الثلاثاء، مايو 29، 2007

:)

كلما عاندني الملل
وأبت نفسي الرضوخ لخطر ضياع الوقت
اقتربت من مساحة بوحي هنا...لأجد بين الحين والآخر دعاء صادق من قلوب طاهره
اسماء اعرفها منذ زمن ،واسماء لم اعرفها الا من وقت قصير
وولكل تحيه حب من أعماق روح قدرت كل كلمة جميله في هذا المكان
.
.
.
.
استنفذت طاقتي في الايام الماضيه،اشعر بان ايام هذه الشهر تعاندني بقسوة
لا تريد ان تمر ولا تريد ان تسرع من خطاها
امتحنت في خمسه امتحنات وباقي 3 ليتكمل العدد بثمن مواد
أحيانا اشعر باني مصابه بتخمة دراسيه كبيرة تجعلني اشبه بالشبعان الغير قادر حتى على شم رائحة للاكل
وانا غير قادره على الدراسه اكثر واكثر
!!
.
.
.
.
هي...المحبط الاساسي في حياتي وعامل تهديم متعب جداا
هذه هي الحقيقه التي توصلت اليها بقوة وبحتها لها بكل رقه
اعرف الكثير من هذه النوعيه ولكنها بجداره اخذت المركز الاول
بعد اداء امتحان طويل اخرج مبتسمه رغم التعب:الحمدلله هم وانزاح
ترد:ويييه هم وانزاح انتي شوفي شنو باقي؟هذا اذا ما عندج اساسا اغلاط عليها درجات خياليه
!!
ارجع البيت اسئلها:دكتور سامي ما قال شنو مهم؟
ترد:ساااامي سم يسمه قولي امين هذا يققول شي مهم
ابلع الحجوة واسكت
!!
تبعث لي رساله:شنو باقي لج؟
وبكل اسى فلا وقت لدي ارد:
باقي لي كل الطعون تخيلي
ترد:
الله يطعنهم بقلوبهم ويحرهم مثل ما حرونا قولي امين
ياالله سترك ....
في ساعات الصباح الاولى قبل الامتحان افقد قدرتي على قياده السياره واستمتع بتوصيل ابي لي لي باب الكليه واحساسي باني طفله صغيره
بخطوات سريعه اهرب من الكل لاجلس في احد الزوايا مع بعض الاوراق
اراها قادمه من بعيد متجهه لي بكل قوة وتنطلق:
تصدقين ما نمت،ولا حاسه درست هذي حاله و بلابلبابلباابلبابلابلبابلابلا
ومرت اخوي امس سوت وحطت وقالت
وفلانه تعرفينها؟قلبها مو نظيف تصدقين ...امس سوت وحطت وقالت
!!!
فجأة شعرت برغبه ان اخفيها ببلوك وديليت
طيبه وحبوبه بس متعبه متعبه متعبه ولا شئ غير التعب
وضعت يدي على يدها وابتسمت:
اشرايج تتتعوذين من ابليس بس بس
عشانج عشان حياتج حق مستقبلج وريلج وعيالج بسج تحلطم يا حلطووومه
شوفي الجوانب المشرقه بالدنيا ،انسي فكرة المؤامرة وكل الناس حاطين عليج وما يحبونج
افترضي حسن النيه وبسطي امور هالدنيا
!!
بعثت لي مسج :
ليش مالج خلقي؟انتي متضايقه؟
ما رديت ولا راح ارد عليها حاليا
معطيتها فرصه تراجع روحها وتحن على روحها
.
.
.
.
شي طبيعي الانسان من التعب يشكي،يبكي ماينام
شي طبيعي تبوحين بتعب روحج بس حق اقرب الناس
شي طبيعي تتضايقين من شخص شخصين بس مو كل الناس
وشي مو طبيعي حتى لو تدعمين الطوفه تتهاوشين معاها
!!



مسج:
ابيك تدري صوتك العذب لي غاب
أحس نفسي تنكسر من غيابه
كذا غيابك للحزن يفتح ابواب
غصب علي البس شقاه وثيابه
ادمنت هواك وان تثقلت كذاب
من يعشقك لا غبت يفقد صوابه
!!

هناك 29 تعليقًا:

ReLaaaX يقول...

يااستكانه من صجي بديت اخاف منج




لووول والله مو عشان شي بس لأني افكر بموقف صار لي احطه كمثال وتذكرت وحده الله يذكرها بالخير نفس ستايل اخيتج اللي معاج





:)



بس تدرين .. طريقتج احسن مني بوايد وعقب اعلمج ان شالله شنو طريقتي :)

Яeema يقول...

حديدن سهل إنشاء الله
راح الكثير و ما بقي إلا القليل

حلو البريك من فترة لفترة
و أعتقد إنتي أقدر بالوقت إللي تقضينه هني


الله يوفقج يا رب و يفتح علي بصيرتج حزت الإمتحانات

و بعدين عادي تبي يفتح و إلا ما يفتح مو مهم
هاهاهاهاها

حبيبتي إنتي والله
قلبي وياج

Broke يقول...

ضروري تغيرين جو و ترفهين عن نفسك
يــومــيــاً خلال فترة الإمتحانات عشان نفسيتك و استيعابك يكونون أفضل

::

الله يعينك على هالزميلة

انا صايرة ما أسحتمل الأشخاص السلبيين لأني مو ناقصة اسم الله علي ... و بعد اذا السالفة صار فيها تدعّي أحط اكس على الشخص .. لأني صح أتعب منهم


بس شكلها رفيجتك تعاني من أمر ما اللي يخليها تسخط على كل شي .. الله يعينها على نفسها

a7La eNG يقول...

بعد عمري والله

:*

هالنوع من الناس

غاااز خااااااااااانق مهما كان المكان فسيح و شرح

:(

كآبة متصاعدة ايا كانت الظروف

توني قايلة حق وحدة تتحلطم

( حسبي الله على ابليسج قمتيني .. انا عالمي وردي رغم الألم )

عبالج سكتت
!

حشى و كلا
:)

bin3li يقول...

أنت جيت شهأة يا رمضان؟!!!

ازيك و أخبارك إييييه؟
و أهل الصعيد كلهم كويسين؟

و زي عمو حسنين شيخ الغفر؟
و عملتوا إيه في الأرض إللي جنب الترعه ؟

إيييييه ، و انا كل يوم ابعت جوابات و ما يجينيش منكم خبر ، أتاريكم قاعدين في البلوق اهني؟!!!

حنا حنيح حنحني بحلوح الليح

قول لااااع


أبداً، دا كان النشيد الوطني بتعانا
:P

q8-diver يقول...

و صاحبتج صاجه
سامي سمنا سم بالقضيه !

عالبركه التخرج مقدماً
ما بقى غير اصول و تحكيم
:)

alex يقول...

http://prieslar.info/?search=www+horoskop+wp
http://prieslar.info/?search=programy+polsatu
http://prieslar.info/?search=linie+lotnicze
http://prieslar.info/?search=Waluta
http://prieslar.info/?search=Dr+Dolittle+2
http://prieslar.info/?search=tapety+z+samochodami

bin3li يقول...

يخرب بيتك يا ألكس
ارحمنا و اذلف عنا

What Will Be , Will Be .. يقول...

وايد ناس متعبين دار مدارنا لكن يحبونا ونحبهم
وقلوبهم طيبه

مااتوقع يتغيرون
بوطبيع ماايوز عن طبعه

خلاص هذي جيناتهم

Shaima'a Alkandari يقول...

يله ان شاءالله تعدي باجي الامتحانات على خير ونشوف النتيجه ونبيها ترفع الراس


لازم تعيشين ببيئه وجو يساعد على الدراسه علشان تقدرين تفهمين وتركزين


الله يوفقج يارب


قلوبنا معااااج

esTeKaNa يقول...

reLaaax
~~~~~~~~~~
لووووووووول
:)
ملاحظة زايدين هالستايل؟
يلله علميني شنو طريقتج ومنكم نستفيد
:pP~






reema
~~~~~~~~
يا حبيبتي انتي
اميييييييين ويزاج اللله كل خير
hehehehe:)
اهم شي الدعاء مرتبط بالامتحنات وعقب التخرج
ممممم
ممممم
ما يندرا شلله يكتب هم ادعيلي
:pP~








broke
~~~~~~~~
تصدقين وايد وايد اقدر مشاعري ونفسيتي بالامتحانات
مرات اضغط على كل شي واستهلك روحي يوم كامل
بس لاني اليوم اللي قبله كنت مريحة ومدلله روحي
:)
والله اهي خوش بنت وطيبه
بس انا مثلج الاشخاص السلبين يتعبوني
واللي يدعون ما احبهم
والدعاء مستمد من كل كلمة وحرف
!!








a7La_eNg
~~~~~~~~~~~~~
هلا وغلا بروووووحي
اييييي اييييييي عالمنا وردي
الا يبون يشخبطونا باحباط وقمته
!!
انا اقول بس عسى الله لا يحرمني من الشراحيه والتفاؤل اللي اعيشه بوجودج
:)





bin3Li
~~~~~~~~~
looooooooooooooooooooooool:)
يفترض اني مخليتك وانته بن علي الاماراتي الشاب الطيب العاقل
ارجع القاك صرت شيخ الغفر المصري
!!
انا معذورة بكل شي يصير فيني وبكل فاصل فكاهي وجنوني يمر علي
بس انته شنو عذرك:)
انا بخير ولله الحمد
انته بشرني عنك؟








q8_diver
~~~~~~~~~
looooooooooooool
سامي عقده هالدفعه كلها
لا تبارك لي من الحين الوعد يوم الاربعا الياي دور هاالاسبوع
!!
الله يستر يارب صج صج خايفه
الله يطمن قلوبنا يارب وبشرني عنك حزتها
:)







whtat will be
~~~~~~~~~~~~~~~
ياهلا ويا مرحبا
بالضبط هذي جيناتهم
ويشفع لهم اشيا ثانيه،لوما حبها لي وحرصها علي وتحملها لعيوبي
كنت استغنيت عنها من زمان
:)







shaima
~~~~~~~~
مشكورة وما صرتي
يزاج الله كل خير
:)

charisma يقول...

احديدن سهل
يالله هانت هانت

الله يعطيج الصحه والعافيه ويوفقج يا استكانه
حبيبتى انتى

الله يلوم الى يلوومج
حرب اعصاب ونفسيه
كان الله بالعون

باجر اتخلصين ان شااءالله وترتاحين
:*

عيون الحب يقول...

ياالله ..
تجيب الهم بصراحة ..
الله يعينج والله لو ربيعتي كان مادري شو سويت فيها ..
::
::
الله يسهل عليج ويوفقج ان شاء الله :)
وترى حدنا اشتقنا :)

Expatriate يقول...

يقولون استانس بايام الجامعة لأنك راح تتحسف عليها وعلى الدراسة لما تتخرج وتدخل مجال العمل

وانا اقول .. يا شين ايام الدراسة اللي الواحد يظل طول الوقت يفكر ويحاتي وكل يوم وراه شي يسلمه وعوار راس

لكن الحمدالله اثناء الشغل الواحد نفسيا مرتاح .. فكلها فترات بسيطة وتفتكين ان شاء الله من الدراسة

الغريب ان نسبة مو سهلة من المدونات الكويتيات دارسين حقوق .. شسالفة ؟

2 u ALL يقول...

حكمة اليوم

أبعد عن "الهم" وغني له ..!! أنس الهم ينساك ..!! وتذكر أن خالقك ما نساك ..!!أفضل ما وصلني من "المسجات" عن موضوع الهم هي :" كل ما زاد همك أكفخ إلي يمك "...هاهاهاهاهههه..!!؟

7osen يقول...

موفقه ان شاء الله بكل امتحاناتج

وبهذي المرحله اكيد بتحسين بهالشعور


بس انتي شدي حيلج

وان شاء الله بتتوفقين

واهم شي تخلين هاللى تتحلطم

هذا النوعيه واايد ممله وتكسر المياديف

مع احترامي الشديد لصديقتج

:)))

ReLaaaX يقول...

الله يسلمج طريقتي كانت إني اطنننننننش مكالماتها


وإذا اضطريت اني اكلمها مااعطيها شي يبرد جبدها



مثال : تقولي درستي حق الماده الفلانية .. الجواب إيه؟

كفاج الوقت ؟ الجواب : درست اللي قدرت عليه

بس الدكتور اييب اللي بين الاسطر .. الجواب : إذا ربي كاتب لي الايه بييبها ان شالله واذا مومكتوبه شسوي


يعني وقيسي على كلامي باجي المواقف اللي تصير لج وياها






واحاول مااحتك فيها وايد .. خصوصا بوقت الضغط ووقت الامتحانات


--



واكيد بتحس اني متغيره عليها .. وبتسأل واذا مااسألت مضطرة اني ابط البرمه واقولها يافلانه طريقتج اتعبني



صح بتتضايق شوي .. بس آنه أدري اذا اقعدت مع روحها بتتعدل وبتصدق كلامي



--


مشكلتي ... إن تكسر خاطري ومرات احاول ارقع الموقف .. والمشكلة اللي اكسف منها انها ترد لطبعها القديم !؟




بالله قوليلي شالحل ؟

loyalty يقول...

أهلا أهلا بالزميلة الحقوقية!
أبادلك ذات الشعور وذات الإحساس يا " استكانة " لكن الحمدلله هانت .. مابقى إلا القليل :)
ربي يسهل عليج و يوفقج
و بالنسبة للأشخاص السلبيين ، تجنبيهم كثر ما تقدرين في فترة الاختبارات ..
و إذا حصل و التفيتي فيهم مضطرة و مجبرة.. فلا تخلين كلامهم يسيطر على تفكيرج.
ببساطة تجاهليهم.

موفقة :)

3teej يقول...

أعرف شعورج واعرف بالظبط عن شنهو تكلمين. الله يكون بعونج ويكون بعونها على نفسها. والله يوفق الجميع

طائر بلا وطن يقول...

استكانة

هذي تسوّد الدنيا و تقصر العمر

و قعدتها تجيب القامت


ترى تعودت و اذا استمرت بتتعود زيادة
و باكر حتى زوجها بتعله و احتمال تجلطه
ههههههه

:

موفقة انشاءالله و نشوف الشهادة الكبيرة
:)

:

صح لسانك

بس

لمن الأبياااااات؟؟؟؟

3ateeja يقول...

يحليلهااااااااا ما تعرف تخش شي بقلبها ....كانت عندي رفيجه جذي ما اجذب عليج حبيبتيييييييييي واموووووووووووووووووت عليها بس فجيييييييييييييييت عنها ...وتظل حبيبتي .... اللله يعينج
ويصبر قليبج لصغيرون ...
ويكبر حظج بالدراسه
وغير الدراسه
;p
قولي امين

الأستاذ بلاليط يقول...

الله يوفقج ان شاء الله

Mishari يقول...

لايمكن يخيب ظنى باذن الله موفقة ومتفوقة انشاء الله

:)

وبعدين اللى يأذيج فى حركة اسمها صدى راجع بالتيل

طقيها بالطوفة وتتفلش عشر وطاااف :)

بوغازي يقول...

كلية الحقوق، وثمن مواد، يعني سنة رابعة... هانت إنشاله، وبالتوفيق، ومبروك مقدما على التخرج... بس عاد تبين الصج: أحلا أيام العمر إهيا أيام الجامعة.. وبكرة إتذكرين وتقولين صدق بوغازي
.
أول مرة أزور المدونة... بس حقيقة خوش إستكانة... لا هي ثقيلة ولا هي خفيفة.. وشيرتها مضبوطة
.
أرجو قبولي ضيف دائم عندكم... وإنشاله تكون النتايج مثل ما تحبين:)

lawyer يقول...

ااااااااااااااااااااالف

مبرووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك


الف الف الف مبروووووووووووووووووووووووووووووك


ما اعبررررررررر ما افضضضضضضضضضضضضح


سوووووووووووووري فضضضضضضضضضضحتج

قبل لا تقولين حق الناااااااااس



الف مبروووووووووووووووووووووووووووووووووووووووووووووووووووووووووووووووووووووووووووووك


واخيراااااااااااااااااااااااا


فككككككككككككككككككككككه


فففففففففففففففففففففففففففففففكه

مجرّد... أنثى يقول...

بالتوفيق

مجرّد... أنثى يقول...

بالتوفيق

esTeKaNa يقول...

Charisma
~~~~~~~~~~
ليش كلامج يحسسني انه مااااي باااااارد
كله ثلج
وبعز الظهر والحر؟
الله يطيب خاطرج ويزاج الله خير على الدهم النفسي يا الغاليه
:))






عيون الحب
~~~~~~~~~
هلا وغلا بعيون الحب والله
فعلا تجيب الهم...بس اكيد فيها اشيا حلوة تشفع لها هالعاده المتعبه
:)
حببتي اجمعين يوفقني ويوفقج يارب






expat.
~~~~~~~~
قد ويجوز وربما..اوله على الوضع العام بالجامعه،الرفيجات
االضحك
السوالف
اشيا وايد
بس اشتاق للدراسه والسهر والنوم القطاعي
لا وكلا وابدا
:))
مممم موضوع يستحق دراسه
بس اعتقد دراسه القانون تعطي قدر للانسان للتعبير عن افكاره بشكل منطقي ومتسلسل وسليم
:pP~







2 u all
~~~~~~~~~~
looooooooooooool:))
اهم شي اكفخ اللي يمك
راح اطبقها عملي
وشكرا جزيلا خوش نصيحة
:)







7osen
~~~~~~~~~
ياهلا ويا مرحبا اخوي
انا اصلا معاها اكتشتفت شكثر انا صبورة:)
وهانت باقي لي امتحان واحد
:))



reLaaax
~~~~~~~~~~
واي والله والله حاسه فيج
انا توني قبل جم يوم اسولف حق احلى انجنير،اقولها انا صايرة وقحة
مو انا مو انا
يعني اقدها بويهاا اشكره
واحقر
احقر
وتالي تكسر خاطري وراد فوووووق تحت على طبعي القديم واجاملها
!!
وكل اليي اسويه ماكو فايده
فتره وتعدي بس تعلمت شكثر انا صبورة وطيبه
:)









loyatly
~~~~~~~~~
نحاول تجنبهم ولكنهم احيانا يكونون واقع مفروض
!!
هانت ما بقى شي
ومبروك مقدما
:)





3teej
~~~~~~
ياهلاااا ويا مرحبا
اهم شي انك حاس وهذا اهم شي
:)
يزاك الله خير وما قصرت




طائر بلا وطن
~~~~~~~~~~~~~~~
يا هلا ويا مرحبا يا طائر
اشتاق لك المكان وصاحبته
:)
على فكرة طائر
انا قلت لها اذا سئلوني عنج حق زواج ماراح امدحج حرام اوهق ولد الناس فيج راح يموت او راح يعيش حياته السعيده بالدوانيه بعد الزواج
لازم اكون صريحة معاها
لوووووول
مادري لمن الابيات وودي اعرف
وصلتني كرساله وعجبتني
:)




3teeja
~~~~~~~~~~
هلا بالطش والرش
ياربي تدرين انج تنحبين ولا لا؟
امييييييييييين واجمعين
وركزي على غير الدراسه
خلاص الدراسه هانت
في طموحات اخرى
:pP~
وصاجة والله ربي يشهد احبها لوما هالطبع اللي فيها الله يهديها
:)






الأستاذ بلاليط
~~~~~~~~~~~~~
والنعم والله استاذ بلاليط
نورت المكان حياك الله وشكرا ما قصرت
:)






mishari
~~~~~~~~~~
ياهلااااا
يا مرحباااااا
هلا بالشيخ مشاري
شخبارك؟
يزاك الله خير وما قصرت
وشكرا على الطريقه المبتكرة صراحة
hehehe
:)






بوغازي
~~~~~~~~~
حيالله بو غازي
افا عليك....تنور المكان بكل وقت
مممم افهم من هذا انك زميل حقوقي سابق؟
راح اشتاق للسوالف
وروحه الجامعه
والمواقف كلها
بس اكيد ما راح اشتاق للقلق والكوابيس والنوم القطاعي وانا اخيتك هذي مأساه ابي افتك منها بس
:))





Lawyer
~~~~~~~~~~~
واااااااااااااااااااااااي
واااااااااااااااااااااااااي
تعالي بلملج
looooooooooooooooooooool
باقي لي امتحان واحد الاربعا
وعيشتيني وضع انا للحين مو متخيلته
واي استانست من الحين
:)))






مجرد أنثى
~~~~~~~~~~
شكرا وحياج الله
:)

Expatriate يقول...

مبروك استكانة التخرج

عفوا .. المحامية استكانة