الأربعاء، مايو 02، 2007

درع الأسره:)

صباح الخير...
هذا انا من جديد
افزع من صباح الله خير ،واتفنن في تضيع الوقت الثمين
يعني فازعه من ذاك الفجرليش؟
عشان ادش المطبخ واسوي لي ريوق؟
البس فوطة على راسي واطلع اخذ الجريده واقراها بكل تفاصيها
افتح البلوق واقرر اكتب وتالي اهون
وخلال هالوقت راح تقعد يدتي،طبعا اشلون اخليها تتريق بروحها؟
ابدا وكلا،تأبى المروؤه
اجابلها وما يبقى شي بخاطرها ما انبره نسولف عنه عشان توسع صدرها من الصبح
وبعدين اقرر ستوب اللعب يالله دراسه
،ينزل هذاك المزيون
وي يا زين ذيج الشيبات بلحيته،ويا زين ويهه الصبوحي لا نزل
يا الله هالريال توه شباب ،شاب من حنتي ومواهب اخواني
اجابل ابوي،حتى حليبته احوسها أنا،اشرح له شنو بسوي وماني مسويه واحساسي في هذا الصباح الجميل
يعطني دفعه نفسيه بكلام حلو وبروح الدوام
تالي تقوم امي،اللي اهي يا حياتي نومها قطاعي من الفير تقعدنا صلاه
وتنام
تقعد حق الدوام اختي الصغيره وتنام
ترد تقعد حق دوام اخوي العود وتنام
عاد خلال كل بريك اطل انا بويهها لي تقوم وتشتغل حنتي:
يمه بخاطري اشتري كذا،وبسوي كذا،وشعري بسويه فيه كذا
ترا بسوي حفله لي تخرجت
ترا ان تخرجت بسافر نفس اليوم
يمة انا احس ما راح اتخرج
ثم تبدأ نومه البجي
!!
فترفع يدها للرحمن وتدعو:
يالله ياربي توفقها وترزقها اكثر من كل اللي تبي
ويالله ياربي ترزقها زوج صالح يكمل فرحتي فيها
وما ان نصل لنقطة الزوج الصالح حتى تشتط يدتي:
آميييييييييييييييين يارب العالمين
انظر لهم بغضب:
ليش ما تقومون الليل بعد ادعولي؟
سجدي يمة بالارض بسرعه بسرعه ياالله ولبج
ثم ادخل في نوبه بكاء ثانيه:
تبون تفتكون مني
ليش الزواج كان موضوع عليه تعتيم اعلامي وفجأة صار موضوع كل يوم عندكم؟
.
.
.
.
قلت لكم اني صايره ام دميعه؟
قد يكون هناك شئ ما يضايقني،طبيعه الشئ ربما او تفاهته أحيانا تجعلني اكتمه
اكتم واقتله في داخلي
الى ان يأتي شئ تافه
بسيط
اتفه مما تتصورون
كلمة بسيطة تجلعني ادخل في نوبه بكاء
.
.
.
اتمنى لو ابدل هذا القلب الحار القلق بقلب اقل وسواسيه وحراره
واذا ربي بلغني بسوي درع وبوكيه ورد حق اسرتي الكريمه وراح اكرمهم نفرا نفر في ساحة العلم
:)
.
.
.
.
سألني المدرس بأسى:
مش معقوله عايزة تدرسي 500 صفحة في نفس الاهتمام
في مهم وفي اقل اهميه
في حاجة ننديها من روحنا وفي حاجة نمر عليها مرور الكرام
فين الشفافيه في تقدير الاهميه؟
يا بنتي الحياه عايزة منك ترتبي الحاجات المهمة والاقل اهميه
في حياتك
في مشاعرك
في علاقاتك
مش كل حاجة متساويه
ريحي قلبك يا بنتي
.
.
..
البارحة رحت اصور
يا يالله من فضلك اكتشفت اني افشل انسانه ممكن تصور
مليون فلاش في ثانيه ،ولكي كامل الحريه في الابتسامة التي تريدينها
عشر لقطات استكانه شاقه الضحكة من هني لي هني
!!
تعبت وانا اعيد القطة وبنت خالتي تفرط بالضحك:
ليش تكركرين؟هذي صورة رسميه؟
كتبي تحتها يا سعادتي يا فرحتي
ابتسامه خفيفه وبس!!
بعد معاناه التصوير سأتني المصورة عن جرح في حاجبي ان كنت احتاج ظهوره بالصوره
بنت خالتي صممت على اخفائه وانا صممت على وجوده:اخاف اضيع اذا ما شفته
التصوير..التقاط ابتسامة كاذبه في لحظة تمثلييه،لا اجيدهاابدا
.
.
.
جلست في احد العيادات في انتظار دوري وكانت هي بجانبي،شئ ما فيها غير طبيعي
رقيقه،جميله وذات ابتسامة طيبه،لم تتعب في محاوله فتح حوار معي
لكن هناك شئ ما فيها يجعلني استنكر ملامحها
ساعه وربع اعتقد انها قالت كل ما في خاطرها وعرفت كل ما تريد ان تعرفه عني
مابين السوالف سولفت لي عن قصه تخرجها من الجامعه بتفوق وتقدم 3 اشخاص في آان واحد لها فتزوجت ارداهم
!!اردااااهم
وتقوم فيني الحميه واشتط شطة العالمين:لا تقولين عنه ارداهم
هذا ريلج
هذا ابو عيالج
حتى لو كان ارداهم ،بلعيها يعني لا تقولين لا تقولين
سألتني:تعرفينه؟،طبعا لا اشلون اعرفه
قالت تعرفيني؟ لا منو انتي
انا دكتورة فلانه الفلانيه في كليه ....وبنتي فلانه الفلاني
طلعت المرة كبيرة وبنتها اكبرمني بوايد مشالله
وموعدها تفخ خدود،لانها اساسا خلصت جلسات الشد
!!سبحان الله التجميل صاير مثل قصه القذله
بعد السوالف سألتني انتي مواليد اي شهر؟وايد احس بتقارب معاج
قلت لها عيدميلادي 30 اربعه سكتت مده ثم انتفضت:
ثووووورة؟
انتي ثوووورة؟
بققت عيوني:انا ثوووورة؟
ترد باصرار:انا حسيت انج ثورة تصدقين
ما راح اشرح لكم احساسي
احس النفس وقف وانا اطالعها وعيوني خذت كل اتساع الدهشه اللي فيني:
من صجج؟
قالت اي:انتي من برج الثور
عزت على نفسي لما قالت انا ثوره
قلت لها قولي المرأه الثور على الاقل ،وحتى المرأه الثور ما يازت لي
اييييييييييييه لا طبنا ولا غدا الشر،جان كل هالتعب اللي تعبو اهلي علي اطلع ثورة
hahahaha
ستوب اللعب
بروح ادرس

هناك 14 تعليقًا:

bin3li يقول...

لو ما كنتي كسلانة و أنتي جنين جان كنتي من مواليد برج الحمل
يعني نعية
أهون من مرت الثور
:P

ضحكت على البوست لين ما قلت بس

صبحج الله بالخير :)

6moo7 يقول...

قريت البوست الصبح ومت من الضحك على سالفت الثووره هههههه
انا بعد يوم ارتاح لحد لازم اسأله شو برجك اذا احس انه من اهتماماته
وفيه حد اقوله مواليد اي شهر (:
وحد اتوقعلهم واعطيهم خيارات قبل ما يجاوبون ههههههه

ماشي باقي على الفاينلز
وتضييع الوقت عندج وعندنا الخير
مع اني هالايام ما ارد ارقد بعد صلاة الفير حق الدراسه
بس اللي يستوي غالبا
اني ادور اي شي ثاني اسويه بعيد كل البعد عن الدراسه
الله يوفق اليميع انشالله

مهمومة يقول...

،الله زين املقينج ويه
انتي ل، في بيتنا و اتسوين كل هذا ما اتمر علي ٢٤ ساعه الا امطلغين فيج عيوب الدنيا و يقارنونج بكل البنات الي عاجبينهم

لين تندقرين ، تنطمين
اذكر اخر مره صبيت حق امي شاي و دلعتها قالتلي ليش انا عليله!

Purgatory يقول...

etha kel yoom taktbeeen post cethi, kel yoom gomay wo lebsay foo6at eltafkeer elwardya madree qomozya :)

I enjoyed it.

lawyer يقول...

وااااااااااااااااااااااااااي

اقهرتني

مينوووووووووووووووونه
شنووووووووووو ثوووووووووووره

جليله حياااااااااااااااا

ترا ما احب هالحجوه
ثووووووووووره ويهج

ادري مواليد برج الثووووووووووووووور

بسسسسسسسسسسس مو ثووووووووووووووووووووووووره



كلبه اتحر


الله يوفقج انشاءءءءءءءءءءءءالله

و يخليييييييييييييلج الغالين يا رب

و والدين و الدينهم


ممكن تروحين تدرسيييييييييين

lawyer يقول...

كل عام و انتي بخير
بسسسسسسس اشلون تخرجتي و انتي عمرج 23

انا ليشششششششششش تخرجت عمري 21؟؟

Purplecious يقول...

هااااا استكانه

ما تحلى البوستات الا أيام الدراسة و الامتحانات

واااااي ضحكتيني على سالفة الزواج مع الوالدة يدتج


ياربي ترزقها زوج صالح يكمل فرحتي فيهاوما ان نصل لنقطة الزوج الصالح حتى تشتط يدتي:آميييييييييييييييين يارب العالمينانظر لهم بغضب:ليش ما تقومون الليل بعد ادعولي؟سجدي يمة بالارض بسرعه بسرعه ياالله


لووووووووووووووووووووووووووووووول

امبيييييييه
شنو ثورة وييين قاعدييييين؟؟

الحمدالله الحمدالله اني عذراء

حررررره يا عذالي مافيش مشاكل


لوير

حتى أنا متخرجه عمري 23

بن علي
مشكور على المواقع بس انا اخاف اسوي اب قريد و ينمسح البلوق او يروحون البوستات القديم

Mamloo7a Q8ia يقول...

اولا كل سنة وانتي بالف خير
وعسى ايامج كلها سعادة
وعسى الله يعوده عليج وانتي باحسن الاحوال
ولو اني متاخرة في التهنئة

بعدين
الله يخلي لج اهلج ويخليج لهم

وعسى الله يوفقج ويحقق لج كل ما تتمنين حبيبتي

افا يا استكانة طلعتي ثووووورة
ههههه مسكينة خانها التعبير
الله يهداها الملافظ سعد

Nescafé يقول...

هههههههه ضحكتيني والله
بس قعدت اتخيل ويهج بالموقف مع المرا
;PP

والله يخليلج اهلج ويحفظهم
احلى صباح لما تتريقين معاهم
تحسين بطعم ثاني بهاليوم :>

Яeema يقول...

hehehehehehhehee

أشونه ما وراي دراسه

Almas يقول...
أزال المؤلف هذا التعليق.
Almas يقول...

ياتج الحووووووووتة

الحوت .. من أكثر الأبراج عاطفية وحساسية وتقودهم المشاعر أكثر من أي شئ ثاني

الثور .. أصحاب شخصية قوية وقياديين

بس كلمتها مو حلوة قلت تعبيرات

حرتني والله

ليش معترضة على مسألة الزواج .. وايد بنات يعترضون .. شالسبب؟

عندج هدف بتوصلينله بالحياة ومركزة عليه؟

ماني عارفة سبب عزوف الشباب والبنات في هذا العمر عن الزواج

الشباب نقول مسؤولية ومحتاج وقت لتأسيس نفسه ولحين يقدر يفتح بيت
أما البنات ليش يعارضون .. شنو فكرتهم؟

Sharm يقول...

دمك خفيف اوي

:))))

WaSe3at Ala`aFaQ يقول...

قهقهاااااااااات

وعشنا وشفنا على حد قول إخواننا السوريين