الجمعة، يونيو 29، 2007

سوالف

من بدت الاجازة....هذا ثالث عرس اروح له وباقي لي 3 الاسبوع الياي
!!هذا غير حفلات التخرج وغير المناسبات اللي من روحي كنسلتها
موسم زواج وولادات وتخرج
عرس
استقبال
حفله تخرج
مكياج
شعر
تسريحة
بدله
كعب
ورووووووووووووووووووووووح
.
.
يا زين الريايل اذا انعزمو:دشدداشه واطمر
لا يحاتي احد شايف هالدشداشه عليه من قبل
لا يحاتي الشعر اللي بيغطيه بالغتره
لا يحاتي مكياج بيغسل ويهه ويروح
والسلام عليكم
وعليكم السلام
!!
.
.
.
اذا واحده فرحت بنفسها واهم يوم بحياتها ودقت تعزمني
نفسيا:استحي بأهم يوم اعتذر على ولاشي وبدون عذر
خاصه اذا البنت تعزني وتحبني وعندها انا شخص قريب جدا
وتعالي ضبطي البدله
وحجزي مكياج
وحجزي حق شعرج
ما توصلين العرس الا راسج كبر الكويت
.
.
.
في عروس على بساطتها تتمتع فيها،بفرحة اهل العروس واهل المعرس
في عروس احس جني قاعده اشوف فلم ،جامد ما فيه احساس
ياربي ليش انا عاطفيه زياده عن اللزوم؟
.
.
.
!!الحيا نقطة
والحيا بالبنت نعمه من رب العالمين وزينه تزين اي بنت
شي غريب:
مغني على طرف الصاله...والبنات ترقص
معرس مرتز يم عروسته...والبنات ترقص
فرقه داشه ويا المعرس
والدنيا ترقص
!!
ما تغار البنت على نفسها وتحس بقيمة روحها؟
اوكي سلمنا ما تغار...ما تستحي انزين؟
اوكي واميمتها؟تصفق وتيبب عليها
همست لي صديقه كانت قاعده معاي:
تهقين يبون ينخطبون؟
شي سخيف جداا انه ام تخطب حق ولدها اكثر بنت ترقص بالعرس
مشالله..أنعم وأكرم ونعم الاختيار صراحة
.
.
.
في عرس صديقه لي ،بس قعد المعرس قامت بنت ما تحل له وارقصت
المعازيم تبققت عيونهم
وباسرع من البرق مسكتها حرمة وقعدتها
!!وايد عجبوني
لو انا مكانهم جان مسّكت رفيجاتي خيرزانه بعد
ولو يدتي موجوده جان فرصتها وخلتها تندم على تهورها ورقصتها
:pP~
شكثر قعدت العروس بريحاتها وعليه جان رقصتي ،ما حلت الرقصه الا يوم دش المعرس
!!!
.
.
.
والغريب:الامهات يصفقون وايببون على بنيتهم بكل فخر واعتزاز
لو امي؟
جان خزتني ذيج الخزة اللي ترتعد لها فرائصي
hehehehe
ياحليل امل وحجوتها المعتاده:
الأم منظرة بنتها،كل الناس تجاملج الا امج
عادي كل الناس طايرة عينهم بالعروس
وامي طايره عينها فيني
يا شعرج
يا سنعي هالصوب
قعدي جذي
اشفيج جذي
اشفي هذا صار جذي
!!
مرة اتفقنا ما راح تعلق علي طول العرس بتسكت عني،بعد روحي اتعبت نفسيتها
:)
.
.
مرة سألت قريب يصير لي بعد عرسه:
شنو كان شعورك لما دخلت القاعه؟
!!كنت وايد مرتبك
جاوب:
تخيلي احساس بنت داشه دوانيه كلها ريايل
!!نفس احساسي
وما اشوف الا عيون مبققه وتخزني،شي طبيعي ارتبك
دخول ابوه واخوانه دعم نفسي ومعنوي للمعرس
لكن اللي ماله اي تفسير،انه عرس الريايل كله يدش بقاعه الحريم
!!
ويردون يسلمون عليه،انزين انتو مو مسلمين بره ؟اشحقه داشين كلكم
القراب امنا بللله،بس الباجي نعم؟
الريال برجولته
بسكبته
بهيبته
من يتلثم ويعفر ويستهبل ويرقص بوسط الحريم
.
.
.
!!يطيح من عيني
.
.
.
.
قبل سنه رحت عرس صديقتي وزميلتي بالكليه
يوم دشت القاعه عيزت ابتسم لها ووأشر لها واهي ماده البوز شبرين:
!!شفيها يا حافظ؟
قالو لي عيب تضحك،شنو اهي ما صدقت تتزوج؟
انزين اهي فرحاته تبتسم شوي
لا عييييييييييييييييييييييب
!!
دخل المعرس وسألت بنت خالتها:
منو ابو العروس؟
بققت عيونها:
عيب يدش،زين امها يايه
العروس عندها خوات ،واذا دخل ابو العروس جنه يعرض بناته
ممممممممممممممممم
تفكير غريب
!!
.
.
.
.
حلاهة الثوب رقعته منه وفيه
وحلاة كل معرس ياخذ عروس من مستواه
ومن نفس بيئته
مو اهيا دينه وهو فري اهله يبدعون
ولا اهل العروس متهاوشين ويا اهل المعرس ومسوين فريقين
ولا ناس بصوب ويخزون الباجي بصوب
.
.
.
الله يكثر الأفراح ويتمم على الجميع يارب

هناك 27 تعليقًا:

Fahad Al Askr يقول...

أنا ضد دشة الرياييل عرس الحريم، لأنه فيها ترزز ولقافة على غير سنع، وبعدين أنا سمعت إن البنات اللي بالعرس يكثرون من المسجات قبل دشة الرياييل مع المعرس

وصدقيني وأنا أقرا البوست ما أدري ليش تذكرت فيلم ماي بست فريند ويدينج وتسلط علي الضحك، لو كان الفيلم عن عرس كويتي وكاميرون دياز كويتية

salfa3ajeeba يقول...

msa'a aw saba7 il'7air,

itsdgen ana dayman agol ma han tibarak,

dayman a7ib inha itkonn iltarteebat basee6ah feeha thoq bs mo wayed 3afsa,

wi ma7ib iltinirfiz ili iseer gbl il3rs, a3sab shaddah wi mishta6een,

itthee3 ilfar7a ibsibat halshy,

ama ti'7iziz ilwalda fa 3indina wi 3indich '7air,

kila it'7izni bilthat li dasho ilmi3ris wili wiyah itchayek itha sh3ri m'3a6eetah wila la:)

ya 7alatha wi ya 7ibha li isitir fdeetha wallah :)

bin3li يقول...

الوالدة ما شاء الله جدولها مزحوم ، ما تتحدينها
أقولها لو مشتغلة طقاقة جان سرتي سويتي الواجب و فرفشتي و خذتي بيزات

ملاحظة إني وايد مستوي مادي

و أنا معاج في نقطة التوافق

الدينة لازم ما تاخذ فري و لا الفري لازم ياخذ الدينة

و الفريرية لازم ما تاخذ دين و لا الدين ياخذ وحدة فريرية

الفريريين للفريريات و الديين للدينات

انا شو شربت قبل شوي؟
امممم

bo_sale7 يقول...

مقال جميل وملاحظات ذكية

lawyer يقول...

بوووووووووووووست
يبرد القلب


اييييييي والله

انا الحمدلله اكثر من 5 عروس اعتذرت و لا رحت

و مواجيب و استقبالات و بلا بلا

هم ما رحت

هالصيف انا ما سويت شي
و لا رحت مكااااااان


منقطعه اجتماعياااااا

و لا ابي اسوي شي

اعتزززززلت المجتمع الكويتي


استكانه سوي نفسي و فكي روحج


اذا كلش كلش

دزي ورد او كاكاو



صار روتين
لبسي
سوي شعرج
سلمي

قعدي

روحي ردي جنج مينوووونه

خزيتي المعرس

يالله ردي البيت!!

غير معرف يقول...

تبين الصراحه معاج حق بس هم حطي نفسج مكانهم وتخيلي انج العروس ولا اخوج المعرس وانتم عازمين الناس عشان تشاركم فرحتكم وتلقين الناس تعتذر ولا ما في احد جاكم شنو راح يكون احساسج بصراحه الناس ما تلام بس هم انا اقول لو العروس تنقصر على اهل المعرس واهل العروس وتكون محفوفه انا والله افضلها لان فيها ابتعاد عن التبذير والاسراف احسن من اكود لي 500 من الرجال والحريم هم كذلك اقول الله يوفق كل عروس ومعرس

eng905

mtfa2el يقول...

شالمطفوقة الي ما ترقص الا اذا دش المعرس و بعدين شكوا الرياييل يدشون عند الحريم على ابو مع المعرس
خل المعرس بروحه يدش و ياكل هوا من كثر ما ويهه يصير حمر :)

Mishari يقول...

خوش ملاحظات

وبعدين شنو هالقليلة الادب اللى ترقص جدام المعرس؟ وين قاعدين

تبين اعطيج وحدة اقوي فى قبايل ابوي العروس ما يروح عرس الرياييل ويقعد عيب عندهم

بس ذكرتينى وانا داش بعرسى
هههههههه
ويهى اصففففففففر وحالتى حالة وامى تسلم وخالتى وعماتى والدنيا وانا بس اضحك شاق الحلج وما ادرى شالسالفة
:)))

بعدين اللى تترقص ووحدة تخطبها حق ولدها واهيا ترقص جدام ريال ما يحل لها
انا اقول مالت
والله لا يبلانا بعيالنا واهلنا

مضيعه بيتهم يقول...

استكاااااااااااااااانه بشحمها ولحمها او يتخيلني

يا نااااااس احد يكب على ماي ويقولي هذي استكانة او انا غلطانة

واااااااااااااااو ماني مصدقة

اول شئ وحشتييييييييييييييييييينا مررررة

ثاني شئ توني ادري عن عودتك :(

ثالث شئ خخخخخ احس بمعاناتك بالزواج لما تروحين :( ودائما نقول ياحظ الاولاد كلة ثوب وشماغ وانتهينى مش احنا :( لازم نلبس كل عرس فستان غير ..

بنت خالى دائما تحاتي اذا رجعت البيت انها بتمسح المكياج اللى في وجهة خخخخخخخخخ :)

وكل اللى كتبتيه صحيح وانا اشهد على اللى تقولينهـ :) وابي اعرف لية خوات العروسة يباركون حق اختهم بالكوشة يعني ماشفوها طوول اي اتحداهم .. بس حركات سخافة ويصيحون معاها

لوووووووولز

a7La eNG يقول...

يطري عليج
LoOL

عرس امممممم اخر عرس نورناااهم اثنينا


امي .. اقول لها متضايقة

هههههههههههههههه

لااااااااااااااا قعدوا خنشووف
اول مررررررررررة
@@ و مبققة عيونها

يا حليلها امي والله زووقة

و احنا طااااااااااايرة بوهتنا

لي الحين ترى بوهتي ما ردت انتي بوهتج وصلت ؟

في ناس سلكها جذي .. انتي تاخذينها من الناحية الشرع و التقاليد الكويتية


على انه يصير الوضع ضحك و مصخرة ههه
بس لازم احط ويهي المستنكر على ويهي

;pPp

شكلي بطقها سوالف
:)

عرس بنت عمتي .. ما شالله التزام شقاقي يالله ارزقنا

المهم

العرس .. دييييييييينة
المعرس .. اكثر

الجووو كله اصلا .. قومي يا مقرودة

و تسلطي

و عقب ما قعد المعرس و و و

شاقتها الاغنية

ذبحها الطرب اللحظة هذي

و لا خلت بخاطرها

حتى ما انشخت وراا الدري ابداااا

بالنص
@@

بالفيديو .. تشوفين ويه العروس
فجأة

شد و طنقرت
!

طبعا .. على مين ؟

قامت عمتي الحلوة و اقضبتهااا
و دل دل دل
على الكرسي

kaaaaaaaaaaaaaaaaaaaaak

عرس ثاني .. هم جذي بس محد قام لها لانها قريبة من اهل العروس

بس .. طحناااا فيها خززززززز

ليييييييييييييين
قعدت
:D


بس تعبت انا
;*

charisma يقول...

صباح الورد

ههههههههههه
موتينى ضحك من النماين العجيبه الى عرضتيها

والله يا استكانه كل واحد عقله براسه
وكل واحد وسلكه وطريقته

انا عن نفسى اذا انعزمت على عرس اعرف مستوى الناس الى هناك
فرى
دينين
وسط

اعمل حساب
ما احط نفسى بموقف انى انصدم ولا ما يعجبنى
لا اورح وبس افتك

والله العروس صارت ااافر تو مج
شدعوه
وعلى شنوو كل هذا
على ليله وبينسونها
ولالا الحش والحجى
وليله وتعدى

الى بيظل هالمماليح الى مرتزين بالكوشه
هذى الدقه
:)

اغلب العروس المبالغ فيها ما يدوم الزواج
ما يعدى جم يوم ولا جم شهر الا تطلقوا

شالفايده

حتى قمنا نكره العروس بسبتهم
من اشوف بطايق دعوه بالصاله تلوع جبدى
ما قمنا نفرح مثل اول
:/

اول ما تشوفين التاريخ
تتصلين
موعد تسريحه
موعد ميك اب
بدله
جوتى وانت بكرامه
جنطه
لووووووووووول

من يزيد؟؟
هههههههههههههه

ReLaaaX يقول...

تدرين شنو أكثر شي كاسر خاطري ؟

شعري وتكرمين ريولي


عوووووووع خلالالالالالالالالالالاص مليييييييينااااااااااااا شبعناااااااااا

آنه بفهم ليش مايوزعون العروس على طول السنة؟ اشمعنى بالصيف ها؟

ملجة
عرس
استقبال عرس
عشى ويمعة
استقبال ولاده
استقبال بيت يديد
حفلة تخرج


looool
لا شكلي بكمل على بوستج
طرت على بالي فكرة وأبي شورج ;p

esTeKaNa يقول...

فهد العسكر
~~~~~~~~~~~~~
حيالله شاعرنا المرموق
:)
صج والله مسجات؟
والله ما ادري انا التزم بالقوانين اعطي تليفوني اللي يشتغلون عند الباب لانه اغلب العروس ما يدخلون الحين تليفونات فيها كاميرا
!!
looooooooooooooooooooool
صج ضحكني على خيالك الواسع
:))





سالفه عجيبه
~~~~~~~~~~~~~~~
ياهلا ويا مرحبا
مساج وصبحج الله بالخير
اي والله صح لسانج..كل ما هان تبارك وحلى بعين الاوادم بعد
!!
ويا بعد قلبي قلبهم أمهاتنا
تعبانين علينا ويبون كل شي اوكي
الله لا يحرمج من الوالده ولا من حنانها قولي آمين
:)






Bin3Li
~~~~~~~~~~~
!!تصدق انا بعد استويت ماديه
البارحة اقول حق امي لو نسوي لنا مشروع بهالعروس نشتغل طاقاقات مثلا بما اني باديه اعيش حياه البطاله
!!
قالت لي يالله سترك هذا ما مر عليج شهر بتشتغلين طقاقه عقب شنو بتسوين
:))
الله يكثر افراحنا وافراحكم واذا الوالده محتاجة اي مساعده ترا صار عندي خبرة
مادري عاد خبرة بشنو
hehehehe:)







بو صالح
~~~~~~~~~~~
حياك الله
بلوقك ومكانك
:)








Lawyer
~~~~~~~~~~
هلاااااا بالطش والرش
عاد يا سرايين يا ظلمة
!!
لا مو حلووالله الانقطاع الاجتماعي
جربته ايام الدراسه وايد
:(
انا احب المناسبات الاجتمااعيه بس مو لهدرجة صارت ممله
!!








eng905
~~~~~~~~~~
ياهلا ويا مرحبا
عدل والله
اشاركك الراي بكل كلمة قلتها
:)







متفائل
~~~~~~~~~
ياهلا ويا مرحبا بالتفاؤل كله
hehehehehe:))
اي والله مطفوقه
وايد بردت قلبي يوم قلت مطفوقه تصدق
!!







مشاري
~~~~~~~~
اللهم اميييييين
:))
hehehehehe
عيل تقول شاق الضحكة وما تدري شسالفه
الا تدري ومتوهق وانا أخيتك
قول آمين...عسى الله يبلغك بعيالك وتفرح فيهم يارب
:)






مضيعه بيتهم
~~~~~~~~~~~~~~~~
ياهلاااااااااااااا
يا مرحباااااااااااااا
نور نور المكان
حياج الله
ما يوحشك غالي..فداج الف غالي
:))
وصج انا بعد اتسحف على المكياج تالي الليل:pP~
ويصيحون مع العروسه لانهم كاننو بلويه مو مستوعبين انها عروس الا يوم شافوها بالكوشه
هذا احتمال
واحتمال قاعدين يمثلون والله اعلم
:))))





أحلى انجنير
~~~~~~~~~~~~~
LOOOOOOOOOOOOOOOOOOOOOOOOOL:D~
لا أنتي يبيلج قعده سوالف مو بلوق وكومنتس
!!
انا بوهتي للحين طايرة تصدقين
بس مالج شغل بققنا عيونا قمنا نطالع بحماس
hehehehe
ويا حلوج ويا حلو بنت عمج
اي تطنقر ولو انا مكانها اقوم لها بعد
:PpP~






كريزما
~~~~~~~~~
اي والله صاجة يا كريزما
اللي اهم من العرس
واللويه
والخبه
هالمعاريس
صاير الزواج بو شهر سنه وبس
!!شي يعور القلب
الله يوفق الجميع ويتمم عليهم يارب






ريلاكس
~~~~~~~~~~
LOOOOOOOOOOOOOOOOOOOOOOL:))
انا قايله بسوي كورس عنايه بنفسي وشعري بالصيف
اشوف هاالعنايه انقلبت علي
!!
على قولة امي حطي لج قناع في مكياج وشعر ورزيه على المنظرة لي قالو عرس لبسيه وروحي ولا هاللي قاعده تسوينه يوم وترك بويهج وشعرج
!!
افا عليج تدللي قولي اقتراحج ،اثق بافكارج انا
:)

What Will Be , Will Be .. يقول...

بوووووووووووووست عجيب

وصادق 100 بال 100

صدقتي بكل كلمة قلتيها

الحياء شعبه من شعب الايمان

الحين اللي ماترقص جدام الفرق والمغنيين
ينظروون لها نظره انها متخلفه !! الحمدالله والشكر

حضرت كذا عرس قبل لايدش المعرس يقولون الرجاء محد يرقص غير المحارم

الصراحه استغربت التصرف بس بيني وبينج
الناس مايفيد معاها الا جذي

والرياييل اللي يدشوون ويترسون الصاله عادي
بس اللي يرقصوون
الصراحه
اعتبرهم فاصل فكاهي بالعرس

سمعت عن معرس هد زوجته بليلتها وتزوج اللي رقصت جدامه

حسبي الله عليها

خوووش موضوع الصراحه شي يبرد القلب
:))

bin3li يقول...

عندنا كذا شاغر إذا حابة تنظمين للفرقة و الخبرة مطلوبة و بعد لازم يكون عندج شهادة قيادة الحاسب الآلي: آي سي دي إل

score 550
في التوفل

:P

عندنا رؤية مستقبلية أن فرقة الطقاقات راح تدق في الأعراس عبر الإنترنت

بجذي نقدر نمسك أكثر من عرس في وقت واحد
منها انخفاض التكلفة و زيادة في الإنتاج

امممم، و الله خوش فكرة

HeMaM يقول...

اييييييه يا استكانه

العروووس ..!! واااي تخيلي تنعزمين و انتي حامل شعووور مو حلووو انا بس بالعطله رحت عرسين و كنت معزومه على الثالث و ما رحت

صج صج صج اتأزم لما انعزم مو عشان شي بس لازم اوجب البنات و انا صج ماقدر اقعد وااايد و هم بيني و بينج مسألة اللبس و انا حامل

;p

ممم اللي صج ما احبه الرياييل اللي مالهم معنى لما يدخلون مع المعرس و يرقصووون!!صج شي مو حلو و ما احب هالشي

بس للأسف صار عند الناس شي عادي

و مسألة البنات يرقصون جدام المعرس فحدث و لا حرج

:S


---

شكرا استكانه

:D :D

ray يقول...

والله ماكو علينا انا و بنات خالاتي

مطنشين بالعروس كلها, نقرر شنو نلبس و نروح الصالون قبل ساعتين من العرس

راهييين ;)

بس والله وايد اريح , ماكو خبة ولا اعصاب منتلفة ... وناسة

---

و سالفة اللي يتلثمون ... ودي أعرف شالمغزى ؟ يعني نا شافوكم و انتوا داخلين ؟ و ما حلى لكم الرقص الا بوسط القاعة ؟

OutOfReach يقول...

على قوله القايل ((العروسه للعريس و الجري للمتاعيس)) بس بالنسبه للبجي سألو مجرب مشاعر غريبه لا تمثيل و لا شي بس حزتها تحسين خلاص صج راحت اختج يعني بتفقدين مكانها بالبيت و نجرتها .البيت راح يخلي منها بعدين الاحساس هذا يكون طول فتره التجهزيهات و اللويه بس انحاول ما نبجي جدام بعض ليش المفروض نكون فرحانين و عشان ما نضيق خلق العروس ؛ بعدين اذا تبون الصراحه انا كل عرس ادشه و اشوف ام العروس تبجي ابجي معاها قلبي يعورني لآنه احساس صعب و له اشزايكم
على العموم مشكوره على الموضوع الحلو و صاجه اب كل كلمه قلتيييها هم قالوها اثنين يتزوجون و ا١٠٠ ينون :)
تحياتي

Almas يقول...

موضوع يديد وحلو

الله يسلمج يا استكانة اللقافة الزايدة إهي إلي تخرب على بعض البنات إلي يترقوصون جدام المعرس

المتعارف عليه إنه خواته أهم بس إلي يرقصون بعد دشته

الباجي ليش يتليقفون

إنتي أثرتي موضوع شاغلني

ليش البنات يسعون للزواج بأي طريقة
سواء ترزز
أو زوارت وتبين نفسها جدام الحريم
أو حفلات واستقبالات وخصوصا إذا كان الحفل بتحضره خطابة

ويهوي .. عجايب
شغالين عالكشخة لجذب الأنظار

برأيي هالحركات تقلل من شأن البنت

حلاتها بحياءها وثقلها والنصيب بإيي إن جان بهالطريقة أو غيرها لأنه مكتوب

فالطريقة الثانية أحسن وأكرم

ودشة الرياييل مع المعرس .. شي حلو
ورقص أقربائه وأصدقائه شي أحلى لأنهم قاعد يجاملونه ومن محبتهم له يرقصوله

وخصوصا إذا كان هبان

يستنزلون .. أجواء تونس

يا حياتي يا استكانتي

ماعليج فيهم ولا تشغلين بالج معاهم
أهم شي الوناسة والقدقة والشيلة والصفقة

وعيشي حياتج

TReSTeN يقول...

شكو ريال رااز عمره بعرس الحريمم
لووووووووووول

اي شي ويين قااعديين احنا صج فوضى

اصلا الناس الي يسوون هالشي سخاافة

والبنت الي ترقص جداام ناس يحلوون لها

مالت حرق بالنار

Mamloo7a Q8ia يقول...

الله يعينج
انا بالنسبة عن نفسي وبالاصالة عنها بطلت اروح عروس لانها خسارة للوقت وخسارة للمال وترجعين مرتفع ضغطج من الاشياء اللي تشوفينها وتستاثمين فيها
شي يضيق الخلق
فلله الحمد اعتزلت هالنوع من الحفلات وما اروح الا الحفلات اللي ضامنة وناستي وراحتي فيها
اما اللي تختار حق ولدها البنت المنقوزة اللي تترقص جدام الرياييل
خل تتحمل في المستقبل نتيجة اختيارها

NewMe يقول...

نقلتي الواقع تماما
ولكل ما ذكرت
وامور اخرى
ما احضر افراح كلش
واذا حضرت للغالين بس
ساعة قبل لا تدخل العروس
اسلم عليها وانا طالعه
ولا اتعب عمري مكياج وتسريحة وبلاوي
المناسبة مو مناسبتي فماله داعي
فستان بسيط عشان اطلع فيه اكمل عشاي
اما اذا عرس حد قريب من الاهل وامي بتزعل
فكل شي ولا زعلها
بس ادور اسلم وابتسم وبالكثير ٣ ساعات
ما اقدر اكثر
دايما سوالفك واسلووب طرحج يبهجني
ويعيشني معاج اللحظات
دومي بحب
تحياتي

esTeKaNa يقول...

What will...
~~~~~~~~~~~~~~
يا هلا ويا مرحبا
تخلف؟
عيل انا شيخة المتخلفات والراعي الرسميي لهم عسى الله يزيد منهم ويكثرهم
:)
وفعلا فاصل فكاهي
بعضهم يعورون القلب من كثر ماهم مشتطين ..تهقين متربين على الرقصه قبل لا يدشون؟:)








bin3Li
~~~~~~~~~
looooooooooooooooooooooool

صج صج خووووش فكرة
وينهم عنك عن عقليتك المفكرة والممزية هذي؟صراحة فخورة بعقليتك وتخطيطك
:))





hemem
~~~~~~~~~~
يا هلا ويامرحبا بام....ام شنو ما قلتي لي؟
اي الله يعينج يارب
عاد تقدين الحين الموضه البدل والقمصان كلها فيها قصه حتى اللي مو حامل تحس انها حامل من اللبس الوسيع والحلو
الله يهون عليج وتبشرينا يارب بالبشاير الحلوة
:))






ray
~~~~~~~~
ماااااااشللله ماااشللله
الله يهنيكم والله على هالبرود
يا ليتني اصير مثلكم
!!
انا تحترق اعصابي بطريقه مو طبعيه على الوقت وتأخرنا وما تأخرنا والسبب يعود بكل جداره حق امي
اهي حاااااره وشغلها كله خالص تبارك الرحمن
واستكانه عندها قمة البرود وقالب ثلج يمشي
:))








out of reach
~~~~~~~~~~~~~~~
هلا ومرحبا ..زارتنا البركة
تصدقين طول ما انا اكتب البوست ابي اتذكر المثل ناسيته
شكرا من القلب لانج قلتيه
:))
وانا معاج بسالفه الدموع
دشه العروس وفرحة اهلها غصبن علي تخنقني العبره
احساس غريب
:))








almas
~~~~~~~~
افا عليج لا توصين حريص وانا اخيتج
عايشه حياتي ومتمتعه فيها ولله الحمد
صاااجة انا اشاركج رايج احس الترزز يقلل من شأن البنت
حلاتتها معززة ومكرمة ونصيبها يوصل لي عندها
وطلعتي تحبين الهبان منتي هينه
بناء على طلبج راح احط لج هبان كل ما ييتي احتفالا فيج
:))







TREsten
~~~~~~~~~~
حرق بالنار؟
يمة يمه
!!
انا خفت
بس زين تسوي بردت قلبي صراحه
:))








mmlo7a_q8
~~~~~~~~~~~~
هلا وغلا ..بملح الجيرة كلها وملح الخليج
:)
والله زين تسوين
الله يغفر لنا بس على اثام نشيلها ويانا بكل عرس من هالاوادم
وحياج الله







newme
~~~~~~~~~
ودائما تعقيبك على كلماتي يشعرني بالسعاده....ياهلا ويا مرحبا بالشيخة
وزين تسوين
اهم شي رضا اميمتج
:)

78o8eYa يقول...

توقعتج بتتأثرين وبتكتبين بوست
;p~

أهم شي دخلة العروس
صج في بنات دشتهم لها هيبه
ما تقدرين تمسكين عمرج وما تدمع عينج

وفي بنات .. الله بالخير
يقولج تدش تتعلج
وتشومر بإيدها تسلم على المعازيم
والضحكه شقاقيه ولو الود ودها
تركض وتقعد على الكرسي جنها مو مصدقه عمرها معرسه
..
..
زمن الثقل ولى وراح

:S

أهم شي ما نبي نرقص علشان مانبي نعرّس
شفتي ابداع أكثر من جذيه
;Pp~


وإلى الملتقى يوم الخميس
:*

esTeKaNa يقول...

حقوقيه
~~~~~~~~~~
ياهلا ويا مرحبا
تدرين فيني اتأُثر بكل شي
وصاااااااااااااااااااجة يا جميله انتي بكل حجوة قلتيها

في عرايس اصلا تعطيج احساس انها كل يوم تدش عروس
مافي حتى مشاعر في ملامحها
وفي ناس غصبن عليج تدمع عيونج


الله يعينا على الخميس
مابي ابجي انا
:))

meetlef_eroo7 يقول...

السلام عليكم
يعطيكم العافيه على البلوغ الحلو ،،،،

الصراحه كلامج عدل عن الرقص بالعروس و الأخطر من جذي مو الرقص ،،، مع الاسف تغيرت القيم وقاموا يصورون البنات بالموبايلات و يدزونها بالبلوتوث
وانا عن نفسي احب الرقص وايد وايد لكني ما ارقص بعرس ناس مايصيرونلي او ما امون عليهم

يعطيكم العافيه مره ثانية

Abdou Basha يقول...

:)
حلو البوست، نقل الصورة بصدق
تحياتي