الجمعة، أبريل 13، 2007

تعود

تعود
.تبحث في زوايا هذا المكان عن روح
روح احبتها
اشتاقت لها وافتقدتها
.
.
.
عادت ترتمي في حضن البوح
تلملم جروحها بحنان كلماتها
وتقهقه مع جنون افكارها
.
.
.
هل شعرت يوما بأنك قد سافرت عن نفسك سفرا طويلا؟
هل شعرت يوما بأنك اشتقت لنفسك
لحسها
لأملها
لضحكتها
انا اشتقت لنفسي هنا
!!
اشتقت لحواري دون قيود مع نفسي
لرسومات سذاجتي في حضن الورق
لطفولتي التي كبرت هنا
واحلامي التي رسمتها دون خجل هنا
.
.
.
في لحظة..شعرت بأني لا أجيد لعبه التخفي
او ربما اني افتقدت عفويه قلمي
!!واذا انفضحنا دون قصد وفقدنا عفويتنا في الكلام فماذا تبقى لنا؟
.
.
.
انغمست في تجارب حياتيه فاشله
وتعب دراسي مضني
اشعر بأني كمن يسابق
يركض
يركض
وصل الجميع وظل هو يركض
!!
.
.
.
صبري...انتي في عنق الزجاجه
تغلغصت في عنق الزجاجه
وزجاجتي معنقه
:)
.
.
هل تعرف اكبر خطأ قد نمارسه في حياتنا؟
ان نقسو على انفسنا في سبيل الآخرين
اننعاقبها دون ذنب او جريره؟
ان لا نعطيها حقها في الحلم
في الحياه
في الفرح
وفي تمني الافضل دائما
لما عدت الآان؟
عدت لاني اشتقت لكم جميعا
اشتقت للقلوب الصادقه التي افتقدتني ولم تنسني
اشتقت لمن احبني بصدق دون زيف
اشتقت لأن اخاطب روحي فيكم واسمع صداها بردوكم
فهل اشتقتم انتم الي؟

هناك 39 تعليقًا:

غير معرف يقول...

قالت لي ذات مرة

من يمتهن الكتابة لا يعرف الإستقالة

و أعتقد إنها صدقت
:)


أريد أن يكون لي السبق و لي عودة في الحال

أنا طائر بس الأكاونت خرف

غير معرف يقول...

حسنا .. و بتركيز أكثر

أنا معك قلبا و قالبا

و مؤيد لكل حرف و لكل الأفكار و ما بين
الأفكار

طالما كنتِ مؤمنة و ضميرك مرتاح و لم تجرحي
أو تضايقي أحد فليس لأحد شيئ عندك

الناس مالها شغل إلا الناس .. والله لو صاكة
الباب عليج و مالج إلا الأربع طوف
بعد ما راح تسلمين

و الغريب - مابي اكرهك بأحد - أنهم على
استعداد تضييق مساحاتك الخاصة اللي ممكن
تلاقين فيها راحتك

لكن متى ما ضاقت عليج ما تلاقين ولا واحد فيهم
و كل منهم لاهي بحياته

:

و بعدين شنو سالفة عنق الزجاجة

منعطف في الحياة .. ما هو الوحيد
و في غيره الف منعطف

اخذيها في بساطة .. الحياة جد مو ناقصة
تعقيد


و لا تقسين على نفسج حيل

و لا تحرمينها من شيءاشوفه جميل
و راقي بعد


لا ترضحين للربط غير المنطقي بين الأشياء
و اللي يمكن يعكس نظرة الناس و مو نظرتك

و بالنهاية لا انتي ارتحتي

و لا الناس صفقت لك

ولكم باك
:)
يا استكانة الخير


>>>>> طائر مضيع باس وورده

غير معرف يقول...

وااااااااااااااااي

شيطانة هالبنت ترى
;****

عنق الزجاجة .. قلت لج دهنيه زيت زيتون منه مفيد للبشرة و منه يزحلق
;D

نووووووووووووووور
هالدنيا
والله

انا ما اشتقت لج .. اشتقت حق استكانة
:***


وييييييييييييي
في شي بالكومنتز حتى انا مو راضي يدخلني بكاونتي مع اني مو ناسية الباس وورد
!!

انا احلى
;D

EsTeKaNa يقول...

طائر بلا وطن
~~~~~~~~~~~~~
سعيده
بل ان كلماتي تنبض بكل سعاده
اشتقت فعلا لحوار الرقي
والفكر
والاحساس
هنيئا لي بطائر يقرا الافكاروما بين الافكار
!!
كل كلمة كتبتها بصدق وجدت لها وقع في قلبي،وكأنك عرفت كل تفاصيلي
:)






a7La_eNg
~~~~~~~~~~~~
هلا بالحلا والزيييييييييين كله
ها شرايج فيني وبقراراتي المفاجئه؟
:)
الله لا يخليني ولا يحرمني منج
على الملأ
جدام كل الناس
لازم اقول ...هالبنت اهي القلب الوفي
والاحساس الصادق
والاخت
والام
والصديقه
اللي تتحمل كل جنوني ووضحكي ودموعي
الله لا يحرمني منج
:**

6moo7 يقول...

استكانه
تدرين اني ما حذفت بلوقج من الفيفورت
كان عندي احساس انج بتردين
كنت يالسه اشيك جان رديتي
ما يحتاي اقولج عن ردت الفعل ههههههه
اظني الفريج كله سمعو اليااااااااي
اشتقتلج
واشتقت لكتاباتج واحساسج
كل يوم ازداد قناعه فحقيقة
انه مالنا بد من الكتابة
الكتابة شي حلو و يعتبر متنفس
حتى لو مارسه الانسان مع نفسه ولنفسه
ولكم باك
^_^

Purplecious يقول...

WELCOME BACK
WELCOME BACK
WELCOME BAAAAAAAAAACK

الحمدالله على السلااااامه
الحمدالله على البلااااغ

شنو هالمفاجأة الحلوة
و أخيرا راح أشرب شاي
:)

خبرج من يوم ما انقطعتي عن التدوين أنا انقطعت عن شرب الشاي

حااااااالفه ما أشرب الا من استكانتج
بس كثري السكر الله يعافيج
ههههههههههه


بشرينا شلون الدراسة؟
كلو تمام؟
حديدن سهل انشاءالله
الله يوفقج و يرد لنا باجي المدونين اللي انقطعوا

اللي يبي يدش لازم يسوي
SWITCH TO GOOGLE ACCOUNT
عشان يعلق باسمه

عوداً ميموناً
وايد استانست
:)

QiYaDiYa يقول...

ماااا اصدق ماا اصدق ..

و اخيرا ؟؟

كنت انطرج و ادري انج راح تردين ..

ما صدقت لما قريت البوست ..

عبالي اتخيل او مضيعة !!


اكيد كنتي يايه تهنيني بيوم ميلادي بالرجعة هذي ;p >>> ثقة

والله من قلب استانست ..

و تبين تعرفين اذا ولهنا عليج ولا لأ ..
شوفي هالبوست ..

http://qiyadiya.blogspot.com/2007/01/blog-post_24.html


و حياج الله ..
صج صج صج من قلب استانست =D

سالفة قلب يقول...

كنت على يقين انك لن تحرمينا جلسة الشاي الممتعه معك..أتعلمين عزيزتي انني افتقدت وجودك..وارتشاف حروفك وملامسة صدق شعورك!!! ان المشاعر التي تقاسمنها لم تكن سطورا دونت فوق الورق انما تجاوزت حدود قلبك لتصل الينا بكل عفوية الصدق ونقائه
استكانه...هل ابارك رجوعك ام ابارك نفسي ؟؟

كوني انتِ وسطري حروفك دون رتوش كوني كما عهدناك عطراً يفوح حبا وصدقا وبراءه



بصدق اشتاق قلبي لأن اكون هنا
http://teyaby.blogspot.com/2007/01/blog-post_17.html#comments

mishari يقول...

اخيرااااااااا
زين يا معودة رجعتى
شلج الله يهداج بالقطعه اللى مثلج ما يقطعون وكلنا عندنا مشاغلنا ولكن تنظيم الوقت
التنظيم
التنظيم
التنظيم
وكل شى يكون ناجح بتفوق باذن الله

:)

Alather يقول...

الحمدلله عالسلامة

والله فرحنالج

وكلمااتج حلوة

ويكفي ان الواحد متيقن من افعاله فما يندم على تصرفاته .. لان بالبداية والنهاية اهو مقدر النتايج الترتببة

حياج الله من يديد
صج ردت روح البلوق
:)

lawyer يقول...

تبييييييييييييين الصج
ووووووووووووووووووووالله

والله ولهناااااااا عليج

فوووووووووووووووق
ما تتصورين
اشتقنا لج


فوووووووووووووووووق ما اتخلينيييييييييييين

وربي دمعت عيوني لما قريت كلماااااااتج




احبج

لوير

بس مدري اشفيه البيتا معلق معاي

qalm-jaf يقول...

كما يقال
الآخـــــــرون هم الجحــــيــم

اما الاقربون اولى بالمعروف ولكن؟
قلبك ....روحك
هم الاقرب
اليس كذلك
(:

اهلا بك من جديد
.
.
كريم يابرق(ن) على دار نورة
نورات واجد.. مير فى نورها زود
(:

a7La eNG يقول...

قلم قلم قلم

اسمي بالبيت اللي قلته و الا يتراوالي

( نووورة )

امبلى اسمي

;D

شكرا

ادري غصب بس اسمي موجود
!

----

استكانة .. ما ادري ليش
كل شوية داشة اهني انا
!!

فرحت لأسباب خاصة
و أحس و أحس

و أحس

و الا شرايج انتي

:***

barrak يقول...

ايه مشتاقين للوفى والطيب وعنفوانه
ايه الدنيا نقصت ود ووفى وعذوبة
ايه لك بعالم المشاعر منزل ومكانه
ايه بغيابك نسينا الحنان ودروبه
كل سأل عنك بغيابك مو بس انا
كل حس انه روحه من بعدتي مسلوبه
حرام عليك كل هالغيبه ياإستكانه
الدهر فيه حلاة رغم قساته وعيوبه

Expatriate يقول...

Welcome Back

Estekana :)

على فكرة هذي ثانية مرة تسوينها تروحين وترجعين بعد قطعة

7osen يقول...

اهلا بعودتك

بالفعل اشتقنا لوجودك كثيرا

فلحروفك لغه من الصدق والشفافيه نادر وجودها

هنيئاً لنا بعودتك

نحن بإنتظار جديدك وابداعاتك

شكرا على العوده

تحياتي لك

Purgatory يقول...

I thought I left a comment, but it does not show.

Welcome back, so what did you do to the "other" estekana?

sologa-bologa يقول...

الحمد لله على السلامة

عودا حميدا محمودا
إلى التدوين مرة أخرى


ودمتم بحب وود

bin3li يقول...

ما أقدر اقولج أهلاً و سهلاً لان هذا مكانج و بيتج و أنتي إللي فتحتي لنا الباب
فأهلاً و سهلاً فيني عندج
:P

و دامج رديتي المفروض يا الغالية يا العزيزة ما تحطين هالبوست
المفروض تحطين سالفة على طول
أنتي يوعانة تسولفين و نحن ميتين يوع نبغي نقرأ و نتفاعل

فليش هالمقدمات؟
حار بحار
:P

و بعدين دخيلج غيري شكل البلوق
يذكرني باليوم المشؤوم
يحتاج تحطين لون غريب مال الساسبينز
جذي ، لون وحشي
نمري، سفاري

شي صارخ جذي يقرب البعيد و بعد القريب

أصفر فسفوري مقلم بأحمر و ليتات خضر

علم تنزانيا

يخلي الشاشات تطفي و تشتغل من روحها

آآآآخ
و الله مدوخ
ما صارت حمى ، أسبوع!

المهم، أبغي لو سمحتي يا أختي العزيزة
شاي كرك و سندويج زعتر الله يخليج
طاولة رقم 13

و أحلى إنجنير ما تقعد بالطاولة إللي ينبي، تقعد بعيد وين الكاشير هناك
هذا المكان كله حقي أنا بروحي ، ابغي استجم و أتأمل تفاصيل حياتي
و لو سمحتي موسيقى هادية أو فيروز و إذا ماعندكم ، حطوا اغنية كتاب حياتي يا عين

و كل الموجودين لهم شربات بس على حسابهم
:P

و حياني الله عندج مرة ثانية
:P

a7La eNG يقول...

بن علي
@@
مريض لي الحين ؟؟

فكر تصير طيب معاي يمكن هذي حووبتي
!!؟

;D

على فكرة .. انا اللي صافة الطاولات
و حاطة لي وحدة
VIP
باحلى زااااوية

ما يطووفني شي
هاهاها
آل عند الكاشير آل

سكرنا يا عمي .. لي الحين قاعد

;p

manager of the estekana rest/cafe

لاحظي اني مستحلة المكان

هههههههههه

بس اهما ايبون طاريي

:D

w happy to see Estekana again
mn ams w ana happy ..

دعواتكم باجر ثيرموووو
:)))))

bin3li يقول...

وين الزواية؟

الكافي شكله دائري!!

و بعدين حد يصف الطاولات جذي؟
ناقص سبورة و ينجلب المكان صف

يالله ، قوود لاك في الثيرمووو

q8-diver يقول...

العود أحمد
وننتظر جديد جعبتك
:)

________
هل تعرف اكبر خطأ قد نمارسه في حياتنا؟
ان نقسو على انفسنا في سبيل الآخرين
________

و ما أكثر الأخطاء التي نستمر بها ؟

محـــــارة يقول...

لأحلى أستكانة .. طالما اعتبرت من علمني حرف أو وجه لي لو ملاحظه بسيطه أحمل له الشكر الجزيل وأتذكر تقيمه لي بكل خطوة أتقدم بها للأمام

الأكيد أننا لانعرف بعض لكن الأهم أنك كنتي من من ألهمني لأن أنشأ مدونه وأبدأ الكتابه .. حركني حبك للكتابه بأن أخرج مابداخلي لهذا العالم

قد نكن مختلفين أو متشابهين لكن الأهم أحاسيسك وكتاباتك كتبت بصدق فوصلت لقلبي بالعمق نفسه .. اعشق من يكتب ويتكلم وهو محترم ومحب لنفسه قبل الاخرين لأنه سيكتب وهو مزيل كل الأقنعه

واصلي بشاي بالنعناع :) عزيزتي

3ateeja يقول...

جدا جدا ؟؟؟فقدناج وفقدنا بوستاتج اللي طول شنق بن عنق

غير معرف يقول...

تخيلو انا استكانه
ماني قادره ارد
!!
عذرا البلوق مغبر ويبيله شغل
واااااي انا احبكم كلكم

غير معرف يقول...

6mo7
~~~~~
هلا وغلا بالطموح كله
كاشف احساسج شغال عدل
!!ما شاء الله
انا نفسي ما كنت اظن اني برد
بس الشوووووق للكتابه والبلوق يهدم كل القرارات بلحظة
:)
سعيده بكلماتك
وسعيده اكثر بتواجدك الجميل
:)








Purplecious
~~~~~~~~~~~~~
يا هلا ويا مرحبا
افا عليج..استكانه بس؟
مطاطير متروسه الله وكيلج
وكلها شكر عشان خاطرج انتي بس
:)
يا بعد قلبي والله..انا بخير الحمدلله وكل اموري تمام،انتي شخبارج؟
بشري عنج؟







QiYaDiYa
~~~~~~~~~~~~~
!!ياربي هالبنت احبها لله في الله
هلا وغلا يا القياديه
والله نورتي المكان
كاني
كااااااااااني
مو مضيعه
هذا بتيج ومكانج
:))
ترا البوست المكتوب حسسني بشي مو طبيعي
تعرفين لما تييج هذي القرصه اللي بالقلب من داخل اللي ااااااه جذي بتبجين؟
صج صج الصدق والاحساس الصادق نعمه ربي رزقني فيها معاج انتي بالذات
يزاج الله كل خير يا الغاليه
وترا فعلا..القلوب شواهد
!!








سالفة قلب
~~~~~~~~~~~~
حاولت قدر الامكان انتقاء الفاظي
واستحثيت الاحساس في داخلي لينظم لكي احلى كلماتي
حاولت ان اجد في داخلي تعبير رقيق
وكلمة جميله
!!ولكنني ما استطعت
أحبك في الله
احساسي في هذه اللحظة بالذات
لكي انتي فقط
لا تضحكين
!!
ابي المج
:)))






mishari
~~~~~~~~~~~~~
حياااااااللله مشاري
هلا بالطيب الغالي
هلا بالمنظم
هلا بقدوتي واخوي
شكرا على نصيحة االتنظيم
والله كريم ان شاء الله
:)





Alather
~~~~~~~~~~~~
الله يسلمج من كل شر
انا اللي ردت روحي بهالتعليقات الصادقه والحلوة
الله لا يحرمني منكم
:)





Estekana

غير معرف يقول...

Lawyer
~~~~~~~~~
يا بعد قلبي قلبج انتي
عسى عينج ما تدمع الا من فرح
وعساج ما تفقدين لا عزيز ولا غالي يا الغاليه
:**






qalm-jaf
~~~~~~~~~~~
فعلا..هو كذلك
سعدت بوجودك اكثر من ما تتصور
اخ من كم سنه؟
من سنتين تقريبا
:)
بشرني عنك يا قلم اتمنى كل امورك تمام؟







a7La_eNg
~~~~~~~~~~~
فرحتج فرحتي
بس لازم استغل الفرحة عدل
الحين انتي قاعده تدرسين وراج امتحان
واذا خلصتي بتجابلين البلوق ترتبين اللويه اللي انا فيها على ما اخلص انا دراستي
:PpP~








Barrak
~~~~~~~~~~
ابتسامه عريضه
وخجل يساور كلماتي
لا اجد مما يليق بشكرك
ولا ما يجاري رقتك
شكرا...من اعمق نقطة في روحي
:)







expat.
~~~~~~~~
اهلا وسهلا
حمدلله على السلامة نورت الكويت اخوي
:)
وصح ثاني مرة
اريحكم مني شوي وارد







7osen
~~~~~~~
شكورا لوجودك المميز دائما
:)
كيف حالك وماهي اخر اخبارك واخبارك دراستك؟
اتمنى انك تكون باحسن حال







Purg.
~~~~~~~
اهليييين شخبارك؟
استكانه كنت معطيتها اجازة
:)






sologa-bologa
~~~~~~~~~~~~~~~~
الله يسللمك من كل شر
وشكرا من القلب
:)





Bin3li
~~~~~~~~
يا هلا
ويا مرحبا
نور نور هالمكان
فرشنا لك السجاد الاحمر
والورد مزين كل طريقك من الامارات لي عندي.....افا عليك تامر امر يا بن علي
انته الراعي الرسمي حق هالبلوق
:)
بس عن التحرش باحلى انجنير
:pPP~
خبرك البلوق مغبر بعد هالغيبه يبيله تصليحات بس عطوني وقت شوي لانه انا حياتي بعد فيها تصليحات كثيرة:))







q8_diver
~~~~~~~~~~
ياهلا ويا مرحبا اخوي
اتمنى انك بخير:)
.
.
.
هل الأخطاء التي نكتشف متأخر جداا انها كانت أخطاء
:)






محاره
~~~~~~~~
محاره...من عمق قلبك كتبتي هذه الكلمات
لانها وصلتني بسرعه البرق وبصدق ذاك القلب الرقيق الذي كتبها
:)
شكرا يامحاره
شعرت بذاك الاحساس الخفي من السعاده يتسلل لقلبي مع كلماتك الجميله
:)







3ateeja
~~~~~~~~~
هلاب الطش والرش وماي الورد بالقرش
هلا بشيخة الزين والله
وانا بعد اشتقت لج واشتقت حق هالحجيات اللي تزوق القلب
:)






Estekana

bin3li يقول...

استكانة إنتي مغيرة اسمج؟

طالع عندي (إحساس) !!
e7sas!!

عسى ما شر؟

Яeema يقول...

heyyaaaaaaaaaaaaaaaaaaaaaaa

عدتي و العود أحمدي

عاد إنتي صلحي أحمدي و إلا أحمدوا

:p


حياج الله

و مكسب لعقولنا كتاباتج

من عشاق قلمك


دمتي بإستمراريه دوما

Purgatory يقول...

Since you are back, and witha new blog, I recommend starting in wordpress.

بوجسووم يقول...

قلولولولويش


الحمد لله على السلامة اختي استكانة،،،
ما بغيتوا ترجعون ..


الصراحة لكم أثر بعالم المدونات الكويتية أثر كبير وواضح نترقب يديدكم ، ومن طول الغيبات ياب الغنايم ..

بهالله هالله بالجاي الأحمر والأخضر واللومي وجاي بالزعتر ..


اخوكم بوجسووم
www.bojsoom.net

78o8eYa يقول...

اللي يحب عمره ما ينسى

واللي ينحب عمره ما ينسي


العودة كانت متوقعة بأي وقت
وتسعدنا جداً عودتك الميمونة


الحمدالله على السلامه
وحياج في بيتج ومكانج

ما أوصيج

نفضي كل الغبار
وبطلي الدرايش المسكره
نبي نقعد نشرب استكانة جاي
ونسمع سوالفج الحلوه


استكانه
والله لج وحشه

لا تعيدينها

أحبج
:*

nadoya يقول...

heya heya heya estekana is back .... blogger kan '6alma bedonech .... don't do it again .... i missed swalfech so much ...

Mamloo7a Q8ia يقول...

اولا الحمدلله على السلامة وان شاء الله ما ننحرم منج مرة ثانية
ثانيا والله العظيم كنت ثاني تعليق واليوم اشوف تعليقي مو موجوووووود
ماذا يجري يا هل ترى؟؟؟

Q8LoVeR يقول...

من طول الغيبات ياب الغنايم
عودا حميدا
مديدا
ورونقا جديدا
واهلا بك مائة والفا

esTeKaNa يقول...

bi3Li
~~~~~~~
خطأ تم تداركه
شكرا
:))





reeema
~~~~~~~~~
يا بعد قلبي انتي
مكسب لاستكانه وجودكم الحلو حواليها
اللهلا يحرمني منكم
:)




PURG.
~~~~~~~~
شكراا لننصيحة
:)




بوجسوم
~~~~~~~~~
واي واي شنو هالرد اللي يونس؟
انا من سمعت اليبااااب وانا الضحكة من هني لي هني
:))
شكرا يا بوجسوم الله يونسك بالعافيه مثل ما وسني ردك
:)




nadoya
~~~~~~~~~
هلا بالنداوي والله
يا بعد قلبي قلبج
عساج ما تفقدين عزيز ولا غالي
والبلوق اليوم منور فيكم
واي ترا ونستيني
:))







q8i mmlo7a
~~~~~~~~~~~
هلا بالملح كله والله
عاد ثاني ولا اخر
كلهم ونسوني ووسعو صدري عسى الله لا يخليني منكم قولي امين
فقدتكم وايد من غير شر
:)

QiYaDiYa يقول...

ليش انزين تمنعين فرحتنا بالبوست اليديد !!

ليش مسكرة الكومنت !!

;p

والله خوش فكرة ..
خلاص عرسج نسويه بالصالة الي يم مرينا عشان الزفة تكون بالمجمع ;p

وصح كلامج التكلف الزيادة عن اللزوم يعدم الفرحة الي اهي اساس الحفلة ..
و هالشي اهو الي يخليني استعسر بالحفلة .. تحسين انه الوضع مو مريح من اول ما تشتلاين البدلة لي اخر دقيقة فيها !!
و بس تبين تفتكين !!

و اهو بالاساس فرحة و وناسة ..

بس مين يسمع !! ='/

------------------
بره الموضوع :
كنتي موجودة بحفلة حقوق للمتفوقين امس ؟؟ ;p

عيون الحب يقول...

يمكن انا مب متابعة جيدة نفس البقية ماشاء الله ..

بس انفجعت لما دخلت وشفت The End

من يومها لين الحين وانا ادور على الاجابة .. ليش هالنهاية ؟؟

بالرغم من اني يمكن ما اقرا كل شي بس احب اطل واشوف شو جديدج حتى لو ما علقت عليه ..

ومن يومها وانا كل فترة اجيك لعلي ألقى اجابة للسؤال ..

كيف طاوعج قلبج تمسحين كل المواضيع اللي طافت ؟؟ وهل بيطاوعج مرة ثانية؟؟

عن جد دقيت على موقعج وانا حاطة عيني على مكان كلمه The End وماتتخيلين شكثر استانست اني شفت كلام غيره ..

حتى اني قلت معقووولة لووووول ..
أحلى باك استكانة ,, عن جد أحلى باك ..

وحشتيني وياريت ما تعدينها :@

Nescafé يقول...

مااصدق استكانه ردت
وناسه
من كثر الوناسه خاني التعبير ماادري شكتب بس فجأه الكشره من اهني لي اهني
;D
WELCOME BACK