و لذيذة و طعمها كأنج صارلج أيام تطبخينهم

بس خل افضى

Sowhat يقول...

عمرة مقبولة ان شاء الله و تقبل الله منك صالح الأعمال و غفر لك و لنا ان شاء الله

الطبخ ايام الغربة كان بالنسبة لي في اول ايامه حاجة وفي اخر ايام الغربة صار هواية خذيها كوناسة و ستبدعين

اما عن حياة الجامعة فمعك .. فبعد التعود هذا الأنقطاع المفاجىء صعب شوي .. راح تحنين له لة و بعدين راح تضلين تتذكرين الأيام الحلوة بس
والله يرزقك بأيام اجمل ان شاء الله

موفقة ان شاء الله و تقبل الله

اجار الدين كشمش يقول...

سمي بالرحمن بس ؟

واذا راحت رعشة الخوف

قعدي بالصحن وتاملي البيت
المعمووووووور المبروك

واطلقي العنان للخيال الروحاني
سوف تشعرين باطمانان
غريب وعجيييب وروحانيه
نقيه

واذا خلصتي
لاااااااااا تنسيني بالدعاء
عمره مقبوله

Q8DOLL يقول...

انشالله صباحج دايما خير
ويتقبل الله منج يااارب

الطبخ فــــن
والفـــن حرام عشان جذي موخره عن هالفن ههههههه
يازين الحلو من ايد الحلو موفقه وخوش هبه :)

charisma يقول...

صبااح العسل

وااى استكاانه انا فازعه من صباح الله خيييييير ما ادرى ليييييييييييش
مانى قادره ارجه انام ولاهو زه مطبخ
يعنى شبسوى من الصبح
:/
حالتى صعبه

المهم

اتحنين لذيج الايام اكيييد
بس هم قلتيها هم ومحاتات
ارتااحى يا حبيبتى
استمتعى لالالاحقه على الشقاا والله
شوفينا احنا
مدبسييين ههههههههههه
فزعه من الصبح وكرت ولحق لا اتلحق
وظيم وظلايم الدوامات
ادعى ربج يرزقج بدوام سنع
وانا بدعيلج بعد
:**

وموضوع العمره انا مثلج
ما اتحمل الزحمه
احس يروح الخشوع من كثر ما استاحش من الاوادم
يصير تركيزى مو على العباده على الناااس
اخاااف
://
بس اتلفت واذا قعدتى اتصليين ماكو خشووع من الزحمه والفقصه

يا حلو عمرتنا بس الحرم فااااضىىىىىىىىىى
حتى الكعبه تشوفينها وفااضيه
وبس نممشى ونطوف ونحب
والله الله على منظر الشرووق والغرووب جدام الكعبه
واو يا استكانه
ذكرتينىىى
ان شااءالله الله يكتبلنا وحده جذى
وبالشتا بعد
:)

سمى بالرحمن والله معاج
وتقبل الله
ادعيلىىى
:*

اى شى تبينا من المطبخ حااضر

مساعد يقول...

عمره مقبولة إنشالله و لا تنسين تدعين لنا ..

مو تصيرين من النوع اللي يرجع و يقول إي دعيت لكم على أساس إنج داعية لكل المسلمين لأ نبي دعوة خاصة :)

5roofa يقول...

تقبل الله
و تروحين و تردين بالسلامه ياارب

راح نشتاقلج
وانشالله ماكو الا كل خير يااارب
ادعيلنه
:D

salamz sweetee....

7osen يقول...

بوست صج حلو

كلامج فيه شي غير

:)

دائمأ الواحد يشتاق حق حياته السابقة حتى لو كان مرتاح بالحياة الحاليه

عجبتني جملة
والكتابة على دفتر محاضراتي أفكاري واحاسيسي المبعثرة كل صباح

حسستني بشي عميق

:))

أنا أعتقد إن الأكل نفس مايقولون (نفس)

إذا الواحد حب اللى يسويه وسواه بنفس أكيد راح يطلع لذيذ

أتمنى إنج توصلين لمرحلة كل شي من إيد إستكانة حلو

:)

والله ما أعتقد في أحلى من هالمنظر على الصبح

ما أعتقد في أروع من هاللحظة

الله يتقبل منج إنشاءالله

وعمرة مقبولة بإذن الله

:))



في ناس إذا حسو بشي قادم دائماً يكون أحساسهم بمحلة
وإنتي أكيد من هالناس
أتمنى إن القادم يكون أجمل

دمتي بكل الصفاء

تحياتي لج

ReLaaaX يقول...

محلله يااستكانه

حسافه مالحقت عليج والا جان حطيت لج الاشيا اللي ابيج تدعين لي فيها ;p



يالله ناطرين مغامراتج .. ورايج .. والزحححححححمه ^_^

Shather يقول...

وييه هذا كلاسنا لوووووول



تروحين و ترجعين بالسلامه يالغاليه و لا تنسينا من الدعاء :}

Fahad Al Askr يقول...

تقبل الله طاعتج، واستناسي قبل النوم، تنامين الصبح ماكو شغل

qesat_5ayal يقول...

تروحين وتردين بالسلامة
والله يسمح دربكم

Najmah يقول...

تروحين وتردين بالسلامة يارب

وعمرة مقبولة ان شاء الله

Shaima'a Alkandari يقول...

اسلوب جميل ومميز اعجبنى كثيرا ربطك الرائع

تقبل الله وعمره مقبوله يارب

وكل حاقه من ايديكي طعمها غير واكيد احلا

Kuw_Son يقول...

ما تفقدين عزيز .. أقصد عادة عزيزة
عسى يرزقج ذوقا رفيعا في الطبخ :)
و التطوير بالإحساس و الفن ما يمشي .. أول شي لازم مقادير .. وبعد ما تضبطين
Know how
تقدرين تنتقلين إلى التفنن و الإضافة من عندج

تورحين و تردين بالسلامة .. و تقبل الله طاعتج مقدما

New Bride يقول...

7abeebte 3mraa magboolaah :) enshalah

Q8i_Blogger يقول...

تقبل الله

صراحه ذكرتيني برمضان ... كنت كل رمضان اروح

وقبل يومين اهلي رادين هم

بس الدراسه بره خربت كل شي

يالله تهني بالعمره
ولا تحاتين الزحمه
روحي باب الملك فهد تلقين ثلاث ارباع الكويت يتناطرون اهناك :)

وعلى طاري الطباخ
انا اذا بطبخ ما اشوف لامقادير ولا شي
بس مو عن خبره
عيزاان ومالي خلق ملعقه مادري كوب
احط كل شي على بعض وتطلع شي زين :)

يعطيج العافيه على البوست .. وتقبل الله منا منج صالح الأعمال

الوجد يقول...

الله يتقبل منك طاعتك يا رب

وترجعين سالمه بإذن الله

The Voice Within يقول...

تصدقين

كنت انطر اليوم اللي اتخرج فيه من الجامعة نطره

ويوم تخرجت احس في شي ناقص .. وكاني .. قاعدة اراكظ على الماستر

شيقولون .. مالك الا خشمك !



يالله بالسلامة انشالله وتقبل الله طلعتج مقدما

ANgEL_BaBY يقول...

اي والله الطبخ فن ومحد يفهمه غيري ما خليت شي ما حطيته باالاكل وزين انعرفت بجم شغله وصرت مشهور فيها احم احم

خخخخخ


يتقبل الله منج صالح اعمالج

وتروحين وتردين بسلامه ان شاء الله

و انا لاحقج بعد جمن يوم لووول

ولا تخافين بالعكس استانسي انتي رايحه بيت الله :))

ZoZOta يقول...

عمره مقبوله

اشتقت لج وايد

اشتقت لج من اقصى قلبي

:**

esTeKaNa يقول...

حمودي
~~~~~~
جزاك الله كل خير يا بو جاسم
:)






nescafe
~~~~~~~~~
وااااااي زوقه هالبنيه
حده يزاج الله خير على هالتشجيع الحلو
عيل من الحين بعفس الدنيا ويا مقاديري السحريه
:)
الله يسلمج من كل شر








bin3Li
~~~~~~~
منا ومنك صالح الأعمال
يزاك الله كل خير
:)







neyoma
~~~~~~~
الله يسلمج من كل شر
:)






الدائرة الخامسة
~~~~~~~~~~~~~~~~~
منااا ومنك صالح الأعمال
وانا اشهد ان المناجاة لها شعور آخر
والعباده فيها لذه لا تضاهيها لذه

والله صاج يا اخوي
ما هقيت الامور بهالسالهاله تبارك الرحمن
كل الامور تيسرت وسهالة رب العالمين
الف الحمدلله
:)
الله يسلمك من الشر ويزاك الله كل خير على هالتعليق الطيب

esTeKaNa يقول...

LoyaLty
~~~~~~~~
اللهم آمين يا الغاليه
واجمعين
الفال لج يارب،بغمضه عين راح تحسين انه هالسنين تركض والله
:)
صرتي تطبخين مشالله؟
خوش بشاره علميني
:pP~
الف الحمدلله كانت انتفاضه طيبه
والله يسلمج يا الغاليه من كل شر
:)










2uaLL
~~~~~~~
ياهلاااا ويا مرحبا
اي والله فن وانا اخيتك
مممممممم عزيمه؟
افا عليك
ابشر يا اخوي ما طلبت شي
راح تكون بدايتي وياكم بس انا غير مسؤله عن النتايج
:)
الله يسلمك ما قصرت








Metfa2eL
~~~~~~~~~~
منا ومنك يزاك الله خير
:)







جنون احساس
~~~~~~~~~~~~~
يزاج الله خير يا الغاليه
وابشري بالمواقف والسوالف
بصك راسكم
:)
وتقبل الله منا ومنج صالح الأعمال






عاشه
~~~~~~~~~
يزاج الله خير يا الغاليه
:)

esTeKaNa يقول...

q8_diver
~~~~~~~~~~~
علينا وعليك يا زميلي العزيز
اشلونها الراحة وياك؟
احس رمضان غير هالسنه
:)









محاره
~~~~~~
هلا وغلا بالشيخه

اي والله النفس الحلو يخلي حتى البيضه غير صاجه:)
اللهم امين واجمعين
ماقصرتي يا الغاليه








ray
~~~~
ايييي افضي افضي واخذي فيني اجر
:)










sowhat
~~~~~~~~
اللهم آمين واجمعين يارب
:)
يا سلااااام على الهوايه
عاد تصدق انا وايد ذقت طباخ ريايل وغالبا ما كان لذيذ
يعني التعيق الياي لو سمحت نبي جدر صغير منك نبي نذوق
:)










اجارالدين كشمش
ّ~~~~~~~~~~~~~~~~
شنو هالتعليق الحلو؟
قرايته بس تشرح الصدر
يزاك الله خير ومنا ومنك صالح الأعمال يارب
:)

esTeKaNa يقول...

q8DoLL
~~~~~~~~~
يا علج دوم بخير وعافيه قولي آمين
:)
ههههههههههه
واي وجهه نظرج صحيحه
اشوه انج نبهتيني قبل لا احترف بهالمجال
:Pp~








Charissma
~~~~~~~~~~~~
هلا وغلا يا ويه الخير
واي حالتج مثل حالتي الحين
يايه من العمره تعبانه قطيت روحي نمت وقعدت بوقت مو حلو
كلش مو وقت قعده:(
تصدقين يا كريزما كنت وايد احاتي
بس عقب ما رحت واله غيرت رايي
العمره بكل وقت حلوة بس عمره رمضان والله لها طعم ثاني
كافي قعده الحرم قبل الفطور
وما بين المغرب والعشا
والزحمه تشوفينها بس بالتلفزيون بس كنتي فيها وركزتي على احساسج بالراحة والعمره راح تنسين كل التعب
:)
ويا بعد قلبي عسى عمرج طويل
بس دخليني دورات طبخ عندح يا ابلتي
:pP~










مساعد
~~~~~~~~
ياهلا ويا مرحبا والله
منا ومنك صالح الأعمال
والله الله يعلم دعيت لكل من وصاني
وخفت انسى
فدعيت لكل المسلمين والمسلمات عشان ابري ذمتي
:))
تنور بكل تعليق يا مساعد









7osen
~~~~~~~
حلت دنياك والله
هذا شئ مما عندكم
:)
فعلا الانسان دايما يشتاق لحياته الماضيه رغم انه ما كان يحس بقيمتها في وقتها سبحان الله
!!
وتلك الكتابات يا حسين كانت فعلا غير
كانت تعكس احساس صباحي
شفاف بافكاره
ورقيق بكلماته
استغرب كلما قرأتها مرة اخرى
:)
اتمنى انا ايضا ان يكون القادم دايما اجمل
شكرا لمرورك الجميل اخوي











reLaaax
~~~~~~~~~
هلاااا بالريلاكس كله والله
افا عليج بس
يا ليتج معطيتني القائمه بس
يالله ان شاء الله اليايات اكثر
:)
وبشري باللي بكتبه
في بالي اكثر من سالفه وسالفه
الله يعينكم

esTeKaNa يقول...

shather
~~~~~~~~~
يا زين الشذري والله
يا هلا ويا مرحبا
الله يسلمج من كل شر
:)









فهد العسكر
~~~~~~~~~~~~
منا ومنك
وفعلا قاعده احاول اتمتع بالبطاله بقدر المستطاع
:)








qesat-5ayaL
~~~~~~~~~~~~~
يزاج الله كل خير
:)









najmah
~~~~~~~~
يزاج الله خير
ومنا ومنج صالح الأعمال
:)














شيما الكندري
~~~~~~~~~~~~~
شكرا لاطرائك الجميل
:)
منا ومنج صالح الأعمال
واذا ضبطت الطبخات شكلي بقدم لكم هني حلو بالدشه والطلعه
:)

esTeKaNa يقول...

kuw-son
~~~~~~~~~~
يا سلاااام
شكرا على هالنصايح
افهم من هذا انك طباخ محترف؟
:)
منا ومنك صالح الأعمال يزاك الله كل خير








new_bride
~~~~~~~~~~~~
mna o mnch
thank u
:)









q8i-blogger
~~~~~~~~~~~~~
منا ومنك صالح الأعمال ان شاء الله

ياربي الله يرزقك على نيتك
ويوفقك بدراستك
وما يقطعها من عاده عمره بكل رمضان لك ولاهلك قول امين
:)
واي ضحكتني على باب الملك فهد
صاج والله نمشي ونسلم ما شاء الله
!!
وعلى طاري المقادير
انا صج صج اتأزم من 2 جرام
و3 لتر
احس ما يدخل مخي
لازم يقولون لي كوبين قفشتين
pP~
حياك الله ومنا ومنك صالح الأعمال يارب

:)














الوجد
~~~~~~
يزاج الله كل خير يارب
ما قصرتي
:)












the voice within
~~~~~~~~~~~~~~~~~~~
اصدق والله
عندي وعندج خير
اول انطر التخرج واقول ما فيني دراسه بعد كلش
والحين رايحة راده على التوفل والله يفتح علينا جميعا بالماستر
ويوفقج يارب
:)
















ANGEl-baby
~~~~~~~~~~~~~
ياهلا ويا مرحبا
مشهور بالطبخات؟

يا سلام يا سلام
يالله لو سمحت علمنا وومنكم نستفيد
:)
الله يسلمك ان شاء الله
ويبلغك لانه صج العمره برمضان عجيبه
الله يسهل دربك










zozota
~~~~~~~~~
يا بعد قلبي قلبج المشتاق والله
:**
منا ومنج صالح الأعمال
:)