السبت، يوليو 07، 2007

استكانه وقصه بلوق

متى كان ذلك؟

قبل ثلاث سنوات تقريبا،كنت حينها أمارس هوايتي في القراءة الالكترونيه وانتقل ما بين موقع واخر

اكتشفته بالصدفه،موقع ذو لون ازرق مميز واسم حفر في ذاكرتي


كان يكتب باستمرار واسلوب راقي جدا

يكتب عن واقع الكويت وسياستها تاره ،وتاره اخرى مواضيع اجتماعيه واخرى غايه في الرومانسيه

ادمنت القراءة في موقعه ومن تلك المواقع على يمين الصفحة تعرفت على مدونات اخرى

غسان

broke

ra_1
بصراحة
moodless

grafika

purg.
ومن موقع لآاخر وجدت نفسي ادمنت هذا العالم دون قصد وتخطيط




وبعدين؟

كنت للتو قد انهيت شرب استكانه شاي جمعتني باهلي في جلسه عصر

تمنيت يومها ان يكون لي صفحتي الخاصه التي تجمع الناس حولي كما تجمعنا الاستكانه في كل عصريه

اريد ان ان ادون بوحي واسمع صدى لكلماتي حولي

كانت صفحة ورديه،ودون تخطيط اسميتها استكانه وذيلت كل كلماتي باسمي الاول

كتبت ادق واجمل واغبى واظرف تفاصيلي

نقلت واقعي وكل ما يختص فيني دون مسوده ودون اي مونتاج لافكاري وكنت انتظر ا ي تعليق كرده فعل لكتاباتي البسيطة،

عندما قرأت اول تعليق لحمد في مدونتي شعرت بفخر كبير وهو الاخ الذي كان يمثل لي قمة بالثقافه ورقي الكلمة

شجعني واستمريت

ووبعدها توالت التعليقات من هنا وهناك لاشعر مع الوقت بأني محاطة باسره جميله هم عدد مميز من البلوقرز حولي

لم اكن اشعر بأن عدد التعليقات الكبيرة هم وواجب،كنت اشعر باني بحوار خاص مع كل من يدون تعليق

ولم اكن اشعر بأن التعليق عند البلوقز مثل التوّجب...اللي يعلق عندنا نعلق عنده

كان الموضوع ابسط بكثير من كل ذلك

!!

أحببت البلوقرز من حولي،عالم ارقى بكثير من كل تلك المواقع الانترنتيه

تعرفت على كثيرات...منهن من انشغلت بزواج واخريات اخذتهن الدنيا

وبقي لهن في اعماقي ذكرى جميله



وشصار بعدين؟

تذيلي لكل موضوع باسمي الاول،ذكري لتفاصيلي الدقيقه،وجودي في عالم صغير ومحددود هو الجامعه جعلني اعرف بسهوله من عدد لا بأسبه من الفضولين

شعرت بالخطر الذي جعلنني افقد قدرتي على البوح ،ببساطة انا لا اجيد التخفي

قد ترى وجهي ما بين كلماتي

:pP~

لم اكن اريد ان اوسع علاقاتي في عالم انترنتي مجهول

كل مااردته ان ابوح بصدق دون قيد ودون خوف



ومن شنو تخافيين؟

ليس خوف بمعنى الخوف،فطالما هناك شئ راسخ في ذاتي وميزان ازن فيه كلماتي وتصرفاتي لن اخاف

كل ما في الامر اني كنت اريد ان اتمتع ببعض الخصوصيه بعيد عن واقعي وحياتي





وشنو سويتي؟

انقطعت مرتين عن التدوين لمده طويله

ولم تنقطع في تلك المده ايميلات عدد من الاحبه الذين كانو السبب الاول لعودتي

عدت بحنيني

شوقي

ولهفتي من جديد للكتابه ..دون اسمي الاول واكتفيت باستكانه



لما تبتسمين الآان؟

!!استكانه

المشهد:عرس صديقتي الحبيبه

ابطال المشهد:حقوقيه

احلى انجنير

واستكاانه

كنت اقف بجانب كوشه العروس،عندما صحبت لي حقوقيه صديقتها العزيزه

ابتسمت حقوقيه وهمست لي في اذني:هذي فلانه

مددت يدي وابتسامة كبيرة وواثقه على وجهي

فهمست حقوقيه:فلانه هذي استكانه

!!

فجأة شعرت بحرج وخجل ورغبه عجيبه بالضحك

كاشخة ومرة شكبري وبالاخير:استكانه؟؟

شعرت بأن هناك مضخة دم تنطلق من اصغر صبع في رجلي الى وجهي لتلون وجهي كله بحمره خجل مربكه لي
ولاني عندما اخجل استهبل ،ضحكت وتكلمت كثيرا دون قصد

وزلقه بطيحه واستغلال للموقف الجميل سعدت جدا بتعريف حقوقيه على احلى انجنير




فخورة انا بكن صديقاتي :)







مالذي تمثله استكانه لك وماذا أثرها عليك؟


استكانه هي انا،ومن يعرفني يدرك ذلك منذ اول قراءة

علمتني استكانه ان اعبر عن مشاعري بتلقائيه وان ارتب افكاري من خلال كلماتي

ساعدتني على اعاده الثقه في جيلي ومجتمعي من خلال اكتشاف الجوانب الاخرى والاطلاع على افكارهم واساليبهم وشخصياتهم

ومنحتني فرصه للتعرف على قلوب رائعه ونفوس جميله ااحببتها دون اي اعتبار لشكل او اسم او اي معيار اخر قد يكون له اثر في

حياتنا الواقعيه

هل اغير اسم استكانه.؟







ما الجديد الذي يثير انتباهك حاليا؟

العدد المتزايد من البلوقرز ...اللهم زد وبارك

وسالفه المجهول،للاحظت اكثر من بلوق وفي اكثر من بوست لابد من وجود تعليق من مجهول لا يهمة سوى تعكير مزاج من كتب ومن حوله،حتى لو كان هناك انتقاد فللانتقاد اسلوبه ورقيه دون تجريح
الكلمه الطيبه صدقه
وسوف نحاسب يوما على كل كلمه قد كتبناها
فلما التجريح؟
الحمدلله انا محلله كل مجهول وما ياني منهم الا كل خير
لكن فعلا هل لاحظتم موضوع تعليق المجهول؟






شطاري عليج؟
أده الليل وانا بريحاتي ما فيني نومه ولازم أنام عندي موعد الصبح
قمت يبت لي حليّبتي وجابلت بلوقي وقعدت اقرا مواضيعي القديمه
حسيت روحي كبرت،ووايد اشيا فيني تغيرت
وحبيت اسولف وياكم
والحين؟
أعاني من أرق
وماحب احساس الصراع مع الوقت وتغصب النومه
وكلمات معلقه في بالي مو راضيه تروح:
يا مطول الغيبات..اشتااااااااقلك بالذات
وبعديين؟

بتعوذ من ابليس وانام وناطره قصه بلوق منكم

هناك 51 تعليقًا:

Purgatory يقول...

:)

أنا أدري كاتبة اسمي حتي استحي على ويهي و أعلق

مدونة استكانة مميزة جدا و أقدر أقول انها لا تزال من المدونات المفضلة عندي، و احلي شي فيها السوالف العفوية

يمكن أنا ما أعرفج شخصيا، و لكن أدري انج انسانة بسيطة و قلبج أبيض، و هذا أهم شي، و دائما ترحبين فيني و تصبين لي شاي أخضر لما أزورج، بالتالي أتمنى انج تكملين و مــا تنقطعين

و سلامتج

esTeKaNa يقول...

purg.
~~~~~~~~~
تهقه عشان جذي كاتبته؟
كاتبته لانك شخص مميز مر على مدونتي من بدايتها لحد الحين وطفرني وعلق في زمن ما
بعدين مادري شنو صار وفقدته
:)
تصدق مو متعوده اقرا لك تعليق بالعربي!!
شكرا على هالحجي الحلو
وتستاهل الشاي الحلو من الصبح


صباحك ورد
:)

عيون الحب يقول...

اندمجت كثير في قصتج ماكان ودي تخلص ..
تعرفين استكانه انه مدونتج اول مدونة عرفتها وحبيتها ..

وكنت دايما اتابعها واحب مواضيعها ..
يمكن احيانا ما ارد على كل مواضيعج صح .. بس لأني احيانا اعجز عن مجاراتج وماعرف شو اقول ..

وانا بعد ما اعتبر المدونة توجب .. يعني ما احب اللي عشان علقلي اعلق له .. لا اذا عجبني موضوعه ودخل مزاجي ارد .. اذا لا مارد .. بس مايمنع اني ازور المدونة واشوف شو الجديد ..

وعن اسم استكانه .. عرفناج باستكانه وحبيناج باستكانه .. وموقعج استكانه .. فأحس لو تظلين عالاسم احلى واحلى ..

مع انه اذا غيرتيه ولا ماغيرتيه بنظل وراج ولا بنخليج في حالج لوول .. بس الاسم استكانه اخترتيه لهدف ولمعنى حبيتيه .. مثل ما الاستكانه تجمعج بأهلج .. هي نفسها هني تجمع باللي يحبونج ..

وأحلى شي فيج تلقائيتج ترى ..
ماعرف شو اقول اكثر من كذي لوول ..

بس لا تكررينها وتقطعين عنا .. ترى حدي تضايقت يومها ..

عسى الله لايحرمنا منج .. ولا يحرمج منا ..

---------------
أقول: بن علي وينه؟ مااشوفه الفترة الاخيرة؟

عبدالرحمن يقول...

اختي التي افتخر بصداقتها البلوقيه

تعابير جميله واجابات جميله في فصله صباحيه هم جميله :)

الاستكانه هنا مثل استكانات القديمه اللي موجوده الحين بالقهاوي الشعبيه شكلها حلو وتعطي احساس باصاله وبساطه نحبها
والاستكانه هنا لم اجدها يوما فارغه دائما ممتلئه بالابداعات الجميله
الاستكانه هنا لها نكهه خاصه مهما لفينا تبقى الاجمل

اي شيء يكون شرحه ابسط الا هذة الاستكانه تكون هي ابسط من شرحها

تحية اخرى

Purgatory يقول...

لازم العربي، عمو برجاتوري في تطور مستمر، الوقت يتطلب اني اكتب بالعربي، و بعدين قاعد أدرب نفسي، حتي أقدر أكتب بنفس سرعة الانجليزي،

:)

esTeKaNa يقول...

عيون الحب
~~~~~~~~~~
هلا بعيون الحب والطيبه كلها
افتخر بكوني اول مدونه ادخلتك لهذا العالم الجميل وسعيده جدا بقربك والتواصل معك
وانا مثلك،احيانا كثيره لااجد مااقوله فاكتفي بالقراءة والمرور الصامت

رغم ان اسم استكانه يجعلني ابتسم واضحك على نفسي الا اني ارتبطت به نفسيا وعاطفيا يعز علي تغيره تصدقين:)

اتمنى ان لا اكون ابداا سبب في ضيقتك يا الغاليه

انا بانتظار رد بن علي
مدونتي كلها تفتقده
وهو من اوائل واهم من يعلق عندي دائما
وينك يا بن علي؟

bin3li يقول...

يا مألبين المواجع

هيييه ، أنا كتبت في أربع بلوقات و كلهم انتهوا ألحين

كنت أتابع البلوقات الكويتية و أتمنى تكون هناك مواقع إماراتية تكون عندها جرأة في الطرح مثل الكويتية

فتحت أول شي بلوقر، كتبت موضوع و مسحت البلوق ، ما كمل يومين على بعض

بعدين فتحت في خدمة بلوقسوم
و كانت بداية التدوين تحت عنوان
بن علي و العالم

و سكرته، و بعد فترة لقيت دعوة من خدمة وورد بريس

و فتحت البلوق تحت اسم بن علي

و بعدها مسحته

و قبل كم شهر فتحت مدونتي الأخير
و المدونة متوقفة حالياً بسبب الهكرز

هذا ملخص قصتي

esTeKaNa يقول...

عبدالرحمن
~~~~~~~~~~~
اعتراف يضاف لقائمه اعترافاتي الكثيره:
لي من الاخوة اثنين
هم عيني التي أرى فيهما الدنيا
ادللهما ،وانصت لهما واحبهما وانا واحد من الربع بالنسبه لهما:)
واليوم عندما قرأت كلمتك شعرت باحساس جميل،ان لي اخ برقيك واحترامك يضاف لاخوتي
في عالم البلوق
:)
منصب الاخو مو شي سهل ولا هين وأنا أخيتك
علامي قرقت؟
تصدق مادري بس يمكن كلماتك الجميله اسعدتني لدرجة اني مادري شنو رديت :)
شكرا من اعمق نقطة في قلبي

bin3li يقول...

كاني كاني
بس بيزي حبتين هالأيام
:)

esTeKaNa يقول...

purg.
~~~~~~~~
ما شاء الله تطور جميل جدا
الكتابه بللغه العربيه اجمل واسهل
انا بعد في طريقي لتطوير لغتي الانجليزيه انشالله :)
ما قلت لي شنهي قصه بلوقك؟

عثماني يقول...

مساج الله بالخير استكانة

لما اشوف مدونة مثل مدونتج ...اشعر بسعادة بانني مدون زميل لك

لطرحك رقي و صفاء جميل

حقا احسد صديقاتك اللاتي يعرفنك على ارض الواقع

esTeKaNa يقول...

bin3Li
~~~~~~~~~
حيالله البزي حبتين
:)
ايي يا بن علي صرت بزي وبتاع بزنس وكبر راسك علينا؟
الله يوفقك ويفتح عليك ويرزقك من حيث لا تحتسب
قصه مدونه جميله
كنت وما زلت اتابعها
وان خفت صوت تعليقي فيها
انقطاع مؤقت وبانتظارك ان شاء الله:)

esTeKaNa يقول...

عثماني
ّّّ~~~~~~~~~ّ
يا زين هالمسا اللي نورت فيه بلوقي
وفعلا كنت بانتظار زياتك وتشرفيك لمدونتي،وهذا كلام من القلب وليش مجرد كلام مستهلك يقال
:)
شكرا لاطرائك الذي خجلني
وبانتظار صديقات الواقع ليقرأن كلماتك ويحمدن ربهن على وجودي
:pp~
كنت اتمنى سماع قصه مدونتك
:)

bin3li يقول...

لازم راسي يكبر، الخردة و ما تسوي
:)

و لو أني لين ألحين ما عندي شي
بس بإذن الله ، نسعى و الرب رزاق

لاحظت الخفتان المتلاشي بالمرة
:P
و ياليت يرجع ، بس خل البلوق يرجع بالأول

Fahad Al Askr يقول...

مدونة متميزة كروح واسم صاحبتها

Purgatory يقول...

راح أخذ فكرتج و أ كتب بوست مشابه قريبا، :)

Mamloo7a Q8ia يقول...

والله يا استكانة و بدون مجاملة
انتي من المدونات اللي رغبتني بعمل مدونة خاصة لي اكتب فيها واستمتع بردود باقي المدونين

لو سمحتي لا تقطعين فينا مرة ثانية

تعودت اني اقرأ مواضيعج وأحب طريقتج في الكتابة لا تغيرين من شخصيتج علشان الغير

SolaimaN يقول...

كتبت ادق واجمل واغبى واظرف تفاصيلي

....
كاشخة ومرة شكبري وبالاخير:استكانه؟؟

:)

يا سلام

شنو اكثر من جذيه صدق وشفافية

والله ماشفت اكثر من قفزاتج من فكره الى فكره طريقه بهذة العفويه والسلاسه


شخصيه يغبط من حواليها بمعرفتها


اذن معي الحق اذا تعودت ان تكون زيارتي الى مدونتك

اول الزيارات



هل اغير اسم استكانه.؟


كوني جديد في التدوين ،،لا شك ان في التغير اثر سلبي علي

:(

ودمتي اخت وصديقه وزميله مدعاة للفخر

Breeze يقول...

هذه أنتي كما عرفتكِ .. إنسانة متعددة المواهب و مبدعة في نفس الوقت ..

ما أنكر إني في يوم من الأيام كنت أتعجب من طلاقة لسانك في التعبير في حصة العربي ..

حتى أنني كنت أحلم بأن يكون لي أسلوب معبر كأسلوبك ..

و في كل مرة أحتار بوصفك فأكتفي بالقول ( اللي شاطرة بالعربي ) لووول
إلى أن تعرفت أكثر عليك .. و وجدت فيك روح المرح و الدعابة ..

دمـــــــــج خفيـــــــــف .. لوووول

إنشاء الله ما نفقد كتاباتج فهي ما توصلني إليك حاليا .. :)

حسام بن ضرار يقول...

وراء كل بلوج قصه

لكن بلوجي لم يكن وراه قصه ولا شي

انا مدمن قراءه منذ الصغر

و مثلما احببت القراءة و الإطلاع، احسست بأهمية وجودة مساحة افرغ من خلالها بعض ما يجول في خاطري

فمن هنا كان الباعث لتأسيسي للمدونه


تمنياتنا بالتوفيق لكي و للمدونه

و شكراً

Purgatory يقول...

ملاحظة، الرابط المتعلق بمدونتي قديم، الصحيح purgatory.kuwaitblogs.com

ممكن تصلحينه؟

:)

ReLaaaX يقول...

انزين وبعدين ؟ ;p
--> يعني مندمجة

ياحبيبتي يااستكانة عسى ياتج النومة عاد عقب هالبوست :)))

(~~~~~)
هذي الحركة تذكرني ببلوقج الوردي ;p

--

شرايج عيل باللي يقولج أول بلوق قريته وقعدت اتطمش وانبش فيه انتي ؟ ومن زمااااااان بس ماكان في بالي ان يكون لي بلوق خاص فيني .. مجرد إني اقرى لج واستانس على سوالفج واقول يحليلها هالبنية ;p

أكثر شي كان يشدني ببلوقج

1
اسمج = النك نيم بتاعيك ;)
من صجي لأن أول شي ضحكت وعقب حسيت ان الاسم يشوق او بالمصلطحات اليديدة حده كيوت ;p~

2
مواقفج عفوية وكلامج غير متكلف ابدا ابدا ابدا هالشي اللي سهل علينا القرايه واستيعاب اللي تكتبينه + نحس باللي تقولينه قلت لج لأن غير متكلف


والكلام الصادق لايستأذن القلوب قبل دخوله ;)

--

امممم نسيت بعد شكنت بقول :)))


دمتِ لنا راائعة ودامت لنا استكانتك ^_^

عسى الله يوفقج ويفتح عليج ويحقق لج كل شي تتمنينه يااستكانة يابنت امج وابوج --> يعني من القلب ;)

Expatriate يقول...

بصراحة المدونة كلها بصوب
و فكرة منابر النور بصوب ثاني

تركتي الأثر

ونادرا ما نجد مدوّن يترك أثر

مساعد يقول...

ماشالله مدونتج كانت وما تزال جميلة و قصة مشوقة.

شوفي محاسن الصدف . مدونتج كانت أول مدونه أقرأها :)

7osen يقول...

إستكانه

أنا بالنسبة لي أحب اقرا مدونتج وكل جديد تكتبينه

أسلوبج يخلي الواحد يدمن قراءة مدونتج

والله صج روعه بكل معنى الكلمة

يعني من كثر ما نكتب ونمدح
احيانا اكتفي بس اقرا وأستمتع

وهذا الموضوع اللى كتبتيه الصراحه ممتع
يعني نفس كل مره قريته وتمنيت مايخلص الكلام

وأحلى شي لما عرفو عليج بأسم إستكانه
تخيلت الموقف
صج يضحك

:))

OutOfReach يقول...

عزيزتي استكانه
اسلوبك الاكثر من رائع و كلماتج البسيطه تدخل القلب بسرعه و تشدنا لقراءة مدونتك مع اني جديده في عالم البلوقرز
شدني نك نيمج ((استكانة)) و بديت اقرى لج و احرص على زيارة المدونه :))
و اليوم بعد قراءة هذا البوست حرصت علي تصفح المدونه و قراءة ما هو قديم ؛شغلات خلتني اضحك من قلب و شغلات شدتني عجبني اسلوبج و طريقتج في الكتابه
و على قوله الاخت Relaaax :
الكلام الصادق لا يستأذن القلب قبل دخوله
تحياتي

esTeKaNa يقول...

بن علي
~~~~~~~~~
الله يوفقك ويرزقك من حيث لا تحتسب قول آمين
والخفتان لحاجه في نفس يعقوب
:Pp~





فهد العسكر
~~~~~~~~~~~~~~
ربنا يجبر بخاطرك يا باشا
:))






PURG
~~~~~~~~
وحقوق الفكرة محفوظه لي
:)
يالله اخلص الكومنتس واسيّر عليك ناطره البوست،واسفه وايد على الخلل في عنوان المدونه
بيني وبينك للحين ماعرف اسنع ببلوقي
ناس يسنعون لي يزاهم الله خير
:))







MMloo7a q8ia
~~~~~~~~~~~~~~~
والله العظيم يا بختي انا
ويزاني الله خير بعد لاني رغبتج انج تسوين مدونه وانتي فعلا مكسب لي وانسانه افتخر بوجودها
وكسب للجميع
:)
اهم شي اني اشكر روحي
:pP~
ياربي من اكتب لج رد اكتبه وفي باك راوند اغنيه مغبره:
حياتي والله مالها غيرك شريك
ملح الجزيرة كلها وملح الخليج
تعرفينها اغنيه الله امر؟
كانت تسوي شي وشغل بالعروس
hehehehe
الملح شي نادر،والجاذبيه سحر
ما شفتج بعيوني،بس في احساس يخليني احس اني اعرفج:)






soLaiman
~~~~~~~~~~~
تعرف حركات اليدات وحريم قبل اللي تمسك طرف ملقغها وتغطي ويهها من الحيا يالله من فضلك؟
مادري ليش ياني احساس وانا اقرا ردك اني ابي اغطي ويهي واستحيت
hehehehehe
قول اامين..يجبر بخاطرك رب العالمين ويسعدك مثل ما كلامك الطيب اسدعني وخجلني
هذا بلوقك ومكانك وحياك الله بأي وقت
:)

esTeKaNa يقول...

breeza
~~~~~~~~~
اللي شاطرة بالعربي؟
لوووووووووووووووووووووووووول
بعد قولي البنت الطويله عشان استانس
تدرين شخطت شخطة طول ايام المدرسه وتالي وقفت مادري اشفيني
:))
واي تذكرت ويهي بحصه العربي وشطتي وخبتي عشان اجاوب واتكلم واموووووووت من الحرة اذا خلصت الحصه وما خلوني اجاوب وجهدي يضيع هباء منثورا
:))
يا بعد قلبي قلبج،كل اللي قلتيه عني هذا بعض مما عندكم والله،وصداقتي معاج من عمر المدرسه يخليج من الناس الاقدر على فهم كل كلمة اكتبها

دمتي بحب وخير انتي وكل احبابج يارب
:**

esTeKaNa يقول...

حسام بن ضرار
~~~~~~~~~~~~~~
سلامات يا الغالي سلامات
غدا الشر من بعد السخونه
:))
شكرا لوجودك الطيب والراقي بينا








reLaaax
~~~~~~~~~~~~
loooooooooooooooooooooooooool:))
واي اهم شي انج حافظة الحركه،كلش ما فيها ابداع ولا متعوب عليها
تصدقين انا من اواني حدي اسطر واسطر عوي،الفناتق والترتيب الحلو عند احلى انجنير يالله من فضلك كله اطل بدفاترها تونس:))
اجمعين يارب ويا زميله الوردي انتي
والله يسهد علي انتي من البلوقرز اللي احس بقرب خاص معاهم
احس اني اعرفج من عمر،واستمتع بكل كلمة وفكرة تكتبينها في بلوقج وفي كل بلوق
عسى ربي لا يحرمني منكم انتي ونسكافيه
:))








expat.
~~~~~~~~~
أحب منابر النور من قلبي
ومرات احس اني قصرت بحقها وايد
البارحة بالشارع قريت كلمة منابر النور على سياره ماره يمي طارت عيني وبعدين استوعبت الكلمه عاديه يمكن شخص يقصد شي غير منابرنا
:)))
ترضى اقولك شي؟
انته من الاخوة اللي اعجبت برجاحة عقلهم وحكمتهم والتزامهم من قراءتي لمدونتك
كنت طالب مغترب،واليوم تخرجت واشتغلت
ومعاك قرينا لحظات الغربه والفرح وفلسفه الفكرة والكلمة
وحاليا ..انا ناطرة بشاره الفرح بزواجك واستقرارك يارب
:))







مساعد
~~~~~~~~~~
صج اول مدونه؟
وتبارك الرحمن ما شاء الله انته انطلقت وانجزت وكتبت اشيا كثيرة زادت من قيمه واهميه مدونتك وانا للحين اسولف:)
انا قلت لك عن فرحتي يوم قريت خبر بالوطن عنك؟
كنت فخورة بزمالتي لك
:))














7osen
~~~~~~~
ايييييييييي ترا وايد الموقف يضحك
تخيلت بهاللحظة اني صرت بحجم الاستكانه من الفشله :)
مجرد وجودك واحساسك بكل كلمة يفرحني
والله العظيم اني ما اسعى لمدح واطراء
كل ما اسعى اليه قلوب صادقه متفاعله مع بعضها كأسرة واحده
:)حياك الله












out of reach
~~~~~~~~~~~~~~~
ممممم يعني النيك نيم يلفت النظر ما اغيره؟
:))
صديقتي البلوقريه الجديده
شكرا من كل قلبي على كلماتج الحلوة
عطيتيني دفعه معنويه كبيرة
وهذا بلوقج واللي بخاطرج تقولينه لي باي وقت قوليه سواء مدح او انتقاد او نصيحة احنا خوات

Shaima'a Alkandari يقول...

سر من الاسرار وبحتى فيه بمدونتج

الله يديمها عليكم صداقه ومحبه

يارب


قصه جميله جدا استمتعت بقراءتها


فعلا البلوق أثر فيج وفيني وفي الكل تقريبا لانه يصير عالم وبيت ثاني لكل شخص

sologa-bologa يقول...

مدونة خفيفة ولطيفة

وفعلا استكانة شاي
وبالنعناع بعد
:)

على الأقل تريح الأعصاب

ودمتم بحب وود

bin3li يقول...

حاجة في نفس يعقوب!!!

اوكي
ماشي

ماشي

بوغازي يقول...

أول مرة أزور المدونة... بس حقيقة خوش إستكانة... لا هي ثقيلة ولا هي خفيفة.. وشيرتها مضبوطة
.
التعليق السابق كتبه عندما تشرفت لأول مرة بزيارت مدونتك الجميلة وكان ذلك بتاريخ 3/6/2007 في أثناء اختباراتك للسنة النهائية وقبل التخرج
.
وهذا رأي لم يتغير في هذه (الاستكانة) منذ ذلك الحين... ومنذ ذلك الحين وهذه المدونة إحدى المحطات الرئيسية التي يجب أن أتوقف عندها بشكل دائم ومستمر لالتقي من خلالها مع مجموعة طيبة من الأخوة والأخوات المدونين والمدونات الذين يجتمعون في هذا المكان الجميل اجتماع الأهل والأحباب... وذلك حتى احتسي معهم (استكانة) من (ادق واجمل واغبى واظرف تفاصيل) من سكبها لنا وسقانا إياها... نسأل الله أن يسقيه من شراب الجنة
.
عزيزتي: ما قرأته كان معبرا ومليئ بالشفافية... ومع قراءة كل سطر كنت أردد مع نفسي كلمة (أحسنت) ومع نهاية كل فقرة كنت أردد كلمة (صح لسانج)... فاستمري يا عزيزتي ولا تبالي
:)

barrak يقول...

انا بقول شي واحد يعكس رايي بهالمدونه
وفيك انتي شخصيا

تذكرين بالمرتين اللي اختفيتي فيهم

شفتي التعليقات والطلبات من ناس مابينك وبينهم الا بوست وتعليق
كلهم يطلبون منك انك ترجعين وتكتبين

ماعندي غير هالكلام
بس انا معترض على تغيير صورة استكانه

وبس

hamdool يقول...

وايد إستانست وآنا أقرا
اللي كاتبته ووصلني كل اللي
تحسين فيه من الداخل لأنه
طالع من القلب .. الله يوفقج
ويحمعج بناس يستاهلون
خوفج عليهم


Have a great TUESDAY :)

ZoZOta يقول...

الشيخه استكانه

مساج الله بالخير اخيتي

انا وحده من المستحدثات على البلوجرز
وماصار لي مده طويله
انتى فعلا رسمتي احساسى عندما بدأت اكتب
ومع اول تعليق وفرحتى فيه
وتشجيع الكل لي

واحساسي بالغبطه لأن فيه ناس صارت تحرص تقرا لي
احساس بالإحتواء عجيب
اهل ثانيين
اخوان وخوات
حبايب وخلان
وبالفعل
منو منا ما يبي يلبس قناع عشان يقول اللي يبيه وبراحته
بدون ما يعرفونه الناس ويحكمون عليه
وينسون محتوى كتاباته ويذكرون بس شكله
ومنو اهو

انا وحده من الناس افضل اكون مجهوله
عشان اكتب براحتي
وما يهمني تعليق مجهول
اهم شي اني عندي مساحتى الخاصه اللي ابوح فيها بمكنونات نفسي
بدون ما اخجل
بدون حدود وبدون تحفظات

دايما كتاباتك تمسنى بطريق او بأخري

شي انج استكانة شاي مضبووووطه

دمتى بحب

Purplecious يقول...

واااااااااااااااي
استكانه

شنو هالبوست الخطيييييييييييييير

فكرته روعه روعه روعه

وايد استمتعت و أنا أقراه

:))))) شوفي حلجي بينشق من الوناسه


أنا قصتي الله يسلمج اني تولعت بالبلوقات من الصيف اللي فات
ز مع الوقت قررنا أنا و صديقاتي كل واحده تفتح لها بلوق

انا كنت مكتفيه بالتعليق و ما هقيت اني أدون أو اكتب في يوم من الايام

بس مشت
ههههههه
بس عاد على وناسه و حق فضفضه
و
و
وبس
سلامتج و تعيشين
:))

محـــــارة يقول...

إستكانة عندما أقرأ بمدونتك أحس أحساس عجيب .. أفقد كل الشعور بما حولي وكأنني أتنقل بين الكلمات وأهرول للانتقال للسطر الذي يليه خوفا من أن ينقطع البث وكأنني بتردد موجات وتلفاز قد ينقطع عنه التيار بأي لحظة .. شعور غريب لكن إحساس قمة بعد ما أنتهي من قرأت أي ماتكتبين

من دادتكم العجيبة مروروا بالحفلات والفصاخة وانعدام الحيا الي نازل وتسوق البنات لروحهم بدون مستحى إلى أجمل وأعذب بوست إليك

مهما أكتب عن هالبوست ماراح أوفيه لأن حسيته مني وفيني يصف إحساسي بعمق وبكلمات أقوى من أني أقدر أوصل لها وأوصفها

وأنهيت قرائتي بأفضل من علمتني ومنها استشفيت رغبتي بالكتابة أستكانة .. أعجز عن شكرك لأنك منك ومن كتاباتك جعلتيني أتحدى طاقتي وأحاول أن أبحث عن كلمات لترتب أفكاري

ستبقيني مبدعة لن أقول أحسدك على قلمك وإبداعك لكنني أغبطك والأهم حفظك الرب دوماً لنا مبدعة بأفكارك برقيها وبقوة كلماتها

أستكانة أحبج بالله بدون ما أعرفج لكن أكن لج مشاعر أخويه كبيرة وعميقة وأستفدت من كتاباتاج الشيء الكثير فلا تبخلين علينا

سامحيني على الإطالة لكن إنقطاعي وعودتي خلت عندي صراع مع الوقت بأن أغطي كل ما طافني

واااصلي كتاباتج ومروج أختي الغالية .. سلام بحفظ الرحمن

78o8eYa يقول...

مسا الخير
عـ الناس الغير
:*

أحلى قصة بلوق
لأنها
كشفت لي شخصياً
عن شي
جميل جداً
مخفي

^_*

الاسم ترا لابق ، استكانه التكانه
;)
ما أعتقد راح نعرفج من غيره
وأكبر دليل موقفي المذكور بالموضوع
..
ترا طلعت عفويه ، وأهم شي أهمس
بعد تدرين مكان عام وموناقصين فضايح
;Pp~


يا محفوظة السلامه
قصة بلوقي

بالصدفه اكتشفت عالم المدونات ببحث عن طريق الأخ العزيز
قوقل
واكتشفت بلوق وايد حلو بسوالفه وروحه
كان
بلوق وحده ينقال لها استكانه
:)
ومعاه اكتشفت بلوق
طاخ طيخ
و
لوير
و
بصراحه
و
R1
و
شمس وقمر
و
مشاري

أدمنت القراءة
وصار تواصلي الغير مباشر يكبر
يوم عن يوم
ليما قررت أبني بيتي

هذا بإختصار
:)

رداً على الأخ العزيز
عثماني

"حقا احسد صديقاتك اللاتي يعرفنك على ارض الواقع"

بالأصالة عن نفسي
أتشرف بأخت
الله اللي يعلم معزتها بقلبي
أصلها ذهب
وروحها ماكو منها
ربي يحفظها من كل شر
و يخليها لحبايب دنياها
ويرزقها بأحسن من كل ما تتمنى

esTeKaNa يقول...

shaima alknDry
~~~~~~~~~~~~~~~~
يا هلا ومرحبا
امين واجمعين يارب
حياج الله
:)





sloga-bloga
~~~~~~~~~~~~~~~
هذا هو المطلوب
:)
حياك الله







bin3Li
~~~~~~~~~
ماشي ماشي؟
ممممممم
حسيت الكلمة تخوف
:)






بو غازي
~~~~~~~~~~~
اييييه تذكرت التاريخ وتذكرت البوست واحساسي...كان باقي لي امتحان تحكيم دولي واتخرج
الحمدلله اللي تتم بنعمته الصالحات:)

صح بدنك يا بو غازي
وهذي مدونتك ومكانك
اتحرى في كل بوست تعقيبك
واستمتع برجاحه الفكر والعقل عندك
الله يتمم عليك ويزيدك ويسقينا من ماء الجنه انا وانته وجميع اخوانا وخواتنا
:))







barrak
~~~~~~~~~
الو ما قريت يعكس رايي فيك شخصيا
استغربت
!!
وبعد ما قريت تعقيبك ابتسمت
شكرا براك وما قصرت
احس اضئت بكلمتك فكرة اسعدتني
على فكره..سلام خاص حق خشيم الفار
:))
اي صورة استكانه كانت عاجبتك؟







hamdool
~~~~~~~~~
يا بختي انا ويا بخت بلوقي اللي خلاك تستانس..حياك الله نورت المكان وعسى ربي يديمها عليك وناسه قول امين
:)







zozota
~~~~~~~~~
ياهلا ويا مرحبا بالزين كله
ويا بختنا بوجود وباداعاتج الحلوة
لج اسلوب رائع وكلمه سلسه
الله يحفظج يارب ويزيدج ابداع كمان وكمان
:)







purplecious
~~~~~~~~~~~~~~
وااااي يا زينج انتي
والله انتي الخطيرة مو البوست
ويا زين هالكشره والله والضحكة
اقرا تعليقج واضحك وانا ما اتوصى حسيت روحي ابتسم لج
:)
والبلوقات ادمان
مادري اشلون قدرت حاليا ارتب وقتي
اول ما بديت كنت اذا كتبت بوست واذا افتريت اقرا االبلوقرز انسى نفسي
!






محاره
~~~~~~~~
رائعه انتي وراقيه الاسلوب والفكره
تصويرك وكلماتك جعلتني في احسن واجمل حالاتي،ممتع احساسي بالقرب من شخص من خلال كلماتي واحساس بالانجاز ان اصل لروحك وقلبك صدقيني
انا سعيده من قلبي بوجودك ومكانك في مدونتي وقلبي كبير
بوست اليك كان اهداء مني لكل قلب انثى عذري يعشق ويحلم وينتظر
اهداء لكن قبل الجميع

تدرين؟
طولت وانا اقر تعليقج
حسيت مافي كلمات توفيج حقج
سامحيني على القصور
:)







حقوقيه
~~~~~~~~~~
هلااا بللي لفاني ياهلا به
عدد دقات قلبي في غيابه
:)
يا بعد روحي انتي سنعه مقصره صوتج وتهمسين،انا اللي عفست الدنيا وفضحت روحي
hehehehe
تتذكرين سؤالج لي :
تعرفين واحده تكتب اسمها استكانه؟
كان ودي تشوفين ويهي
سواده عيوني اللي افترت فوق تحت وردت وقلت لج:
كل من يسألني عنها بس ماعفرها
يا كرهي لما اجذب واضحك:)
سعيده بوجودج بقربي
في مدونتي وفي حياتي
ابتسامة جميله
وقلب نظيف
الله لا يحرمنا من بعض ويجمعنا في جنات النعيم اخوات متحابين في الله وعلى سر متقابلين
:)

مجرّد... أنثى يقول...

u have a cute nick name for the blog.. dont worry :)

charisma يقول...

لالالالالا لا اتغيرين استكانه
لزقة فيج ماكو فكه

دشيت هالعالم واسمج متميز ولامع مثل الالماسه

لامع بطرحج
لامع باخلاقج
لامع بتواضعج
لا مع بقلبج الى ما شفت شفافيه مثله
لاامع بوقارج وتوازنج
روحج الحلوه
حبابتج
شرحه استكانه بشوشه انتى
:)

وفخوره يا استكانه بمعرفة انسانه مثلج

الله لا يحرمنا منج زميله وصديقه
اخت وعزيزه
:**

الله يحفظج

الأستاذ بلاليط يقول...

مرحبا ملايين و لا يسدن

انتسي سيدة المدونات

PearL يقول...

بوستج وايد حلوو

حسيت فيه قريب من القلب


بلوقج من البلوقات اللي وايد احبها وان كنت ما اعلق على كل المواضيع


لا تغيرين اسمج
لان عرفناج استكانة


المدونات عالم مختلف
عن العوالم الثانية الموجودة بالنت

عالم صج حبيته
واحس ان اقدر اكتب فيه اللي احسه واللي ابي

عالم احس ان كل واحد يقدر يكتب فيه اللي يحسه بدون تحفظ

حلو هالعالم

والاحلى ان في ناس نفسج موجودة فيه

Vancouver يقول...

والله استانست يا استكانة
وانا اقرا كلامج العفوي

الله يهنيج بصديقاتج ويهنيهم فيج

بس اذا بتغيرين اسمج
اشبتسمين روحج
قلاااااااص مثلا
??
هاهاهاها


يعني لازم تترقين
لانج كبرتي
انا اقول صيري
مطارة هاهاهاهاها

لا تزعلين ترة اتشاقى

afyaa2 يقول...

وناسه ..
كنت اتساال ليش استكانه قرات عدة مواضيع لج لكن ما اكتشفت الاسم ليش ..

انت مدونه مبدعه هادئه احببت مدونتك

وربنا يديك العافيه..

esTeKaNa يقول...

مجرد أنثى
~~~~~~~~~~
شكرااااااااا
:))





كريزما
~~~~~~~~~
|يا بعد قلبي قلبج
هذا بعض مما عندكم والله
من كثر ما قريت لامع حيت روحي ارتهش والمع من الفازلين مادري شكو
لووووووووووووووول
:)))





استاذ بلاليط
~~~~~~~~~~~~~
يا مرحبا الساع
وانته شيخ الشباب
:))





اللولو
~~~~~~~~
حيالله اللولو
اسمج قريب من قلبي اكثر من ما تتخيلين
لانه مرتبط بانسانه حيل قريبه مني
:))
حلت دنياج وما قصرتي






vancouver
~~~~~~~~~~~~~~~~
hahahahahahahahaha:)))
واي موتيني من الضحك
يا حلوج وانتي تتشاقين تالي الليل والله وسعتي صدري وحياج الله
هذي الساعه المباركة اللي نورتي فيها بلوقي
:))







afyaa2
~~~~~~~~~~
حبتج العافيه ويا هلا ويا مرحبا
نورتي البلوق ولا تقاطعينا
:))

magnoonah يقول...

بالنسبه اخيتي استكانه التكانه

لي الشرف اتعرف عليج ولو اني اعرف مدونتج من زمان

(مو من العصر الحجري لا لا من جم شهر)

وبصراحه شي حلو انج على طبيعتج وشفافبتج الي مبينه في كتاباتج

وما شاء الله ولا مره حسيت انه كلامج عادي او ماله دور


قصتي تشابه قصتج وبشكل خيالي الا اني تعرفت على بنت بالصدفه هني والي شجعني انسان اعزه مثل اخوي واسميه سيد الاحساس اتوقع عرفتيه

ومن يومها مع تراكم الشغل والدوام صرت اسرق الوقت عشان امر اقرا على الاقل مو شرط اعلق المهم ما يطوفني وايد من كتاباتكم على قولتج مو مهم عدد التعليقات كثر ما هو مهم وجود الي يقرون


اسمج وايد حلو واحلى بوايد من اسمي اتمنى اني اقنعتج انج ما تغيرينه

تحياتي


بليز لا تقطعين غيابج يعتبر خساره

esTeKaNa يقول...

مجنونه
~~~~~~~~~
تو ما تبارك البلوق
حياج الله نورتي البوست والبلوق كله
لا تقاطعين يا الغاليه
:)

hmody88 يقول...

يعطيج العافيه العافيه استكاانه

صرراحه انتي اول بلوق قرايته

انا واحد من الناس اسمع بالبلوقات ولا اعرف ماهي

ولما بحث باموقع قوقل وجدت اول موقع يجذبني بكلماته واسلووبه

المميز هو بلوفج صررراحه

الكلمات تتخبط في وصف ما شَعرتُ به حين قرايته

والي الامام انشاءالله اخوكي الصغير احمد

DK يقول...

Mazajt o ana aqra il mw`9oo3 :P

hatha il internet tadkhlena o tktben ib 7oreya o tgolen o tswen ile tben o m3a ilayaam tbden tnkshfen shwy shwy o yt7wl ila 3alm m3roof o ikon lech ism shohra methel il3wayl fe il wag3 ... i really like ur blog mn zman bs maybe hathy awl mraa a3lg am not into tdwen ene adwn i love to read more ... anyway inshallah ma ra7t 3leech numa o r7ty mw3dch ;)