السبت، سبتمبر 08، 2007

تلفزيون وصور

على غير العاده اقضي سهرتي انا ولاب توبي بمقابل التلفزيون
اقلب من قناة الى قناة تمضيه للوقت :
.
.
اقف عنده،شاعر أحببت كلماته واسلوب القائه
الاصبوحه او الامسيه كانت بالكويت لكن قبل فتره ليست بقصيره
يقطع اندماجي بالكلمات انتقال الكاميرا من الشاعر الى الجمهور
الجمهور:
بنات لابسين بوالطو اكبر من احجامهم الحقيقيه والكتافيات لي السما
تنانير بليسيه كسرات كسرات كسرات الى ماله نهايه
والحجابات مثلثه من فوق،والظاهر كل ما صارت مثلثه اكثر كل ما كان اجمل وارقى
واطراف الحجاب على طرفي الكتف بشكل متعاكس
!!
البنات السفور ماكسي فرنسي لي نص الساق،تاج بكل ما تعني الكلمه من معاني
وبووووكله
بكله من صج فيها فن
والشعر ملفف،و غالبا مو مسشور
التغير في الزمن واضح بشكل كبير بالبنات،ولكن هذا لا يعني انه الشباب مو مبين عليهم
مبين من الشوارب الكثيفه،الظاهر كانت موضه معلمين الشوارما،
حسيت الكل يشبه عبدالله الرويشد على زمانه
هل سنضحك على صورنا بعد سنوات؟
اناظر الصور القديمه، لعائلتي واضحك:
نظارات ناديه لطفي اللي هبو فيها
الشارلستون اللي عذب شباب السبعينات
الحمره البرتقاليه والالوان التعبانه اللي هبو فيه
حجاب بو ربطه
وابتسم مع اسئلتهم الاستنكاريه:
اشلون لبسنا جذي؟
اشكالنا تضحك بس كنا حاسين انه قمة الكشخه
:)
اما صور طفلوتي، يا سلااام يا سلام
تنبض براءه ولو اني اكسر خاطر نفسي كل ما شفت عيوني مسحوبه مع شعري
وعجفه فيها ملونتعش شريطة وشباصه
صور المراهقه.،لا تعليق،.صور بنت انا ماعرفها بس تشبهني شوي
:D~
.
.
.
شئ آخر:
سمعت من صديقه يشتغل قريبها في التلفزيون ان الجلسات الغنائيه في التلفزيون مربحه للبعض
البنات الجالسات كل واحده محنيه ايدها وتتمايل يمين وشمال يعطونها خمسين
والشباب الي قاعد غير
واللي يرقص غير
واللي يفتر غير
كل ما زاد الرقص زادت الفلوس اللي يعطونه
!!استكانه لا تحترم رجل يرقص ويستهبل
المهم اني جابلت التلفزيون واحسب حق هالشياب اللي يطقون رقبه
واللي يرقص ويفتر يفتر ويستهبل بجم حركه ويقعد
واحسب..هذا خمسين
لا لا هذا ميتين عطوه
هذا اظنتي هز ميزانيتهم من رقص رقصه
استغفر الله،ياربي لا تبلاننا
ما يستحي من نفسه اذا شاف نفسه يرقص اهو ودشداشته وغترته بالتلفزيون؟
واخزيااااااااااااااااااااااه بس
.
.
.
كل من يغني
كل من حاط له قناه ويوعدنا بمسلسلات ومسابقات وسهرات
هل هذا الاستعداد لشهر الطاعات؟
الله يهديهم و يهدينا يارب
والله يعينا على الطاعه
.
.
.
شنو بسوي الحين؟
بصك التلفزيون
وابدي ساعة القراءه
تمسون وتصبحون على خير

هناك 58 تعليقًا:

Very.Q8ya يقول...

Awal shay LOOOOOOOOOOOOOOOOOOOOOOOOOOL!!!!
AMBAIH!! yebteeeeeehaaa loool wayyyyyy il 3ayla ilkareema kilhom kanaw yistakhdimoon il Natharat ilno3 il kbeeeer illi ygha6y nis ilwayhhhhh lool, bs tara kanaw il3oMoom habbeeen feehaa, fa ilwath3 kan 3ady 3indehom

o 3ala ashkalna ayam ilmorahaqa?? ambaaaaaaih qimat ilta3asa loool way 3ala shaklee ayam il morahaqa, mn kither maa il soora tfasheel o ta3eesa, tasawaray ekhty t'hadeedney feehaaa .. tgol bwareeha zooj ilmostaqbal LOOOOOL


wayyyyyy nafs tafkeery! thak ilyoom agol, y3nee 3ogob 20 sina, raa7 ath7ak 3aalaa 3omry il7eeen????
ma yindara!

thanks 3al post 7adda mawatny mn ilth7ek LOL ya36ek 109312093 3afya:*****

Fahad Al Askr يقول...

وإنتي من أهله

عبدالله الظفــيري يقول...

كل عام وانتم بخير :)

Q8DOLL يقول...

حبيبتي استكانه
ضحكتيني ورجعتيني ورااااااا
من جم يوم شفت مسلسل بعد
الظاهر كان ايام التسعينات
الله يا كثر الشوارب
وياكثر الشعر اللي بالويه
صج شنب يوقف عليه التيس لوووول مادري اطير
اللي فيهم وحده صح

سوالفج حلوه وايد
قلت لج ضحكتيني وبنفس الوقت خليتيني اسرح
وشكلي بطلع البوم قديم وبطالعه بعد
:)
كلش ولا اتييبين سيرة ايام المراهقه
ياكثر ما الواحد كان لاهي بعمره
ووايد تراجيديا
ليش مادري


سالفت الترقص
والله ياعمري صاجه
انا اكره الريال اللي يقعد يهز خصره والا يستهبل
وفي بعضهم يندمج ووده ينسدح بالارض ويتحدا دينا بالرقص
أما البنات فلا تعليق الا شي واحد
ابوها والا اخوها لما تطلع بالتلفزيون يقول هههه شوفوا هذي اختي ؟؟
اللهم لا شماته

الله يكون بعونا هالرمضان ويتقبل الله صيامنا
كل عام وانتي بخير
:)

Broke يقول...

أحلى شي لما الواحد يطالع صوره القديمة و يضحك عليها

احنا كل جم شهر نطلع لنا فيديو قديم
و نحطه بالزوارة حق الطماشة .. آخر مرة شفنا فيديو أيام الغزو ..شيء لا يصدق

:D

::

اما عن الرقص

وحدة من بنات عمي .. كل عيالها من صغيرهم لي كبيرهم .. محترفين بهالسوالف

كل ما شافتهم يرقصون قالت : الحمدلله .. لو تطيح أسهمنا .. و تنزل اسعار العقارات .. ما راح يطقنا الفقر .. عندي سيرك متنقل

LOL

و فعلا هالسوالف تدر فلوس

:P


و اذا عل الجلسات الكويتية ..انا ما استنكر الشباب ... أبداً
بس الشياااب ..مأساة .. لي زفن و قام يفتر .. و يطق اصبع .. يضحكون بس كلش مو تكانة

الدائرة الخامسة يقول...

صبحك الله بالخير .. استكانة
موضوع روعه .. كروعــتك
استوقفتني آخر الفقرات ..
وكما يقال .. آخره مسك
ولكنة مسك فيه ألم
وهو التوجة للمسلسلات الرمضانية والتي اصبحت النائب الرسمي للشياطين التي تصفد في رمضان
وما يؤلمك تلك الجرئة في الطرح وتخصص في تدمير قيم المجتمع وتشوية صورة المجتمع الكويتي
واخر البلاوي مسلسل اسمه الوزيرة يتكلم عن العلاقات الشاذة بين الرجال ,, ومسلسل يتكلم عن طائفة الشيعة بأسلوب طائفي .. وغيره كثير

تحذير رسمي : المسلسلات الرمضانية سبب رئيسي لأمراض القلببية من غفله وبعد عن ذكر الله .. ومسببة لضياع الاجر في رمضان .. ننصحك بالابتعاد عنها

ZoZOta يقول...

استكانه

والله ما امل من سوالفج

حسيت اني قاعده وياج

جبال التلفزيون

ونسولف ونضحك على تعليقاتج

ذكرتيني بوحده الله يرحمها

والعمر كله لك

هذي سوالفنا تالي الليل

وساعات تليفون

سوالف خرابيط

ونضحك للضحك وبس

وبعدها نترك بعض

عشان نلتقي يوم ثاني

مع سالفه يديده

اليوم سوالفج ذكرتني فيها

:*

loyalty يقول...

احسن شي سويتي انج سكرتي التلفزيون وقعدتي تقرين :P

أما الصور فمهما كانت "مضحكة " تظل غالية ولها قيمة كبيرة :)

New Bride يقول...

loooooooooooooooooooool

tha7aktneeee walah hehehehe
امبيه اذكر موضة الحجاب انه كل نا زنطتي نفسج كل ما صار ستايل
لوووووووول

انا معاج ما احب الريال اللي يرقص اصلا ما اقدر اطالع السهرات هذي

و استعدادت رمضان و الله تضيق الخلق انا صار جم سنة ماخذه قرار اني ما اتابع و لا مسلسل برمضان و انشالله السنة بعد

و بس
مبارك علج الشهر مقدما

غير معرف يقول...

استكانة يرحم والديك لا تذكريني بالصور
القديمة هههههههههههه

من كم يوم كنت أشوف بعض الصور

مأساة

لو ما أدري اني أنا كنت قلت انها صورة
لأحد أطفال العقد الثاني من القرن العشرين

bin3li يقول...

صباح الخير
غيرتي المود مالي الصراحة :)
ضحكت ضحك على الوصف
صدق و الله هبات هبوا فيها ذيج الأيام
ما أدري من وين يابو الجرأة هذه

و فترة المراهقة طافت عندي بدون توثيق، يمكن صورتين ثلاث و بالزور
كنت أكره أتصور و أعتقد إني زين سويت

و الله حتى ألحين ما أحب أتصور

الله يهداج ألحين من يتابع مسلسلات في رمضان
ألحين نحن نتابع دعايات مع فواصل مسلسلية

شكلي بتابع فريج و شعبية الكرتون
و بش :)
و لي خطتي الخاصة في رمضان مختلفة عن كل رمضان مر علي

Kuw_Son يقول...

صباح الخير مع رشفة استكانة جاي في المكتب الصبح :)

أنا أتعجب على هاللي يترقصون بالمسلسلات !!

بالله هذا لشافه ولده بعد جم سنة شيبقول عنه !!؟

والله عيب !

الحمدلله على العافية

Smarties يقول...

LOOOOL ضحكتيني من صباح الله خير!
اول شي هذة اول زيارة لي، وان شاء الله ما تكون الاخيره. اما موضوع الصور هذاااا فأنا كل ما افتح ألبوم صور قديم في بيتنا انسى عمري واقعد اتصفح واضحك على موديلات ايام الثمانينات والسبعينات!! وصج الله يعين شنو بتكون التعليقات علينا بعد 10 سنين!

وترى التلفزيون هالايام مافيه شي يسوى، مافيه احلى من القراءة قبل النوم.. متعه!!

وتصبحين على ألف خير :) وصباح الخير!

Expatriate يقول...

I second you.

By the way, what books are you reading lately ?

عثماني يقول...

مساج الله بالخير اخيتي استكانة

مشكلتي ان هناك فترة من عمري لم يتم توثيقها بالصور

و احمد الله على ذلك

:)

بالنسبة لي .. انا لا اشاهد التلفزيون في رمضان بتاتا البتة

و انصح الجميع ان يحذوا حذوي

و شوفوا متعة رمضان بدون تلفزيون

shakshaka يقول...

loooooooooooooool estekanoo! akeed ana wa7yeetlich eb hal post 3ugb el farrah?:P mo minich wallla min hawl masema3tay thak elyom mn farra wo elkhetameya bel tekewed 3al arth LOL! wa3alayaa 3ala elshayeb ambaaih a7es hathoool turaath tara a7ebhum;p ana gayla eb 3ersi bayeb ferqat el tv:P hehehehehe wo 3la 9warrrrna awal ambaaaih 7adith wala 7araj:P ana gayla 7ag ommmy shlon kintaw e6al3oooni wiyakom? omi etgoli haw mafech shay esh7alatich kentay 9ej 9ej 9ej athbetat maqolat elshathy eb3ain ommmah ghazal:P

mtfa2el يقول...

انا من الحين اضحك على صوري اللي قبل سنة
عقب عشرين سنة شبقول ؟؟
و منو الفاضي يشوف تفاهات لمياء طارق ولا براطم شيماء ولا ملاقة زينب العسكري ولا مصاخة حليمة بولند

محـــــارة يقول...

هلا ووووين .. أي وربي صدقتي يا خزياه بس شايب شكبره يترقص ويناقز عيب شخليت لليهالوه مادري

والقنوات أكثر من يتفصخ وأكثر من يحط مسلسلات منحطه راح يقوم سوقها

مادري البلا فيهم ولا فينا وبالبشر الي تشجعهم ؟؟؟

وعلى طاري الصور ليش تروحين بعيد الحين جناط ماركة قبل سنتين هبينا بالحجم الصغير الحين ويع شخباري وقامت البشر تشتري جناط جنها لهدوم اليهال .. عاد يقولون لج الكولكشن اليديد قام يصغر

واحنا ياريحين ياردين الله يهدينا بس

5roofa يقول...

loooooooooooool

امبي انا اطنز على عماتي كانو نفس الحركه حجاب بووز
ولا فالينه و كل ما صار طويل كل ما كان احلى
و النظاره لي الحنج
لووول عنيييييف

طبعن الطفوله تهبل عندي
المراهقه
وعععععععععععععععع
وع
وع
وع
وع
استغفر الله كل ما شاوف نفسي اقولهم انتو ليش تيبون خدم صغار اول
لوووول
:p

بس الذكريات حلوه والله
و على التفزيون لا تعلليق لوول ملينا واحنا نعلق

salamz sweete...

Sn3a يقول...

الصور القديمه فلم
وكل ما اهلي وخصوصا من البنات يطفروني
اهددهم بنشر صورهم لأهل ازواجهم
وانا صوري قمت اعدمها
شكلي فلم
وخصوصا ايام العيد لما كنت بيبي
كشاااكش
اشوف الصور احس النفنوف ثقيلي
والشباصات والدلاغ اللي غالبا دانتيل وورده عالجنب

يعطيج العافيه خوش بوست

Hamoora يقول...

هههههههههههههههههههه

no comment



كل عام وانتي بخير
وعساج عالقوة

qesat_5ayal يقول...

مساج الله بالخير
:)

استكانة لاحظي ان كل موضة قاعدين يردون عليها

الشباب لما ينفش شعره ويكون مفلفل

نفسها كانت موجوده قبل

حتى لو كنا مو متقبلينها
:)


الذكريات حلوة
ولما نضحك عالفيديو
ولا على الصور
ويصير ويهنا أحمر من الاحراج

ههههه

ذكرتيني
بقول حق خالتي
تييب كل أشرطة الطفولة
المحتفظة فيهم عشان نشوف الخافي
:)

بنت الكويت يقول...

كلش ولا اناقة قبل لا ما ارضى عليها لوووول

لما اشوف صور قبل ولا افيديو بس اضحك
صج كنا ماخذين مقلب بنفسنا

والي يرقصون الشباب شوي اهون من الشياب الي يقوم يهز

ولا تنسين ان رمضان موسم مربح لمثل هالشغلات
وللاسف هالاشياء تلهي الناس عن هالشهرالفضيل ومافيه من عبادات وطاعات

ومبارك عليج الشهر مقدما :)

SolaimaN يقول...

صور المراهقه.،لا تعليق،.صور بنت انا ماعرفها بس تشبهني شوي

kaaaaaaaaaaaaaaaaaaaaaaaaaaaaak

والله مت مت مت من الضحك ،، تصدقين استكانه

حطيتيها براسي ،،شكلي بحط صورتي وانا صغير ، بس الخوف لا احد يطيح علي

:P

واااااااااااااااو قمه الفكاهه

قاعد مخدي هالنمونه وعيني على الفلاش

PearL يقول...

لووول ضحكتيني استكانة

قاعدة اقرا البوست وامي يمي
قاعدة اعايرها بأيام البكلة والتااااج


لوووووول

امبي لا الصور مأساة
عشان جذي احب لما اصور اكون سمبل

عشان لا انصدم بعد جم سنة

صوري وانا ياهل وايد كنت كيوووت

بس ايام المراهقة حدث ولا حرج

اول شي سويته قبل ما اتزوج اني خذيت كل صور مراهقتي و حطيتهم بتجوري و قفلت عليهم
عشان اخوي ما يسوي فيني دقة و يوريهم حق ريلي :))))))


بس حتى لو شكلي كنت راح اضحك عليه بعد جم سنة
بس امووووت بالتصوير

===


اما عن سالفة اللي يرقصون
ويييييييييع

يأرفوووووني

khaled يقول...

علي سالفة الموضه القديمة
ياكثـر الأحـراج اللي فيهم من الحركات اللي كانت ماله داعـي :)

امـا اللي يتمايلون ويترقصون مانقول الله يعطيهم العقـل الصاحي ولكـن يبررون الحاجة بأسهل الطرق :)

وسالفة المحطات ماخذين شـرة قبل خيـرة ويالله المستعان

:)

esTeKaNa يقول...

very.q8ya
~~~~~~~~~~~
ياهلا ويا مرحبا
اذا عموم العايله معناته الله يحفظم وايد كانو انيقين ومتابعين للموضه
:Pp~
وااااي ديري بالج من هالتهدديد
ترا زايدين علينا
انا تخيلي عندي جنطه كامله يا ليت بس صور،لا صور ورسمات خربوطيه اوقع تحتها غير كتاباتي الفذه والنادره كلها مخشوشه عند عمي اللي متوصي يهديهاحق زوج المستقبل يا حسرتي
LOOOOOOOOOL:D~
الله يعافيج وحياج الله
وايد ونسني اول تعليق منج
:)

esTeKaNa يقول...

fahad aL_askr
~~~~~~~~~~~~~~~
شكرا
:)





عبدالله الظفيري
~~~~~~~~~~~~~~
وانته بخير
:)







q8doLL
~~~~~~~~
Loooooooool:))
الظاهر كان موضه ذاك الشنب حزتها
قمة الرجوله
:)
حلت دنياج يا الغاليه قولي آمين
وحالتنا حاله ايام المراهقه ،انا كان عبالي بصير كاتبه كبيره فكنت اوقع على كل شي اكتبه واخشش بهالدفاتر
شي شي
خرابيط مالها اول من تالي
لوووول
عدل والله كلامج
وكل العمر وانتي بخير
حياج الله
:)

esTeKaNa يقول...

broke
~~~~~~~
واي بروك افلام الفيديو ظيم وظلايم
عندنا جم شريط بس التوب عندنا ثلاثه
عرس خالي وعيدميلاد بنت خالتي
وزواره العيد
!!
انا وبنات خالتي كبري احيينا الحفلتين
لوووول
الحمدلله بس اللي ربي من علي بالهدايه ولا كانت البدايه خطيره يا بروك
رقص ونلفح بعد
:D~
LOOOOOOOOOL:)بنت عمج بدعت
اشوة مستقبلها مظمون
وصاجة كلهم كوم والشياب شي ثاني
يالله حسن الخاتمه
:)






الدائرة الخامسة
~~~~~~~~~~~~~~~
يا مسا الروعه
ياهلا ويا مرحبا
شكرا وجزاك الله كل خير على هالكلمات والنصيحة القلبيه الطيبه
ان شاء الله بميزان اعمالك
:)








ZOZoTa
~~~~~~~~
يا بختي والله دامج ما تملين من سوالفي
ايييي يا ليت معاي احد يسهر ويسولف
مرات احس هالليل طويل
ممل
وانا بروحي
غير اذا معاج احد تسولفين وياه وتكركين
:(
الله يرحمها يارب ولا يحرمج من حبابيب قلبج

esTeKaNa يقول...

loyaLty
~~~~~~~~~
hehehehe:))
تصدقين من كنت ياهل ماعرف اندمج وانا اشوف التلفزيون
امل
:)
وفعلا دايما الصوره تكون غاليه












new BriDe
~~~~~~~~~~~
looooool:)
كل ما زنطتي نفسج
وكل ما صار طويل على جنب
هني تكون قمة الجمال والستايل
واي نكسر الخاطر
hehehehehehe
علينا وعليج والله يعينا على صيامه وقيامه يارب
:)











anon.
~~~~~~~~
LOOOOOOOOOOOOOOOOOOOOOOOOL:))
اطفال العقد الثاني من القرن العشرين
واي صج ضحكتني
:)
الصور عجيبه
المشكله مو فينا ،المشكله بالاهل اللي كانو يتحلون علينا وطايرين فينا
يا حافظ سنعونا شوي
:pP~

Sowhat يقول...

عاد تدرين كنت اشوف صور قديمة قبل كم يوم و فطست ضحك

اهيا الوان ولا طريقة لبس

المشكلة مثل ما قلتي كان وقتها حلو فأتوقع راح نضحك على نفسنا بعد 15 سنة

وعلى طاري البنات كل ما شوف حفلة بالتلفزيون ولا فيديو كليب لازم اقول هل الكلمة

هذول اشكالهم خليجيات ... ماعندهم اهل ؟

اما الرياييل فالي يهزه هز صراحة مادري شقول عنه بس الحمدالله و الشكر على نعمة العقل


سؤال فضولي :)

شنو كنتي تقرين ؟؟؟
اذا شي خاص مو لازم تجاوبين :)

esTeKaNa يقول...

bin3Li
~~~~~~~~
يا مسا الورد يا بن علي
تغير مودك من هالبوست؟
ايواااااا
خوش انجاز يا استكانه
:Pp~
يا عسى دوم رايق ومرتاح قول امين
وزين سويت ما وثقت،انا لي يومك يا بن علي ما احب التصوير
ماعرف ابتسم ،ولا اطالع الكاميرا
:(
شنو خطتك قولنا خلنا نستفيد ونتبعك
وكل عام وانته بخير
:)









KUw_son
~~~~~~~~
يا مسا وصباح الهنا
يعطيك العافيه
:)
تصدق انا وايد افكر مثلك بهالشي
شنو احساس عيالهم؟
الابو والام دايما يكونون قدوة
على الاقل بعيون عيالهم
الله يهديهم ولا يبتلينا يارب










smarties
~~~~~~~~~~
شنو احساس الانسان لما يفتتح يومه بضحك؟
احس احساس لذيذ
:)
حياك الله وهذي الساعه المباركة
بعد عشر سنين؟
امممممممم
اكيد بيضحكون عيالنا
وبيضحكون اكثر اللي كانو امهاتهم يلبسون حجاب بو قوطي واباهاتهم موقفين شعورهم جنهم دياجة
hehehehehe

esTeKaNa يقول...

expat.
~~~~~~~~
انا بوضع غريب
اقرا ثلاث روايات بوقت واحد
من كل شي شويه:
اعترافات غايتشا
فسوق لعبده الخال
محبوبات لعاليه ممدوح
:)








عثماني
~~~~~~~
هلا بعثماني هلا
عيل تقول ما وثقتها؟
صج كان عندك بعد نظر
انا متحسفه اني كنت كاشخة بكل صورة جماعيه على غير سنع
:)
والله زين تسوي برمضان
لله يثبتك يارب ويتقبل منا ومنك صالح الأعمال






shakshaka
~~~~~~~~~~~~~
LOOOOOOOOOOOOOOOL:))
واي ماني قادره اكتب لج شي
تعبت وانا اكركر
يا ملهمتي يا انتي
:))
الشياب تراث؟
تدرين اي شياب؟
اللي يفتتتتر يفتر
ويزفن
ويطق رقبه واصبع
وينه وين التراث يا حسرتنا جان هذا تراثنا:)
عرسج فرقه التلفزيون؟
اي اي انا بيي
وبهديج اغنيه غزال بزاله تحقرص تمقرص
وبردح وياج احتفالا فيج
طبعا بكون معزومه
:pPp~
LOOOOOOOOOOOOOOOOOOOOOOOOOL:))
انا امي حبيبتي كان عبالها كل ما سحبت شعري كل ما صرت احسن
واله وكيلج جني يابانيه عيوني مسحبه
تغيرت ملامحي من هالعجفه الله لا يعود الشر
:))

esTeKaNa يقول...

Metfa2eL
~~~~~~~~~~
مسا التفااؤل يا هلا
اي والله صاج عقب عشرين سنه اذا ربي عطانا عمر شنو بنقول
:)
مبارك عليك الشهر






محاره
~~~~~~~
اي والله عيب
!!
يالله حسن الخاتمه ياربي لا تبلينا ،بعد ما ندري شنو يصير فينا على كبر
:)
وعلى طار يالجناط ضحكتيني
اول اذا شلت جنطة كبيرة شوي تقولي امي بتنامين بالشاليه؟
ولا بجنطتج ياهل؟
الحين الكل يشيل كبير
وقبل قبل كانت الجنطة صغيره حتى البوك ما تشيله
اله يستر ويا هالموضه
:)










5Roofa
~~~~~~~~~
واي لا تقولين خدم صغار
كسرت خاطر نفسي
لوووووووووووووووووول
اي كانت الموضه حجاب عماتج بو بوز
وحجاب عماتي مثله
فالوضع كان طبيعي
:))

esTeKaNa يقول...

sn3a
~~~~~~
يا مسا السنع كله
استانست وانا امتب نكج سنعه
الله يزيدج سنع كمان وكمان
:)
واي موتنيي من الضحك على الدلاق الدانتيل والورده على جنب،الظاهر انه من نفس الجيل انا بعد كنت البسه
لوووول
بس مالج شغل فيهم
دانتيل وورده
يعني قمة الرقه والانوثه
:)









hamooora
~~~~~~~~~~~
يا زين الهوامير اللي تكركر
:))
وانتي بلخير وصحة وسلامه
شكراا








qesat_5ayaL
~~~~~~~~~~~~~~
مساج الله بالنور والسرور
صاجة والله
انتي بس شوفي الافلام العربيه اول
البف
التسريحات
النفانيف
كلها ردينا عليها الحين
ويالله شوفي الافلام وسولفي لنا
:)

esTeKaNa يقول...

بنت الكويت
~~~~~~~~~~~~
اي والله موضه قبل شي عجيب
:)
علينا وعليج
عسى الله يتقبل منا صالح الأعمال يارب








solaiman
~~~~~~~~~~~
تكركر سليمان؟
تضحك علي هاا
@@
انا اضحك على روحي
بس انته لا تضحك علي
:Pp~
اي اي سليمان اطالب بهالصورة
صورة اللي طايره عينه بالفلاش
لووووول
سليمان انا كله ميته من الضحك
ابي صورة مبتسمه ماكو
لي يومك
كله الكشره من هني لي هني
تشوف الصورة تقول يا حليلها هذي مبين فرحانه
على شنو مادري
HEHEHEHEHEHE







PearL
~~~~~~~
هلا باللولو والله
لوووول
اي اهم شي البكله
حتى المتحجبه تطلع لها بكله
متعوب عليها قبل
:)

وزين تسوين ،انا شكلي بعد بدور لي تجوري احط فيه الصور
:))











KHaLeD
~~~~~~~~
عدل كلامك
:)
شكرا للمرور
ومبارك عليك الشهر

esTeKaNa يقول...

Sowhat
~~~~~~~~
ياهلا ويا مرحبا
تهقه بننطر 15 سنه عشان نضحك؟
انا من الحين اضحك على صوري قبل جم سنه
:)
وانا مثلك وايد اتسائل على البنات
ما عندهم اهل؟
ما عندهم حكومه وسلطات عليا تخز
وتزف
وتقول لا واي؟
الله يهديهم يارب
اما سالفه القراءه فافا عليك ما طلبت شي
بقولك شي بس لا تضحك علي
قاعده اقرا 3 روايات مع بعض
مادري ليش:
اعترافات الغايتشا
وفسوق لعبده الخال
ومحبوبات لعاليه ممدوح
والروايه الاخيره قمة بالسخافه بس مادري ليش قاعده اقراها
:))

SHAHAD يقول...

ههههههههههه
أما سالفة الصور والذكريات العجيبة
ما اقول إلا يحليلنا بس
لما اشوف صوري ، اقول لأمي ليش جذي
أمي ترد شفيج هذي الموضه حزتها
لوووووول أشكالنا عجيبة
.
.
أما الترقص
حده مو شي ريال بطوله وعرضه يتهزز بشاشة التلفزيون جدام كل خلق الله
.
.
القنوات الحين بسباق منو يعرض مسلسلات أكثر
الله يهديهم

بوست جميل
استمتعت فيه حيل :))

Ealaf يقول...

ههه شدتني فقرة الملابس القديمة
نفس السؤال دائمًا يدور في ذهني

هل سأضحك في المستقبل على ملابسي ؟

.
.

شكرا عزيزتي على الموضوع والفقرات الجميلة استمتعت بها جميعها

Barrak يقول...

فيه واحد بسهرة الطرب الاصيل يطامر من اول اغنيه لين اخرها هذا شكله صار عنده ملايين

DUBAI يقول...

LOOOOOOOOOOOOOOOOOOOOOOOOOOOOL

Shia wa7d aSmrany '63eef Dom Yrg9 fel YlSaaat ely etSweeHa qnaaT ilKuwait,,

Hatha Shaklh Malyon y36ONH lole

9edgCh 9wer aWal Lo nShofeha,Ngol 6waaLy a5ee Mib 7elwa ..wla 3ngaaSh LabSeen..o b3dha Bsneen nShof al7een Lee LbsnaaH 3ngaSh : P

Hay ednya : )

Rm'9an embaark 3laikm : )

hamdool يقول...

The best thing to do
is not to WATCH TV!


Gabel kan wayed easy ..
agoom a7e6 KTV1

w ag3ad .. la remote wala
ako channel thanya ghair KTV2
w i know meta mosalsalat'hom!

w bel r6ooba te6la3 UAE
aw el Bahrain aw KSA !!
wel akheera ma feeha shay!

ya3ny el 7ayat wayed as'hal
w b3eeda 3n el ta3qeed!

al7een shad 3athaly bel finger
mn kether ma nghayyyer el channels!

مبارك عليكم الشهر

Shather يقول...

hehehhe

caaaan u hear my laughter!!!;p

ashkalna ayam gabel bed3aa !! ashof shakle agool 7g omme 7raam 3leekom :( leesh emhawleen fena !?

tgole bel3ax a9lun awal elkel yes2l 3n kashkhatkom LOL

kashkhat ayam gabel qe99a

2 u ALL يقول...

الله على ذيك الأيام الجميله ..!! الشرلستون والكشيش والقمصان المخصره ..!! لبنان أيام قبل ..!!مصر أيام قبل ..!! الدنيا الجميله ..!! الحفلات الرحلات والايام الجميله في الجامعه ..!! جان زين يرجع ذاك الزمان ..!! ذكرتيني بالي مضي وهيجت المواجع ..!! أشوف الصور أراجع الرسائل ..!! سنين مرت وراحت ..!! مبارك عليك الشهر ويعوده عليك بصحه وسلامه ..!! أما الماضي الجميل فللحديث بقيه ..!!؟

حسام بن ضرار يقول...

العبد عن التلفعيون سلامه
للعين و العقل

و كل عام و انتم بخير

ray يقول...

استكانة

صاجة والله ... صورهم كانت مأساة و هم صغار

أكثر شي يقثني حجاب بو ربطة اللي مغطي اليبهة كلها و طالعة منه نظارة كبيرة

يحلوهم والله , على الأقل مسترات

ReLaaaX يقول...

looooooooooooooooool

لاااااااااااااااء تكفيييييييييييييييييييييييييييييييييين

لااااااااااااا تذكريني يرحم لي والديج لااااااااااااااااء

looooooooooooool
--

الحين يسسسسلمج شوفي المسلسلات اللي بسنة 2000
و
2001

- وهلما جرا --> عجيبة ;p -


والله تححححححححححف .. شوفي بس البكل وقعدي ضحكي .. مره مجابلين مسرحية ام علي يااااااااالهوي !؟ شهالهوايل ياربي

والحين يحطون محظوظه ومبروكة مادري وين ... بس تعالي شوفيهم الله يخليج والتسريحات يااااسلاااااااااام !؟

وصورنا شي ثاني ;p~
بس على قولتج بوقتها كانت كشخه
انتي بس دوري لج صور وانتي صغيره باستيديو صدقيني بتلقين انج مصوره عند بوشهري والباك قراوند بنية-دعمة- وقولي ماقلت :)))

--

سالفة الترقص !؟
تدرين شفكر فيه !!!؟

لو كان ابو عيال عياله مساكين وين يودون اويوههم من الفشله
نفس الشي لو كانت ام


ياكبرها عند الله

ماقول غير عسى الله يهديهم ياربي ويعقلهم
:(

--

استمتعي بساعة القراءة

على فكرة 10 دقايق يومياً لكتاب من 300
إلى
400
صفحة

تقدرين تخلصينه إذا ماني غلطانه بشهر !؟


يالله عقب ماتخلصين قوليلنا شقريتي :P

خسرتني للأبد يقول...

الســ عليكم ــلام
اذا الي يرقصون ياخذون فلوس هل كثر
المذيع و المذيعه اشكثر ياخذون
و الله يا اختي شنو اقولج ريال يرقص جدام الحريم و مره ترقص جدام الريايل
و يقلون اسلام

esTeKaNa يقول...

shahad
~~~~~~~~~
مسا الخير
:)
لاحظي انه كلنا عاتبنا امهاتنا على اشكالنا،ومع هذا امهاتنا وعليه كانو مستانسين وطايرين فينا
!!
حياج الله يا الشهد
يسعدني استمتاعك في هذا البوست الخفيف
:)











eLaf
~~~~~~~
وماذا كان الجواب؟
عن نفسي
اكيد راح اضحك
واقول اشفيني لابسه لفتي جذي قاطتها قط
يمكن حزتها نكون ردينا على حجاب بو زنطه
:Pp~












Barrak
~~~~~~~~
امممممممم
ان ما خاب ظني عرفته
مرات من الخبه زين ما يتكوكس مايدري شنو يسوي
!!
اذا اهو اللي في بالي اظنتي الحين صار من تجار البرورصه الكبار يا براك
:Pp~

esTeKaNa يقول...

dubai
~~~~~~~
ايييييييي
عرفتيه؟
اقري تعليقي توه لبراك
هذا الحين صار مليونير من رقص رقصه
يالله لا تبلانا
:)
اي والله عدل كلامج
دنيا يا دبي دنيا

وعلينا وعليج ،الله يتقبل منا ومنكم صالح الأعمال







hamdOOL
~~~~~~~~~~
lOoOoOol:)
واي ضحكتني
اول الناس تتضايق من الرطوبه واحنا نفرح ونطير فيها عشان جم قناه بيطلعون
تصدق؟
انا اكتشفت اني اذا قعدت بروحي ما اطالع شي ،اكون بسباق مع نفسي بس افتر على القنوات مليون مرة من غير لا اثبت بشي
:)
وعلينا وعليك،الله يعينا على صيامه وقيامه يارب









shather
~~~~~~~~~
حيالله الشذري
هههههههه
واي اقري كل تعليقات البنات كلنا متحلطمين على امهاتنا مساكين
بس انتي غير
كانو يسألون عن كشختج معناته كنتي من اكثر الاطفال اناقه
:)













2uaLL
~~~~~~~
علينا وعليك
وسعيده بتذكرك ذاك الماضي الجميل واسترجاعك الذكريات بدون ألم
:)







حسام بن ضرار
~~~~~~~~~~~~~~~
وانا اشهد
:)
وانته بخير وصحة وسلامة يارب

esTeKaNa يقول...

dubai
~~~~~~~
ايييييييي
عرفتيه؟
اقري تعليقي توه لبراك
هذا الحين صار مليونير من رقص رقصه
يالله لا تبلانا
:)
اي والله عدل كلامج
دنيا يا دبي دنيا

وعلينا وعليج ،الله يتقبل منا ومنكم صالح الأعمال







hamdOOL
~~~~~~~~~~
lOoOoOol:)
واي ضحكتني
اول الناس تتضايق من الرطوبه واحنا نفرح ونطير فيها عشان جم قناه بيطلعون
تصدق؟
انا اكتشفت اني اذا قعدت بروحي ما اطالع شي ،اكون بسباق مع نفسي بس افتر على القنوات مليون مرة من غير لا اثبت بشي
:)
وعلينا وعليك،الله يعينا على صيامه وقيامه يارب









shather
~~~~~~~~~
حيالله الشذري
هههههههه
واي اقري كل تعليقات البنات كلنا متحلطمين على امهاتنا مساكين
بس انتي غير
كانو يسألون عن كشختج معناته كنتي من اكثر الاطفال اناقه
:)













2uaLL
~~~~~~~
علينا وعليك
وسعيده بتذكرك ذاك الماضي الجميل واسترجاعك الذكريات بدون ألم
:)







حسام بن ضرار
~~~~~~~~~~~~~~~
وانا اشهد
:)
وانته بخير وصحة وسلامة يارب

esTeKaNa يقول...

Ray
~~~~
ههههههه
بالضبط احسنتي الوصف ما شاء الله عليج
اي واله يا بختهم بسترهم
عيل حجاب بو تنته ورق4به وترجيه مال اليوم
:(















reLaaax
~~~~~~~~~~~
Loooooooooooooooooooooooool:))
لو سمحتي بليييييز كلشي ولا صور الاستديو
ظييييييييييييييم
والمشكله مو جذي
المشكله اني شاقه الضحكة من هني لي هني
وكاشخة كشخة تكسر الخاطر
وااااي يا حبيبتي يا انا
:Pp~
وسالفه الترقص الله يهديهم يارب
:(
مبارك عليج الشهر











خسرتني للأبد
~~~~~~~~~~~~
حمدلله على السلامة ومبارك عليك الشهر
:)
ممممم مادري
اسئل لك ان شاء الله عن المذيعين
اخاف لك نيه ولا شي
:pP~
والله يهديهم والله
الحيا نعمه وانا اخيتك

a7La eNG يقول...

تذكرين تركيا
؟؟
سنة الف و تسعمية و سبعة وتسعين
اظن
:D
باختصار .. بجيت لما شفت صوري
ملفففففففففففع
بو زنططططططططططططططططة
ليش
:""(

لييييييييييييييييييييش
@@

هذا السؤال اللي ماله جواب
.
.
بس امووت على التصوير
أيا كانت الصور النهائية بس احب فكرة شووفة ويهي بلحظة سبقت
!!

HOPE U HAD FUN TODAY ;**

b9mah يقول...

لول
استكانه من جم يوم بس سألت نفس السؤال
هل راح نضحك على اشكالنا باجر؟
اتوقع إيه بنضحك وعيالنا بيضحكون على اشكالنا

موضوع يونس استكانه
: )

magnoonah يقول...

بخاطري اشوف احد من ذاك الزمن

اكيد بيضحك على شكله

للا سف ما عندي الا الوالده والمشكله بس اوقلها صورج مو حلوه تقلي بكل ثقه انا احلى من الحين كنت قمر


يعني لو اقط حرف بتسويني ملوخيه


بس الله يقطع بليسج اخر الليل مالقيت الا الي يرقصون

جم وصل العد معاج عسى الفلوس تسوى هالهز
:)


حبيت اقول كل عام وانت بخير وتقبل الله طاعتج واعانج على صيام رمضان
:)

bin3li يقول...

اليوم لقيت نظارة من نظارات نادية لطفي في دار أختي

الظاهر الموضة رادة و بتلبسون التنانير أم كسرات و الكتافات

ألحين عرفت أنتي ليش كتبتي هالبوست

بوست تمهيدي عشان يوم تصير الصجية و تنفرض عليكم هالموضة ما يكون في إحراج

:P


href="http://afyony.wordpress.com/">me back

esTeKaNa يقول...

a7La_eNg
~~~~~~~~~
ودي حاقه تنسي؟
المشكله انه كنا فرحانين بنفسنا
والمشكله الاكبر كان لنا معجبين
looooooooooooooooooool:D~
طمسي الصور طمس
تعتيم اعلامي
مابي اشوفهم نهائي
موثقين مرحله خطيره
ههههه
:)
اكيد استانست
دام ويهج الصبوحي وياي
:**














b9mah
~~~~~~~
هلا وغلا يا بصمه
لووووول
اذا احنا بنضحك
اشلون عيالنا مايضحكون
بيضحكون علينا مثل ما ضحكنا على اهلنا
:)
عساج دوم مستانسه










magnoonah
~~~~~~~~~~~
هلا ومرحبا
وانتي بخير وصحة وسلامه
واي يا زين الوالده تتحلى على نفسها
صاجة صاجة
ترا كانو حلوات باقل الامكانيات
من غير هواله الحين فصج قمر
:))
حياج الله










bin3Li
~~~~~~~~
يا سلاااااام عليك
فاهمني بن علي
:Pp~
عاد انا اعترف
نظارات ناديه لطفي مفضله عندي
تغطي لي نص الخد
وهذا شي مهم في جو الخليج اللي انته ادرا فيه
:)
بن علي
ترا مبارك عليك الشهر
سلم على الاهل وعلى اختك اللي بتلبس النظاره

charisma يقول...

شييخة البناات
مبارك علييج الشهر حبيبتى
ومن عواده يا ربى

والله لا يحرمنى منج
:**

راده حق بوستج
احتاج وقت
:**