الأحد، أغسطس 19، 2007

فكره

قيام ليل:
قبيل الفجر بساعه،يأتيني اتصالها
توقظني
وبأحب الاوقات لربي تذكرني
تستحث فيني الهمم،وتذكرني بالقمم
علمتني...كيف يكون لليل لذة اخرى
وكيف يكون للراحة طعم اجمل
ركعات في جوف ليل طويل
ودعاء يختزل هموم وافراح قلب صغير
...قمة السعاده
استشعار اليقين في قلبك
واحساسك بالتوكل على ربك
تطلق العنان لدموعك تشكي له همك
وتدعي باخلاص راغبا بشئ في قلبك
شفع ووتر مسك الختام لكل ليله في عمرك
!!
.
.
.
حجاب
لم يكن غاضبا،ولم يكن منفعلا،كان في اصدق حالاته
ينزل لمستوى مراهقه على اعتاب الانوثه ويخاطب الاحساس فيها:
من يقول ما ابي لج الزين؟
اهو في أزين من الجنه؟
حفت جنتج بالمكاره،وحفت النار بكل شي تشتهينه
الحجاب وقاروالعفه زينه
بالحيا تزيني،وكوني جوهرتي الرزينه
ارتقي بنفسج واوصلي حق شي انتي تبينه
لا تقبلين تكونين شي رخيص،يروي كل عين تناظر زينه
افتخري بدينج والتزامج
وايقنيي،بيرضيج ربج،دامج بكل عمل تفكرين ترضينه
.
.
.
.
صيام:
مسج اليوم منها:
sh3ban bda o bacher Yoom aLathneen
shraaich n9oom bachr o nf6r fy Nino?
then n7Ly fy chocklate bar:))
.
.
.
.
نية:
النيه مطيه
كسبي الاجر بالتفكير في النيه بكل عمل تسوينه
!!
بدل لا تكون الزواره واجب اسري،ليش ما تكون النيه صله رحم؟
بدل لا تروحين الاستقبال او تروح الدوانيه عشان فلانه ما تزعل وفلان ما يتشره،ليش ما تكون النيه اجابه دعوة؟
النوايا...تجاره
خلونا نكون تجار النوايا
:)
الفكره:
القرب من الله راحة
والتعايش مع الدين سعاده
ذكر الله صباحا ومسا يشعرك بأنك في حفظه دون سواه
نقترب من القمة...نجتهد...نفتر
نخطأ
نظلم انفسنا وتزيد هفواتنا
يسكننا الضيق ونبتعد كثيرا
ويما ما لابد ان نرجع...مهما ابتعدنا لابد ان نرجع
ننفض الغبار عن روحنا ونشمر السواعد ونستعد لشهر مبارك قادم على الابواب
ساعدوني على نفسي
ولنتععاون على البر دوما
ما ذكرته غيض من فيض مواقف لاناس احببت الدين منهم
من سماحة التزامهم
من ابتسامة الصدق في كلامهم
لنكن منهم
بكلمه
باحساس صادق
بشئ من اعماقك اوصل فكره
نصيحة
كلمه تنساها ولا ينساها رب العالمين
رمضان على الابواب
هل تذكر من كان معنا في رمضان الماضي ورحل؟
استشعر نعمه ان رب العالمين امد بعمرك لتبلغ شعبان ومن بعده رمضان
عن نفسي:
اعترف بفتوري
بهفواتي
بغلطاتي
غايتي:
اكون سعيده
وسعادتي..برضا ربي ووالديني
برضاي عن نفسي وراحة ضميري
!!
.
.
.

هناك 35 تعليقًا:

5roofa يقول...

استكانه هالمره البوست هدووووء حسيت براحه و انا اقره الله لا يغير عليج يارب

الليل و عند صلاة الفجر اكثر الاوقات قرب من رب العالمين

يارب يرحمنا برحمته

و تقبل الله طاعتج حبيبتي

و النيه شي اكيد بكل شي حلو انه تكون له نيه

مشكوره على الموضوع الاكثر من رائع

slamz sweetee...

loyalty يقول...

راااااحـــــــــة
:)

احترت وايد شنو ارد عليج ، بس قررت أخيراً إني أقولج :

الله يديم لج صداقة الاخلاء الصالحين :)

محـــــارة يقول...

إستكانه بوستج دمع عيوني تدرين ليش لأني أحاسب نفسي وانبها على ذنوبي بس الشيطان يرد يخليني أرتكب بعض الذنوب مره ثانيه

ونفسي ترجع تحاسبني وتذكرني بطعم الرحه لما نكون قراب من ربنا سبحانه السعاده الحقيقيه بقربنا لخالقنا

أنا معصوره ومعجونه أبيت ينبض طاعه لكن الشيطان مايكل يتسلل بعروقنا ويبعدنا عن طريجنا بس بإذن الله راح نقدر عليه ونغسل حتى صغار ذنوبنا

وعسى ربي يقوينا ويهدينا ويكسبنا بعفوه ومغفرته ويدلينا على طاعته سبحانه

مشكوره حياتي على هالبوست الرطب بذكرى الله .. لا إله إلا الله

Shather يقول...

اغلب الناس تعيش في غفله ..

و هني من يعدّ العدّه ليوم الحساب

:) الله يديم عليج الطاعات ان شاء الله

و ذكرينا بالدعاء

mtfa2el يقول...

يعطيج العافية على التذكير
و رمضان على الأبواب الله يبلغنا و يعينا على صيامه و قيامه


الحين يبتي ماي ورد ولا بقلاوة ؟؟

عبدالرحمن يقول...

الله يجزاج خير ويعطيج على قد نيتج

بوست مضيئ

salfa3ajeeba يقول...

kalam jiddan ra2e3:)

mashkora 3la tathkeerna bhalashya ili marrat ilwa7id yisha 3anha wi yinsaha ma3a talahi haldinya:)

jizach allah alf '7air

charisma يقول...

يا حبيبتى انتى

ما اقول الا الحمدالله انى عرفت انسانه مثلج

:**

والبوست يا شيخة البنات
عجيييب
مريح
يوصل القلب
من سلاسته وهدوءة


والحمدالله الله عالم بالنيات

انا من سمعت عن النيه تسبق كل عمل خير
ما قمت اقطعها
وانوى بقلبى لكل شى زين

الله يتقبل منا يا رب

ويزاج الله الف الف خير على هالمقتطفات يا احلى استكانه
:)

ودايما انتى غير
;)

غير معرف يقول...

jezach allah '7er ya estkana

o 3asa allah eytqbal menna o menkom

3ayal tgolen m7ammesha ha ? ;)

wallah mani gader ansa halsalfa :)

o thanks 3la haltathkeer el7elo

7osen يقول...

كلامج كلة صحيح

الله يتمم عليج بالعقل وبالدين

سالفة قلب يقول...

بسميه بوست اللمه الحنونه

مادري حسيته يلم
:)

كلام راقي وشعور ارقى
الله لايحرمج هاللذه ولايحرمنا حبه

الله يبلغنا رمضان ويتقبله منا يااارب


ياحلاتج يااستكانه
:*

esTeKaNa يقول...

5roofa
~~~~~~~~~~
يا عسى الراحة دوم ساكنه قلبج ووروحج
وادعي لي ربي يغير فينا جميعا للاحسن قولي امين
:))








loyalty
~~~~~~~~~
ياعساها دوم هالراحه
امييييييييين
ما تتخيلين شكثر افقد هالناس
ناس تعينج على خير
تزيد من همتج
تحببج بكل شي حلو
ومعرفتهم فعلا مكسب
:)






محاره
~~~~~~~
اقولج شي؟
كتبت هالبوست وانا خانقتني العبره على روحي..!!
ويمكن من اسباب قربج لقلبي انج حاسه فيني بهالشي
البيئه اللي ربينا فيها
احساسنا بالذب اتجاه امور كثيره
تأنيب الضمير مع اعترافنا بأخطائنا
احاسيس وايد تعفسنا من داخل
:)
اللهم امين
ويزاج الله كل خيرحبيبتي







shather
~~~~~~~~~
صاجة...الله يهدي الجميع يارب ويهدينا قولي امين
:)

esTeKaNa يقول...

MTFA2EL
~~~~~~~~~
اللهم امين يارب


بقلاوة بقلاوه:)))
تبيها الحين ولا حق رمضان؟






عبدالرحمن
~~~~~~~~~~
اجمعين
تدري؟
انا اتمنى قلبي يكون مضئ
ادعي لي
:(






SaLfa 3jeebah
~~~~~~~~~~~~~~~~
لا تشكريني يا الغاليه
احس هالبوست كنت كاتبته اكلم نفسي واذكرها وانتو شي من نفسي وقلبي
:))
حياج الله







charissma
~~~~~~~~~~~~~~~
يا بعد قلبي انتي
هذا بعض مما عندكم والله
!!
تدرين المتحابين في الله يكونون من السبعه اللي يظلهم الرحمن يوم القيامه؟
وانا اعرف قلبي
عندي كاشف احساس
يخليني احس وايقن انج من الناس النادرين اصحاب القلوب النظيفه اللي انا احبها والقرب منها مكسب
:**

عبدالرحمن يقول...

اكثر من جذي اضائه شنو تبين

مشالله عليج كلج على بعضج باطباعج بافكارج شي جميل له عطر فواح اللي يقرب منه يتعطر منه ويكسب منه طيب

الله يثبتج ويزيدج

esTeKaNa يقول...

anon.
~~~~~
hehehehehe:))
جنه للحين يايزه لك المحمشه؟
ممممم
اقدر استقبل اوردر حق منائيش محمشه جدااا حق غبقات رمضان اذا تبي يعني
:Pp~
حياك الله







7OseN
~~~~~~~
اجمعيييين يارب العالمين
:)








سالفة قلب
~~~~~~~~~~~
حلت دنياج يا الغاليه
وااااي اشكثر حبيت تعليقج
ريحتيني
كنت حاسه انه بقلبي شي وماني عارفه اوصله
ولاني اثق بذوقج واسلوبج فرحت انه هالبوست ياز لج
حبيتيه وحسيتي معاه لمه
ترا صج ودي المكم
:))

esTeKaNa يقول...

عبدالرحمن
~~~~~~~~~
اللهم اجعلني خير مما يظنون
واغفر لي ما يعلمون وما لا يعلمون
شنو ابي؟
ابي قلب مليان نور
من غير اي حملات ترشيد
كل ناحيه فيها ضوا ونور
:)طماعه؟
شكرا يا بو بدر
:)

عبدالرحمن يقول...

اميييين

من حقج وتستحقين اكثر

@li@ يقول...

استكانه مملوئة بالمنافع و الفوائد

أكيد أنها استكانه بالشاي الأخضر

LOOOOL

بس من صج ... بوست يشع رااااحه و سلاااسه و طمأنينه

و هو دعوه صادقه من قلب صادق
للإلتفاف لما فات
والتحضير
لما هو آت


استكانتي النعناعيه المفيده
شكرا لك على هالتذكره

5roofa يقول...

آمييييييييين يا رب العالميين

salamz sweetee...

DUBAI يقول...

جد بوست رائع : )

في ميزان حسناتج يا رب

New Bride يقول...

mashalah raw3aa el post

عثماني يقول...

مساج الله بالخير اخيتي استكانة

مريييييح جدا هذا البوست

ويه في وقته فعلا

نحتاج مثل هالكلمات من وقت لاخر

جزاج الله كل خير

Shather يقول...

اميين :}

Expatriate يقول...

موضوع جدا جميل
من زمان ما اتحفتينا بنفس هالمواضيع اللي تجذب القاريء

فعلا الحجاب وقار وعفة ويعظم من قيمة البنت و المرأة
واقصد بالحجاب لا غطاء الرأس .. ولكن الحجاب هو ما ستر جسد المرأة سواء رأسها او باقي جسدها بالملابس الواسعة او العباة

إنما الأعمال بالنيات وإنما لكل امرئ ما نوى

شكرا على هالبوست الطيب

حسام بن ضرار يقول...

ما عندي شي اعلق فيه

سوى تسجيل حضور و شكر على هالمعاني الرائعه

goldfish يقول...

مشكووووووره على هالبوست

حسيت براحة لما قريته

ما شاء الله على اسلوبج يدخل القلب

shakshaka يقول...

taqabal allah 6a3tich enshalla .. khoosh post be eb nis el post geltay nino wo choclate bar kharabtay el jaw kelllllah mayyyyyyyyta mn elyooo3 ana ehne eb derat elfager mako akel 3adel si7tttt aslan loool allah yhadach bes kentay emdakhlatnee eb jaw 6ala3teeni eb jaw thany mooooleya abe akeeeeeeel:p

esTeKaNa يقول...

عبدالرحمن
~~~~~~~~~~
شكرااا
هذا من طيبك
:)







@li@
~~~~~~
هذي الساعه المباركة اللي شفنا فيها طلتج البهيه في بلوقي
:)
نورتي المكااان
hehehehe
اثاريني نعناعيه اليوم؟
يا بختي
:)
العفو..لا تشكريني على شي طالع من قلبي
ولا طاب لج البلوق عاودي







5roofa
~~~~~~~~
:)







dubai
~~~~~~~~~
الاروع...وجود دبي الجميله عندي اليوم
اجمعييين يارب
:)








new bride
~~~~~~~~~~~~
شكرااا صديقتي
:)






عثماني
~~~~~~~~
يا مسا الورد والانوار كله
عسى الراحة دوووم ساكنه روحك وقلبك
وفعلا..نحتاج تذكره كل ما بعدت قلوبنا وفترت...الله يعينا جميعا على الطاعه
:)









shather
~~~~~~~~~~
:)









expat.
~~~~~~~~
يسعدني انه هالبوست اعجبك
من زمان كتبت موضوع جذاب؟
:)
مو بشاره
!!
عموما..كل كلمة اكتبها تكون انعكاس لشئ فيني ولتناقضاتي وكل تغير قد يكون فيني،وحتى هالبوست تذكير لنفسي من خلال كلماتي
:)
وأويدك بموضوع الحجاب،المقصد منه الحجاب الشرعي الصحيح مو حجاب العازة مال هاليومين ..الله يهدينا وياهم
العفو..حياك الله








حسام بن ضرار
~~~~~~~~~~~~~~
وجودك في حد ذاته يسعدني
حياك الله
:)












goldfish
~~~~~~~~~~~
الف الحمدلله انه كلماتي دخلت القلب
مجرد احساس شخص بالراحة من كلمات بسيطة اكتبها يشعرني فعلا بالسعاده
حياج الله
:))













shlshaka
~~~~~~~~~~~
Loooooooooooooooooooool:))
يا بعد قلبي وروحي انتي
من غير شر..وينج؟شنو هالديره التعبانه اللي ما فيها اكل زين؟
افا عليج انتي بس ردي
وانا اعزمج على الفطور
:Pp~
وتدشين بجو وتطلعين بجو ثاني، هني الغممنده
عبالج اي احد يقدر يسوي جذي ؟
يدش عرض ويدخل سالفتين ببعض؟
ابداا...بس انا
:pP~

MANAF يقول...

عليج بالعافيه على الثواب اللي اخذتيه

من هالبوست الحلو



تستاهلين الخير كله

يا استكانه

:)

esTeKaNa يقول...

manaf
~~~~~~
الله يعافيك وما قصرت يا مناف
عسى الثواب يكون للجميع يارب
:)

2 u ALL يقول...

الله يتمم عليك نعمه "الأيمان" والعباده ..!! نعم أنها أكبر لذه ونهاية مطلب الأنسان ..!! الرجوع الى الله متعه ولذه لايوازيها أي متعه ..!! وقديماً قال بعض علماء الأمه " لو عرف الملوك ما نحن عليه من متعة الأيمان لقارعونا عليها بالسيوف" فهنيأ لك هذه اللذه والنعمه ..!! والشكر لله على النعمه والمنه ..!!؟

b9mah يقول...

استكانه
صج كنت محتاجه رفعه ايمانيات
اشكرج من قلبي على هالبوست اللي عطاني دزه
ولج اجر ان شالله

:)

imbratoor يقول...

كل اللي ذكرتيه هذا اهي اسس الحياه

اساس حياتنا كل لازم يكون قائم على هالاشياء الله عساج دوم جذي والله يهدينه

يريت كلنه جذي وانا اول واحد

انكون مهتمين على هالاشياء كثر ما نفكر ابمستقبلنه انفكر ابمستقبلنه الاهم

واهي الاخره

لازم انسوي شي يفيدنه لاخرتنه اكثر من اي مستقبل ثاني

الله يهدينه ويهدي كل امه محمد انشالله

وايد البوست مريح ومنور والله منور ذكرتينه ووعيتينه عن وايد شغلات واهمه صلاة الفجر لج الاجر انشالله

ومشكوره

غير معرف يقول...

يعني انا السنعه
هاهاهاها
لو بتصلين وبتصومين هذا شي بينج وبين ربج ماله داعي تسوين حفله وتقولين للكل

esTeKaNa يقول...

2uall
~~~~~~~~
صدقت والله
اللهم امين واجمعين ان شاءالله
:))







9mah
~~~~~~
كلنا محتاجين دزه
!!
الله يعينا يارب جميعا
وحياج الله
:)







imbrattor
~~~~~~~~~~~~~
ياهلا ويا مرحبا باخوي الامبراطور
من غير شر
من زمان ما شفناك هني
:)
فعلا نحتاج نفكر بمستقبلنا واخرتها اكثر
الله يهدينا اجمعين اللم امين
وحياك الله








anon.
~~~~~~~
شكرا على النصيحه
:)