الأربعاء، أغسطس 01، 2007

^~^

طيب ،ظريف،خفيف طينه و وصبور
استحملني ساعتين يوميا لمده اسبوعين ليعدني لاختبار التوفل في اللغه الانجليزيه
بعد اربع سنوات من هجران لغتي الانجليزيه اعتقد اني بحاجة لانعاش ذاكرتي فيها
.
.
.
يتغير صوته وتتحرك كل ملامح وجهه ليصرح عن احد اكبر الاختلافات مابين الحياه في امريكا والحياه في الكويت
هناك،لا تجد يسألك عن اسم عائلتك،فاسم عائلتك لا يعني لهم شيئا،الاهم هو وظيفتك
فوظيفتك ومسماك الوظيفي هو انجازك الذي تقدر عليه وتحترم من اجله
!!ولكن في الكويت اول ما تسأل عنه هو اسم عائلتك،ومن بعده لا يوجد شئ مهم
اختلاف آخر:
من النادر ان لم يكن مستحيل ان يتجرأ شخص ليسأل امرأه ان كانت متزوجه او لا
فلو كانت متزوجه سيكون هناك خاتم يزين يدها،وان لم تكن ترتديه فهي اما عازبه او متزوجه ولكنها ما زالت ترغب في الخروج مع شخص ما والاحساس ببعض الاهتمام من الجنس الآخر فلما نحرمها من ذلك بسؤالها ان كانت متزوجه
!!
وكذلك الرجل...من الامور الشخصيه بالنسبه له والخاصه ان يسأل ان كان متزوج او لا
لذا فقد كان مندهشا من بعض الشعوب كالشعب الكويتي والياباني الذي يسأله منذ اول لقاء ان كان متزوجا او لا وكم عدد ابنائه
!!
بعد ان طرح هذا الاختلاف واسهب في دعم وجهه نظره والتأكيد على هذا الاختلاف
لم يكد ياخذ نفسه حتى سأله زميل جالس على بعد مقعدين مني
بكل برود
بكل ثقه
وبعد تفكير عميق:
وهل انته متزوج يا مستر دانييل؟
:D~
فعلا ضحكني
~~~~~~~~~~~~~~~~~~~~~~~
بغض النظر عن وجهه نظره ولكن تحمل جانب من الصحة باالنسبه لحياتنا
جزء كبير من تقديرنا لبعض الناس يكون مبني على اسم يتبع اساميهم الأولى
بقصد ودون قصد نمارس هذه العاده في حياتنا
نعمم صفه معينه على عائله معينه
رغم ان احيانا يكون الاخوة من بطن واحد واب واحد ويختلفان اختلاف شاسع
!!
فضول...لا نكاد نتعرف على شخص جديد حتى نسأله ان كان مرتبط او لا
أحيان بهدف وأحيان كثيرة من غير اي هدف
.
.
.
دخلت حاليا في دورة الفضول الذي لا ينتهي
بالاول ما بعد الثانويه يتكرر نفس السؤال:
اي كليه؟
وبعد الكليه
وين قدمتي؟
وين تبين؟
ما انخطبتي؟
بنت خالتي وصلت مرحله اخرى:
ماكو بيبي بالطريج؟
ما حملتي؟
امي تتابع الطريق من ناحيه اخرى:
ما سافرتو؟
ما خطبتي حق ولدج؟
و..و....
وتستمر الدوامه
وبعديييييييييييييييين؟
اللي بخاطرة يقول بيقول بسنا تنبر واسئله
:)
~~~~~~~~~~~~~~~~~~~~~~
هاليومين بخاطري اكله بحريه لذيذه
عيزت وانا اقول بخاطري ربيان
كلماري
ام الربيان
بحري بحري
وين اروح؟
ابوي ما يحب ياكل اكل بحري الا لابس اللبس الشعبي
فوين نروح يعني؟
اي اقتراحات؟

هناك 22 تعليقًا:

Mishari يقول...

2555850

هذا fish market
العديلية
طلبت منه اللى تبين ومريهم واخذيه وادعيلى
:)
بالاكل ما اتعطل

الاختلافات من ضعفنا ننخش ورى اسماءنا وهذا يدل على هشاشة الشخص

والله يعنيج على دائرة الفضول :)

a7La eNG يقول...

المرسى ميريديااان
:)

اجواء تلووووووق على عمي
100%

لانه المطعم الروحي للماما و البابا
;*

esTeKaNa يقول...

مشاري
~~~~~~~~
يصير اطلب من الحين؟
:)
شكرا شكرا اثق بذوقك بالاكل
بجرب واقولك تالي
ولا تدري بطلب وبقول حق ابوي انا من ذاك الصبح وانا اشوي بهالسمج واحوف بهالاكل
:pP~

esTeKaNa يقول...

A7LA|_ENg
~~~~~~~~~~~~
امممممم هم اثق بذوقج
لانه عارفه الجانبين
جانب الاكل وجانب اهلي
ما ينفع نروح له انا وانتي وتالي اروح ويا اهلي؟
:))

عبدالرحمن يقول...

احترم اطباع الشعوب وماحب احد يتليقف وينتقد طبع فينا احنا ننتقد مو اهم لان شي طبيعي كل شعب له ظروفه اللي خلته يتطبع بهل امور
بالعربي ماحب الامريكان :) احس دمهم ثقيل


اخذي الوالد وخل يلبس وزارة ووديه سوق المباركيه مطعم الفهد صج ماعنده غير مرق هامور بس زين وكله ايرانيين بس جوه زين بس لا تاكلين مع ابوج بالمطعم مو زين :)

خليه اهو يطلب لج وانتي بالسيارة شلون تاكلين مرق هامور بالسياره مادري دبري روحج

5roofa يقول...

7abeet el mawthooo3

mwafega ya rab b2ay shay te5tareen
o el fthoool 6ab3 bene adam
bs ma tla7then ena el fthol e9er bel 7arem akthar men el reyayel madry lesh :S

loool
o 3al ba7ry ana kelesh ma akel ela shrimpi lool so sorry

nice post
salamz...

بوغازي يقول...

أنا أأيدأ المرسى بالميريديان... وإنشاله بالهنا والشفا
:)

Purgatory يقول...

Fish market,

ما رحت له، بس رفيجي يقول ممتاز، و سناسب كبار السن

:)

محـــــارة يقول...

المرسى بالمرديان زين

وعلى طاري موضوعج صج اكره ما أشوف الي يسألني عشان جذيه نادر جداً أرد على تليفون البيت ما أحب الأسئله وينهم وليش ومنو وشحقه أكره الأسئله بشكل فوق الطبيعي

وعندي مشكله بعد الي يسألني حتى بشغلات خاصه حيل ماعرف أتهرب منها يعني أجاوبه حتى لو طلع لوح ومو قادر يفهم أني قاعد أحاول أبين أني مابي أجاوب

وبطبيعتي وبسبب يدتي أكره الأسئله وما أحب أسأل بالغالب حتى لو اقرب الناس لي أتركلهم المجال أهما يتكلمون نادر جداً ما أسأل حتى خواتي عن شغلات تخصهم والغرب مستحيل أسألهم عن ولا شيء حتى الملاقيف ما أسألهم

ومرسي على الموضوع

loyalty يقول...

اختلاف الشعوب و الحضارات طبيعي و لازم نعترف انه فينا طبايع مو زينه مثل الفضول :P !

أرشح : النوخذه
و إذا تبين شي أرخص الصيني الملكي :P

G.Luck ;]

SHAHAD يقول...

اضم صوتي لهم .. المرسى ميريديان : )
وبالنسبة للفضول
فيني طبع ما أسأل إلا إذا الشخص يهمني
ومرات أستحي وما أسأل
بوست جميل

غير معرف يقول...

وليش ما تدخلين مطبخج وتأكلين من ايدينج وشنو فيه زود أكل المطاعم انتم جيل غريب خلوكم ورى أكل المطاعم خلونا شوف تاليتها وراكم !!!

esTeKaNa يقول...

عبدالرحمن
~~~~~~~~~~
يعني احنا نطب بروحنا ميخالف
بس غيرنا يطب فينا ما يصير
:))


hahhahahaha
اهم شي مرق هامور وبالسياره
لا لا عبدالرحمن كلش ما تشوقت






5roofa
~~~~~~~~
ياهلا ويا مرحبا بقاتله الحيوانات
ياربي ما يلوق عليج مجرمه
:Pp~

امين واجمعين وما قصرتي






بو غازي
~~~~~~~~~~
أثق بذوقك
شكراا
:)






PURG.
~~~~~~~~~
كبار السن؟
عفوا منو كبار السن بالموضوع
:))
شكرا للمرور والاقتارح
حياك الله





محاره
~~~~~
هلا بالمحاره والله
تصدقين مادري انه مرسى مرديان جذي مشهور..صج شجعتوني
:)
وانا بعد فيني هالطبع،اذا انسألت سؤال لازم اجاوب اجابه وافيه وكافيه مع انه ودي اقضي حوائجي بالكتمان



حيالله اخيتي
:**








LOYATLY
ّ~~~~~~~~~~
الاعتراف بالحق فضيله
:)
شكرا للاقتراحات اللذيذه






SHAHAD
~~~~~~~~~
ياهلا ويا مرحبا
نورتي المكان يا شهد
هذا الشي الطبيعي،اللي يهمنا نسأله وبس
شكرا لمروروج
:)







ANON.
~~~~~~
ان شااااااااااء الله والغنيمه
بس لا تعصبووون علينا
:)))

Ace يقول...

صباحك الخير استكانة
:))

يا استكانة لا نظلم روحنا ونقول الشين عندنا والزين عندهم. اعتبار الإسم وارد في جميع المجتمعات. ابحثوا في الدوائر المترفة في أمريكا وراح تلاقون هالنماين عندهم بعد

جميل جدا تناسي كون الشخص ولد فلان أو علنتان، وهذا واقع بعض المدن الكبيرة - يابختهم!! - لأنها تحوي ناس من جميع الأعراق (أحسن مثالين لندن ونيو يورك)، فـ اللي بيبحث عن الأصول عندهم ما يطلع بنتيجة لأنه ماراح يخلص! ـ


وعساك ســــــــالمة
:))

hamdool يقول...

إنها اللقافه
عزيزتي إستكانه

وقد إشتهر بها الكويتيون منذ القدم

وأزيدج من الشعر بيت
وايد ملاقيف صادفتهم
بحياتي وبعضهم لما أروح الدوام بالكليه من الصبح الساعه 8
إييني واحد مثلا يقول لي

هااااااااااااا
شاق المخده شق
شكلك توك قاعد من النوم!؟

يعني أكيد توني قاعد من النوم
متى بقعد !؟!؟.. لا يكون
إنت تسوي بيات شتوي!؟

ما عليه طلعت من الموضوع
بس ذكرته على طالري اللقافه

اللي قاعد يصير بأمريكا ما يصلح لنا
بس ما يمنع إن أكو شغلات
وايده أحسن من الأطباع اللي عندنا


الله يصلح الجميع

5roofa يقول...

looooooool hathe shaklha bt9er ta3logty :P

thanks sweete...

salamz...

عيون الحب يقول...

في ناس فيهم لقافة مب طبيعية
انا ما بسأل احد الا لو كنت مهتمه بصراحة

ما برز عمري في شي مايخصني
عشان عقب ما احصل شي مايعجبني

وعن المأكولات البحرية
انا بالذات محد يسألني عنها
ما أكل شي من البحر الا التونة لوول

ZoZOta يقول...

خوش موضوع يا استكانه

وبالنسبه للسى فود
فانا مع مشاري
صاج اخوي شغلهم عدل

Mamloo7a Q8ia يقول...

طعم المرسى عجيب اكله
وتوتالي فيش اللي في المارينا يأتي بالمرتبة الثانية

shakshaka يقول...

loool way 9aja ana bamreeeca now ehablooon aslan ana mayantheronli shay la wo lail7een mo mitkharja b3ad LOL wala ebaiza 3amaaaar yal q8:P chene ga3da anaqith 3umreee bes ham bel q8 enarfizooona yes2eloooon 3ashan yes2elooon mafeeh tarkeeez elyom ashofha tesalnee takharajtay? 3ugb bacher tred tes2al nafs elsual gomt a7ger ana abashrich wisalt mar7alat qelat el aadab ele ehya el7egran:P

3ad ana amooot 3ala seafoood wo halashyaa bes el ekhwan kafaw wo wafaw:P

esTeKaNa يقول...

ace.
~~~~~
ياهلا ويامرحبا
شخبارج؟
انا معاج انه ما نظلم مجتمعاتنا ولا نظلمها ،اكيد عندنا عادات كثيرة واطباع يحلمون فيها كافي الكرم اللي عندنا يالله من فضلك
هذا ابسط مثال:)
حياج الله








hamdool
~~~~~~~~~~
ههههههه
هذي النوعيه من الاسئله يكون البعث الاساسي فيها الرغبه بالكلام فقط لا غير

مثل اللي يشوفك قاعد تاكل يقولك:
هاا تتغدى؟
ولا يقعدك من النوم ويسألك:
نايم؟
لا هذا موضوع يبيله بوست بروحه
:))







5roofa
~~~~~~~~~
ماحد قالج تقولين لنا
تحملي العلوقه
:))





عيون الحب
~~~~~~~~~~~
وضعج طبيعي
اللي يهمنا نسأله عن اموره
اللي ما يهما يمكن نجامله بس ما نقعد نسأله لي الصبح
:)
تونه
!!
عاد الشي الوحيد اللي ما اكله من البحر التونه:)




zoozota
~~~~~~~~~~
يا هلا يا هلا
شكرا للمرور
:)






مملوحه
~~~~~~~~
توتالي فيش حلو؟
تصدقين وايد كانت دغيشم مسوي له دعايه بمرينا فكرهته
:)
بس دامج مدحتيه بنحطة بالقائمة








shakshaka
~~~~~~~~~~~~
loooooooooooooooooool:))
صاجة ما يركزون ،تسالج وعلى ما تجاوبين تفكر تسألج السؤال اللي وراه
!!يه
بس عجبتني مرحله الحقران
الفال لنا
لحظة بقولج:
امس جابلت بلوقج واي وسعت صدري
كتبي كتبي
يختج خف طينه وسنع شي نادر
انتي لازم تكتبين كل يوووووووووم

Fahad Al Askr يقول...

خايفين من النضله ما قلنا لاحد ومسوين تعتيم اعلامي

عجبتني

أما بالنسبة للمطعم، فبما إن والدكم تااه يحفظه يلبس شعبي، فصبور مشوي من تنور خباز الجمعية، لكن إذا الوالد غيّر رايه ممكن الفهد الأسود بسوق المباركية، فرش وكويس، على طول من السماج لمائدتك