الخميس، يونيو 07، 2007

e7m...e7m:Lawyer:p~

ليله الاربعاء 6\6:
!!كانت ليله طويله عسرها القلق
وكنت مابين احلامي في الامتحان،واللحظة التي يكرم فيها المرؤ او يهان
عجزت عن حصر تركيزي مابين دفتي الكتاب
وشعرت بأن تلك اليله لا تريد الذهاب
كان يوم الأربعاء يوم فاصل في حياتي،سأكرم فيه او اهان
.
.
.
في طريقي للكليه تأملت كل ما حولي
طريقي
والموقف الذي اعتدت الوقوف فيه
تلك الساعه الشامخة عند بوايه الدخول
تأملت الوجوه،الأماكن،وكل شئ ارتبط بذكرى في مخيلتي
ابتسمت وانا ادخل قاعه الامتحان،
اجلس مابين وجوه لا اعلم هل سأراها مرة اخرى ام لا؟
لا اتذكر مدى صعوبه وسهوله اخر امتحان،ولكني اتذكر اني كتبت اكثر مما يجب واقل من المطلوب
كنت خائفه من اللحظة التي اخرج فيها من القاعه
خائفه من اللحظة التي ابحث فيها عن اسمي مابين تلك الاسامي، و
نتيجة حلمت فيها طوال عمري
خوفي جعلني اتشبث في مقعدي الى اخر لحظة في الامتحان
اسمع صرخات فرح ودموع في الخارج،
فيزيد تعلقي بالكرسي الذي اجلس عليه
.
.
.
.
عندما خرجت وجدها جالسه على كرسي بمواجهه باب القاعه،تحمل في يدها وريقه صغيره كتبت فيها درجاتي
ومن حولها صديقاتي ينتظرن بفارغ الصبر خروجي
تقدمت نحوي مبتسمه ،احتضنت خوفي وضحكت
همست بخوف:
انا نجحت بكل المواد؟
فصرخت:
يا مينوووووووووووونه درجاتج عجيبه
قولي الف الحمدلله
سجدي شكر
مبرووووووووووووووووك مبرووووووووووووك
!!
ماذا حدث بعد ذلك لا اعلم؟
كل ماعرفه بان فرحتي اختلطت بدموع عيني وانا ارى نتيجة تطيب الخاطر
وترد الروح
لحظات عجيبه لن تتكرر
.
.
.
.
ماهو اجمل من النتيجة،من التفوق ومن التخرج احساسي بمحبه الناس
لا أعرف كيف اصف شعوري ولا اعرف ان كنت ابالغ في ذلك ولكني فعلا استشعرت محبه الناس:
في كل عيون دامعه احتضنتي واعترفت بمقدار معزتها في معرفتي
في كل رساله وصلت لهاتفي تنتظر وتقلق من اجلي
في كل اتصال من اسرتي ،صديقاتي ومن الجميع
في كلمات بو صالح :الامن عند باب الكليه
في كلمات استاذه نوال...رئيسه قسم الكنترول
في مباركة دكتوري لي واحساسه بالفخر من اجلي
في مباركة ساره وابراهيم،الموظفين في قسم التصوير
في وداع احمد،سكيورتي المكتبه
في كل شخص شعرت بصدقه وفرحته من أجلي
في كل ايميل جميل ورقيق وصلني
في كل تعليق رائع وجدته في مدونتي
شكرا ...وهل تكفي شكرا لتعبر عن مقدار حبي؟
.
.
.
!!اشعر بالسعاده
اتلذذ بمذاقها
واشعر ببريقها في عيني
في روحي
في بسمتي
قد...تمر علينا اشياء كثيرة تسعدنا
ولكن اروع ما قد يسعدنا هو احساسنا بالسعاده من بعد تعب
بالانجاز من بعد سعي
بحلاوة الثمار التي تقطفها بيدك وتستطعم حلاوتها
!!
راضيه عن نفسي،عن حياتي الجامعيه التي علمتني الكثير
عن تفوقي
عن علاقاتي الاجتماعيه الكثيرة
عن القلوب التي افخر بصداقتها
راضيه..عن حياتي النقابيه التي،علمتني اني نقيه
صاحبه موقف
صاحبه مبدأ
لا أجيد التلون ولا اقدم تنازلات ضد قناعاتي وتفكيري
وبأني حين لا اجد نفسي في مكان،لا اخجل من الانسحاب بهدؤ
.
.
.
شكرا:لوالديّ
لابي وامي اللذان علماني ابجديات هذه الحياه
احتضنا غبائي وعسارتي وجنوني وهدوئي
تحملاني في كل لحظاتي
دمعه فرح في عين امي،وسعاده تبرق في عين ابي تسوا الدنيا وما فيها
شكرا لأسرتي
فخورة بكم
وسعيده بأني اكبر حفيده لكم
استمتع بتدلليكم واهتمامكم الذي يعيد لي توازني
.
.
.
سافتقد شارع الغزالي والشاحنات المجنونه في كل صباح
سافتقد الوجوه التي كانت حولي لاربع سنوات
سافتقد خطط الدراسه،والكتب التي تعاني من سمنه مفرطة
سافقد المكتبه،الجلوس فيها بالساعات وتهريب الاكل هنا وهناك
سافقتد كل هذا ...وسأظل احمل في داخلي ذكرى جميله
لكليه الحقوق
وولكل الحقوقين
الف مبروووووووووووووووووووووووك
.
.
.
ومبروك لاحلى وارقى واجمل مهندسه
a7la_enG:
مبرووووك يا رفيقه دربي واخت عمري
.
.
.
والآان نبدأ موسم الاحتفالات
بشهر نوم وكسل
:Pp~

هناك 48 تعليقًا:

bin3li يقول...

ألف مبروك يا محاميتنا

و نوم العوافي

:)

bin3li يقول...

على طاري التخرج

العام في حفل التخرج
حسيت بفرحة و أنا بلبس التخرج و أنطر ينادون اسمي

و يوم حانت اللحظة التاريخية إللي أنطرها حسيت أني أمشي في فراغ، لا صوت و لا هواء و مرت اللحظة بسرعة
ما حسيت بنفسي و أنا أمشي و أسلم على الشيخ و استلم الشهادة و أتصور
ما حسيت
حسيت بنفسي يوم وصلت للكراسي مرة ثانية

قلت في خاطري، ألحين أنا درست كل هالسنوات عشان هالثواني بس!!
المهم، بعد كم يوم رحت أستلم الصورة التذكارية مع الشيخ

طلع ( يخرب بيته) المصور ، الصورة كلها
out of focus

مهزوزة، لا ملامح ويهي و لا ملامح ويه الشيخ واضحة
وجوهنا ممسوحة

بالنسبة لي الجامعة ما كانت ممتعة
بالعكس ، أحس نفسي تحررت يوم طلعت ما أبغي أرجع لها أو حتى أكمل دراستي في أي مكان ثاني

ذكرياتي و يا الناس إللي هناك سواء طلاب أو المدرسين ما كانت وثيقة وايد

بعد الجامعة خلاص محد يسأل في حد

امممم، رد محبط
بس مثل هذه المرحلة بيي يوم بتكون لج ذكري تحل عليج بين فترة و الثانية

الحين شوفي حياتج و نفسج
مستقبلج

و حريتج
:)

esTeKaNa يقول...

bin3Li
~~~~~~~~
الله يبارك بحياتك يا بن علي
يا سلاااااااام الحين انا بانتظار حفله التخرج
وحاسه بشعورك
دايما لما ينادوني في حفلات التفوق وامشي احس اني امشي فوق الهوا
او ما اكون بوعيي الكامل
وكالعاده الصورة ما تعجبني لانه ويهي يكون فيه اكثر من تعبير
hehehe:)
بس صراحة المصور هذا حرني
يا ليتك موصي شخص ثاني يصورهاللحظة التاريخيه
!!
اكيد وايد ناس ما راح ادري عنهم بعد التخرج،خصوصا اللي علاقاتهم معي كانت لمصلحة بحته
!!
بس يكفيني في هالحظة اني تخرجت بعلاقه جيده مع الجميع وسيره وذكر حسن وهذا اهم شي
:))

bin3li يقول...

المشكلة المصور هذا من الجامعة
دفعنا فلوس حق التصوير ، زقووم في بطونهم
تصويرهم مثل ويهم
لا إللي مع الشيخ و لا إللي بروحي بلبس التخرج

ما أعرف من القهر وين قطيت الصور، ضاعوا

المهم ، الحياة بحرية حلوة
لا دكتور على راسك و لا بحث غصبن عليك تسويه
و لا مادة تكرها لازم تدرسها

ألحين أنا صاحب قرار نفسي
و أنا إللي أقيم نفسي و قدراتي
أنا إللي أقرر شو أتعلم ألحين و شو احتاج و شو إللي يناسبني و يخدم أهدافي

بس يصير عندي استقلال مادي ، بدش دورات إن شاء الله

:)

The Simper يقول...

alf mabrooook.. :)) and don't think that "work" is over. enjoy el hodoo2 before el 3a9ifa :)

and hope u enjoy a joyious career :)

one more thing about Kuniv.. I really really wish they do the graduation party mch closer to the time when students graduate.. and not making them WAIT for a whole year! there would be no taste for it.. and even if some would say we still feel its joy. i would tell tem, do it the moment u finish ur last exam!

again alf mabroook :)

Expatriate يقول...

كفوو

بالمبارك ان شاء الله ومنها للأعلى

شهادة الحقوق مو اي شهادة
وشعور النجاح والانتقال الى مرحلة ثانية مو اي شعور
تستاهلين كل خير

بس شد فضولي اشارتج الى حياتج النقابية .. شلون كانت ؟ ائتلافية ولا مستقلة ؟
:p
انا حاس انج كنتي مع الوسط الديمقراطي

bin3li يقول...

متى حفل التخرج
ما بيبثونه؟

charisma يقول...

استكااانه
مبروووووووووووووووك
الف الف الف مبرووووووووووك
حبيبتى انتى

واى انا قارى بوستج كش شعر ينبى وتغورق اعيونى
والله بجيتينى
ههههههههههههههههه

حبيبتى انتى
الله يوفقج يا ربى
ولا يحرمنا منج

والباجى يوصلج ايميل
ما تتخيليين شكثر فرحتلج
:*

esTeKaNa يقول...

bin3Li
~~~~~~~~
زقوم في بطنهم
!!
لووووووووووووووول
حتى انتو تقولون هالكلمه العجيبه ؟
لها دلاله قاسيه تصدق
بس ما تنلام
!!
فكرة الحريه وتقيم الذات
ودخول الدورات اللي انته تبيها
كانت حلم..راح ابدي بتحقيقه قريبا
:)
الله يوفقك يا بن علي دنيا واخره قول امين
والحفله مممممممممم
حفله الكليه راح تكون بعد اسبوعين
وحفله الجامعه بعد سنه مادري ليش
:((





The simpre
~~~~~~~~~~~~~
الله يبارك بحياتج وما قصرتي
ذكرتيني على طاري الهدؤ..كل من يقولي شبعي نوم وراحة ،ما راح تنعاد هالقعده الا باجازة امومه او اذا تقاعدتي
hehehehe
وانا معاج ليش الحفله بعد سنه؟
حلاتها الحين بهالوقت عشان نحس فيها اكثر
بليز قولي لهم!!
ولا ترا بسوي حفله بساحه العلم وراح اعزمكم كلكم
:)))






expat.
~~~~~~~~
تصدق لما قريت كلمه كفو
رفعت ايدي بحركه هيّااااا
هياااااا
عرفتها؟
hehehehehe:))
الله يبارك بحياتك وما قصرت هذا من طيبك
وحياتي النقابيه خلها سر
:)
بلاش فضايح الكويت صغيره
وبعدين شدراك اني وسط؟
:pP~
انا كنت ببساطة حمامة السلام بين كل اللي يتهاوشون بكل موسم
شرايك فيني
:))

TReSTeN يقول...

الف الف مبرووك


وعقبال الوظيفة


ومن بعدها البكاري

لووووووووووووووووووول

Purplecious يقول...

الحمداللـــــــــــــــــه

ألف ألــــــــــــــف مبروووووووووووووووووووووووووووووك

و أخيــــــــراً
ما بغيتي

ههههههه

استكانه
أتوقع انج ما راح تولهين على الدراسة وايد لأني اقترح عليج خليها زلقة بطيحه و كملي دراستج
:)))))))

يا كرهي صح مو قته هالحجي كلشششش
هههههههه

الله يوفقج و يسعدج و يسمح دربج و يسخرلج و يرزقج من أوسع أبوابه

اميـــــــــــــن
يا رب العالميـــــن

عيون الحب يقول...

ألف ألف مبروووووووووووووووووووك ..
فرحة التخرج مافي احلى منها ..
تستاهلين كل خير خيتو ..
ومبروووووووووووووووووووووووك :)

ReLaaaX يقول...

مبروووووووووووووووووك يااستكانة مبرووووووووووووووك


لا خلاص سبقتيني بالاستقبال ;p


--

تدرين تخرجت بتاريخ 3/6

اسمالله علي كملت سنة من تخرجي عسى الله يحفظني وياكم ياربي :)))


والله جنه امس !؟


صج تأخرت بأوراق التخرج ^_^ بس يعني آخر امتحان 2/6 !!؟ والله نسيت بس حاطة ريمايندر توني جيكته طلعت متخرجت من سنة و5 ايام :)))

--

مبرووووووووك مره ثانية يامحاميتنا الغاليه

78o8eYa يقول...

تستاهلين يا أغلى استكانه

ألف مبروك حياتي
:*

ومنها للاعلى إن شاء الله
^_*

ما تتخيلين شكثر فخوره فيج

زميلة دراسة و زميلة مهنة

وأهم شي

"اخت دنيا"

الله يحفظج ويخليج لحبايب دنياج
موفقة حبيبتي
:)



وللغالية

أحلى أنجي


ألف مبروك
وتستاهلين كل الخير
موفقة حبيبتي
:*

uTMoST يقول...

Mabroooooooouk!!
far7tlich wallaa! testahlaiin ;***
Allaaah eywfgich o menha lela3laa enshallaaah!:)
wa7da mn ahaly etsolfle etgol a7la shay youm larbee3a 9rakh elkhreejat - mu em9adgeen :P

Emwaffeeggga Yarrraaab!:D

Breeze يقول...

مبـــرووووك.. و تستاهلين كل خير ..

أعرف شعورج تماماً لأني مريت فيه العام ..

أذكر أن جميع تناقضات المشاعر إجتمعت لتضرب بالعقل جنوني .. :))

ألف مبروووك .. وعسى الله يوفقج .. :)))

والآان نبدأ موسم الاحتفالات بشهر نوم" وكسل "

^
|

ماشاء الله خوش طموح .. لوووول ..

بس والله يحق لج .. الحقوق إكرفتنا .. و تخرجنا منها ثلاث أرباعنا نعاني من القولون بسبتها .. لوول

طلعنا منها نحمل شهادة من مستوى لكن نصنا عاهات الحمدالله و الشكر :))

مبروووووووك للمرة المليون .. و قرة عين أهلج فيج :)

تستاهلين كل خير .

سالفة قلب يقول...

كان حتماً على قلبي ان يشاركك فرحتك ويشاطرك مشاعر السعاده واللذه بعد طول تعب

مبروووووووووووووووك

حبيبتي

lawyer يقول...

الف مبروووووووووووووووووووووك

يتروااااااااااااالي هذي المراااا المليون الي ابارك فيها


ادري ادري بسسسسسسسسسسسسس لوعت جبدج

بسسسسسسسسسسسسسسسسسس انتي و دراستج و محاتاااااتج

اتذكريني في نفسي يوم بعد يوم



بسسسسسسسسسسسس بقولج شي

عبااااااااااااااااااالج بتنامين مرتاااااحه

ترااااااا سنه كامله بتحلمين في الامتحانات و الكرابيس
انج تاخرتي عن الامتحاااااان



سيييييل عجيييييييب من الحفلات و العزايم
الي ماراح تقدرين تختلين في نفسج و ترتاحييييييين



يبييييلج سبا تايم

ترتاحييييييين شوي

بعد روووووووووووحي والله

و اخيرااااااااااااااااااااااااااااا






ما بقينااااااااا

سنه كامله نطلق وياااااااااج

وي وي وي وي

جنج جدام عيوني بهذيج الايام الي اقوولج يالله اخر سنه
بسسسسسسسسس شدي حييييلج



الحمدلله الذي تتم بنعمته الصالحات

لا تنسيييييييييين الشكر لله

لا تنسيييييييييج فرحتج حمد الرب


عسى الله يفتحهااااااا عليج دنيا و اخره

lawyer يقول...

اكسباااااااااا

ههههههههههههههههههههه
ههههههههههههههههه
ههههههههههههههههههههه


استكاااااااانه هذي طالبااااانيه
وينهاااااااااااا ووين الوسسسسسط

بسسسسسسسسس اظن انهااااااا تتبع
حركه ما راح اقوووووول اسمها اهني

اخااااااااااااف يقطونا بالسجن


اسود باسوووووود

و دمامييييييييين

هههههههههههههههههه

Shaima'a Alkandari يقول...

خبر حلو وايد


الف مبروك ومنها للاعلى يارب

صج فرحة النجاح لاتوصف

3teej يقول...

الف مبروك وعساج على القوة والله ييسرلج دربج ويحقق لج مرادج.

ماشاءالله اسلوب عجيب وراقي في الكتابة انتي اكثر من مبدعة ماشاءالله تطويعج للقلم لوصف المشاعر شي عجيب حسيت كاني قاعد اشوف كل شي جدامي

بما انج صرتي محامية خلاص الحين اقدر ارتكب الجريمة اللي كنت اخطط لها من زمان علشان تصير الجريمة الكاملة :)

الف مبروك يالغالية وممنها للاعلى يارب

esTeKaNa يقول...

charisma
~~~~~~~~~~~~
ياااااااااااااااااا بعد قليبي انتي
الله يبارك بحياتج ويوفقج ويسعدج بكل شي يارب


لا تبجين بروحي انا بجيتي صايره بمخباتي
:))
عسى ربي لا يحرمني منج ومن احساسج الحلو فيني...والله يا كريزما اني احسكم صج صج خواتي
:**





tresten
~~~~~~~~~~~~~
LoooooooooooL:)
الله يبارك بحياتك وميرسي اوي
:Pp~




Purplecious
~~~~~~~~~~~~~~~~
هلا وغلا
امييييييييييين واجمعين يارب

واي واي ذكرتيني بابوي
توني واصله اقوله نتايجي ما بدلت حتى هدومي يقولي وين بتشتغلين؟
شنو بتسوين الحين؟
ترا ابيج تكملين؟
انزين لحظة لحظة بس اخذ نفس
:D~
الله كريم ان شاء الله






عيون الحب
~~~~~~~~~~~~
فعلا ولا في احلى منها
الله يبارك بحياتج اختي
:)






reLaaax
~~~~~~~~~
هلا بالطش والرش
وماي الورد بالقرش
مااااشلله مرت سنه وخمس ايام؟
كل عام وتخرجج بخير يا حلوه
الحين توة بادي يمشي
:pP~
الاستقبال عندي ولا عندج ماكو فرق احنا خوات وانتي خيرج سابق ما تقصرين
شيخة السنع ولو كنتي تعرجين عرجا خفيفا
:)







78o8eYa
~~~~~~~~~
يا صاحبه الابتسامة المشرقه
يلللي علمتيني اشيا وايد من غير لا تدرين....انا اللي فخورة فيج
وبروحج الحلوة اللي معاي دوم
الله يبارك بحياتج ولا يحرمني منج
ولا من صدقج
اليوم بطلع ويا جوجو
يا ليتج ويانا
:))
لحين ادز لج مسج
:Pp~






UTMOST
~~~~~~~
صج مو مصدقين
!!
اذا اللي قالت لج تخرجت راج تحسين فيها شكثر تعبت وسهرت وجابلت
فشي طبيعي تصارخ
اهي يت على الصرخة
انا خفت اسوي اشيا اخرى
بس خفت على سمعتي يقولون البنيه على اخر شي استخفت
hEHEHEHE:))
MISS U TRA WAID
نورتي المكان
:**





breeze
~~~~~~~~

هلا هلا بصديقتي واخيتي وحبيبتي
انا قلت بقول شهر
بس ما قلت جم شهر
تدرين اخاف احد ينضلني على هذا الطموح العجيب
ولا تتحرشين..هذا بعض مما عندكم بالطموح
hehehehehhehe:))
وصاااجة ....انتي اكثر واحده حاسه فيني
ماره بالوضع كله بكل مشاعره وتناقضاته
الله يبارك بحياتج وما قصرتي
عسى الله لا يحرمني منج يارب
:)







سالفة قلب
~~~~~~~~~~~~
وكان حتما على قلبي ان يفرح بوجودك حولي...الله يبارك بحياتج
ويبلغج باحباب قلبج الحلوين عيالج
:**





Lawyer
~~~~~~~~
هلااااا بالشيخة
افا عليج انتي تلوعين جبدي؟
انتي بالذات عاد والله والله مونستني
!!
ابييييييه كل من يقولي كنا نطلق وياج
لوووووووول
مادري كنت مسويه ازمه
الحمدلله غدا الشر غدا
وصج صج محتاجة سبا
تدرين عاد جدولي مزدحم الاسبوع الياي عزايم رفيجاتي
تالي اللي ولدو وما رحت لهم
وعقبه عروس
وانا مابي الا انسدح بغنفه بيتنا واطالع التلفزيون
!!
ولا تتحرشين وتفضحينا عند اكسباتريت
pP~





shaima
~~~~~~~~~
حلت دنياج دوم
والله يبارك بحياتج ما قصرتي
:*







3ateej
~~~~~~~~
هلا هلا عتييييييييج
الله يبارك بحياتك واجمعين يارب
ترا والله استحيت من كلامك
:))
يزاك الله كل خير وما قصرت
والله يطيب خاطرك مثل ما انته دوم تطيب خاطري
!!
مشالله مخطط للجريمه من زمان؟
ممممممم
يعني سبق اصرار وترصد
ينخاف منك يا عتيج منت هين
pPP~
بس دام الجريمه بخاطرك ما اخليها بخاطرك
افا عليك بس
انته سوها وعطني خبر
:))

بوغازي يقول...

أجمل ما قرأته كانت معاني الوفاء الجميلة الكامنة بين السطور... وفاء لكل من يستحق الوفاء من بشر وحجر ومشاعر:)
.
وصف دقيق لليلة الإختبار الأخير... وللفرحة الكبيرة التي تعقبه، وللحزن الخفي المستتر خلف هذه الفرحة بسبب مفارقة أحلى أيام العمر
.
مبووووووووووووووووك وألف مبروووووووك
.
انهت مرحلة من حياتك.. وأقبلت مرحلة أخرى.. ومضى تحد وتستعدين لمواجهة تحد جديد.. وراحت أيام كان الجميع يحملك فيها ويشعر بالمسئولية تجاهك، وأقبلت أيام تكونين فيها أنت المسئولة عن نفسك وعن الآخرين، فمن اليوم أنت المطالبة بأن تحمليهم بعد أن كانوا يحملونك... مسئولية اتجاه نفسك واتجاه أهلك واتجاه وطنك.. وصاحب العقل والفطنة هو من يستفيد مما فات للتعامل مع ما هو آت... وأنت لا ينقصك لا العقل ولا الفطنة... فأنت ست العارفين:))))
.
مبروك مرة أخرى وأتمنا لك التوفيق في حياتك العملية

طائر بلا وطن يقول...

مبرووووووك

و منها للإعلى انشالله

و يا عسى حياتج افراح بأفراح

من القلب فرحان لج
:)

و أحلى مهندسة بعد ما ننساها

مبروووووووك
^
^
^

ترى عاد حرف الواو حق كل وحدة فيكم
عشان لحد يزعل
:p

و المساواة أساس العدل
:D

عدل يا محامية؟

طائر بلا وطن يقول...

لووووووووووووووول

كأني عاد غلط
هههههههه

+
و

^
^

حق استكانة

الكبر شين .. السموحة

خوش بداية يا محامية لميزان عدلك
:p

david santos يقول...

Thanks for you work and have a good weekend

مجرّد... أنثى يقول...

مبروك التخرج :)

بنت الشامية يقول...

مبرووووووووووووك

كل نجاح بحياة الانسان له طعم خاص

بس نجاح التخرج لهو طعم مميز لانه نتاج مجهودج ومن زرع حصد..وهذا نتاج زراعتج

انت اللى غرست البذور ورويته بمائج

واعتنيتى به ورعيتيه..فلك ان تفرحى

وتسعدى بهذا النجاح المميز

اتمنى لك التوفيق والتميز بحياتك وحياتك العمليه المقبله

الحين ما ينخاف علينا عندنا محاميتين

نفخر يهما...انت ولوير

مبروووووك

حسام بن ضرار يقول...

فترة الدراسة الجامعية من اكثر الفترات في التحدي و الانجاز

لكن العمل الوظيفي بحد ذاته هو تحدى اكبر بكثير من الدراسة الجامعية

مبارك التخرج
و بالتوفيق بإذن الله في الحياة العملية

Brava Valentia يقول...

مبروك يا استاذة... و منها للأعلى

tweety يقول...

سامحيني ترى صار لي فترة غاطة ودشيت فجأة وعرفت
الف الف الف مبرووووووووووووووووووووك
ومنها لأعلى انشالله

7osen يقول...

الف ،، لا مو الف ،، الفين مبرووك

والله استانست حقج

تستاهلين كل الخير يا اخت استكانه

تستاهلين التفوق والنجاح وحب الناس

انت خلصتي المهم وباقيلج الاهم

النجاح على مستوى الحياة عموما
والمحافظه على حب الناس

وان شاء الله تحققين كل اللى تبينه

مبروك مره ثانيه على التفوق والنجاح

ودمتي بكل خير وصحة وسعادة

Яeema يقول...

مبروووووووووووووووووك
مبروووووووووووووووووووووك
الحمد الله علي البلاغ

هاهاهاها
وي وي ما بقيتي إتخرجين

نوم العوافي و إتهنين بالكسل إنشاء الله
يا ربي يوفقج إنشاء الله

Shather يقول...

مبروووك التخرج بيضتي الويه :)

و ان شاء الله نشوفج محاميه أد الدّنيااا

و الفال لي ;}

Q8Lioness يقول...

مبرووك مبرووك واخيرااا :*****
والله فرحتلج من كل قلبي وعسا الله يوفقج ويسعدج
ويالله عاد شدي حيلج نبي نشوف مكتبج الخاص
المحاميه أستكانه
اسم موسيقي :P

Mishari يقول...

يعنى والله العظيم حسيت ان اختى اللى متخرجة
الف الف الف الف الف مبروووووووووك
واللى زين التخرج
التفوق
الصراحة بيضتى الوجه

الف مبروك ومنها لى الاعلى وعقبال الوظيفة انشاء الله
ذكرتينى بيوم تخرجي يوم تخرجت مو حاس فى اى شئ ولكن يوم استلمت الشهادة وقالولى روح استلم دعوات حفل الامير اهنى فعلا حسيت بالانجاز :)

مبرووووووووووووووووووووووووووك

SolaimaN يقول...

الف مبروك انشالله ...انتي اللي درستي وتعبتي وسهرتي ...هذا بداية الطريج ,, وانشالله انهنيج بالدكتوراه .

esTeKaNa يقول...

بو غازي
~~~~~~~~~~
الله يبارك بحياتك وكل ايامك
تدري انا كنت بانتظارتعقيبك؟
كلماتك خلتني احس بالسعاده والمسؤليه اتجاه اشيا كثيرة
ويسعدني دائما مرورك المهم
:)




طائر بلا وطن
~~~~~~~~~~~~~~
ياهلاااا يا مرحبا باخوي
hehehehehe:))
عادي طائر انته ما يطلع منك غير العدل
مالك شغل باحلى انجنير
المهم انا
:pP~
سعيده بتواصلك
وانته الاخ الذي كان مرافق لكل ما ادونه واكتبه منذ بدايتي
شكرا لوجودك
:)




مجرد أنثى
~~~~~~~~~~
الله يبارك بحياتج شكرا
:)





بنت الشاميه
~~~~~~~~~~~~~~
هلا بشيخة الشاميه والكويت كلها
انتي ما ينخاف عليج فينا ومن غيرنا
الله حافظج من عنده
:)
وايد حبيت كل كلمة كتبتيها
وامين ويبلغج بعيالج قولي امين
:)






حسام بن ضرار
~~~~~~~~~~~~~~~
الله يبارك بحياتك
وشكرا ما قصرت اخوي
:)





brava.v.
~~~~~~~~~~
الله يبارك بحياتك وشكرا شكرا
:))






tweety
~~~~~~~~
افا عليج...حبيبتي انتي لا تتعذرين
عذرج معاج
عاد من غير شر صج فاقدتج
!!
والله يبارك بحياتج ما قصرتي يا الغاليه
:)





7osen
~~~~~~~
انته استانست لي
وانا فعلا استانست بتعليقك
حسيته صادق من القلب
الله يبارك بحياتك ويسعدك ويطيب خاطرك يارب
:)






reeema
~~~~~~~~~~~
هلا بريما
هلا وغلا
ياربي كل من يقول يما بغيتي؟
مادري ليش ..الظاهر كنت مأزمه العالم وياي
hehehehehe
حبيبتي يبارك بحياتج ويبلغج بعيالج يارب
:)




shather
~~~~~~~~~
الله يبارك بحياتج ما قصرتي
وامييين يارب الفال لج وتفرحين
فرحة التخرج غير
:)







q8lioness
~~~~~~~~~~~~
@@؟
معقووووووله؟
واااااااااااااي صج صج دمعت عييني
انا ولهت عليكم
!!
الله يبارك بحياتج ويوفقج ويسعدج يارب
شخبارج؟
















mishari
~~~~~~~~~~
والله يا مشاري انك اخو واكثر من اخو
انا فرحت بكلامك اكثر من ما تتصور
صج صج قاعده احس بالانجازوهذا اهم احساس قاعد يخليني احس بالسعاده
احساسي اني قاعده احصد تعب
واشوف نتيجة السهر والقلق
الف الف الحمدلله


الله يبارك بحياتك ويبلغك بكل من تحب يارب ويفرحك دوم مثل ما فرحتني بكلامك دوم
:)






solaiman
~~~~~~~~~~~~
الله يبارك بحياتك
وامين الله يسمع منك ما قصرت
:)

Mishari يقول...

هم مرة ثانية
مبروك
مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك

اخوج مشارى

Nescafé يقول...

مبرووووك استكانه التخرج
اسلوبج مشالله حده عيشنا اللحظات معاج

حسيت ان الشعور اينن .. وانا اقرى الكشره من اهني لي اهني ماادري منو اللي متخرج فينا ههههه

والله فرحتلج من قلبي .. والله يوفقج يالغاليه
ومبروك لاحلى انجنير .. والله يوفقكم

What Will Be , Will Be .. يقول...

مبروووووووووووووك
الف مبروك

الله يوفقج ويسهل عليج امورج الجايه ان شاء الله

ومن قلبي مبروووووووووووووك

اتهنين يارب

عبدالرحمن يقول...

الف الف الف الف الف الف مبرووووووووووووووووك

وعقبال الماستر والدكتوراه انشالله

اتفق العلماء بان اجمل مافي الحياه هو النجاح
وتكون فرحتة بقدر جهدة الذي بذل من اجله

دخلت البلوق بالصدفه فوجدت خبرين جميلين
عودت البلوق والخبر الاجمل التخرج

الف مبروك تستاهلين اكثر والله

QiYaDiYa يقول...

الف الف الف الف مبروووك ..

ما تتوقعين شكثر فرحتلج ..

والله تستاهلين كل خير ;**

والله كنت احاتيج ..
اخت عزيزة و غالية ..

و القلوب الي كانت تدعيلج فترة الامتحانات لا زالت تدعيلج بالتوفيق و النجاح بالدنيا و الاخرة حتى بعد الامتحانات ..

;***

esTeKaNa يقول...

MISHAri
~~~~~~~~~~
وي عسى اله لا يخليني من اخيي مشاري
الله يبارك بحياتك ويفرحك كثر ما فرحتني قول امين
:)


nescafe
~~~~~~~~~
يا زين الكشره والله
:)
حبيبتي ما قصرتي والله يبارك بحياتج يارب


what will be...
~~~~~~~~~~~~~~~~~
الله يبارك بحياتج ما قصرتي
:))




عبدالرحمن
~~~~~~~~~~~~
اسفرت وانورت واستهلت وامطرت
ياهلا ويا مرحبا
هذي الساعه المباركة والله
الله يبارك بجياتك وما قصرت
ّّ



قياديه
~~~~~~~~~~~
انتي احد الرعاه الرسمين والداعم المعنوي لاستكانه
:)
الله يبارك بحياتج ويزاج الله كل خير ما قصرتي
والفال لج يارب هانت ما بقى شي

Ansam يقول...

mabrooooooooook
menha lel a3la inshalla :-)

a7La eNG يقول...

:*

الله يبارك لج بكل لحظاتج الياية

و تشوفين التعب اللي طاف كله

يثمررررررررررر

ذاااك الثمر

شي حمر .. شي خضر

و انتي تقطفين ... و يمج نهر صغير

احس لازم تغسلينه عن المبيدات

و تاكلينه بالعاااافية

:*


شكرا على التهنئة الحلوة

و عسى الله يحفظج ناطرين نسمع الشسمونه
;Pp

الحين سؤال يلعلع

لازم تقسمون قسم المحاماة عشان تاخذون المسمى صح ؟

تدفعون 200 دينار ؟؟

امي ما قسمت تصدقين .. كنت انا حايستهااااا ذيج الايام

;D

اذا هذا روحوا مع بعض و اصووركم اناااااااا ههههههه

زووقة

bin3li يقول...

أحلى إنج:

حتى في تخيلاتج فوبيا النظافة عندج!!

انزين خلها تاكله بالغبار ، يسوي مناعة

انزين على الطاري ،أنا من متى ناطرالشسيمونه ، و لا حس و لا خبر

لا تقولون ( الصمونة) خلصت و ما بيكون في صمونة ثانية!!

esTeKaNa يقول...

احلى انجنير
~~~~~~~~~~~
هلا بالطش والرش
وااااي وااااي يا زين الصورة اللي رسمتيها بس،شفت التفاح واللون والماي
:)))
خالتي ما تحتاج قسم اسم الله عليها
hehehe:)
قسم الحفله شي شكلي
بس يعطيج شعور مو طبيعي

وفي وظائف معينه لازم يقسمون يا بالمحكمة يا جدام وزير العدل
وخالتي ارد واقول ما تحتاج اسم الله عليها الرحمن الرحيم القسم منها وفيها
:))

حبيبتي فرحت لج من فرحتي حق نفسي
والله لا يحرمني منج
:**






بن علي
~~~~~~~~~~~
لوووووووووووووووووووووول
:))
شفره سريه
:pp~