الثلاثاء، يوليو 17، 2007

استكانه والأطفال:Pp~

تسبقني خطواته لسيارتي
اتجاهله
فيتبهلل لافتا انتباهي
ابتسم فيبادلني ابتسامة طفوليه لذيذه
ويقف عند باب السياره معلنا عن رغبته:
الله يخليج بروح وياج الله يخليج
!!
بهدؤ اشرح له:
وهابي ما اقدر اخذك بروح حولي شوي وبرد
حولي زحمه
يجاوب سرعه:
بس انا ولا مرة شفت حولي الله يخليج الله يخليج
والله اصير خوش صبي
يضحكني:
حولي مو حلوة ،مافيها شي!!
يتعبّر ويعفس لي ويهه :
ما تبيني صح؟
قولي مابيك مابيك مو تقولين حولي زحمه
!!
.
.
.
يالله ما اقدر اضيق خلقه
ارضخ لرغبته وتحقيقا للمساواه لازم ناخذ مع وهابي عزيز وجنا
بعد حرب بسوس منو يقعد جدام قررناما يلي:
وهابي بالروحه،وعزيز بالرده،وجنا لانها خوش بنت بتقعد ورا
يالله يا شباب دعاء الركوب
مادري ليش الدعاء بحماس وصراخ يصك الراس من اقصى قلوبهم
.
.
.
استمتع بكل الحوارات الطفوليه،استشف منها حكم واتلذذ بظرافتها
عندما يتكلم وهابي،كل شئ يتكلم فيه
يديه
عينيه
خشمه
!!
كل شئ له مؤثرات صوتيه وتفاصيل غريبه:
استكانه عندنا واحد بالمدرسه يطير
يطير؟
اي والله يطير بس الحين ليش شمس وحر ماقام يطير
!!
ابتسم
صوت من الكرسي الخلفي وصوت عزيز شمات:
وهابي ترا بو شلاخ يدش النار ها
يعصب اللي كاشخ جدام:
منو بو شلاخ؟
يرد عزيز:
مادري يمكن رفيجك اللي يطير
ههههه
يستأنف كلامه:
مرة واحد بالمدرسه طقني،اهو طقني انا شنو سويت؟
ولانه كنت ابحث في وقتها عن موقف لسيارتي ما جاوبت
سكت ...ثم انتبهت انه ساكت:
اي كمل حبيبي
ماني مكمل لما اكلمج طالعيني
مو تطالعين الشارع
ولما اقولج شسويت،تردين علي تقولين لي شسويت؟
اكلم روحي انا؟
!!!!
حمقي ولدنا حمقي
.
.Align Center
.
.
.
يدخل عزيز بالموضوع:
وهابي شرايك نلعب سله
خزه ناريه بالمنظره من استكانه لعزيز:
لااااااااااااااااااااااااااااااااااااااااااااااااااااا عزيز لا
حولي وزحمه وسله وكره بالسياره
.
.
.
.
ولانه جنا موجوده ولازم تبدع:
استكانه قصري صوت المسجله قاعده اتكلم بالتيفون
!!
طبعا التليفون لعبه...بس بنت عمي خيالها واسع
تكركر
تضحك
تمد ايدها وتكفخ عزيز بالطريج:
استكانه تكلمي تكلمي تبي تسلم عليج حماتي
حماااااااااااااااتج
!!!!!!!!!!!!!!بريك قوي عفس اللي معاي
@@
منو حماتج؟
مادري امي تكلم حماتها انا بعد اكلم حماتي
يالله يالله قاعده تنطرج على الخط
امسك اتليفون الوردي وأمثل:
الوووو هلايا حماه جنا،مشغوله اكلمج بعد شوي
تخزني:
ليش ما تكلمين حماتي عدل؟
استعد لاجابتها ليباغتنا عزيز بضربه قويه على بطن جنا :
الضربه القاااااااااااااااااااااااضيه
وتصرخ جنا صرخة قاسيه
!!
.
.
.
.
اقف بالسياره ،جنا تبجي وتتحلف بعزيز ،وهو يطالع الشارع:
عزيز مرة ثانيه ما راح اخذك وياي ليش تطقها؟
يحقرني
يتأفف:
مو انا اللي طقيتها ..ايدي
اخزه : عزييييييييز شنو يعني ايدك ؟ايدك مو مالتك؟
يبرر:
اهي تسوي اشيا تخليني اطقها،مابي اطقها تخليني اطقها شسوي
اقول حق ايدي لا تطقينها لا تطقينها ما قدرت
شسوي؟
يضحك وهابي:
لا تسوي شي طقها
!!
ويضحكون ضحك مو طبيعي
.
.
.
وهابي:استكانه تحبيني؟
اي احبك !!
:شكثر تحبيني؟
مممممممممم كثر ماكو بعد
يكركر يكركر بيموت من الضحك:
استكانه انتي كبيرة بس ماتعرفين تتحجين
بس قولي الصج :
تحبيني اكثر من عزيز صح؟
لا انته وياه نفس الشي
صمت طويل:
ترا عزيز ما يفهم بس كيفج
حتى جنا ياهل بس كيفج
تدرين انا حافظ خطبه الوداع والمعوذات اهم ما يعرفون حمدلله والشكر
كيفج
!!!
.
.
.
عزيز بنص الشارع يوقف يساسرني:
انا امس حلمت بالشيطان
!!
شيطان؟
اي قالي كسر سياره استكانه بنت خالك!!
اقوله استكانه هذي،احبها
يقولي الا كسر سيارتها
ويتنهد
شسوي؟
ويتعبّر ويمثل عياااااااااااااااااااااااار :
شتسوي؟نام وانته متيدد وعلى جنبك اليمين مرة ثانيه
.
.
.
عزيز ووهابي بيروحون ثانيه روضه،وجنا بتروح اولى ابتدائي
كل ماا شتطت تشرح لي انها بتروح الابتدائي رد وهابي:
مصدقه بتروحين الابتدائي؟ما تروحين والله ما تروحين
احنا لما نروح نشوف اذا وناسه نقولج تعالي
يا حممممممممممممممممممممش
Hehehehehehe
~~~~~~~~~~~~~~~~~~~~~~~~~~~~~~~~
وصنا البيت وكل واحد معاه المقسوم من الجمعيه
ما تسوا فرحتهم بالجيس
ماتسوا حبتهم لي اول ما وصلنا
شكرا عزيز وهابي وجنا
صج بغينا ندعم مليون مرة
ووصج انه مليون مرة كفختني الكره واحنا نسوق
بس احبكم
وادللكم
حبي لكم من حبي لعمي وعمتي
دللوني وانا اليوم ادلل عيالهم
وغصبن عليكم باجر تدللون عيالي
.
.
يا ليت كلنا لنا قلوب اليهال
نقيه
حلوة
تزعل وترضا
تحب وما تكره
اذا حبت حبت بصدق
واذا تضايقت تعبر عن مشاعرها
:)

هناك 31 تعليقًا:

محـــــارة يقول...

بوست قمة أبساطته ولله في خلقه شؤون على اختلافهم وتنوعهم إلا أنهم يحملون نفس الطابع ويعطونج نفس الروح

بعيونهم يوصلون لنا أن الحياة حلوه وبسيطه ما تستاهل نحملها أكثر من اللزوم

عسى ربي يدوم فرحة الأطفال بحياتنا ويمدونا من شطانتهم وحويتهم

وربي يخليج ليهالكم ويخليهم لكم ويحضر فيهم البركه

esTeKaNa يقول...

محاره
~~~~~
فاهمتني هالبنت
:)
قلتي اللي ابي اقوله واحسه
اللهم امين يارب ويزاج الله خير

Purgatory يقول...

تسبقني

يمكن قاعد أتخيل، بس كأن كل بوست تكتبين هل الكلمة

;p

انا صج ما احب اليهال، لكن أحب اسمع و اشوف سوالفهم العبيطة، الله يخيليهم لج يــا طنط كباية علي قولة المصريين

:)

bin3li يقول...

ههااها

و الله اليهال بدع
نصحية لو طولت عندج فترة البطالة ، سوي مشروع حضانة حق عيال العائلة

بتكيفين
:)

ملاحظة التفكير التجاري؟

كل يومين قاط لج مشروع شكل

bin3li يقول...

Purgatory

يبا خلها تقول تسبقني يحلقني يمشي وياي
يسفط جدامي
المهم كل يوم و ترك بوست

:)

esTeKaNa يقول...

purg
~~~~~~~~~
loooooooooooooooooooool:)))
واي مت من الضحك
ليش كله يسبقني؟
لا لا لازم اراجع نفسي
من اليوم ورايح ماكو يسبقني
ابدااا
:)))







بن علي
~~~~~~~~~
ايوااا يا بو المشاريع ايوا
لا بن عي ماني قادره افكر
لازم اشوف لي حل حق مشكله يسبقني
hahahahaha
:(

mtfa2el يقول...

انا سمعت عن النمر اللي يطير
بس ياهل يطير ؟؟
و الله كل شي جايز

عيون الحب يقول...

بوست حبوب << حلوة الكلمة لول ..

حلوة لمة الاطفال على كثر ماهي متعبه ..
بس تموتين من الضحك على سوالفهم ..

ذكرتيني مرة شليت عيال اختي واخوي مرة وحدة واخوي الصغير كلهم كانوا سبع اطفال ..

وشليت اختي معاي تساعدني لاني نزلتهم الدكان يتشرون ومانزلتهم دفعة وحدة طبعا ..

عاد يومها قعدنا يمكن ساعة كاملة قدام الدكان لووول ..

بس كان وناسة والله ..

حبيت البوست وحبيت شطانه عيال عمج الصغننين ..

الله يخليهم ويحفظهم يارب :)

عاد باجر لو ما دلعوا عيالج ..
ذليهم بهالبوست كااااااااااك ..

Mamloo7a Q8ia يقول...

ههههههه
خوش يمعة معاج بالسيارة

عجبني اللي مع الحر قام مايطير

والاحلى منه اللي ايده تطق وهو ما عليه منها

الله يحفظهم لكم ويبلغكم فيهم

Ace يقول...

ياااااااحبيلهم والله

اليهال ماشاء الله عندهم نباهة تصك على وايد مننا إحنا يالكبار، إحنا نطلع مجيمين وخرابوه عندهم ههههههه

صدقيني يا استكانة ليه كبروا انشالله بيستذكرون هاللحظات وبيعرفون إنك أحد القلة اللي ساهمت في إنشاء المعدن الطيب اللي فيهم انشالله

الله يتمم عليكم ياقلبي والله

esTeKaNa يقول...

mhfa2el
~~~~~~~~~~~
والله يا متفائل انا مثلك
اول مرة ادري انه في ياهل يطير
مو اي طيران مواسم بعد
بالحر ما يطير
:)))
hehehehe








عيون الحب
~~~~~~~~~~~
هلا بالحبوبه:)
احس مع هالبوست في يهال يركضون على كبر البلوق
hehehehe

واي عجبتني فكرة تنزيلهم على دفعات ،صراحة خوش فكره
عسى ربي يبلغج بعيالج يارب
وانا غصبن عليهم يدلعون عيالي
لانه عيالهم بدعو فيني
:))








مملوحه
ّ~~~~~~~~~ّ
هلا بالملح كله
:)
اي ايده ماله شغل فيها
ويكلمج وهومقتنع اقتناع تام
عاد عياره الدنيا ما تلحقين عليهم مشالله.....امين واجمعين يارب
:)










ace
~~~~~~
يا بعد قلبي والله
حبتج العافيه
وصاجة اسم الله عليهم نبيهين يردون عليج برد ما تتوقعينه
:)
تصدقين غورقت عيني يوم قلتي راح يذكروني اذا كبرو ،انا وايد اتذكر تفاصيل طفوليه باشخاصها بوقتها لانها كانت تفاصيل حزينه او سعيده ولااقدر انساها
يارب يذكروني بخير ما يقولون هذي ذبحتنا وهي تخزز فيني
:)))

loyalty يقول...

الله يخليلكم جنا و عزيز و وهابي

حسّيت إني طالعة معاكم .. :)

بالنسبة لي نادر ما أطلع اليهال ، لأني مااستحملهم :>

و إذا طلّعت فعلى ناس و ناس .. :P

ماعندي مبدأ المساواة ..

بس مع هذا .. ما أنكر إنه بساطة اليهال و برائتهم تحسسنا بحلاوة الحياة

(المال و البنون زينة الحياة الدنيا)

تحياتي لج

a7La eNG يقول...

hmmmmm ..

الاكبر يقعد جدااااااااام
هذي معرووفة قاعدة اساسية

و جنا الاكبر
ليش قاعدة وراااااااااا
!!!!

هااااااااا
:/

انا كل يوم في حياتي من ده
:D
ما تشوفين اقولج مرتااااحة
يا حلووو الصغاااااااااار
و
كل القلووب اطفال
;**

Mr_CHoCoLaTe يقول...

هههههههههههههههه

يحليييلهم

الله يخليهم لج

والله يا حلاتهم اليهال عليهم سوالف

بس مره ثانيه اخذيها مني

ياهل تحت العشر سنين ورى بدون مناقشه

و الله يعينج على العناد

و ديري بالج بالطريج

و لحد يطق الثاني حتى لو غشمره

حرام

و شكراً لانج رسمتي الابتسامه على ويهي

يعطيج العافيه

مع السلامه

Mr_CHoCoLaTe يقول...

مو حرام يعني حرام شرعاً

بس ما احب الطق انا عموماً

حتى ربعي اللي من عمري يطاققون على غشمره ازفهم

لول

باي

بنت الشامية يقول...

الله يخليهم لج ويخليج لهم

بس ما قلتى جم حبة بندول خذيتيها بعد ما رديتى البيت...هههههههههههه

بس لازم يكمل لنا وهابى شلون الياهل يطير وليش ما يطير بالحر...كملوا السالفه....تعلقنا

اتخيله وهو يقول السالفه ,,يهبل ...الله يحفظهم

عبدالرحمن يقول...

بما ان ماما انيسة شدقت الله يعطيها العافيه وطولة العمر ومافيها شدة كفت ووفت كل هل سنين

اشوف ان محد يقدر ياخذ مكانها غير استكانه مبين حبج للاطفال وحبهم لج


انا بالبيت يخوفونهم فيني لا تلعب ولا اناديلك عبدالرحمن يطقك وجذيه
بس الغريبه لما ارد من السفر وادش البيت جني مدخل هدف في مباراة نهائيه يطامرون علي واللي متعلق برقبتي ويبوسون فيني :) ياحليلهم

يعطيك الف عافيه يا ماما استكانه :)

esTeKaNa يقول...

loyatly
~~~~~~~~~
وي جان بخت واللله طالعه ويانا
على الاقل تحمين راس من التفلع بالكور اللي ياني
:)
وبيني وبينج مرات القلب يميل حق واحد والمساواه شي مو بيدج ...حياج الله









a7La_eNG
~~~~~~~~~~
مو انا اطبق هالقاعده والله وما عندي اي تفرقه عنصريه بس وهابي وعزوز هيلق ما تسوا عليها تتفلع طول الطريج من حرتهم
بالغصب رضخت وتنازلت عن العرش
:)
اي واله يا حلو اليهال
ما تحاتين شالو بقلوبهم ولا بيجاملونج
قمة الصدق والنقاء
ويا حلو اللي عندج،كل واحد نومنه وكل واخد معزته قلبي غير**
الله يحفظهم يارب







MR_chocklate
~~~~~~~~~~~~~~~~~
شكرا شكرا على النصائح الذهبيه
وحياك الهل نورت المكان والله
:)








بنت الشاميه
~~~~~~~~~~~~~~~
ههههههههههه
مير يا ليتها يت على حبه البندول وبس
راسي يا بعد راسي انتي صار هالكبره من التكفخ بالكره
وكل ما صرخت قالو ما شفناه\
!!!
اي والله طافج ويه وهابو
وجنه صج الويه،يذكرني بسعد الفرج اذا تعبر وجذب جذبه معتبره
هههههههههههه








عبدالرحمن
~~~~~~~~~~
هههههههههههههه
تهقه؟
يعني ما ادور لي شغل خلاص اعتمدها وظيفه جديده؟

لما وصفتي لي فرحتهم برجوعك ذكرتني بالافلام المصريه ،لما يدش البطل بدايه الفلم واليهال ملهم يركضون
:)))
الله يحفظهم يارب ويفرحك فيهم

ZoZOta يقول...

واي واي واي
مت مت مت من الضحك
جنى اشوف المشهد جدامي
قعدت اكركر مثل الهبله

تدرين ان انا بعد عندي بحياتي عزيز ووهاب
توم
وبيروحون 2 روضه
صدفه غريبه يا استكانه

عشان جذيه ضحكت وايد
جنى اشوف اللي عندي وحركاتهم

غير معرف يقول...

3gabny alsabag 3ala 7ubch w9ar feha est3ra'9 lel5brat wel'a7dath bs ya estkana ma aynlamaon etha 7boch>>mo kel men yst7mel alyahal..yallah enshllah esenah alyaya tktben mo'3maratch m3 alnono;)
d.M

عثماني يقول...

مساج الله بالخير اخيتي استكانة

بوست لذيذ ... و مريح

الحوار ممتع

مدونتج يا استكانة استراحة نحن بحاجة اليها يوميا

غير معرف يقول...

دشووووووا شوفوا شيقول هالحقير عن دينكم !
http://www.youtube.com/watch?v=WnVsBUZQXFM&mode=related&search=
بلزززز إقروا الحجي وتكرموا علي من وقتكم الثمين دقيقتين عشان تقرونه !
لكل مسلم ومسلمة عنده غيره على دينه
لكل مسلم ومسلمة يعوره ويقلقله من يسب دينه

أعداء الإسلام يتكالبون علينا ويدرسون دينا عشان يعرفون يحورون فيه وشغالين على هدفهم وإحنا المسلمين كل يوم نسمع خير
طعن بديننا ورسولنا ولا نحرك ساكن ودليت الإيميل على طول ولا الموضوع إذا بمنتدى ماحد إطبه

شي يحر ويقهر ! هاذا دينكم يا ناس ! إذا مو إنتوا أصحاب الشان تتأثرون ويقلقكم هالشي عيل منو؟

الله بحاسبنا على كل معلومه نعرفها عن دينا ما علمناها غيرنا فما بالكم افترائات وإدعائات باطله وإحنا ساكتين !
أقل الإيمان نشروا الخبر ، خل إهز العالم !

خل نوقف هالتطاول إلي قاعد يصير إلي قاعد يمسنا بالصميم

هاذه واحد حقير مسوي فيديو 10 دقايق عنده حجج إن الإسلام غلط وكذبه

اقل شي تسووونه إن ترعصون دقمة ال إكس إلي تحت الفيديو
أو حطوا تعليق إذا عندكم فصاخة وحجه باللإنجليزي

مادري شقول حدي كحتره بس أمنيتي أسمع إن صار في تحرك على هالسالفه وهاذا راح إصير لما تساعدوني على نشر هالفيديو بكل أرجاءالعالم العربي


-عذرا ان كان الرد خارج الموضوع-

charisma يقول...

ذكرتينى بيدتى الله يرحمها

كانت كل تقول يا ليت قلبى قلب ياهل

واهى الصاجه
يا حلوهم ويا حلو قلوبهم
نقيه ونظيفه
لا تهتم ولا تشيل ولا اتحاتى ولا تشره ولا تحقط
ولا ولا ولا

الله يحفظهم من كل شر
ويا ربى يخلينى لي ذاك اليوم الى اشوف بوستاتج عن عيالج يا رب
:*

5roofa يقول...

loooool kabon wala alah e5alehom ya rab o tshofenhom ejablon 3yal 3yalej
:)

Mishari يقول...

تصدقين روحهم وحدة :)
واضحين يعنى

بس انا مشكلتى مع اليهال ما احب ازعاجهم علشانج جذى بس نركب السيارة احاول اصير مزعج معاهم
اغنى اغنية بارنى
والا اغنية شاطر شاطر
بس افتك من حوستهم :)

الله يخليلكم هالعيال واهم شى طريقة التربية اللى واضحة انها معتمد على اساس راقى
الدين

What Will Be , Will Be .. يقول...

:)

يحليلهم
صج سوالف اليهال تاخذ القلب غصب

اهم شي تقولج كلمي حماتي
وكلميها عدل
لوووول

مبدعييييييييين

:)

الله يحفظهم

7osen يقول...

الله يخليلكم هاليهال الحلوووين

،،

استكانه انا قريت هالبوست من اول مانزلتيه

انتي مو قلتي راح انزل بوست كل ست ساعات ليش مانزلتي

عاد اليوم الخميس وانا قاعد بروحي منعزل يعني

وماخذ جولة كبيرة بين المدونات ومزاجي رايق حده

وكنت اتمنى إني القى عندج شيء يديد ممتع كالعاده ممكن انه يعطيني الإلهام

لكن ما لقيت

:(

:)))

esTeKaNa يقول...

zozota
~~~~~~~~
هلا بالزين والله
يا زين هالتكركر والله اله لا يغير علينا
ويحفظ لكم وهابي وعزيز ويبلغكم فيهم
:))



















D.h
~~~~~~~~
يا بعد قلبي قلبج انتي
واي تفااااجئت من قلب يوم قريت التعليق
انتي اللي في بالي ولا لا؟
:)










عثماني
~~~~~~~~~
مساك الله بالنور و السرور هلا وغلا
مدونتي هي مدونتكم ومكانكم
حياكم الله تنورون
:))







مجهول
ّ~~~~~~~
شكرا من القلب ويزاج الله كل خير
الله يحفظج ويهنيج على غيرتج على دينج وعسى الله يهدي الجميع يارب
:(

















كريزما
~~~~~~~~~
اي والله يا ليت قلبي قلب ياهل
!!
الله يرحمها يارب العالمين
والله لا يخليني منج ياربي
:)







5roofa
~~~~~~~~~
حياج الله
هذي الساعه المباركة اللي شفتج في مدونتي
امين ويزاج الله خير
:)











مشاري
~~~~~~~
يا سلاااااااااااام يا مشاري
ما اتخيل مشاري يغني بارني
:))
بس صراحة حل ذكي
نتفادى الازعاج بالازعاج



يزاك الله خير وما قصرت
وهذا بعض مما عندكم
:)









what will be...
~~~~~~~~~~~~~~~~~~~
hahahahaha:)
صج ضحكتني
بس لاحظي سنعها
طول الطريج تكلم حماتها وتزفني تقولي كلميها عدل
ترا مو اي جنه حريصه وتطبج ويا حماتها
سنعه عشتو
:))


















7osen
~~~~~~~~
يا هلا ويا مرحبا
كان ودي انزل بوست بس مادري اشفيني
اكتب وامسح
المزاج مش رايق شوي
:(

Vancouver يقول...

وااااااااااي راج ابجي الحين :((

ذكرتيني بعيال خواتي لما كنت
اتفرفر وياهم من مكان لي مكان
وينامون عندي بالويكندات

يهبلووون اليهال
يازينهم ويازين سوالفهم


انا ما اصدق اشلون اكو ناس
ما يستمتعون مع اليهال ولا ينزلون
لي مستواهم ولا يتواصلون معاهم

احس اهمه فيهم مشكلة

يحلوج اموت على الناس الحبوبين
مع اليهال




الله يرزقج عيال
وباجر يدللونهم
مثل ما تدللينهم الحين

صجججججج متعة سوالفهم

|:| DUBAI |:| يقول...

يعجبني أسلوبك في الطرح : )

خلاصة البوست ..كان جدا حقيقي

اذا داروج بداريني عيالهم !

الحال نفسه نحن نطبقه !

Very.Q8ya يقول...

مصدقه بتروحين الابتدائي؟ما تروحين والله ما تروحين
احنا لما نروح نشوف اذا وناسه نقولج تعالي
--
LOOOOOOOOOOOOOOOOOOOOOOOOOOOOOOOOOO
OOOOOOOOOOOOOOOOOOOOOOOOL ya galbi wallah allaah yekhaleehom lekom inshallah ;***