السبت، سبتمبر 01، 2007

!معارض وتوجب

مع بداية حفظي للحروف الابجديه وتعلمي القراءة في مراحل دراستي الاولى
كانا والداي يستمتعان بتعليمي قراءة الكلمات السهله بالجرايد او قراءة اي اعلان مكتوب بالشارع
يلتصق وجهي بالنوافذ،اتهجى الاحرف بصوت عالي
يصوب لي ابي قرائتي
وتبتسم امي لبدلياتي
وينام أخي طول الطريق رغم ازعاجي وضحكي على نفسي
.
.
كبرت وظللت اعشق قراءة كل شئ في الشارع
قد..يأخذ حيز من اهتمامي،او يشغل تفكيري ودون قصد التف على سياره واقفه بجنبي
او ابطأ سيري حتى يغضب من رماه حظة العاثر ليقف وراء سيارتي
اشياب الطاري؟
كنت في زياره لقريبتي،اضعت البيت وانا اقرأ اعلانات هائله للمعارض:
معرض دراعتي..معرض الحنان...معرض ستايلج..معرض ومعرض
هذا غير المسجات اليوميه لبنات اعرفهم معرفه شخصيه،لا شئ زائد عندهم سوى الجرأة التي جعلتهن يتجرأن في اقامه معارض
لاجديد فيها....اصبحت زياره المعارض توجب
توجب يجعلني آخذ شئ لا يناسبني بالسعر الفلاني وابتسم تطيب لخاطر صاحبه المعرض
!!
توّجب...
لا احب احساس التكلف والالتزام الذي يحتم علينا زياره شخص قد سبق له زيارتنا
او عدم زياره شخص لانه يوما ما امتنع عن زيارتنا
هذه الالتزام الاجتماعي يمثل لي عبئء ثقيل على روحي
احترم علاقاتي الاجتماعيه وروابطي مع عائلتي ولكن افضل ان يكون الباعث لزياره اي شخص نيتي واحساسي
نيتي برضاء رب العالمين فيمن يحتم علي ديني وصلهم
واحساسي بالناس الذين يمتلكون مساحة من روحي تجعلني اسلتذ باحساسي بفرحتهم ومشاركتي لهم بضيقهم
الاحساس هو الذي يجعلك اصدق حتى في زيارتك
!!
هل انتقلت عاداتنا الاجتماعيه من توجب ومجاملات اجتماعيه لمدوناتنا؟
ربما
قد يكون تعقيب وتعليق واحد صادق منك يشعرني باستمتعاك بكلماتي يغنيني عن تعليقك على كل بوست لاحساسك بالمسؤليه اتجاهي واتجاه زيارتي المتكرره لمدونتك،فلا تشعر بتأنيب الضمير يوما لعدم تعقيبك او زيارتك لي
عن نفسي...اعتذر عن التعقيب عن اي بوست ربما منعني الوقت عن قرائته
او لم استطع استيعابه
او لم يجد في روحي مكان
والسموحه عن اي تعقيب طويل اعبر فيه عن احساسي باريحية في مدونه من مدوناتكم
دمتم بحب
:)

هناك 50 تعليقًا:

7osen يقول...

مرحبا

أول شي ديري بالج وانتي تسوقين السيارة تقرين الإعلانات

خلي عينج على دربج

:))

موضوع التعليق

صج والله مثل ما قلتي

أسوء شي لما تحسة واجب

أنا عن نفسي أكثر شي أعلق على المواضيع إللى تعجبني

واحيانا على حسب المزاج
لأن بعض مرات تكون بس تبي تقرا وتستمتع

الشي اذا صار واجب تحسه وااايد ثقيل

:)

7osen يقول...
أزال المؤلف هذا التعليق.
PearL يقول...

عيل انشالله ولا يوم انتي كنتي فيه جدامي

لان وايد اسب :S


بصراحة اكره المواجيب

بس بالنسبة للمدونات فعلا مرات تصير سالفة واجب

كنت في البداية اتبعه

بس تعليقي على البوستات يعتمد على مدى تاثير البوست فيني
او حتى حالتي المزاجية اذا كانت تسمح بالتعليق

مرات مواضيع تعجبني بس ما يكون عندي شي عشان اعلق فيه


الواجب شي ثقيل عالنفس .. وبصراحة عالم المدونات المفروض ما يكون جذي

خوش بوست :)

ZoZOta يقول...

شوفي يا استكانه

موضوع التعليق هذا راجع للشخص نفسه

انا مثلا في بلوقات معينه ادخلها واقرا شنو اليديد
ساعات اعلق وساعات كلش ما اعلق لن ما عندي شي اقوله
او الموضوع ما شدني

والكتابه مثل المد والجزر
يوم تكون غنية بالمشاعر والمعاني

ويوم تكون حجي فاضي

المشكلة عاد بالسوالف والحجي الفاضي

وهذا اللي انا ما اعلق عليه

اما ان تكون مجامله ما اعتقد نحتاجها

خصوصا بالبلوق

محد منا يعرف الثاني عشان نجامل بعض

عجبك يا فلان علق
ما عجبك يعطيك العافية

وهذا كل الموضوع

واللي يجامل ترى يبين انه يجامل صدقيني

والأهم من هذا كله

حطي بالج وانتى تسوقين

الله يحفظج يارب

:)

ray يقول...

estekana

على قراءة الاعلانات ... مرة بغيت أدش بالرصيف بسبب اعلان عجبني :P

بالنسبة للتعليق :
عادة , كل شخص تعجبه طريقة كتابتي ففي المقابل أكيد في بوست أو اثنين من اللي كاتبهم يعجبوني , هني مافي شي يمنع ان أعلق

بالعكس انا استمتع بالتعليق على أغلب المواضيع اللي أقراها لأن مشاركة الناس شي أحبه وايد

لكن بنفس الوقت ما أضيع وقتي و أعقب على مواضيع ما أحب اقراهم

2 u ALL يقول...

نعم كلامك صحيح 100% هناك من ينقل هذا المورث الى المدونات ..!! أما عن نفسي فانا أحب أقرء لناس معينين ..!! أو لموضوعات جيده وخصوصاً الشعر والأدب والأخلاق ..!! لك التحيه والتقدير لأثارة هذا الموضوع ...!؟

esTeKaNa يقول...

7osen
~~~~~~~
ياهلا ويا مرحبا
ان شااااااء الله
اذا مرة ثانيه بقرا شي بالشارع اطلع ويا السايق احسن
:)
يعطيك العافيه يا حسين
وفعلا..الشي من تحس انه واجب تستثقله
وانت من الي لازم يعذروني على طول كل تعقيباتي في مدونتك
:)





pearL
~~~~~~
تسبين؟
وي يا حسرتنا
لا بحط صورة استكانه على ظهر السياره
اذا شفتيها سلمي علي مو تسبيني
:))
تصدقين يا اللولو مرات لا شعوريا نصير جذي بعالم المدونات
نعلق لمجرد اثبات وجود وتوجب
وهذا غلط!!
حياج الله










ZOZOTA
~~~~~~~~~
هلا بالزين كله
صاحة يا الزين يبين اللي يجامل
انا من بين التعليقات احس بالصادق منها من اللي ياي يجاملني
وانا مدونتي من المدونات اللي اعتبر كل كلمة فيها موجهه حق استكانه قبل الناس
اكلم نفسي
فمرات اعذر الاشخاص اللي مايعلقون
:))
وجودج ممتع يا الزين
احب نظرتج للامور







RAY
~~~~~
وي وي اسم الله عليج الرحمن الرحيم
اثاري استكانه لها ولايف
:Pp~
لا مو زين نكون انا معاج بنفس الشارع
خطر على المجتمع
:)
نية المشاركه نيه جميله
اجدها في روحي مرات وايده
لما نقول حق شخص حمدلله على السلامة
ومع السلامة
وما تشوف شر
نية مشاركة شخص تكون جميله
غير النيه لاثبات وجود فقط ونروح له عشان يرد ايينا
:)

esTeKaNa يقول...

2uaLL
~~~~~~
ولك من القلب كل ترحيب
وحياك الله
:)

Fahad Al Askr يقول...

تمونين

Purplecious يقول...

شوفي استكانه

انا واحده أعلق عندج مجامله و ما أيي الا عشان استكانه الشاي المنعنعه أعدل راسي فيها






لوووووووووووووووووووووووووول
شرايج فيني و انا أستهبل؟
أينّن موووو؟
هههههههههههههههههه

بالحياة العادية احاول كثر ما أقدر اني ما أجامل
و أحاول ما أكره أحد عشان لا أستثقل الروحه أو الموجب
بس يا ربي الناس الله يهداهم ما يخلون الواحد بحاله

و بالنسبه للتعليقات
أهم عامل عندي هو المزاج

ثم المزاج

ثم المزاج

بعدين

المزاج

هههههههههههههههههه

يعني أكبر مثال عندج حسين
كل ما أيي أعلق عنده تلاقين نفس التعليق مرتز بكل بوست

"مادري شقول... ماني لاقيه كلام"

و بس هذه حالتي
انزين يا بنت الحلال تفاعلي
مني مناك

أبدااااااااا
ماكوووووووو
ينربط لساني شقول؟؟

قمت ما اعلق خير شر

هههههههههه

عسى ما زعلت مني حسين؟؟؟


أنا كلش ما أشره على اللي ما يعلق عندي
لأني احب أعامل الناس مثل ما يعاملوني

بس ميزة التعليق هو التواصل
يعني مشاءالله البلوقرز زادوا ومن خلال تعليقات البلوقرز تعرفين نشاطهم و حركتهم بالمدونات
يعني لهم حس
يعني أكتف اسم الله عليهم


و بوستج اللي فات عجيييييييييب
صج اني ما علقت
بس دعيتلج و ليدتج بظهر الغيب

جنه ما كان لازم أقول
ما صار بالغيب الحين

هههههههههههه

ايييييي
بعد نقطه ثانيه
شرايج باللي ما يرد على تعليقات الناس؟
او يرد بكلمتين و بس؟؟

ساعات نتبط جبدي
لني أحب اللي يتفاعل مع الردود

يا زين الاعتدال
لا القرقه زينه (طاع من يتحجى بسسسسس)و لا الكلمه و رد غطاها تبرد الجبد


بس شكلي خلصت مطارة الشاي كلها و ذبلت جبدج بالقرقه
ههههههههههههههههه

Purgatory يقول...
أزال المؤلف هذا التعليق.
Purgatory يقول...

ادري بتشوفين بيرغاتوري بتقولين اللحين بيعلق علي كلمة أو جملة في البوست

تيك
تيك
تيك
تيك

عقارب ساعتج الفوسفورية

Of course ;)

يلتصق وجهي بالنوافذ،اتهجى الاحرف بصوت عالي

ب...ي.....ر.....غ....ا....تو....ر...ي

عــــاشــــه يقول...

عن نفسي
مع إنه ماتدخلين مدونتي ولا تشاركيني

إلا أني أحب كتاباتج .. وأستمتع بخواطرج

ولا قد شلت في خاطري ليش مادخلت أو ليش ماعلقت

المهم بالنسبه لي إني أتسمتع بالأفكار والمواضيع المطروحه

دمتي متألقه لنا

www.7rouf.com

الدائرة الخامسة يقول...

مساحة رائعه .. من مساحات البوح والشفافية عشتها معك اليوم
ارى كلماتك كخيول جامحة .. احس بانفاسها اللاهثة .. وبتناغم وقع حوافرها على الأرض وهي تثيرة الغبار
كلمات نابعه من احاسيس جميلة وراقية وصادقة
اعجبتني سالفه الاعلانات التي نراها في الشوارع هذه الايام .. فعلاً شيء مزعج اعلانات تغلق الشارع وتعيق النظر وتسبب الحوادث
مع أنه في فن الاعلانان يقال ان الأعلان على الطرق يجب ان يحتوي صورة وما يتعدى ثلاث كلمات ... بس اللي نشوفه هو طبيعي اعلانات اعراس ومعارض واسواق خيرية ومحالات ازياء ( ما اعرف اسمائها اتيلة او معرض ) وياما صارت حوادث بسبب الاعلانات
الامر الثاني ان سالفه المواجيب انتقلت حتى للتعليق على المدونات .. وانا اقول فيه مدونة اسمها استكانة .. التعليق فيها فرض عين والفرضية أتت من روعه الاسلوب الذي يلزمك على المشاركة

Ealaf يقول...

التواصل الاجتماعي امر مطلوب , ولكن يجب ان يكون بدون تكلف , وحتى نستمتع به , يجب ان يكون نابع من القلب وعن رضا وحب : )

وبخصوص التواصل الاجتماعي بالمدونات , ذلك يحدث لأن حياتنا الخارجية لا تنفصل عن حياتنا بالانترنت بل تتأثر بها : )

lawyer يقول...

في البدايه و انا اقرا عن المواجب

تحلطمت و قلت وي يا استكانه يت على المعلارض الحييييييين حتى البلووووووج


و الا انتي كاتبه هالشي

اي والله صااااااااجه

انا صاريه وايد اشيااااء قاطعتها

زيارات

معارض

اهل

صديقات

قاعده اقولهم خلوني على راحتي

يا ايييلكم بحب او خلوني

من انا صغيره ووحيده امي من المتوسط و انا اوجب و استقبال و اروح و ايي و من معرض لي عرس لي عزا لي مدري وين بزيااااده


وصلت هالعمر

حسيت اني عايشه للناس
ما عششششششششت عمري


ما اذكر رحت يمعات بنات


ما اذكر رحت مكاااااااااان يوم كامل حقي انا بروووووحي


الا عقب ما تخرجت و يديت شوي شوي استقب
لي من سنتين

و انا خلاص
بعيشششششششش حق روحي


خالاتي يتحلطون
اهل ابوي


رفيجاتي

ربع امي

ربع يدتي

اكتشفت اني من كثر ما اوصل الناس

مانو علي بطريقه مزعجه




هاللي وقفت وقفه مع نفسي
و قلت هذي حيات فاطمه

أجلي يا فاطمه الناس و عيشي حق عمرج



حتى البلوج
سامحووووووووني

مرات ما يكون لي مزاج اعلق


و مرات لهيت و ما دشيت


في بنات تحسين عقولهم صغيره

انتي ما تعلقين ما يعلقون عندج


من تحطين كومنت يوووووووج طايرين البلوج !!



عشان جذي

ترا مو لازم
يكون اكو كومنت وايد


اهم شي صدق هذا الكومنت


انا في اليوم الواحد اكثر من 400 يوزر يدخل


يعلق 3 او 15

هل معناته ان كل الي يقرون لازم يعلقون لألأ


و ما عمي سألت او قلت

ادري نص الي يقرولي ينحرجون من كتابتي

و يستحون ان تعليقاتهم تتواجد في بوست من بوستاتي


و ادري ان بعض من الي يقرولي ما يواطنوني

فليش يعلقون

و ادري في بنات ماعندهم وقت للتعليق


بس الاهم شنو؟؟


ان هذا الشخص في النهايه يرتاح و يقرالج

lawyer يقول...

!!!!!!!!

اولا اطول تعليق بالعالم!

محـــــارة يقول...

هلو خيتو .. بالنسبة للمعارض ما احبها ولا يمكن أروح لها خاصة الي ببيوت ولها معارض شخصيه

ولأن المقربين مني مالهم بالمعارض وحتى أنا ما أحب هالسوالف ولا خياطات الحريم

أحب القطع أنا أخذها من وكيلها ومن محل الماركه نفسها أو أنا أطلبها من الانترنت على أقل تقدير .. سوالف وحده تحوس وبلأخر السعر أضعاف التكلفه أحس أن أهما تبارك الله عليهم جرأه أكبر بكثير من الي ياين يتسوقون

وبالنسبة للمواجب وزياره عشان الزعل ولا زارني بقاموسي مو موجوده بكل صراحه .. أنا أروح لأن أبي أروح أو عشان أكون مبسوطه مع الناس نفسهم أو مشتاق أشوفهم .. لكن سوالف المواجيب بعدها مو قايمه عندي يمكن لأن خواتي المتزوجات قايمين بالواجب هذا من أطراف العائلة

وبالنسبة لعالم التدوين بكل صراحه فيه مدونات أزورها من باب الإطلاع بس بعضها أعقب عليها وبعضها أتلهف لقراءة أي شيء ينكتب فيها وأنتي بمقدمتهم بدون مجامله

وسامحيني على الإطاله بوستج سوالف حلوه :)

اجار الدين كشمش يقول...

استكانه

التعليق كانه صاير

غروبات .. كل غروب يعلق

على الثاني
والسبب كثرة المدونات

والتعود .. على بعضهم
البعض
والسبب الاخر يعود يمكن الاعجاب

باحد البوستات .. واستمر

يزور هالمدونه ..وخاصه
البوستات الاجتماعيه

اما السياسيه..تعتمد على

البوست نفسه..ان وجد نفسه فيه علق.. ولا يهم التعليق

المتكرر .. للمدونات السياسيه

""""""""""""""
اما المواجيب فهي حااااجه

حريمي خالص .. ما ليش فيها

دمتي كما انتي
استكانتنا

بنت الكويت يقول...

خوش موضوع
وتكلمتي عن نقطة مهمه
تعليقات البلوقرز
المفروض يكون هالشي واضح
ان مو معناته اني اعلق عند فلان فلازم هالشخص يزورني ويعلق عندي لأ
والعكس صحيح

وساعات تمرين على بلوق معين وتقرين بوسته بس مايكون لج مزاج انج تعلقين
ومو شرط يكون احد بلوقرز ساعات بوستج انتي تلقين ردود ومايكون لج مزاج انج تردين على ردود زوارج

فالمفروض يكون الوضع عادي اعلق عند الي ابي بس مو شرط هالشخص يمر ويعلق عندي لأ اذا علق اهلا وسهلا فيه واذا ما علق هم اهلا وسهلا فيه

5roofa يقول...

looooooooool

طلعتي نفس الحااال
والله احنا و التضيع مبدعين

و تبين الصج انا بعد اكرررررره المعارض لانه لازم اروح ولا فلانه تزعل و لي رحت لازم اشتري ولا تقول شنو اغراضي مو حلوه؟
ماعجبوج و من هاحجي

بس عاد انه ازور بلوقج توجب هذاا حده لا
انا انطر متى تنزلين البوست و اركض مثل الطفله الولهانه عشان اعلق
لووووووول
;P

لا بس الحق يقال انتي كلماتج عسل مثلج الواحد غصبن علي يعلق

T.C sweetee...

salamz..

Shather يقول...

LOOL استكانه كأنج تدرين اني قبل جم يوم رحت لمعرض صديقه؟ .. بس ما شريت شي .. يعني شي مو محتاجته شالله حادني اشتريه؟؟ زياده فوضى بالبيت ؟؟


بالنسبه للمدونات ..
كلٍ ينام عالجنب اللي يريحه ..
يعني موضوع ما املك له تعليق مو لازم اعلق فيه ..
مدونه ما تناسب ميولي مو ضروري اصير من زوارها =\

و و و

و تسلميين عالموضوع :]

Very.Q8ya يقول...

saba7 il khair wil nowwair :P

ana agol 7adda o ashkara mala sheghel lol, way a3otho billah, takhayellay il tiwijjib la7egna laai 3oQor il enternet?:P

3ashaan anti7er ;]]]]]]]] lol

bs y3ne takhayelay ana raa7 azor bloggich 3ashaan intay tzoreen bloggy .. haW? wain ga3deen LOL
shal modaaaaaaaaail ;/

ana bil nisba ley a3alliq 3ala mawathee3 a7ebha aw astamti3 ib qera'at'ha oo ekon fi3lan 3indy ta3leeq abey agolah..

aw itha ghair chethey, tkon fey mawathe3 ham itwannis bs ma a3aliq 3alaiha 3ashan fey a7ad thaneeey gal nafs ili kint bagoolah

fa ana agol, imbarak 3alaich il shahar moqadaman o take care:P

nena يقول...

هلا باستكانة الشاهي
:P
شوفي سلمج الله انا من الناس اللي كلش ماحب شغل المعارض ولا اقدر اجامل فيهم والبنات اعرفولي مايزعلون مني
عندي وجهة نظر خاصة في هالمعارض
اولا ماحب شغل الخياط
ثانيا احسهم يستغفلونا بالاسعار اللي يحطونها
ثالثا شي اني ما احتاج احد يلبسني الحمدالله ذوق وعندي والسوق موجود
مو غرور ثقة بالنفس
:))
ماحب الهباااات يا جماعه

loyalty يقول...

تقرين الإعلانات أفضل من إنج تحفظين أسماء الشوارع!
> هذي هوايتي الغريبة:)

في خيط رقيق بين التواصل الاجتماعي و المجاملة الاجتماعية..

بمعنى ، إذا أسرفت في تواصلي الاجتماعي على حساب نفسي ووقتي فهذي مجاملة اجتماعية.

إذا قمت بزيارة أو توجيبة من غير نفس و بدون لا استشعر من داخلي نية طيبة فهذي مجاملة اجتماعية

وقيسي على الباقي..

تواصلنا الاجتماعي مهم جداً .. لكن انه يكون تواصلنا مجرد برستيج و مجاملة فهني الغلط يكون.

مايبت شي يديد صح ؟
أنا أقولج شنو اليديد بردي
انه الناس خالطة بين التواصل و المجاملات.. إلى درجة تخليها تحكم عليج بالقطاعة و تزيد من كمية التشره و الزعل .. لأنها مو مستوعبه الفرق بين التواصل و المجاملة.. تبيج تجاملينها بس عشان تجاملينها!

أما مجاملات التدوين فأعتقد تعرفين رايي فيها ، ماله داعي أجاملج و أعيد الكلام لوول :P

شكراً ياأختي الكبيرة:)

حسام بن ضرار يقول...

بالنسبه لإنتقال بعض العادات الاجتماعية الى المدونات

فهذا امر واقع و نعيشه يومياً

اتفق معك ان الانسان ليس ملزماً بالتعقيب على كل رد و لو بالتصفيق او التشجيع اذا كان غير مستوعب للبوست او لا يفهمه

لكن اعتقد ان الطريقه المثلى لتسويق اي مدونه هي مشاركة صاحبها في مدونات الآخرين

لذا ... المعيار المسيطر هو الكم و ليس الكيف

اجد و للأسف ان فئة كبيرة من المدونين تعتمد مبدأ - اللي يشارك عندي اشارك عنده

و بعض المستجدين في التدوين بدؤا الدخول بهذه الطريقه

فتكتشفين ان بعد اسبوع من افتتاح مدونته ... ترين التعليقات عليه ناهزت الاربعين او ما يزيد على الرغم من سطحية الموضوع الذي قد يكون صورة سخيفه من الايميل او خبر لم يجهد نفسه في التعليق عليه

فما السبب في ذلك؟

نعود للعرف الاجتماعي و قاعدة بس اللي يوجبني اوجبه

لا انكر ان هذه القاعده قد تنطبق في الحياة العملية ...... لكن في التدوين فاعتقد اننا يجب ان نتعدى هذه المرحله

و شكراً

vancouver يقول...

ابي اقول كلمة وحدة
بس والله والله مو مجاملة
ولا عشان تزوريني ولا عشان اسجل موقف

بس عشان حاستها بقوة
.
.
.
الله يحفظج ويحفظ عقلج الكبير

وبس

:)

7osen يقول...

Purplecious

هههههههههه

لا ما زعلت منج

في أحد يزعل من البنفسج ؟؟

Barrak يقول...

التواصل الاجتماعي بالمدونات
اعتبره احساس راقي
انا شخصيا اتمتع به
رغم ماحصل من بوق

Purgatory يقول...

By the way lal7een the link on the side bar points to my old blog, please correct :)

sologa-bologa يقول...

صح
مو بالضرورة اللي ما يعلق عندي
إني ما أعلق عنده لأن
غالبا يكون التعليق على الموضوع وليس
لمجرد التعليق
وليس بالضرورة أن يكون كل موضوع
يستحق التعليق

شكرا على التفهم الجميل
---

أما عن موضوع المعارض الخاصة
عسى وجبتي بنت خالي وزرتي معرضها

ولو تسأليني شنو معرضها
أقول ما أدري بس شغل دراريع وخلافه
:)

ودمتم بحب وود

SolaimaN يقول...

المسأله يا اوستوكاينه ليست للتوجب اكثر منها كسب اكبر عدد من الآراء

وبعدين انا ما يكفيني منج تعليق واحد ابي سته، سبعه هم مو كافي

كلش ولا استكانه

esTeKaNa يقول...

Fahad al_asker
~~~~~~~~~~~~~~~
ما تقصر
:)







purplecious
~~~~~~~~~~~~~~
واي واي
صدمتيني
!!
معقوله؟
هذي اخرتها تعلقين عندي مجامله وطمعا في استكانه الشاي المنعنعه
مصالح مصالح
لوووووووووووووووول
زوقه والله انتي
صاجة المزاج شي مهم وعنصر فعال في كل تعليق...
لوووووووووول
اخاف حجوتج عند حسين بدايه الانطلاق وبعدها تتكلمين؟
!!
لا صراحة منضوله علامج
وين الحجي المصفصف علامج ما تتفاعلين :))


واي وواي يا بعد قلبي قلبج
لا تخافين ترا كل دعوه بظهر الغيب يرد عليه فيها الملك ولكي بمثله فالدعاء يكون لج ولكل من تددعين له بالغيب


وبالنسبه حق اللي ما يردون
صج يحروني
يا حافظ حجوة :
مشكورة
صاجة
اي شي بس يعني قدرو قرقتنا شوي

وي فداج الجاي كلج ،يا زينج ويا زين كل تسيورة منج على بلوقي
:))

esTeKaNa يقول...

purg.
~~~~~~~~
Loooooooooooooooooooooooool:))
تعبت وانا اتهجاها
جنك تدري اسمك صعب صعب
:pP~
وان شاء الله والغنيمه
شوي واغيره
:)














عاشه
~~~~~
السموحه يا عواشه
تدرين اني ماعرف عنوان بلوقج لانه ما يطلع مع اسمج للاسف
شكرا لانج اضفتييه عندي
وفعلا زيارتج احبها
ووجودك الصادق مهم عندي
وانتي بالضبط فهمتي ما اقصده
:)

esTeKaNa يقول...

الدائرة الخامسة
~~~~~~~~~~~~~~~
اخجلتم تواضعنا يا اخوي
امام سيل المديح والعبارات الجميله لا اجد ما اقوله صراحه
:)
فعلا للعلان فن لا يجيده الكثرين
والبعض لا نلومه...خصوصا اصحاب المعارض لانهم اناس عادين يسعون للربح والتمتع بالبيع والشراء بابسط الاوضاع
!!
اما موضوع التوجب:
فان كان الهدف من التعليق اسلوب قد احبته فحياك الله ويا هلا ويا مرحبا
التشبيه بالفرضيه العين تشبيه ابهرني صراحة:)
شكرا من القلب










eLaf
~~~~~~
ياهلا ويا مرحبا ايلاف
كلامج عييييييين العقل والله
:)

حياج الله

esTeKaNa يقول...

Lawyer
~~~~~~~~
هلا بفطومه
توارد افكار
:)
والله صاجه..يا تروحين بحب وانتي بخاطرج الروحه يا مالا داعي الروحه من ورا النفس
تدرين فطومه؟
احس لازم كل واحده منا تعطي مساحة حق روحها،مساحة تحافظ عليها بكل وقت
تدلل نفسها وتهتم فيها
اذا ارتحتي تقدرين تريحين الناس ووتتواصلين معاهم بحب

عدل كلامج يا فطومه
انتي من اكثر الناس فهما لكل كلمه في هذا البوست
الهل يحفظج لي اخت قريبه دوم
:)

الدائرة الخامسة يقول...

الى سيدة الكلمات ..
أن كان ابهرتك الفرضية
فمدونتك ,,, كلها تبهر
تكتبين وكأنك تعزفين سمفونيتك
تتراقص كلماتك الدافئة ومشاعرك الرقيقة ... بين جنبات المدونة
دمتى برقـــي

esTeKaNa يقول...

محاره
~~~~~
والله زين تسوين
والمشكله يا محاره يا ليت شي راقي وعلى مستوى لا
مجرد خبط لزق ويعرضونه ولهم زباين وايد والله
!!
الله فكج يا محاره من المواجيب
انا مشكلتي اكبر بنت وحفيده المواجيب كلها بويهي
:(
يا بختي والله يا محاره بوجودج
القلوب شواهد يا محاره
تنورين كل بوست والله







أجار الدين كشمش
~~~~~~~~~~~~~~~~
صراحة اسمك عجيب غريب
استانست وانا اكتبه
:)
تحليل منطقي جدا
استمتعت بمرورك الجميل

esTeKaNa يقول...

بنت الكويت
~~~~~~~~~~~~
يا اهلا وسهلا
كلامج عين العقل والله
هذا الصح
:)
حياج الله












5roofa
~~~~~~~~
lOOOOOOOOOOOOOOL:))
واي ضحكتيني
لاحظتي انه حالتنا كسيفه ويا التضيع
!!
ويا بعد قلبي قلبج
التشبيه يزوق القلب
احب شكل الياهل الولهانه
المها بقلبي والله
:))








Shather
~~~~~~~~~
يا سلام عجبتني
ما جاملتي على حساب نفسج
بس رحتي :)
بالنسبه حق رايج بالمدونات صاجه والله
شذر
في ناس تمر مرور ماله داعي بس اثبات وجود
:)

esTeKaNa يقول...

very q8ya
~~~~~~~~~~~~
مسا الورد والهنا
:)
لوووووووووووول
واي ضحكتيني على سالفه اتنحر
بعد شنسوي اذا وصل التوجب لي عقر الانترنت شنسوي؟
واي عقر حجوة متعوب عليها
:)
والله عين العقل كلامج
وعلينا وعليج،ما قصرتي
اول من بارك لي يالله من فضلك انتي
راعيه واجب وسنع ماحد يسبقج










nena
~~~~~~~
ليش تذكرت اغنيه اغنيه العروس المليقه:
تفضل واشرب الشاهي
بياله شاهي على الماشي
لووووووووووول
والله زين تسوين ،المعارض تفك الناس اللي ماله مقاقه تفتر وتدور ومستعده تدفع اي سعر وتلبس
لكن اذا الواحده لها خلق وذويقه اهي تلبس روحها على مزاجها احسن
:))

esTeKaNa يقول...

loyalty
~~~~~~~~~
لا حفظ اسماء الشوارع مفيد جدا
عشان ما تضيعين
:)
شرح هذا الخيط الرقيق مابين التواصل والمجامله اعجبني اكثر من ما تتصورين
المفروض اشيل البوست واحط تعليقج
:)
لوووووول
تطبيق عملي لعدم المجامله
واي اختي الكبيرة حسستني اني ختياره وعجوزه
بس تمونين
:)
Pp~









حسام بن ضرار
~~~~~~~~~~~~~~
الشكر لك يا اخوي حسام
اتفق معاك تماما
:)










Vancouver
~~~~~~~~~~~~
وااااااي
واااااي
دمعت عيني والله
يا بعد قلبي انتي
يزاج الله كل خير
كافي احساسج بالكلمه من قلبج يسوا كل شي والله
:**

esTeKaNa يقول...

7osen
~~~~~~~
:))







barrak
~~~~~~~~~
انا اشهد انه التواصل راقي
بس بشرط
يكون اساسه الاحساس الراقي
مو الاحساس بالتوجب فقط
:)
خطاك السو يا براك










purg.
~~~~~~~
تامر امر
:)







sloga-bloga
~~~~~~~~~~~~~
وشكر اكبر على استيعاب ما اريد قوله
:)
بس حسافه لو مسوي دعايه حق بنت خالتك جان كلنا وجبناها
كل شي ولا بنت الخاله
:Pp~






SOLaiman
~~~~~~~~~
ويا يا بختنا واله
سبعه بس؟
افا عليك
نسير عليك انا واستكانتي والمطاطير كلها
:pP~

esTeKaNa يقول...

الدائرة الخامسه
~~~~~~~~~~~~~~~
سيدة الكلمات
!
كلماتك وسام على مدونتي
وتاج يزين كل كلماتي
اخجلتني
حتى اني كالعاده..لا اجد كلمات تليق بثنائك وكلامك الجميل
شكرا من القلب
:)

shakshaka يقول...

estekana 3ad ma7batay ela e3lanat el q8 shal hobby allah ehadach lo fe new york chan geln7ata segaf sayartech ensaweeeh glass 3shan abad mat6al3een rasich mn ederesha bes terfe3ena ya7ilo e3lanat;hum hnaak le3lanat mo hnee!:P ya 9alon "TOAST" ya 9alon elham elfethala ya z7eeer LOOOL lala wo 3an el mujamala bel bloggat walla shofay ana mo 3an shay bes ana wayd wayd agra 7ag wayd nas bes mo shar6 a3aliq 3indihum mo qasdeee ma3jbnee aw shay bes ma3nde shay azed 3laih 9ej ene garga wat7acha 3shan at7acha bes marat madree a7es ele 3aleqaw 3abaqera:P LOL wo khubrich ma7eb abayen nafsee neg6a eb ba7ar ok gomt akhora its 5:30 am wo meftar rasee mo nayma ... hehe goodnight:P

عثماني يقول...

مساج الله بالخير اخيتي الغالية استكانة

والله انك اصبت كبد الحقيقة

هناك فعلا من يزعل و يمد بوزة لعدم رد الزيارة او الاتصال

قد يجهل هؤلاء ان الدنيا عبارة عن احداث تضطرنا للانقطاع و عدم التواصل اجباريا

اما بخصوص المدونات فاني لا اجد غضاضة من عدم التعليق ان لم يعجبني الموضوع .. كما لا ازعل ان لم يقوم احد المدونين بالتعليق عندي ...قد يكون لم يعجبة ما كتبت .. او قد يكون منشغلا اصلا عن عالم المدونات في هذة الفترة

و الناس لها اعذارها

فعلا سعيد بما كتبت ..استكانة

esTeKaNa يقول...

shakshka
~~~~~~~~~~~
lOoOoOOoOoOOoOooOoOool:D~
اشوف حافظة الاعلانات ها؟
جنه انتي اللي تمشين وتقرين
:Pp~
وعجبني السقف الزجاج دش خاطري
كيفج فجيتي على روحج بيبان مصككه
تسونه لي تسونه
:))
وبعدين علامج كله تييني اخر الليل دايخة؟
:)) نوم العوافي يا الغاليه













عثماني
~~~~~~~~
مساك الله بالنوروالسرور اخوي عثماني
وانا اسعد بمرورك ورجاحه عقلك عسى الله يبارك فيك ويحفظك
:)

magnoonah يقول...

ستكونه ام العناقيص

برافوا عليج خليج جذي ولا تعتذرين العفويه شي حلو بالانسان والمجامله ما تدوم

ستكونه والله رغم دوامي وانشغالي اقرا لناس وايد ومرات احس انهم يشرهون او ما يزورون الا اذا انا زرتهم بس انا مقتنعه ان اذا احد يهمه يقرا الي اكتبه اكيد بيمر ويعلق


في ناس وايد ما تجرأت وزرتهم الا لما علقوا عندي لاني حسيت ان عندهم استعداد نتعرف على افكار بعض اكثر وفي ناس وايد يمكن ما يعرفوني او ما يزوروني الا اني اعرفهم واقرالهم كل بوست

اخذي مثلا لوير
عثماني
كويت سن
مطقوق
كاريزما
سالفة قلب
شيماء الكندري
وانت بعد الا اني تعودت عليج الحين


ووايد بعد

اتمنى ما يزعلون بس هذا الصج

وان شاء الله مع الوقت اتعرف على الاغلبيه بس ماراح اعلق الا على شي يعجبني او عند انسان احب ازوره او مدون كاتب شي قابل للنقاش


طولت عليج اسفه

واقري على راحتج بس وانت صافطه السياره لا تنسين انه الشارع كله ميانين
:))

esTeKaNa يقول...

magnoonah
~~~~~~~~~~~~
هلا باعقل المجانين والله
:)
والله انتي اللي برافو عليج
كلامج عين العقل احس فعلا فهمتي اللي اقصده
والله يا الحبيبه تبارك المكان وفرحانه بزيارتج انا عسى الله لا يخليني
واعترف
اغلب اللي ازورهم يكون لهم لنك في مدونتي واليوم ضروري ينحط لج لنك عشان ما اضطر انطرج تزوريني عشان ازورج
:))
وتخيلي شكلي وانا عند كل اعلان بصفط؟
ما ظنتي بوصل بيتنا
:))

shakshaka يقول...

estekana b3ad 3umre wallla ma6alabtay shay bes khayfa 3laich mn el7ar wel 7raaag:P 3ad kelna bneyeee ensawee tan eb sayartech:P w khubrich ana ams raaaadah mn amreeca dayer rasi meftarrrrrrr:P

esTeKaNa يقول...

shakshaka
~~~~~~~~~~~~
تان بسيارتي؟
عيل الدخله بدينار
:Pp~
حبيبتي والله الله يجبر بخاطرج وحمدلله على سلامتج
:)