الخميس، سبتمبر 27، 2007

(2) من وحي عمره

**تحديث**
أرحنا بها
(1)
استراحت على درج بمقابل الحرم
تناظر في فجر ذاك اليوم الكعبه والطائفين حولها
تناظر المسلمين مابين مصل وداع
تغمض عينيها لتخزن في قلبها تلك الصورة المشرقه
وتتلذذ باحساس لحظتها
فجأة اقترب منها ملتح ،مقصر،اخفض عينيه وتلى عليها آيه:

( يا أيها النبي قل لأزواجك وبناتك ونساء المؤمنين يدنين عليهن منجلابيبهن ذلك أدنى أن يُعرفن فلا يؤذين وكان الله غفوراً رحيماً )

صمت ثم قال لها:
اختي الا تريدين ان تكوني مع نساء الرسول عليه الصلاه والسلام في اعالي الجنان؟
استري وجهك واتقي ربك ،عسى الله يهديك ويثبتك ويرزقك الجنه
اخفضت عينيها،وبهدؤ ورضا اسدلت طرف حجابها ساتره وجهها في ذات اللحظة
!!
وأخرى تطوف حول الكعبه،في قمة الانشراح والدعاء،يقبل عليها ملتح آخرمكفهر
غاضب
يتطاير الشرر من عينيه ويصرخ فيها:
الا تخافين الله؟هل تردين فتنه عابد؟مصل؟معتمر في بيت الله؟
اتقي الله يا مرة،استري وجهك وتوبي الى ربك
!!
يلتفت الناس اليها،يناظر الجميع احراجها،تبتلع غصه في قلبها وتنزل من عينيها دمعه
وأخرى اضاعت أجرها بمرادد ذاك الملتحي
لم تستر وجهها ولم يستفد هو شيئا
!!
بغض النظر عن قناعتنا وعن ما اعتدنا عليه والفناه، يبقى هناك ادب واحترام للزمان والمكان يجبرنا ان نلتزم الحشمه في بيت الله ونبتعد عن ارتداء عباءات ترتهش من الفصوص والضيق ملفته للنظر
وبالمقابل ،هناك أدب للنصيحة ورقي في الامر بالمعروف والنهي عن المنكر
ولنا في حبيبنا وسيدنا محمد صلى الله عليه وسلم خير قدوة في ذلك
(فبما رحمة من الله لنت لهم ولو كنت فظاً غليظ القلب لانفضوا من حولك )

!!
(2)
عندما تكون وحيدا في مكان ما،تجبرك الوحده ان تسمع الحوارات والصوت حولك
صوتها لا يحتاج لوحده،صوت عالي ولكنه مميزه:
ايييييه يارب،مش عارفين حنبقى فين السنه الجايه بئه
منت عارف الحال يارب
!!ايييييييه يارب تستر على البنت زينب،دي غلبانه وانته عارف
التفت الى مصدر الصوت ،لاراها متربعه على الارض،
تناظر السماء وتتكلم
:)
وأخرى تشتكي لصديقتها:
انا زعلانه اوي من السعوديه
!!ايه الاستقبال ده،كده بيستقبلونا واحنا قاين لبيت الله؟
تواسيها الاخرى بجواب عجيب:
دول اهل مكه كده،انتي ناسيه دول عملو ايه في الرسول؟
اجبرني جوابها على الابتسام
اردت ان التفت واكمل لها السيره ،فهناك بعد ذلك هجره وفتح لمكه
:)
اخر حوار اضحكني ،حوار مابين اثنين مصرين كبار بالسن
كانو امام اخي في السلم الكهربائي المتحرك داخل الحرم:
يالله يا شيخنا اركب
كده سبحان الله بيوديك السلم لي فووووق وتحس انك قريب من ربنا
ويركب السلم يركب وتقترب اكثر سبحان الله يعني
يرد الآخر:
اييييييييييه علم الانسان ما لم يكن يعلم
@@
:)
سلمت من بعد الصلاه واستلقت على الارض،تنصت لكلامنا
سألتني:
انتو من فين؟
بببتسامه عريضه:
من الكويت
استغربت:
ما شاء الله وبتتكلمو عربي
!!
ما رديت عليها
:)
للمصرين لمسه مميزة في كل مكان،لا تفهم اي شئ خاطئ من هذه الحوارات
هي فقط حوارات اضحكتني:)
(3)
لم اشعر بفرحة الصائم عند فطره الا في الحرم المكي الشريف
الحرم يعج بالصائمين واصوات دعائهم واستغفراهم تختلط في بعض
وفي اللحظة التي يرفع فيها صوت الأذن الله وأكبر
يهدأ الجميع ويشع السكون في تلك اللحظة المباركه
تشعر بنعمه التوحيد وبأن المسلم اخ للمسلم
فتلك من تمرتها تتنقص لك،واخرى تصب لك من قهوتها
تسابق للأجر وابتسامه الطاعه تنور كل وجه
(4)
طاولتها ماء زمزم فدعت:
يالله يا بنتي من ماء الجنه يرويج الرحمن،انتي وكل من تحبين يارب وتغلين
مرة ثانيه طلبت مني ان افرش سجادتها ،ودعت لي بدعاء اجمل وارق
اذن االاذان ،فاعطتني من قهوتها فنجال ودعت
اصبحت اناظر تلك العجور البدويه ذات اللسان الذي يقطر عسل ،ارتجي ان تطلب مني اي شئ لاقدمه لها واسمع دعوة جميله منها
سبحان الله...هناك من رزقهم الله بلسان رطب بذكر الله
لسان حلو،يرد على كل كلمه بأحسن منها
الله يجعلنا منهم
:)
(5)
صراخها يشق سكون المكان،تصرخ في كل مصليه تنسى نعالها على الارض
مستنكره وضع النعال والاحذيه بجانب القرآان على الارض
تلك عائشه البوسنيه ،صاحبه مراكز الايتام في البوسنه
هل صادفها أحد؟
(6)
عائشه البوسنيه كانت سبب لفتح الحوار ما بينا
اسره اماراتيه بغايه الطيب والرقي
صممت والده البنات ان اشرب جاي حليب معهم
ولم اجد سوى بعض البسكوت معي لنتشارك فيه
!!
عند انتهاء الصلاه سلمنا على بعض ،ونحن نعلم قد لا نرى بعض بعد ذلك
دعاء والدتهم جميل:
ياربي يجمعنا في جنات النعيم
طيبتهم ذكرتني بعايشه،عيون الحب،وببن علي واستاذ بلاليط
:)
(7)
كان قدسبقنا للعمره مع اصحابه بالسياره،،اتصلت اطمئن عليه قبل ذهابي للعمره:
يبه دير بالك على نفسك وادعيلي
بصوت وابتسامه ذات مغزى:
هاااا شنو تبين ادعي لج؟قولي قولي عادي
استنكر نقزاته:
يبه عادي ادعي لي بكل شي زين
يرد:
وزوج صالح؟
اسكت :
يبببببببببببببببه ،قلت كل شي وظيفه ،وهدايه وتوفيج
يرد:
قولي وانا ابوج،تبين باالاسم ولا مجهول؟
ضحكككككككككني
:)
الله يرزقني البر فيك وبأمي يا اطيب واقرب من لي
(8)
بعد هالبوست اغيب عن التدوين هالفتره
والوعد في بلوق مع الله في كل نبضه في كم بوست
وباقي الوقت بريك لكم مني
واستراحه اجباريه
:)

هناك 58 تعليقًا:

loyalty يقول...

1

الحمدلله أنا بكل روحه لي للعمرة مايصادفوني ;D
بس
مرة وحده قالتلي ماشاءالله عليج جميلة
(موصج جميلة ترى .. اهيه تبالغ)
حسبالي تمدحني :P
والا تقولي ليش ماتجملين أكثر بالنقاب :)

2
كل هالحوارات و ماتشاركينهم فيها ؟ :)
حسافة والله !

4
تنقصتي لي من قهوتها؟ :\

7
ههههه.. الله يحفظلج الوالد و يحفظج له
ليش استحيتي :P
جان قلتيله ابي واحد نفسك :)
تطبيقاً لمبدأ : كل فتاة بأبيها معجبة

-----

أشوه حساباتج هالمرة مضبوطه ;p

bin3li يقول...

1

اللهم إني صائم

2

هذا السلم و جذي سوى فيهم
عيل لو ركبوا الأصنصير شبيصير

يخشوا عالجنة عدل :)

6
الإماراتيين و الشاي حليب ما يفترقون لو شو يكون

و ميرسي ، كلك زوأ
:)

7

هههههه ، حلوة
يبه ادعيلي الله يرزقني أنونيميوس
:P

بس مشكلة اغلب الأنونيميوس مهاوشجية

8

استريحي و بتيج الدلة
ماكو إجازة

هذا قرار جمهوري

Q8DOLL يقول...

هلا استكانه
ياحبيبتي صدقتي
مرات ينفرون الناس من المتدينين
انا اختي واحد ذحها بالحج لاحقها ويصارخ استري وجهك واتقى
تقول لا تشوفين ويهي شوي وابجي جني ماشيه عاريه بينهم

لا حول ولا قوة الا بالله
الله يهديهم بس

والله يكثر من امثال اللي يدعون الناس بحب واسلوب محبب للنفس
-------

الله على الحوارات اللي سمعتيها ههههههههه تصدقين بالعمره لازم يصير شي يخليج تفقدين السيطره وتضحكين
انا صارت فيني انا ومرت اخوي واخوي واختي وللحين أسأل ربي اذا كانت عمرتي مقبوله والا لأ لأنه صارت شغلات خارجه عن ايدنا وغصبا علينا
الله يعييييين :)

بعدين الله يهديهم تقول دول أهل مكه وناسيه عملوا ايه بالرسول عليه الصلاة والسلام يعني حشششش أشكره
حسافه هاللسان وايد يحرم ناس من الأجر الكامل

----------
الله على العاوي العذبه
ماشالله ياحلو هاللمه وياحلو البشاشه في الوجوه في الحرم
أما عايشه ماالتقيتها :) انا رحت مره وحده ويااارب اروح مره ثانيه ياناس شوقتوني وايد وايد

----------
ياحليله الوالد عسى مره طويل موتني ضحك
بالاسم هاااا
لووووول
يارب يبلغج رضا الوالدين قولي آمين
ويزرقج الزوج الصالح مثل ماقال ابوج سواء اللي بالاسم والا اللي بدون اسم للحين :)
والله بنشتاااق انشالله ما تطول الغيبه
وانا بخاطري اخذ بريك خصوصا بالعشر الأواخر
الله المستعان

Sowhat يقول...

شوقتينا يا استكانه تقبل الله اعمالك ان شاء الله ....

الله يكتبلناعمرة رمضان ان شاء الله

الدائرة الخامسة يقول...

(1)
نعم كثير ما أصادفهم في ساحة الحرم
وفي الغالب هم طلبه الجامعات الاسلامية
في مكة
المشكلة أنهم يبون الناس تمشي على المذهب اللي دارسينه وعندهم ما يخالف المذهب خطا يجب انكاره
بعضهم ناصح بصمت ورقه
والبعض لو بيده كان مسك عصا
مساله الامر بالمعروف
والنهي عن المنكر
كلها تبي اعادة نظر في المملكة
لأنها فيها الزام الناس على مذهب معين
خاصه أن مكة ياتي لها من جميع المذاهب والشارب

(2)
مو باقي الا تلبسين بالطو اسود
ونظارة شمسيه
وتأخذين معاك جريدة وتشقينها بالنص
:-))))

(3)
فعلاً هالجو جو مثالي ورائع
للعبادة
ولحظات جميلة صعب جداً الواحد ينساها
ويشعر بحلاوتها حتى بعدأنفضائها
وهكذا هي لحظات الصفاء مع الله

(4)
وانتي ما شاء الله عليك
تحبين دعاوي العجايز
بس شكل هالبدوية
ما جابتها على الجرح
علشان جذي كثرتي من خدمتها
ورغبتي بكثره دعواتها
:-)))

(7)
الله يخلي لك الوالد والوالدة
ويرزقك برهم
وتقر عينك فيهم وهم بكامل صحهم وعافتهم
ولازم تفهمين نغزات الوالد
ترى الاب والام قرة عيونهم يشفون عيالهم في بيت الزوجية ومناهم يشفون عيال اعيالهم
والله يرزقك زوج بطيبه أبوك وحنانك

(8)
ربما تغيبين بالبلوق
بس انتي حاضرة دائما في قوبنا
اخت غالية وعزيزه
وبأنتظارك دائما

esTeKaNa يقول...

loyalty
~~~~~~~~
(1)
مافي واحده تقول عن روحها جميله ولا لا
انا احدد يا بنيه

اي صاجة وانا اشهد
شوفي الاسلوب
اصلا تستحين منها ومن رقه نصيحتها
:)




(2)
اي ماسكة نفسي
لاحظتي
:)


(4)
انتي طافج بس ريحة الهيل والبن
قهوة ناس متمرسه مو اي ناس
:)



(7)
ههههههه
اي والله كل فتاة بأبيها معجبه
امين واجمعين يارب
:))

ثبتت بالحاسابات عدل بس عشانج
:)

esTeKaNa يقول...

bin3Li
~~~~~~~~
1
الله يثبتك


2
hahahahahahaha:))
واي يا حليلهم
ترا لاحظ المصرين لسانهم على طول فيه ذكر الله ايا كان هذا الشخص



3
لو سمحت شاي حليب
بكسر الحاء
وعندهم بعد شاي كرك
صج صج عاد هذا ذكرني فيك
:)




7
لالا
الا المهاوشجيه المجهولين
الله لا يقوله
:)))




8
لا يا بن علي خلني استريح
كاتبه بوستين طوال يغنون عن عشر بوستات
ولا شرايك؟
ما استااهل اجازة قصيره؟
وراح تلقاني في البلوق الرمضاني ان شاء الله
:)

lawyer يقول...

لوووووووووووووووووووووووول

ياحلووووووووووهم المصاروه

اهم شي علم الانسان مالم يعلم

هههههههههههههههههههه


شنو قصه البوسنيه ..؟؟



الامارتين في الحرم في قمه الطيبه

اييبون وياهم شاي و قهوه و حليب يكفي نص الحرم من كرمهم


الله يحفظ لج ابووووووووووووج قولي امين


على طاري الدعاء


سمعي سسسسسسسسسسسسسسسمعي

قلت حق اخوي الصغير
حبيبي ادعيلي و انت رايح المسيد

قالي شنو تبين ؟؟

قلت له خير الدنيا و الاخره


قالي اي عبالي بعد بتقوليلي ارزقني الزوج الصالح !!



قلت ببببببببببببعد ليكون عندج امل بتزوجيييييييين

خلاص !!

كااااااااااااااااااااااااااك

esTeKaNa يقول...

q8doLL
~~~~~~~~~
اي والله صاجة تييج البجيه
خاصه اذا كنتي بديرتج تعتبرين من البنات الملتزمات المحتمشمات وتعاملين هناك بطريقة ثانيه كانك مو متستره ابد
الله يهديهم بس
!!
انا مع الامر بالمعروف بس بشرط
الكلمه الطيبه وعدم الجهر بطريقه تخلي الموضوع ابعد ما يكون عن النصيحه




اي اي ما تبين يروح الاجر
شوفيني انا اشلون عيوني تفتر وانا ساكته
واطالع عماتي واتبوسم
وهو يحقروني عشان ما اتكلم
اسكت روحي شوي بعدين ما توعين الا استكانه تفتر وتسولف مع اللي يمها ما اعبر
ههههه
:)
ياااااربي يكتبها لج سنين عديده ومرات كثيرة قولي امين،صج عمره رمضان زحمه
بس انا فعلا حبيتها
لها متعه ثانيه وروحانيه اخرى

لاحظتي ابوي؟
فري ها
لووووووووول
يقولي بالاسم
شفتي اشلون ابوي يا رومانسي يا بديت اصير عاله على المجتمع قال ادعي لها جود انها تتيسر
:))


تبين نصيحتي؟
العشر الاواخر فرصه
مابي اضيعها بشي ثااني
ولاحقين انشالله على كل شي
:)
الله يتقبل منا ومنج

esTeKaNa يقول...

SOWHAT
~~~~~~~
منا ومنك صالح الأعمال
عمرة رمضان رغم الزحمه ممتعه
الله يكتب لك عمره في رمضان وحج كل عام ويكتب لك كل خير يارب
:)

esTeKaNa يقول...

الدائرة الخامسه
~~~~~~~~~~~~~~~~
(1)
يغض النظر عن كثير من المساوئ فانا مع الامر بالمعروف والنهي عن المنكر وعندي اكبر سيئه لهم هي غلظة وشده وعلو صوت البعض منهم للاسف
!!
ربما لانهم كما تفضلت شباب فيكونون في فورة التدين والتعصب،والمشكله احيانا بدل ان يكون الهدف هدايه شخص ونصحه
ينقلب الموضوع لابتعاد شخص عن دينه
الله يهدينا واياهم
:(
(2)
هههههه
عادي تسويها استكانه
بس مو بالحرم
:))




(3)
اي والله الصفاء مع الله
احاول بقدر المستطاع اعاده استشعار كل هذا باشعر بشئ منه ويبقى قمة الصفاء الذي شعرت به كان هناك
!!



(4)
اي والله احب دعاوي العجايز
يمكن احس بصدقها اكثر
!!
الحرمه لسانها حلو
ما ينمل من كل كلمه تقولها
وفي احد يمل ولا يشبع من الكلام الزين؟
:))




(7)
يزاك الله خير
ونقزات الوالد ما تحتاج ترجمه ولا فهم
بدع صراحه
:))
الله يحفظهم يارب ويحفظ لك اهلك ووالدينك



(8)
شكرا من القلب على هذه الكلمات
الحين استريح وانا مطمنه
:)

esTeKaNa يقول...

Lawyer
~~~~~~~
hehehehehehehehe:))
عاشه البوسنيه ضحكتني بالبدايه
بس بعدين حبيتها
من ذاك الفير صراخها يلعلع
بيدها جنطة فيها جياس شغار
تستخف من تشوف واحده حاطة نعالها على ارض الحرم يم القرآان والسيايد تقول ما يصير
!!
وتعصب اذا شافت واحده تصلي وريولها طالعه مو لابسه دلاقات:))
يوم نادينها نبي نكلمها بسها صراخ
سئلتنا انتو من وين؟
لما قلنا الكويت والامارات
حبتنا كلنا
وشكرتنا لانه نيب جناط صغار حق الجواتي وانتي بكرامه:))
وقالت لنا انها عندها مراكز ايتام ودعوة في البوسنه وتتكلم عربي،وانها مشت عشر ساعات في مكه بس عشان التوعيه
!! كسرت خاطري وحبيتها
وعلى طاري الاماراتين صج صج يهبلون
الله يتمم عليهم يستاهلون كل خير

5roofa يقول...

looool

واااااااي حبييت ابوووج الله يخلي يارب ولا يحرمه منج و يخلي امج بعد

راح نشتاقلج يالغاليه و حطي بالج على نفسج وتقبل الله
:)

salamz sweetee...

اجار الدين كشمش يقول...
أزال المؤلف هذا التعليق.
Kuw_Son يقول...

لا تتوقعين من رجل وظيفته الأمر بالمعروف و النهي عن المنكر أن يخلص النصيحة لله عز وجل و يهونها على المنصوح .. إلا ما رحم الله !!

وايد صارت مشاكل مع رجال الهيئة .. دفاشة الله يهديهم !!

يا استكانة هالمصريين ساعات نسمع منهم عجايب في الحرم مع الدعاء هههههههههههه :)
تكلم الله جنها رفيجها استغفر الله !

لوووووووول .. مني عالافة أهل مكة .. و إيه عملوا بالنبي !
هذي الظاهر توها قارية عن البعثة ما كملت السيرة هههههههه

الشياااااااب ههههههههه ... أهم شي انك كل ما تركب السلم بتقترب من ربنا .. ما عليهم شرهة !!

لوووووووووووووووووووووول ... توني أدري ان الكويت بييييكككللللموااااا عربي !!!!!!!!!



الله يحفظ لك الوالد و الوالدة و يجمعج بمن تحبين في جنات و نهر .. في مقعد صدق عند مليك مقتدر :)

الدائرة الخامسة يقول...

يقول المثل
- من شابه أباه ما ظلم -
وانت مو بعيدة عن الوالد
هم نغزاتك ... مو هينه

عــــاشــــه يقول...

حبيبة قلبي...

هذا من طيب أصلج يالغاليه إنج تذكرينا وين ماتكونين

والكرك هو الجاهي بالحليب

:)
وتدرين عاد إنه من سوالفج الطيبه وأخلاقج العاليه إنتي وبعض المدونين الكويتيين ... أشوف فيكم كويت الأًصل .. كويت الي مدت يدها لنا وعلمتنا وكبرنا على حبها
وحب أهلها

وأحلى شي المصاروه والدري (السلم) المتحرك... وحليله .. وعقولة بن علي أظن بالأسنصير على طول بيطلع الجنه
هههههههههههههه

وسوالف العمره إن كان في الحرم المكي أو المدني... ذوق خاص... الصلوات والإفطار والدعوات الصالحه .. والتآخي.. وتشوف إنه محد يجوع في بيت الله

الحمدالله إنه وصلكم ذيج الديار ويرزقنا العمرة يارب.... والرجل الصالح زين بعد
ههههههههههههههههه

اجار الدين كشمش يقول...

ستكانه

انا كتبت تعليق سياسي

على الامر بالمعروف والنهي
عن المنكر

كتبته وانا صايم ولما فطرت مسحته
لانه قوي جدا و مافي داعي
رمضان كريم وراح نتحملهم
لانه من الشقيقه الكبرى
السعوديه علشان موقفهم

من الغزو والنظام اصلا
يغازلهم فمالله

7amee elDyar يقول...

Taqabal allah 6a3tek

Mobaral 3laik el shahar

mtfa2el يقول...

تقبل الله طاعتج و عمرة مقبولة
الله ييسر لي عمرة بهالشهر ...حسافة صارت لي شغلة ضرورية و ما قدرت أروح
:(

magnoonah يقول...

من كل قلبي يا ستكونه


الله يوفقج ويستر عليج ويهديج وا يخلي من خيره شي الا ويعطيج

يا بعد قلبي بوستج روعه وسالفج احلى

اليوم ضاقت فيني الدنيا وهي وسيعه ولما قريت كلامج وايد استانست عسى ربي يحفظج
وتسلم ايدينج بالغلا

غير معرف يقول...

i really estanast ,, when u talked about 3aysha... i go every year and look forward to seeing her,, she screams with her voice: " sheeeb shib... shib shib" meaning if anyob=ne`s shoe is on the floor without a plastic bag ya weelah.. i love her soo much and i saw her last sunday. t my surprise she remebered me and hugged me.
Jazz

charisma يقول...
أزال المؤلف هذا التعليق.
charisma يقول...

عمره مقبوله يالغاليه يا شيخة البنات وتقبل الله طاعتج

وااى يا استكانه ما ادرى ليش غورقت عيونى وانا اقرى
سبحان الله بالعباد
نااس اجناس تشوفين العجب بهالمكان سبحان الله

اخر بوستج
حوارج مع الوالد ذكرنى بحلقه من حلقات عمر خالد
الاب الصديق
والله يا استكانه نفس حوارج قاله عمر خالد عن احد الصحابه وبنته
:)
الله لا يحرمكم منه ويخلييه ذخر لكم اميين

ولا يحرمنى منج

:*

تقبل الله طاعتج مره ثانيه
وكاهى العشر الاواخر على الابواب
خلص ارمضان
:(
الله يرحمنا ويرحم حالنا ويجعلنامن عتقاءه

امين

2 u ALL يقول...

تقبل الله طاعتك ..!! وعمره مقبوله انشاء الله ..!! سرحت وأنا أقر بوستك عن العمره ..!! في تواصل الناس ودعائهم لبعض في الحرم خصوصاً وقت الافطار ..!! ولكل المواقف الأنسانيه التي تعرضت ونتعرض لها في كل سنه بالعمره في رمضان فتبسمت وضحكت وهمت بصورة الكعبه المشرفه ...!!؟

وسرحت وأنتي تكتبين عن هذا "الملتحي" الذي "نهر" و "زجر" تلك البنت أمام الناس في الحرم الشريف ..!! فحزنت وتأسفت على الشباب المتدين الذين تأخذهم الحماسه والجهل بعيدا عن الهدف المرجو من الدعوه ..!! وتراه لايفقه فن الدعوه والنصيحه ..!! فيسبب بجهاه هذا "النفره" من الدين ..!! بدل الجذب والتقريب الى الدين ..!! هذه النماذج يجب أن لا تستمر فالدين النصيحه كما قال رسول الرحمه ..!! رسول الهدى والخلق العظيم .. فتعلموا أيها الجهلاء ..!!؟

Shather يقول...

الحمدلله على سلامتج :} و تقبل الله طاعاتج ..

صج في ناس مادري اشلون صايرين ماكو اسلوب و لا يعرفون ينصحون ..
بدال لا يكحلونها يعمونها .. الله يهداهم ..



و هنيالج هالعمره :} و الله يرزقنا عمره قادمه معاج في رمضان القادم ان شاء الله

ReLaaaX يقول...

1

لوووول ذكرتيني بأم رفيجتي تقول والله لو انخليها يم هاللي يصارخون اتهاوش معاهم
عادي تقول له انته اللي لا تخز ;p

بس فعلاً هالآية لو بس استشعرها الانسان يحس ان اهوا اللي مقصر بحق الدعوة
إذا رسولنا واهوا رسولنا رحيم بخلق الله !؟
فالأولى ان يكون لنــــــــا قدوة
مشكلتهم تدرين شنو ؟
استحقار اللي اقل منهم
لو بس يشوووفنهم بنظرة رحمة شوي وعطف عليهم
يعني هاللي يدعون بصوت عالي لو ماجهلهم جان ماسوو هالشي
ونفس الشي هالمره المسكينة مو ضروري تكون سعودية يعني شدراها ان بالسعودية لازم تغطي ويهها !؟
...الخ


2

loooooooooool
والله اتوقع لو كنت مكانج عادي اضحك بيووههم على هالحوارات العجيبة


3

يابخت عينكم والله
عسى الله يهنينكم ويرزقنا وياكم عمره برمضان ياااااربي ياحبيبي


4

واي ياحلوها حبيتها :)))
عسى الله يطول بعمرها بطاعته


5
6

يحليلها والله
ويحليلهم شعور جميل :)



7

يااااااااااااااالله ياكريم تفتح على استكانة من اكبر ابواب رزقك وتوفقها وتعينها وتييسر لها امورها وترزقها بر والدينها وتعينها على هالشي
--> ترى بين الاذان والاقامه


8
واحنا متابعينج اهنيه واهناك :)
وتقبل الله طاعتج مره ثانية

DUBAI يقول...

عمرة مقبولة ان شاء الله يا عزيزتي

المواقف صدق متاشبهة : )

ZoZOta يقول...

ولهت عليج

ان شاء الله تكونين بخير

Mamloo7a Q8ia يقول...

تقبل الله طاعتج وعمره مقبوله
خوش بوست عيشتينا معاج
في هذاك المكان الطاهر
صاجه في ناس تكرهج في الطاعه وناس تحببج فيها
وعسى الله يكتبها لج مرات عديده

`~MnO YeNSa! ~` يقول...

وااااي الصراحة وايد استانست اللي يونس ببلوقج انه متنوع وو الصراحة المصريين زوووغة كلامهم له نكهة خاصة سوالفهم تينن و تموتني من الضحك يا حلوهم و جان عطيتيهم عنوان بلوقج و قلتيلهم بعد اعرف اكتب عربي :P و الله يخليلج ابوج و ابارك ابعمره و اخاليج له انشالله

Barrak يقول...

تقبل الله طاعتج

SolaimaN يقول...

:)

عمره مقبوله انشالله يا استكانه

استمتعت جدا في نقلج وتصويرج الاحداث

والمواقف الظريفه ،،بداً باستراحه الدرج

مرورا بالحوارات الانترناشيونال مثل

البنت الغلبانه زينب،،مالم ((يكن)) يعلم

ما شاء الله وبتتكلمو عربي

صج لووووووووووووووووووول


وحديث العجوز البدويه اسأل الله ان يحسن خاتمتها

ومن ثم طيبه الكثير الكثير الكثير من اهل الامارات

وليس (بعض) الكويتيين الطيبيين على حد وصف عاشه

:P

والله يا استكانه شهيتيني بالجاي كرك

:s


والحين يا استكانه ،،بما انج اخيتي وحريصه علي

وعلى مصلحتي وتبلغين شفج بذاك الميل وتبين تعرفين من منو؟؟

انتي الحين علميني على قوله الوالد الله يحفظه

قولي وانا اخوج،تبينه بالاسم ولا مجهول؟

:P

magnoonah يقول...

حبيت اقولج ما فيني شي

وتمر وتعدي ونعيش يا ستكونه


وحبيت اقولج فديت عناقيصج ان جان ناقصج شباصات ماشات للعيد قولي كله ولا العناقيص انا وشباصاتي خصوصا الصغار بالخدمه


اي لون اي شكل اي نوع تراه عيد لازم تكشخين
:)
حبيت انوه بس
:)))

esTeKaNa يقول...

5roofa
~~~~~~~~
حبتج العافيه يا الغاليه
ويزاج الله خير ما قصرتي
:)












kuw_son
~~~~~~~~~
اي والله يا بو وليد
الله يهديهم بعضهم بدل لا يبشرون برحمه الله ويدعون الناس للدين ينفرون الناس من شدتهم وكلامهم
:(
ههههههههه
واي ضحكتني
اي انا قلت هذي توها قاريه السيره
وتتكلم عن اهل مكة واللي سوه جنها ابد كانت وياهم استغفر الله
!!
يزاك الله خير على هالدعاء الطيب
واجمعين يارب

esTeKaNa يقول...

الدائرة الخامسة
~~~~~~~~~~~~~~~~
يا ليتني اكون مثله يا اخوي
هذا حلم بالنسبه لي
:)







عاشه
~~~~~
هلا بالطيبه الغاليه
لو سمحتي انا ابي اشرب كرك
صج حبيته
:)
يا بعد قلبي يا عواشه
ترا احساس مشترك وشعور متبادل
عسى الله يجمعنا بجنات النعيم يارب العالمين
!!
اي والله سوالف الحرم لها طعم اخر واحساس جميل،نسأل الله القبول
وآمييين يا عايشه
هههههههه

esTeKaNa يقول...

أجار الدين كشمش
~~~~~~~~~~~~~~~~~
يا زين السنع والله
:)
اي هذا التفكير العدل وانا اخيتك
بيني وبينك انا يوم قريت تعليقك
قلت اشفيه اخوي معصب؟
واشفيه وداني هذاك الصوب صوب السياسيه
وما حبيت اعقب على شي خاصه انها ديرة طيبه،لها مواقفها الزينه وديرة خير الله ياجرهم على خدمه بيت الله وحجاج الله في كل سنه
!!
بس ما قلت لي شنو تفطرت اللي غيرت رايك جذي؟
:))

esTeKaNa يقول...

حامي الديار
~~~~~~~~~~~~
!!عاش من شافك
منا ومنك صالح الأعمال يارب
:)












متفائل
~~~~~~~~
منا ومنك صالح الأعمال
لا تكدر نفسك وادعي
والله يا متفائل خمس مرات والله ما يكتبها لي
بس على النيه
ياربي ربي يكتب لك عمره هالسنه وكل سنه يارب
:)

esTeKaNa يقول...

Magnoonah
~~~~~~~~~~
هلا باغلى واروع واعقل الميانين كلهم
:)
يا ضااااايق الصدر بلله وسع الخاطر
دنياك يا زين ما تسوا الضيقه
افا عليج بس
!!
انا دامي تطمنت عليج الحمدلله
عادي ترا كل واحده منا تمر عليها عساره موسميه وتعدي وانا اخيتج
وميرسي اوي اوي على الشبابيص
واي يا بختي والله وين احصل شبابيص حق العيد
!!
لا خلا ولا عدم :**

esTeKaNa يقول...

jazz
~~~~~
اهلا وسهلا
استانست بوناستج والله
والاحد اللي طاف انا كنت هناك
:)
بالبدايه لما كانت تقول شيب شيب وتصارخ انزعجت،لما تكلمت ويانا وايد واي حبيتها
انتي شوفي صدقها واحساسها من داخل وامرها بالمعروف ونهيها عن المنكر
الله يثبتها يارب ويرزقها الجنه
وحياج الله
:))










charissma
~~~~~~~~~~~
منا ومنج صالح الأعمال حبيبتي
فقدناج من غير شر
!!
اي والله يا كريزما انا كش شعر ينبي ودمعت عيني اول لحظة شفت منظرالناس وهي تنطر الفطور وقعدتهم يم بعض
شي خيالي والله
الله يغفر لهم جميعا ويجمعنا ويااهم في جنات النعيم

صج عمرو خالد قال جذي؟
حسافه ما سمعته
اله يرزقني البر فيه اهو وامي
صج هالشي افكر فيه وايد كل ماكبرت ادعي اله يعيني ويرزقني بركم والجنه
:)
يزاج الله خير يا الغاليه

esTeKaNa يقول...

2uaLL
~~~~~~~~
منا ومنك صالح الأعمال يارب
:)
وشكرا على التعقيب المميز جدا جدا
واتمنى ان يهدي الرحمن اولئك الجاهلين برحمه ورقه دينا
:(

















shather
~~~~~~~~
الله يسلمج يا الشذري
اي والله بالضبط،بدل لا يكحلها عماها
وامين ياربي هالسنه وكل سنه انشالله
:)

esTeKaNa يقول...

reLaaax
~~~~~~~~~
1
لوووول
ام رفيجتج منها وايد
وحريمنا ما يغشمرون بعضهم،من يقولها غطي ويهج على طول الرد انته غض بصرك ليش تخز
!!
مثل ما قال اخوي خالد اهي وظيفه عندهم ،يمكن عشان جذي ما يأدونها بحرص واخلاص ورحمه
الله يهديهم يارب
2
واي ما شفتيني
ابولع ابولع مابي اضحك
:)
يا قلبي مرتبه هالبنت مرتبه
شكر على هالتعليق الحلو والمميز جدا
امين واجمعين يارب








dubai
~~~~~~~
منا ومنج صالح الأعمال يارب
:)










zozota
~~~~~~~~
ولهت عليج العافيه يا الغاليه
والف الحمدلله انا بخير
:)

esTeKaNa يقول...

مملوحه
~~~~~~~~
هلا وغلا
تبارك المكان يا مملوحه
:)
امين واجمعين يارب







mno yensa!!
~~~~~~~~~~
ياهلا ويا مرحبا
هذي الساعه المباركة والله اللي زرتيني فيها وايد ونسني تعليقج
وهذا بلوقج ومكانج كل ما تميتي سيري علي تلقيني قاعده واسولف بنص ابللوق
:))
امين واجمعين يارب










براك
~~~~~~
منا ومنك صالح الأعمال يارب
:)

esTeKaNa يقول...

سليمان
~~~~~~~~~
هلا هلا بسليمان
اقلط اقلط
قهوة يا ولد
:pP~
اشرايك فيني قاعده ارحب فيك ؟
ترا مو مني من نمر بن عدوان ووضحة
:pP~
يا زين العمرة يا سليمان،عسى الله يتقبل منا ومنك صالح الاعمال ،فرحت انه البوست عجبك
وان شاء الله مرة ثانيه بنقدم جاي كرك في كل بوست بالاستعانه مع اخوانا الامارتينن،خوش جاي فجج عيوني حق التروايح:))

بما انج اخيتي
وحريصه على مصلحتي
وتبلغين شفج
كل هالمقدمه عشان ليييييييييييش؟
عشان بالاسم ولا مجهول؟
لا اله الا اله محمد رسول الله
سر سر ما اقول:)
الا اذا بتدعي لي هذا شي ثاني
:))))

Najmah يقول...

كان ودي لو عندي الوقت الكافي عشان ارد على نقطة نقطة

لكن اقولج تقبل الله طاعتج

وامتعني كلامج

ربي يوفقج للخير دايما

:)

Selezya يقول...

ضحكتيني والله وونستيني .. والاكثر انج شوقتيني عالعمره :)

وتقبلها الله يارب

وعسا الله يرزقج بالزوج الصالح :P
;)

The Voice Within يقول...

لووول

ماشالله عيني عليج بارده

جو ايماني لا يخلو من مواقف مزجت بلطافه الدعابه

عشت المواقف و حدي تشفقت على العمره

تسلم ايدج خيتو

اجار الدين كشمش يقول...

علشانج بقولج الصج

قبل الفطور انا بمركز سلطان شرق

والا الاجانب مبتين عل للسانات جان اصف واشتري معاهم

وانا عمري مااكلت اللسانات ؟

يعل حتى الطباخ ما عرف
اشلون يسووونه

وكتبت التعليق قبل الفطور

وبس اذن المغرب.. وانا اصرخ وييين للسانات الكلاس
والا ... استغفر الله مقصصين

والله يزيد النعمه

ويا شين شي ما شابه اهله ؟

وانقص الساااني معاهم

وسامحيني
فمالله

بعثرة مشاعر يقول...

تقبل الله طاعتج

أحلى شي لما تروحين العمره
البساطه البساطه
انتي و المصريه و السودانية و الأفغانيه
كلكم بصف واحد .. و برمضان نتبادل التمرات و نتفطر جميع
جو ايماني روحاني لأبعد الحدود
بعيد عن التكلف و و الأطباق الفاخره
!

ضحكتيني بسالفة المصريه اللي تدعب لزينب
سبحان الله .. كل انسان يدعي بقلبه بلغته لرب العالمين

اما عن الأمر بالمعروف و النهي عن المنكر
فالله يهديهم دفاشه و ماعندهم لباقه ولا احترام

تدرين ليش ..؟
من الأشكال اللي تييهم ماينعطون ويه
والله احنا المسلمين المفروض النظام عندنا
و نكون قدوه لغيرنا

لكن للأسف ..
برمضان شوفي عقبهم عقب الفطور .. مزبله أعزج الله
الكل ياكل و يخلي زبالته وراه و يمشي

و دفاشتهم بالطواف و السعي
جنها حرب الكل يمشي و مايشوف جدامه
يمشي و يدعِّم بخلق الله
و لا امرأه تزاحم الرجال

و مستحيل نقدر نقبل الحجر الأسود
لأن الخوض بالمعركه للوصول له
ياتموتين أو ترجعين مصابه
أو غشيانه

الحمد لله على كل حااال
و عذرا عالإطاله :)

Mishari يقول...

الحمدالله على السلامة وتقبل الله

والصراحة مواقف تضحك
:)

Very.Q8ya يقول...

taqabbal allah 6aa3tich 3asa rabbey yetqabbal :)

Té la mà Maria - Reus يقول...

very good blog congratulations
regard from Catalonia Spain
thank you

باغي الشهادة يقول...

هو مروري الأول عندك
ولو متاخرة لكن أقول تقبل الله طاعتك

مواقف مؤثرة وجميلة...وكادت أن تزاحمني الدمعة. وأغبطك على دعوة العجوز لك، بالفعل البدو عموما عليهم دعوات تشرح النفس، لكن بعض المرات تحتاج ترجمان

ezain_kilah يقول...

يتقبل منا ومنج صالح الأعمال يا ربي ياالله ويعطيج اللي في بالج واحسن على مشاركتج لنا بذكريات العمرة الجميلة وبيان فن النصيحة وأثر الكلمة الطيبة

بس والله الوالد ذكرني بوالدي أنا...ذيك المرة رايح العمرة ويوم رد قال لي انا واختي دعيتلكم الله يرزقكم بعيال حلال اثنين واحد لكل واحدة فيكم...عاد أنا ولا استحيت قلت يبه, جان خليتهم ثلاثة ...على الأقل واحد احتياط!

حسام بن ضرار يقول...

وأخرى تطوف حول الكعبه،في قمة الانشراح والدعاء،يقبل عليها ملتح آخرمكفهر
غاضب
يتطاير الشرر من عينيه ويصرخ فيها:

الا تخافين الله؟هل تردين فتنه عابد؟مصل؟معتمر في بيت الله؟

اتقي الله يا مرة،استري وجهك وتوبي الى ربك

------------------------

و هالغبي ما يدري ان المره تكشف وجهها حال الإحرام؟ او تلبس بوشيّه خفيفه؟

الجهل مشكله






للمصرين لمسه مميزة في كل مكان
------------------------

اعتقد لمستهم مميزه جداً - بالسالب - في رحاب المسجد الحرام

فهم اهل المزاحم و البدع و الوصاخه المادية

bin3li يقول...

إجازتج ما خلصت؟
:)

esTeKaNa يقول...

najmah
~~~~~~~~
اجمعين يارب
وحياج الله نورتي المكان
:))









selezya
~~~~~~~~~
ياهلا ويا مرحبا
واجمعييين يارب
:))








the voice with then
~~~~~~~~~~~~~~~~~~~~~~~~
تسلمييين ما قصرتي
الله يبلغج يارب وتعتمرين هالسنه وتحجين قولي آمين
:)









اجار الدين كشمش
~~~~~~~~~~~~~~~~~~
hahahahahahahhahahahahah:)))
واي كسرت خاطري
!!
نصيحة متأخره بس ميخالف تفيدك حق مستقبلك،اذا صايم لا تروح جمعيه
ولا تروووح مركز سلطان
صدقني ما راح تاخذ قرارات منطقيه راح تشتري كل شي وانته طالع ومو حاس بنفسك
!!
عسى مداخيل العافيه يارب
ومسموح ياللي تعذر
:)











بعثرة مشاعر
~~~~~~~~~~~~~~
ياهلا ويا مرحبا زارتنا البركه
ومنا ومنج صالح الأعمال يارب
:)
اي والله ،البساطة اللي نفتقدها وايد
عسى ربي يكتب لنا عمره بكل سنه يارب
والمصريه تدعي بللي تحس فيه
وربج قريب،مجيب للدعاء سبحانه
استمتعت بمرورج الطيب
ولا طاب لج المكان عاودي
وعيييدج مبارك






مشاري
~~~~~~~
الله يسلمك ومنا ومنك صالح الأعمال
والصراحة,,,استانس انا بتعليقاتك
ويا بختي جان البوست ضحكك
:)










very_q8tya
~~~~~~~~~~~~~~
امييين يارب واجمعين
:)










باغي الشهادة
~~~~~~~~~~~~~~~
حيالله هالمرور الاول
زارتنا البركة ونورت يا باغي الشهاده
:)
منا ومنك صالح الأعمال يارب
وعدل والله،لهم منطق ولسان حلو
يزاهم اله خير









الزيين كله
~~~~~~~~~~
هلااا وغلا يا الزين كله
:)
اجمعييين يارب ويزاج الله خير على هالدعاء الطيب يا الطيبه
ههههههههههه
اهم شي الاحتياط
تحسين عندكم نظره ثاقبه ومستقبليه
اهم شي ابهاتنا،يا حسرتنا قامو يصرحون بدعائهم بصوت عالي
جنه بدينا نصير عاله على المجتمع؟
:))











حسام بن ضرار
~~~~~~~~~~~~~~~
!!شفت اشلون؟
بس انا يا ضرار اللي اعرفه ان السيده عائشه وامهات المؤمنين كانو يطوفون واذا اقترب منهم رجل يغطون ويوهم في بوشيه خفيفه
وهذا اللي شفت كثيرات يسونه
الظاهر الاخ كان قصده جذي
بس انا لاحظت كل الجنسيات موجوده ليش يتسلطون علينا؟
:(









بن علي
~~~~~~~~
بعد باقي شوي
عسى فقدوني
:Pp~

ZoZOta يقول...

كل عام وانتى بخير

وعيدج مبارك

ولهت عليج

:*