الجمعة، أغسطس 17، 2007

back:)

أنا رديت لعيونج ..انا رديت
ولج حنيت مثل ما يحن...حمام البيت
.
.
.
هل هناك اجمل من القرارات السريعه؟
وهل هناك اروع من السفرات المفاجئه الكاسره لروتين حياتك؟
.
.
.
لبنان...تبتسم رغم الألم
تحتضنك بشوق وكأنك حبيب عائدبعد زمن
جميله..رغم جروحها الغائره في قلبها
قويه..تتسامى فوق الجرح والألم
.
.
.
كنت ارتجي من هذه الايام القلائل راحة بال وانتعاش روحي
حملت معي حقيبه صغيره،جينزات وقمصان واسعه،وحذاء رياضي مريح
لا كعب ولا مكياج ولا توصيات من أحد
لا موبايل ولا لاب توب ولا حتى جرائد
أنا...اقلامي واوراقي،وروايات وقلم كحل لا استغني عنه
.
.
.
في فندق بسيط وريفي في فالوغا كانت اقامتنا
يبدأ يومي بصلاه الفجر في بلكونه غرفتي:
نسمات الهواء البارد
وصوت العصافير يداعب مسمعي
ورائحة ياسمين تعبق في المكان
اتلذذ بالتأمل والهدؤ لحين الشروق وبعدا اصلي وانام
.
.
في كل صباح اتلذذ بالمنقايش واللبنه اللذيذه
برائحة الزعتر ودفئ استكانه الشاي
استمتع بالمشي وحيده مابين تلك المنازل العتيقه
ابتسم لكل من يقابلني،وارد على كل تحيه صباحيه
.
.
.
تبعد شقه قرييبي عن فندقنا حوالي ربع ساعه،استمتع بالجلوس معهم واحمد ربي كل يوم باني انام في فندق بعيد عنهم
ليش؟
لان اليمعه تونس ولكن أحيانا كثيره تقيد
اتخاذ القرار يكون متعب،والاختلاء بنفسك يكون اصعب
نقضي طول اليوم معهم ونرجع في كل ليله لفندقنا بقياده ابي
يستمتع ابي بالقياده في كل مكان نسافر اليه،وعيني عليه بارده يدل كل شي
يستمتع هو بالقياده واستمتع اانا بالنومه
!!شي غريب
من اركب السياره اقط راسي على الدريشه وانام
نوصل يقعدوني افج الباب وانطلق بالمشي خمس سبع خطوات بعدين اسأل امي:
يمة شكلي زين؟
جني حلمانه
:)
.
.
.
لم يكن التسوق همي،كان همي هو الراحة والاستجمام
ولكن الفطرة في كل انثى تقودها للتسوق دون تخطيط منها
المشكله كانت:
السبت والاحد عطله
الاثنين والثلاثه ما مداني اشوف شي
الاربعا عيد السيده
أسأل البائعه في المحل الوحيد المفتوح:
ليش كل السوق مسكر؟
تبتسم:
اييييييييه اليوم عيد السيده
باستغراب:
اي سيده؟السيده زينب؟
تقهقه:
لاااا السيده العذرا
مشكله اللي متعوده على مصر
انثولت وبخداي شديد سألتها:
مشالله يا حليلها،اشفيها؟عيدميلادها يعني ؟ولا عرست؟
تخزني امي:
استغفري ربج
!!
من التدوده وخزه امي:
ويييييييي لا مو قصدي اسفه اسفه
محشومه السيده مريم مو قصدي
استغفر الله...والله تدودهت منهم
وذاك اليوم من الصبح واجراس الكنسه مشتغله
والناس في قمة الاناقه والنزاكه يا حلوهم
وابوي بقمة فرحته لانه السوق مسكر،واحس في قلبه يقول:
بركة يا جامع،جت منك ولا مني
:pP~
.
.
.
عيب جديد فيني
!!استمتع بالسوالف مع الغرباء
لا تتركوني في مكان اكثر من خمس دقائق،شي طبيعي جدااا ان التفت لاقرب صاحب ابتسامه بجنبي وننطلق في حديث
مع سوالفي كل يوم مع ام جرجس العجوز الجميله صاحبه الصاج والفرن،
منحتني تجربه وضع العجين على الصاج ورش الزعتر عليه،كانت الذ منقوشه كليتها رغم انها محترقه
ما فشلت روحي لما قالو لي انها محترقه:
لاااا مو محترقه انا احبها محمشه
well done
:pP~
.
.
.
قرأت اربع روايات من فيرجن
ركبت خيل
نمت في البرنده
كتبت اكثر من فكرة طرت لي
تمشيت
واختليت بنفسي ولميتها وتفاهمت وياها
ورديت لكم وانا مرتاحة جدااا
.
.
.
الحمدلله

هناك 45 تعليقًا:

bin3li يقول...

الحمدلله على السلامة :)

esTeKaNa يقول...

bin3Li
~~~~~~~~~
بونسوار بن علي
كيفاك؟
:)
الله يسلمك من الشر

غير معرف يقول...

3ayshtena el jaw 3adel madre lesh 6ol ma ana aqra ur post abtsem ... 7emdallah 3la slamtech ;)

loyalty يقول...

Well Done :P

أهم شي انج لميتي نفسج ، لأني مجربة هذا الشي و أعرف مدى فعاليته، خصوصاً لمه اتفاهمين معاها و تمشينها مثل ماتبين :)

الحمدلله على سلامتج..

و ان شاالله تكونين الحين بنفسية أحلى و انشراح أكبر .. !

esTeKaNa يقول...

anon.
~~~~~~
يا عسى دوم هالابتسامه
تدرين او تدري شنو احلى انجاز بالنسبه حق اي بوست؟
انه يوصل لقلب ويخليك تبتسم
:))
الله يسلمكم من الشر









LoyaLty
~~~~~~~~~~
ياهلا ويا مرحبا بزميلتي العزيزه
:)
شرايج فيني؟
محمشه ها
:Pp~
صااجة...لمتج حق نفسج تأُيرها فعال جدا
والف الحمدلله انا عال العال
واتمنى تكونين بخير
:)

DiLLi O MiLLi يقول...

يه يه يه فالوغا حق البريدات والغطيطه وريحة شجر الصنوبر .. الحمدالله على السلامه

الله على لبنان وأهلها وجوهااا .. بلدي الثاني .. الله يقومها بالسلامه وتبرى جروحها وتتعمر بهمة أهلها الطيبين .. ويبعد عنها جيرانها الحقوديين والحسوديين



عساج دوووم مرتاحة البال

:)

mtfa2el يقول...

توني قايل تروحين بالسلامة
يالله عيل الحمد لله على السلامه
اهم شي استانستوا









وين الحلوى ؟؟

جنون إحساس يقول...

الحمدلله على السلامة أختي :)
كلامج وايد حلو استمتعت بالقراءة خصوصاً شطر البلكونة

عليج بالعافية

عتيج الصوف يقول...

حمدلله عالسلامة و عودا سعيدا للكويت
احلا بشي في لبنان ان البرنده مافيها لا ذبان ولا بق ولا عندهم غبار او مجلس امه و طق

سعدت بالمرور على مدونتك يا استكانة بنت قوري و بيالة :)

عبدالرحمن يقول...

قرت عين الكويت وعين حبايبج فيج

نورت الديره لانج رديتي لها وانا مو فيها من ما زاد فيها النور :)

بوست يفرح ويريح الغريبه اني شميت ريحة المنؤوشه :)

اهديلج باقة ولا اقولج حقل من ورود اللوتس الفرعونية وحمدلله على السلامة

salfa3ajeeba يقول...

a7la shy ilmana2eesh ilm7ammishah:)

zeen sawwiti lamma lameeti nafsich 3o2bali lianni mo rathyah 3an nafsi halyomeen:)

charisma يقول...

صبااح الخيييير
صباااح الحب
صبااااح العسل
صبااح النووووور يا شيخة البنات انتى
ولكم باااااااااااك
:)))

يا بختنا بالعوده

هاااااااااااا
عسى استانستاى
حبيبتى انتى

الله البوست فرحنى وونسنى

موتينى ضحك على استغفر الله محشومه السيده مريم

لووووووووووووووووووول
ههههههههههههههههههههه

ردت الفعل اتينن
:)))

علييج بالف عافيه
وشوقتينى على البريدات
والجو الحلو

واهم شى السوالف مع الغرب
ترى نفسى
لول
لا تغفلين عنى انطر دور فى مكان اكثر من نص ساعه
لوول
الا مسولفه مع الكل
ماكو مشاكل ابدااااااااااااا

:**

نورتينا

Mamloo7a Q8ia يقول...

الحمدلله على السلامة

اي والله ياحلات لبنان ويا حلات اهلها
الله يحميها ويرجعها مثل اول واحسن

هههههه
حسيت بالبراد والغطيطة والمناظر من وصفج له
يلا بانتظار الحكايات

عيون الحب يقول...

والله ولج وحشة كبيييييييييييييرة استكانة
ماشاء الله عليج نقلتيلنا اجواء جدا رائعة
خلتنا نحس براحة مثل ما انتي حسيتي فيها

الحمدلله ع السلامة
واهم شي الحمدلله على راحة البال :)

Purplecious يقول...

الحمدالله على السلامة

:))))))))

barrak يقول...

الحمد لله على السلامه
وعساج مرتاحه دوم

محـــــارة يقول...

الحمد لله على سلامتج .. سعيده وااااايد بردتج والحمد لله رديتي لنا بنفسيه عال العال عشان تكرمينا ببوستات أكثر

شوقتني بالبنان عليج بالعافيه هالديره مادري شفيها علينا كل مره نبي نروح لها يطلع مليون عله وأخرتها أبداية هالصف لكن الحرب كانت على ذروتها كنسلنا الروح لها توقفت عقبها الحرب

بس مردي بإذن الله ازورها

مره ثانيه الحمد لله على سلامتج

Expatriate يقول...

الحمدالله على السلامة

والله انا بخاطري اسافر لبنان .. ودي اشوفها .. الاهل هناك الحين عاد وانا بالكويت

على فكرة .. صج ماكو احلى من نومة السيارة

وياحبكم للسوقة يا البنات

shakshaka يقول...

el7emdela 3al salama ... ya7iloo libnan bes ana ma7eb el jabal a7eb beirut .. lee thekrayat feha:P wo b3dein yakhtech qalam el ke7el kelna manestaghnee 3annnna sektay ana 7ata bel ba7ar a6ubbb feeeeh:P wo lazem labelo 3alabooo bara6mee 7umor khilqa looooool elmuhem el7emdela 3al salamaa wo nawarat el q8 aham shay estanastay wo ghayartay jaw mako a7la mn elqararat el akhera:P

حسام بن ضرار يقول...

الحمدلله عالسلامه

مارحت لبنان إلا مره وحده
ديرة ونيسه .. اذا الواحد ظل بالجبل و بعد عن بيروت و السوليدير و العجئه اللي هناك


كانت النيه اني آخذ الاهل هناك هالسنه لوما عدم استقرار الاوضاع

فكنسلنا حجوزاتنا

لكن بعدين شفت الاوضاع استقرت و الناس بدت تروح هناك



فالله يحفظ الجميع

بوغازي يقول...

تو ما نورت الكويت... وقرت عينا فيج... وللحديث بقية
:)

غير معرف يقول...

yah yah yah :)

hathe wallah essa3a lembarka

ya hala o ya mr7ba bestekana

97nech fathi,,, aq9ed mkanech

fathe ya o'7ayti ;)

salfat lem7mesha 6l3tay feeha

wallah ,, mentay hayna :)

welcome back & nice to c u again

sis ,, o ba3den don't u never

forget what mam said befor u go?

wb again o el7mdellah 3la

esalama :)

Fahad Al Askr يقول...

حمدلله على السلامة، صج بيروت فاضية ما فيها سياح؟

خسرتني للأبد يقول...

الســـ عليكم ــلام
الحمد لله على السلامة و ان شاء الله استانستي في سفرتج
و تبين الصج انا مو كاسر خاطري الا ابوج
بصراحة الله يكون بعونه عليج و يخليه لكم

vancouver يقول...

الف الحمدلله عالسلامة
وعليج بستالاف وستمية عافية
:)

والله استانسنا من وناستج
الله يفرح قلبج اكثر واكثر



الله على لبنان ، يا حلوها من ديرة


الله شهيتينا.. ابي منئووووووشة
ههههه

Shather يقول...

el7emdelah 3ala el salamaa

لوول ضحكتيني من قلب

اهم شي عيد السيده زينب

:P

ya em6awla el gheeibaa

Mishari يقول...

الحمدالله على السلامة:)

وفالوغا وناااااسة وبرادها غير

وزين سويتى سفرة مفاجئة سريعه

:)

عودة حميدة
عقبال المنحاشة اللى ما تبين كلش
:)

عاشه يقول...

الحمدالله عالسلامه

شوقتينا نسير لبنان

والصراحه عجبني ترتيبج وفكرتج عن السفر

الدائرة الخامسه يقول...

الحمدلله على السلامة
وسلامه الاسفار ... جميلة في كلماتك ورحلاتك أقرأ لك وكاني معك ,, لديك قدرة كبيرة على تحويل الكلمات لواقع ملموس .. اثناء سفرك كنت ازور مدونتك واعشق مع كلمات كسمفونية جميلة وكترانيم رائعه
وكما كنتي تصلين الفجر وتعيشين اجواء حالمه مع اصوات العصافير ورائحه الصنوبر ورائحه المناقيش
انا كنت هنا بمدونتك اعيش نفس الاجواء

الدائرة الخامسة يقول...

الحمدلله على السلامه

5roofa يقول...

حمدالله على السلامه حلوه
توه ما نورت الكويت
لوووول واااي شوقتيني بلبنان معنه احنا شقتنا صوب الكويتين و كل البنات على سنقت عشره و كشخه
ماحب لوووول
بس اشتقت حق البلكونه و الطبيعه و الجو الحلو و الخرفان الي يطلعون كل صبح يمشيهم صاحبهم في الجبل
لوووول اهم شي الخرفان
:p

دوووومز مرتاحه و مستانسه يا رب

T.C swetee

salamzzz....

MANAF يقول...

هاااااااااا

شلوونج

سولفيلي

رحتي عالييه

تغديتي بمطعم جنّه

حشتي الغطيطات بأيدج

رحتي جعيتا

شفتي نانسي

لووووووووووول

الحمدلله على سلامتج

عاد يمدحوون سي سويت

:)

esTeKaNa يقول...

diLLi o MiLLi
~~~~~~~~~~~~~~~
الله يسلمج يا الغاليه
اييييه يا زين ذيج الغطيطة تشوق
تخليج تحسين جنج بكبرج داشه بالغيم:)
امييين وعساج ما تنحرمين من راحة البال قولي آمين
:)














mtfa2L
~~~~~~~
Hehehehehe:))
يا ولد الحلال انا رايحة بيروت مو المحرق
قول وين البقلاوة؟
:)







جنون احساس
~~~~~~~~~~~~
الله يسلمج من الشر وحلت دنياج قولي آمين
:)









عتيج الصوف
~~~~~~~~~~~~
وي يا زين ذيج البرنده والله
ويا زين ذيج البريدات
مرت بخاطري يكون عندي مثلها بالكويت
بس الجو ما يساعد وانا اخيتك:)
حياك الله نورت المكان

esTeKaNa يقول...

عبدالرحمن
~~~~~~~~~
ياهلا واميه هلا
ويا رحب واميه رحب
:)
الديرة منورة باهلها ومن غير شر يا عبدالرحمن ناقص نورها نور وجودك
:)
شميت ريحة المنقئوشه؟
اي مو اقولك لانها محمشه ومتعوب عليها
:Pp~
شكرا على باقه الورد الجميله والله يسلمك من كل شر











SaLfa 3jeeba
~~~~~~~~~~~~~~~
هلا باحلى سالفه والله
كنت بتنقص لج من ذيج المحمشه بس خفت عليج:pP~
ممممم واي اصعب احساس بالدنيا انج ما تكونين موراضيه عن نفسج
هذا الصراع الداخلي واللويه داخل القلب تخليج مو قادره حتى تشلين روحج وتمشين
!!
ديري بالج علىنفسج ولميها بأقرب وقت وتفاهمي وياها:))








charissma
~~~~~~~~~~~~
صباح فالوغا والجو البارد
صباح المناقيش والزعتر
صباج الجو الحلو والمزاج الرايق
:))
الف الحمدلله وايد استانست
ويا بختي انه هالبوست فرحج والله

لاحظتي رده الفعل؟
ههههههههه
امي تقولي متغديه قايمه قاعده وياها
استغفر الله
اشهالحجوة
!!

الله يعافيج حبيبتي وحلاتي الاقيج وانا مادري باي مكان وننطلق
:))

esTeKaNa يقول...

mamLo7a_q8ia
~~~~~~~~~~~~~~
هلا بالملح كله والله
الله يسلمج من الشر
اهم شي انج حسيتي،ليتكم والله كلكم وياي
:))













عيون الحب
~~~~~~~~~~
هلا بالحب كله
ما يوحشج غالي..فداج الف غالي
:)
الله يسلمج من الشر ما قصرتي








purplecious
~~~~~~~~~~~~~~
الله يسلمج وما قصرتي
:)








barrak
~~~~~~~~~
اجمعيييين يارب
وعقبال ما خشيم الفار يروق باله ويرتاح بعد
:))

esTeKaNa يقول...

محاره
~~~~~~
هلا بأختي الغاليه
الله يسلمج من الشر ويسعدج دوم قولي آمين
:)
سبحان الله تكنسل الروحه خيره
اكيد ربج ردكم عن شر
ويالله يكتب لج روحة حلوة تخليج تحبين هالديره لانها صج تنحب









expat.
~~~~~~~~
الله يسلمك من الشر
واذا اهلك هناك روح لهم لو اسبوع تغير جو ..كافي عليها اسبوع
حياك الله
:)







shakshka
~~~~~~~~~~~
هلا هلا
هلا وغلا
ذكريات ببيروت؟
ايييه عشتو حركات
انا اطالب ببوست بس حق ذكريات بيروت ومن غير اي مونتاج
:Pp~
looooooooooooooooooooool
واي موتيني من الضحك على القلم والبراطم الحمره،اثاريج تشبهيني؟
:Pp~
اصلا هالشين صارو من ضروروات الحياه
واي صج احب كل تعليق منج
حياج الله
:)













حسام بن ضرار
~~~~~~~~~~~~~~~~
ياهلا ويا مرحبا باخوي حسام
شخبارك؟
عاش من شافك
!
فعلا ديره ونيسه اذا انته بغيت تستانس فيها وما استسلمت حق عوايد الكويتين في التبدل والترزز بالقهاوي طول الوقت
:)
يالله خيره انشالله السنه اليايه تروحون توسعون صدوركم ،وانا لي رحت وانا حاط ايدي على قلبي بس الحمدلله امان

esTeKaNa يقول...

بو غازي
~~~~~~~~
منوره باهلها
:)
يزاك الله خير ما قصرت










ANoN.
~~~~~~~
اهلا وسهلا
عيل صحني فاضي؟
ايييه من غير شر يا صحني
::Pp~
والمحمشه قلت حفاظا على صورة الكويت بس
يعني ترضون احد يقول بنات الكويت يحرقون المناقيش؟
لا وكلا
ما حرقنا بس حمشنا
:))
الله يسلمج من الشر
ياربي الاسلوب مار علي
بس مادري منو
!!
يا ليت اتشرف بمعرفتج:)








فهد العسكر
~~~~~~~~~~~~~
الله يسلمك من الشر
مممممممم
في كويتين وسياح
بس مو مثل كل سنه
اقل بوايد
!!










خسرتني للأبد
~~~~~~~~~~~~~
عليكم السلام والله يسلمك من الشر
وليش يكسر خاطرك ابوي؟
بالعكس اهو مستمتع ومستانس
الله يحفظه
:)

esTeKaNa يقول...

Vancouver
~~~~~~~~~~~~~
كل ما اشتط بتحجى لبناني
قلبت مصري
:)
يا بعد قلبي قلبج،ويفرح قلب الجميع يارب
افا عليج بس
تامرين امر بس منئوشه؟
طبعا اكيد تبينها محمشه
:pP~













shather
~~~~~~~~~~~
يا هلا بالشذري والله
لوووووول
لاحظتيني؟
يختج رابيه بمصر انا ماكو فايده
:pP~











mishari
~~~~~~~~~~
الله يسلمك من الشر
اي والله عقبالها
واي لا تيب طاريها الحين ابجي
!!
تعرف الوله الي يعور القلب؟
حدي فاقدتها
:(











عاشه
~~~~~
هلا بزينه الامارات واله
ياللله سيري ونحن من ورائك
وكلمة ترتيك بحطها بين قوسين وبخلي امي تقراها يمكن تغير نظرتها فيني
:)))









الدائره الخامسه
~~~~~~~~~~~~~~~~
يا هلا ويا مرحبا
الله يسلمك من الشر اخوي
وهذي الساعه المباركة اللي نورت فيها مدونه اختك واعجبت بكلماتها البسيطة
:)
فرحني تعليقك
وراح افرح اكثر وانا انتظر تعقيبك بعد كل بوست يعجبك وتقراه
حياك الله

esTeKaNa يقول...

5roofa
~~~~~~~~
الله يسلمج من الشر
اي مو عافسها الا اللي عبالهم رايحين عرس
جبل جبل ولابسه كعب وتتمشى
وي لو انا جان لي الصبح وانا اهمز ريولي HEHEHEHE:))







Manaf
~~~~~~~~~
لووووووول
اهم شي سي سويت
طاح جتفي وانا شايله الجنطة مالت الحلو بالمطار
:))
وعاليه رحنا لها بليله احد ما بغينا الا روحنا
كل قهوة حاطة واحد يغني والظاهر سباق منو يغني بصوت عالي اكثر فكان قمة الازعاج ومع هذا ما زلت احب عاليه
:))
يالله شد حيلك وروح مع ام عبدالله

الأستاذ بلاليط يقول...

مرحبا ملايين

حمدالله على سلامتج

عثماني يقول...

الف الحمد لله على السلامة اخيتي استكانة

لبنان جميلة جميلة جميلة رغم الالم
بلد اعشقها حتى الثمالة .. و اعرف لم اعشقها

من احلى كتبت و الله يا استكانة استمتعت بكل حرف خطتة اناملك

يبدو انك ممن يعرفون كيف يكون الاستمتاع بالسفر... اكتشاف الاخرين.. الاستئناس بكتاب ..الابتعاد عن السوق

ولهنا عليج مع انج ما طولتي... بس الناس اللي نحبهم مسرع ما نوله عليهم

دمت رائعة

Broke يقول...

يا بختك يا استكانة على كل اللي مريتي فيه

و خاصة صلاة الفجر في البلكونة


عليج بألف عافية والله

esTeKaNa يقول...

استاذ بلاليط
~~~~~~~~~~~~
لله يسلمك من الشر ما قصرت
:))






عثماني
~~~~~~~~~~
الله يسلمك من كل شر اخوي عثماني
أشاركك في ذاك العشق الثمل
كل شئ فيها يدعو للحب
:)
شكرا لاطرائك الرقيق
دائما...منور المكان








broke
~~~~~~~~
الله يعافيج يا الغاليه
يبيلج روحه سريعه تسوي ريفرش
:)

DiLLi O MiLLi يقول...

آآآآمييييين ... مشكورة حبيبتي


:)

b9mah يقول...

الحمدللله على السلامة استكانه

< ذكرياتي سيئة مع لبنان لول .. شربت من ماي النهر اول يوم وصلنا
والله وكيلج لي اخر يوم بنسافر فيه وانا معاي نزله معويه

(شسوي مايهم حلو ماينروى منه)

سالفه السيده العذارا
عيد ميلادها ولا عرست لووووووول

يالله الحمدلله غيرتي جو
الفال حق اللي لي الحين مارجعوا
<<

;D