السبت، يوليو 14، 2007

حجيّات

مع الحمله الترتيبيه لغرفتي امس،نفضت الغرفه كلها
كتب
روايات
مذكرات دراسيه
تلاخيص
امتحانات سابقه
و اشيا كثيرة وا انا اتخلص من بعض الاوراق وجدت كلمات كتبتها على اطراف الورق
Align Centerذيلتها بتواريخ مختلفه،بعضها تذكرت لما كتبتتها ،والبعض الآخر عجزت ذاكرتي عن تذكر مناسبتها
.
.
.
أمشي يا حرة وما عليج مضره
12-4-2006
الكتاب:الوجيز في النظريه العامة للالتزمات
:)
كلمة الحره فيها قوة
بس شياب لي بحزتها المضره وكاتبتها بطريقه محتره
حافره الورقه
!!
.
.
.
الزين زين لو قعد من النوم
والشين شين لو غسل بماي وصابون
الساعه 8 بالضبط
5_11_2004
كتاب مبادئ الاقتصاد
مادري شفيني حزتها الظاهر في واحده ملوعه جبدي من الصبح
.
.
.
.
اذا الشعب يوماأراد الحياه فلابد ان يستجيب القدر
ولابد لليل ان ينجلي ولابد للقيد ان ينكسر
ومن لم يعانقه شوق الحياة
تبخر في جوها واندثر
الساعه8:45
دكتور محمد مقاطع يشرح
كتاب قانون دستوري
عثمان عبدالملك الصالح
الظاهر الدكتور قايل شي واشتطيت ولا شياب طاري الشعب والحياه؟
:)
.
.
.
.
طلعنا من باب السور،بيرقنا بيرق منصور
تخيلو اني كاتبه هالكلمة اللي صج صج ضحكت فيها على نفسي في كتاب قانون دولي عام
الماده مو هينه وكلها عن سياسه الكويت
وشرح المحاضره كان عن اتفاقيات الكويت
وانا بوادي ثاني اغني على ديرتي
الساعه 1.30
محاضره قانون دولي عام
د.رشيد العنزي
.
.
.
.
في شخص ناجح دراسيا،فاشل اجتماعيا
في ناجح اجتماعيا ،وفاشل دراسيا
وفي مابين هذا وذاك شخص
متوسط في كل شئ
يعرف من أين تؤكل الكتف
وانا حاليا قاعده آكل الكتف
!!
تاريخ 9-4-2007
قانون مدني
.
.
.
أبناء الكويتيه الشرعين وغير الشرعين يحصلون على الجنسيه الكويتيه
1959
بعد التعديل:أبناء الكويتيه من أب مجهول الجنسيه لا يحصلون على الجنسيه الكويتيه
والأبناء غير الشرعين المولودين في الكويت من أم كويتيه يحصلون علىالجنسيه الأصليه
ماده 3 من قانون الجنسيه الكويتي بهذا المعنى
قانون أعرج
لا حكمة ولا معنى
تناقض
!!
ليش حاقرني الدكتور ما يخليني اتكلم؟
انا معصبه معصبه
ليش ما يخلووووني اتكلم ليش؟
رفيجتي كاتبه لي:
تعوذي ن ابليس لا ننطرد انا وياج
أنا: يا جباااانه
:)
17_10_2006
قانون دولي خاص
د.يوسف العلي
.
.
.
أنا رديت لعيونج انا رديت
ولج حنيت مثل ما يحن حمام البيت
أحبج حب يا روحي يا روحي
ماحبه ابد انساااان
ماغبي واقول اهواج ما غبي
أغبي
!!
كلمه كويتيه
ابي المج يا كوييييييييت
لندن 1-8-2006
روايه ذاكره الجسد أحلا مستغماني
.
.
.
.
أحب الصالحين ولست منهم ..لعل انا بهم شفاعه
وأكره من تجارته المعاصي..ولو كنا سواء في الضاعه
احساسي اللحظي:أخاف من المدح
ودعاء قلبي:اللهم اجعلني خير من ما يظنون واغفر لي ما يعلمون وما لا يعلمون
15_3_2007
.
.
.
اللهم أغنني بحلاك عن حرامك وبفضلك عمن سواك
اللهم أرني الحق حقا وارزقني اتباعه
وارني الباطل باطل وجنبني اتباعه
14_7_2007
بلوق استكانه

هناك 34 تعليقًا:

بوغازي يقول...

ذكرتيني بأيام الدراسة والتعليقات إلي كنت أكتبها على الكتب... كلها كانت أشعار وحكم.. ولازم تكون مكتوبة بشكل مرتب وخط حلو ما يشوه منظر الكتاب
.
الله يذكر ذيج الأيام بخير
:)

esTeKaNa يقول...
أزال المؤلف هذا التعليق.
esTeKaNa يقول...

عندي وعندك خير
حالياافكر اسوي مزاد علني حق كتبي
شرايك؟
:))
ولك جائزة اول معلق

bin3li يقول...

أنا كنت كله أرسم
أو مشقق أطراف الصفحات حق الرسايل الطائرة

و بعدين بلوقج الظاهر جالب و زعلان علينا

ما يسوي تحديث و لا تطلع عندي المواضيع أول بأول
كل شي بايت يطلعلي

غريب يقول...

احنا كنا نحفر الطاولات ونكتب عليها والكتب كذالك بس في نهاية السنه الكتب مصيرها الزباله ونتي بكرامه بس فكره انك تحتفضين بالكتب للذكري

esTeKaNa يقول...

bin3Li
~~~~~~~~~
hahahaha:))
رسائل طائره مرة واحده
بدعت يا بن علي
!!
بايت؟
اافا بس افا
فشلني هالبلوق يا بن علي
كيف يجرؤ وانته بن علي
سامحة سامحه وانا اكلمه عسىالله يهديه
:)
بس اشرايك فيني وانا كل شوي كاتبه بوست؟

esTeKaNa يقول...

غريب
~~~~~~
الظاهر كنتو نحاتين وموهوبين بس ماحد قدر
:)
يا ليتني بس احتفظ بالكتب
داري بتمشي على ابو انها ذكرى ورمتبطة باشخاص واماكن ومابي اضيعها

Nescafé يقول...

بس سبحان الله هالجمل اللي نكتبها بطرف الصفحه لما نيي نقراها عقب نبتسم معاها ونتذكر الموقف ...
لها معنى كبير عندنا حتى لو كانت كلمات بسيطه

جنه طايفني وايد.. خل اقرا البوستات اللي قبل
واستمتع
:)

bin3li يقول...

و الله نبيج كل يوم تكتبين
و إذا قدرتي ، كل ست ساعات و نص
:P

بو حامد يقول...

.
.
في شخص ناجح دراسيا،فاشل اجتماعيا
في ناجح اجتماعيا ،وفاشل دراسيا
وفي مابين هذا وذاك شخص
متوسط في كل شئ
يعرف من أين تؤكل الكتف
وانا حاليا قاعده آكل الكتف
!!


اعجبني :)

درر لا فض فوك وعمى الله عين حاسدوك وجعل الجنه مثواج انتي وامج وابوج ان شاء الله

loyalty يقول...

للأسف انا من النوع اللي مااحب أكتب شي على كتبي الدراسية أو غير الدراسية
إلا إذا كان الشي له علاقة بالكتاب نفسه.
و أعتقد إني قاعده أحرم نفسي من متعة هالتعليقات :>

إذا كل كتبج كاتبة عليهم كلام من هالنوع ، ما عندي مانع اشتري كتب الحقوق منج :P:P

تحياتي لج و لحجيّاتج

Fahad Al Askr يقول...

لا أعلم لماذا تأتين دائما في مواضيعك من اللا متوقع، بوستك أعاد ذكريات الدراسة، بغضها وغضيضها

وعلى فكرة البوست اللي قبله ممتع، فاتني أعلق عليه، وشدني فيه أنك مشروع تربية مشترك

عبدالرحمن يقول...

لو عطيتيني قلم وقلتي اكتب شخبط اول شي اكتبه وبدون تفكير الكويت وارسم علم الكويت

مذكراتي وكتبي كلها اشخبط لما اسرح الكويت الكويت الكويت كويت كويت وعلم

اي شي ثاني ماكو يمكن لان خطي بايخ والكلمه الوحيده اللي اكتبها بخط حلو الكويت

احب الذكريات اللي جذيه مع الوقت تزيد قيمة هل كلام

تحياتي

esTeKaNa يقول...

nescafe
~~~~~~~~~
هلا بالنسكافيه والله
صاجة بعد فتره يكون لهم قيمة اكثر
واقري اللي تبين ،هذا بلوقج ومكانج
:)








بن علي

~~~~~~~~~~
ابشر بالخير
بس لو اعرف سر الست ساعات ونص
:))










بو حامد
~~~~~~~~~~~
حيالله من يانا هذي الساعه المباركة
امين واجمعين يارب
جزاك الله خير
:)






LOYATLY
~~~~~~~~~~
هلا بزميلتي واخيتي والله
واسطتج قويه
ما تشترين الكتب
هديه تنهدا لج
:)







فهد العسكر
~~~~~~~~~~~~~
تجهل لما آتي بمواضيعي من اللامتوقع
وانا كذلك اجهل السبب
كل ما ادركه اني اكتب ما يطري في بالي
:)
افتقدت تعقيبك في البوست السابق
وفرحت بتواجدك اليوم
حياك الله















عبدالرحمن
~~~~~~~~~~~
لااشكك من ولائك من شفت صور شقتك في مدونتك
:)

دمت ذخر للكويت يا اخي العزيز

bin3li يقول...

نفس سر ال7603

7osen يقول...

كل شي تكتبينه ممتع

تحياتي

SolaimaN يقول...

14_7_2007
بلوق استكانه


والله يا استكانه انج لو مو كاتبه هالجمله جان انا كتبتها

انتي حراميه وبقتيها مني
وقاعد اقول حق نفسي اول شي بكتبه

هالجمله،وانصدمت يوم شفتها بالخير

:)


*******

تبخر في جوها واندثر

انا والله اللي اندثرت من الضحك على هالبوست

:)

قواج الله

Almas يقول...

قوة

الله يسلمج آنا ليلحين على هالعادة إلي ما بطلت منها

أحب أحط عبارات تشجيعية مثلا بغرفتي

على كمبيوتري

رسالة التحية لموبايلي

آنا أعتبر وجودها ضروري لأنها أحيانا تذكر الواحد بأشياء غافلة عنه
أو
ساعات الواحد يخق زائد نسيان فهالعبارات تلقينها تأثر بالشخص

خووووووش موضوع

magnoonah يقول...

شخباري هالسوالف

اذكر مره كنت اكتب شي وما وعيت الا والابله واقفه على راسي معصبه وشوي وتسال سؤال ذكاء للبنات والحمدلله كنت الوحيده الي عارفه الاجابه
(اخوي علمني اياه)
ورفعت ايدي واهي حاقرتني يعني معصبه وشوي وتوقفني وارد عليها بكل ثقه فجاه تبتسم بويهي وتقوللي لا تعيدين هالحركه وركزي بالدرس



فعلا هالذكريات وايد حلوه ودايما الي نكتبه يذكرنا بلحظه مرت وكان لها اهميه عندنا عشان جذي حفرناها بمكان

اما ذكرياتج فضحكتني


الزين زين لو قعد من النوم والشين شين لو غسل بماي وصابون

شنو شايفه؟؟

sologa-bologa يقول...

الحمدلله
إني ضيعت كل شي كتبته أيام الدراسة

وبمعنى أصح
ما كتبت شي أيام الدراسة
اللهم أول سنة بس يعني شاد حيلي
عقبها قمت أدش المحاضرة من غير
دفتر أو كتاب

شلون تخرجت

ما أدري

بذاك الوقت ينطبق علي
ناجح اجتماعيا
وفاشل دراسيا

:)

ودمتم بحب وود

LinG-BLinG يقول...

I wanna clean up my room :~(

esTeKaNa يقول...

bin3Li
~~~~~~~~~~
hehehehe:)))






7osen
~~~~~~~~
الممتع وجودكم حولي
الله لا يحرمني
:))








solaiman
~~~~~~~~~~~
اوخ اوخ
!!حراميه عاد
يا حسرتنا يا حسرتنا
الحقوق محفوظه حقي بس اقدر اتنازل لك عنها:))
ويا عسى هالضحكة دوم بس من غير اي اندثار اسم الله عليك
:))








almas
~~~~~~~~
زين تسوين
عندي وعندج خير
نورتي يا الماسه
:))




magmooonah
~~~~~~~~~~~~~
ههههه بدعتي
:)
تصدقين مادري شنو كنت شايفه يوم كتبتها،بس الاكيد اني شايفه شي مبهر حزتها
حياج الله








sloga_bloga
~~~~~~~~~~~~~~
اسم الله عليك
تعرف من اي تؤكد الكتف
وعشان جذي تخرجت
:))






ling_bling
~~~~~~~~~~~~~
يوم اليمعه رتبي الغرفه
اهو يوم الترتيب العالمي
:))

mtfa2el يقول...

عاد ياما كاتب شغلات على كتب المدرسة و طوف المدرسة
بس اشوه انه الناظر ما جكني لأني كنت مسوي معارضة حق الناظر
لووول
بس شي حلو الإنسان يشوف الماضي و يبتسم أو يتعلم منه

حسام بن ضرار يقول...

كنت من هواة الرسم و كتابة التعليقات على الكتب بالثانوية و بالجامعه

ما بقى عندي من هالآثار إلا كتاب واحد من الثانوي


و كتب الجامعه متوهق فيهم و ماخذين مساحة كبيرة من المخزن مع اني صارلي 8 سنين متخرج بس مادري ليش مخليهم


الحين اذا دشيت اجتماع من اجتماعات الدوام اقعد ارسم اشكال هندسية على النوته ... مادري شكو

charisma يقول...

:)))))

واااى استكااانه رجعتينى لذيك الايام
هههههههه

والله ليتها ترجع

:/

انا اختى دارسه حقوق كتبكم اتوحش
والله اتخرع
يا حلو كتب التجاره بس
لوووووووووول
خفيفه طينه
ههههههههههههه

بس الحين توج متخرجه
الحلو لما تردين لها بعد سنين
وترجع فيج الذكريات
حتى دموعج تلاقينها اتصبصب
:)

الأستاذ بلاليط يقول...

مرحبا و سهلا

تعليقاتك ماشاء الله عليج روعة و بالفعل مرات نكتب أشياء تخطر على البال و ناتي و نقرأها مرة ثانية جميل ان نشعر بهذا الشعور

متلف الروح يقول...

خوش بلوغ يا استكانه
يعطيج العافيه

Mishari يقول...

انا كنت ارسم خطوط عرض وطول ودوائر
ودايما مرررررررركز

بس ودى اذكر شنو كنت اكتب بالمحاضرة ما اذكر
بس يمكن شعر :)

esTeKaNa يقول...

mtfa2el
~~~~~~~~
hehehehehe:))
هذي من اولها يا متفائل
معارضه مرة واحده
:)






حسام بن ضرار
~~~~~~~~~~~~~~~~
اشمعنى هالكتاب من الثانويه؟
وكتب الجامعه مفيده احتفظ فيهم
اما موضوع الرسومات في الاجتماع دلاله على انه فعلا اجتماع ممل
:)








كريزما
~~~~~~~~~
واي ضحكتيني لما قلتي توحش
ههههههههههه
صج توحش بس تصدقين اناا حبها
:)
وصاجة اظنتي كل ما مر عليها وقت كل ما زادت قيمتها





الاستاذ بلاليط
ّ~~~~~~~~~~~~~~
والاجمل هوتواجدك استاذي العزيز
:))








متلف الروح
~~~~~~~~~~~~~~~
الله يعافيج وحياج الله
:))








مشاري
~~~~~~~~
اتوقع شعر
بس يا ليتك تلقاه وتكتبه بالبلوق
:)

barrak يقول...

الزين زين لو قعد من النوم
والشين شين لو غسل بماي وصابون



هههههههههههه

ماادري ليش حسيت فيه وحده يمك
تثاوبت

esTeKaNa يقول...

براك
~~~~~~~~
هههههههههههه
انا بعد اظن جذي
:)))

عيون الحب يقول...

الكتب ما تخلو من التعليقات ..
نهاية كل سنة كنت اقص هالتعليقات ..

لين صارت عندي كومة من قصاصات ورق ..
كلها تعليقات وووو ..

يعطيج العافية :)

Mishari يقول...

حق الفضايح يا استكانة تموتون على اللوية خلونا طاخين:)))

esTeKaNa يقول...

عيون الحب
~~~~~~~~~~
الله يعافيج
زين تسوين والله
حلوة الذكرى
:)










MISHARI
~~~~~~~~~~
افتخر ببدايات
انا متأكده انه كان شعر رقيق وحلو يعكس تفكيرك ومشاعرك بذاك الوقت
:)